ديوان الشاعر الرأوي / فواز ابن غسلان / ويشمل رواياته التي يرويها لنا ويكتبها بقلمة النير

[فواز الغسلان]

بسم الله الرحمن الرحيم الاشقر الساطي!!!

اخيل من فوق القريات براق=يلعج بعيد وعاد للقلب شوقه
برقن شعق ضوحه للاشواف سراق=يوضي بغيمن كالقطايف طبوقه
اشعل بقلبي بارقه نار الاشواق=منها الضماير واسعاتن شقوقه
جعله على دار المداهين خفاق=دارن بها الضيفان تاخذ حقوقه
دار اشقرن ساطي للاجوال لحاق=لاهده الصياد واطلق سبوقه
له مخلبن حده للازوار شلاق=مع هدتن تدمي ثنادي فروقه
من ماكرن لمعاند الخرب خناق=واللي يهوزه غصب يمزر عروقه
حاف الفياض الخضر من كل الاشناق=وكم صيدتن يمناه تنثر شلوقه
دم النحر من صفق يمناه دفاق=تشبه لابومتعب سلايل اعموقه
وكفه على سلطان للخرب صفاق=وعينه على نايف تقادح حدوقه
وصدره على سلمان للصيد منساق=الخرب من يمناه صعبن عتوقه
طيرن يخم الصيد من كل الأرناق=وفي كف شيخه هادياتن خلوقه
ريشه تشادي صفته صف الأوراق=وعينه كما الجوهر لعج وسط سوقه
ما طار قدامه من الصيد ينعاق=عريض منحر وارماتن شدوقه
أقصد حمد راع المراجل والأوفاق=نفسه على شلق الذبايح شفوقه
ما داور البيعات في وسط الأسواق=الا يشيل الحيل يقطع حلوقه
مثل المطر يمناه دفاق رفاق=لاطاح تخضربه مسايل فلوقه
في مجلسه تسمع من الهرج ما لاق=والبن الاشقر من كفوفه تذوقه
للبن الأشقر لالفى الظيف حراق=ومن الصخى نفسه حنونن لبوقه
الصبح بالهاون بالأنجار دقاق=والتمر يجدع لك نوادر عذوقه
للنار شبابن وللظيف غباق=ما هاب من سود الليالي فتوقه
بيته لمضيوم الحشى صار مشراق=والجار يامن من بوادر عقوقه
مع طيب كفه حايزن طيب الأخلاق=ونفسه بضيق الوقت ماهي زهوقه
هذا رفيقي وافتخر عند الارفاق=لياهاب من لاش المراجل عموقه



من اشعار الراوي ابن غسلان

[فواز الغسلان]

(( وداعة السرحان من الويبار ))




كان اثنين من السرحان (من الويبار من عبده) يقومون بتوصيل الحجاج الحضر من المدن إلى بيت الله الحرام(التحجيج) , لأن الحاضرة (الحضر) لا يعرفون الطريق . و كانت إحدى النساء من أحد القبايل(قيل انها ضفيريه) وكان لها ثلاثة من الأولاد في منتهى الوسامه والجمال, فذهب الأول مع مجموعة من الناس للحج ولم يرجع , ثم ذهب الثاني و أيضاً لم يرجع , و بقي لها ولد واحد فطلب من أمه أن يذهب للحج , لكنها رفضت خوفاً عليه من أن يكون مصيره مصير من سبقه من إخوته . فألح عليها . فقالت : لن تذهب إلى الحج إلا بعد أن أقوم بتوديعك مع مجموعة من الناس , فأخذت تتجول بين القبائل حتى توصلت إلى اثنين من السرحان , فقامت بتوديع ولدها معهم . و عندما ذهبوا للحج , حجوا حتى وصلوا لفريضة الوداع (طواف الوداع) ؛ فلم يجدوا الولد (الوداعة) , فبحثوا عنه فلم يجدوه فأخذوا و أرسلوا ما معهم من الحضر (الحجيج) مع بقية رفاقهم . و جلسوا هم يبحثون عن الولد في كل مكان , حتى وصل الحج الثاني (السنة التالية) , و أخذوا يستقبلون وفود الحجاج القادمين من المناطق (كاليمن و الشام و العراق و حتى السودان) , لكنهم لم يجدوه و عندما أدوا الحج استمروا في البحث عنه و جلسوا يتنقلون من مكان لآخر ولم يجدوه , حتى جاء الحج للسنة الثالثة , و وجدوه مع نساء يطلق عليهن المغنياه (كانن تابعت للجيش العثماني) كانن يسحرن الولد المزيون ويبقى عندهن فلما مسكوه أبا (رفض) أن يذهب معهم لأنهن كانن معطياته سحر (ساحراته) . فقالوا لهن (السرحان) : إما أن تنقضن السحر (تفكنه) , و الا نقتلكن . فنقضن السحر و رجع الولد كما هو , فقال الولد : تكفون أخواني عندهن . وافزعو له وأرجعوا أخوانه . ولما أرادو يرجعوا كان معهم اثنين من الابل , وكان أول مأتوا معاشير (لقحات) ,فأصبحن الان خلفات فقاموا بتبديل البكار بذلول واحدة و أرجعوهم إلى أمهم (الأولاد الثلاثة كلهم) . فألقت أمهم هذه القصيدة




أحمد رب البيت و أشكر عطاياه=الخير المعقل على المذهبيني
الله كريمٍن ما تقطع عناياه=و للمعجزه ربك كريمن يعيني
وداعة السرحان نعم الوداعاه=ياكودها وقويوا لها الغانميني
من قبلهم محد (ن) قويله و سواه=على الخوي حرجوا ثلاثة سنيني
داروا وراء وصفه و شكله وحلياه=ثلاث سنين هاجروا صابريني
و من عقبهن لقوه عند المغناه=سحار ربي يقطع الساحريني
و قالوا عطيه علاج الاسحار ودواه=و الا إجعلي نفسك من الميّتيني
و أعطته ضد السحر و الله نجاه=و منها صحى و أذهن بعقل (ن) فطيني
و قال أخوتي اللي بالسنين القديماه=في مثل حالي عندهن شوف عيني
فزعوا لهم بالسيف عند اللعيناه=و قال انقضيهم يا بنات اللعيني
كلن سلم والله من الموت شافاه=وصحوا و جابوهم من السالميني
عزوا وداعتهم وساروا على رضاه=و شروا له من الهجن عوصا سميني
و جابوه للي ودعتهم وصاياه=و جابوه هو واخوانه الضايعيني
طيب(ن) لراع الطيب من فعل يمناه=نعم(ن) بهم من لابتن طيبيني
تنشر لهم بيضاء على كل منحاه=بي كل دور و خطة المسلميني
بيض(ن) لهم مثل الخيام المبناه=تبنا لهم في كل عالي بطيني




جلوس السرحان هذه المده وجزمهم بعدم الرجوع الا والوداعه معهم لو بقوا العمر كله مفخره يحق لنا

ولجميع القبيله الفخر بها وقد جلست اسبوعين ابحث واجمع اطرافها بمساعدة الاخ موزان الريس الويباري

والاخ مانع السرحاني واستطعنا بفضل الله الامساك باطرافها ممن بقي من كبار السن وانزلتها هنا لكي

تحفظ من الضياع مع ماحفظناه سابقا بفضل الله تعالى000

يالها من قصه رائعه تستحق الحفاظ عليها000

ماقلت لك يالرطاب ان تاريخ الجماعه اكثره ماطلع الى الان يالعزوه بس همتكم يالعزوه000


الراوي فواز بن يحي فهد الغسلان البقعاوي

[فواز الغسلان]

بسم الله الرحمن الرحيم


الشعر العربي الفصيح بفصوله الثلاث (الجاهلي-الاسلامي-الحديث) له


روائع بقيت عالقه في اذهان محبي الشعر واستشهاداتهم ومحاوراتهم


لما فيها من الروعه اللفظيه والحكميه مثل قول (ابوذؤيب الهذلي) :







هل الدهر الا ليلة ونهارها=والا طلوع الشمس ثم غيارها
ابى القلب الا ام عمرو واصبحت=تحرق ناري بالشكاة ونارها
وعيرها الواشون اني احبها=وتلك شكاة ظاهر عنك عارها
فلا يهنأ الواشين ان قد هجرتها=واظلم دوني ليلها ونهارها
فأن اعتذر منها فأني مكذب=وان تعتذر يردد عليها اعتذارها



وهي رائعه جميله وهناك البيت الثالث دائما يستشهد به اذا عايرك

احد فيما لاعيب فيه وفي السيره ان شخصا غضب من الامام علي بن

ابي طالب رضي الله عنه فقال له (يابا تراب) ظنا منه ان هذا اللقب عيبا

ولم يعلم ان النبي صلى الله عليه وسلم هو الذي سماه ابو تراب0 عندها

ضحك علي رضي الله عنه وقال(وتلك شكاة ظاهر عنك عارها)00

او قصيدة علي بن الجهم (الرصافيه) وقصته المشهوره مع الخليفه

العباسي المتوكل وهي كالتالي:

قدم علي بن الجهم على المتوكل - و كان بدويًّا جافياً - فأنشده قصيدة قال فيها :





أنت كال كال*** في حفاظك للود=وكالتيس في قراع الخطوب
أنت كالدلو لا عدمناك دلواً=من كبار الدلا كثير الذنوب



فعرف المتوكل قوته ، و رقّة مقصده و خشونة لفظه ، وذ لك لأنه وصف

قوي كما رأى و ‏لعدم المخالطة و ملازمة البادية . فأمر له بدار حسنة على

شاطئ دجلة فيها بستان يتخلله نسيم ‏لطيف و الجسر قريب منه ، فأقام ستتة

اشهر على ذلك ثم استدعاه الخليفة لينشد ، فقال :‏





عيون المها بين الرصافة والجسر=جلبن الهوى من حيث أدري ولا أدري
خليلي ما أحلى الهوى وأمره=وأعرفني بالحلو منه وبالمرَّ !
كفى بالهوى شغلاً وبالشيب زاجراً=لو أن الهوى مما ينهنه بالزجر
بما بيننا من حرمة هل علمتما=أرق من الشكوى وأقسى من الهجر
و أفضح من عين المحب لسّره=ولا سيما إن اسرعت دمعة تجري
وإن أنس للأشياء لا أنسى قولها=لجارتها ما أولع الحب بالحر
فقالت لها الأخرى : فما لصديقنا=معنى وهل في قتله لك من عذر ؟
صليه لعل الوصل يحييه وأعلمي=بأن أسير الحب في أعظم الأسر
فقالت أذود الناس عنه وقلما=يطيب الهوى إلا لمنهتك الستر
و ايقنتا أن قد سمعت فقالتا=من الطارق المصغي إلينا وما ندري
فقلت فتى إن شئتما كتم الهوى=وإلا فخلاع الأعنة والغدر



فقال المتوكل : أوقفوه ، فأنا أخشى أن يذوب رقة و لطافة !

خاف المتوكل ان يذوب هو من لذة الغرام00


او قصيدة ابوفراس الحمداني:






اراك عصي الدمع شيمتك الصبر=اما للهوى نهي عليك ولا امر
بلى انا مشتاق وفيني لوعة=ولكن مثلي لايذاع له سر
اذا الليل اضواني بسطت يد الهوى=واذللت دمعا من خلائقه الكبر
معللتي بالوصل والموت دونه=اذا مت ظمئانا فلا نزل القطر



هذي انا اللي اخاف اذوب اذا سمعتها كما فعل الخليفه المتوكل بسابقتها

الرصافيه000

والشاهد ان من الروائع ايضا قصيدة ((البرده)) للبوصيري المولود في

صعيد مصر عام 608 هجريه والتي مدح بها

النبي صلى الله عليه وسلم لكنه تجاوز الحدود الشريعه في وصفه للنبي

صلى الله عليه وسلم حيث وصفه باوصاف ليست الا لله سبحانه لاشريك

له فيها0 و لولا تجاوزه العقائدي هذا مما حدى الناس للابتعاد عنها خوفا من

تأثيرها العقائدي على الناس لسمعتها على كل لسان وقد سماها البرده

تشبيها لقصيدة كعب بن زهير رضي الله عنه والتي مدح فيها الرسول صلى

الله عليه وسلم ومطلعها :





بانت سعاد فقلبي اليوم متبول=متيم اثرها لم يفد مكبول
وماسعاد غداة البين اذ نظرت=الا اغن غضيض الطرف مكحول
اضحت سعاد بارض لايبلغها=الا العتاق النجيبات المراسيل



علما ان البوصيري جارى هذه القصيده ايضا بقوله:






إلى متى أنتَ باللذاتِ مشغولُ=وَأنتَ عنْ كلِّ ما قَدَّمْتَ مَسْؤُولُ
في كلِّ يومٍ تُرجى أن تتوبَ غداً=وَعَقْدُ عَزْمِكَ بالتَّسْوِيفِ مَحْلُولُ
أما يُرى لكَ فيما سَرَّ من عملٍ=يوماً نشاطٌ وعَّما ساء تكسيلُ
فَجَرِّدِ العَزْمَ إنَّ الموتَ صارِمُهُ=مُجَرَّدٌ بِيَدِ الآمالِ مَسْلُولُ
واقطع حبالَ الأمانيِّ التي اتَّصَلتْ=فإنما حَبْلُها بالزُّورِ مَوْصولُ
أنفقتَ عُمركَ في مالٍ تُحَصِّلُهُ=وَمَا عَلَى غيرِ إثْمٍ منكَ تحصيلُ
ورُحْتَ تعمرُ داراً لابقاءَ لها=وأنْتَ عنها وإن عُمِّرْتَ مَنْقُولُ
جاءَ النَّذِيرُ فَشَمِّرْ لِلْمَسِيرِ بلا=مهلٍ فليس مع الإنذارِ تمهيلُ
وصُنْ مَشِيبَكَ عنْ فِعْلٍ تُشانُ به=فكلُّ ذي صبوة ٍ بالشيبِ معذولُ



الا ان قصيدته البرده الاساسيه هي (ميمية) القافيه تعتبر من احلى القصائد

واجملها لولا مخالفاتها الشرعيه التي ذكرت ولعلي اسطر لكم بعض هذه

الرائعه شعريا والمرفوضه مضمونا ومعانى ومنها:





أمن تذكر جيرانٍا بذى سلم=مزجت دمعا جَرَى من مقلةٍ بدم
أََمْ هبَّت الريحُ مِنْ تلقاءِ كاظمةٍ=وأَومض البرق في الظَّلْماءِ من إِضم
فما لعينيك إن قلت اكْفُفا همتا=وما لقلبك إن قلت استفق يهم
أيحسب الصب أن الحب منكتم=ما بين منسجم منه ومضطرم
لولا الهوى لم ترق دمعاً على طللٍ=ولا أرقت لذكر البانِ والعلمِ
فكيف تنكر حباً بعد ما شهدت=به عليك عدول الدمع والسقمِ
وأثبت الوجد خطَّيْ عبرةٍ وضنى=مثل البهار على خديك والعنم
نعم سرى طيف من أهوى فأرقني=والحب يعترض اللذات بالألمِ
يا لائمي في الهوى العذري معذرة=مني إليك ولو أنصفت لم تلمِ
عدتك حالي لا سري بمستتر=عن الوشاة ولا دائي بمنحسم
محضتني النصح لكن لست أسمعهُ=إن المحب عن العذال في صممِ
إنى اتهمت نصيح الشيب في عذلي=والشيب أبعد في نصح عن التهمِ
مولاي صلي وسلم دائماً أبدا=على حبيبك خير الخلق كلهم
فإن أمارتي بالسوءِ ما أتعظت=من جهلها بنذير الشيب والهرم
ولا أعدت من الفعل الجميل قرى=ضيف ألم برأسي غير محتشم
لو كنت أعلم أني ما أوقره=كتمت سراً بدا لي منه بالكتمِ
من لي برِّ جماحٍ من غوايتها=كما يردُّ جماح الخيلِ باللُّجُم
فلا ترم بالمعاصي كسر شهوتها=إن الطعام يقوي شهوة النَّهم
والنفس كالطفل إن تهملهُ شبَّ على=حب الرضاعِ وإن تفطمهُ ينفطم
فاصرف هواها وحاذر أن توليه=إن الهوى ما تولى يصم أو يصم
وراعها وهي في الأعمالِ سائمةٌ=وإن هي استحلت المرعى فلا تسم
كم حسنت لذةً للمرءِ قاتلة=من حيث لم يدرِ أن السم فى الدسم
واخش الدسائس من جوعٍ ومن شبع=فرب مخمصةٍ شر من التخم
واستفرغ الدمع من عين قد امتلأت=من المحارم والزم حمية الندمِ
وخالف النفس والشيطان واعصهما=وإن هما محضاك النصح فاتَّهِم
ولا تطع منهما خصماً ولا حكماً=فأنت تعرف كيد الخصم والحكم
أستغفر الله من قولٍ بلا عملٍ=لقد نسبتُ به نسلاً لذي عُقُم
أمْرتُك الخير لكن ما ائتمرت به=وما استقمت فما قولى لك استقمِ
ولا تزودت قبل الموت نافلةً=ولم أصل سوى فرض ولم اصم




وقد جاراها الشاعر احمد شوقي بقصيدة جميله مطلعها :






ريم على القاع بين البان والعلم=احل سفك دمي بالاشهر الحرم
لما رنى حدثتني النفس قائلة=ياويح قلبك بالسهم المميت رمي




وقد احببت التطرق لذلك لان الكثيرين من الاخوه خاصة من خارج البلاد

يحفظون منها ابياتا ان لم يكن كلها وليس لديهم فكره عن سلبياتها وربما

يناقشهم احد بخصوصها وانت موجود معهم لكن لايكون لديك خلفيه عن

الموضوع بالاصل ويكفي من مخالفاتها انه جعل الاقدار تسير بامر النبي

صلى الله عليه وسلم بقوله من ضمنها :

فأن من جودك الدنيا وضرتها000 ومن علومك علم اللوح والقلم

وهذا لايكون الا لله سبحانه وتعالى000

باقي واجد براسي بس صبعي تعبت ابيكم تعذرن الى هذا00


تقبلوا تحياتي ((ابن غسلان))

[فواز الغسلان]

بسم الله الرحمن الرحيم
قصص الكرم والطيب اللي سووها الجماعه طيور شلوا كثيره جدا يشهد بها القاصي والداني الا ان الناس
اشتهرت عندهم ثلاث اشياء وهي (شيلة الشلقان لخويهم) وكذلك (معشي الذيب) وكذلك لقب
(اهل اللحيسه) ويكتفون عن ذكر الباقي حتى خشيت ان تضيع بعضها خاصة التي لم نجد لها اشعارا
قديمه تضمنها0 ولذلك نظمت هذه القصيده ببعض سوالف الطيب والفخر اللي سووه الجماعه غير الثلاث
المشهوره ولعلكم تقرأون القصيده وبعدها سأشرح لكم القصص التي ذكرت بالقصيده00






يقول رجلن حروف السحر فـي قافـه=مثل الجواهر ودهن العود فـي سوقـه
اذكر فعايـل رمـاح المجـد واسيافـه=اللي فخرهـا شبيـه المـزن وبروقـه
وماكل رجلن يهـوم المرجلـه حافـه=لاشك ربعي تجيـب الطـاق مطبوقـه
افعال شمر تشـوف المجـد باطرافـه=بكفوف ناسن تعيـب الغـدر والبوقـه
جذره بحايـل تعلـى فـوق مشرافـه=ومن وين سارت يسير الطيب ***وقـه
شمر هل النيب ساس الطيـب برفافـه=تشبه رياضن زهى عشبـه وزملوقـه
مثل (1) ابن عايش كريمن بان ميقافه=مع جاره اللي حمـاه وقـام بحقوقـه
خاف المظامي ونجـم الليـل ماشافـه=والدرب يودع شيـاه الجـار مشنوقـه
خلا العشايـر بـدرب الجـار سلافـه=والشاة تشرب حليب المجد مـن نوقـه
جيران شمر بوقـت الحـرب ماخافـه=علمن شعاعه بغرب القـاع وشروقـه
(2) وسمير منا وريث الطيب باوصافه=يمنع نياقه ويسقـي طـرش مخلوقـه
حولة ظعونن وشمـس القيـظ متلافـه=اسقى طروشن تسـد الريـع وفلوقـه
رمت نياقـه وشـال المـوت خطافـه=وخلا نياقـه عـن الميـراد مصفوقـه
طيب ابن طارش يفوق السلم واعرافـه=خمسان زبنك بضيق الوقـت وفتوقـه
(3)وسالم ابا الرمل محدن بالكرم طافه=عجز القبيله كفاها الجوع مـع ضوقـه
لانام رجلـن يريـد الشـوق واردافـه=يسهر وكوبان يشخر حاضنـن شوقـه
يرسل طعامه لعجـز النـاس وعجافـه=ماهـي قريبـه ولا بالقلـب معشوقـه
عاف المـزاود ودمـع العيـن ذرافـه=من شان يشبع عجوزن شاب معلوقـه
من روس الاسلم كرام الناس واشرافـه=اهل اللحيسـه لكبـدن جـاه ساروقـه
وهذا(4) مكازي معشي زابنـن ضافـه=ذيبن لقى من غبـون الكبـر خازوقـه
جاب الذبيحـه لذيبـن جـاه رجافـه=فعلن عليه افخـر الاطيـاب مدفوقـه
(5)وشيلت مجيدع وقاع القوم ميهافـه=ماهي على طيب كل الخلـق ملحوقـه
شلقان غلبا سيـوف المجـد وشلافـه=والقيظ يشوي جنوب الزمـل بحروقـه
خمسة عشر يوم والمكسـور باكتافـه=وقاست خطاها لرجلن بالنعـش فوقـه
لو هو رفيقن لناسن ضاعـت اشوافـه=سووا لحوده وفـوق اللحـد طابوقـه
ماهي هروجن تجينـا كـذب وحيافـه=الا علومـن بطيـب الفعـل مطقوقـه
ياساس الامجـاد والعمـدان ونجافـه=لاشفت ناسن عـن المقـلاط مصفوقـه
ياورد الاجيال عشب الجـال واريافـه=والله فلاهـي بكـل الخلـق مسبوقـه
بالحرب شلفه لوسـط الـروح قطافـه=وللضيف تلقى جنوب الحيـل مشلوقـه
من ذاق قربه يعـاف النـاس ماعافـه=ومن ذاق ضربه يشوف الموت من ذوقه
ربعي عسـل كـل خلـق الله وهتافـه=ولاهي مع الضيق بالهرجات مطفوقـه
ارجي لياسار صـوب الـروح قصافـه=ادفن بحايل واشـوف التمـر بعذوقـه
ومن فضل ربي كثير الخيـر وانصافـه=جبت البطاقـه وحايـل فيـه مرفوقـه




هذه القصيده وقد اضفت عن الثلاث المشهوره ثلاث اخريات وهي كالتالي:

(1) مطلق بن عايش من التومان كان عند جار وحلاله وغنم ويوم وصل القيض وبغوا يرحلون لمواردهم
احتار بغنم جاره لانها لاتستطيع المشي ومجارات الابل فعرض عليه ان ياخذ الغنم من الجار ويعوضه
عددهن من الابل وهو مكسب خيالي لكن الجار رفض بحجة انه يغليهن غلا وعند ذلك قرر ان تسير الغنم
مع الرعيان من تالي الليل ويلحقون بهن على الابل وعند المغرب يحطون المشرب ويحلبون نياق مطلق
للغنم تشرب (بدلا من الماء) حتى **** الغنم يشرب معهن حليب عطايا الله وبقوا كذا ايام وليالي يسقي
غنم جاره حليب نياقه0 عساه للجنه اللي تدس عظامه000

(2) سمير بن طارش الصلعاء الخمساني جوه حدرة الروله مع بن دغمي على قليبه (رطيان) فمنع ابله
عن الماء علشان حلال الحدره وهن يحنن من العطش وسوى روحه مايدري من راع الابل العطاشا علشان
مايشتكون وقال لهم اطردوهن هذي همل لين يجيهن راعيهن 0 وبقيت اباعره عطشا لين مشوا الحدره
وكانت النتيجه ان لقحاته رمن اللي ببطونهن من العطش علشان يتجمل باللي طبوا عليه الله يرحمه00

(3) سالم ابا الرمل من الطواله من الاسلم ويسمونه ابا الرمل والرملا اللي مالها احد لازوج ولاوالي فكانت
زوجته متعوده انها تطبخ كل عصر عشاء يشبه عشاء العزيمه وتوزع عقب المغرب عليهن لدرجة ان بعضهن
ترسل ماعونه من العصر لبيت سالم وكأنه شي مفروغ منه وواجب لانهم تعودوا على ذلك سنين0

وذات يوم جاء واحد يطلبه دم واختفى برواق البيت ويوم بغى يرمي سالم لاحظه يوزع اللحم بمواعين
فانتظر ليرى ماهذا وكانت زوجته تاخذ المواعين وتروح توزعهن على العجز وطالب الثار يراقب0

وعندما انتهت زوجة سالم احضرت عشاه ويوم بغى ياكل رفع يده وقال فلانه ليش ماشفت لها ماعون؟؟؟
قالت زوجته فعلا ماشفت له شي؟ قال خوذي عشاي هذا لها اخاف انها مريضه0 فوجدتها فعلا مريضه
فساعدتها على النهوض من الفراش وتعشت العجوز0 ويوم رجعت زوجته قالت فعلا ياسالم لقيتها على
قولك مريضه0 ثم قالت ابي اصلح لك عشاء قال لا راح الوقت الان تكفيني القهوه0

فقام طالب الثأر المختفي يبكي من هذا الموقف لين سمعوا بكاه ويوم ابعدوا الرواق لقوه جادعن باروده
ويده على عيونه يبكي ويقول ياسالم ان ذبحتك من يشبع هالعجز ومن يهتم بهن ؟؟؟ ياسالم اشهد بالله
ان ذبحك حرام وانك عتيق بسبب عشاء العجوز اللي حرمت نفسك منه علشانها000

الله اكبر الله اكبر يحق لشمر وللاسلم خاصه وللطواله اخص ان يطاولوا برؤوسهم السماء لهذه القصه
ولو لم تفعل شمر والاسلم والطواله غير هالسالفة فهي كفيله بوضعهم عاليا مع النجوم في السماء0
(((الان بعد الشرح ارجعوا للقصيده تلقون لها طعم غير))) يابعد روحي انتم يالعزوه تحياتي000

[فواز الغسلان]

قال حمود العبيد الرشيد بعد ان قام اولاده(سعود-سلطان-فيصل) بقتل

اولاد بنته عيال عبدالعزيز المتعب الرشيد طمعا في الاماره فأغاروا عليهم

وقت الظهيره وحمود نائم وكذلك امهم فذبحوهم كالخرفان وهم اربع شباب

(محمد-طلال-متعب-مشعل) واستيقظ حمود بصيحة الاخير فقام فزعا وكان

الامر قد فات وطار عقله وعقل بنته امهم اللي انهبلت مغادروا للمدينه

وهي تردد:

تعززوا للي جلت للمدينه00 اللي عيال ابوه تعشوا عياله

فارسل حمود(وكان طاعنا بالسن) هذه القصيده يدعوا عليهم ويتوجع

وفعلا استجيبت دعوته فماتوا ثلاثتهم قبل اكمال سنتين نعوذ بالله وهذه

قصيدة حمود العبيد:



هيضت ما كنيت وابديت ما اخفيت=ولانمت انا سايلت حالـي لحالـي

ولانمت انا عقب الهرم ثم سجيـت=الاربعـه بالحلـم كلـن لفـالـي

ياليتنـي قيلـت معهـم ولاجيـت=ولاشفت تقطيعـه محمـد قبالـي

متعب ولد بنتي لشوفـه تشافيـت=ولاأبطيت ما جيته هو اللي عنالـي

ومشعل يداوي الجرح لو ماتداويت=ولاشفت زوله ورد المـاء حبالـي

وطلال ينجيلي وانا لـه تناجيـت=عز الله انه من نضايـض حلالـي

وعز الله اني بالعهد مـا ترديـت=مار ان جاء بوق العهد من عيالي

وعز الله اني للمراجـل تقصيـت=مع نسل عبدالله مـن اول وتالـي

محمد عقيم باللقاء حصل الصيـت=وحاش المراجل دقهـا والجلالـي

وسبهان زكاله جميـع العفاريـت=هل الجبل واللي بـروس العوالـي

وجاه ابن أخوه ومثل ماصار سويت=وعز الله اني نعم ضيـف عنالـي

المسجد اللي به على ابوي صليت=واليـاذن المـذن نحرتـه لحالـي

والله يلـولا عورتيـن فـلا جيـت=موضي وبنت العم مالـه رجالـي

عطيتهن عهد اليا صبحت ومسيت=انـي لكـن مثل الغديـر الزلالـي

مار ماينفعن كثر المنى لو تمنيـت=ولاينغـرف دم صفـق بالسهالـي

شمر بني عمـي وعنهـم تلزيـت=واقفيت عن نجد وانا بـه شفالـي

اقفيت يادار الخطاء عنك والويـت=مثل البعير اللي مصيبـه جفالـي

سلطان لاتغريـك دنيـاك ياشيـت=الشمس لو زانت وراها ظلالـي

سلطان ورث الميت مثلك غدا ميت=الليلـه الظلمـاء سببهـا عيالـي

جاني منك خط تقل ريـح كبريـت=تواعدوا بأخـذه جـرود الزوالـي

ميزاك فرس محمد طايل الصيـت=او فرس ابو متعب محازم رجالي

لو لك ركاب مثلهن كـان فزيـت=تغزي عليهن شـرق وألا شمالـي

سلط على سلطان وسعود وسبيـت=ومن جورهم فارقت انا كل غالـي

وصلاة ربي عد مـازاروا البيـت=علـى النبـي محمـد بالكمـالـي





نعوذ بالله من مجادع النفس والشيطان000


(((الراوي)))

[فواز الغسلان]

((( حايل عاصمة شمر المجد ))


اصبح الكل يقرأ بين الحين والاخر دواوين تمدح ناس ماكان لها ذكر ولاصيت سابقا على حساب شمر وحايل
حسدا وغيره00 وكذلك هناك من يشكك في ولائي لجماعتي شمر بشكل عام وحايل بشكل خاص ويتهمني اني
اسعى لتشويه سمعتهم وحاشى لله لذلك نظمت (شمر اهل الطوله) وايضا(من معجزات كرم شمر) وكلهن نزلتهن
هنا فحبيت ان اضع بين ايديكم هذه الجوهره التي حاولت قدر الامكان ان اتفنن بقافها مستغلا قصوص وتواريخ
الجماعه الطيبه اللي اطلقت ظهري وخلتن افعل بالقاف كيفما شئت لانه على كل وجه يوجد للجماعه طيب0



خايلت برقن سرى والـروح منداشـه=ضوحه يشادي لميع الماس بفصوصـه
بطبوق غيمـن هزيمـه ثـار لولاشـه=فيها المخايل بوبل المـزن مرصوصـه
كنه عن الريح والعاصـوف منحاشـه=حاديه منذر خشـوم الريـم بقنوصـه
جعل المخايـل بحايـل وبـل رهاشـه=يحيي فياضن من المجـداب مقروصـه
تمشي سيولن لوجـه القـاع قشاشـه=تلقى خضاره يلوح بـراس برخوصـه
حيث ان فيها مقـام الجـود وفراشـه=ناسن كرمها ملى التاريـخ بقصوصـه
شمر فخرهـا نفـاد المـال وادباشـه=غاصت بحورن تهاب اهل الردى غوصه
مع ضيقة الوقت والحاجـات وابلاشـه=طيبه تعدى هـل الهقـوات وخروصـه
للضيف تجدع فقـار الحيـل واكباشـه=ماحاسبوا عن هلاك المـال ونقوصـه
ومن ناش جاله يذوق المـوت لاناشـه=يمسي وروحه هشيمن يابسن خوصـه
يضرب طريق الهلاك بضرب رشاشـه=والا قضى العمر والرجلين مقصوصـه
وياللي هقيت المرابع سهـل مطراشـه=دونه ربوعي تسوق الروح مرخوصـه
ماهي دواويـن مـن يمنـاه غشاشـه=اللي قلمهـا ظهـر للنـاس قاروصـه
قامت تفاخر طـروز البشـت بخياشـه=والطيب ماهو بياض اللبس وشخوصـه
بالكذب تلقـط فخـر ربعـه بمنقاشـه=وعند الحقايق يصيب الراس خابوصـه
وراس الظباء مايسد الجـوع ***اشـه=والمدح محدن شرب صافيه بشنوصـه
ماينفع الميت طـب النـاس وانعاشـه=وعروق قلبه بحب المـال ممصوصـه
طيب الجماعه بياض القطن والشاشـه=ربي جعلها بتاج الطيـب مخصوصـه
يفرح بهم سـاري الظلمـاء وهتاشـه=عن واحدن ضيفته بالصبـع مبقوصـه
تاريخ حايل ذهب ساقـوه مـن كاشـه=وحروف طرسه عن الهفوات مفحوصه
شربوا قراح الفخـر مختـوم بغراشـه=وشيلت خويه على المريـخ ملخوصـه
عافوا خرابيش عيش الهون وعشاشـه=وضحك المهرج بوسط الناس ورقوصه
فيها الحمايل مخايـل طيـب جياشـه=تشهد به الناس والقرطاس وقروصـه
هداج وانعـم مـن الديبـاج وقماشـه=عشوا ذيابن عن المفـراس متغوصـه
مجدن وصل حاطب الدنيـا وحشاشـه=ودروس حاتم تروس الجود ونصوصه
بالجـود شـلال كالشعـال بكـلاشـه=وحجاب لاهل الركاب الحمر من عوصه
ركبوا اصيل الطباع وعافـت اكداشـه=ولاعاش فيها حثال الناس ولصوصـه
لولا ربوعي علـوم الطيـب ماعاشـه=والا تلاقي ضعـاف النـاس مبروصـه
الجـوع لابـان بالعربـان نهـاشـه=اهل اللحيسه علاج الجوع وغصوصـه
صكوا على الطيب قفل المجد وابياشـه=وشاموا عن اهل الردى ودلاه ومحوصه
هم راحة الجار عز الـدار واحواشـه=هم مزبن الناس عند الباس ونغوصـه
هم عسكر الجود وقت الكود واجياشـه=هم جمرة الهزم عند الخصم ومغوصـه
هم منبع الطيب ناب الذيـب بهواشـه=مقباس تفهم حقوق الناس وشقوصـه
هم ورد الاكـوان والقبطـان والباشـه=مزبان ناسن جهدهـا بـان ناقوصـه
هم نور الافـلاك كـان اوذاك خفاشـه=زادت على الناس بالمقياس والبوصـه
بالصيف للضيـف ماتطلـع بدشداشـه=وعند الوزى ماجزى المحتاج بنكوصـه
هم علة الجـوع للمسبـوع مخواشـه=لاقيل زادت جيـاد الجـوع بقحوصـه
اهل الطويـلات والطـولات واقفاشـه=والدار للجار مهمـا جـار مبحوصـه
ماهي توالف سوالف طـاش ماطاشـه=امجـاد الاجـواد ياعـواد مبخوصـه



راوي الجبل (( فواز بن يحي فهد الغسلان البقعاوي))

[فواز الغسلان]

قاذف الميراج




علام النصيب الشين حطن على الجابوح=وانا اول مع الخفرات حظي تقل ديباج
مضى العمر يركض في هواهن بلامصلوح=ولاذقت خير ولاحصل للحشى مخراج
تعلقت في مبسم صخيف الحشى المملوح=طريحن بوسط البحر تلعب بي الامواج
دخلت البحر والناس قالو مهو مسموح=اشوف البحر هادي ولكن بسرعه هاج
الامواج واصواته خطيرن تشيل الروح=تشادي صواريخن على قاذف الميراج
لمحني عذولن صاح يشمت يقول اشنوح=تخاطر بعمرك من ورى خفرتن مغناج
مدامك تعرف ان الخفاجي وقع مفضوح=وتدري وش اللي صار بالشاعر المجماج
كلامه ترك قلبي بنار القهر مجروح=وعيني تناظر لامراكب ولا منهاج
جوابي عيونن دمعها بالخفى مسفوح=نثرته لعين اللي بكل البشر ماداج
عشيري ترى قلبي على هجركم مذبوح=ذبحني حلا خدن تلالا بلا مكياج
رجيتك رجى الممحل بروقن غدى له ضوح=وشوفة هميل الوسم يصفق مثل هداج
واذا نيتك تجرح عروق الحشى وتروح=تلاقي جزاء فعلك وسط سورة المعراج

شعر الراوي ابن غسلان

[فواز الغسلان]

امرأه اقوى من جبل


امرأة اقوى من الرجال000


انها زوجة (عمران العدواني) من البجايده من قبيلة عنزه واليكم القصه:

خرج رجل (حايف) أي لص يحاول سرقه بعير او ماشابهه كما هي الحال قبل استتباب الامن

في بلادنا الحبيبه وكان طريق هذا الحايف على عرب عمران العدواني وفعلا اخذ بعض الابل

وهرب الا ان ساير ابن عمران انتبه له ولحقه عندها اطلق الحايف رصاصه لتخويف الذي يطارده

لكنها اصابته بالفعل ووقع صريعا وعندها ضاقت عليه الارض بما رحبت وبدأ الرجال بالتكاثر عليه

فهرب للبيوت لعله يجد من يزبن عليه ويصير بوجهه على عادات وتقاليد العرب السائده في ذلك الوقت

وفعلا رأى بيتا كبيرا وتوقع انه من كبار القوم فدخل به وقال بوجهك يارجل فقال دخلت00

كان صاحب البيت هو والد المقتول دون ان يعلم احد الى الان 0 أي انه ادخل الذي قتل ابنه0 وعندما جاء

من يطارد القاتل اخبروا عمران ان هذا الدخيل قتل ابنه لكنه مع هول الصدمه وقوتها امسك بنفسه وبثباته

محاولا الصمود امام هذه الفاجعه فأقبلت زوجته وهو متوقع وقوفها ضده لتمنعه من ادخال قاتل ابنها نظرا

لما عرف به النساء من ضعف ولكنه تفاجأ مثلما تفاجأ الناس بقولها ياعمران ولدك راح خلاص لكن لايروح

وجهك وقيمتك بين الرجال ثم قالت:





الحمد للباري صدوق المخايل=اللي بلاني بالليالي بلاء ايوب
مايستوي لك يارفيع الحمايل=ذبحت دخيل البيت عيبن وعذروب
ادخل دخيل البيت لو كان عايل=عفو(ن) عن المحروج حق(ن)وماجوب
تكسب بها ناموس بين القبايل=وماراح يخلف والذي صار مكتوب
والطيب حبله بين الاجواد طايل=ولايستوي طيبن من الصبر مسلوب
خله دخيلن ياذعار السلايل=لو كان لابني مهجة القلب مطلوب




فالله اكبر من هذا الثبات وهذا الموقف الذي يعجز عنه الرجال في وقتنا هذا000

[فواز الغسلان]

عبيد ابن رشيد وابالظلعان




اغار ابالظلعان من عنزه على

(المقنع) شمال شرق حايل بالنفود وخذى حدرة اهل حايل وهرب واحد منهم


وانذر عبيد الرشيد وصاده فقال عبيد ابن رشيد هذه الابيات النادره التي ابحث عن بقيتها ولم اجدها

الى الان فمن كان لديه معرفه لعله يفيدنا000



التمن اللي بأيسر الخل منثور=خلي لدسمين الشوارب وسادي

والشايب اللي عارضه ينتثر نور=ضحوك سن(ن) عند ذبح المعادي

نركب على قب(ن) رعت كل جاخور=ياطن حياض الموت عمدن عنادي

الصبح ذللنا بكم كل مشذور=ياحلو ضرب مصقلات الهنادي

حنا نبيكم يم عرعر وابا القور=والله جدعكم بالهوى والمرادي

صحنا عليكم صيحتن فجة النور=كله لعيني صيحتك بالميادي

جينا على ذروات مع شمخ الخور=نبي ركيبن لابن ظلعان عادي


اتمنى منكم قبولها والافاده ان كان لديكم بقيه لها وتقبلوا تحياتي00


(((الراوي)))

[فواز الغسلان]

عروق القلب



بسم الله الرحمن الرحيم






وسط روض القلب وفلوقه=ارتفع مبناك وابراجه
واختلط ورده وزملوقه=في رفوف القلب وادراجه
منزلن ماجاه مخلوقه=وغير عينك فيه ماداجه
ولامشى الدلال في سوقه=ماخشيت الناس واحراجه
المحبه فيه مطبوقه=هايجن ماتركد امواجه
ياهنوفن زان منطوقه=وفوق زين الهرج مغناجه
عقبك البيبان مغلوقه=وزدت فوق القفل مزلاجه
شف خفوقي ذاب من شوقه=ياعذاب القلب وعلاجه
بسمته من غبت مسروقه=وجاهلن دربه ومنهاجه
ودمعة المحتار مدفوقه=ينتظر مولاه وافراجه
وبان جرح الروح وفتوقه=من غديت امشي بلا حاجه
ياغزالن خايفن بوقه=ياغرام الروح وسهاجه
من يشوفه ذاب في ذوقه=وقام ينشد وين مخراجه
من وصل جمرك لمعلوقه=تنطفي دنياه وسراجه


تحياتي للجميع ((الراوي))

[فواز الغسلان]

الجرباء وبعارين الشليمي




من قصص الطيب والكرم التي سطرها الشيخ عبد الكريم الجربا هو ما حدث بعد أن غزا بقبيلته على قبيلة الظفير وأخذ إبلاً لقيعي الشليمي السعيدي الظفيري وكانت من نوع المغاتير ( لونها أبيض ) وكان عددها يفوق المائة ناقة فإحتار صاحبها في كيفية إعادتها بعد أن فقد صبره لفراقها فتوجه إلى ابن عمه الشاعر محمد بن دهمان السعيدي الظفيري وطلب منه المساعده فقال له ابن دهمان إني لا أملك إلا لساني وسأبذل قصارى جهدي وإذا كان للشيخ عبدالكريم أي حماسة سوف ترجع إبلك يا الشليمي ثم توجه الإثنان إلى أرض الجزيرة حيث توجد بيوت الجربان هناك في وقتها ولما وصلا إلى هناك إقتربا من مضيف الشيخ عبدالكريم وإفتعلا حركة لفتت الأنظار إليهما فسألهما الشيخ عبدالكريم عن حاجتهما وكان عنده وفود ساعتها بالإضافة للضيوف والزوار فإرتجل ابن دهمان هذه القصيدة الرائعة حيث قال :






يا راكبٍ من فوق حسكات الأوبار=فج النحور ليا إنتون كل ناوي
حمرٍ ركب بظهورن كل مغوار=عيرات من هوز المطارق سعاوي
مثل القطا عن واهج القيظ عبار=متنحرات دار عطب الأهاوي
حيلٍ زها لظهورهن دشن الأكوار=وأول سمرهن من قعود اللحاوي
ياما حلا بظهورهن مس الأكوار=وعليهن اللي يبعدون الهقاوي
مرواحهن يأخذ من البعد مشوار=يشدن برقٍ مقتضيهن نداوي
مدّن من الداير على شبة النار=والعصر بالمرفوع خمس النضاوي
في دربهم متعرضينٍ للأخطار=ناصين دار محرقين القهاوي
وأرقب رقيبتهن على رأس سنجار=وتشوّف الجربان بهاك الحراوي
وطالع بيوتٍ كنهن زمة الطار=أهل الرباع مزبنين الجلاوي
واللي لجأ لبيوتهم ماله أذكار=محدٍ عليه من المعادين قاوي
بالبيت تلقى بين هاتش وخطار=وناسٍ معه ما ينعرف له لغاوي
بيوت المحمد مدهل الضيف والجار=وملجأ لمن كثرت عليه الشكاوي
ترثة صفوق اللي نعرفه بالأذكار=ياما تمنى قربهم من خلاوي
في ضف شيخٍ للمناعير كسار=اللي طريحه ما لجرحه مداوي
أدنى بالأدنى كان للربع تختار=عبدالكريم ليا بلتك البلاوي
شواي سيف الهند في مجحم النار=ومن الطنا كنه في شفا البير داوي
رجّع لنا شقحاً من الذود معطار=تشوش ليا سمعت نديه الفداوي
يردّه اللي للطوابير كسار=كان الشليمي للبويضا رجاوي
نفسه صخيفه ما مشى درب الأنكار=حرٍ غلب عشه بحقٍ قصاوي
الله يبيّض وجيهكم عد ما صار=أبيض من القطن العفر عند راوي




وعندما إنتهي إلتفت الشيخ عبدالكريم إلى رئيس الوفد الزائر وقال ما رأيك فيما سمعت ؟ فقال رئيس الوفد إنني لا أعرف هدف هذان الشاعران ولكن رأيي إن كانا صادقين ويطلبان شيئاً أن تعطيهما طلبهما وإن كانا كاذبين أن تقتلهما فقال الشيخ عبدالكريم ليس من شيمتنا قتل من في بيوتنا ولكن هذه إبلك يا شليمي وغداً سيجمعها لك شمر بكاملها ولك يا ابن دهمان عشرين من الإبل محملة بالأرزاق جزاء قصيدتك وقد كانت إبل الشليمي موزعة على رجال شمر فطلب قيعي الشليمي من الشيخ عبدالكريم أن يسمح له بأن يصعد على أحد المرتفعات ويصيح لإبله فما أتاه فهو له وما تخلف منها فهي ليست له فحاول الشيخ عبدالكريم ثنيه عن هذا القرار لطول السنين وقد تكون إبله قد نسيت صوته ولكنه أصر على طلبه فوافق له بذلك وفي الصباح صعد الشليمي على تل مرتفع وصاح لإبله التي تعرف صوته جيداً فإذا بكل مجموعة تأتيه من جهة حتى إجتمعت كلها عنده إلا ناقة واحدة نهضت وسارت مع الإبل وفي منتصف الطريق وقفت وأخذت تلتفت للخلف والأمام فنزل الشليمي وإتجه إليها وقطع أرجلها بالسيف وقال هذه عشاء لكم يا شمر وأردف قائلا والله إنها ليست على جملي ( فحل إبله ) وإنما لقحت بها أمها من جمل آخر في المفلأ00


وهذي من القصص المشهوره على الشيخ ابوخوذه الله يرحمه0000

تحياتي (((الراوي)))

[فواز الغسلان]

من قصص الطيب والكرم التي سطرها الشيخ عبد الكريم الجربا هو ما حدث بعد أن غزا بقبيلته على قبيلة الظفير وأخذ إبلاً لقيعي الشليمي السعيدي الظفيري وكانت من نوع المغاتير ( لونها أبيض ) وكان عددها يفوق المائة ناقة فإحتار صاحبها في كيفية إعادتها بعد أن فقد صبره لفراقها فتوجه إلى ابن عمه الشاعر محمد بن دهمان السعيدي الظفيري وطلب منه المساعده فقال له ابن دهمان إني لا أملك إلا لساني وسأبذل قصارى جهدي وإذا كان للشيخ عبدالكريم أي حماسة سوف ترجع إبلك يا الشليمي ثم توجه الإثنان إلى أرض الجزيرة حيث توجد بيوت الجربان هناك في وقتها ولما وصلا إلى هناك إقتربا من مضيف الشيخ عبدالكريم وإفتعلا حركة لفتت الأنظار إليهما فسألهما الشيخ عبدالكريم عن حاجتهما وكان عنده وفود ساعتها بالإضافة للضيوف والزوار فإرتجل ابن دهمان هذه القصيدة الرائعة حيث قال :

الجرباء وبعارين الشليمي




يا راكبٍ من فوق حسكات الأوبار=فج النحور ليا إنتون كل ناوي
حمرٍ ركب بظهورن كل مغوار=عيرات من هوز المطارق سعاوي
مثل القطا عن واهج القيظ عبار=متنحرات دار عطب الأهاوي
حيلٍ زها لظهورهن دشن الأكوار=وأول سمرهن من قعود اللحاوي
ياما حلا بظهورهن مس الأكوار=وعليهن اللي يبعدون الهقاوي
مرواحهن يأخذ من البعد مشوار=يشدن برقٍ مقتضيهن نداوي
مدّن من الداير على شبة النار=والعصر بالمرفوع خمس النضاوي
في دربهم متعرضينٍ للأخطار=ناصين دار محرقين القهاوي
وأرقب رقيبتهن على رأس سنجار=وتشوّف الجربان بهاك الحراوي
وطالع بيوتٍ كنهن زمة الطار=أهل الرباع مزبنين الجلاوي
واللي لجأ لبيوتهم ماله أذكار=محدٍ عليه من المعادين قاوي
بالبيت تلقى بين هاتش وخطار=وناسٍ معه ما ينعرف له لغاوي
بيوت المحمد مدهل الضيف والجار=وملجأ لمن كثرت عليه الشكاوي
ترثة صفوق اللي نعرفه بالأذكار=ياما تمنى قربهم من خلاوي
في ضف شيخٍ للمناعير كسار=اللي طريحه ما لجرحه مداوي
أدنى بالأدنى كان للربع تختار=عبدالكريم ليا بلتك البلاوي
شواي سيف الهند في مجحم النار=ومن الطنا كنه في شفا البير داوي
رجّع لنا شقحاً من الذود معطار=تشوش ليا سمعت نديه الفداوي
يردّه اللي للطوابير كسار=كان الشليمي للبويضا رجاوي
نفسه صخيفه ما مشى درب الأنكار=حرٍ غلب عشه بحقٍ قصاوي
الله يبيّض وجيهكم عد ما صار=أبيض من القطن العفر عند راوي



وعندما إنتهي إلتفت الشيخ عبدالكريم إلى رئيس الوفد الزائر وقال ما رأيك فيما سمعت ؟ فقال رئيس الوفد إنني لا أعرف هدف هذان الشاعران ولكن رأيي إن كانا صادقين ويطلبان شيئاً أن تعطيهما طلبهما وإن كانا كاذبين أن تقتلهما فقال الشيخ عبدالكريم ليس من شيمتنا قتل من في بيوتنا ولكن هذه إبلك يا شليمي وغداً سيجمعها لك شمر بكاملها ولك يا ابن دهمان عشرين من الإبل محملة بالأرزاق جزاء قصيدتك وقد كانت إبل الشليمي موزعة على رجال شمر فطلب قيعي الشليمي من الشيخ عبدالكريم أن يسمح له بأن يصعد على أحد المرتفعات ويصيح لإبله فما أتاه فهو له وما تخلف منها فهي ليست له فحاول الشيخ عبدالكريم ثنيه عن هذا القرار لطول السنين وقد تكون إبله قد نسيت صوته ولكنه أصر على طلبه فوافق له بذلك وفي الصباح صعد الشليمي على تل مرتفع وصاح لإبله التي تعرف صوته جيداً فإذا بكل مجموعة تأتيه من جهة حتى إجتمعت كلها عنده إلا ناقة واحدة نهضت وسارت مع الإبل وفي منتصف الطريق وقفت وأخذت تلتفت للخلف والأمام فنزل الشليمي وإتجه إليها وقطع أرجلها بالسيف وقال هذه عشاء لكم يا شمر وأردف قائلا والله إنها ليست على جملي ( فحل إبله ) وإنما لقحت بها أمها من جمل آخر في المفلأ00


وهذي من القصص المشهوره على الشيخ ابوخوذه الله يرحمه0000

تحياتي (((الراوي)))

[فواز الغسلان]

معجزة ابن سويط




بسم الله الرحمن الرحيم



صنيتان ابن سويط (شيخ قبيلة الضفير) نزل عنده عبدالله بن منديل من رجال


قبيلة بني خالد جارا له على الخير والشر ودامت الجيره سنوات00


وذات يوم خرج ابن منديل غازيا ومعه رجال وعندما رجعوا غانمين كان


ابن منديل قد غنم فرسا اصيله واراد ان ياخذها ولد الشيخ ابن سويط


وكان شابا في مقتبل العمر00

فرفض ابن منديل اعطائه الفرس فغضب الشاب واضمر قتل ابن منديل


وبعد رجوعهم جلس ابن منديل عند الشيخ صنيتان وكان الشاب مختفيا


بالخلف فأطلق عليه النار من الخلف في ظهره فوقع ابن منديل وقال


مقولته الشهيره ( جاركم وعلى وجاركم ) ومات00


عندها قام الشيخ صنيتان ابن سويط والد الشاب بكل ثبات ورسوخ فقال


لاخيه حمود ابن سويط قم واقتل الولد الذي قتل جاري ولو كان ابني000


فقال البعض لعلهم يتنازلون ياشيخ؟؟؟ فقال لاوالله ماتصيح حريم جاري


وحريمنا مبسوطات مع رجالهن000 فقام حمود ( اخو الشيخ ) فقدم الشاب


وقتله قصاصا بجاره000


قال الشاعر:


الطايله اخذها السويطي صنيتان=من دون جاره صار للعار ماحي

يوم استوى فرخن من الوكر سكران=صاده حمود وبرقعه واستراحي

وانشد من المشهد اليا قصر برزان=وماحدرت نبعه وقصر ابن ضاحي


وقال الشمالي عاتبا على شخص سكت على اهانة جاره ويذكره بفعل

صنيتان ابن سويط:



ماتقعدك نية صنيتان من راس=اللي نفل تال العرب واول الجيل

ابن سويط عرب الاجداد والساس=قشع ذرى راسه عن القال والقيل

وخذوا معطرة النمش كل نوماس=ولولاه تخبر قيل هذي تهاويل


مواقف لايقفها الا الرجال الواثقه والجسوره والعظيمه000

تحياتي ((الراوي))

[فواز الغسلان]

اشهر معارك شمر ومطير



بسم الله الرحمن الرحيم

قبيلة مطير من القبائل المشهوره في الجزيرة العربيه وكان لها صولات وجولات وانجبت عدة اعلام من

الفرسان الكبار سواء من شيوخهم الدوشان او غيرهم مثل الفارس العقيد صاهود بن لامي


وكانت لهم لقاءات مع قبيلة شمر واشهرها وقعة (( كير )) التي انتصرت بها مطير عام 1195 للهجره

والغلط الذي يقع فيه الكثيرين من الرواة لاسيما من مطير انهم يعتقدون انها حرب بين شمر ومطير وهذا

غلط والصحيح انها قبائل وفخوذ من هنا وهناك اجتمعت مع الطرفين ويكفي ان يعلم الجميع ان الصف الذي

فيه بعض قبيلة شمر كان معهم ايضا الشيخ الفارس جديع بن هذال (راع الحصان ) والذي قتل في هذه

المعركه وكانت الدهامشه من عنزه مع مطير بقيادة مجلاد بن فوزان في اكثر الروايات وكانت الضفير ايضا

مع جمع عنزه والاصح القول انها كانت بين مطير وعنزه ويكون هذا اقرب للصواب لان الرواة ذكروا ان هذه

المعركه هي التي ازاحت نفوذ عنزه عن وسط نجد كما ذكره العثيمين في كتابه صفحة 195 :


(( ومعروف أن قبيلة مطير هي التي أزاحت نفوذ قبيلة عنزة عن أهم مناطق نجد الرعوية فيما بعد ، وأن قبيلة قحطان هي التي حلت محل مطير في بسط النفوذ على تلك المناطق ))


ومما لاشك فيه ان هذه الموقعه تعتبر فخرا لقبيلة مطير ومن معها ويكفي ان الذي قتل جديع بن هذال

هو ظاهر الشليخي من الدهامشه الذي قال بعدها:



يالله ياللي ما حذاتك خيــــــــــارا= ياللي غني وكل عين اتراعيــــــه
يارب تفرج للعيون السهــــــــــارا = يا واحد ٍ كلن يخافه ويرجيـــــــه
وتجعل لنا في جنة الخلـــــــد دارا= قصر حصين نلتجي في مذاريـــه
وخلاف ذا شديت نابي الفقـــــــارا= كن الضواري تنهشه مع مقافيــه
الي مشيت الليل هو والنهـــــــــارا= تلفي لبيت عاليات مبانيــــــــــــه
عبدالعزيز الشيخ مغني الفقـــــارا= زيزومنا كل السعد في نواصيــــه
أقره سلام وخبره كيف صــــــــار= مادبر المولى لحكمه يسويـــــــــه
قله فزعنا سربتين تبــــــــــــــــارا= والكل ينصب عند الأخر يماريـــــه
وصاح الصياح وفرعن العــــــــذارا= والمال هج وكثر الأزوال حاديـــه
وركبوا عليهم غوش علوى السكارا = معاري والمنع ما عاد توحيــــــــه
وركبنا عليهم فوق قب تجـــــــــارا= تنفض حلاق الدرع والراس تعطيـه
وجدعنا لهم حامي عقاب المهــــارا= جديع اللي دكلات الاسلاف تتليـــه
ومصيول التجغيف مثل الحـــــــوارا= سيــوف علوى شرعن في علابيــه
واقفن بالجربان مثل العفــــــــــارا= والشيخ صابه مطرق شق لاحيـــــه
وهيلا عليكم يا ليهود النصــــــــار= هذي دروب البوق بانت مواريـــــه
اللي يضيع بالليل يتيه المســــــــارا= واللي يضيع القايله من يقديـــــــــه



والبعض ينسب القصيدة لمويضي البرازيه وهذا غلط واضح0

واشهر المعارك بين شمر ومطير وجها لوجه هي معركة ( ثرب ) على وقت الامير محمد العبدالله الرشيد

والتي قال بعدها عبدالله بن سبيل الباهلي ( راعي نفي ) قصيدته المشهوره:




بديت بذكر الله على كـل ماطـرا=مجيب الدعا معطي العطايا الجزايل
وتركت الهوى ماعاد بي طاري الهوى=ولا قايل بخيـار قـوم مثايـل
ولا عاد لي في باقي الاشيا حسايـف=أكود مشاهد راس شيخ بحايل
محمد سلطان العرب موهب الذهـب=هو خير من تافد إليـه القبايـل
تشد النضا من كل فـج تجـي لـه=كما تاتي البيت الشريف الرحايل
من جاه يلقـى رغبـة فـي جنابـه=ومن راح مغلول يزيده غلايـل
سهل على الدانين صعب على العدى=لكن عيونه صلو جمر الشعايـل
فهيم عديم يرهـب القلـب عارفـه=لكنه يقرا الغيب وافي الخصايل
ولاشي غير الخمس ماهـوب عالمـه=مضى من سياساته وبخصه دلايل
يشوف عيان ما بـدا إلا صدورهـا=ويشوف من المقفي نحور الاوايل
كن الامانـي كلهـن وسـط كفـه=ولا على مضمون تيل بسايـل
الـى فتـل بالاسبـاب ناقـضـه=على كل حال ولا لفتله محايـل
ولا كيل له قيل قصـر دون قيمتـه=وتزيد مكاييله على كل كايـل
ذبح روسهم والحي منهـم بحبسـه=خذيل ذليل بالردا والفشايـل
وملك دارهم ومدارهم يوم دارهـم=واللي شرد منهم رمى له حبايل
يصيدن حذرات الوحـوش حبايلـه=ومصايده ما تدرك الا الجلايـل
ومثل رثعته بمطيـر ماهـي خفيـه=نهار تشيب أطفال سمر الجدايل
على ثرب يوم الله نـوى بذهابهـم=تمارح العزبات بيـن النزايـل
عقب مبانيهـم وغـاوى حلالهـم=وباقي الشرايد يطلبونه زمايـل
هذا جزاهم يـوم يدخـل عقولهـم=على مثل عمل ابليس ماهوب ضايل
أطاعوا من لاسرهم يـوم ضرهـم=غشوم يشوم عن القريب الموايل
كثيـرات رثعاتـه قليـل سليمهـا=إلى طنا ما يستمـع للعذايـل
والى بغى امر مـا يـداري عواقبـه=يجي له دجران من الغيظ شايل
إلى شال غيظه يرذي الخيل والنضـا=تطول بواريده بعيـد المخايـل
فيما يغيظ الغيظ إلا علـى العـدى=بيوم يغط الشمس قبو الدبايـل
تضع منه ذات الحمل والمرضع اذهلت=لكن فوق اكبودهـن الملايـل
على شفايـا فـرق البيـن شملهـم=على راي من لا هوب عنهم مسايل
إلى خـرب الله شملهـم ثـم خربـه=يصبح وسيع البال والغيظ زايل
يهاوي ليال الشبط مع كثحة الشتـا=ومن كثحة الجوزا يهاوي القوايل
إلى عثا بالشرق والغـرب واليمـن=وطاعوا وراعوا عقب ذبح وسحايل
تجاحرت حضـره وبـدوه تخامـروا=كل يحسب ويش له من خمايـل
ومرهم وحذرهم وهـادوا وهيـدوا=وصغوا له وزكوا له بليا فضايل
تعدى هقاويهم وضيََـع هجوسهـم=يبي عادته على اخباث الدغايل
لكن يوحـى لـه مـن الله إلىعـدا=يعرف مصارعهم وماهوب نايل
نـاس ينفعهـم ونـاس يضـرهـم=حليم بحال وحال عبث وعايل
إلى عال مثل المـوت مامنـه فـرَه=والى عطى يعطي المهار الاصايل
ولا رايح مـن عنـده الا بواجبـه=وعاني لفضله مثل راعي العدايل
نفـاد لمالـه مثـل ماقـال والـده=عسانا ما نعتاض غيره بدايـل
ولا فرد يـوم قلـط الـزاد قافـر=عليها ظهور الخور والسمن سايل
وضواين جوف المتـوع متقاضبـه=كنَه مع الشاوي عطين الثمايل
على ابيار عوهات وسـاع مجاذبـه=ولايشربون إلا بشط ومحايـل
أعدد خصال الجود وازريت أعدهـا=إثر ما يحسب جوده إلا الهبايـل
شجاع تـورخ بالأماكـن فعايلـه=كما ورخوا للسلف الأول فعايل
وهو خاتم الشيخان لا شيـخ بعـده=إشارة سميَه نزِِلـت بالرسايـل


وكذلك قصيدة حمود العبيد الرشيد على وقت عبد العزيز المتعب الرشيد ( الجنازه )

في عام 1316هـ عندما هجم الشيخ هزاع بن شعير الدويش من قبيلة مطير ومعه سعود الفغم وصاهود بن

لامي وهاجموا بعض احلاف شمر واخذوا اباعرهم وثور عليهم عبدالعزيز بن متعب سلطان : الدويش فعجز

الدويش يدي منهم فغزاهم الأمير عبدالعزيز بن رشيد واخذهم وجت اباعر غنيم وسعود عرائف وذلك في

السنه المذكروة فقال في ذلك الامير حمود العبيد الرشيد : -



يـا مـال هجـن ٍ مـن منـاه الغديـدي=اقفـى بهـن هـزاع وغنيـم وسعـود
يفقـى ويقبـل مثـل خيـل البـريـدي=لما غـدا المجحـود عظمـان واجلـود
حمولـه مـا يرخـصـون الزهـيـدي=ما يرخصـون إلا المحاليـف واعهـود
رجالهـم يضـرب علـى مـا يريـدي=ما سال هـزاع عـن النقـص والـزود
وراه عـن ذبــاح نـايـف يحـيـدي=وعلـى غنيـم كنـه الحـر مـجـرود
يامـن يخبـره صـار سيـر ٍ عقيـدي=الا علينـا هـو وجـاسـر وصـاهـود
لعـل مـن يقضـب حديهـم بـالايـدي=او عاد يقضب هايـف الفغـم وسعـود
ويقفي منـه حـي عسـى مـا يفيـدي=قـل آميـن ياللـي للمخاليـق معـبـود
والله ماهـم كفـو حكـي او قصـيـدي=مير (( الطنا )) يصطي على الكبد بحدود
وعرضتـهـم لمـدوريـن الحمـيـدي=اللي عوايدهـم نصـف كـل مضهـود
يـوم ً خطـو الشيـخ مثـل المعيـدي=أسمـه كبيـر وشوفتـه مثـل فرهـود
لـولا عيالـه مرشديـن وعبـيـدي=وحظـه وحـظ اللـي تنصـاه منكـود
عشريـن خيـالا ً عـيـال الحمـيـدي=عجزوا مـن القشعـان يـدون مفـرود
ياطيـر ياللـي مـا تـعـود تصـيـدي=متـى غزيناهـم ونظمـن لـك الفـود
الحـق بساقـه مذهبـيـن الضـديـدي=اللـي مشاكلهـم علـى كـل مــردود
الحمـى علينـا كـل عـام ٍ جـديـدي=لا جاء الشتاء ولا على ابراضه العـود
نجـدع بـه الغبطـان هـن والوهيـدي=ونكسـى روابهـا عـجـاج وبــارود
عـام ٍ خذينـا بـه زبــون البلـيـدي=ماتـوا بغيـظ غبـه العـود والـعـود
ومات القصيد اللـي بصـاع المجيـدي=اكتـال ركـان وليـل خــذ الــزود
ديـار ٍ خذيناهـا بحـفـر الحـديـدي=غصب ً على الزعلان والخـد ممـدود
مـن فـوق شـوص ٍ كنهـن الفهـودي=ملبوسنـا مـن فوقهـن صـنـع داؤود
والا الحـداو والمنـى مــا تفـيـدي=والحكي ببلاش ً علـى الرجـل منقـود
تفرقـت شـاشـات عـمـر وزيــدي=اللي وخـذ واللـي سلـم تقـل مالـود
خلق فيـاض العشـب هـو والزبيـدي=ومبايـع ً تلقـا بهـا الـزود مـاجـود
يـا مفـرق الأنسـاب جعلـك سعيـدي=ولعـل حظـك دب الايــام بسـعـود
وبدشـوه بالخكـر هـم والصمـيـدي=وجره على بشر ً سبـب كـل مقـرود
وخليـق السفـار يمـشـي قهيـيـدي=لو عدو لهـم سمـر وبعارينهـم سـود



ومن اشهر القصايد عند الناس قصيدة ضيدان العارضي المطيري يذكر فعله الطيب هو وخوياه وعددهم

عشرة اشخاص على وقت عبدالعزيز المتعب واسمها ( مشذوبه ) نسبة الى ظلع مرتفع وسببها ان

المطران العشره واجهوا سربه من جيش الجنازه ولكون عددهم قليل فقد صعدوا راس الظلع مشذوبه

واخذوا يرمون كل من يقترب وكانت خطتهم ان يبعدون الناس عنهم حتى حلول الليل والظلام لكي يتمكنوا

من التسلل تحت جنح الظلام وهذا هو الحل الوحيد امامهم نظرة لكثرة السربه التي امامهم ولايلامون هم

ابدا لان هذا الحل الوحيد وفعلا فعلوا ذلك وتم لهم ماارادوا ويعتبر فعلهم شجاعه وعقل واقدام بلا شك0



يوم عدا الرقيبه راس مشذوبه=قال هجوا او جانا الجيش زرفالي
قال انا شفت شوف لا بليتوا به= شوف ريبه اومنه العقل يهتالي
ولحقت الخيل بالتومان مركوبه=وانتووا جيشنا مرخين الأحمالي
انتووا جيشنا والغوش عيوا به=احتموا جيشهم ماضين الأفعالي
كلما قلت عنا هودوا نوبه=الحقوا سربة تسعين خيالي
وحولوا لابتي في كل مسلوبه=واقفت الخيل معها الدم شلالي
من صلاة الضحى يا قابل التوبه= لين غابت او حنا هوش واقتالي
يوم لحق الامير او لحقت الشوبه=لا قرايا ولا مزبن ولا جالي
خليت سابقه بالحزم مصيوبه=راح مرجل وعوضناه الاحبالي
يحسب انا نعود عند مندوبه=يوم يرسل علينا خيله ارسالي
ما درى انا هرجنا اللي هرجتوا به=مــارثة جـــــــدنا فكاكة التالي
هجننا ماركبها كل زاروبه=كود من هو عريب الجد والخالي
ملٍ عينٍ بكت ماهيب مصيوبه= من نهار رخص ما كان به غالي
من عمار ابسوق الموت مجلوبه = ما حسبنا على الدنيا لنا تالي
الكرم ساعة لا حل ماجوبه=والمعاسر لها حزات وارجالي



(( الراوي))

[فواز الغسلان]

ماني على الدرب متروك





عز الله ان القلب يازين عافك=والباب صار بوجهكم دوم مصكوك
مظهورنا شدت ركابه وطافك=من بان لي هرجك حيالات وشكوك
اشوا خفوقي ماتولع وشافك=والا سحبتيني على كايد الشوك
الكذب بهروجك ونونك وكافك=وبالغدر بعقود المحبين مبروك
كذبك ظهر لي في موازين قافك=وظنيتني رجلن على الدرب متروك
ولو كان غيري كان يلعن سقافك=لاشك انا قلبي على الطيب مسبوك
والله فلا نلمس طوارف غدافك=وتلقى جزاء غدرك على كف صعلوك
تكرم يميني ماتلامس عطافك=واكفخ كما طيرن من السبق مفكوك
وتفقد عيوني في ليالي جفافك=وان صحت عند اللي خذوك وتناسوك
صارت خطاوينا الشريفه خلافك=وربوع قلبك لاقضوا منك شاتوك
لين يتعدل يالخسيسه عسافك=ويطلع على عسفك مواثيق وصكوك
القلب شلته عن غباير رفافك=ونثرت جرحي زين الاشعار بالبوك
قدمت سعيك قبل تنهي طوافك=تبي المعزه والملاعين هانوك
غرك غرامي في بياضة رهافك=وظنيتني بكفوفك العمر مملوك
كنز الغناة اللي يعزك عفافك=والا فساتينك دناديش وسلوك
لو عشت عمرك راضي(ن) في كفافك=ماطعت ناسن باوسط النار خلوك
بعتي خفوقي في ليالي زفافك=وشريت ناسن مثل مابعت باعوك

[فواز الغسلان]

العيون الوساعي





ليش تظلم وربي مايحب الظليمه=يومي تطعن خفوقي بالعيون الوساعي
كنت احسب النوايا في غرامك سليمه=لين صارت حروبك بالاذاعه تذاعي
قبل حربك تراني عارفن بالهزيمه=وقبل شوف القذايف بالسماء له شعاعي
ويل قلبن عشيره بالمعارك خصيمه=كيف يرمي وقلبه مع حسين الطباعي
ان تقدم حبيبه وان تأخر غريمه=وكل رجلن تصيده لالويت الذراعي
قلت ادافع وقلتي راح تاخذ قسيمه=وقبل جدع البنادق صار ذبحك جماعي
صار قلبي ضعيفن في عيونك تضيمه=ولو وقع من سلاحك مالقى اليوم ناعي
وشلت قلبي وروحي في رموشك غنيمه=وباقي الجسم طعمن للحداء والضباعي
ان سجنتي اسيرك من يراعي حريمه=او يراعي صغيرن في سنين الرضاعي
قال هذي سلومن بالمعارك قديمه=ولو بغيت السلامه بالهوى ماتطاعي
كنت احسب العذارى في هواها رحيمه=والجروح اللعينه مالها اليوم داعي
لين صبتي خفوقي يالغلا في صميمه=وشفت قلبي رخيصن بالمبيعه يباعي
ياعنودن كلامه ساطي(ن) في كليمه=والغنج في عيونه قبل سن الرباعي
وسط روضن سحابه يجفله في هزيمه=كان لجلج رعدها ضاع قلب الرعاعي
ضاح برقه تلالا يختفق وسط غيمه=يسعد اللي دبشهم تالي القيظ جاعي
في ربيعن تجدد مع توالي هشيمه=نوب ترعى طمان ونوب ترعى الرفاعي
لاتسوق الضماير في دروب الهضيمه=وان لقيت الهضايم خافق القلب ضاعي
خل قلب الهواوي يهتني في نعيمه=ان كشفتي لعينه لثمتك والقناعي
صار عودي نحيلن في بداية صريمه=من غرامن لهيبه واصلن للنخاعي
ليش تذبح عشيرن ماعمل بك جريمه=يوم تفدع بقلبه في فراقك فداعي
لاتطيع بغرامي من مشى بالنميمه=هرجهم بالحبايب مضربه بالكراعي
هم سبب نار قلبي لاتلاسن جحيمه=يبعدون الحبايب عن دروب السناعي
حالتي عقب عينك خالقي هو عليمه=ولك سموحة خفوقي في نهار الوداعي

شعر راوي الجبل ابن غسلان00

[فواز الغسلان]

اجواد بني تميم في أجا وسلمى



--------------------------------------------
بسم الله الرحمن الرحيم


الحمد لله وحده وبعد:


اني اجد صعوبه ليس لها سابقه وانا اكتب بعض حروفي المتواضعه امام حجم وقدر وقيمة القبيلة التي سأكتب عنها بعض

ماسجله الشعراء من شهادات تعبر عن مجد وفخر قبيله كقبيلة تميم ولكني سأحاول ان اضع بين ايديكم بضاعتي

المتواضعه وارجوا منكم العذر والسموحه ان لم اضع حروفي بالمقام الذي يليق بها000


فقد قلت انا في مدحي لمنطقة الجبل ومااكتسبت من افعال وتاريخ مجيد شارك فيه اعلام بني تميم بنصيب وافر سجله

التاريخ بحروف من ذهب فقلت ضمن قصيدتي ( حائل المجد ):



خايلت برقن سـرى والـروح منداشـه=ضوحه يشادي لميع الماس بفصوصـه
بطبوق غيمـن هزيمـه ثـار لولاشـه=فيها المخايل بوبل المـزن مرصوصـه
جعل المخايـل بحايـل وبـل رهاشـه=يسقي ديارن من المجـداب مقروصـه
حيث ان فيها مقـام الجـود وفراشـه=وربي جعلها بتاج الطيـب مخصوصـه
شمـر فخرهـا نفـاد المـال وادباشـه=غاصت بحورن تهاب اهل الردى غوصه
وبنـي تميمـن كرمهـا يلعـج فلاشـه=حتى صغاره بحبـل الطيـب مقلوصـه
مع ضيقة الوقت والحاجـات وابلاشـه=طيبه تعدى هـل الهقـوات وخروصـه

وقال ابن صقيه الله يحفظه جوهره من جواهر الشعر ومنها:



ياذا الحمام اللي سجع في غروسه=ذكرتني يالورق ماكنـت ناسـي
ذكرتني دورن لحاجـب وقوسـه=وبني تميم جبال نجـد الرواسـي
اهل السيوف اللي تصغي مجوسه=واهل الدروع الضافيه والطياسي


وقال الامام فيصل بن تركي ابن سعود مادحا بني تميم لوقوفهم بجانبه امام حملة ابراهيم باشا عام 1254 للهجره

ويهجوا اهل الرياض لكونهم تركوه:



بشر هل العارض ترى حظهم باق=و****هم حالت عليهـا المقاديـر
مابين حصانـن ومابيـن تفـاق=راحوا فواتن بين ذيـك الدعاثيـر
ناروا مع الصفره نشيفين الارياق=ولا لقوا عن نقمـة الله مصاديـر
اقول ذا قولـي وبالـرب وثـاق=امدح رجالن من تميمـن مناعيـر
حاموا على المله وقاموا على ساق=دون المحارم والغروس المباكيـر


ولي انا معلقه لم تكتمل برجالات بني تميم( لكونهم جذوري القديمه التي تعود للعناقر من بني تميم ) قلت من ضمنها:



قال الذي لـه بالقصيـد دروس=يمدح رجالن حازت النامـوس
بني تميم اللي شعـاع كفوفـه=يطرد ظلام الجـوع كالفانـوس
شمس المكارم من قديم وحاضر=صاروا لهتاش الظلام اتـروس
تاريخهم في صفحة المجد ظاهر=منقوش برفوف الزمن بطروس
تنثر حلالـه بالكـرم ودروبـه=ماهو عن اللي ضافهم مدسوس
وان ضاعت الحيله بوقت البلايا=نافوا على العالم برفع الـروس
هم مزبن الاجواد وقت الضيقه=للي شكى من وقته المنحـوس
مثل النهور اللي تغيـث بـلاده=وللطامعيـن بدارهـم دبـوس
شف دارهم محدن طمع في جاله=واللي طمع دونه وقع مفـروس
ولا طيبن الا من بقايا طيبهـم=فيهم عمود المرجله مغـروس


وقد اشتهر من بني تميم في منطقة الجبل اعلام بارزه مدحها الداني والقاصي بكرمهم ومواقفهم المشرفه حتى سارت


الاشعار بهم سير الليل والنهار ومنهم :


(1)- عثمان التميمي ( راعي جفيفاء )0

ويكفي له ان مجيدع الربوض عندما انكسر في الاردن وقبل يشيلونه خواله الشلقان شيلتهم المشهوره وعندما بلغ اليأس

من النجاة أخذ يدعي بالسيل لديرته حايل فقال:



وتسوق روحه بالعجل لام سنمان=وتنثر هللها فوق دار الغفيـلاه
وايمن سحابه سيلت دار عثمان=بالذكر والا ياحسـن ماخطرنـاه


انظروا لشخص مكسور الساق في بلاد اعدائه ولا يعتقد انه سيعيش ومع ذلك يدعوا بالسيل لعثمان التميمي مبررا ذلك

بذكر الناس لكرمه ومدحهم له والا فالشاعر لم يسبق ان خطره اي اتاه خاطرا او ضيفا وماذاك الا لشهرته الكامله في

المنطقه00

(2)- ناصر بن لحيدان (راعي الوسيطاء)0

قال فيه خضير الصعيليك من الاسلم من شمر الابيات الذهبيه كما يسميها البعض وهي كذلك وبالرغم انها ثلاث ابيات

فقط ولكنها افضل من عشرات القصائد حيث قال شارحا كرم ابن لحيدان وكثرة انفاده للقهوه:



والله ماترخص بصنعاء بضاعـه=وابن لحيدانن على جاهـد القـاع
مانفدت كفه مـن البـن ساعـه=تطبخ سنه لمبقصينـه بالاصبـاع
اليا من حيلات الاجاويـد ضاعـه=يفدع ولو كان المجيدي على صاع


لان القهوه تاتي من اليمن يقول انها لن ترخص قيمتها مادام ابن لحيدان حيا يسير فوق الارض0 والمجيدي عمله نقديه

كانت متداوله فهو يقول لو كان صاع القهوه قيمته مجيدي( وكان البعير يشرى بمجيدي) ومع ذلك يفدع بالقهوه اي

يحمس منها كميات كبيره بالرغم من ارتفاع سعرها بالسوق وهذه منتهى الروعه بالوصف0


(3)- دواس بن عفنان ( راعي السبعان )0

قال فيه فرج بن خربوش من الاسلم من شمر واصفا كرمه وانه لن ينساه الى يوم القيامه بسبب مواقفه الكريمه معه:



لاياخلف جانا الشباطي نشدنـاه=يذكر لنا ريف المراميل غـادي
الشايب اللـي ماتعـدد مزايـاه=ستر المحارم يوم حرب البلادي
لما يفوع العظم دواس ماانسـاه=اللي اليا جيته عطاني مـرادي
الحر حر ويعجبك زيـن مـدلاه=والتبع يفلس من عمود الجرادي


فهو يصفه بالحر وهو الطير النادر الذي يبهج صدر من ارتجاه واما التبع وهو ردي الطيور فلايستطيع ان يعيش نفسه من

عمود الجراد وهو سيله المنهمر بالرغم من كثرته0


(4)-تركي بن ربيعان التميمي ( راعي المستجده )0

يقول فيه ايضا فرج بن خربوش مادحا كرمه المشتهر النادر في المستجده جنوب حائل قرابة تسعين كيلومتر0



اللي مسنـد يـم رمـان تسنيـد=ملفاك تركـي راعـي المستجـده
مرددن في نيـة الخيـر ترديـد=وجماع مع كـل المراجـل مـوده
ياريف اهل هجنن اليا جن عراجيد=ياريف راعي وندة(ن) جاء يضده
يوم الجوابي مثل ملـح البواريـد=بنسريتـن ونجومهـا مجرهـده

وكذلك محمد بن ربيعان الذي قال فيه الكليخ من عنزه بعد وفاته وعندما رأى شخصا يبكي لضياع قعوده وكان يسمى

ابو حوطتين لكثرة ضيوفه من الشرق والغرب فقال الكليخ:



حفيت ذلولي من كثير القريني=وانته قعودك مالقى من يلفيه
قبل قعودك مات ابو حوطتيني=الضيف لو يجفل بعيره يعشيه


(5)- علي القبالي( راعي قصر العشروات)0

توفي رحمه الله وكان علما بارزا بالكرم ثم توفي بعده عبدالله بن رشيد وكان علما بالشجاعه مما دفع ابن طوعان من

السويد من شمر ان يقول:


ماني بحال الملقحـة والكواديـد=يوم راح عبدالله وراح القبالـي
لابد ماينزل غنيمـن علـى فيـد=ونشوف من ينحى العداء بالفعالي


وكأنه يقول لم يبقى احد بعد ان مات علم الكرم وعلم الشجاعه وهو معنى شعري قوي جدا بالوصف وذلك عندما يشبه

شهرة القبالي بالكرم بشهرة ابن رشيد بالشجاعه وهو الذي عرف بالتاريخ بالشجاعه البارعه0


(6)- زيد (زيدان) الخوير ( راعي قفار)0

صاحب القصيده الشهيره في وصف القهوه والتي شاع ذكرها في انحاء الجزيرة العربيه وعلى ألسنة الرواة ومحبي

الكيف ولعلي اورد لكم مقتطفات منها:



يقـول مـن يبـدع علـى قافـي=من ضامره ياتن ريامن مواليـف
بمنومسن لقم على بكـر صافـي=عليه من شغل ابن سكران توليف
واصبر لياما توجس النذل غافـي=وقرب دلالن تقـل بـط مهاديـف
دلال ماعنهن سنى النـار طافـي=بوجار من لادونهن بابهن جيـف
مبرهجن تسفى عليـه السوافـي=من حطته ماطق في ركزة السيف
احمس ولقـم بالعجـل يالسنافـي=بشاميتن طرف لها الجمر تطريف
يحوفها رجلن من الغوش شافـي=قرمن يقلبها حريصن على الكيف
وبهارها من يمـة الهنـد لافـي=في مركبن تزجاه زجر العواصيف
فنجالهـا لاشـف بيـن الاشافـي=ياتقل تجذب من شفى شاربه شيف
صبه لمن يثني خـلاف المقافـي=يوم الفرنج يقذف الملـح تقذيـف
ونفل به اللـي بالمـروات وافـي=ماداور التجرات به والمصاريـف
اللي الياغليـت شراهـا جزافـي=مارطله عنـد الدكاكيـن بنصيـف



وهي اطول بكثير من ذلك وكذلك في دلاله واضحه على كرمه وكون بابه لايقفل ولا يطق بالسيف لكونه مقفل وايضا

يشتريها جزاف يعني بالخياش ماهو بالرطل0 وتاريخه ابيض يشهد به القاصي والداني00 ومن عجائبه انه اتى مجلس امير

حائل محمد العبدالله الرشيد يوم العيد وسلم ولم يكن له مكان يجلس فيه فقام ابن خشمان من حضر اهل حايل وهو يسلم

عليه ويجلسه بمكانه فحفظها له زيد الخوير الذي عندما توفي وجدوه قد اوصى بنخلاته النجايب اللي على الجابيه

لابن خشمان وعندما سألوا ابن خشمان قال لاتوجد علاقه بيننا غير اني قمت عنه في مجلس ابن رشيد فقالوا هذا السبب0


ولكوني اكتب من ذاكرتي فسيفوت علي بعض الاسماء الشهيره علما اني اوردت هنا نموذجا من اعلام الكرم الذين

اشتهروا من بني تميم في منطقة الجبل ولا اقصد الاستقصاء للجميع لان ذلك يحتاج وقتا طويلا لذلك ارجوا عدم المؤاخذه

للنسيان والقصور والا فالباقين مثل البديعه والهياف والرباح والمهوس والكثير الكثير الذي يصعب عد شهرتهم ومواقفهم

الخالده واذا نسيهم قلم ابن غسلان فسيبقى التاريخ شاهدا عادلا لهم رحمهم الله تعالى والسلام عليكم ورحمة الله00


راوي الجبل (ابن غسلان))

[فواز الغسلان]

هلا وغلا وأسف للتاخير لاني توي شفت طلبك يالغالي

هذي قصيدة جديع ابن هذال بطلاقه لمويضي الدهلاوية العجميه



يا راكب حيل ٍ الى لجلجنـــــــي=عوص لهن مع نازح البيد مرمـال
الى مشن مديدهن ما يونـــــــــي=لكن حاديهن مع الدو خيـــــــــتال
مدن من الانجاج حين انهلنـــــــي=والظهر عند صخيف اللون مقيــــال
والعصر عند صويحبي بركنــــــي=أبو ثمان كنهن در الاجهـــــــــــال
لاجيت موضي يامناي ومظنـــــي= وصل سلامي لبنت ماضين الافعال
وقله تراها طالق الحبل منـــــــــي=اللي قصيده يلعبه كل رجــــــــــال


نرى في البيت الاخير أن الشيخ جديع بن هذال طلقها على أمر لايستاهل أن تجازي به كالطلاق ، ومن هنا يتبين للقاريء شخصية جديع القوية والعصبية في نفس الوقت ويتسرع في إتخاذ القرار و بعد هذه القصيدة ردت عليه مويضي الدهلاوية العجمية بقولها :




حي الجواب وحي منهو جوابـــــــــــه=ياشيخ يا مكدي غثيثين الاجنـــــــاب
يا شيخ والله ما مشيت بمعابـــــــــــه=ولا خايلت عيني على كل نصــــــــاب
وأن كان قولي فيك كلن حكابــــــــه= عرضي نزيه ولا حكى فيه هـــــــزاب
ارجيك رجوى البادية للسحابــــــــــــه= وجازيتني في كلمة ٍ مالها أسبــــاب
هذا النصيب وما بغى الرب جابــــــــه=وان صك باب العبد عند الولي مية باب


ثم رجع الشيخ جديع بن هذال وتندم وأراد أن يردها زوجة له الا أنها رفضت قطعيا ذلك وقالت :




جديع يومنه بغاني بغيتـــــــــــــه= ما طمحوني عنه كثر العشاشيــق
واليوم يومنه رماني رميتـــــــــــه=رمية وضحي رموه التفاقيـــــــــق
جديع أنا حرمت مسكان بيتــــــه=الا مغيب الشمس يرجع لتشريــــق
ولا أن صوت الحي يوحيه ميتــــــه=أو ينبلع سم الحيايا على الريـــــق
عسى يجيني شيخ ٍ يسمع بصيتــه= سنافي يعطي من طوال السماحيق

تحياتي العطره الراوي

[فواز الغسلان]

المعروف مايضيع(راعي جفيفا



بسم الله الرحمن الرحيم



(جفيفاء) قريه صغيره مجاوره لحائل ربما لايلقي لها احد اي اهتمام ولكنها انجبت رجالا وقفوا مواقفا اصبحت بصمه


في تاريخ بني تميم بشكل خاص ومنطقة حائل بشكل عام 00


وعلى راسهم عثمان راعي جفيفاء (مزهب الطراقي) والذي كانت له مكرمه من الله سبحانه وتعالى لكون كرمه صخى


من قلبه وحبا في الخير واشباع الجائع ومساعدة الفقير لذلك سمعت من العديد من الرواة من شيبان اهل حائل ان النخل


في جفيفاء لم يكن كثيرا بالقياس لكثرة عابري السبيل والخطار اللي يمرونها فكان عثمان اذا جد النخل واخذ التمر


وضعه في غرفه ووضع عليها غطاء (شراع وماشابهه) فكان ياخذ منه ويعطي الطراقي ويشبع الجائع ويقوم بحق


ضيوفه00


وتنتهي السنه ويطلع التمر الجديد وقد تبقى من تمر العام بعضه بالرغم من انه ليس كثيرا فكان هو وغيره يعلمون انها


مكرمه من الله سبحانه وتعالى00


وذات اجتمع وجهاء حائل وشمر بمجلس محمد العبدالله الرشيد وكان في المجلس اغلب كرماء الديره والقبيله فقال الامير


من هو اكرم اللي حولنا فسكتوا جميعا فقال عثمان انا اطيبهم 0 فقال الامير ليش؟ قال لان كل واحد من هؤلاء كان ابوه


مكرما وجلس هو بمكانه وكأنه وجد ذلول عليها شداده وركب0 اما انا فكان ابوي فقير جدا وكسبت طيبي بفضل الله ثم


بذراعي قال الامير صدقت والنعم00


وصاحب قصتنا الاساسيه مرشد بن حمود التميمي الذي اصبح كبير جفيفاء واللي ابنه عثمان الان هو اميرها0 وهو من


اقارب عثمان الاول واعتقد ان عثمان خال لمرشد رحمه الله000


والسالفه هذي ماسمعها ولده ابد لما قيل له ان ابن غسلان رواه وقال ابوي قليل كلام وماعمره رواه لي000


وانا ياابن غسلان سمعتها من افمه بنفسه قبل وفاته رحمه الله فقال:


عندما زاد الفقر قبل ستين عام خرجت وانا شاب لسوريا وسجلت بالعسكريه الفرنسيه قبل رحيلها وصرت مع فرقه خمس


افراد دوريه حول دمشق وذات يوم امسكنا شخص من نجد مهرب فضه وربطناه علشان نسلمه للسلطات وفي الطريق


سمع كلامي فعرف اني من نجد فقال يانجدي ادخل على الله والله ان عيالي بالقصيم مالهم فوق الارض حلال غير هذا


اللي مسكوه الدوريه00 فلما سمع ذلك مرشد اخذته الحميه والنخوا وهو يهدد الجنود الاربعه بالسلاح ويطلق القصيمي


ويربطون الجنود ويهربون0 وكان القصيمي اسمه زيد العجاجي0 مشو جميع لين وصلوا الاردن يقول مرشد وانا اسجل


بالعسكريه الانكليزيه بها واجلس طويلا لين شاب راسي 00


ولما رجعت وجدت جفيفاء ماتت وقد رحل من تبقى من اهلها لحايل لقلة الماء00 يقول فتضايقت لكونها ديرة الاباء


والاجداد0 وكل واحد اقول له ارجع لجفيفاء يقول احضر لي الماء وارجع00 ويوم ضاقت علي وانا اتذكر العجاجي اللي


اطلقته قبل اربعين سنه0 يقول وانا اروح انشد عنه وقد اصبح من اثرى اثرياء القصيم00


فقابلته ولم يعرفني بالبدايه لاننا كنا شباب والان شيبان فقلت له هل تذكر اللي اطلقك بالشام؟؟؟


يقول يوم سالت دمعته وهو يحضني من جديد0 ثم نادى اولاده فقال منهو الشخص اللي اعطيتكم اسمه قالوا مرشد


الحمود التميمي فقال ماتوقعت اواجهك لكن قلت يمكن يجيكم احد من عياله تروه صاحب المعروف بالحلال كله هذا00


فقال ماهي حاجتك فأخبره الخبر فقدم له سياره بعد اكرامه وقال اذهب لحائل واخبر جماعتك اللي يبي الديره انا دور


اليوم يعني بعد اسبوع اجيكم وكل واحد له بئر ومكينه وطرنبه 0 وفعلا حدث ذلك ورجعت جفيفاء للحياة مره اخرى


بسبب معروف فعله مرشد قبل اربعين سنه وصار برجل يثمن المعروف ماينساه وهو العجاجي الله يرحمهم جميع فلما


سمعت القصه هذه شدتني فعلا روعتها فقلت:



الطيب يبقى لو زمانه قديمي=يوضي مثل نور الفنر والسراجي

مايجحد المعروف رجلن كريمي=اللي لهم بارض المراجل مداجي

خذ عبرتك من طيب ولد التميمي=مرشد وماسواه زيد العجاجي

تنهض عظام اللي بقبره رميمي=عسى لهم بجنان ربي خراجي


قصه حدثت واقعيه تعتبر عبره لفعل المعروف وحفظه ورده عند الحاجه وبطلها التميمي مرشد والعجاجي زيد والسلام0


تحياتي الراوي ابن غسلان 00

[فواز الغسلان]

بسم الله الرحمن الرحيم

هذا يقولون لك واحد اسمه عبد الرحيم المطوع التميمي حب له وحده

ويقال انها ((بنت صايغ)) وقرر انه ياتزوجها بس بشكل سري لان جماعته مافيه امل

يوافقون على هالعرس


المهم انه تزوجها بالسر وجاب منها ولد وهالولد كبر وبدا يحبي

ويقولون مره حبا لين وصل الباب وتشوفه وحده من جيرانهم وشافت اشباه المطوع

بهالبزر وسترت عليهم الله يجزاها خير ماخلت احد بالديره ماعلم

ويقولون ان وحده من رفيقاتها شارت عليها انها تذيع الخبر بين الناس

المهم ان الخبر وصل جماعه عبدالرحيم المطوع وقالوا له يالله امش معنا للصحرا

ونتفاهم هناك <<<<-------ناوينه ناوينه

المهم انهم طلعو وهم بالطريق يقولون لقو ظبيه وذبحوها

وقالوا يالله يالمطوع تبي تطلق بنت الصايغ والا ذبحناك مثل هالظبيه

قال اصبروا خلوني اشاور نفسي وطلع على راس له طعس واخذ معه من دم هالغزال

وكتب هالقصيده على ثوبه بالدم قبل ان يموت في مكانه فقال عبدالرحيم المطوع التميمي:

قتيــل العشق


يقول التميمي الذي شب مترف=مدا العمر ماشا في زمانه جاه
ياراكب ياللي من عقيل تقللوا=من نجد الى الريف المريف مداه
حدروا بنا من جوعكل وقوضوا=على كل هباع يمد خطاه
علاكم تجد السير لكن وصفها=على قطعة البيدا وكثر اسراه
صريمة ربد حدها جال تيما=على الأرض من عالي النبا بوطاه
فلما جو الدهنا والأنسان ماله=ملاذ وماكتب عليه وطاه
لقو جادل في زربها مستكنه=حماه من لفح السموم ذراه
غشاها لذيذ النوم والنوم قد غشا=من القوم حذر وايتليه عداه
فقلت لأخواني ومثلي ومثلهم=يشكي إلى من الزمان وطاه
دعوها سبيل كود من ذي فعايله=يجزى على فعله يشوف مناه
ياشمل يامأمونة الهجن هوذلي=إلى دار من صعب على لقاه
ادقاق حجل اطراف ياناق وان طرى=على البال زاده من عناه شقاه
لعل قصر حال بيني وبينها=لنجم من المولى يهد بناه
أبغى الى هد العلا من قصورها=وذهلن عطيرات الجيوب حياه
يظهر عشيري سالم من ربوعها=هذاك مطلوب الفتى ومناه
الا واعنا عيني إلى ريت صاحبي=جضيع لغيري وأحترمت لقاه
سيره ممروع لغيري ويهتوي=وساقيه ما ينحى علي بماه
دع ذا وسل رب الملا في محلتم=سرى يشعق بظلما شعاع سناه
لاكن بأمر الله تطلق ركونه=عزايله وصف السحاب رداه
حوراك تبن والذراعين زجهن=من الريح زعاج وطار سناه
وطا ماوطى واللي وطا مابعد وطا=غطا ماوطا واللي وطاه غطاه
محا ما محا واللي محا بعد مانحا=محا ما محا واللي نحاه محاه
عصا ما نصا واللي عصا بعدما نصا=نصا ماعطا واللي عطاه نصاه
وان كان لي ظن وهاجوس خاطري=قد حال بين البازمين غشاه
من باعنا بالهجر بعناه بالنيا=ومن جذ حبلي ماوصلت رشاه
الا قفا جزا الا قفا ولاخير في فتى=يريد هوى من لا يريد هواه
خليلي يشادي خاتم العاج وصطه=قول انفرج لولا البريم زواه
خليلي خلا قلبي من الولف غيره=عفت الأخلا والخدون حذاه
خليلي لو حال البحر بيني وبينه=ذبيت روحي فوق غبة ماه
خليلي لو يرعى الجراد رعيته=أهظله من حشمته ورضاه
خليلي لو يزرع ازيرع سقيته=من الدمع لوشح القليب بماه
خليلي لو يبذق على الشري ريقه=غدا عسل والتاجر يزيد شراه
خليلي لو ياطا قبر ميت=بأمر الولي حكاه حين وطاه
خليلي لو يطا على جمرة الغضا=وطيت في رجلي تبع ماطاه
خليلي معسول الشفاتين فاتني=كما فات لقاي الدلي رشاه
كن عن صغير السن حذر ولاتكن=دنوع إلى شفته بسن سفاه
وإن كان ما جاوز ثلاث مع اربع=وعشر فلا يشفي الفؤاد لقاه
تعاديه ما يدري وتصافيه مادرى=وما سمع من غالي الحديث حكاه
عضيت روس انملي بنواجدي=وقلت آه من حر المصيبه آه
لو أن في قول آه تبري علتي=كثر أن في ضامري قول آه
الأيام ماخلن على حد ماكونه=ومن لاكونه عابيات عباه


ليموت في المكان المسمى باسمه الان ( نقى المطوع ) وانا خايف اصير مثله يارجال افزعوا

لعب بحسبتي العشق الله يقطعه مايرحم000

[فواز الغسلان]

تروه بذبحنـــــــــــــا مسموح



رجيتك ياهنى روحن تمنت شوفتك ساعه=ولا ذاقت بدرب العشق لامكسب ولا مربوح
انا قلبي على دربك شكى من لايعن لاعه=طبوعك ياهوى بالي طواريها تغث الروح
اخبر اللي يبي غاليه لاقال اسقني طاعه=وانا غادرتكم ضامي بقلبن ضايقن مجروح
رحلت بمركب احلامي تلوح الريح بشراعه=وموجات البحر تلطم على اللي يدخله ذابوح
هزيم رعودها يرجف وبرقه يركز اشعاعه=واذا ناظرت تبي سهيل ماهو بالنظر ملموح
غطاه اللي غطى قومن خدعها زين مرباعه=وتاليهم بقايا قوم ركبوا في سفينة نوح
اشوح الشوف بعيونن تحاول شوف مطلاعه=اراجي شوفة الشاطي اواريام الفلاة سروح
خفوقي ضاع بامواجه سبايب صاحبن باعه=ولايقدر يشوف الدرب لو برقه غدى له ضوح
عقب ماكنت والغالي بروضن فاح نعناعه=اشوف الموت يدعيني ولو شحت النواظر شوح
طرى لي وسط موجاته خدود الزين لاراعه=شعاع البرق ذكرني بمبسم وجهها المملوح
عيون اللي ورى الصيده رماح الموت باصباعه=يشيل الموت باصباعه اليا لاح الحبارى لوح
مراميع العرب كله قصارن دون مرماعه=واذا شاف الحباري راح تلقى خربهن مسدوح
عشيري من جميع البيض شال الزين بانواعه=طلبتك ترحمين اللي غرامه مايريد شروح
الا يامنوة الخافق وراس المال واطماعه=وسلوة عاشقن دمعه على خد العناء مسفوح
انا جيت الطبيب وحط فوق الصدر سماعه=وجاب الفحص والناتج خفوقن بالغلا مشفوح
وقال ان الظماير فات سبع شهور مرتاعه=وصدره كاتمن نارن من الضيقه غدى له فوح
تقول انه نهش حاله ذياب الجال وسباعه=او انه عاشقن غنجاء ولاكنه يخاف البوح
وقال ان الدواء رشفة ثنايا خفرتن ضاعه=عنودن مثل عين الريم حطتكم على الجابوح
وقلت اعلن خبر موتي على العالم بمذياعه=وقل موته سبب خشفن(( تروه بذبحنا مسموح))

[فواز الغسلان]

هذهـ القصيدهـ للشيخ و الفارس مشعان بن هذال شيخ شمل قبيلة عنزهـ في زمانه ، و هي من أروع قصائدهـ و القصائد التي قالها شعراء قبيلة عنزهـ أجمع ، و قد تزوج بعد هذهـ القصيدهـ ببنت الشيخ الدويش شيخ قبيلة مطير ، الذي كان عندهم فداوي ، بعد أن تخاصم مع والدهـ لأنه لا يريد الزواج بإحدى بنات أعمامه ، و قال له والدهـ تبي تتزوج بنت الدويش من زعله عليه ، فأخذ مزودته ، دون أن يعلم أحد أين ذهب و خرج قاصدا ديار الشيخ الدويش شيخ قبيلة مطير ، و إستضافهم و سألوهـ من وين هو بعد أن قضى حق الضيافه فقال من عامة عنزهـ ، و لم يكونوا يعلمون أنه شيخهم و إبن شيخهم ، فبقي عندهم فداوي ، يعمل عندهم و في خدمتهم ، و قد لاحظت بنت الشيخ الدويش أن هذا الفداوي طبعه غير أطباع من يعملون عندهم من الرعاة و ساسة الخيل و غيرهم ، فلم يكن يطلع على النساء ، و لا يرفع عينه عليهن ، و سجاياهـ تدل على أنه من بيت رفيع ، و يقوم بعمله الذي يطلب منه ، فأحبت أن تختبرهـ لتعرف معدنه و ما هو من الرجال ، فأعطته قربة فيها ماء و قامة بتخريقها بالابرهـ خروم صغيرهـ أصبح معها الماء ينضح وهو ذاهب ليحش للخيل ، و فرغت قربته ، و قد عاد متأخرا بعد نوم أهل البيت و البنت مازالت تنتظرهـ و تراقبه من بعيد فأراد أن يدخل للشق الذي كان فيه الماء و لكنه تراجع و لم يدخل و رجع لمجلس الرجال و أصبح ينشد على الربابه هذهـ الأبيات ( في نهاية القصه الأبيات ) ، و سمعتها البنت و حفظتها ، و في الصباح سألت والدها الشيخ الدويش عن الإبل التي ذكرها في القصيدهـ و عن العبد مسعود ، من هي له من القبائل و عن المناطق التي ذكرها ، فقال والدها إنها لآل هذال شيوخ قبيلة عنزهـ فقالت له إبنته إن ذلك الفداوي هو بن هذال و ليس من عامة عنزهـ ، فسكت والدها ، ربما لأنه ليس مقتنع أو يريد أن تثبت له مع الأيام ، و صادف أن جاء بعد مدة غزو من إحدى القبائل على الدويش فتفازع الدوشان لمقابلة الغزاة و من معهم من قبيلتهم مطير و لإسترداد حلالهم ، فقابلوهم ، و كان هناك فارس لا يشق له غبار ، و طرد القوم و إقتلع منهم و كسب ، و أخذ من الدم و أصبح يطبع بيدهـ على الغنائم التي كسبها من القوم ، و خبئها في مكان ما ، و أخذ الخيل و الإبل التي كسبها و قدمها و جلبها للمضارب و إبتعد بعد ان قرب من المضارب عنها ، و أخذ ما كسبه من السلاح و الجوخ غيرها ، و خبئها في مكان ما و عاد و كأن شيئا لم يكن و لم يشارك في المعركه ، و رد القوم ، فأصبح فرسان القبيلة يتفاخرون بأفعالهم ، و لكن لاحظ الشيخ الدويش أن الخيل و الإبل التي كسبوها ، عليها طبعة يد كبيرهـ ملطخة بالدم ، فقال الدويش إن هناك من كسبها من القوم ، فأصبح الشيخ يأمر الفرسان بوضع أيدهم عليها لمعرفة من الفارس الذي كسبها من القوم ، فلم تنطبق اليد على أحد الفرسان فحينئذ إستأذن مشعان بن هذال الشيخ الدويش و وضع يدهـ فكانت مطابقه ، فطلبوا منه تقديم دليل على أنه هو من كسبها من القوم فدلهم على مكان السلاح و الجوخ و غيرها من زينة الفرسان ، فعرفوا أنه هو من كسبها و كشف نفسه للشيخ الدويش أنه مشعان بن هذال إبن شيخ عنزهـ في زمانه ، فرحب به الشيخ و أكرمه و زوجه ابنته التي سمعت القصيدهـ و سألت والدها عن معانيها ، و أخبرهم أنه جاء عندهم رغبة في الزواج من إبنة الشيخ الدويش ، فرحب به الشيخ و زوجه إبنته ، و عاد إلى أهله بعد أن تزوج بنت الشيخ الدويش .



المسعد اللي ماسرى الليل حشاش= عقب الحيا ياطا على كل منقود
يابن مهاوش كب حمسات الادحاش=ترى حمسلت البلايل تجي سود
قم سو فنجال ترى الرأس منداش=يا شوق من قرنه على المتن مرجود
ولقم بدله مولع كنها الشاش=و بهارها مقدار خمسة عشر عود
والهيل حطه لاتدانا و لاجاش=و من الزباد اقنه على شذرة العود
أبيه رسم للنشاما عن اللاش=و اللاش لا فايد و لا هو بمفيود
الطيب سندا والردى ذاك ملاش=و اللي يريد الطيب ما هو بمردود
لذة الدنيا معاميل وفراش=و صينية يركض بها العبد مسعود
وياماحلا وأن روحن حس الادباش=صفر و مغاتير و يبرا لهن سود
مرباعها الصمان تبعد عن الطاش=و مقياضها دخنة ليا صرم العود
وصفرن يلوحنه على كل مهباش=يا ماحلا بيدينهن قاسي العود
في رفة يشبع بها كل هتاش=و يفرح بها اللي من دنياه مضهود
ومن لايروي شذرة السيف لاعاش=عسى عليه مورد الجيب مقدود

[فواز الغسلان]

(((وش اســــــــــــــوي ياجماعة الربـــــــــــــع)))

اخواني الاعزاء انا جمعتكم علشان استشيركم بواحد اسمه ( منذر ) حط علي اشاعه

اني ابي اعرس عقب شهر وقامت القيامه بالبيت عند ام فهد ولذلك قررت اني

اذبحه بس ماادري هو شنق او رمي او اغمته غمت ببطانيه وش رايكم؟؟


صبح سبت ودوامي يشلع الروح شلعي=بالمحاكم وكله في صكوك وقضايا
وصار منذر هواشه يملع القلب ملعي=شاع عرسي لربعي ياعيال الطنايا
لي عجوزن ببيتي تكسر اليوم ظلعي=تمنع الطبخ عندي لين نصبح شظايا
عقب مالعيش واجد نبلع الظهر بلعي=بان جوعي سبايب (منذرين) الولايا
ويل قلبي اذا هي قررت غصب خلعي=صار ذبحك حلالن ياخبيث السجايا
وسط بيتي عيالن كالمفاريد صلعي=وكان راحت رميتك وسط حوض المنايا
اولي غصن موزن يعجب الناس طلعي=صارت غصون عودي من قناته محايا
ادري انه يداور ياهل الجود قلعي=يقلع الله ضروسه لين تصبح دمايا
وقمت اجاوب حمامن من غلا الولف يلعي=ابي ذبحي لمنذر يوم عيد الضحايا

[فواز الغسلان]

بسم الله الرحمن الرحيم

((ردهان ابن عنقاء)) الحكيم

عندما ذهب الشاعر الفحل الحكيم ردهان بن عنقاء الى العراق ليكون بجانب الجربان تلك العائله التي
توارثت الاماره وشاع صيتها بالكرم والشجاعه والحميه وشتى صنوف المراجل حتى اصبحوا تاجا يتلالا في
تاريخ قبيلة شمر وتاريخ نجد والعراق بشكل عام000
ولم ياتي في خلد احد انه بمسيره هذا سيوفقه الله بالاصلاح بين العديد من الفرقاء حين وقوع الخلاف الذي يقع مع
كل بشر وخاصة الجربان مع من تخاصم معهم من فخوذ القبيله بامور الحياة
التي لابد من حدوثها بين الناس دائما 00 اصلاح بواسطة اشعاره الحكيمه والمقنعه للمستمع 000
خاصة انه وفي بداية وصوله للعراق اشتكى البرد حتى خاف الموت وقال قصيدته المشهوره ومنها:



البارحه ماهـي مـن البارحاتـي=من زاجرن يزجر ورى البيت ويزير
تصبح به الخلفـات والمسمناتـي=عدك تحش ظهورهـن بالمناشيـر
لولا ابو مدبغ كـان هـذا مماتـي=في ليلتن ماينلقـي لـي حفافيـر
عطيتـه ماهـي مـن البينـاتـي=فروه وعده سايقـن لـي مغاتيـر
ابـوه قبلـه معطـي المسمناتـي=قب الحوافـر ناسعـات المساميـر



حتى جاء يوم كان الفرسان من شمر مجتمعين للسباق على ظهور الخيل فقام ( مقهوي ) صفوق الجرباء
واسمه ( الشرابي ) وركب فرس الشيخ صفوق وحضر للمشاركه بالسباق فطرده شخصان من ( الثابت )
اهل الجدعاء ورفضوا مشاركته ولم يلتفت لهم لكونه القهوجي الخاص للشيخ مما اضطر الثوابت لضربه فوقع
من الفرس وانكسرت يده فذهب يبكي للشيخ وكان عزيزا عليه00
فقال الشيخ صفوق احضروهم لي فدخل الثوابت على شيوخ عبده وادخلوه عن الشيخ فطلب منهم
تسليمهم ورفضوا فهددهم بالحرب والقتال وامر بتجهيز الفرسان 00
فجاء ردهان الى صفوق فقال ياشيخ وش تبي تسوي؟ تراك خسران بالحالتين سواء انتصرت او انهزمت00
ان انتصرت فليس فخرا لكونك ذبحت اولاد عمك وانتم اكثر منهم عددا بكثير 0 وان هزموك صارت معيبه عليك
لانهم اقل منكم بكثير فقال الشيخ صفوق وش رايك اجل؟ قال ردهان ابي اروح لشيوخ عبده واشوفهم وان
كانوا خايفين شد عليهم بالتهديد لين يجيبون الثوابت واذا كانوا جازمين للحرب مابها ثمره فقال زين000
فذهب لهم ردهان فوجدهم مجتمعين بمجلس الشيخ ابن شريم ووجوهم متغيره وفيها التصميم على
القتال وهم يتناجون فقاموا الى مجلس ابالميخ وبعضهم نسي البشت حقه وراح مصلوخ حسب تسميتهم
ذلك الوقت فعرف ردهان انهم جازمين على عدم تسليم الاثنين ولو كانت حربا فرجع ردهان وقال:




ياصفوق واحمر الدساميل ساجـه=من رفة ابن شريم ثاروا لابالميخ
عدي اشوف وجيههم يوم لاجـت=كثرت مناجيهم وثاروا مصاليـخ
ياصفوق تر بعض المعاني سماجه=وشلون تزعلهم وترضي الطبابيخ
ربع(ن) لنا نقضي بهم كل حاجـه=عاداتهم بالكون جدع المجاويـخ
اللـي قلايعهـم نهـار اللجاجـه=قب(ن) مناخرها سوات المنافيـخ



فقال صفوق لقد خذينا رايك ياردهان وعز الله انك صدقت000
وحصل بعدها زعل بين الفارس هايس القعيط والشيخ صفوق الجرباء مما حدى هايس للرحيل وكانت هناك
نميمه سارت بينهم وهي سبب الافتراق00 فتضايق ردهان على خسرانهم لهايس القعيط فقال ردهان
ينصح صفوق الجرباء بمراجعة العلاقه مع هايس :



يامن خبر رجل(ن) يفلش حزامـه=يبيع تسع جموع بحصان هـزاع
شيخن قنا العدوان واهفى عمامه=يطيع عمي الراي للجـذع شـلاع
من عقبنا شدوا عليـك المسامـه=شف دونك العدوان كدك بهم ضاع
ماينفعك شمـران قلـب النعامـه=وحيد مايفـزع الياجـاك فـزاع
شمر جزورن والسيافـا سنامـه=وعزي لشيخن فاخته ذيب الاقطاع



فعادت العلاقه بينهم مرة اخرى بسبب هذه الابيات الذهبيه لردهان بن عنقاء الله يرحمه00
وفي عهد عبدالكريم الجرباء وخلافه مع الثابت اصلح بينهم بقصيدته المشهوره التي انزلتها سابقا ومنها:




ياراكبينـن موميـات السفـايـف=حمرن وهن من حدر يكسن لهن خام
ومحيلاتن عقـب ماهـن عسايـف=رمن سنون الربع عامن باثر عـام
يدن كلامن مـن دماغـي طرايـف=من راس عودن صايبه غش وهيام
يلفن علـى عبدالكريـم ابونايـف=ياعل عمرك باقي(ن) طـول الايـام
ياشيـخ ياللـي للمحـزم خلايـف=ياشبـه زملـوق الثريـا الياقـام
يالولـب الحكـام واف الكـلايـف=لولا عليـك مـن المثاليـم مثـلام
اصغت راسك يـم راعـي غرايـف=لاقاعـدن عـزك براسـه ولا قـام
حطاط زيحـن بالقلـوب النظايـف=عجلن على نقل المشابيـك ميـلام
الزمل غرب منكـم اليـوم خايـف=وش علمكم يامدلهـة كـل مـرزام
ثلاث جموعن عايـزات الوصايـف=متنحراتن صوب جدعـان ودهـام
عسكركم اللـي مايريـد العلايـف=حقن لكم من دور فـارس وزقـام
قطعانهم تنحـى مغيـرن وحايـف=والجمع الاول يزحمونـه اليـا زام
امكـن تراهـا ماتفيـد الحسايـف=شي يفـوت البارحـه كنـه العـام
من قبل كسـرن ماتضبـه سنايـفكسـر ضريـر ولا يواليـه حـزام


فأطاع ابوخوذه شور ردهان بمراضاة الثابت وايقاف الفتنه التي كادت ان تسري بسبب الوشاة ومن يدفع الشيخ
عبدالكريم للحرب وطرد الثابت 0 علما ان ابن عبدان التريباني ايضا قال قصيده مثمنه بنفس المجلس كانت مساعده
لرأي ردهان0 وهناك من ينسبها لمضحي الوحير واعتقد انه غير صحيح لكون مضحي متأخر عن هذا الوقت00
وللفائده فهناك من ينسب نصيحة الشيخ سمير ابن زيدان الجرباء عن حرب عبدالكريم ينسبها لردهان ابن عنقاء
والاكثريه ينسبوها لعبيد ابن رشيد والتي مطلعها:




ياسمير ابن زيدان وش لك بالابلاش=وش لك بناسن مالك الله يطيعـون
عبدالكريم الـداب للعظـم نهـاش=وان هاز ربعك يابن زيدان يقفـون



فأن ثبت انها لردهان فهذا هو شأنه وعادته في الاصلاح وان كانت لابن رشيد فيكفي ردهان مامضى ذكره هنا
من رجاحة عقل وطيب قلب واستخدام الشعر بالخير والفائده للقبيله وليس للشر والتفرقه00
وصحيح ان فيه ناس تفك الرجال من الشر برجاحة عقله وطيب قلبه وهناك من يفرح باشعال الشر00
رحم الله ردهان الذي كان عقلا يساوي قبيله من النادر وجود كثير من امثاله والسلام00
((ملاحظه)) انا عندما انزل موضوعا لايعني اني اقول هذا هو الصحيح مائه بالمائه وانما اقول هذا اللي اعرف انا
فمن رأى ان فيه غلطا يكون صنع بي معروفا فنستفيد منه جميعا وله الشكر والامتنان0000


تحياتي الراوي00

[فواز الغسلان]

((ياكليب شب النار))


دغيم الظلماوي من الشلقان من الزميل من سنجاره من شمر له القصيده المشهوره بالقهوه ومطلعها:

ياكليب شب النار ياكليب شبه000

وقد جاراها العديد من الشعراء حتى بلغت القصائد ست فتداخلت فيما بينها لتشابه القافيه والموضوع ولعلي

احاول توضيح الكل انشالله والبدايه بقصيدة الظلماوي لانها هي السبب فقد قال:



ياكليب شب النار ياكليب شبه =عليك شبة والحطب لك يجابـي

وعلي أنا ياكليب هيله وحبه =وعليك تقليـط الـدلال العذابـي

وادغث لها ياكليب من سمر جبه =وشبة الي منه غفى كل هابـي

باغي ليا شبيتها ثـم قبـة =تجلـب لنـا ربعـا سـراة غيابـي

بنسريةً ياكليب صلفا مهبه =لاهـب نسناسـه تقـل سـم دابـي

سراة بليـل وناطحيـن مهبـه =متكنفيـن وشوقهـم بالعذابـي

الوالمة ياكليب عجل بصبه =والرزق عند اللي ينشى السحابـي

صبة لقرما صرفته ماحسبه =يوم البخيل مكنهب الوجـة هابـي

وصبة لمنعورين ليا جاة نبة =يرخص بعمره والدخل لها ضبابي

وعدة عن اللي مايداري المسبه =اللي يدور بالقصيـر الغيابـي

عن الطيب عده نازلا له بغبه =يضرب علي درب الخطا مايهابي

لا باطن الهلباج خطوا الجلبة =يا حلو خبط عصيهـم بالركابـي

أطمر لهم وأبدي سلام المحبه =لا جو على هجناً يديهم خرابـي

سلام أخلى من شخاليل جبه =وأحلى من السمن الجديد العرابي

مع كبشً مصلاح راسه نجبه =لا أدبـر الهيـن متيـن العلابـي

خطو الولد يوم الملاقي نكبه =يأتي علينا من حسـاب الزهابـي

وحتى يش لو يلبس وبينن وجبه =معيرة على غضير الشبابـي

أنا لقيت الصبر يازين غبه =يرقيك رؤوس مشمرخات الهضابي

من لاصبر ياكليب في حكم ربه =هذاك يوم البعث ماله ثوابـي

يقولها اللي ما حسب المسبه =ولا عرقل الاجواد ببعض الهلابي

هذا هوى بالي وهذا مطبه =من قبـل مايسفـى علينـا الترابـي

هذي قصيدة الظلماوي اللي تعتبر سبب تعدد القصايد على الطاروق هذا وذلك لكون احد

شعراء شمر المشهورين والمقربين من ابن رشيد غار من الظلماوي وهناك من قال انه ماهو

هو اللي غار وانما شخص اخر وشرط له فلوس اذا شتم الظلماوي ففعل بقصيده ضائعه ومنها:




ياحسين شب النار ياحسين شبه=بقصيصتن مابه دبيبن ودابي

والا اخو ظلــماء لو دلالـه يشبــه=يذكر لنا دونه ثلاثين بابي

قهاوي عند العرب ينصب به=ماهي قهوتك ياعريض العلابي


يقصد ان القهوه عند البدو ماهي عندك يالحضري لكون الظلماوي كان في بلدة قفار ساكن0

وهناك من الرواة من زعم ان الظلماوي رد عليه بقصيده منها:



يا حسين دلوك ما تعــدى المصبه =من الحوض زلت زلفة بانكبابـــي
جعله بديرة ٍظالمن ما تحبـــــــــه =تاتي ذلوله بس علمه يجابـــــــي
يا حسين خذ علمي وبالك تكبــــه =افهم نبا من هو عطاك الصوابـي
الموت يقعد لك ومالك يكبــــــــه =لو ان مالك كثر طش السحابــــي

وهذا بعيد لعدم معرفتنا ابدا بهذه الابيات وكذلك اقارب الظلماوي ورواته كما ان الظلماوي مشهور عنه عدم

الرد على اللي يتعرضه 00 فربما تكون الابيات لشخص ممن جاراهم في ذلك الوقت ولم يشتهر لاني رايت

الابيات يوضع بها ابيات من القصائد الاخرى التي سأذكرها الان00

فكان اول المدافعين عن الظلماوي لبيد المتينه البلاز الشعلان الرويلي فقال مدافعا عن الظلماوي ضد من هجاه

قصيدته المشهوره والتي كثيرا ماتتداخل مع بعض الرواة هي ومثيلاتها بالقاف :


يادعيس شب النار يادعيس شبــه=بين القطوب وطارف البيت نابي

وقلــط ثلاثــن معـتـنـيـنن بـربــه=مبرقعــاتن عن دبـيـبـن ودابـي

يحوفــهن رجلن بعيـد المــسبه=بعــيـد عن طـرق الخـطا والسبابي

فنجالهن يوم المقهوي لعب به=يشبه خضاب مفلــجات الخضابي

اليا اشلـهبـت نارهـن ثـم قــبه=تجــذب لنا ربـعن سراتن غـيابي

بنسريتن يادعيس صلفن مهبه=الياهــب نسناسه تقل ســم دابي

اليا بركن حطوا على النار ضبه=عقب الصرد لما تجف الثيابي

واسرع لهم باللي على النار صبه=وايمر لهم باللي سريعن يجابي

واذبح لهم كبشن عريضن ملبه=ونكــمل الباقــي حلاوة جوابــي

العبــد ماله مــدتن دون ربــه=ولا مــد الا مــد منــشي السـحابي

والا دغيم مخــطي من يسبه=ماقيــل هـون لو هـو انحـى وشـابـي

لو هــو من العــدوان قلـبي يـحبــه=اللابـة اللي ماذكـر به خيابي

يـذكـر لنا عند الضيـاغم مربـه=وساع الـطعـون وملـقمــين الحرابي
وهي قصيده تعتبر من اروع القصائد لكونها تحتوي على معاني رجوليه ومحبه للطيب والصخى ولاهله ايضا

حتى لو كان خصما وذلك في مثل قوله ( لو هو من العدوان قلبي يحبه ) وتعطي درسا لجيل اليوم من

القبيلتين ممن تأثروا بمنافسة عنزه وشمر في السابق على الطيب والمرجله وتوضح لهم انها كانت بسبب

طيبهم هذه المنافسه وانهم انفسهم كانوا يحترمون بعضهم ويعترفون بالطيب لبعضهم البعض00

ثم قصد الشاعر ابن ثويني من سكان ( قصر العشروات ) الواقعه جنوب حائل حوالي عشرين كيلومتر

وكان اميرها ( القبالي ) لذلك نسبوا هذه القصيده للقبالي لكونهم يقولون راعي القصر فيتبادر الذهن

انها للقبالي التميمي والصحيح انها لابن ثويني فقال :



يا علي شب النار يا علي شبــــــه =ليا مال في بمــشرخات الهــضابي
وادغث لهم ياعلــي من رمـث خــبه =قلط ثلاث لونــهــن كالغرابــــــي
حنكية ٍ ماتنجلي لو نربــــــــــــــه =بلغودها تلقى سنا النار صابــــي
يا اللي تقول النار كلن يشبـــــــه =الفرق بالمنبى ولين الجنابـــــــــي
زادك وميسورك ولين المحبـــــه =أخير من كبشــن سمـيـنن يجابـــــي
ان سمح الباري وسانع مهبـــــه =نقــضب مكان الشايـبـبـيـن الغيابـــي
باغٍ اليامن من السنين اشلهبـــــــــه =وجو مفرغين محتتين الزهابــــــي
اظهرت للعطشان فرغ المصبـــه =لزمــالتـه بارض الخـلا لا تهابـــــي
دنياك ما عمّر بها كود ربــــــــه =الواحــد اللــي واعــدك بالحسابــــي
المــدح دربه هيّن ٍ والمسبــــــــــه =والطــيب وعــرن والمراجل صعابــي
وش عاد لو لك غرســةٍ تقل غــبه =دبسه تشوفه مع عروض الجوابـــــــــي
ما تنهــج الا في ذراعيـن خبــــه =وخـمسك ومــامــدت يميــنك يجـابــــي
طيــبـي وطيــبك بـيـن رجلـيك كبه=لاجــت بـهــم فاللــد لـك والــهـبـابي
الضيـــغــمي حاز المراجل بعـبــــه=وحنـــا نلــقـط مــاوقـــع بالتــرابــي
ثم قصد الشاعر بدعي ابن سمحان السلماني الشمري وهو من فحول شعراء الزميل وشمر بشكل عام وقيل ان

الظلماوي ارسل له ينخاه بابيات منها:


انخى الزميلي مسندي وابن سمحان=والمغفلي واللي يحامي عليه

للي على دقـــمه بشــره تبـــلان=لاله علي شي(ن)ولا له جنيه

الا ان الرواة المقربين انكروا معرفتهم بهذه الابيات وقالوا ان الظلماوي لو رغب في الرد عليه لكان رد هو

بنفسه دون الحاجه لنخوا احد يرد عنه00

والابيات اخذتها انا نقلا عن عبدالله بن حمود السمحان وهو من عائلة بدعي بن سمحان واعرف الناس بشعره

وربما ان اقارب الظلماوي لم يطلعوا على الابيات لكونه ارسلها بسرعه ولم يذكرها لاحد00

خاصة ان ابيات بدعي تفيد في مطلعها ان الظلماوي نخاه لانه يقول:


جاني جوابن من رفيقن ينبه=دغيم ينخــاني قال رجلــن حــكابـي

دب(ن)سمينن رابي(ن)له بغبه=لايزملك لاياعزيز الجنابي

لو كان يقرى الزلزلة هي وتبه=ماكان من يمـــك يحـث الجوابي

قهوة الامير محمدن ينصب به=وش عاد لو دونه ثلاثيــن بابـي

وهل الصفاة وحضرنا اللي بجبه=هل البيوت اللي تشادي الهضابي

كل(ن)قهوته تعجبك لو تطبه=ولو هو ضعيفن للندى مايهابي

ورفيقك يادغيم عرفنا لطبه=عرض وانا لاجلك قضعته بنابي

انا بعينه تقل ملحن وشبه=يادغيــم دون ربوعنــا مانهــابي

ومن قال دادا جعل رمحن يدبه=مضرابه الابهر غميق الصوابي
وتركت بقيتها ثلاث بيوت عمدا00

وقوله (هل الصفاة ) يقصد اهل بقعاء وجبه معروفه هي واهلها وطيبهم الله يسلمهم جميع00


وقال سعد بن مسعد الايداء العنزي قصيده يجاريهم ايضا:


يا عيد شب النار يا عيد شبــــــــه =قلّط دلالٍ مكرماتٍ تعابــــــــــــــي
واسمك ركون البيت واذروا مهــبه =ان هبت الشمطا علينا انحطابـــــي
اقصر بماها ثم زيدوا بحبـــــــــــه =يصبغ على الفنجال لون الخضابي
درهـا على المجلس بلطــف ومحبـه =فنجالها يجلا عن الوجه غابـــــــي
يديان شيختهم بالادوار عبــــــــه =اهل بيوت ٍ مثل لــون الهضابــــــي
نصبر على نقل الخسارات دبـــــه =أول الى التالي شياب وشبابــــــــي
انهــب من الدنيا قبل ما نكبـــــــــه =ومن قبـل ما يرجد علينا الترابــــي
وهكذا تتوضح القصائد وهي ست قصائد كالتالي:

الظلماوي-رد الظلماوي المنسوب-رد ابن بلاز العنزي-رد ابن ثويني=رد بدعي بن سمحان

-رد الايداء00

هذه معلوماتي المتواضعه عن تداخل القصائد هذه ومن كانت لديه ملاحظه فليذكرها للتصحيح وعموم

الفائده والسلام000

[فواز الغسلان]

انا خلت براقن شعاعه يزيد الشوق


انا خـلـت براقـن شعاعه يزيد الشـوق=نخـيله ركـز من وسـط غـيمه لـحـد الـقاع
تلاعـج بغـيمـه والهبايـب تسوقه سـوق=هـزيم الرعـد يرجـف وغـيمـه غـدا لماع
حداها مـن الشرقي نسيمـن وصار طبوق=هـميله لـوديان الخـلا قـاصفـن شـلاع
عسى قاعنا تخضر ويسكب بها الزملوق=وتشوقـك مطاليع الخلا باول المرباع
تشوف الخزامى في زراقـه غـدى له ذوق=تباشـر بهـا بـدو حـلاله بقـيـضه جـاع
تروج الخـباري فـوقـها طايرالـغـرنـوق=على سـيله اللي بالخـباري غـدى نـقـاع
تشوف الكـماء يشـطب فـلـوقـن بها الرقـروق=تتالى مظاعـين المواتر مع المطلاع
يـسيح الخفـوق اللي سهـر ليــلـته مزنوق=حزينن على مالن عزيزن جميعه ضاع
اذا داج مع ريح الخـزاما تناسى الـعـوق=تفـوح الخـزامى والبـخـتري مع الذعـذاع
او اللي يـبـي شوف البداوه وشقـح الـنوق=شـقـاحـن غــذاوي لاتـهـادا ولا تـنـباع
حـدادن نواظرهـن بنات الفـحـل خازوق=وساعـن مناحرهـن شـبب والعيون وساع
نجايب ولافـيهـن شرايا ولا مسروق=نـشيـرن تشـوق اللي حيـاته ورى الاقـطـاع
او اللي وقـع مثلي طريحـن بوسـط السوق=سبـايب عـنـودن فـاح ريحـه تقـل نعـناع
غـزالـن رمى حالي سهـيرن تقـل مفـلوق=اراجي خيال اللي نقـوشه زهى الاصباع
جمع زين بوصوفه وطيب وحلا منطوق=وزولن عليه احلى الملابس وزيـن قـناع
يضيمه حلا ردفـن شـلع ثوبها المشلوق=يلـوعـن من اسـبابه بوسـط العـرب لواع
مع الـمشي ثوبه ينطوي ثم يـصعـد فـوق=تـشـده ردوفـن من يشـوفـه شهـق وارتاع
صدوقـن وهرجه بالهوى صادقـن موثوق=ولامثلها حازت مع الملـح زين اطباع
عـيون النـداوي لانـوى يـقـطع المعـلوق=تـقـفى الحباري له فـعـولـن خـبرهـا شاع
صفـقـها بكـفـن شال قــلبه وخمـس عروق=يـشادي صواريخ الـقـذايـف اليـا من فاع
عساها تجي تمشي ويركـد حـشى المخنوق=واشوفـه واحـاكـيها بموقـن غـدى دماع
عـنودن لك الله مامـشى مثـلـها مخـلوق=غـنـوجـن الـيا شـفـته تهـادا خفــوقي مـاع
نصيبي ترك باب الحـبايب معي مغـلوق=نصيـبن هزيلـن حــط كيلي سديـس الصاع
يقـولون مطرود الهـوى دايمـن ملحـوق=والامـثال تخطي لو بعـضها بصـدقـه ذاع
لاني طردته قـبل تلـبس جـميـل الطـوق=واذا حـفـتـها جـتـني رماحـه مع الاظـلاع
من اول وحـظي بالهوى دايمـن مسـبوق=نـخــيته وداويـته واشـوفـه رفـض ماطاع
نصيـبـن عــثورن بالمحـبه وقـع مطفـوق=كواني بمـسـمارن جروحـه ثـمان انـواع
سلامي على قـلـبـن توسـد قـسى الـطابوق=يـطارد مـراميعـن ولاصابة الـمـرماع
وسلامي على قـلـبن بثـلـج الـشتاء مرشوق=تمنى ربيع ولا حصل شـوفـة المرباع

[فواز الغسلان]

تركني تحت لاهوب قيظه ومصهاره


ليال الوناسه ظاهـرن للـعرب زيفـه=ويرجع غثـاها للحشا عـقب مسياره
وقلبن ورى الخفرات تكثر رفاريفه=يجـي يوم يصرخ والله انه فلاصاره
يروح الوفاء منها وتكثر عجاريفه=وتشكي ظماك ولو جرت عندك انهـاره
ولو ذقت معسول الحلا من مغاريفه=تـذوق بتـواليـها غثى الهجر وامراره
او اوجست دفوات الشتا في لواحيفه=يلوحك هبوب شباط ينقل لك اضراره
يجي يوم تسمع كثر عذره وتسويفه=ولو ضقت من ترديـد عــذره وتـكراره
وانا فاقـدن قلـبن نهـج مع خواطـيفه=واذا صحت قيل اصبر على العشق واقداره
يطارد هنـوفن صار يمشي على كيـفه=ويرجي ربيـع الوسـم عـشبه ونواره
ولاداج في بالي تصيــده لواقـيـفه=مـدام السنـه من شــوفـة الـزيـن ماداره
الا ويل من مثلي عشيره شهر سيـفه=حداني على الفرقى وانا كارهن ناره
وانا كيف افارق من سكن بالحشى طيفه=وذكراه تتـبع خطوتي ويـن ماساره
عيون اشـقرن ينزل بعالي مشاريفه=تشـادي درابيـل المهنـدس ومنـظـاره
شفوقن على لطم الحبارى وتـنـتـيفه=جـليلن يعرف دروب صيـده ومـعباره
لمح صـيدتـه وادلى بـحـامي خـطـاطـيفـه=وصوفـه مثـل بارود الاكـوان لاثـاره
يذيــر الحـباري كان داجـت باطاريفه=هبــيل المــلا قلـبن سكـن عنـد جـزاره
صفقها بخـطـافن رماها تقـل جـيـفـه=وهـذا جزاء الـلي ضايق الشيـخ في داره
وانا كيف افارق من سبتني تواصيفه=مدام الهوى داخل خفى القلب واسراره
سرى مركبي تايه وضاعت مجاديفه=بمركب شـقى من جاه ماترجع اخبـاره
هزيم الرعد بالغيم ترهب رواجيفه=والامواج مع صوت الرعد طالت امـتاره
تلوحه من الغربي هبـايب عواصيفه=وانـا فيـه تـايـه تـقل طـعــمن بسنـاره
اراعي ابي شوف الضعن مع مساليفه=ولاشفت باطرافـه مراكـب وبـحاره
سطع بارقه تسرق عيوني لواصيـفه=شعـاعه تـلاذع كـنهـا النـار في واره
بالامواج تطري لي نواعس غطاريفه=خـدوده كـما جـمـرن تلالا بـجـمـاره
تـذكرت ضحـكـتها وكشخة نفـانيفه=وريحـة جسدها اللي تقل ريح عطـاره
تذكرتها والـغـيم ترمـــي قـواذيـفه=بـذكراه كـن اصوات الامـواج قـيـثـاره
نجاتي عنودن يبـهـج القلب تشريفـه=عيـونه تـداوي عـاشقـن ذاق منـشاره
عشيري تـرى العـذال تكـثر سواليـفه=وعـذالـنـا ياطـول دربـه ومـشـواره
تسوق النصايح عقب ضبطه وتصفيفه=وسـم الافـاعي ياغناتي مع اشـواره
تزيد المخاطر بالهوى لاجل تخويـفه=وتصفر على قـلب الهـواوي بصفـاره
دليله هواجـيس الازيـمـع وتوقـيـفه=وشكواه من غيضن بدرب الهـوى زاره
وشكوى المطوع درب حبه وتكـليـفـه=وتاليه روحـن من هـوى الزين منهاره
وكنعان لو حاول عن الناس تخـفيـفـه=جحيـم الهوى بجفون عينه غـدى شاره
وراضي شكى نارن بخافي سراجيفه=ومـن فوحها ينـثـر لـنا جـوهـر اشعاره
واذا كـنت عازم قـيد قـلبي وتكـتـيـفــه=رضـيـنا ودرنــا لاجـلهـا ويـن مــاداره
ونسكت على نارن كلـتـنـا رواضيـفه=ونـدنـي مناجـيـبـن سفـرنا على اكواره
نجض خافقي من لاهبن جاه في صيفه=رماني طريـحـن وسـط عـبـده وسنجاره
وانا ماهـقـيت انـه تـطـوله صواديـفه=ولاكنت احسب الجار يقسى على جـاره
سقى الله عشيرن كنت اراجي هنى ريفه=تركني تحت لاهوب قيضه ومصهاره

[فواز الغسلان]

( ابوزويد وابن شعلان(الضيف والجار)

بسم الله الرحمن الرحيم


خلف ابو زويد (حكيم شمر ) من الرخيص من النبهان من الزميل من سنجاره جاور خالد ابن شعلان في


وقت غضب الامير محمد العبدالله الرشيد عليه وغضب شمر ايضا لغضب الامير000


صادف اثناء جيرته لابن شعلان انه اتى ضيف لابن شعلان فرأى رجلا كان يطلبه ضربه سابقا وكان هذا


المطلوب ( جار ) لابن شعلان فهجم عليه وثارت الهوشه والضرب في مجلس ابن شعلان واحد يصيح


يقول جارك يابن شعلان والثاني يقول ضيفك يابن شعلان فوقع بحيره وخاف من العار في هذه المشكله


فأرسل لابو زويد لانه يعرف انه معذور لاكن يبي دليل عند العربان000


كان ابو زويد ارمد مايشوف فرجع المرسول لابن شعلان واخبره (وكان منفعلا ) فقال عساه للعمى حنا


نبي لسانه مانبي عيونه فجاء ابو زويد يقودونه ولما وصل المجلس قال :



قلبي غدى لمذلق الشوك محضار=طلحن بساتينه وسدرن بلاده
ورعي الزقيميات في حد سنجار=اخير عندي من حياة الزهاده
يالله ياعالم خفيات الاسرار=عليم ماتخفى عليك الجحاده
ياخالق الجنه وياخالق النار=ياخالق الدنيا وبيدك نفاده
واليا التفتت لثاوي(ن) ثابي(ن) ثار=عقب الهزل يرمى عليها شداده
في قدرتك تحيي ضعيفات الاطيار=بلا قوت يامحيي عيال الجراده
في وسط دار وامهن يم له دار=ومرامي الدنيا بعيدن بلاده
وخلاف ذا ياراكبن فوق مذعار=حمراء طوال وكن فيها زهاده
حمراء من العيرات به زوم وسطار=ولافوقه الا المزهبه مع شداده
عينه تشادي حمرته جمرة النار=تقدح كما المقباس عقب السواده
عين العديم لياسمع صيحة الجار=عي(ن) وله عند الملازيم عاده
واذنه تشادي لون كافورة البار=لاصار كاويها الشتاء من براده
ركابها عده بظل(ن) تحت غار=لاهي دنوع ولا تعرف الشراده
تمد من دار وتمسي ورى دار=ولا عمرها من كثر الاهذال باده
تلفي لخالد واخبره كل ماصار=وعليه يظهرن السراير وكاده
قل لاصار عندك ضيف واخطى على جار=عز الله انك ظاهرن من سواده
اصبر ولا بالصبر لك كسر تعبار=يامالك الدنيا تبين مقاده
واعرف ترى الدنيا لقحتن بشبشار=ولايندرى بأيات وقتن ولاده
لقاحها لقاح قدر(ن) ليافار=او ضرب قبسونن قمعها زناده
وتلقح رجال(ن) من رجالن بالاشوار=وتثور الفتناه عق انمهاده
وتسلطنت ناسن هله ميتت نار=ونيران اجاويدن يحرث سماده
والذيب لو يطلع عليه الطلي نار=وصارت عواقيب السباع الشراده
ولو نتبع المذكور ماصار ماصار=مذكورن الدنيا طمعها فساده
ومن عيا عن الجنة تعبته على النار=يلقى عماله عند وال الشهاده
الصدق خلي باركن له على دار=والكذب سلف للجهامة وقاده

فقال ابن شعلان رضيت بكلام ابو زويد فطلع منها ابن شعلان واصبحت مثلا يضرب للناس00000

تقبلوا تحياتي ((((الراوي)))

[فواز الغسلان]

يافهد من يسهر الليل مالومه



يافهد من يسهـر الليـل مالومـه=كان نار الشوق فـي خافقـه زاده
لو تشوفه ضايقـن عايفـن نومـه=دام هجران العـذارى غـدى عـاده
تطعنك في نظرتن تقـل مسمومـه=ثم شدت مركـب الهجـر بشـداده
وجمر نار العشق بالقلب معلومـه=تطرده عن راحة الفـرش ووسـاده
لين يترك لاجلهـا كـل مطعومـه=ولو شكى جرحه على الناس مافاده
الخفاجي يملك اللـي ورى الدومـه=شاف ميثاء وانقطع سلـك عـداده
عقب حكمه صارت الروح محكومه=مجرمن يشكي تحت سـوط جـلاده
اولن نضحك على العشق وعلومـه=لانظـرت اهـل المحبـه بملبـاده
لين شفت اللي كما البدر ونجومـه=حط روحي جمرتـن عنـد حـداده
عنق ريمن تتلي العشب ووسومـه=تحت غيمن يطرب القلـب رعـاده
في مسيلن حولها الجال ورجومـه=تزبنـه كـان الهـوى لاع صيـاده
منوة اللي شاف الامطـار بحلومـه=يرتحل مع ذكـر الامطـار بـاذواده
الخزامى تجذب الشـوف بحزومـه=الهواجس ماتجـي قلـب مرتـاده
مامشى زينه مع الفرس مع رومـه=مع ديار الهنـد والسنـد واكـراده
رمش عينه شاتني من ورى الحومه=ثـم زادت شوتـة القلـب بعنـاده
عندلـن رويانـة العـود مبرومـه=من دعتني راحت الـروح وانقـاده
والردايف من حلا الحال مزمومـه=غار منها روس الاقـوام واسيـاده
كنها من ضامر البطـن مقسومـه=اشهد انه مـوت روحـي وميـلاده
كنت اريد النار بالجـوف مكتومـه=لين نلقى من هل الطيـب مجـواده
بس بانت مثل ابانـات وخشومـه=من غـدت نـار المعاليـق وقـاده
خطته في ذبـح الارواح مرسومـه=تبتدي من طـرد نومـه ومرقـاده
ثم يعلن في جميـع المـلا صومـه=مع سهر عينه جفى الكبد عن زاده
لين ترمي خافق القلـب بهمومـه=مثل زرع الصيـف لاجـاه جـداده
والشهاده تعلن المـوت مختومـه=وصعب يصدر خافقن ذاق ميـراده
مثل مطلوبن على الثار من قومـه=دايمـن ينقـل سلاحـه ومجنـاده
لازعلت امسـح قوافيـه ورقومـه=نصف ساعه واطلب الزين ميعـاده
داخلن وسط البحر جاهلـن عومـه=ومقعد اللي يجهل العـوم بحفـاده
لاجل هـذا ساهـر الليـل مالومـه=كان هجران العذارى غـدى عـاده

[فواز الغسلان]

قبل جرحك وقلبي به جروحن عطايب



لاتلــذذ بـجـرحـن لـلـضمـاير تـجـيـبه=قبـل جـرحـك خـفوقـي به جروحن عطـايب
والله انه مــعـاود لـلجروح الصعـيـبه=وذايــقـن قـبل جـرحك من طـعون القرايب
وقبل سهـرك سهرنا لين يقرى خطـيـبه=وقـبـل غــبـنـك خفوقي في غبونن غرايـب
اسـمـع ان الـحـبـايب مـاتـخـلي حبـيـبه=ليـن راحـت عـيـونـك فـوق كور الركايـب
ويـل قـلب الـهـواوي كان هـذا نـصيـبه=مـاحـســبـنا لـهـجـرك ياغـنـاتـي حسـايب
ليــش زدتـي خفـوقـي لاهـبن مـع لهيـبه=يـوم تـرمـيـن قلـبي بالـغـثى والـمـصايـب
كنـت احسب الحبايـب من عيـوني قريـبه=ليـن قـالـوا عـشيـرك يـابـن غسلان غايب
لابـدت شـمـس يـومي تقـترب من مغـيبه=ذقـت مـن هـجـس قـلبـي بـالظـلام العجايب
طـال هـجـرك وروحـي ماتحـب الغـلـيبه=قشر جـرح الـضـمـايـر مـن جميل الذوايب
والـله ان الـقـرابـه تنـصحـن عن قـلـيـبه=ثـم قـالـوا تـحـطـك فـي سـمـوم الـهـبـايب
العــذارى طـعـونـه لاتـحـسـبه غـريـبـه=واكـثـر الـبـيض تـفرح في جروح الحبايب
وكل هـرجـن سمـعـتـه ضامري مارضي به=ليـن سارت ركابـي فـي دروبن صعايب
ياعـنـودن ذيـورن فـي مـسـايـل شـعـيـبـه=جـاه سيـلـن تـهـامـل مــن حقـوق السحايب
المـسـايـل تـصافـق تـطـربـك فـي صبـيـبه=وكـل يـومـن تـعـلـه مـن وسـومـه سـكايب
فــيـضـتـن فـي ديـارن سـارحـه مادري بـه=مـاسـرح فـي مـسـيـله مـن يـسـوق النجايب
فـي ظـلام الـلـيـالـي يـزعـجـك صوت ذيـبـه=يـشـتـكي جـمـر جـوعـه بالليال القشايب
لو تحـرك ظـلالـه بالعـصـاري يـريـبــه=خـوف طـلقـة رصاصن من عطيب الضرايب
وصف حبك بـقـلـبي صـعـب مـايـنـحـكي به=وهـجـر عـيـنـك بـكـبدي له سلاح وكتـايـب
الجروح الـغـمـيـقـه شـوفـتك هـي طـبــيـبه=لـيـش تـمـنـع عـلاجك ياغـمـيـق الصوايـب
ويـل قـلـبـن حـبـيـبه بـالـحـرايـب طـلـيـبـه=راح قـلبـه وروحـه مـع حـبـيـبـه كــسـايـب
عـن سـلاح الـسريـه طــحـت عـنـد الكـتـيـبـه=وعـن سـمـوم الـقـوايـل طـحـت بين اللهايب
راح ليـلـي سـهـيـرن مـثـل عـيـن الـرقـيـبــه=هـاربـن عـن هـروجـن تـودع الـقـلـب ذايـب
مثــل راعــي نـيـاقـن يـنـتـفـع مـن حـلـيـبــه=وراح ذوده لـقـومـن فـي لـهـيـب الـحـرايـب
سـهـر عـيـن الـهـواوي يـاغـنـاتـي ضـريـبـه=تــفـقـد الـنـوم عـيـنـك بـالـلـيـالي غـصايـب
عـقـب حـبـك لـقـلـبـي مـاهـقـيـتـك تــصـيـبـه=لـيـش تجذب خـفوقـي وانت زمـلـك زهـايب
نـاقـلـن هـم روحـي فـوق سـاقـن حــطــيــبـه=وقـبـل كـسـبـي خـفـوقـي راح مـعـهن نهايب
كـنـت اراجــي هـنـوفـن حـبـهـا نـهـتـنـي بـه=وعن قـراحه سقـاني من خـضيض وسرايب
اشــهــد انـي طـريـحـن وان روحــي تـعـيـبـه=وان دربـي سـريـعـن صوب عـوج النصايب
نـرتـحـل عـن نـزولـك فــوق كـور الـنجـيــبـه=مـع جـروحـن بـقلـبـي صرت فيـها السبـايب

[فواز الغسلان]

ساكر الخمشي وروائعه الشعريه


الشاعر ساكر الخمشي هذا الشاعر المعروف قد جاور الشيخ ضاري بن طوأله شيخ الأسلم من شمروقد اكرمه غاية الأكرام مايغزي الا وهو معه وفي مجلسه مقدره وهو مشهور بأصابة الهدف وله فن باالربابه والشعر وقد عشق بنت من الطواله وقد حيرها ابن عمها وهو سلم لعموم الباديه ماتزوج الا برضاء ابن عمها اما في جاه والا في طمع كثير يكون تعجيز على الخاطب والكثير منهن يفوت عمرها لهذا السبب لهذا زعل ساكر ورحل منهم فدعا عليهم بأبيات فقال:




يامل قلـبن يـلـتوي لـيـة اــلدوك=بيدين ظــرفن شاطـرن باشـتـغـاله

على غـزالن صافـين مابه شكوك=عـيوا عـليه الـذاهـبـيـن الـطــواله

عسى يجيهم من بنى عمهم صوك=يـومن بـه الـمـرور يقـطـع بـخـاله

جـمعن يعـزل طلعت الشمس مدلوك=مـدمي ولاتـنـفـع عـلـيه الـدخـاله

والـبـيض عقب صخيف الوسط عكعوك=كالفرق بين المقتدي والضلالة
ولما انتشرت هذه الابيات غضب عليه ابن عمه الشاعر سند الخمشي لكونهم جميعا جربوا جيرة ضاري ابن طواله

وطبعا سند الخمشي ماذاق لوعة العشق وناره والا كان عذر ساكر لانه يتكلم من النار اللي بقلبه فقال سند ردا عليه:



ياشــين ياساكر هل العــرف سبــوك=أخطـيـت ماهـذا الجـزاء للـطـوالـه

قصـيــرهـم لوعـال مايلـحـقــه صــوك=مـتريـحـن مايـلـحـقــه كـل قـالــه

في ضف اخو صلفه من الغوش مزنوك=غـيـر الظــفر ماتـنـتعـدد خصاله

جـمعـت مـالن ماجـمـعـتـه على ابــوك=ملبـسـك لبـسـه ماضـرى للبـخاله



فقال ساكر الخمشي قصيدته الغزليه الساحره التي انتشرت في حينها انتشار النار في الهشيم وقال على منوالها

العديد من الشعراء والتي توضح حرقته وجمال شعره ورقته:



يالله ياللــي تـــودع الــمزن ناشــي=تـفـرج لعـيـنن ناش ماعــاد منهــاش
ونــيت ونة مــن له الشـيــخ داشي=صـكـوا عـلـيه الخيل ماقــدر ينحاش
كسير عظم الساق غــادي طشاشي=عزاه تسمع لاسفــل العظم خشخاش
على عـشـيرن مـرنا العـصر ماشي=علق صواب القـــــلب ماكن سواش
يارميح غاد(ن)لي مع الورد حاشي=وقم الثـــــنيه فـــوق خديــنه رقــاش
وسمه ثلاث ردوع ماغــيــرها شي=ومن الوســـــوم الباقيه ماعــليهاش
لو بس امـــزه مــز عظم المــشاشي=مـــــزة سبيل مولع(ن)حرق الجاش
اخاف اموت ان ماحصل لي ولا شي=دغلــــوب خبراء ناشفــن ميها ناش
يلايــمــي ياعــل مالــك مـــواشــي=يالعــنــبــوا من لامنــي لابو قــطــاش
مســـــكــين بيــاع المــوده بلاشــي=يزعــل على مالون ويرضى على ماش


ساكر الخمشي كانت على وقته مذبحة اهل المسجد المشهوره في المسجد اثناء صولات الاخوان قبل قضاء الملك

عبدالعزيز عليهم واكتشاف خطرهم وكان من بين المقتولين اقارب واصدقاء لساكر فرثاهم قبل موته رحمه في تلك

القصيده الشهيره على ألسنة الناس فقال:



مبداي باسم اللي له الصبح ينقاد=يابادي(ن) ذكره على كل بادي
تقبل دعاوي واحدن قبلها صاد=حيث الدعاء يذكر مجادع هوادي
ذبحة هل المسجد ركوعن وسجاد=يظهر لها مـــن بعـــد ذلك مــنادي
وجدي على البيحي وعقدي وفهاد=أوي ربعــن من ربوعي نوادي
ياعل دارن حل به ذبح الاجواد=تاخذ ثمان سنــين ماســال وادي
لما يهش العظم ماجاه رعاد=ويسكن هواها مايطــــير السمادي
وترخص بها السلعه ويغلى بها الزاد=وتذهل به المرضع رضيع الفوادي


ويعتبر ساكر الخمشي من اعلام شعراء قبيلة عنزه الافذاذ وربما خفي بعض شعره على افراد قبيلة عنزه لكونه

عاش اكثر عمره في ديار شمر الذين حفظوا الكثير من اشعاره رحمه الله000

اتمنى ان اكون افدتكم بهذه السطور الجميله لشاعر فذ والسلام00

الراوي فواز الغسلان00

[فواز الغسلان]

مرثية ابن غيث الاسلمي لاخيه عام 1257 للهجره



صاحب هذه القصة هو عبدالله بن غيث بن دباس بن مجيلد بن محمد بن صالح بن محمد بن رخيم

الجحيشي الاسلمي الشمري وهو من الأسرة التي تسكن منطقة القصيم وتحديدا بريده وكان عبدالله واخوه ناصر

الاصغر يعيشان في حاله فيها شي من الضعف مثل اكثر اهل ذلك الوقت وهو مايقارب 1257 للهجره0

فذهب ناصر للعراق واخذ يعمل ويرسل المال لاخيه الكبير عبدالله حتى تحسنت حالهما بعد الحاجه واصبح

عبدالله من اغنياء بريده 0 وكان ناصر بالرغم من ذلك صاحب مجلس وعلوم رجال وعندما تحسنت الحال

وضع عمالا بالمجلس لتكون القهوه دائما والمه للزائر والضيف0

وبعد مرور اكثر من عشر سنوات وبينما كان ناصر يفكر بالعوده مرض مرضا شديدا فتوقع انه الموت

وارسل كتابا لاخيه عبدالله يقول فيه ابي اشوفك قبل اموت00

وبالحال ركب عبدالله ورحل لبغداد وعندما وصل كان الناس يحملون جنازة ناصر فلم يتمكن من رؤيته

قبل مماته فهاج الحزن في قلبه وصدح بمرثيته الشهيره فقال:




قال بن غـيـث حاربت عـيـنه النوم =عبدالله الصابر على حكم والي

لفا الكـتـاب وصار بالقـلب معـلوم =يذكـر لنا اللي من بعيد يسالي

يامال عين شافت الخط مرشوم =تبشربطـوي اليـاس وفراق غالي

دنـيـت مايطوي الفيافي من الكوم =ثـنـتـيـن لـمـا تــركن الجــفـالي

متـعـلٌي باكوارهن كل شغموم =ضاري على قـطع الفجـوج الخوالي

في فرجتن مابه صديق ولاحوم =محذى الوحوش ومهرف الذيب خالي

تضالعن عقب الزعانيف والزوم =وقلت اصبرن يانوق هــذي فعالي

كم ماردن مع طلعه الشمس مدهوم =يتـلـن مـواردهن غــديرن زلالي

اسري بليلن خرمسن مابه نجوم =واصبح على دو(ن)سرابه يلالي

مضامي(ن)مابه صديق ولاقـوم =نسقي ونوردهــن قراح زلالي

يوم استقل الدرب عن كل زيزوم =وافـقـن مع جـسرالمـسيب عجالي

طبيب بغداد الـمسـمى تخـت روم =انشد ولاأدري ويـن ربـي نـوالي

كني غـشــيمن تايه الدرب منجوم =غريب دار ويعــلم الله بحـــالي

لفيت بيت العز والحبل مبروم =وفكرت باركــانه والى البيــت خالي

واللي يناطحــني دخيلن وسلٌوم =وعلي يفــجــع يوم شافــن شكالي

قلت الخبر عن ناصر قال مرحوم =جبرك على الله واعتصم لاتسالي

وسجمت اعالج زفرة البين بهموم =وصفقت باصباع اليمين الشـمالي

وعلى وزيـن الـروح ماناب مليوم =حـيــدن يدنى للحــمول الثــقـالي

قلت آه من وجــدي وقول آه مذموم =وجد الجــمـيـلي حين قفا وشالي

لو يـنشـرى أشريه واغليه بالسوم =وافـديه بـعـيـالي وحـالي ومـالي

كبــدي وجـيــعة ماتبي كل مطعوم =والشرب لو هو من حليب الـمـتالي

وقعدت انا مااحبي ولاامشي ولااقوم =وصبرت صبرمحجُرات الجمالي

وغديت مثل اللي عن الدرب منجوم =وتغـطـلـست صارالجنوب الشمالي

انحـب نحـيب الورق والعي كما البوم =واقـنـب كـما ذيـبن لقا الجو خالي

والا علـيــلــن مســتـه سقــوة الروم =تـداركــن بـه مـعـسرات اللــيالي

على وزين الروح مانيــب ملــيـوم =والله مايجــلي عــن الكــبد جــالــي

كيــف ابانام وساقــف البــيـت مهدوم =عـضيــدي اللــي بالمـودة صفالي

مايـوم كــدر خاطري دايم الدوم =ولاعــمــر يومــن قــال ذلك وذالي

صــغــير ســن مــات والموت مقسوم =ولاينـفــع النواح كــثرالعوالي

اخـوي خادمــني وانا كـنت مخدوم =وحــاش الــمراجل دقــها والجلالي

له سفــرتـن تلــقا بها الزاد وشحوم =والعبــد عــند مراكـيـات الدلالي

مــن ضــلــع سنجارن لياخشم لملوم =والـضــيف يقرى والعطايا جزالي

كــثر البـكا يـرث عمى العين وهزوم =وكــثرالــبكا يالعــين ماهو بجالي

مالك عن المكتـــوب يالــعــبد ملزوم =باللــوح مــالك حــيــلةٍ واحـتيالي

عــساه بالجـــنة عن النار محــروم =مــتــبــهـجن مــع صالحـين العمالي

[فواز الغسلان]

قصيده موجهه للشاعر عواد العلي وعند ورود الرد سأعرضه لكم00




مــن الـــعـام يـاعــواد والــبــال فــي ضــيـقه=ابــي مـنــك تـرشــدنــي طــريـقـي ونـبـراسـي
خـذت خـافـقـي والـيـوم تـنــوي مــعـالــيـقــه=عـنــــودن تـحـــاربـنـــي بـزيــنــات الاوراســي
وهـي حـاجـتــن لـلـريــم تـسـعـى لـتـحـقـيـقـه=وتـحـقـيـقـهــا يعــنـي لـنــا قــطــع الارمــاســي
وانـا كـيـف احـارب من سلاحــه حـلا ريـقــه=وجـسـمـــن مــعـازيـلـه زهــت زيـن الالـبــاســي
فـسـاتـيـنـهـا تـفـــضح ردوفــه تــلاصــيـقـه=ولـون الـنــحـر يوضي مـثـل عـقــــد الالـمــاسـي
وصــدرن بـه الـتـــفـاح بـلـــواه مـااطــيـقــه=ومـجــدولـهــا بـمــتــونـــهــا مــثـــل الادمــاسـي
غـنـوجــن تـفــنــن يـابـوصـالح بـتـشـويـــقــه=عـيـــونـه مـفـاتـيـــح الـمـــغـــثــه والاونـاسـي
تـمـنـيـت مــرقـاد الــدفــى فــي مــشــاريـقــه=دواء حــضـنـهــا يــدفــع غــثــاء كل وسـواسـي
خــذت تـاج شـيـخـات الــحــلا مع تـلاحـيـقــه=ولااحــدن قـــبــالــه شـال درعــن ولا كـــاســي
لـك الـلـه فــلا تـحـتـاج مـــدحــه وتـسـويــقــه=هـــي الـريــم لاذعــذع لــهــا كــل نـســنـاســي
هـي الــريــم فــي روضــن تـمـايـل زمـالــيـقـه=تـخـالــط بــهــا حــواء وربــلــه وبـــسـبـاســي
تـتـالا عــلـيــهـا الـغــيــم تـلــمــع بــواريــقــه=تـشوف الـطـخـى يـوضي مـثـل نـورالاعـراسي
عــلــوم الـمـطــر تـلـفـي لـهـم مــع طـواريــقـه=وراع الـخــلا يـســري عـلـى كـل عـرمـــاســي
ويـطــرب لـهــا طــيـرن سـعـيـدن بـتـحـلـيـقـه=ونـصف الـشهر تـخـضر بـها حـمـر الاطـعـاسي
وتـنـازا جـيـوب اهـل الـقـنـص فـي سـواويـقـه=والاربـاع تــرقــى فــي نــبــى كـل مــرواســي
غدى الـجـيـب ياعـــواد يـشـكي مـطـافـيـقـــه=تـخـالــط مـعـه صـوت الـمـسـجـل والاتـراســي
يـعـاف الـسـهـل كـلـه ويـرقـى مــطـــابــيــقــه=طـريـقـه مــن الـسـرعــه غـدى مـثـل الاقـواسـي
يـحــده عـلـى مـرقـاء الــوعــر مـع مـصالـيـقـه=لـفـيــح الـهــواء مــثـل الـعـواصـف الـيـا داسـي
تـسـابـق عـلــى ذبـح الـذبــيــحــه وتـعـلـيــقــه=ولا خـاف مـن كــثـر الخـسـايـر والافــــلاســي
مـثـل هـرجـهـم يـفـتــح لـقـلـبـي مـــغـالــيـقـــه=رجـالــن كـرامــن مــاوطــوا درب الادنـاســـي
ولاحــولـــهــم ثــورن يـعــفــــج خــثــاريــقــه=ولا رافــقــوا رجــلــن هــــذورن وبــلاســــي
عـن هــمــوم غـنــدورن فـقــدنــا مـخــانـيــقــه=مـن الـغـيـظ صـبـيـت الـقــوافــي بـالاطـراسـي
وجــودي عــلــيـهــا وجـــد مــن غـاب تـوفــيـقــه=سـجــيـنـن وعـنـد الـبـاب خـمـسـيـن حـبـاسـي
صـدر حـكـــم تــقـــويــده وزادوا بــتــوثــيــقـــه=دقــايـق ويــصـبـح جــثــتــن مـابــهــا راسـي
وله طــفـلـتــن تــشـــبــه حـــلايــا غــرانــيــقــه=وحــيــده وتـرســـم وردتــن فـــوق كـراســي
وحـكـمــه مــن الـتـمـيــيـز زادوا بــتــصــديــقــه=وجــروه بـشــداد الــكــلــبــشــه والامــراسـي
وقـال اصـبـروا بـنـتــي انـا اخــاف تــعــويــقــه=واخـاف انـهـا تـشـكـي مــن الـضـيـم والـبـاسـي
انـا خـايـفـن تـلـقــى الــغــثـى مــن مـخــالــيـقــه=وعـقـبـي تــصـالـيـهـا الـمـصـايـب والاتـعـاسـي
تـعــيـســن وزاد بـوســط جـوفـــه تــخــافــيــقــه=مـثـل خـافـقـي يـشــكـي شــطـيـرات الامـواسـي
رمـاح الـغـــلا زادت طــعــونــه وتــشــلـــيــقــه=ولااحـدن رحـم قــلـبــن شـكـى الضيم واحـتـاسي
عـنـودن رمـتـنــي مــن عــوالــي شـواهـــيــقـــه=عـلـى خـافـقــن يـشـكـي غـثــى كــل هـوجــاسـي
طـيـوفـه سـبـب جـرح الـضـمـايـر وتـفــتــيــقــه=طـيــوفــن تــدوج بـوســط فــكري وانـا نـاســي
وانـا خـايــفــن غــدر الـلــيــالــي وتــفــريــقـــه=مــمــاتـي فــراق الـلـي تـقــل عـيــن قـرنـاســي
هــل الحــسـد شـغـلـتـهـا الــسـوالــف وتـذويـقــه=وتـرمــي بــدرب اهــل الـهــوى كـل لــولاســـي
وانـا سـقــت ياعــواد صـــافـــي مــواثــــيــقــــه=اراجــي وفــى الـلـي دهـــورت كـل مــــدبــاسـي

[فواز الغسلان]

عبدالله الاشقر جبل الشعر لاتنسونه يااهل حايل



الشاعر الفحل الوافي عبدالله الاشقر شاعر الجبلين الذي كتب الشعر بصدق واتى على ابوابه جميعها وبرع

فيها واثبت حميته لجماعته قبيلة شمر هذه القبيله التي عاش بين ربوعها ولحائل البلد الذي قضى عمره في

ارجائه فكتب الغزل والحكم والامثال ونافح عن جماعته ضد من حاول ان يعيبها بشي حتى لو لم يستطع عيبها

لان شموخها ومكارمها وتاريخها المجيد اكبر بكثير من ان يستطيع شخص طمسه بمجرد بيت او بيتين من الشعر

كما اثبت الاشقر ان حب البلد والجماعه انما يكون بالحميه والبذل والتضحيه وليس لمجرد الانتساب ثم يرى

من يحاول اهانة جماعته او ديرته ويسكت اكراما لهؤلاء او مجاملة لذاك 00

ولعلي اخذكم معي في جوله بسيطه بين اشعار هذا العلم الشامخ والبحر المترامي الاطراف والقلب الغيور

والروح الشفافه عبدالله الاشقر رحمه الله تعالى00

ولعلنا نبدى برده على الشاعر فهد بن صليبيخ الذي قال :



يانجد من سماك نجدن غوا اسماك=هو ليه ماسماك يأم البـلاوي
ياصبر سكانك على شين ملفاك=واللي مكذبني يقول انت غاوي
اللي ببلدان الاجانب غذاياك=ماهو من التقصير امرن سماوي
اللي حداه العسر واصخى بفرقاك=يبي المعزه لو يسمى جلاوي
ياخذ سنين وتالي العمر ينساك=ويبكت اللي لعز عينك رجاوي
ولو ماجفيتينا حشى يوم نجفاك=ولا من تلجى بك يذوق الحلاوي
كم واحدن مع جور شورك تمناك=وجدن على مسكان جالك شفاوي
يستاهلك من صان جالك وصفاك =زبن الجلاويه ربيع الفداوي
يوم ان ابن مقرن بسيفه تولاك=خلا سنامك والفقار امتساوي
ركب عليك وطوعك لين خلاك=اطوع من النظوا ذلول اللحـاوي
حرش العكوب موثماتن ثدايك=بيضن دفوفك من غبيط الرواوي
حمال مايفخت بلا داك برداك=يحتار بك خطو الطبيب المداوي
ياعاد ماعرف ارفق الناس لدواك=كيف الحول يانجد بامرك نساوي
هذي فعال ارياك يوم الله اعماك=راحت مصاريفك لغيرك هداوي
عسى الذي سوى رسومك وسواك=يرسل عليك من الميازين هاوي
حتى نريح ويسفه القلب طرياك=بليا رجى طليان ربقن تلاوي
ابي اليا من المعيل تمثناك=يضرب على تالي ارسومـك خـلاوي
بس الوحوش وناعي البوم ينعاك=والذيب من قل الأزاويـل عـاوي
يانجد والله ماتسوى سواياك=نفسك علينـا مثـل نفـس المهـاوي
قومن تحصدينه وقومن ترجاك=وقومن تجلينه بحامي المكـاوي
اللي على الرجلين ماهو ولا اياك=ولاتصلحين الا لمن كان قاوي
من شان عدوان الشريعه نفرناك=من شاخ بك عذال هو والهواوي
هذي قصيدة ابن صليبيخ كامله حسب ظني بعيده عن الزياده والنقصان كما حفظتها من محمد العيسى ابن هذال

قبل سبعة عشر عاما وهو في قوته شفاه الله تعالى فرد عليه العديد من الشعر لكنه كان يرد عليهم ويسكتهم بكل

قوه وكان من ضمن ردوده رده الذي يقول لاحد الشعراء


قل لي وين انته يوم صولات الاخوان=يوم ان برزانن تهظم عباره
يوم اجتمع بالجو عج ودخان=والا انت هرجك مثل **** عزاره


الى ان رد عليه الاشقر الذي اسكته الى الابد00

يـقــول الـشـاعـر الـشـهـم عــبــدالله الأشــقــر :



يالله يامنشـي السحـاب لـدار = عليـم مايخفـى علـيـك مــدار
ياواحد كل ذليل لسطوتك = بك نستجير بحيـث مـن جـارك يجـار
وخلاف ذا ياعيال حوفوا على النضا = باكوار مامونات حوفوهن بكار
حوفوا على مثل الادامي بزيهن = طفقات يا طـال المغـار اسطـار
عجلات وجلات خفاف على الوطا = تعاطن المكنون طوعات ذعـار
لاهاوزوهن ثم لجن ولجلجـن = شـراد فـراد عـن النـاس نيـار
انا اذكر الله يوم علق دلاهن = بيض تمارى في ضحى العيـد زمـار
بالله عليكم يم حيٍ نـون بكـم = لامحـت المعلـوق للفـن استـدار
قالو لحايل حياها عزوة لنا = حاجة حزيـن القلـب ماعنهـا عـذار
قد قلت لهم بالله عليكم تريضوا = حيث انكم لـدار السـلام اشطـار
وصلت جمالتكم وشيلوا وصيتي = سيروا جناح الليل مع نور النهـار
اسركم وليـا وصلتـو دياركـم = اسرارنـا معكـم تصيـر جهـار
اضفوا على دار الضياغم سلامـي = سـلام مـادام السـلام يـدار
عداد ماحدره وفوقه من الملأ = وعـداد مايرمـي الحجيـج جمـار
وماسمعت الاذنين واللي يرى البصر = وماشالت البيداء ثرى واثمـار
سلام من قلب من الحـب مستقـي = وداد مانـاح الحمـام وطـار
احلى من الصحة بعد سقم انجلى = والذ من يسـر يسـوق اعسـار
دار الصخا والجود مـن قـام ساسهـا = دار بهـا للغانميـن وقـار
دار بها يكسـى الارامـل ومـن عنـا = دار اهلهـا للديـار دمـار
ياما فنت من دونها من قبيلة = وتعشت الاخيـار مـن دونـه عمـار
هي امنا خيرة وشره يعمنا = لـو شـان وقتـه مالنـا عنهـا منـار
عيبا على رجل صغير كبر به = كبـرت متونـه بالمضيـف ونـار
ياكل حلاويها ويشمت بمرهـا = ويدعـي عليهـا بادهـر والدمـار
قلت قال نارك غير دارك عدو له = تر والدك عقـه عـذاب وعـار
ياقايل الطليان خاب الرجـا بـك = الزيـر مايذكـر يجيـب جفـار
لولا عمامك كبر عضاك فضلهم = ينسا ثنا المعروف من حظه هيـار
ذولا الجنايز سدهم فعل جدهم = ذولا وبا الفرسـان برمـاح قصـار
اخوان نوره سترها لا عتزو بها = مل كادهـم تلقـى العثـار كثـار
ياويل جمعا بالملاقـا بلـي بهـم = عـزي لقومـا تقتديهـم جهـار
قومن على الضد ماعنـه صـده = للجـار كـار وللحريـب فقـار
الله على لانبهـوا ثـم صوتـوا = شبيـب وعيـاده عطـوا اخبـار
قدا لهم من رزت الجيش صيحه = جـض النضـا محتريـن مغـار
قالوا ترا باكر تمد ثقالنـا = قـادوا مـن الطفقـات عبـرات عبـار
مدوا هل البيرق وشمر تقدموا = وصفوا ورا الدمـام دربيـن كثـار
بيرق اهل حايل توسط جموعنا = عبده يمين الشيخ والصايـح يسـار
قالوا مغرب قلت هذا مرادهم = تلقا حلال الشرق مـن قبلـه كثـار
قوما تعداهم وقوما عدا بهـم = وقـوم خـذاه بليـل والاخـر نهـار
جوٍ لقاه خلو وعليـه استـراح = وبعـد ذا بايـام للغـرب استـدار
خلا عليهم يشيب الشاب ماجرا = خلج النساء والنيب تسمع له صرار
ثم انتسف لديار حيه وعزوته = لقصرا زمـا مبنـاه حامينـه نمـار
تلقا مراكيب الاجانيب لا لفـوا = غاشيهـم الـذل والكبـار صغـار
كلا يريد الصلح يسوق ماطلب = من عقب ذاك الطول غادين قصـار
هـذولا مساييـر هادييـن بالمهـل = وذولا بعيديـن يبـون اخبـار
وهذولا اهل سيه وحسنا تعمها = يبغون مـن مرعـا الحمـاد جهـار
مار سبحان من يدير الاملاك بيده = مغير دهور الدور من داراًلجـار
مار افتكر ياصاح في نثر شملهم = راحوا هل الطولات باحولاً انحدار
راحوا هل المعروف عنا تقربو = واختارو الاجناب عن دار الاقراب
قوم الندا ضيم العدا صفوة الملأ = ترعا بهم الجيران بدروب الاخطار
ياجا الخبر منهم لقوماً تكفكفوا = الكل يطق لبيت فـي خافـي غتـار
يخشون قوما روسها تنقـل العيـا = ربيعهـم يـوم وحـلاه مـرار
شمر اهل ضمر وقحصاً من المها = شمر ليا غشـا الكـرار كـرار
يحيا وربيعيه ولاسلـم وزوبـع = يالابـة بالكـون ماتعطـي قـرار
عبار جبار صبار على اللقى = لهيـب الجمـوع للحريـب اصقـار
غلاب جلاب فهودٍ زلازل = فهودٍ زهـود نكـود وانمـار ضـرار
تكره ملاقاهم كما تكره الوهم = ماصٍ به المفراص مايشكـي الغيـار
اعيادهم بانكادهم ساعات اللقـى = شلـع العـدا والعاديـات اطيـار
ولاينشمـت بأمـرٍ ليـا حـل القـدر = امـر يديـره واحـدٍ قهـار
يوم انها شامت لشيخـاٍ شقـا بهـا = سلطـان نجـد طـلابٍ بثـار
شامت لابن مقرن قديماٍ من اهلها = مالومحت000 والناس الثبـار
عبالها جزل العطى مدلهمه = سبـاع علـى عيـال السبـاع شطـار
شيوخٍ بظل شيوخ قبلٍ بظلهـم = تـر مثـل هذاقبـلٍ عليهـم صـار
الله ينصر من نوى نصـر ديننـا = ويديـم للديـن العزيـز انصـار
تمت وصلى الله على صفوة المـلأ =ماهـل همـال المخيـل بـدار

ومن قصائده الغزليه التي تعتبر من جواهر شعره رحمه الله00



دار الغرام ولـف بالقـلب لافـوف=لاع الـولـع قـلبي وروحـي صرمها
ياخشم ريم مـن عنا العـين مشـفوف=سيـف الهـوى بالحـال يـلحى لحمها
القلب رفـرف وانغرف غـر بصـدوف=والـروح فـوح الجوح يلفح فحمها
جسر الغرام ابرا معي زل بزلـوف=نـزع الزغازغ زلـةٍ عـن قـدمها
مـانيب كـف الـذل عـنـي بمعـروف=لا تبـحثه بـالله يقبـس لـغـمـها
الله خلق بالنـاس نـاسٍ لـها نـوف=والشمس ما تخفى العرب مع عجمها
كاس الهوى بالباب الأسباب مـذروف=مـن ذاق رشف شـفاه يفرق طعمها
لولا الهـوى مـارشـرش الريم بخـشوف=والنـاس نسناس الهوى هـو نسمها
خشف عفر فارع ظـفر عـشر مكشـوف=تـل القلوب وسلـها واستـلمـها
رعـبوب راعـب كــاعب طرب غطروف=عمـهـوج داعـج لاعـج عـاج فمها
تمـشـي تـهز الخصـر تنعاج بعطـوف=مـال الهـوى به مال عوذا كصمها
بعيـونـها رايـات وايات وحـروف=يـرمي هل هل الغايات سم سهمها
مـادار دور نهـدها نـز بـوقـوف=نشـو نشى مـانيش مشـمـش حـرمها
واكثل كثيلٍ لـه كثـاثيـل وزلوف=يلعـب علـى هـاضم ضـميره هضمها
عفرا برا طرز الطرا صدر واردوف=اطـخم طـخم طخم الطراخم طخمها
شربـت شـذى شذر الهوى كمع وكفوف=مـن طـاح بتفاحه حـرق من وحمها
يانـاس خلـوني احوفـه وابـاشوف=لا مـوت فـوت وناضري ما فهـمها
يسـلب قـلب المبتلي فيك مـكلـوف=ارفـق تـرى نـفسي تقـطع وذمها
امنع طريح طـاح بيـديك مـكتـوف=سلم العـرب مـن سالمه في لـزمهاوقال ايضا في الغزل رحمه الله تعالى000



الله من قلب به الغيض منتك=ومتضايق عده بقفلن وتوباك
والصدر كنه محدثن بالحشاضك =ياعود ماصبرك على كبر بلواك
نطيت اشوفك واتلهابصورتك=وفزوفتح ناظر العين ماراك
جدد جروحي ماشين مثل مشيتك=ووحا نحيبي والتفت قال وشجاك
قلت المشقى له مع الناس ركزتك=ميرالبلا ملحال حالك وحلياك
هذاك لاخزك باللعيان حرك =نجل هدبها في تماثل سجاياك
يازين والي ودع الزين نطحتك=وعطان من حبك ملايين وعطاك
اني بحال ماتمناه مرضتك=ون شفت حالي ماتمناه للعداك
اسير مجروح طريح بسربتك=وعزيل من مثلي وطنه سراياك
ومن جواهره التي ذكر بها الجماعه وطيبهم رحمه الله تعالى000


طلّتْ وهلّتْ واهمـل الوبـل مـدرار=يبكي سماه ويضحك الورد مسـرور
غنا غنـوجٍ تبتسـم لـك بالازهـار=عبيرهـا مسـكٍ وعنبـر وكافـور
تشكّلتْ فيهـا الروابـي والاشجـار=لبْستْ حللْها زيْنـة القـد والطـور
فاحتْ روايحْ ريح روحـه والاثمـار=نشوةْ شذاها تنعش الـروح بعْطـور
عليلهـا يشفـي عليلـه بالاسحـار=ترقص غصونه بالصبا تيه وغْـرور
دانٍ جنا جناتهـا الخضـر وجْـوار=طربٍ بها البلبـل يغـرد لشحـرور
تكاملـت وامسـتْ محـطٍ للانظـار=صيغت بها الاشعـار نظـمٍ ومنثـور
ناديتها بخضـوع واجـلال واكبـار=مستسلمٍ هايم ولـو مـت معـذور
بالله يـا نـور العـذارى والاقمـار=من وين يا بـدرٍ تكامـل بديجـور ؟
قالت سنا شمس العرايس والاقطـار=تاج الجمال ومنتهى الحسن والنـور‍
أهلي رجال المجد وافيـن الاشبـار=لطّامـة العايـل فنـا كـل طابـور
ياما تفانوا وارخصوا غال الاعمـار=من شان شاني واسمي اليوم مشهور
حايل فخر شمر هل الـدار والجـار=يوم اللقا صبيان حايل علـيْ سـور
قومٍ اليا ثـاروا هـل الـدار للـدار=تفرح بهم عيني وافاخر هـل الـدور
قومٍ تجـر الضيـف لكتـار وبهـار=طبعٍ تواصوا فيه غيّـاب واحضـور
يـا دار حاتـم لـو تنحّيْـت مقـدار=القلب بين السمر والحمـر مأسـور
دارٍ نشينـا بـه مواليـد وكـبـار=حقّـه كبيـر وعقّهـا زور وفجـور
أمٍ لنـا نفخـر بهـا سـر وجهـار=أهل الجبل دونه سبيل عـن الجـور
ياما وطوا دونه من النـار والحـار=أحدٍ فنا واحـدٍ بـذل كـل مذخـور ومن الغزل ايضا قال000





ياملا ماخبرتوا للمـودة مـداوي=دام حالي وروحي ماقضت كلها
يوم ربي نواني بالشقا والبـلاوي=ساقها لي بغرة ثـم ساقـن لهـا
جية الزين والله ماتجي بالهقاوي=كلمة مع رفيقٍ قلـت لـه قلهـا
مقبلٍ ويتبسم مثل عين النـداوي=الهوى يستوي له والبهـا دلهـا
يامليح المجدل ذب عنك الغطاوي=جعل عينٍ تملك ماترى من لهـا
بالخديد المورد والمقاد الضباوي=من ثمانك تبـل الـروح وتعلهـا
ياغضيض مضمر مستميلٍ هفاوي=يشتكي من ردوفه متعبـه تلهـا
الله اللي محطـك كيـة للهواوي=عيذها من عيون الناس تفطن لها
وقال ايضا في الغزل0000




سلام الله يانور القناديل=سلام من على قلبي سلاما

الاما الهجر يازين التعازيل=الاما يابعد روحي الاما

جرى لي من سبب هجرك غرابيل=ابيك تبدل الفرقا بلاما

ماحسب انك قطوع يالغضي حيل=تنام وعين خلك ما تناما

خذيت الزين والقلبه بذا الجيل=حرام ما ظهر مثلك حراما

شربت من الهوى كمع بلا كيل=وذلوا لك سلاطين الغراما

سحرت القلب بعيون مظاليل=تجوح الروح بجروح تدامى

علا صدرك تفافيح مقابيل=به الارواح حرقات عداما

حبيب الروح ماغيرك محاصيل=ولا لي في هوى غيرك مراما


وهذه قصيدته عندما مر على قصر الاخيضر وتفكر بالدنيا وكم مر من الاقوام على هالقصر وراحوا فقال00




دندار دار بلبة القلب يليب =ارى جوج ماجوجه ورا العوج يليب
عليُ فار طوفان النبا واحتشا الحشا = كما فار تنور لابوحام يهيب
لم علا ماها علا كل ماعلا =تعلت ومجراها على ماه حليب
تحدر لها الجاري ولو مات سيّسه = والأرياح زاجرها بالالواح عطيب
وأنا بت في غبات الأنجاد حاير = به ساعة غب وساعات …….
إلهي معاذي هو ملاذي ومزبني = عطوف لطوف لا دعي يجيب
لها العزة العليا مع الطول والبقا = عليّ تعلا في سماه رقيب
ترا كان مافيها ولا كان سكنها = ولا كان مخلوق على الكون يجيب
ولا سبعها العليا ولا سبع بيدها = ولا سبعها الجرا ولا همس دبيب
إلا بتقدير من الخالق الصمد = حكيم عليم مستعان قريب
أنا عبدها المملوك ذلي لصبري = وياذل مخلوق لها الرب حريب
أناجيه وحبالي بعفوه وثايق = ثم أني بفضله طامع رغيب
أجاب يونس في لجاليج غبه = واعاد لأيوب ويعقوب سليب
هو الواحد الكافي هو الشافي العلا = هو اللي إلى نيدي للأغرار يجيب
مالي سوى وجهه إله يغيثني = ولا لي سوى جوده بالأرزاق نصيب
أساله وهو عما بالأسرار عالم = وحاشا لعبد لادعاه يخيب
نوضي علا ذا الطول والحول والبقا = ليا جل نوضي مشتكاي حسيب
ألا ياهل الألباب والفهم والنهى = لقيت التبصر بالليال عجيب
تفكرت بالدنيا شذاها وجلها = إلهي تهيل بهولها كل لبيب
تجي لك كما العذرا إلى بان ودها = غاد ضميره من هواك سريب
وتوريك من وجه كما بارق الدجا = وتقسم فلا لك في هواه شهيب
حتى ترى قلبك تعمق بحبها = وتراك فيها هايم تليب
تجذ عنك بساعة وأنت غافل = تجفاك بصدود عن القلب يغيب
تسقيك من غل الليالي وغبنها = تموت قهر وإن حييت تشيب
تلقاه مع غيرك تزحم غرامها = صارت معك شري ومع ذاك حليب
لا تأمن الدنيا تحمله على الوفا = تراها ماله مذهب يطيب
من خلقت الدنيا ونصبة جبالها = إلى نفختين الصور وحساب الحسيب
ماعاهدت عهد على الكون وانجزت = ولا عد لها خل من الخل حبيب
ولا حمدها واحد راغب بها = إلا يذمه حاضر قريب
ولا أضحكت مخلوق إلا بكى بها = ولا دام فيها واحد طريب
إلى تم به أمر ترقب زواله =ترى كماله للزوال نديب
أشوف أنا الوهاج يكسف إلى كمل = والشمس تزهر لابغت تغيب
أبصر بمسعاها بناس تقدموا = تشوف منها عبرة تريب
هلت عليهم سحب الأنعام وارغدوا = وقامت تصب الطيب من فوق الرطيب
تعظموا فيها بعز وسطوة =تطول لهم لو هم بسكنى الوطى …
دارت بهم وقلوبهم له حزاين = وصاروا علوم للزمان تصيب
ماتقل شافوا ساعة ماتلذذوا = أحلام ليل ماتراه ذهيب
هذي منازلهم شهود لمن بقى = خوالي والبوم له فيها نعيب
مير ليت الدوارس تعطي السايل الخبر = تنبي عن السكان هيهات تجيب
دنياك ماسوم رضاها وغيضها = غيضه قليل ضحك منه صعيب
لله ما يدله بها كود جاهل =قليل التبصر بالليال وطيب
ماذاق منها لسعة لاجل ينتبه = حوار على أمه والزمان خطيب
ترا هل التجريب فيها كواظم = يرون مره من حلاه قريب
سقتهم من الصافي وهم به غراير = وضمت لهم كدر الليال غبيب
وصارت فعايلها بهم عبرة لهم = والكل منهم كاظم صويب
مير إن دارت الأفلاك بأمر العلا لهم = صاروا لها طيّ وهي طار كريب
تمسكوا فيها ***ف من أمرها = وقلوبهم ببحور الادبار عجيب
الأيام له رب عظيم يديرها = بامره جميع الكون دولاب يليب
لكن أشوف العلم فضل به الفتى = فضل بعلمه واللبيب طبيب
يسلك مناهيج المعارف ويهتدي = لو هو عديم الشوف والمنطي طليب
لاشفت أنا فعله بالاسلاف والخلف = أصير منها خايب رعيب
توطا لها حر تربى بجالها = تسوقه بعسره للملام غصيب
بالأمس له منٍّ على كثرة الملا= واليوم بين الناس مسفوه سغيب
وشره على من به عن النوب ملجا = ليا جاه مجروح الضمير يطيب
لا ضك بك أمر جليل ذكرته = تلقاك في وجه كما العد عجيب
ولا تأخذ إلا هيلع أو صميدع = مفراص ماص والابن نجيب
لا سددوا عمالة الرأي رايهم = يظنون أنه ناجح صعيب
وقامت تخوض الناس في دفع مانبا = وكل يناظر صاحبه غضيب
نقضهم كما نقض الجواري لغزلها = وضربهم بمفتول من الراي صليب
هذا تشيله حاضر مااهتنى بها = توحي لربعه من وراه نحيب
تشوف بها ناس تزاوم نفوسها = دجاج تبختر بالكلام تهيب
ضغول تخصه ذي مزارع وثورها = وهذي مناغزها تصب صبيب
اليوم حصن للمطاليب شبشبت = توسطوا قالات الاحجا تزيب
إذا مر واحدهم مع الناس ما يرى = شبر من البيدا يخب خبيب
زوم على بوم من أمس تعظمت = تقول يالتبعي وراك تغيب
لو هو من أهل المجد من عرنة الثنا = ما يجرح المعلوق للعليا قريب
أخف بعيون الخلايق من الهبا = غدا لها الخنات خيال لعيب
ماله من الناموس حق مع الملا = ولا حوى الطولات ماكرها الخريب
ذيب على اللابه يسرك ذهابه = سيف على الأقراب مع غيره عسيب
رفيع العمد ياديب يدرا ويقتصر = عن كل درب مايراه حبيب
ماتقبل المخماة نفس رفيعه= ولا يلبس الأدناس من ساسه عريب
يأبى جناح الصقر يلفح لجيفه = يرزق وراها أو يموت رديب
مير أبصرت لاجا للمناجيب قصرها = يفنون شبان والأنذال تشيب
لكن أرى الديان يأخذ خصايص = حيث أن شمس المستدين تغيب
صاروا هل المعروف غُرب مع الملا = وضاقت فجوج البيد بالواف النجيب
قضوا يافتى طلابة المجد بالعنا = ماظن منهم بالوطى كتيب
من ماله الناموس والجود والوفا = خلي على المرحان ملهود غضيب
هل الشيمة العليا هل الجار والندا = راحوا وخلوا بالزمان مصيب
خلوا مع الأحيا سطول تضمنت = تبقى المكارم والعمار ذهيب
إن كان باق من هل المجد ماجد = فهو عايش عيشة ذليل تعيب
يكفيه من دنياه أمر أمرها =والا المصايب دايم تصيب
أمرها رجوى لئيم إلى كبا =ورده مع الأثار بحجاج كئيب
وهو عاكة لص بخيل أرث بها = ما يدفع القراع في حبة زبيب
تاقف له الجلاس من شأن ميمته = لو كان مابه خصلة تعيب
لافرغت الايمان كثرت عيوبها = لو سلفت بالجود وتفك العزيب
اليوم خير القوم وادناه واشجعه = رجل دني النفس له مال هضيب
زماننا يمحي ويمشي على القفا = مداسه على راسه تراه عجيب
تطمن به العالي وطالت به الوطى = وذاب الجبل ياذيب من خوف الرطيب
غابت رسوس الناس واخفت عدودها = قل الحيا والسيل ماياطا الشعيب
رخيص بها المرسن عزيز بها القفا = يمشي بها السرحان والقنفذ طريب
بانت طيور الليل باول نهارها = وغابت طيور من ورا الطور تليب
تعلت حباريها وذلت صقورها = وطيّر خشاش البيد من عقب الدبيب
وصارت مخالبها سيوف صوارم = والسيف يخشى مخلب زريب
تهنا يساريها بصنعة يمينها = الاشمال خصم واليمين قريب
هذي سجاياها وهذي خصالها =تبا لها ،تبا لها، تب ، تبيب
واوصيك أنا كان أنت تفهم وصيتي = ترا راعي التجريب بيطار طبيب
أحذرك أنا عن ملة الهيس والنساء = ترا ملة الاثنين معيار وهذيب
ولا تصحب أهل العيب والريب والردى= خلك من المشبوه واحزابه حبيب
عاشر خيار الناس تحمل على الندا = توقى لك العثرات وتحير الحريب
حيث هل السايات هم عرضة البلا = ترا سهوم الناس للشارة تصيب
ولا تزحم الشاشات تكسب بها العنا = لا صار ماتعنيك خلك له جنيب
ولا تعتني بالكبر والزور والريا = تراهن شهود النقص والخزي القريب
لامدك السلطان بامر على الملا = خل الهوى والزور كان انك أديب
ولا تحسب أن الحرص للمال حارس = ولا تحسب ان البخل بالدنيا يثيب
توكل على الكافي والاسباب جرها = ولا ضرك المعبود ما ينفع قريب
الله يضرب حوزة الكفر بالفنا = ويرفع منار الدين بالوال النجيب
ومن لذائذ شعره الغزلي هذه السامريه التي عشقناها لاننا كنا نسمعها ونحن اطفال 0000


ألا يامل عين عن لذيذ النوم مشطونه =وجار النوم عن موقه وزاد الويل والوالي
وحياة اللي تخضع له جميع الخلق يرجونه = فلا احسب الهوى يذبح لمني شفت انا حالي
انا توي عرفت ان المحبه زايد كونه = تسل الروح برموع له المعلوق ينشالي
نطحني فارع دالع يشوح الريح بقرونه = مغر يطرق القذله يحسب المطرق خالي
تذير يوم لاقيته وضف الراس بردونه = تذّير قلت لاتزمل انا المملوك يالغالي
غرير غر في زوله وعيني فيه مفتونه = مغر بالهوى توه غرامه لاح باقبالي


ومع الاسف ان الكثيرين من الناس لاياتون على ذكر الاشقر الا عندما يختلفون ايهم شاعر الجبلين الاشقر او الجريفاني 0 كلهم

عينين براس وقدموا ابيات المجد والفخر للديره وللجماعه فلاينبغي ان يكون هذا شغلنا الشاغل فينسينا ذلك ماقدمه الشاعران لنا

من فخر ومجد رحم الله الميت منهم وابقى الحي 00



هذه نقطه في بحر افتتحت بها هذا الموضوع وارجوا من الاخوه ان يدلي كل شخص بدلوه حتى يكتمل

الموضوع لكي نجمعه بعد ذلك بموضوع واحد والسلام000


(((الراوي)))

[فواز الغسلان]

اختلاف الدويش وبن سويط بلغز الخلاوي وتحكيم بريك الاسعدي







في حدود عام 1195 للهجره نزل الشيخ فيصل ابن سويط شيخ الظفير


على بقعاء في وقت الصيف للقرب من الماء وبقي لمدة ثلاثة اشهر هي ايام الصيف

0 وفي البدايه كره بريك راعي

بقعاء او خاف بمعنى اصح ان يكون هناك مضايقه منهم لاهل الديره بسبب كثرتهم0

الا انه وبمرور الايام اكتشف ان ذلك الظن غير صحيح فقد وجدهم في منتهى الاحترام

والخلق وعدم التعرض لاهل

الديره وممتلكاتهم كما نشأت علاقة صداقه قويه بينه وبين الشيخ فيصل ابن سويط

كما قال بريك:






حنا كرهناهم ليالي ورودهم=واثريهم السكر بجوف حليب
تسعين ليله جيرة الشيخ فيصل=تقل ربع يوم مع احب حبيب
عسى طارشن قال السويطي مقفي=عسى ذلوله ماتدب دبيب



وعندما قرر ابن سويط الرحيل لم يخبر بريك وارتحل في الليل وعندما اصبح بريك

وجد السويط قد ارتحلوا وكل

راعي ذود عقل بكره بمراحه لراعي القليب اللي كان يسقي حلاله منه0

تضايق بريك وخاف ان رحيلهم ليلا بسبب اذى او اهانه من واحد من اهل الديره

فأرسل اخاه خميس في اثرهم

فلما وصل لهم قال ابن سويط اخبر بريك ان وجيههم مثل بياض الشاش ومادفعني

لذلك الا كراهية دموع الفراق

فرجع خميس واخبر بريك فقال بريك قصيدته المشهوره ومطلعها:





شربك قراح الماء مع الناس عيشه=وشمك هبوب الريح والشوف قايد
وقرب حبيبن من حبيبن يسرني=والبغض هذا من مناه البعايد
عساك يادارن تلم المرشد=تهل عليك المرزمات الرعايد
على وجه شيخن من شيوخ المرشد=لهم بميلات الوهيد العوايد



وهي طويله 00

وبعد سنتين جلس الشيخ فيصل بن سويط مع الشيخ الدويش شيخ مطير (ولاادري

بالضبط ايهم) فتذاكروا الوفاء

وجاء الذكر على وفاء الخلاوي عندما اطلق الظبيه لانها تشبه عيون ميثاء عشيقة

صديقه منيع بن سالم والتي

ذكرها الخلاوي بقوله:





يقول الخلاوي والخلاوي راشد=هرج الفتى وافق قريض البتايع
يامبلغن مني منيع بن سالم=قديم السبايا والجيوش القوالع
قل حبايلي صادت عنودن من المها=رباعيتن من سايلات المدامع
وذكرت وصاتن من منيع بن سالم=وغيري اليا من جاع ينسى الودايع




الى قوله في القصيده عندما قال انه ربما ياتيها وحش وياكلها ( الظبي) فقال في

وصف الوحش هذا:





قليل قذى الاعيان لاناش نوشه=من الزاد معتاشن بها غير شابع
يقعد بها يومين والا ثلاثه=وخطرن بها يقعد الى يوم رابع



فقال ابن سويط هذا قصده الذيب وقال الدويش لا هذا قصده الطير 0 فتراهنوا من

فرسي لفرسك واختاروا بريك

راعي بقعاء يكون الحكم00

وهو الطير على كلام الدويش والسبب كلمه وحده وهي ( قليل قذى الاعيان) يعني

الوسخ بعينه قليل وهذا ينطبق

على الطير وليس الذيب0

وعندما جاء المرسول لبريك عرف ان فرس صديقه ابن سويط راح ياخذه الدويش

فلجأ الى خطه ماتضر الجميع

فقال للمرسول باقي بيتين من الوصف وهن :






قليل قذى الاعيان لاناش نوشه=من الزاد معتاشن بها غير شابع
يقعد بها يومين والا ثلاثه=وخطرن بها يقعد الى يوم رابع
محنوني كالقوس من مهرفن به=شجاع من بعض السباع الهلايع
عشاه دم الجوف في ليلة الدجى=وشربه من جال الحوض يلقاه ناقع




يعني ازاد بيتين من عنده علشان يصير الوصف للذيب بالضبط00

وهكذا صار الوصف ينطبق على الذئب ثم قال للمرسول امسك بن سويط واهمس

باذنه وقل يسلم عليك بريك راعي

بقعاء ويقول لاتاخذ فرس الدويش تراها بوجهي00

وفعلا فهمها ابن سويط وفهم ان الحق مع الدويش وان فرسه ماتحل له وان بريك

فعل ذلك فزعه لصديقه علشان

يفك فرسه 00

وطبعا بعد اسبوع عجز يصبر ابن سويط وهو يعلم الدويش وقال هذي فرسي خذها

لان الحق معك انت0

فقال الدويش مدام بريك قال ان فرسي بوجهه ؟ اجل انت فرسك بوجه بريك عني والله

ماتجيني0000000


رحمهم الله جميعا على هالسوالف الحلوه اللي توسع الصدر000

[فواز الغسلان]

طير ياللي بالجناحين خفاقي


طـيـر يـالـلـي بـالـجـنـاحـيـن خـفـاقـي=مـاشـكـى نـار الـهـواجـيـس مـن شـوقـه
ان نـزل يـنـــزل نـبـا كل شـوهــاقـي=وان بـغـى لـه وجـهـتـن شـال طـاروقــه
يـشـلـع الـجـانـح تـحـت كـل بـراقــي=الـبـشـر تـحـتـه والامــزان مــن فــوقـه
مـاوقـف عـنـد الـجـمــارك بـالاوراقي=لاجـل يـدفـع قـيـمــة الـخـتـم وحـقـوقـه
او وقـف سـاعـات مــع كــم سـواقــي=فـي لـهـيـبــن يـجـدع الـنـفـس مـزنـوقـه
مالـقـى من نقـطـة الـحـجـز مـنـطـاقـي=عـسـكري يـنـفـخ على الـنـاس بـشـدوقه
صابرن يـشـكـي لـواهـيـب الاشـواقي=والـهـواجــس تـحرق الجوف وعـروقـه
تجـتـمـع بالـقـلـب مـن كـل الاشـنـاقـي=ويــل مـن يـاصل لـهــيــبـه لـمـعـلـوقـه
مـن عـشـيـرن بـالـحـلا حـاز مـا لاقـي=لابـسـن زيــن الـمـلابـيــس مــن ذوقــه
مـهـرتـن فـوقـه شـجـاعـن ومـطـفـاقي=دايـمــن مـع سـاقـة الـقــوم مــصلــوقـه
وعـيـن ريـمـن ترتـعـي قـبـل الاشفاقي=تخـتـفــق بـيـن الـمـشـاريـف وفـلـوقـه
مـزبـنـه عـالـي شـفـى كـل مـطـبـاقـي=فـوق روضـن زاهــي نـبــت رقـروقــه
جـافـلـن عـن بـنــدقـن بـيـــد تـفــاقــي=تـودعـه مـع هــبـرة الـفـخـذ مـصـفـوقه
جـاه وبـل الـوســـم بـالـوبــل دفــاقــي=وزان عـشـبـه وارتـفـع سـاق زمـلـوقـه
خـفـرتـن زيـنـه جـمـع كـل الارنـاقــي=لـيــن صارت بـيـن الاريـام مـفـروقـه
الجـديـل بـمــتـنـهــا طــاق مـاطــاقـي=والـردايـف تـشـكـي الـثـوب مـن ضوقه
مـع حـلاهـا حـايـزن زيـن الاخـلاقـي=الـوصـايـف فــي حــلايـاه مـطــبــوقـه
حـبـهـــا فـي ذابـح الـبــرد مـشـراقـي=لاضحـك شـفـت الـثـنـايـا لـهـن لــوقــه
لاطـرت لـي فـزة الـروح بـشـهــاقــي=كــن قـلـبـي والـمـعـالـيــق مــحــروقــه
طـول لـيـلـي سـاهـرن ضـايـقـن شاقي=كـن روحـي بـيـن الاظـلاع مـسـروقـه
لـيـن تـنـشـف بالـقـهـر كـل الاريـاقـي=ذاهـلـن بـالـفـكر عـن كــل مــخـلــوقــه
ريـحـهـا ريـح الـمـعـاطـر بـالاسـواقـي=كـنـهــا فـي غـدفـة الــزيـن مـدفــوقــه
قصر حـبـه فـي خـفـوقـي بـالاعـمـاقـي=وارتـفــع مــن دون لـبـنــه وطـابـوقـه
والـلـه انـه مـاغــدر بــي ولا بـاقــي=والـظـروف الـظـالـمـه هـي سـبـب عوقـه
سـاق لـي بـعـهـود الاحـبـاب مـيـثـاقي=ولا ظـهـر مـنـهـا كـذايــب ولا بـوقــــه
ثــم صـار الـزيـن لـلـظـرف مـنـساقي=وشـفـت روحـي مـن غـثـى البعد مفـلـوقه
صار فـي بـابـه ثـلاثـيـن مــغـلاقــي=واصـبـحـت فـيـه الـمـسـامـيـر مـطـقـوقـه
دايــمــن قـلــبــي لـــرويـاه تـواقــي=قـطــعـتــن مـن داخـل الـجـوف مـشـلـوقـه
الـمـفـارق والـجـفـى صـعـب يـنـطـاقـي=يـوم صـارت حــب قـلـبي ومــعـشـوقـه
لـيـن رب الـعـرش يـامـر بـالاوفـاقـي=لاجـل اشـوف صـويـحـبـي زاهـي دقـوقه
أه ويـلـي مـنــــك يامــدمــج الـسـاقـي=لـيـت مـن يـاخــذ مــن اشــفـاك لـو ذوقــه

[فواز الغسلان]

كان حبك خطيه نرتجيك السموحه




كـان حـبـك خـطـيـه نرتـجـيـك الـسـمـوحــه=ويـش ذنـبــي وربـي فـي غـرامــك رمــانـي
يـوم تشـلـع خـفـوقي فـي يـديـــك وتـمــوحـه=مـوحـة الـطـيـر ريـشـه لادعــيـتـه وجـانـي
كـنـت احـسـبك تـداوي خـافـقـي من جروحـه=وانت حـطـيـت قلـبـي في دروب الــهــوانـي
لـيـتـنـي طـعـت نـاسـن بالـمـحـبـه نـصوحـه=كــان سـهـــر الـلـيـالـي لاجـلـكـم مـابـلانــي
قـالوا افـطـن لـنـاسـن جـمـرهـا بـان فـوحــه=مـثـل مـجـنـون لـيـلـى او جـريـس الـيــمـانـي
قـيـس يـطـرد عـنـوده لـيـن راحـت بـروحــه=مـات والـقـلـب يـشـكـي مـن طـعـونه ثـمـاني
والـيـمـانـي كـتـمـهـا والـمـحـاجـر فـضـوحـه=بـالـدقـايـق يـزوره هـاجـســه والــثــوانــي
قـلـت يـانـاس خـلـي صادقـن فـي طــمــوحـه=وان جـزيـتـه خـفـوقـي في خـفـوقـه جـزانـي
لاتحـسـبــون روحـي لـلـمـحـبـه كـســوحـــه=راح تـبــقـى بـجـنـبـي لـو يـطـول الـزمـانـي
حـبـهـا وسـط جـوفـي عـالـيـاتـن صـروحــه=شـاد حـبـه بـقـلـبــي فــي طـويـل الـمـبــانـي
لـه خــدودن تـشــادي وردتـن وســط دوحــه=يـخـــتـلـط مـع نـفـلـهـا زاهـي الـديـدحــانــي
زاهــي فـي مـسـيـلـن يـنـحـدر مـن سفـوحـه=وام سـالـم بـروضــه تـطـربـك بـالـغــوانــي
لـو تـتـالـى ربـيـعـه سـالـمـن مــن سـروحــه=مـاوطـوهـا سـروحـن بـالـنـيــاق الـمــقـانـي
ريـحة الـعـشـب تـسـحر والهـبـايـب تـشـوحه=الـخـزامـا خـلـطـهـا الشـيـح والـقـحـويـانـي
ولـه رمـوشـن سـهـومـه لـلـضـمـايـر ذبـوحـه=والـردايـف تـشـوفـه بـالـخـفـى والـبـيـانـي
في هـروجـه غـنـوجن تـطـربـك فـي مـزوحـه=ثـوب حـبـه رمـانـي فـي هــواه وكـســانــي
لـيـن شـفـت الـمـفـارق بـارقــه بـان ضوحـه=وجـمر هـجسـي رجـع لـي من جديد وغـشـاني
كـل قـافـن نـثــرتـه مـنـبــعــه نـار بــوحـــه=لاطـرت لـي طـيـوفـه جـت حـروفـه مـثـانـي
يـوم شـفـت الـركـايـب عـن عـربـنـا تـزوحـه=وفـي مـسـامـيـر هـجـره والـمـغــثـه كـوانـي
لـك حـبــيـــبــن دفــقـــتـي بالـتـوالـي صـبـوحــه=ولي حـبـيـبـن شـبـكـنـي بـالـغـرام وجـفـانـي
الحـبــايـــب تـوضــح قـبـل تـرحـل شــروحــه=وانـت راحـت ظـعـونـك عــذركـم مـالـفـانـي
كـنـت اريـدك ربـيـعـن قـعـدتـي حول سـوحـه=وصرت ريـحن عـصوفـن في هـبوبه فجـاني
اشـهـد ان الـضمـايـر كـل هـجــســن يـلـوحـه=مـن عـشـيـرن بـهـجـره بـاعـنـي مــاشـرانـي
وان خـيـل الـعـذارى بـالـمـحـبــه قــمــوحــه=وان خـلـي غـدر بـي عـقـب عـهـد وضـمـاني

[فواز الغسلان]

شيلة سنيد منقره البلوي للذود غضبا على ابن رشيد(موضوع لم يبحث سابقا)



بسم الله الرحمن الرحيم000

((( هالموضوع رضاوه لابوغازي لانه ماكتب سابقا ابدا )))

طبعا الذي دفعني لكتابة هذا الموضوع هو انني سمعت من يروي الحادثه بعدة اشكال واكثرها بعيده عن الواقع
والحقيقه وهي قصة (سنيد منقره البلوي)شيخ الفريعات من بلي والذي قدم الى محمد العبدالله ابن رشيد المهاد
ولم يجد الاهتمام الذي كان يرجوه سنيد منقره بمايليق بكونه فارس معروف(اخوسنداء) وكونه من مشايخ قبيلة
بلي المعروفين00 كان ذلك بسبب انشغال ابن رشيد بالتجهز لغزو عتيبه في وقت تلك المغازي00
خرج سنيد منقره مغضبا من حائل وفي طريقه مر على شخص من شمر اسمه (سلامه) مع ابله فأخذها معه وانا
لااجزم هل كان وحيدا او معه رفقه000
انتخى اثناء ذلك بقوله ( انا اخوسنداء) وذهب بها00 في ذلك الوقت ذهب صاحب الابل واستفزع بالامير ابن رشيد
واخبره بمنخاة اللي اخذ الابل وكان الجيش جاهزا للذهاب لعتيبه فقرر ابن رشيد تغيير الوجهه الى الغرب الى
مايسمى(تهامه)في ذلك الوقت حيث تقيم قبيلتي بلي وجهينه وهذه تعرف بمغزى (جيده) وهي منطقه هناك فيها
ظلع تترس فيه مسند منقره لحماية نفسه من هذا الجيش الجرار000
كان دليلة ابن رشيد شخص من قبيلة حرب من (الحلالمه) وعندما اقترب الجيش من المكان قام بعض افراد الجيش
اللي مع ابن رشيد(في بعض الروايات)الى احراق بعض النخل اللي في طريقهم ومن الرواة من قال بل جلس بعضهم
تحت النخل وشب النار للاكل فثارت حريقه غير مقصوده000
قال معوض التلفيه متهددا الحربي الذي كان دليله لابن رشيد وذاكرا بعض ماجرى:





كان الدلاله ياحليمـه لكـم ثـار=الله مـن دينـاً علـى الله سـداده
جبتولنا الدمام يضحي على الـدار=تقل دبانـاً طايـراً مـن بـلاده
من حمد ربي فيدكم هدم وحمـار=وحنا لنا بديـار الاجنـاب عـاده
ياويلكم من طيرنا حيـن ماطـار=اللي قنصنـا فيـه بـاول هـداده
اذا ضرب بالكف من غير الاظفار=يصبح معلق بالضمايـر سـواده
ماشفت نوره تقشع الثوب بجهـار=راحت مفرع عقب طريا الحشاده
يحرم عليكم بالمساء شبـة النـار=ونضفكم بالحزم ضـف الجـراده






طبعا القصيده فيها زيادات في بعض الروايات وتذكر هذه الزيادات انها ابل ابن رشيد المنقيه وانه كان معها حرس
وهذه غير صحيح لان التبيناوي في وصفه لما حدث قال:
ذهابكم ياسنيد فاطر سلامه000والا فلاتسوون نقل الجدادي
فهو قال فاطر سلامه00 وسوف اروي القصيده بعد قليل كامله000
عندما بلغ الجيش المكان ووصل ابن رشيد لبيت مسند منقره وجد الى جانب البيت كومه ضخمه من الهيل والقهوه
مما يدل على كرمه واهتمامه بشبة النار وانه مجمع للرجال 000
وفوق ذلك كان بالبيت شايب كبير السن جدا ولما رأى الناس توقع انهم سيسلبون كل شي من بيت سنيد منقره
فقام هذا الشيخ الكبير(قيل انه والده وقيل عمه) فاحتضن النجر والدله وقال خوذوا اللي تبون الا هذولي اتركوهن
لي يارجال000
كان الموقف يهز الجبال من الرجال اللي فيهم طيب ويغلون الطيب والكريم من الرجال لو هو خصم00 فكومة الهيل
الكبيره وهذا الشايب اللي تخلى عن كل شي ماعدا الدله والنجر مما يدل على انها عائله تضرب جذورها في بطن
التاريخ كرما ومرجله000 وقف المهاد قليلا وهو مطرق الراس للاسفل يفكر في هول ماوجد ثم قال لمن حوله
اتركوا كل شي بمكانه ولاتلمسوا شيئا فاللي ياخذ هذولا ماراح يتوفق بدنياه واخرته000
رجع ابن رشيد دون قتال كما ذكرت لكم00 فلاهو هرب خوفا من البوارديه اللي براس الظلع ولاهو بسبب اخر غير
ماذكرت فقال حسن التبيناوي واصفا المغزى:





الجيش حيش وصوتـوا باالتمامـه=وإن حيش جاه من النسانيس حادي
جيشن حداه الغيض وأبداء حلامـه=بعوج الدروب ومنحيات المعـادي
شهب الظهور اللي سريعن ولامـه=زمايـل الغلمـان سقـم البـوادي
تشداء عصيف الريم سرع إيتلامـه=قمشن لمن يسقي الحريب النكـادي
واحلو من عقب العصيـر أدحامـه=لهن بنا عقـب المقيـل أجتـلادي
تشداء شواحيفن صدوقـن ولامـه=صلفن وحاديهن مع الموج حـادي
ياما غدت مثل الجرايـد عظامـه=من كثر ماياطن حـدور وسنـادي
من السير والفن المراء والخدامـه=يبكن على الدرب السماح المقـادي
وأنحى بهن خوف الدروب وعلامه=وضربهن الدرب الحشار القصادي
ومن عقب عشرن صبحن في تهامه=صبحن على الجهنان ماهو جوادي
فجريتن صـارت غنمهـم كرامـه=باالريع والهرمة على جـال وادي
قطع ثلاث دروب الأقطـار رامـه=عقابن يـدور مقرشـات التـوادي
عقابن شهر يضحك بدبرت عمامه=من العالمات اللي يقـض الفنـادي
عينه على اليمنى شهر باإبترامـه=وحنا على ياسر ولامـن وكـادي
وردن عمـودان قليلـن جمـامـه=وأضمن وصار السقي داب العيادي
ومدن على الأفنار وأسفر ضلامـه=لولا توال جموعنـا كـان غـادي
والصبح تطرب من براسه نشامـه=علـى رخانـا مانهـاب الـدوادي
على الرخى نبغي كبيـر الجهامـه=نجنب عن الأدباش مثل الجـرادي
خوفن من الراضه تصيح القيامـه=وإنحاش عنا مسندن هـو مـرادي
ولذنا على مسنـد نوايـف ردامـه=ضربة فنى تبري عليـل الفـوادي
ذهابكـم ياسنيـد فاطـر سلامـه=وإلا فلا تسـوون نقـل الجـدادي
شرك عشاء مرزوق هو وأبو شامه=اللي على نقر المغـارف سـدادي
جاك الوشل ماهو مشل أو حلامـه=إنحاش عن مسند يدور الحصـادي
يوم إستعار العـام قلـب النعامـه=أوفى ديونه طيـر شلـوى وزادي
طلق اليمين اللي تعـداء العلامـه=اللي تكفـل كـل سبـع البـوادي
فرز الوغى نعم العميـل وعمامـه=ياحـل بالعيـان مخطـي وقـادي
مفني الهديب اللي طويلـن سنامـه=لكن يجيبـه مثـل حـق الزبـادي
أنا أذكر الله عـد حجـاج شامـه=أو عد قومـك ياذهـاب المعـادي
عن كـل شـر يامنثـر طعامـه=يااللي على عوج القوايـم نفـادي
وصلاة ربي عد مالخلـق صامـه=على النبي سيـد جميـع العبـادي




وكما ترون قصيدة التبيناوي في المغزى هذا والذي اعتبره من مواقف الكرم والمرجله والذي ينبغي ذكره في
مناقب المهاد وحبه للطيب واهله000
فلم تكن هناك حرب او قتال ولم تكن الابل ذروات كما قال البعض بل لم تكن للرشيد اصلا وانما لاحد شمر واسمه
مذكور بالقصيده000
اتمنى من الاخوه المشاركه ومن لديه معلومه او تصحيح لبعض ماقلت ان كان فيه غلط
لفائدة الموضوع علما اني اختصرت قصيدة التبيناوي ولكني كتبت كل
مايخص الموضوع والاختصار كان بتوصيف الامير ابن رشيد خوف الاطاله والسلام00

[فواز الغسلان]

((عواد العلي)) مار البلا فواز شاعر خرافي



الشاعر عواد العلي متواضعا يقول:




يا بو فهد لاهـنـت نحـتـاج فـاصـل=ماني مطول بس فاصل وواصل
يلومـنـي مـن لاعرف ويش حاصل=الـمـعـذره يااخوان هذا اعترافي
الـيـوم مـتـهـيـض وحـبـيـت اولف=مانـي بـتـنـظـيـم الـبـيوت متكلف
شـخـصـيـتـي بالشعر شـبه متخلف=مااحـدآ فهمني غير وهج القوافي
عـنـدي تجـارب نـابـعه من تجارب=لو تخـتـلـف مـرات فـيـها تقارب
تـوسـطـة مـابـيـن لـحـيـه وشـارب=حتى طريقي صار فيه انحـرافي
انـا دفـعـنـي لـلـتـنــافـس فـراغــي=واقول انا بالشعر مـجـرم وطاغي
وطـاح الـعـقـال وطاح بعده شماغي=قـدام ابـن غـسـلان هـاك السنافي
فـتـح ثـغـور ولا لـقـت مـن يـدافــع=وابو فهد مـابـيـن كـابـس ورافـع
انا مـهـاجـم صـرت عـنـده مـدافــع=اللعب على المكشوف مامن خوافي
اصبحـت كـنـي مـن حكومة حـماسي=هـذا وانـا ماني بـكـادر سـيـاسي
رغـم الحـيـاد اعـيـش نـفـس الـمـآسي=اقرو كـلام الـقلب قبل الاشافي
صحـيـح انـا شـاعـر فـدائـي وصـامد=ومـولـعـآ ضـوي ولاهـو بخـامد
وزنـي يـقـارب وزن ابـن زيـد حـامـد=مـار الـبـلا فـواز شاعر خرافي
بأقـول كـلـمـة حــق مـانــي مـجـامــل=قـلـبـي نطـقـهـا وكتـبـتها الانامل
انا ياابـن غـسـلان مـازلـت صــامــل=لااجل الـتـحدي فيه شوطآ اضافي
على الـهـزايــم صـاحـبــك مـاتـعــود=من كـثـر حـرصه في مساره تجود
حـتـى لـو ان الـــدرب بـيـض وســود=اسـوقـهـا قـدام والـنــور طــافـي
انـا ظــروفـي فـــي حـروفــي تــوزع=يـمـكــن مـمـلـه بس لااحد يتجزع
عـلـى الـغـزل قـام الـهـواوي تـهــزع=مادام سـتــر الله على الكل ضافي
الدمـعـه الـلــي حــارت بـعـيـن عاشـق=اللي لها بالجـفـن حـارس وحاشق
الـيـا حـبـسـهـا قـام خـشـمـه يـنـاشــق=لو قـيـل كـافـي قـال ماهـو بكـافـي
الــحـب ذره قـابـلــه لـلـتـخــصــب=بـدايـة الـتـشــجـيــع قـبـل الـتـعـصب
حـتـى عـلـى قـلـبـك حـبـيـبــك يـنـصب=ويفاوضك من شان عقد احترافي
لاياحـبـيـبــي صـدر عــواد واســـع=وبـداخـلــه بــردآ مـن الـثــلج لاسـع
ارضى الخـطـى يـالـيـن ثـامـن وتـاسـع=والـعـاشر ابعد عنك والقلب صافي
الـمـجـرم الـلــي وسـط قـلـبـي تـسـلــل=ومــن الـغــبــاوه قـلــت آمـر تـدلـل
انـا وطـيـفــه سـاهـريــن نـتــعــلــل=واثــر الحـبـيــب مـلـتـحـف باللحافي
هــذي مـشــاعــر شــاعــرآ مـايــكــذب=مــر بـتــجــارب بالحـيــاة وتعذب
ثـرثــار زاحــف انـطــوائــي مــهــذب=آخــر لـقـب سموه ((ثلج القوافي))

[فواز الغسلان]

يودع ربيع القلب يرجع خريفي



ياحـمـود قـلـبـي من جفى الـزيـن مـهـمـوم=قـلـبـن على هجـر الحـبـايب ضعـيـفي
جـرح الـهـوى فـعـلـه بـالاجـواد مـعـلـوم=يـودع ربـيــع القلب يـرجـع خـريـفـي
لاداج طـيـفـه بـالـخـفـى يـطـرد الـنــوم=لين يـتــهــشــم حـجـرهـا بـالــذريـفـي
لامــن لـمـحـت الـبـاب يـاحـمـود مـردوم=من عـقـب مـاكـانـت حـيـاتـي وريـفـي
والـقـلـب عـقـب الجرح مـايـنـفـعـه لـوم=والـهـجـر نـاره مـثـل نـار الـصـريفي
قـلـبـن قـبـل ظـلـمـه من الوقـت مـظـلـوم=كـنـه طـريحـن مـن جـنـود الـشـريـفـي
ودنـيـاك مـاتـصـفـي لـنـا دايــم الــدوم=وزمـل الـفـرح ترجـع ظـعـونـه نـكـيـفـي
غـديـت مـثـل الـلـي قـلـب راسـه الحـوم=من عـقـب مـاهـو بالـحـبـاري يـحـيـفـي
باسـبـاب مـجـدولـن على الـمـتـن مـلـمــوم=لاطـاح مـن فـوق الـردايـف صفـيـفـي
وجـسـمـن سـقـاه الزين بالوصف مـبـروم=كـتـفـن وردفـن والـمخـصر صخـيـفـي
تجـمـع عـيـون الـفرس مـع بـشـرة الروم=وعـيـون شـامـيـه وهـرج الـقـطـيـفــي
خـشـفـن بزين الطـبـع والـعـيـن مـوسـوم=كـنـه عـروســن فـي لـيـال الـزفـيــفـي
خـــــده تـــلالا بـالـحــلا تـقــل مـخـتـوم=والـقــلــب مــع زيـن الحـلايا رهـيـفـي
والـلـه فـلا زيـنـه مـكـايـــيــج وهــدوم=يـكـفـيـك رمـشـن مـع سـواده نـظـيــفـي
خلت خفوقي عن حـلا الـبـيـض مـعـصوم=عن غـيـر زولـه بـالـعـذارى كـفـيــفـي
لولاي اخـاف الـلـه وعـادات وســلـوم=خـطـفـتـهـا مـثـل الـعـقـاب الـمـخـــيـفـي
في لـيـلـتـن نـور الـقـمـر طـاح بـغـيـوم=مـع ضـوح بـرقـن بـالـسـمـاء له رفـيـفي
والا كـمـا ذيـبــن عـلـى راس مـزمـوم=مـن نـار جـوعـه لـه قـنـــيـب وهـريـفـي
والا كما جـيـبـن عـلـى الـدرب مـنـهـوم=فـيـه الـدبـل جـاهـز ثـقـيـل وخـفـيـــفـي
فوقه شجـاعـن شـب فـي جـوفـه الـزوم=كـنـه لابـوصـــالح بـطـيـبـه وصـيــفـي
عواد شـوق الـلـي مـن الـزيـن مـوشـوم=الـلـي يـدوس الـــدرب لـو هــو كـلـيـفـي
نـسـل الـرجـال الـلـي لـهـا مـجـد وعـلـوم=الـلـي لـيـــاكــادت تـشـيــل الـرديــفـي
مـزبـان مـضـهـودن مـن الـقـوم مـضيـوم=الـلـي وقــع سـاقـه كــسـيـرن سـعـيـفـي
مـاهـو بـطـول الـدرب ضـايـع ومـنـجـوم=يـصـلـح لـمـن سـاق الـمـواتـر عريـفـي
يـفـزع لـمـن كـنـه عـن الـديـــد مـفـطــوم=لـه مـاقـفـن بـالـطـيـب مـاهـو طـريـفـي
الـشـاعـر الـلـي حـضـرتـه تـرهـب الـقـوم=ولالـي قـبـالـه غـيـر ربع الـنـصـيـفـي
مــار ان وقــت الـيـوم حـاكــم ومـحـكـوم=وراحــت بـحـمــد الله وقـوت الـزحـيـفي
وقـتـن مـضـى عـنــد الاجـاويــد مـذمــوم=كــان الـعـرب بـالـسـيـف دمــه نـزيـفـي
دخـلـت بـامـواج الـهـوى جـاهــل الـعــوم=واجـهـل طـبـايـع كـل جـنـســن لـطـيـفـي
والـيـوم قـلــبــي مـن هـوى الـبـال محروم=ونـتـيـجـتــه جـسـمـن عـلـيـلـن نـحـيـفـي
والادمــي رزقـــه مــقـــدر ومـقــســـوم=والـصـبــر مـلــجــأ كـل رجـلـن عـفـيـفـي

[فواز الغسلان]

التمثال في الحكم والامثال((جوهرة الراوي))




خـفــوقــي ضـاق يـاراع الــجــزيــره=وهــاض الـجــاش مـن نـارن تــديـره
وصـغـت الـقـاف مـن زيـن الـمــثــايـل=لـعـل الـقـاف فـيــه الـيــوم خــيــره
بـيــوتـن مـانـظـــمــهــا كـل شــاعــر=تـبـي لـه شـاعـرن روحــه خـبــيــره
يـصوغ الـلـي يـهـيـض بـوسـط جاشـه=ويـنـثـر مالـجـى وســـط الـســريـره
لـو ان الـقـاف تـغــنـيــنــي حــروفــه=تـحــديـــت الـفــرزدق مــع جـريـره
لـقـى بالـقاف وقـت الـضـيـق راحـــه=عـلـى روحـن مـن هـمـومـه حـسـيـره
شــرب مــن سـكـــر الـدنـيـــا ومــره=وصار الـشـعـر لـهـمــومــه ذخــيـره
وانـا قـاسـيــت بـالـدنـيــا عـجـــايــب=ورافـقــت الـمــوظــف مــع مــديــره
وشـفــت طـبــوع تـجــارالـخـــلايــق=وخـالـطــنـا مـن الــعــالـم فــقــيــره
وجـيــت دروب دنـيــاي الــغــريـبــه=وذقـت سـيـوف دنـيـاهـا الـشـطــيـره
ولاجــربــت زيــنــات الـــمــبــانــي=ولانـامــت عــيــونـي فــي حــريــره
حــيــاتــي كـلـهــا كــد ومــتـــاعــب=هـمــومـه بـالـحـشـى مـثـل الـسـعـيـره
اشـوف الـنــاس فـرحـانـه بـجــنــبــي=وريـح ثـيــابـهــا ريـحــن عـطــيـره
اغـسـل الـثـوب بـكـفــوفــي لـروحــي=ولافـكـرت عــمــري وش مـصــيـره
لـك الـلـه كـم رجـف جـسـمـي بـثـلـجــه=نـصوف الـلـيـل والـدنـيـا مـطــيــره
فـطـوري مـن عـشـاء الـبـارح حـفـظـتـه=ولا اعـرف الـفـطــايـر والفـطـيـره
ولا شـفـــت الـدراهــم وســط جـيـبــي=واخــلــط الـكـيـك مـع لـذة عـصـيـره
وراح الـعـمـر فـي ضحـكـه وضـيــقـه=مـع الـعـالــم وانـا عـيــنـي بـصـيــره
وعـقـب اربـع عـقــودن مــن حـيــاتـي=فـهـمــت دروب وقــتـي فـي مــسـيـره
هـبــيــل الـنــاس لاكـثــرت فـلـوســه =غـدى شـيـخ الـمـجــالــس مـع وزيـره
تـقــوم الـنـاس عـن وجـهــه بـسـرعــه=لـو انـه مـاعــطــى مـخـلــوق نـيــره
وتـصـغــي لـه رجـالــن شـاب راســه=ويـقــعـد وسـطـهــم تـسـمــع هــديـره
وهــو هـيـســن ولـد هـيـســن تـسـلـسـل=ولايـفـرق غــنـمــهــا مـن بـعــيــره
مـدامـــك مـاتــراجــي نـفـــع مــالـــه=ولاتـطــمــع شـيــاهــــك ورد بــيــره
عـلامــك هــنـت نـفـسـك وانـت شـايـب=وهــون الـنـفـــس رايـاتــه خـطـيـره
مـــدام ان الـكـــرامــه راس مـــــالـك=سـيــوف الـطـيـب شـلـهـا مــن جـفـيـره
لـحى الـلـه مـن يـهـيـن الـنـفـس راضي=ويرضى الـهـون والـنـفـس الـكـسـيـره
لاجـل قـرشـن مـن كـفـوفــن بـخـيــلــه=يـلــو تـاكــل قـشــاشـن مـن شـعـيــره
وشـفـت اجـنــاس مـاتـفـرق طـبـوعــه=وطـرق الـنـاس بـطـبــوعـه كـثـيــره
وفـيـهـــم مــن يـغــثــك فــي شـعـيــبـك=لـو الـوديــان سـالـــت فـي غــديــره
تـحــســدك لـو كــســبــت ريــال واحــد=لـو ان اربـاحــهــم تــمــشــي دريـره
يـظـــن الــرزق يـنـقــص مــن حــلالـه=تـضـايـق وابـتــدى تـسـمــع زحـيـره
وكـل الــنــاس تـلــقــى فــيــه صـالــح=ولا تـلــقــاه بـالـلــي فــيـــه غــيــره
وغـيــرات الــمـــراجــل شــر غــيــره=خـطــرهـا زاد عــن عــذرى غـريــره
اذا غــارت هـــنــوفــن راح تــبــكــي=وهــو يـنــقــل سـكـاكــيــنــن طـريــره
وفـيــهــم مــن يـبــي تـنــفـــيـــذ رايــه=يـريــد الــنـاس كـلـه تــســتـــشــيـــره
وهــو مـالـــه مــن الــدنــيــا تـجــارب=وعـنــد الـكـود يـظــهــر لـك صـفــيــره
شـبــيــهــن لـلـنــعــام ان شــاف زيـلــه=هــبــوب الـصــيـف فـي لـيـلـه يـذيــره
وفـيــهــم مــن رفــع بـالـكــذب نـفــســه=وحـيــن الـلازمـه تـســمـــع شـخــيــره
اذا شــــافـك ضـحــك لـك فــي مــــوده=ونـيـــران الـعـــداوه فــي ضـــمــــيــره
خـبــيــث الــنـفــس مــنــبـوذ الـسـجــايـا=جـفـولــن بـالـطــواريــق الـعــســيــره
تـرى الـخــســران مــن يـاخــذ بـنـــاتـه=يـجـــيــه عــيــال لـلـــعــالــم مــعــيـره
وبـعـــض الــنــاس يـتــبــع راي حـرمــه=عــنــود الـريــم بـالـبــيــت الامـــيــره
وهــي تـامــر وتــنـهــى فــي حـــضـوره=وهــو مــثــل الــذي وســـط الـحـضـيـره
والانــثــى دايــمــن حــكــمــه بـقــلــبــــه=وشــوره عــنــد نــوره او مــنــــيــره
مــع ان الــراي بــعــقــول الــنــشـــامـــا=وبــعــض الـبـيـض بـالـشــورى جـديـره
ولاتــركــن عــلــى عـهـــد الــعـــــذارى=ولــو ســاقــت مــواثــيــقــن ضــريــره
ولــو قــالـــت غــلاك بــوســط جــوفـــي=وقـالــت خــذ عـيــونــي مــع نــظــيــره
اذا طــــال الــزمـــان يـخـــور عـــزمـــه=ولاتـصــبــر عـلــى طــول الـجــبــيــره
وفــيــهـــم مــن يـجــي درب الـصــداقـــه=ويـصـــدق فـي امـــوره مـــع خــشــيــره
ولـكــن مــــن غــلــط واحـــد يــعـــافـــك=ويـعــلـــن عـــنــك بـالـتـــالــي نـفــيــره
ومـــاتـلــقــــى الــــذي مــاداس زلــــه=يـقـــولـه مـــن فــرض ركـــن الـشــعــيــره
ولازم تـــدمــــح اغــــلاط الــرفـــاقــه=قــبـــل تـقـــعـــد وحــيــدن وســط حــيــره
اذا رب الــبــشــر يـعــفــوا ويـصــفــح=عـــلام الـــعــبـــد مــايــرحــم عــشــيـــره
وبـعـــض الــنــاس رفـقــتــهـــم ونـاســه=ســعـــادة واحــــدن روحـــــه كـــديــــره
ونـاســـة سـاعــتــن لاصـــرت ضــايـق=وبـالـــشـــده ســريــعـــن كــســـر زيــره
اذا شـــافــك طــريـــح بـوســط شـــده=تــعـــذر مــنـــك فـــي لاهـــب هــجـــيـــره
ولـلــشــــدات نـاســـن تــرتـــكـــي لــه=اذا ثــاروا غـــدت عــــيـــنــــك قـــريـــره
زمـــولـــن لانـخــيـــتــه جــاك هـــادر=مــاهــي رقــصــن عـلــى نـغــمــة سـمــيــره
وكــل الـــنــاس بـالــدنــيـــا مــــعــــادن=كــريـــم الــنـــاس او راع الــثـــبـــيـــره
كـريــم الاصـل تـلــقــى الـفــرع طـيــب=وتــرى الــويــلان فــزعـتــهــم شــهــيــره
بـلا هــونــن بــربــعــي نـســـل شـــمـــر=هـــم الـمــيـــراد لاكـــثـــروا صـــديـــره
وفــيــهـــم مـسـلـــمــن والـخــيــر دربــه=غـــدى ســيــل الـرحــامــه مــع مـحــيــره
اذا جــيـــتـــه لـقـيــت الـخــيــر عــنــده=ولـو انــه عـايـشـــن عـيــشــــه ســتــيــره
فـقــيــر الــمــال وطــبـــوعـــه غـنــيـــه=زبـــون الــضـيـــق حـــمــاي الـجــريــره
واذا جــت سـاعــــة ظــهــور الــمـراجــل=شـجـــاعـــن بـالـلـقـــاء مـاطــار طــيــره
بـيــوتــن قـالـــهــا الــراوي بـضــيــقـــه=عــســـى مــولاه مــن نـفـــســـه يـجــيــره
نـظـــمـــتــه شــعـــر لـلـنــاس الــعــوارف=لان الـــنــصــح لـلـــعــاقــل بـــريـــره
وانـا مــانــي رفـــيـــعـــن فـــوق ربــعــي=وهـــوزاتـي مــــع الــعـــالـم قـــصــيـــره
ولـكــن مـــااتـــعــــمـــد بـــوق غــــيـــري=لان الــبــــوق وربــوعــــه نــكـــيــــره
ومـــن يـنـصـح ويـكــشـــف لـي عـيــوبــي=عـطـــى روحـي عــن الـغـــلــطــه نـذيـره

[فواز الغسلان]

وين تلقى عشيرن كالسحاب النواشي



الـصـداقــه قـلـيـلـن بـالـعـرب مـن يـحـوشـه=ويـن تـلـقـى رفـيـقــن كـالـسـحـاب الـنـواشـي
لاتـضـايـق خـفـوقـه مـن مـداحــم هــروشـه=وشـفـت الاقـدام غـاصت بـالـدروب الـهـلاشـي
يـصـطـفـق تـقـل ذيـبـن والـشـوازن تـنـوشـه=مـايـقـول الـمــشــاكـل مـالــنــا بـه مــهـاشـي
رفـقـة الـنـاس صـارت عـنـد جـامع قـروشـه=والـمـقـاديـر شـالــت جـامــعــيــن الـشـواشـي
طـيـب الاجـداد سـافـر فـي مـحـامـل نـعـوشـه=واكـثـر الـنـاس عـظـمـن مابـقـى بـه عـراشـي
في غـنـاتـك يجـونـك بالـوجـيــه الـبـشـوشــه=وعـنـد فـقـرك غــدوا لك بـيـن شـامـت وواشي
رزق بـطــنـك مـقــدر قـبـل تـرسـل طــروشـه=كـافـل الـداب الاعـمـى بـالــغـذاء والـمـعـاشـي
يـرزق الـقـلـب ريـمـن زاهــيـاتـن نـقــوشــه=مـع جـمـال الـردايـف ابـيـضن تـقـل شــاشـي
جـسـمــهـا تـقـل يـفـرك فـي لـيـانـة بـروشـه=ومـع بـيـاض الـمـعـازل في وصوفـه نـشـاشي
لـو تـصـف الـعـسـاكـر مـن عساكر جـيـوشـه=مـاتـقـاوم رمــوشـن مـثـل ضـرب الـكـلاشـي
طـاح قـلـبـي جـريـحـن مـن مـضـارب قـفوشه=ويـل قــلـبــن رمـنــه لابـســات الـمــغــاشـي
ابـن عـمــار يـنــثــر بالـشــوارع قـشــوشـه=وصار بالـسـوق يـلـبـس سـامـلات الـخـيــاشـي
صار دونـه فـريـقـن مـن مـتــانــش دحـوشــه=من يـشـوفـن نـفــخ بـي وابـتــدى بـالـهـواشـي
وهـي امـيــرة بلــدهــا مـاتـزعــزع عـروشـه=مـاطـمــع فـي هـواهـا سـاقـطـيـن الـخـشـاشـي
مـن وقـعــت بهـواهــا طــاح قـلـبــي هــوشــه=بـيـن عـقــلـي وقـلـبـي كـل يـومــن نـقــاشـي
لـه عـيـونـن نـواعــس سـاحـراتـن رمــوشــه=والـضـمـايـر تـجـيـهـا ثــم تـرجـع عـطــاشـي
اشـهـد انـي سـجـيـنـن طـايـحـن وسـط حـوشه=وان خـلـي مـلـــكــنــي فـي غــرامــه بـلاشـي
وان فـكـر الـمـولــع كــل ريـحــن تـطــوشــه=وكل يـومـن تـشـوفـه صـوب الاحـبـاب مـاشـي
وان كـبــد الـهــواوي مـاتــذوق الـمــعــوشــه=وان هـوشـي بـقـافـن مـن غـثـى الـبـال جـاشـي

[فواز الغسلان]

السبب الحقيقي لخلاف زامل السبهان وخلف الاذن



الشيخ الفارس الشاعر خلف الاذن الملقب ابالشيوخ لكثرة من قتل منهم في المعارك في ذلك الزمان

مشهور بصفات الرجوله وقد حدث بينه وبين تركي بن مهيد خلاف وتطور حتى نتج عنه مقتل ابن مهيد

رحمه الله000 مما اغضب الشيخ النوري بن شعلان لاسباب عديده واولها انه نسيبه وزوجة النوري

هي بنت ابن مهيد مماجعل النوري يسعى ضده 000

وقد كانت العلاقه بين خلف والنوري متوتره قبل ذلك مما حدا بالنوري الى عدم استشارة خلف الاذن بشي

الامر الذي اثار حفيظة خلف فقال مخاطبا النوري:



ياشيخ ياشيخ الشـيـوخ ابـن شـعـلان =عندك صليب الراي ماتـسـتـشـيره
تـسـعـيـن سـيـفـن مـايـسـدن بشـامان=خـلـه لـعـجـات الـسـبـايـا ذخـيـره
مـايـخـتـفـي فـعـلـن تـقـفـاه بـرهـان =انـشـد جميع اللي سـكـن بالجـزيره
لاثـار عــج الـخـيـل فـي كـل مـيـدان=تلقى عـلـومـي يـابـن عـمـي كـبـيره
اقـلـط عـلى الفارس بروغات الاذهان=واخوض غـبـات الـبحور الخطيره
واشـيـل راسه من مـزابـيـر الامـتـان=ولاعـاد يـذكـر كـل شــره وخـيـره


وكان مقتل ابن مهيد هي القشه التي كسرت ظهر البعير لتدفع خلف الاذن للنزوح عن الشعلان والتوجه الى ابن رشيد بحائل00

وعندما اكثروا الناس الكلام على النوري بالنصح بعدم التفريط بخلف الاذن لشجاعته المعروفه وثقل وزنه في القبيله قال النوري:



البارحة نـومـي عـلى عـظـم ساقي =اقـالـب الـجـنـبــيـن عـدي على شوك
ونـيـت ونـة غـاضـب البال شاقي =طـريــح قـوم بـيـنـهـم طـاح مـشـبوك
وقـع طـريـحن مـخـضب بالسناقي =هــبـيــت يـادور لـلاجـــواد دامــوك
والا غـريـق مـخـطـر بـالـغـراقـي =يـنـخـى وعمره وسط الامواج مدروك
الله عـلـى مـزة سـبـيـل الـعـراقـي=اصـفـر يـجـيـك بلـوذة الـتـتن مفروك
مـزه وكـزه عـن خـطـاة الـهـلاقـي =يقـلـط على البارد ويقـصر عن احوك
مـايـنـــبـكـي حـي وراه الـفـراقـي =ولا يـنـكـره بـعـد الرفـاقـه الى اوذوك
قـم سـو فـنـجـال تـرى البال ضاقي =فـنــجـال يـجـلـي كـل هــم وداكــوك
بــدلال بـيـض ماغـشـاهـن حراقي =وصـيـنــيـة يـركـض بها مـثـل مبروك
فـنـجـال بــن مـقـيـس بـالـغـنـاقـي =لانـاقـصـن بـنــه ولا الـهـيل مـشروك
الـيـا انـطــلـق يـشــدا لــدم الفلاقي =صبه لـدسـمـيــن الشـوارب الى جوك
صبه لـمـن يـثــنـي خــلاف السباقي =في سـاعـة تـلــقـى بها الكل مـزنـوك
عـلـى عــديــمن مـايعرف الـمـتـاقي =يـثـنــي ورا الـصـابور والعج مسموك


وقوله في البيت السابع : ماينبكي حي وراه الفراقي000ولاينكره بعد الرفاقه الياوذوك

يعتبر من اجمل ماقرأت في الشعر لكون معناه عجيب وصادق ولم يسبق عليه000

كان الامير هو سعود بن عبدالعزيز المتعب الرشيد الملقب ابوخشم وكان خاله زامل السبهان هو الذي

يدير مجاري الامور لصغر سن سعود وكان زامل معروفا بمكارم الاخلاق والحكمه والرحم وكان جيش شمرمنتصرا

قبلها في معركة الجميماء الشهيره بقيادته رحمه الله حيث قال بدعي بن سمحان قصيدته الشهيره ومنها:



مزنٍ نشا من حايـلٍ لـه رفاريـف=يمطر غضب وكـل الـقبايـل يخـيفـه
بسعود كساب الثنـا مكـرم الضيـف=وعيا علـى كـل الـبـوادي مـضـيـفـه
وخواله اللي طوعوا نجـد بالسيـف=وردوا علـى كـل الـبـوادي سـلـيـفـه
ياكربوا شحص المهـار المزاغيـف=حل القبـل والجيـش حـول رديـفـه
يـارددوا لقـشـوشــهـن والأطـاريـف=يلزم جمـوع الضـد ويكثـر جـعـيفـه
الليل طرد وسـرد والمـال تجـعــيـف=مـع شـمـرٍ واحـلـو لـجَـة خـلـيـفـه
وليا وقع عـظـوب زيـن الـتحاريـف=ماني بحـال المجـعـثـن وبـن شـيـفـه
وهي لجـمـيـع الـبـدو مابـه مصاريـف=وخطـرٍ نجيـك ثـم عقـبٍ تـعـيـفـه


وقال فيها زامل السبهان رحمه الله:



يانـفـس داورتـك عـلـى كـل الاحـوال=وانخـاك يـانـفـس العناء بالـيـقـيني
كلن شـرب قـبـلـي مـن الـهـم فـنـجـال=وانا فقدت حمود حبس الكـمـيـنـي
وقامت عيوني بالخـفـى تهـمـل اهـمال=وكثر الـعـزاء عـيـا يـبـيـح كنينـي
وعرفت ماغير الـتـصـبر والاجمـال=وصبرت حـيـث الله مع الصابرينـي
ابن سعود اقـبـل على الدار صـوال=وارسل لابن شعلان جـو مجـمـليـنـي
تـواعــدوا ثـم ارسلـوا لابـن هــذال=اللي يـبـي عـز الــبـداوه يـجـيـنـي
هـم حـاولـو كيدن وانا صرت غربال=ولاتنفع الحـيـلـه بـمـنـهـو فـطـيـنـي
وقـابلـتـهـم بالله وبأكـوان وافـعـال=وضربـن يـخلي كل قـاسـي يـلــيـنـي
ياما على الـعـيـرات دورت من عال=وياما فرحت بركضـة الـعـايـلـيـنـي
وياما حلفت وقلت (فرز الوغى)قال=وحطيت روحي خادمن له حـنـيـنـي
وهذاك ماجــوب البناخي على الخال=وصـيـور مـاكـل الـمـخـفـى يـبـيـنـي



وعندما حضر الى حائل تقول الروايه المشتهره بين الناس(ان زامل طلب من خلف الاذن ان يتحاور بالشعر

مع احد الشعراء في مجلس ابن رشيد فغضب خلف وقال قصيدته ومنها:




زامل يـنـشـدني وانا وين وينـى=هـبـيـت ياهـرج بـلـيـا لـبـا قـة
الله يخونك كان مـا تـشـتـهينـي=لو كان تحكي بالـعـلـوم الدقـاقـة
انا بلايه مـن صديـق بـطـيـنـي=وبقـعـا تصفـقني على غير فاقـه
الشين شين وماكر الشين شـيـنـى=عـدو جـد ولابقـلـبـك صـداقـة
غـديـت مـثـل معايـد القريـتـيـنـي=لاجبت خير ولاتـبـعـت الرفاقـة
فنجال طين ولانت فنجال صيني =تبرك مباريك الجمل وانت ناقة

وهذه الروايه بحثت عنها لدى الثقات من الرواة من شمر وعنزه فلم اجد لها اصلا يعتمد عليه بالرغم من شهرتها

بين العوام انها هي السبب وانا استبعد ذلك كثيرا لعدة اسباب ومنها:

1-انه ليس من عادات القبائل ان يفعلوا ذلك مع ضيوفهم ولو رضي به زامل مثلا لن ترضاه القبيله ولن يرضى احد

من وجهاء القبيله الحاضرين بأهانة ضيف شمر 00 هذا لو كان رجلا عاديا فما بالك بشيخ مثل خلف الاذن00

2-ان الشاعر الذي يجلس في مجلس ابن رشيد لابد ان يكون من فطاحلة الشعر المعروفين في ذلك الوقت مثل ابوزويد

والوحير وبدعي بن سمحان وحواس التبيناوي وقد سألت عوائل هؤلاء الشعراء فلم اجد لديهم علما اطلاقا بذلك 00

وشاعر يتحدى به الامير شخص مثل خلف الاذن ستكون مفخره له وسيحكيها بكل مكان وزمان لاسيما انها حدثت في حدود

عامي 1334-1335 للهجره وهو ليس بالبعيد تاريخيا ولن يخفى بهذا الشكل0000


3-الروايه التي ارجحها وان كانت لم تشتهر عند الناس كثيرا لكني سمعتها من بعض كبار السن والمهتمين بالتاريخ ان الشيخ

خلف الاذن يريد دخول ابن رشيد في حل خلافه مع النوري ابن شعلان وانهم كانوا على وشك الا ان الشيخ ابن سويط شيخ

الظفير قام بتهديد المنتفق وحلف ان يغزوه(والمنتفق كان حليفا للدوله العثمانيه)وان العثمانيين اشاروا على ابن رشيد بالوقوف

مع المنتفق مما جعل زامل يؤخر موضوع خلف الاذن الى ان تنكشف هذه الغمامه بعد ان كانوا على وشك الذهاب وكان هذا هو سبب

غضب الشيخ خلف الاذن000

وفعلا بعدها نفذ ابن سويط وعيده وذهب ابن رشيد لحمايته بعد عودته من الجوف (على مااعتقد)0000

4-قول خلف في القصيده(غديت مثل معايد القريتيني)يوحي بصحة ذلك لانها مثل لمن كان له طريقين واختار احدهما

ولكنه لم يبلغ حاجته فيكون قد اضاع هذا وهذا وهو كأنه يقول لاانتم اللي نفذتوا طلبي ولا انتم اللي قلتوا لي من اول علشان ماانتظر

وربما يجد حلا بديلا00 وهو معنى مطابق فعلا00

مما حدى خلف الاذن بعد ذلك للذهاب الى الدروز في العراق في بلدة(عنز)وهناك قام العزام من الشرارت بغزو

الدروز وساعدهم خلف مماادى الى كسر ساقه فكانوا يحملونه على ظهورهم فقال:




بـيـن دلـيـل الـبـدو عـبـادة الـمـال =واقـفـت رعـايـاهــم تـسـابـق قـعـدهـا
كريم يابـرقن سـرى يشعل اشـعال =بـالـمـزنـه الـلـي قـام يـرزم رعــدهــا
من وبلها نـدفــا ووادي المرا سال =والـضـلـعـة اللي ضاع باسـمـه ولـدها
ومنها الـدمـيـثـا سيلها يركب الجال =وخـبـرا الـمـقـنـع تـبـهـج اللي وردهـا
وجـدي على الـشـعلان وسامة الدال =اسـبـاب وكـاف الحـمـر مـن كـردهـا
اللي لي ركـبـوا عـلـى كـل مـشـوال =كـم سـابـق بـالـكـون عـاقـوا جـهـدها
يـالـلـه يـالـلـي لـلـمــوازيـن عــدال =تـفـرج لـرجـل غـاب عـنـهـا سـعـدها
مـضـى لـه هــلالـيــن والـيـوم بهلال =والنفس ماجــاهــا كــلام لـهـــدهــا
مـع لابـة مـاطــاوعـوا كــل عــذال =وافـعــالـهــم بـالـطـيب ما احدن جحدها
فـي عـنـز يـبـنــون الـدلايـل بـالافعال =وبـيـوتـهـم بـيـض السلايل عـمـدها
مـعـهــم مـسـايـيـري على روس الأبطال =الـطـيــب واجـد مـار هذي وحدها
تـبـنـى لـهـم بـيـضاء على روس الأجبال =وقبلي بفعل الـطـيـب كـل حـمـدها


اتمنى ممن لديه علم اكيد المشاركه في الحوار وابداء رايه ودليله ان كان لديه دليل مفيد وثابت من رواة مشهود لهم

او كتب معاصره لذلك الحدث واتمنى ان اكون وفقت والسلام0000

الراوي:فواز الغسلان البقعاوي في 23-10-1428

[فواز الغسلان]

يافهد ياللي على الصفراء اللموع@ضايقن بالي وانا قلبي هشيش








يـافـهـد يـالـلـي عـلـى الـصفـراء الـلــمـوع=ضايــقــن بـالـي وانـا قـلــبـي هــشــيــش
اركــب الـلـي بـالـوعــر مـاهــو جــزوع=لادعـسـت الـبــنــص تـسـمـع لـه نـشــيــش
اشـهــبـــن لاطــالــت الـفـرجـه قـطــوع=وكـلـمــا شــاف الـمـواعــر يـســتــهــيــش
مـاغــدى الـكــبــوت عـــده فــي ركـــوع=لامــشــى بـوعــيــن يـظــهــر لـه قــريـش
وارد الـســبــعــه عـلـى غــيــره بــزوع=والاصـيـلــه واضـحــه عــنــد الـكـــديــش
وان وقــف فــي طـبــلــتــه مـاهــو قـنـوع=يـطــرب الـســواق بـنــصـه يـــوم نـيــش
مـاشــراه الـلــي لـضــيــفــانــه مــنــوع=شـوفــة الـزايـر مـثــل شـوف الـحــنـــيــش
تـقــل ذيــبــن بـالـخــلا طــاويـه جــوع=والـبــنـــادق خــلــتــه مــثـــل الــخــريــش
شـل حـروف الـلـي يـجــيـه الـقـاف طــوع=ضـامـره مـن ضـيـقــة الـخـاطـر يـجـيـش
رح لـــدار الـلـي طــعــونـه بـالــظــلــوع=رمـشـهـا يـرســل رمـاحــن مـاتـطـــيـــش
قــل لـهـا الـراوي غــدى هــمــه يـلــوع=ضايــقــن يـمــشـي مــن اسـبـابـك غــشـيـش
الـطــواري تـمــنـعـه لــــذ الـهــجــوع=كـالـجـــراد الـيــا تـواقـــع ثـــم حــيــش
والـسـبـب فـرقـاك يـالـريــم الـــدلــوع=لـه جـحـيــمــن بـالـحـشـى يـنـجــش نـجــيــش
لـيــش ولـعــتـي مـن الـفـرحـه شـمــوع=ولـيـــش تـفــرش لـه حـريــرن فــيــه ريــش
ويــوم طـــاح بـلاعـــويـــن ولا فــزوع=لـيـش طـبــعـك صـار بـه قـســـوه وطــيــش
ثــم غــــادرتـي ورى ذيــك الــنـجــوع=ولاذكــرتــي لـه رحــيــل الـهـــجــــر لــيــش
بـس يــرقــب بـابـكــم عـنـــد الـطــلـوع=وســافــي الـجــدران وجـــذوع الــعــريــش
ويـتـبــع ظــلال الـعــصـاري بـوع بـوع=مــنــزلــن فــيــه الافــاعــي لــه وشــيـــش
حـيـلــتــه سـهــر الـلـيــالـي والــدمــوع=وخـافــقــه يـنـجــش مـثــل قــدر الـجــريـش
وان خـسـر حــب الـسـبـل راع الـزروع=مـازرع لاجـــل الـمــعــالــف والـحــشــيــش
فــات هــذي حــالـتــه ســابــع اســبــوع=مـايـــبــي غــيــــرك بـديـــــل ولادقــيـــش
الـهـجــوس تـهــاجــمــه مــن كــل نـــوع=تـجـتــمـــع فــوقــه تـقــل طـــابـور جـيــش
وكـان مـاتــطــرون لـلــديــره رجــــوع=او لـقــى مـنــكــم مــع الـفـــرقــى طـنــيـــش
خـافــقـــه مــن نــاركـم يـمــكـن يـمــوع=وبـه يـعــيــش ويــمــكــن انــه مــايــعــيــش

[فواز الغسلان]

الجيب روحه على المشوار مشفوحه






الجيب روحه على المشوار مشفوحه=لاصار فـوقـه شجـاعـن مـثـل شولاحي
يـتـبـع طريقن عفاشن عازلن روحـه=والطـعـس ماجـاء عـلـى باله ولاراحي
سبعه خليجي جـديـد الـرقـم واللوحه=تصمـيم رجـلن فـهـيـمـن حاز الامـداحي
ماداج حـافـي بـنـار القـيـظ بسروحه=ونـار الـقـوايـل بـكـبــده تـقـل قـداحي
واليارجـع حـرمـتـه عـوبا ومكلوحه=صاحـت بوجـهـه وقـالت يامـلا الـماحي
من ديرتن صنـعـتـه بالطيب ممدوحه=ومن قبل يصدر خذى بالسير مـشـواحي
وقال المـهـندس حـقوق البيع ممنوحه=فوق البواخر يـشـم اصنـاف الارياحي
والشارقه تـنـتـظـر والسوق مفتوحه=وشاله شريـطـي يـدور فـيـه الارباحي
وجاه الذي يشتري والروح مفضوحه=في حب جيبن بـثـالـث غصب يـنزاحي
الجيب غـايـة هـواه وراس مصلوحه=يشــدا لـذيـبـن رقـى فـي راس لولاحي
هابت فلوسه عفون الناس وشحـوحه=ويشـريه قـلـبـن مـع الخـلـيـان ينساحي
لاقيل هـذي بـروقـن ثـايـرن ضوحه=او جـاه رجـلـن ويـذكر مـاطـرن طـاحي
يسري وربـعـه تهـيل القلب بمزوحه=صوب الـمسايل مـع اول فـج الاصباحي
يشفق لشوف الخـلا والـسـيل بسفوحه=من قبل يظهر سـنـى فجـره ويـنـبـاحي
حـس المكينه مـغـانـج بـنـت مـملوحه=والنور يكـشـف طـريقه تـقـل مصباحي
ماقيل كـنـداسـتـه بالدرب مـطـروحه=او نـام تحـتـه مـعـه حـبـه ومـفــتـاحـي
شكواه ردمـيـتـن ماهي بـمــمـسـوحه=او حـط تحـت الكـفـر صلبات الالواحي
نفسه لـمـرقـى طـعوس الرمل مفتوحه=يقـطـع نـفـود الـدهـانـي تـقـل سباحي
حـس الـدداسن بـجـنـبـه تقل مـبحـوحه=واللي يـسـوقـه تـعـيـبـن تـقـل فلاحي
والجـيـب ذيـبـن هـريـفن شاف ذابوحه=جـايـع وفـي سـاقـتـه عـشـرين نباحي
او مـثـل طـيـرن جليلن صار له مـوحه=اشـقـر صـرومـن لقلب الخرب ذباحي
يـنـزل بظـلـعـن يـنـام الـغيم بسـطوحه=والا الهـلايـم مـنـامـه دور الاشـبـاحي
جـمـر الغضى في عيون الطير مقدوحه=طيبه شـهـيرن بلا وصفات وايضاحي
فـيـه الـشـنب رمز عز الجيب وصروحه=ومن يجحد الجيب وفعوله مهو صاحي
لانـيـش فـيـه الـدبـل كـنـك بـراجـوحـه=عاقل ولايـفـضـح الجـيـران بصياحي
وتكـيـيـف يـطـرد شـمـوسـن زاد لافوحه=عـاقـت طـيـورن جـنـاحه كان لفاحي
وانـتـه تـقـل قـاعـدن مـبـسوط في دوحه=شـهـمـن شجـاعن على الشدات نطاحي
مايصلح الجـيـب بـيـن اسـواق مـنـفـوحه=خـلـه يـدوج الـمـفـالـي تـقـل مـسـاحي
راعـيـه يـضـمـن رفـاع النفس ونجـوحه=كـسـبـان مـلـيـون جابه جورج قرداحي
ودفـاتـر الـمـشـتـرى بـالـدرج مـفـسوحه=يقـطـع دروبه عـزيـزن وانت مرتاحي
والله بلا الجـيـب درب الـزيـن مااروحه=ياكـود نـركـب على زيـنـات الاجـناحي
للي رمـى الـروح مـن فـرقـاه مـبــذوحـه=والجـفـن مـايـهـتـنـي فـي نـوم ومـراحي
بالجـوف نـار الـســعـاير ثـايـرن فـوحـه=من رمشه اللي رمى شيـنـات الارمـاحي
عـامـيـن روحـي بـسـيـف الهجر مجروحه=لاداج بـالـبــال صـدرن تـقـل تـفـاحي
والله فـلا هـي بـهـجـر الـروح مـسـموحه=والـكـبـد تـشـكي جـروحـن تقل زنـاحي
وقـبـلـي رجالن بـرمـش الـريـم مسدوحه=مهدي والاطرق وابن مجـلاد والضاحي
محـدن نـشـد عـن فـهـد مجـلاد وشـنـوحه=فـجـره يجـاوب حـمــام الــورق لانـاحي
وهــذا نـديـم القـوافـي واضـحـن بـوحـه=قـافـه يـشـادي مـحـمــد وابـن قـرقـاحـي
ودام الجـمـاعـه شـكـت مـن قـل مـربوحه=مجبور نـصـبـر على قـصاف الارواحي
وناخـذ على الجـيـب مـن ضيـقـاتنا شوحه=دام الـمـحـبـه بـلا قـاضـي ومـنـصاحـي

[فواز الغسلان]

ومن يبذر الصبخى جنى من حصيده ماش










بـذرت الـحـسـانـي فـي مـهـالـيــس الانــذالـي=ومـن يـبـذر الــصبخـى جـنـى مـن حـصيـده مــاش
وهــو حــق مـن قــاس الـرفـاقــه بـالازوالـي=غـدى مـكـسـبـه غـيـضـن جـحـيـمـه يهـيـض الجاش
ولاضـقـت مـن مـخـســورنـا قــرش وريـالـي=تـضـايـقـت لـيــش اخـطـي وارافـق عـيـال الــلاش
وعـرق الـردى يـبـقـى عـلـى كـل الاجـيـالـي=كـمـا الـداب يـنـهــش بـالـعـرب عـرقــه الـغـشــاش
وراع الـردى هــابـي عـلــى كـل الاحــوالـي=مـصـيـره الـيــابـانــت فــتــوق الـزمــن يـنـحــاش
مــدامــه ردي الـســاس والــعـــم والـخــالـي=لـو انـك وطـيــت الـشـوك لاتـطـــلــبــه مـنــقـاش
وظـبــي الـفـلا راسـه ورد فـيــه الامــثــالـي=يـقــولــون مـاتـلـقــى بـراس الــمــهـــاة عـــراش
ومـن يـسـتـحـي يـلـقـى عـن الـبـوق مـعــدالي=وهـو عـقـب غــدراتـه يـضـاحـك مـسـلـسـل طــاش
لك الـلـه دروب الــغـدر مـاجـت عـلـى بـالــي=ومـن ضـاق فـي حـاجـه وانـا اقـدر عـطـيـتـه كـاش
ولانـي مـن الـلـي هــمــهــم رصـد الامــوالـي=ومـاطــاح بـكـفــوفـي تـبــخــر تـقــل فــشــفــاش
ولـكـن غـثـى بـالـي سـبـب ظـبــيــة الـجـالـي=بـعــيـــده وذكـراهــا بــدم الـحــشــى تـعــتـــاش
نـظـرتـه بـثـالـث عـيــد مــن شـهــر شــوالـي=لـهـا بـنــدقـن تـجـرح خــفــوقـي بــدون اقــفــاش
رمـتــنـي بـنـــظــراتـه وانـا دالــهــن سـالـي=رمـوشــه تـصـيـب عـروق قـلــب الـعـنـى بـكـلاش
يجـي رمـحـهـا لـلــجــوف هـجــسـن وسـلالـي=شـبـيــه الـمـهـا الـذايـر عـقـب صـفـقـة الـنـتــاش
طـبـع حـبــهــا بـالـقــلــب مـاعــاد يـنــزالــي=ابـي شـوفـتـه تـمــشـي عـلـى ثـوبـهــا الـدشــداش
فـســاتـيـنــهــا مـن فـوق الارداف تـنــشــالـي=كـفـوفــه بـهــا الـحـنـاء حـسـب نـقـشـة الـنـقـاش
انـا صـابــرن حــروة هـــلالــيــن وهـــلالـي=ولا شــفــت مــن يـوضــي بـيـاضـه تـقــول فـلاش
طـلـبـت الـغـلا تـرفـق قـبـل ضيــعـتـي جـالـي=وقـلــت ارحـمــي قـلـبــن وصـل غـرفــةالانـعـاش
ضحـك لـي وقـال اصـبر مــدام الـطـلـب غـالي=تـرى الــزيــن مــايـاتــي لــطــلابــتــه بــبــلاش
ولـو تـنــشـــد الاطــرق ولـــد بــدر هـــذالـي=غــدى تـايـهـن يـمــشــي بـوســط الـعـرب مـنـداش
سـبـب ضيـقـتـه يـقـعــد عـلـى مـرقـبـن عـالـي=مــضـى وقــت مـن عــمـره مـنـامــه بـدون فـراش
وهـو نـسـل شـيـخـانـن غـدت مـثـل الاجـبـالـي=غــدى صـدره الـمــسـكـيــن خـرده بـوســط قـراش
وعـيـسـى سـجــع مــن جـور الاريـام مــوالــي=وكــم واحــدن عــقــب الـحـبــايـب وقــع مـاعــاش
عـرفـت انـهـا تـفــتــل لـنــا قـيــد وحــبــالـي=واذا الـهـوش مـع رمـشـه خـفـوقـي وقــف مـاهـاش
احــبــه مـحــبــة راعــي الـــذود هـــمـــالـي=وراع الـبــهــم يـتــبـــع فـيــاض الـخــلا حـشــاش
وحــب الـعـقـيــم لـشـوف رزقــه بـالاطـفـالي=بــدل مــنـزلـن خــالـي سـكـن وســطــه الـخـفــاش
فـلا الـصـوت يـنـفــع لـو زهــم رقـم جــوالـي=ولا شـوفــهــا حــاصــل ولـو ســرت بـالـمـطـراش
انـا طـحــت بـدروب الــمـحـبــه عـلـى فـالــي=ولا كـنــت اظـــن انــه لـوســط الـحــشــى نـهــاش
انـا راحــلـــن صـــوبـه وراء كــل زمــالــي=قـبــل يـنـكـســر وســط الـمــعـالـيـق كـسـر غـراش

[فواز الغسلان]

مطــلــوب دولـه تـبــي طــرحــه وتـوقــيـــفــه






يـاحـمــود كـيـف الـغــلا تـنــسـى مـوالـيـفـه=وكـيـف الحـبـايـب مــع الـحـســاد تـنـقـادي
يـاحـيــف حــب الـعـرب يـاحـمــود يـاحـيـفـه=ضاع الهوى والـوفـى مـن عـقـب الاجـوادي
الـيــوم حــب الــعــرب يـاكــثــر تـزيــيــفـه=يـجـفــاك راع الـهـوى مــن دون مـيـعـادي
الـيـوم يـضحـك وبـاكـر شــاهــرن ســيــفــه=سـيـف الجـفـى بـيــد عـنـتـر ولــد شــدادي
قـلــت الـسـبــايـب وعــذره خـاربـن كــيــفـه=وحـاولــت فــيــهـا وكـل الـهــرج مـافــادي
قــالــت دروب الـهــوى زادت تـكــالــيـــفــه=ولالــي بــدرب الـهـوى مـصــدر ومـيـرادي
قـلــت الـمـحــبــه وقـالــت رايـحــن ريــفــه=قـلـت الـنـتـيـجـه وقــالــت درب الابـعــادي
والــيــوم راح الـربـيــع وداخــلــن صـيــفــه=قــلــبــي بـوادي وخــلــي صـار فــي وادي
لاراح لـيـلـي يـجـيــنــي بـالــدجــى طــيــفـه=مـن شــان مـاتـســتــلــذ الـعــيــن بـرقــادي
مـن عـقــب مـاكـنــت اراجـي يــوم تـشــريـفـه=فـي صـبـح الاثـنـيــن وسـط ايـام الاعـيـادي
هــب الـشـمــالـي وشـالـتــنــي عــواصـيــفـه=يـبــيـــد قـلــبــي وحــب الــزيــن مـابــادي
قـامـت تـصـافـق عـلـى جـوفــي مـنــاســيــفـه=خــلا الـضـمــايـر زروعـن جــاه حــصـادي
مـن خـفـرتــن بـالـهــوى شـانــت تـصانـيــفـه=وان مـانـقــص حــبــهـا يـاحــمــود مـازادي
وجـدي عـلـى الـلــي وطــت كـبـدي عجـاريـفـه=وجـــد الـمــهــرب وزاد الـجــرم بـعــنــادي
مـطـلـوب دولــه تـبــي طــرحــه وتـوقــيــفـه=فـوق اشـهــبــن يـطـربـك مـع حـمـر الانفادي
مـاداج وســط الـصـنــاعــيــه لــتــولــيـــفــه=شـــد الــوكــالــه وســوا عــيـــد مــيــلادي
حـكــمــه غـيــابـي وزاد الـحــكــم تـطــويـفــه=وتـبــريــر حـكـمــه دخــولـه درب الافسادي
الـحـكــم مـبــروم عـن نـقـضــه وتـخــفــيــفــه=وهــذا جــزاء واحــدن دربــه مـهــو قــادي
دوريــة الـــدرب حــطـــه فــي رفـــاريـــفــه=وعـيـار خــمــســيــن كـنــه صـوت رعــادي
وهـو مـثـل ذيـبــن يـعــرف دروب تـصــريـفـه=لــو كـان دربــه عـلـى الخـنــفـه مـهـو غـادي
بـالـرمـل قـامــت قــزوزه تـشــتــكــي حــيــفـه=مــن كـثـر مـايــدخــلــه حــدره ومـســنــادي
والجـيــب مـضـمــون بـالـتـهــريــب تـوضـيـفــه=وانـشــد عــن الجـيــب وقــت الضيق عوادي
خــوي دربــن حــلــف لـــه قـبــل تـحــلــيــفــه=مـايـتــبــع الـــبــوق تـحــت قــروم الاولادي
كـان الــدداســن ظـــهــر هـــذره وتـخــريــفـــه=هــو حــط لـطــمــه وطــب الـهــوش هـدادي
كـرتـيــل تـحـتــه دبـل صــاجــه لــتــغــلــيــفــه=يـســوى ثـلاثـيــن رجـلــن ضـمــن حـسـادي
يـشــدى لـطــيــرن عـلــى عــالـــي مــشــاريـفـه=اشــقــر صــرومــن لـراس الظــلــع مـرتادي
ريـشــه يـشــادي ورق كـــن كــــان تـصــفــيــفـه=مـايـــوم هــدوه لـلــصــيـــده ولا صـــادي
يـشـكـي عـفـاش الـطـريـق وشـيـن تـجــعــيـفـه=كــنــه ظــلــيــمــن يـبــي مـزبــن ومـلـبـادي
ان طــاح راســه فــقـــد بـارد هــفــاهــيــفــه=وتـعـمــيــم مــن قـادة الـشــرطــه مـهــو عادي
وقـلــبــه مـعــاود عـلــى نـقـــرة مـخــاويــفـه=وتـوايــر الـجــيـــب بـرجــسـتــون وجـــدادي
ودوريــتـــه بـلــغـــت نـقــطـــة طــواريــفــه=وسـالــت ســيـــول الــمــواتــر دون تـعــدادي
مــع هــابــط الـــدرب مـايـرقــى مـشــاريــفــه=ذيــبــن عـلـى قـــطــعــة الـحــديــن مـعـتـادي
الـجــيــب زادت عــن الـســكــه تـحــاريــفــه=مــن طــلـقــــتــن بـالـتــوايـر مـثــل الاوتـادي
صـار الـكـفــر يـلــتـوي سـلـكــه تـقــل لـيـفــه=والـلــي وراه الـحـكـومـه غـــصـب يـنـصـادي
حـطــو بـه الـقــيــد مـع ضـربـه وتـعــنـــيــفـه=واعــدام عــمــره غــدى فـي حـكــم الاوكــادي
مـثــل الـذي بـالــبـحــر طــاحــت مـجــاديــفــه=والـحـكــم سـيـفــن يـحـطــه وســـط الالحـادي
لــه طـفــلــتــن تـعـجـبــه نـقــشــة نـفـانـيــفـه=وامــه عـجــوزن تـهـــامــل دمــعــه الـهــادي
وفـي يـوم جـمــعــه دعــى الـداعـي بـتــعـريــفـه=شـيــخ الـبــلــد يـتــبــعــه حــارس وجــلادي
ســيــاف راســه صـدر بـالـفــعـل تـكــلــيــفــه=وسـاقــوه لـلــسـيــف والـتـنــفــيــذ بـقــيـادي
فـي مـثــل وجــدي عـلــى زيـنـــة غـطــاريــفــه=ولا كــل قـــلــبــن تــمــنــى جـــاه مــا رادي

[فواز الغسلان]

المفضلي رمز لطهارة النفس00 وقيضت انا بديار شمر مقيضي








عبدالله المفضلي رمز للطهاره والبعد عن الفواحش000



لم يسبق ان سمعت من جدي فهد الغسلان روايه الا واجد لها اصلا وتثبتها الايام ولو بعد زمن 00

وهذه القصه سمعتها منه والى الان لم اجد من يعرفها او سمعها ولكن سوف نجد اصلها قريبا انشالله000

كان عند جدي فهد الغسلان شايب لحيته بيضاء وكان جدي يسأله عن قصيده له قالها لكونه ذهب للتسجيل

في الشرطه وهو في الخامسه والاربعين من العمر فقالوا له انت شايب ماتصلح فذهب للضمان الاجتماعي

يبي يصرف له ضمان فقالوا له انت شباب ماينطبق عليك النظام فكان جدي يستمع للقصيده ويضحك ومنها:


ان رحت يم الشوون قالوا شبابي=وان رحت للشرطه يقولون شايب

ثم سأله جدي رحمه الله عن قصيدة الرشيديه اللي تعاشق معها (فعلمت انه الاقعم الشلاقي) رحمه الله فقال

فضحتنا هالقصيده وانا يوم اسمعها منها كنت اضحك وماكنت اظن انها تنتشر والقصيده هي اللي تقول:



قيضت انا بديار شـمــر مـقيضي=ودي يطول القـيض والقيض قاضي
ياجضتي ياجـوضـتـي ياجضيضي=ياقـلـبـي اللي مـن مـلازيه جاضي
قلبي كـفــخ لولا مكانه حـفـيـضي=يكفخ وتردعـه الظـلوع العراضي
احـدن الياصوب من الناس حيضي=وانا الـيـاصـوبـت مالي محـاضي
يامانـعـن جـــم البحــر لايـفـيـضي=يامخضرن عقب المحل بالفياضي
تجلا صوابن في ضمـيرن مريضي=لو طاب له يومـين جاء له نقاضي
وهـيـا انا وايـاك يــم الـفـريـضي=وقلبي بما قـالوا هـل الحق راضي

ثم ارتكى جدي فهد الغسلان وقال:

جاء تاجر من اهل القصيم يبيع ويشري بالابل ونزل بهاللي يقال له الان صديان وكان معه ولد عمره اثناعشر عام

وتعرف على شاب من المفضل من عبده اسمه عبدالله وكان قوي البنيه وكان عبدالله يبي العراق وينشده يبي يخاويه

وماكان له احد بحايل فقال له التاجر وش رايك تشتغل معي لين ناصل العراق بأجر معلوم وفعلا اتفقوا على ذلك00

وعندما وصلوا حدود العراق سمع التاجر ان فيه بيعة ابل جت من سيناء حول الاردن فقرر انه يجيها لانها مغريه وان

يترك تجارته وولده بذمة عبدالله خويه 000

وعندما اراد التحرك امسك يد عبدالله وحب راسه وقال ولدي علي بوجهك ياشمري قال ابشر ومضى وبقي لمدة شهر كامل

وكان عبدالله اذا اراد علي قضاء الحاجه يذهب وراه ويقف على بعد عشرة امتار عنه زيادة في الحرص والحفاظ على الوصيه00

جاء التاجر ووجد كل شي على مايرام واعطى عبدالله اجره وتفرقوا 00 واراد الله سبحانه ان يسجن عبدالله في البصره وجلس

شهرين لانه لم يكن له احد يعرفه 00 كان من ضمن الشرطه شاب اهله حول الزبير ويبي يطلع اجازه فوصاه عبدالله وقال اخبر

ضاري ابن طواله ان فيه شمري مسجون عندكم وقال لك ناقه ان اخبرت ضاري 00 وفعلا اخبره وجاء ضاري رحمه الله لاخراجه

وكان عبدالله منفعلا ضائقا من طول السجن فثار غاضبا على ضاري وقال ياضاري انا مسجون لي شهرين مالقيت اللي يفزع لي وانا

والله مااحسب ان فيه شمري ينسجن بالعراق وضاري على وجه الارض؟؟؟ فسالت دمعة ضاري بغزاره عندما سمع ذلك 000

وقد اشرت لهذه الواقعه في الملحمه الاسلميه البالغه سبعون بيت واولها :





يقـول الاديـب اللي بـغـى الـصـدق مـنواله=ويـذكر هـل الطـولات والـمجـد ورجاله
حـريـصـن عـلـى صدق الـمـثايل الياحـكى=ولا قال قـوله فـي رجـى الـعـفـن ورياله
ولـكـن طـرى بالـبـال ربـعـي هـل الـفخـر=صواريـم الاسلم مـنـبـع المـجـد وجـبـاله
وراع اللحـيـسـه بالـكـرم مـضـرب الـمـثل=غـدت سايره في حكـمـة الناس وامـثـاله
هم الـرمـز بالـفـزعه لـمـن ضاق وانـتـخى=بـهـم فـزعـتـن لـلـي نخـاهـم عـلـى فـاله
الاسـلـم سـلام الـلـي سـكـن حـول دارهــم=ربـيـعن على الجـيـران لاشـانـت احواله
لـهـم نـصـف تاريـخ الـمـراجـل وزهـرته=وبهم خـولـتـن والـذيـب لاطـاب مـن خاله
لـك الله فـلا فـيــهـم عـروقـن مـن الـردى=ومحـتـاجـهـم تـلقى الكرم هـو فـنـى مـاله
ومن سـابـق الاسـلم على الـمـجـد والـنـقى=فهو خـاسـرن مـيـزان طـيـبـه ومـكـيـاله
خـذو مجـد سـيـرة نجـد مـن سابـق الـزمن=زمـولن تـشـيـل الـحـمــل لازادت اثـقـاله


ومنها اذكر في وصف ضاري رحمه الله000



وفــك الـنـظـيــف ابـن المفضل من السجن=ومن شرهـتــه غـصـبـن على دمـعـته ساله


دارت الايام وبعد اربع سنوات سارت الايام ان يمر عبدالله على التاجر ابوعلي بالقصيم وسوى له عشاء

وقال عبدالله وين علي قال داخل يجي بعد شوي فقال والله مااذوق العشاء الا علي معي خويي 00 ضحك

التاجر وقال ابشر ونادى ياعلي ياعلي والله الا تجي ويوم جاء واذا هو بنت جميله في السابعة عشر من العمر

فذهل عبدالله فقال التاجر هذا علي خويك ؟؟؟ هذا اللي جلست انت بجنبه شهر كامل ليل ونهار ومادريت انه

بنت لانك مالمسته ولا بحثت للنظر عن غفلته وغراته لكن بيض الله وجهك يالشمري من كل شهر ثلاثين ليله00

كان التاجر مطلوب بعداوه من الغير وليس له سوى هالبنت وخاف عليها انه يتركها بالقصيم ونظرا لصغر سنها

وكونها لم تتضح علامات الانوثه لها خلاها تلبس لباس ولد وكذا يكون اخف له بالحركه 00 ولو كان عبدالله يراعي

لغراتها وقت النوم مثلا كان اكتشف انها بنت لكن طهارة العرض والنفس غلبت عليه00000

سالفه ترفع الراس يالعزوه وتقبلوا تحياتي000 ابن غسلان 23-12-1428للهجره000

[فواز الغسلان]

لعيون خلي قضيت العيد بالجوبه





عيدكم مبارك جميعا اخواني واخواتي في هذا المنتدى الكريم00

انا متعود كل عيد الا يصير لي مغزى انثر به قش ناس واجد وكنت طاحنن زهابي

ابي اغزي ابوغازي ابي اصبحه صباح الشريفات لكن به غالين لنا بالجوبه

تحركت ظلوعي لهم وصار العيد بطوارفهم وقلت:



لعيون خـلي قضيت الـعـيـد بالجـوبه=ولاضقت من روحة الغالي ومشواره
ومحدن عطى الخافق المحتار ماجوبه=وهو شارحن لوعة الغالين باشعاره
احـفـيـت لاجل الحبايب كل منجـوبه=وجيبي حفظ سكة الغالين ودياره
لاصامت الكـبد عن زاده ومـشـروبه=وصارت جفوني بدمع العين فواره
وكـلـن قضى الليل مع خـلـه ومحـبوبه=وانا اشتكي لاهب الجوزاء ومصهاره
لاجاد حظي بـشوف صويحبي نـوبـه=ساعه وهو هايبن دربه ومسياره
تمـضـي ليالي ونور العـيـن محجوبه=والقلب يشرب غبون الوقت واكداره
مـلـيـت حـظ كـوى الخـفاق لاهـوبه=كن السعاير بجوفي تشتعل ناره
شفته ضحى العيد والكفين مخضوبه=زولن خذى اللي بوسط السوق وانظاره
كن الضماير بسوق الموت مجـلـوبه=برموش ريمن بروضن فاحت ازهاره
بسفوح ظـلـعن طويلن مثل مـشـذوبه=من شان ترقى طبوق الظلع لاذاره
ولا راح خوفه تدوج الروض وخبوبه=جتها السحايب بنجم الوسم وامطاره
تالي نهاره ونور الشـمـس بغروبه=تلقى الخـزامـا تـفـوح بريح نواره
ريمن رباعن ينام الخوف بجـنـوبه=من خـوف نارن مـن البارود لاثاره
كن المدامع من الـعـيـنين مـسكوبه=تجفل من العاصف اللي حرك اشجاره
هي عين خلي هوى بالي ومطـلوبه=وجرحن غزيرن بجوفي طق مسماره
يالايم القلب خـل الهرج من صوبه=ماشـفـت خـدن بياضه تقل جـمـاره
او شفت ردفـن ظـلومن طـاوي ثوبه=والريح مـثـل الـمـعاطر عند عطاره
ماكنت حـطـيت بالـمزيون عذروبه=وتمشي وراهـا وروح الروح منهاره
وتركض بطوعه وتلبد وسط دالوبه=وتفهم عذاب الحشى المسروق واعذاره
يابنت وش بك بحـبـي تقل مـغـصوبه=صارت وعودك مثل عرقوب واخباره
كل الوعـايـد تجـيـنـا مـنـك مقلوبه=ساعه عقب عام يالغالي فلا صاره
وكان الدقـايـق بشوفي غير مرغوبه=الـطـير يشبع مـن ظـفـوره ومنقاره

[فواز الغسلان]

لاضاق بالي طرالي بدع الامثالي@قيلي يجي لي سبايب نافل الجيلي






لاضاق بالي طرا لي بدع الامثالي=وقيـلـي يجي لي سبايب نافل الجيلي
حالي ومالي فدايا طـيب الفالي=غرشوب محبوب في وصفي وتحليلي
الـفـوز فـي حـوز غـصن الموز لامالي=والموت من فوت ريح العـطـر والهيلي
جاشي يماشي نواشي ماطرن سالي=وكـيـفـي وريفـي جدايل مهرة الخيلي
محروم من نوم ليل البرد لـو طـالي=ومجبور بالحور لو ذقت الولاويلي
الضيم تـصـمـيـم عين الريم بالجـالي=مفتون بعيون مزيونن رمى حيلي
من شوف نفنوف غطروفن رمى الشالي=ومكتوف بردوف والنفنوف تفصيلي
لاهجت واحتجت ثم اخـرجـت موالي=عـاتـي وياتي لـذاتـي تالي الليلي
الجاش لاهاش ناش الخـصـم زلزالي=هداج لاداج مايحـتـاج تعديلي
نقاف للقاف باطراف الخــلا الخالي=كالزاج لاراج هـراج المهابيلي
بيطار الاشعار كنه وبل همالي=لادار يختار نوارن على النيلي
قشاش لاجاش ضرب كلاش قـتـالي=ومجروح مشفوح في زين التعاليلي
لاضاق واشتاق ساق الويل ولوالي=معقول مقلول مسطول الرجاجيلي
الشوق والبوق هو عوقي وغربالي=ومهتال من حال شيال المواويلي
وشلون ينسون مطعونن بلا والي=عافوه ماجوه لاجل القال والقيلي
لاضقت واشتقت سقت الرجل للعالي=مهموم من لوم وعلوم العواذيلي
منحـاس مـن بـاس بـلاسن رمى حالي=وامواس الانجاس سـاس الغيظ والويلي
الغدر بالصدر مايطري على بالي=والبدر له قدر يازين المحابيلي
شيال الاقـوال مـنـه الـبـال يهتالي=والعيب في جيب راع الغدر والميلي
ماضعت وارتعت لو طالعت الانذالي=والميل بالشيل هو ضيم الزماميلي
حالي ليالي تصالي هجر جوالي=ارجيك وش فـيك ماترحـم وتاوي لي
وان عفت ماشفت ثم انكفت ياغالي=بـاقـي تـلاقـي دمـوعـن كنها السـيـلي

[فواز الغسلان]

سليمان بن صويغ وقسوة الزمان




( سليمان بن صويغ وقسوة الزمان )


سليمان بن صويغ من اهالي عنيزه قبل مايقرب من مائه وخمسين عاما كان يعيش في قله

العيش شأنه شأن امثاله من الشباب في نجد الذين كانوا يقاسون في بيئه صحراويه قاسيه

صورها خليفه بن مبارك راعي الرس بقوله:



شابت لحانا مالحقـنا هـوانا=وعـزي لمن شابت لحاهم على ماش
وغداننا جاعوا ودجت نسانا=نقبل ونـقـفـي يافـتـى الجود ببلاش
فـقر القرايا في نعاله وطـانا=لاصار ما من عـيـشتن كيف نعتاش
نبي نحودر كان ربي هدانا=والا نعيش بمصر من عرض من عاش


وقد تزوج ابن صويغ من بنت عمه التي كانت بينهما محبه قويه ولم يعيش معها سوى ستة اشهر

وحملت منه ثم قرر السفر للبحث عن لقمة العيش لكي يحصل على مايكفي لبداية عيشه هنيه مع

زوجته الغاليه00

قرر السفر الى الهند تاركا زوجته الحامل التي انجبت بعده طفلا وبقيت هي وابنها ينتظرون عودة

عائلهم الذي تغرب من اجلهم00 وبقي سليمان ثمان سنوات متتاليه في غربته وزوجته على الجمر

تحسب الايام والساعات والدقائق في انتظاره00

عاد بعد عشر سنوات في وقت العصر واستقبلته هي وابنها في كل محبه وشوق لكنه قبل ان يجلس

اتاه مرسول الامير ابن سليم لكي يسأله عن اخبار تلك البلد على عادة الناس سابقا والذين لايجدون

الاخبار الا عند عودة المسافرين00 ذهب هو للامير واما زوجته فقد اوقدت النار لتصنع له العشاء

وعندما اشعلت النار طارت منها شعله الى بقية الحطب المركوم على باب المطبخ فبدأت النار في

الاشتعال والارتفاع وكانت تحاول القفز من فوق النار ولكنها تخاف على ابنها وبقيت تصيح وتنتظر

النجده من الجيران00 ولكن قبل النجده كانت النار قد ارتفعت وبلغت السقف الذي اشتعل ووقع بكامله

وثقله على المرأه وابنها ليموتوا تحته دون ان يقضوا مع غائبهم اكثر من نصف ساعه00

خرج سليمان بن صويغ من الامير وعند اقترابه من البيت وجد الناس والضوضاء حوله فذهب مسرعا

لكي يرى جثثهم امامه فيبرك على قدميه من هول الصدمه عليه00 ويالها من صدمه قاسيه00

ظل مذهولا لايتكلم لمدة اسبوع لكي ينطق بعدها قائلا:



حداني عن لذيذ النوم حادي=وكرهـنـي مـشاريـبـي وزادي
وناظـرت النجوم بليل سو=ووسط الجـوف شينات الهنادي
الا يالورق لاذكـرت خـيـر=الا انك عـالمـن مـافـي فـؤادي
ذكرني هوى غـرو غـريـر=كحيل العـيـن مسلوب المـقادي
ايا وجدي عليها مثل وجدن=لعرارن يوم هـو بالسيل غادي
وفرسانن وركبانن وسلفان=ودهـم الخـيـل يوم انـه تـقـادي
ولا بوجده ياصل ربع وجدي=آه ياشي تهـيـض فـي فـوادي
او ان الوجد يشدى راع هجمه=لبنها مروي(ن)حضرن وبادي
خذتها سربـتـن غـصـبـن عليه=وروح حادرن يــم الـبــلادي
معه حـشـيـت ماتسوى نصيف=وغير النصف ماظـنـه يزادي
او ان وجـد فـلاح مـشـيـح=طرف زرعه يجي صوت المنادي
وعـمـالـن عـلـى زرعه تطوف=وكل مـفـجـرن للماء ستادي
وجـتـها مزنـتـن نارن رعـدهـا=صغـيـر شبوبها كبر الهوادي
معها عاصوف مامـرت تـشـيـله=واصبح مابقى غـير البدادي
ولا بوجـده ياصل ربـع وجـدي=أه مـن شي تهيض في فوادي
وهـرج العـذل والـلـه مـايـفـيـد=تروكـم بوادي(ن)وانـا بوادي


وهكذا قاسى الاجداد قسوة العيش والوقت رحمهم الله تعالى واسكنهم فسيح جناته00

وتقبلوا تحيات الراوي ابن غسلان 5-1-1429 للهجره

[فواز الغسلان]

واهني اللي بجنحان يمغطهن وريش@لاجل يكفخ كالرصاصات لاثار الكلاش







قال منهو لابغى القاف جاشه يـسـتـهـيـش=في حروفن هاشت الصدر من غيضه وجاش
لانوى صيد الجـزيـلات رمحـه مايـطـيـش=لا حصل حوله مـغـالـط وزادوا بالـنـقاش
من يصيبه رمـح قافي وقـع قلبه غـشـيـش=فيه جـرحن مايـداويـه فـي مـرهــم وشاش
من يـشـوفه قال مطـعـون ماظـني يـعـيـش=ليت لو ماساق روحـه عـلـى قـبـره بلاش
وش يبي ياطى برجله على جحر الحـنـيـش=ليت لو باعـد عن الرمي في وسـط القراش
من يذوق جروح قافي قـعـد يـقـرش قريش=وعقب جـرحـه قـال ياناس مافـيـها مهاش
بلـغوا عواد يحـضر لـنـار الحرب جـيـش=ابي تـسـديـد الـفـواتـيـر من عواد كــاش
ان بغى يصبح عن حمود بأشـعـاري دقـيـش=ويسقي ركاب القوافي ولاتاتي عـطـاش
شاعرن في قـمـة الـمـجـد له بيت وعريش=ضايحن للناس نوره مثل ضوح الـفـلاش
يابوصالح حـاسـد الناس خـلاني خـريـش=مع جروحن جابها الـزيـن بالعود الـنـشاش
تقـصـفـن مثل الصواقع وانا قلبي هـشـيـش=لين راح الليل سـهـران ماجيت الفراش
الاصيل من الـمـرابط غـدى عـنـده كـديـش=وخافقي من عقب قوه غـدى عـنده غراش
الزمـن فـعـلـه بالاجـواد بالـتـالي وحـيـش=ومارثة كسابة الطيب تـاطــاه الخـشـاش
ولو تقول لـعـفـن الاطباع لـيـش الكذب ليش=انتفخ واقبل بـسـيـفه يبي حلقك وهــاش
عالمن طبعه تصعفق تقل صرعى حـشـيـش=كيف تعـطـيهم دقـيـقـك ويعطونك جراش
من طـلـبـتـه نـصـف دينار دلا له وشـيـش=وانت محضر له كـفـيلين مع خصم المعاش
او شكيت من الليالي غـدو ربـعـك نحـيـش=واطيب ربوعك تـثـاوب عـليك وقال مـاش
راحت الكـشخـات بالهرج ياعالم فـشـيـش=وعن همومك قام يضحك على حلقات طـاش
لو كليت من المعيشه عجـيـنـه مع جـريـش=خير من جـمـهـاة ضـب(ن) تـبـي فيها عراش
واهـنـي اللي بجنحان يـمـغـطـهــن وريـش=لاجل يكـفـخ كالرصاصات لاثار الكلاش

[فواز الغسلان]

بئر بني هلال الدفين كنز ثمين






قبائل بني هلال قبائل انحدرت من بلاد اليمن وعاشوا في نجد ثــم رحلوا من

القحط والجفاف الذي اصاب نجد ثماني سنوات متتاليه ليقرروا الرحيل من

نجد مع اميرهم الزناتي خليفه وليدخلوا مصر وشمال افريقيا في منتصف

القرن الخامس الهجري000

قال شاعرهم:



ثمان أسنين ماهـوى نجد قطره=ولاخايل الرعـد الرزين وسار
ولاهبت العليا ولاهـبت الصبا=ولاطار من أشعاف البكار غبار
الكحل حطيناه في شمخ الذرى=تسرح به وتضوي وهو ماطار
حـفـرنا للجـم تسـعـيـن قـامه=ولـقـيــنـاه جــم بـعــيــد وغـار



وترجع انسابها الى:

هلال بن عامر بن صعصعة بن بكر بن هوازان بن منصور بن عكرمة بن خصفة بن قيس عيلان

بن مضر بن نزار بن معد بن عدنان. من عترة نبي الله أسماعيل000

وقد اشتهر أمرهم في أيام الخلافة الفاطمية عندما دفعهم

الخليفة المستنصر لمحاربة المعز بن باديس الذي خلع طاعة الفاطميين في تونس00

فرغب الخليفة الفاطمي في التخلص منه أو منهم بعد أن كثرت مشكلاتهم.

فأرسل لهم الحسن بن علي العقيلي الذي قضى على ما بينهم من خلافات وأرسلهم نحو الغرب عام 442هـ00

بأعداد كبيرة تراوحت حسب تقدير المؤرخين ما بين 200 - 500 ألف شخص.

وقد استطاع بنو هلال أن يهزموا ابن باديس وخربوا مدينة

القيروان عام 449هـ التي بناها القائد المشهور عقبة ابن نافع

وقد حاربوا قبائل البرير مثل زنانة وصنهاجة واستمروا في تقدمهم إلى الجزائر.

وقد كان لهم أثر في نشر اللغة العربية في شمال إفريقيا000



وعندما ارادوا الرحيل من نجد كان لهم عيلم وهي البئر غزيرة الماء وعكسها الرس اذا

كان شحيح ماؤه 0 وهذه البئر اغزر من هداج الشهير ولكنهم دفنوه لانهم ينوون العوده اليه ولايريدون

احدا يستولي عليه اثناء غيابهم يخافون انهم اذا رجعوا يكون بيد الغير 0 وهو شرق بقعاء حوالي

ستين كيلوا متر حسب وصفه بالقصيده ويقول الهلالي:




رحلنا ولا ابقـيـنـا بـنـجـدٍ حسوفـه=سوى عيلمٍ بيـن اللـوا وزرود
الفين ورد الما والـفـيـن صـدره=والفـيـن مـا بيـن العـدام ورود
تراه بواد الشري ياجاهـلـن بهـا=عليـهـا النـواز النايفـات شهـود
عبـيـنا لماه جـلـد تسعيـن حـقـه=وتسعين مع تسعـيـن جلـد قعـود
لا زاد ورده زاد مـيـاح جـمـــه=عــدٍ لــيـا حــرك تـراه يـزود
دفـنــاه عــن نـاسٍ تـولاه بعدنـا=شحـاحٍ ولا بالطـايـلات تجـود
بذرنا عليه الجود لين امحلت به=سنين القسى ما لجلجن برعـود
ورحنا وعنه النفس ماهيب طايبه=عسانا ليا عاد السحـاب نعـود
عسانا نعود ونبتها يكسي الوطـا=ومن عشب ترمسها عليـه ورود
غربـيـهـا زيـزا بها الريـم والمهـا=وشرقيهـا يـذرا عـليـه نفـود
عـسـى إله الكون يسـقـي ترابهـا=وعليها بدهم الممطـرات يجـود
حـيـث انها تالـد بها شمـخ الـذرا=ونصـيـهـا للصافــنـات مــدود


ومن استطاع اكتشاف هذه البئر فهو بلا شك سيكتشف كنزا ثمينا من المياه الغزيره

التي تفوق التصور00 وربما يكون هو اعتمادهم الاول والوحيد في ظل شكواهم من

غور الابار وذهاب مائها كما في الابيات الاولى في الموضوع00

حرره راوي الجبل ابن غسلان في 17-1-1429للهجره

[فواز الغسلان]

اختبار لمدى(الحميه والفزعه) على ارض الواقع





الحميا والفزعه خصله من خصال الطيب المحبوبه للجميع لاسيما الاباء

والاجداد الذين ضربوا لنا اروع الامثله على الواقع بحمياهم الشهيره وفزعاتهم

المؤثره والا فمالذي دفع الامير عبيد بن رشيد لغزو امير عنيزه بعد صيحة الاسلميه

الا الحميا والفزعه والنخوه ليبرر قتله لامير عنيزه بقوله:



يامن ينشـد لاجلنـا الخـالـديـه=وشلون كـيفه يوم خلي المكاني
ذبحت زوجه فوق بنت العبيـه=عامين ما شـمه عريب الحصاني
كله لعيني صيحـة الاسلميـه=ارخـيت صرخه في طوال الاذاني
وش اللي يحلل دمنا بالضحيـه=وانـتـم يحـرم دمـكـم برمـضانـي


ومالذي دفع الشيخ هايس القعيط للمسير من اقصى الجزيره الى نجد لاجابة صيحة الشويهري

الا الحميا والفزعه ليشهد له بذلك علم من اعلام الشعر والرجوله سعدون العواجي بقوله:



سباعن كلنه بالجزيرة ديرها=سباعن جـذبـها الصوت قبل المـماتي
هايس ورى الشطين يمي عبرها=عـبـر عـلـي بالـثـار شط الفراتي
بالسربة اللي يـوم ربـي نصرها=خـلـو عـيـونـي بالدجى ساهـراتي


والامثله كثيره ومن الصعب ان تحصى والا لطال بنا الكلام 00

قال القريفه:



ياجـمـاعـه كـيـف مـافـيـكـم حـمـيـا=كيـف صياح الضحى ماتسـمـعـونه
لابغـيـت الهون درب الطـيـب عـيـا=حالفن مااضرب على درب المهونه

ولكوني ارى ان هذه الخصله بدأت تضعف نوعا ما عند الاكثريه من الناس الا مارحم ربي

فقد قمت اردد الاسف على ذلك في اشعاري مثل:



الـصـداقــه قـلـيـلـن بـالـعـرب مـن يـحـوشـه=ويـن تـلـقـى رفـيـقــن كـالـسـحـاب الـنـواشـي
لاتـثـاقـلــت حـمــلـك مـن مـداحــم هــروشـه=وشـفـت الاقـدام غـاصت بـالـدروب الـهـلاشـي
يـصـطـفـق تـقـل ذيـبـن والـشـوازن تـنـوشـه=مـايـقـول الـمــشــاكـل مـالــنــا بـه مــهـاشـي
رفـقـة الـنـاس صـارت في مكـاسب قـروشــه=والـمـقـاديـر شـالــت جـامــعــيــن الـشـواشـي
طـيـب الاجـداد سـافـر فـي مـحـامـل نـعـوشـه=واكـثـر الـنـاس عـظـمـن مابـقـى بـه عـراشـي

وقد اتهمني البعض اني انظر نظره تشاؤميه في اشعاري وان الوقت افضل بكثير مما وصفته به

في اشعاري المتعدده ولذلك خطرت لي فكره غريبه هذا اليوم ( وان كنت لست ممن يحبذ هالاسلوب دائما)

فقلت سوف اقوم بعمل اختبار لقياس قوة الحميا والفزعه في هذا الوقت فقمت بأختيار ستة اشخاص

يجتمعون في مزاياهم امامي في الاتي:

1- جميعهم من ذوي الدخل المحدود واحوالهم الماديه عاديه وكل واحد راس ماله معاشه0

2- انهم ليسوا ممن اتصل بهم يوميا لتكون العلاقه قويه جدا وانما تجمعنا المناسبات والشعر والتاريخ0

3- جميعهم متقاربين في العمر واعمارهم في بداية الاربعين 000

فقمت بكتابة ابيات توضح اني متضايق جدا ولدي ظروف قاسيه ووضحت فيها كونها مني انا وارسلتها لهم

جميعا في الساعه الثانيه ظهر هذا اليوم وهي:


(يافلان)صدري من همومه ضايق=من ماقـفن يحرج خفوق الراوي
ساقـن عـلـى بـلـواك والله سايق=وترنـي رفـيـق ولـلـرفاقه ياوي
رقـمـك قـبـالـي قـام بـس يـوايـق=وقلت اشتكي للذيب دامه عاوي
لو شال مـنـي فـوق مـاهـو طـايق=دامـه رفـيـقـي لاكـوانـي كاوي
وان صار جـور الوقت دونك عايق=خله عسى غـسـلانـكم للهاوي

وكانت النتيجه مؤسفه بالرغم من وضوح المعنى والحاجه للفزعه قدر الامكان حيث كان

الوحيد من السته اللي جاوب وتحيزم وقال ابشر بسعدك وارسل رقم حسابك هو الشاعر

مناور بن محمد السويدي فقط بعد مرور اثناعشر ساعه على الاختبار00

حيث قال ردا على ابياتي:


لالا يابن غسلان لا تتضايق=في شاية اللي فوقنا علاوي
حنا نعرف السلم والطـرايق=وخـويـنـا مانـتـركه للهاوي
حـنـا ترانا بالزمان الجـايق=محـتـاجـنـا باللازمه غناوي
ايمر وانا انـفـذ وبالي رايق=وهداج تيماء مدهل الرواوي
تاريخـنـا تـوجـد بـه الحقايق=واكيد ماتخفاك دامك راوي

لنقل واحد كان نائم طول الوقت وواحد كان مسافر مثلا بحثا عن الاعذار ولكن ان يكون جميع

الخمسه نائمون او لم تصلهم الرساله فهذا مستبعد 00

وانا اعلم ان الاكثريه احوالهم الماديه ليست جيده ولكن ليس لزاما ان تدفع شي وتقدر ان تعتذر

او تطلب منه الانتظار ولكن عليك ان تجعله يحس بأهتمامك به وبهمومه ولاتكن كما قال الشاعر:


لقد اسمـعت لو ناديت حـيـا=ولـكـن لاحـيـاة لـمـن تنادي
ونارا لو نفخت بها اضاءت=ولكن كنت تـنـفـخ في رمادي

وهذا الامتحان الطريف يوضح ان هناك خللا ما وعلينا علاجه لان ذلك حفاظ على خصال

الطيب والفخر التي سار عليها الاباء والاجداد لكي لاتضمحل شيئا فشيئا 000

تحياتي العطره000 ابن غسلان 19-2-1429 للهجره

[فواز الغسلان]

ألألفيه الخالده لابن غسلان








قـال الــذي حـدري جـبــل طـي سـاكـن=بـربـاع حـايـل وسـط ذيـك الـمـسـاكن
وهـجـوس قـلـبـه مـع خـفـوقـه تـشـاكن=عزي لمـن مـثـلـك شكى يابـن غـسلان
غـسلان رجـلـن بالـزمـان الـقــديـمــي=سـكـان غـسـلـه والصـلايـب تـمـيـمـي
سكن بحـايـل عـن سـيـوف الـغـريـمـي=ولااحـدن يـنــام ولـه مـع الـنـاس ديـان
ديـان ديــنــه مـن عــروق الــوريــدي=ورحـل لحـايـل يـوم حـكــم الـرشـيـدي
وعـنـد الـضـيـاغـم حـاز ثـوبـن جديدي=واخـتـار حـايـل عـن لـظى النار مزبان
مـزبـان لـلـي تـحــت ظـلــعــان حـايـل=وانـجـب حـمــد شـيـخـن شهر بالقـبايل
ومـحـمــد الـمــهـاد زيــن الـشــمــايـل=دزه لـبـقـعــاء لاجـل تـدريـس الايـمـان
ايـمـان بالـخــالـق جـزيـل الـعــطــايـا=وانجـب فـهـد رجـلـن نـظـيــف الـنـوايا
مـواقــفــه بالـطــيــب مـاهــي خــفــايا=واسـمـه ظـهـر بـيـن الـضـياغـم بليهان
بـلـيـهـان جـدي يـشـبـه الــذيـب عـاوي=واصبحـت انـا بالـنـاس شـاعـر وراوي
ولانـا عـلـى الـدنـيـا حـريـصن قـصاوي=وبـديـت بـحـروف الـهـجـاء نظـم قيفان
قـيـفـان بحـروف الـهجـاء مـن خـفـوقـي=مـن خـافـقـن مـن ضـيـقـتـه مـايـروقـي
كـن الـثـقـايـل مـن غـثـى الـبـال فـوقـي=وهـذي حـروفـه واسـمـعـوها يـالاخـوان
الالــف ابــي لـي صاحـبــن مـاتـهــيــا=وانـا صـويــبــن فــي حــيــاتـي بـلـيــا
وقــالـوا لـك الـلـه لـو تـحـب الـثــريـا=او تـشـتـعـل كبـدك مـن الـوجــد نـيـران
نـيـران تـكـوي بـسـرة الــقــلـب كـيــا=مـن ظـالـمــن فـي عــنــدل الـريـم عـيـا
وانا احـسـب انـه مـن رجـال الحـمــيـا=لاواعـذاب اللـي قـضـى الـلـيـل سهـران
الـبــاء بـلـيـت بـحـب زيـن الــذوايــب=ومـشـيـت لاجـلـه فـي دروبـن صـعـايـب
واصبــح خـفـوقـي داخـل الصدر ذايـب=لما وقـع جـسـمـي مـن الـغـبـن مـرضان
مـرضان فـي كـبــدي سعـيــر اللـهـايـب=ولا طـعـت رجـلن كان بالـشـور صايـب
امـشـي وعـقـلي من هوى الزيـن غـايـب=من عقب ماني شـمـعـتـن بـيـن الاخـوان
الـتــاء تـلـيــت الـزيـن لـحــدود بـيـتــه=ولـو كـنــت داري بالـهــوى ماتـلـيـتــه
لـو يـطـلـبــن روحـي وقـلـبـي عـطـيـتـه=يـفــز قـلـبــي لاطــرى زيــن الاعـيــان
اعـيـان ريـمــن بـالـمـحــبــه رجـيــتـــه=والـنــاس صـارت تـبـغـضـك لانخـيـتــه
والـيــوم نـاسـيــنــي وانـا مـانـســيــتــه=الـلـي نـهـوده كـــنـهــا وصــف رمــان
الـثــاء ثـوابــي مـن ربـوعــي غــثـــاثـه=وانـا الـذي عـمــري قـضـى فـي تـراثـه
شـافـوا هـمـومــي بالـمـعــالـيــق عــاثـه=وجازون عـن طـيـبـي جـحـايـد ونـكـران
نـكــران فـعــلــي يـاجـمــاعــه خـبــاثـه=مـن عـالـمــن صارت طـبــوعــه عـثـاثه
يـركـض بـهـرجـات الـقــفـى فـي حـثـاثه=واصبحـت بالـلـي صـار ياناس خـسـران
الجــيــم جـانـي مـن ربـوعــي عــواجــه=والـحــســد ولــع بـالــرذايـل سـراجــه
يـسقـون كـبــدي مـن سـرايـب هـمــاجـه=كـيف الحـسـد حـتـى على طـيـب الابـدان
ابـدان تـضـحـك لا بـغــت مـنــك حـاجـه=وتـنـحــاش لاثـارت بـوجـهــك عـجـاجـه
وتـلـبـد لـمـا يـظـهـر طـريـق انـفــراجـه=وتـعـود تـضـحـك لك مـثـل فـعـل هـامان
الـحـاء حـيــاتـي دايـمــن فــي جـراحــه=ومحـدن نـشـد عـن صحـتـي لـيـش طـاحه
ارقـب حـمـامـاتـن على الـغـصـن نـاحـه=وابـكـي على مـافـات فـي مـاض الازمـان
ازمــان يـوم الــنــاس طـيـب وسـمـاحـه=تـضـحـك وتـلـعـب وسـط ذيـك الـبـراحـه
واعـرف تـرى الراحـه بـعـمـرك ربـاحـه=احـذر تـصـيــر بـتــالـي العـمـر شـقـيـان
الـخـاء خـذونـي فـي هـروج الـطــنــاخـه=الـلــي يـتــبــدل بـالـدقــيــقــه مـنــاخــه
ان غـبـت حـطـوا بك وصوف الـمـصـاخه=وان جـيـت يـرقـص خـايـب الفعل طربان
طــربـان يـذكــر مـلـكــهــم فـي بـزاخــه=وجــدوده الـلـي بـالـمـخــالـيــق شــاخـه
وقـلــبــه بـه انـواع الـردى والـوصـاخـه=يـفـخـر بهم لـو هـو عـلـى العـكـس كوبان
الـــدال دلـــونــي عـــلـــوم الــوكــايــد=مـن شـان نـنــســى لابـســات الــقــلايـد
يـمـكـن نـشـوفـه عــقــب الايـاس عــايـد=والا غــديــت بـمــوج الاحــزان غـرقــان
غــرقـان بـهـمـــوم الـقـهــر والـنـكــايــد=بالـلـي تـســاوي غـالــيــات الـمــجــايـد
عـقـبــه دروب الـقــلــب مـاهــي سـدايــد=وكلن يقول اش فـيـك لـك عــام نـحـفــان
الــذال ذقـــت الــمـــوت مـن يــوم قــــذه=واظــهــرت لـلــعــالــم ونـاســه ولــذه
ودمــوع عـيـنــي مـن غــثــى الـبــال رذه=دمـعــن مـن الضيـقـه هـمـل مثل الامزان
امــزان غــيــــظ لـلــمــعــالــيـــق جـــذه=بـالــغـــدر تـل عــروق قــلــبــي وبــذه
ام الـعـيــون الـلــي عــن الـبـيــض شــذه=لاجـلــه يـروح الـلـيــل ضايق وسـهـران
والـراء رمــى قـلـبــي غـزالـن صـغـيــري=غـيـري بـجــنــه والـحـشـى في سعيري
والـلـه فـلا ادري عـقــبــهـا وش مـصـيـري=سـعــادتـي سـاعــه وسـاعــات زهـقـان
زهــقـان مــن وقــتــن رمـانــي حـسـيــري=اوجـس خـفــوقـي مـن ظـلـوعـي يطيري
دربـي غــدى مـن كـثــر هـمــي عـسـيــري=اضحـك وانـا لـي حـروة الـعـام مرضان
الـزاء زمــول الـمـــرجـــلـه ضــاع عــزه=وان قـلــت تـكــفــى كـلمـتــك مـاتـهـزه
اكــبــر هــمــومــه فــي طـحــيــنــه ورزه=خـايــف يـمـوت بوسـط الاسـواق جيعان
جـيـعــان والـجــايــع سـكــن وســط غــزه=الـلــي مـنــاظــيــر الـمــدافـع تــقـــزه
وحـنــا نــذوق الــعـــيــش فــي كـل حـــزه=مـن فـضـل ربـي خـالـق الانـس والجـان
الـسـيــن سـرك لا تـذيــعـه عـلـى الـنــاس=الا رفـيــقــن حـاز بـالـطـيــب نـومــاس
تـرى الــعــرب فـيــهـا حـــســودن وبـلاس=لـو قـــيــل ولــد فـلان وفــلان وفـــلان
وفــلان مـاحــط الــقــواعــد على الــسـاس=وخـذى بـنـات الـعـفــن مـقطوع الارماس
وصـارو عــيــالــه بـيــن خــايــب وهــلاس=هــواه فــي كـسـب الـردى ويـن مـاكـان
الـشـيــن شـفــت الـنـاس يـكــثــر نـقــاشــه=بالـلـي جـمــع زيـن الـمـراجـل وحـاشه
لـو ذمــتـــه بـيــضـاء تـقــل لــون شــاشــه=قـالــوا ســرق مــال الـعـواجـيـز بوقان
بــوقـــان والــلــه مــن تــقــــادح كــلاشــه=مـقـهــور لـيــش الـنـاس كـثــران كاشه
لو كان لـبــســه مــن نـظـــايــف قــمــاشــه=قـلـبــه مــن اوصاخ الحسـد صار مليان
الـصــاد صــاد الــقـــلــب خــلــي ومـــصـه=غـرو ســرق قـلــب الـمـعـنـى وقـصــه
وان شــفـــت طــراد الــغـــنـــاديــر وصــه=وقـل لـه يجـهــز حـفـر قـبره والاكـفــان
اكـفــان سـلــمــى مــع مــضـاوي وحــصــه=الـلـي عـلاجـك ضـمــتــه عــقــب رصه
كـــنـــه شـعــاع الـمــاس لا بـان فــصـــه=كــم واحــدن في حـوضـهـن مات عـطـشان
الضاء ضباب العمر بالقاف هاضي=مثل السحايب والمطر بالفـياضي
دام الهـوى مـافـيـه حاكـم وقـاضي=يحكم وحـكـمه للمـظـالـيـم ميزان
ميزان ينصف من بالاحلام خاضي=ولا له عن عيون الحبايب معاضي
لو ذاق رمحـه بالظـلـوع العراضي=يصبر ويقضي تالي العمر مرضان
الطـاء طريق الـزيـن كثرت خيوطه=والناس كثرت بالـتـوالي شروطه
والقلب بانـت من عـذابه نـقـوطـه=وقاعد يراجي شوفة الزيـن شـفـقان
شفـقـان للي صار مـحـدن يـهـوطه=واشواقها وسط الخفوق امحطوطه
لو يـنـكسر تـرسـه وكامـل بلـوطه=العـشـق دايـم هـو سبب زيغ الاذهان
الظاء ظلوعي في هواه مـعـضوضه=والروح من فرقاه بـانـت رضوضه
متى النصيب الشين ترجع حضوضه=واشوف قلبي مع هوى البال فرحان
فرحان وعيوني يجـيـها غـمـوضـه=والجسم عـقـب الموت يقوى نهوضه
والقلب يوفي لـلـحـبـايب قـروضه=ويوفيه عن وقـتن قضى الليل سهران
الـعـيــن عـيــنـي كل هـم يـلـوعه=من يوم شفـت الناس خـربـت طبوعه
والناس خـلت بالـتـوالـي فـزوعـه=ومن جيت قال ابعد ترى القلب بلشان
بلشان في طـقـم الستـايـر ونـوعه=مـشـغـول فيها عـن مجـالـس ربوعـه
اوامـر الزوجـه ويـمـشي بطـوعه=مـمـنوع يطـلـع قـبـل تغـيـيـر الالوان
الـغـيـن غـثـونـي ربوع الـفـراغه=اللي يـغـرك زيـن كـشـخـة شـمـاغه
ناسـن عن دروب الطويلات راغه=ناسن غـدت فـي تالي الوقـت طـلـيان
طـلـيان يـنـفـع جـلـدهـا فـي دباغه=وتذبح لضيـفـك مـن رجـال الـبـلاغه
والعفن جـيـفه طـايـحـن بالـمـراغه=مايـنـفـعـك جـايـع ولا نـفـع شـبـعان
الفاء فديت اللي قـضى الليل غـافي=وانا رمـانـي فــي جـروف ومـهـافي
وراع الـمـحـبــه دايـمـن مـايخـافي=لـو شـاف قــدامــه بـنـادق ونـيــران
نـيـران قـلـبـن شاف غـالـيـه جافي=وهــذي عـوايــد لابـسـات الـغــدافي
من شانها تـمـشـي لو النـور طـافي=وتـنـسـاك لو تـقــرن وعـوده بالايمان
القاف قـافـي مـثـل مـخـضر فـلـوقه=فـي فـيـضـتـن جــتـهـا لـوامـع بروقه
مـن راوي يـفـهـم ويـضـبـط طـروقه=ويـنـثـر تـواريـخ العـواشـيـق قـيـفـان
قـيـفان تـمـشي فـي مجـاري عـروقه=مـيـراث عــودن بالـمـراجـل يـسـوقه
اكثر شواعـيـر الـعـرب صار فـوقه=وصعــبـن تـغـطـي لامـع الـبـرق لابان
الكاف كل الـنـاس بالـفــقـر ياطـوك=وان قـل مـالـك بالـرخـيـصات باعـوك
وعـنـد الولايـم والعـزايـم تـنـاسـوك=قـبـلـي ذكـرهـا بـالـقــوافـي سلـيـمـان
سليمان قال افـطن لمالك وانـا ابـوك=ابـن شريـم اللي عطى القاف مـسـبوك
وان زاد مـالـك يـاكـحـيــلان نـادوك=وقالوا جـدودك يافـتـى الجـود شجـعـان
اللام لامـونـي عـلـى صرف الامـوال=وقالوا سفـيـهـن فـي تصاريف الاعمال
ويحـتـاج ناسن تـفـهـم الدرب لو طـال=مـن شان يـبـقـى دايـم الـبـنـك ملـيـان
مـلـيــان مـن شــح الـردايـا والانـذال=اللي مـمـاتـه لـو خـســر قـرش وريال
تـقـول صاب الـقـلـب حــمـى وسـلال=وياويـل مـن حـطه ضحى الكون مـزبان
الـمـيــم محـبــوبـك الـيـا صار هـايـم=وخـدوده احـلـى مـن نـجـوم الـنـعـايـم
احـمـه بـروحـك عـن جـمـيـع الظـلايـم=ولا تـتـركه يـرقـد مـن الهجـر زعـلان
زعـلان مـن هـرج الـقـفــى والـنـمـايـم=من واحدن حـسده عـلى الراس حـايـم
يـســمــع هـروج الـنـاس لـو كان نـايـم=مـن كـثـر ماهـو للصواديـف شـفـقـان
الــواو ويـلــي كـان الاحــبــاب شـــدو=الـلـي بـدرب اهــل الـمـحـبــه تـردو
ومـن عـنــد عـيـنـي فـي حـبـيـبي تـعـدو=من فوق جـيـبـن يـنـتـجـه طقـم نيسان
نـيـسـان مـطــلـوب الـعـرب يـوم مــدو=ولا قـيـل عـنـد الطـعـس خافـو وهـدو
واهـــل الــمــواتـر ويـلــهــم لا تـحــدو=واللي تحـدى راعـي الطـيـب خـسران
الهاء هـوى قـلـبـي عـلـى الـبـعــد حـدوه=اللي لـشـيـنـات الـطـواريـق شـالـوه
ومـن غـاب خـلي صرت بالقـوم مـسـفـوه=حـظـي عـن دروب الـغـنـادير يـنحـان
يـنـحـان عـن عـيـن اشـقـرن يـوم هــدوه=وبالليل قـبـلـه فـي طـعـامـه تـنـاسـوه
مايـلـحـقــه فـي فــعــل يـمـنــاه مـشـروه=خـلا الحـبـاري للـمخـاطـيـف نـيـشان
الياء يـمـيـن الـلـه عـشـيـري تـقـل ضـي=اللي كـوى قـلـبـي بـرمـش الحـلا كـي
ريـقـــه بـلاهــوب الــقــوايـل غــدى ري=وفـي قـرب نـور العـين ماني بظـمـيان
ظـمــيـان مـن نـاسـن تـحــدك عــن الـمي=وتطوي مـعك حـبل الوفى بالهـوى طي
عـقــب الـغـلا تـقـطـع حـبــالـك بـلا شـي=وراح الــذي مـن بـيـنـكـم تـقـل ماكان
هـــذا كــلام الـلــي مــكـــاويــه شــاعــه=لـيــن انـكـشـف حبـه بوسط الجـمـاعه
والـنــاس صــادت بـالـشــمــاتــه كــراعه=نـار الحـســد بـقـلـوبـهــم تـقـل بركان
بـركــان يـنــثــر بـالـتــمــاثــيـــل قــافــه=مـثــل الــورود بـروضـها يـوم حـافـه
ومـن قـابـلـه فــي بــدع الامــثــال خــافــه=وبعض العـرب قالوا تقـل فيه شـيطـان
وشـيـطـان قـافـي مــن دروبــن مـشــيـتــه=وعـمـرن بريضان الـتـعـاسـه قـضـيـته
وجـمـر الـغـضـى حـافـي بـرجـلي وطـيـتـه=وياكثر ماكنـت اقـطـع الـدرب حـفـيـان
حــفــيــان لـكــنــي مــع الــنـــاس وافــي=والـغـــدر والـلـه مـادخـل فـي لـحـافي
واخـتـرت ثـوبــي مــن ثـيــابــن نـظــافـي=وماني على طـيـبـي مـع الـنـاس نـدمـان
نـدمـــان لــيـــتــي مــع صــواريــم وايـل=الـلـي تـشـيـل عــن الـرفـيـق الـثـقـايل
فـي مـجــدهــم حــازوا جـمـيـل الخـصـايل=زمـل الـمـحــامـل بالـمـخـافـه والاكوان
اكــوان قـلــبــي تـكــوي الــقـــلــب نـاره=ومحــدن وقــف لـلــي وقــع فـي مـغاره
لـو يـشــتــكــي لــيــلــه وكــامــل نـهـاره=يـقـعــد سـهـيــرن والسـبـب قل الاعوان
اعــوان لـلــي مــوت مـــثــلــه فــقــيــده=ومـاصـار هـمــه فــي حـيــاتـه رصـيـده
يـطــرب قـلــوب الـنـــاس نــادر قـصـيـده=لـلــي يـبــي يـسـمــع عـذاب ابن غسلان

[فواز الغسلان]

بكفوف اخوصلفه وعدوان ونعيس








قـال الذي حـط الـقـوافي على ساس=من خافـقن كثرت عليه الهواجـيس
يضرب بقـافـن ساطي مثل الامواس=يكـتـم هـروج مدوريـن الـلــوالـيس
لاصار بالخافـق مثـل طـق الاجراس=ياتـقـل تـركـز بـه شـطـيـر الدبابيس
نـثـرت قـيفاني على بيض الاطراس= بأهل المراجل كاسبـيـن الـنـواميس
ناسن غدو في فزعة الطيب مقـياس=بكفوف اخوصلفه وعدوان ونعـيس
بشـهـادة الـعــونـي وقـيـفـان عـباس=ماهـي شـهـادات العـفـون المهاليس
وبرغـش سـلايـل عـاثرة كل مدباس=لا هاش صاب القوم هول وكوابيس
شيخـن لـشـيـخــان الـمـلازيم غراس=غرايـسـن تلـمـع سـيـوفـه مواريس
من صلب شيخن صار بالطيب نبراس=له ماقـفـن يرهب قلوب الملابيـس
زمل الـطـوالـه متعـبـة قــب الافراس=اهـل البـنـادق محـرقـيـن المحاميـس
شيخان الاسلم ستر مدقـوق الالعـاس=لبـاسـة الـتـيـجـان زبـن المحـابـيـس
صيارمن تجدع عداها ضحى الـباس=وريف الهجـافـا بالـوقـوت المناحيس
ماكــر حـرارن يدهــلــه كـل قـرنـاس=اهـل الـدروع محـضـبـيـن المتاريس
امجـادهـم غـطــت عـلى مجد جساس=وروادهم تاطـى المعادي عـواسيس
قومن لهم في قـمـة المـجــد مجـلاس=والمجــد ماياتي على غـيـر تاسـيس
شيـخة عرب ماهي ختومن بقـرطاس=ولا هي مذاري زابـنـين الدواعـيس
اربع قــرون وتاجـهــم يـرفــع الراس=نورن بـشـمـر مـثـل نـور الفـوانيس
تاريخهم روضن بـه الـريـف محـتاس=نوارهـا يطـرد جـمـيـع الـوسـاويـس
من مزنتن غراء نشت عقب الادماس=رعـادهـا يشدى حسوس المراويس
تروي كبودن من لظى الـقـيـظ يـبـاس=وتمسح دموع ام العـيون النواعيس
لا يابـعـــد مـنـهـــو هــذورن وبــلاس=اللي على الجارات صاروا جواسيس
كم غايرن من طـيـبـهـم طـاح منداس=عـقـب البطـر تـذرى عليه النـسانيس
هـداتـهـم تـشـبــه لـحــشــار الانـفـاس=وصحونهم بالطـيـب مثل الطعـاميـس
مجـدن بسلـمى ظاهـرن مثل الاقـواس=معهم جـموع أهل اللحـيسه كراديس
صاروا بـشـمـر كـنـهـم عـقـد الالماس=من كثر ماياطـون حـوض المراميس
عـاشـوا بمـوجـات الطـويـلات غطاس=لا عـاش بالـذلـه عـفــون وبـلالـيــس

[فواز الغسلان]

قيس ابن الملوح قتيل العشق







قيس بن الملوح بن مزاحم العامري المولود في عام 68 للهجره

شاعر غزل، من المتيمين، والمظلومين بسبب حماقة من سار خلف عادات وتقاليد

ماانزل بها من سلطان ليتم حرمانه من الفتاة التي تحبه وتشاطره الغرام وتجتمع معه

في كونهما من قبيلة واحده ولا تفاوت بينهما بالنسب الا ان عادات العرب عدم تزويج

من شاعت محبته للفتاة لكي لايقول العرب انه جامعها قبل الزواج وان الزواج هذا لستر

هذه الفضيحه0000 وهكذا كل من ارتكب جريمة فسوف يجد المبرر لها مهما كان تعليله

فصاحب الفضائح لاعراض الناس سيعتذر بأن ذلك لتنبيه الناس وتحذيرهم وهكذا000

ليكون الضحيه دائما مثل قيس بن الملوح الذي يبرد نار جوفه قائلا:



فـإن تـمـنـعــو لـيـلــى وتحموا بلادها=عليّ فـلن تحموا عليّ القوافــيـا
فـأشـهــد عـنـد الـلــه أنـي أحـبــهــا=فهذا لها عندي فـمـا عـنـدها ليـا


ويكون الجاني عليهما قد اتضح له الخطأ الا ان غروره وكبريائه تمنعه من الاعتراف بذلك

فيموت العاشق المتيم وتكون ردة فعل والد المعشوقه ان يقول:

ماعلمنا أن الامر يبلغ كل هذا ولكني كنت عربيا أخاف من العار وقبح الأحدوثه 000

قبحها الله من قلوب قاسيه ترى الدموع المنهمره والعيون الساهره والانين الممزوج بنار الحسره

عندما يسمع العاشق مزامير الفرح والغناء في ليلة زواج محبوبته ليقول:



خَلـيـلَيَّ إنْ لا تَـبْـكِـيانِيَ أَلْـتَـمِسْ=خَليلاً إذا أَنَزَفْـتُ دَمـعي بَكى ليا
فـمـا أُشْـرِفَ الأَيْـفـاعَ إلاّ صَبَـابَةً=ولا أُنْـشِـدُ الأشْـعـارَ إلا تَـداوِيا
وقد يَجْمَعُ اللهُ الشَّتـيـتَـينِ بعـدما=يَظُـنـَّانِ كلَّ الـظَّـنِّ أن لا تَلاقِـيـا
لَحى اللهُ أَقْـواماً يقـولـونَ: إنّـنـا=وَجَـدْنا طَـوالَ الدّهْرِ لِلحُبِّ شافِيا
خَـلـيـلَيَّ، لا والله،ِ لا أَمْلِكُ الذي=قَضى اللهُ في ليلى،ولا ماقَضى ليا
قَضاها لِغَـيْـري، وابْـتَلاني بِحُبِّها=فَهَلاّ بشَيءٍ غـيـرِ لـيـلى ابْـتَـلانِيا


ياويح العرب مااقسى قلوبهم الا من رحم ربك 00

بالرغم من عدم سرعة استجابة دموعي في الحياة اليوميه الا اني ومنذ ان كنت في ايام

الدراسه لااكاد ازور متصفحا يحتوي على قصة المجنون الا وتستعجل الدموع على غير

عادتها حتى اشعر انها اقوى مني مهما حاولت المقاومه000

حتى مطلع هذه القصيده كأنه يدخلك مع بوابة الجروح مباشره ليقول:



تَذَكَّرْتُ ليلى والسّـنـيـنَ الخَـوالِيا=وأيّامَ لا نَخْـشـى على اللّهـوِ ناهِـيا
ويومٍ كَـظَـلِّ الرُّمْحِ، قَصَّرْتُ ظِـلَّهُ=بِلَـيْـلى، فَلَـهَّـانـي، وما كنتُ لاهِـيا
بثَمْدِينَ لاحَتْ نارُ ليلى وصُحْـبَـتـي=بذاتِ الغَضَى نُزْجي المَطيَّ النّواجِيا
فـقـالَ بَصـيـرُ القَوْمِ أَلْمَحْتُ كَوكباً=بَـدَا فـي سَوادِ اللَّيلِ فَرْداً يَمانِـيـا
فـقـلـتُ لـه: بل نارُ لـيـلى تَوَقَّـدَتْ=(بِعَلْيا)، تَـسـامـى ضَوْؤُها، فـبَدَا ليا


نعم تذكرها في سابق الايام عندما كانا في سن الطفوله يلعبان خلف صغار الماعز وعندما

كبرا واصبحا يرعيان الغنم سويا ويلعبان ولم يكن في بالهما ماذا تخفي لهما الايام من الجروح

فليلى سيجبرها والدها بالزواج من شخص آخر مقابل عشرة من الابل ليأخذها زوجها الى الطائف

بعيدا عن نظر قيس الذي يهيم على وجهه في الصحراء لا يرى لهذه الدنيا قيمة بعد ان اصبح غيره

يسيطر على حريتها ويملك حبالها 000 من اجل عشرة من الابل؟؟؟




وخَـبَّـرتُـمـاني أنّ (تَـيْـمـاءَ) مَنزِلٌ =لليلى إذا ما الصّيفُ ألْقى المَراسِيا
فهذي شُهورُ الصّيفِ عنّا قد انْقَضَتْ=فـمـا لِلنَّوى تَرْمـي بليلى المَرامِـيا
فـيـا ربِّ سَوِّ الحُـبَّ بـيـنـي وبـيـنها=يـكـونُ كَـفــافـاً لا عـلَـيَّ ولا لـيـا
فـما طَـلَـعَ الـنّـجـمُ الـذي يُهْـتَـدى بهِ=ولا الصّبحُ إلاّ هَيـَّـجـا ذِكْـرها ليا
ولا سِرْتُ مِـيـلاً مِـن دِمَـشـقَ ولا بَـدا=سُـهَـيْـلٌ لأهـلِ الشّـامِ إلاّ بَـدا ليا
ولا سُـمِّـيَـتْ عـنـدي لـهـا مِن سَـمِيـَّةٍ=مِـن الناس ِ إلاّ بَلَّ دَمْـعـي رِدائِـيا


قيس بن الملوح الذي يشهد على قساوة قلوب العرب التي تزيد عن الحجارة الصماء

يصارع الموت في الوديان والقفار هائما على وجهه وكل ذلك يكون عذر السبب في ذلك:


((ماعلمنا أن الامر يبلغ كل هذا ولكني كنت عربيا أخاف من العار وقبح الأحدوثه))

استطاع قيس بن الملوح ان يكسب تعاطف الناس صغيرهم وكبيرهم بسبب اشعاره الحزينه

واصبح الناس يترقبون اخباره وجميعهم يتمنى لو كانت بيديه حيله لمساعدة هذا الجريح

الشاعر الذي نثر جحيم قلبه حروفا تسيل عذوبة وجرحا ورقة وألما فتجتمع هذه المشاعر وتصب

في نهر من انهار الشعر العجيب الذي يحرق القلب الرقيق الذي يكره الظلم ويحب القلوب المحبه

فتراها في صورة واضحه عندما يقول:



ألا أيها الواشي بليلى ألا تــرى=إلى من تشـيـها أو بمن جئت واشيـا
فلو كان واش باليمامـــــة داره=وداري بأعلى حضرموت اهـتـدى ليا
مُعذبتي لولاك ماكنت هائمــــــاً=أبـيـت سخـيـن العـيـن حرّان باكيــا
مُعذبتي قد طال وجــــدي وشفّنـي=هواك فـيـا للـنـاس قـلّ عزائــيـــا
وددتُ على طيب الحيـاة لو أنــه=يُزداد للـيـلـى عـمـرها من حياتيـــا


لتقترب قصة الظلم من نهايتها ووقوع الضحيه دون ذنب سوى انه احب صادقا من الصغر

فكان جزاؤه الموت حافيا جائعا فوق الصخور التي تتوقد نيرانها في شمس الصيف 00

يموت ميتة الشاة الهزيله فلماذا؟؟

لان القلوب القاسيه تغار من اصحاب الرقيقة المحبه فكأنما تعاقبها بهذه القسوه لكونها تمتلك

شيئا لم تستطع هي امتلاكه فتتصرف كالوحوش الضاريه0000


وروي أن شيخا من بني مرة التقى بقيس بعد انعزاله في الصحراء وبعده عن الناس .

يقول ذلك الشيخ : ذهبت أبحث عنه فأخبرني أحد أصدقائه المقربين اليه قائلا اذا رأيته

فادن منه ولاتجعله يشعر أنك تهابه فانك ان فعلت فسيتهددك ويتوعدك أو يرميك بحجر

فانه ان فعل ذلك فاجلس صارفا بصرك عنه فاذا سكن فأنشده شعرا غزلا من شعر

قيس بن ذريح حبيب لبنى لأنه معجب به وبشعره .

يقول ذلك الشيخ أمضيت يومي من الصباح الباكر باحثا عن ذلك العاشق الهائم حتى

وجدته عصر ذلك اليوم جالسا يخط على الرمل بأصبعه وحين دنوت منه نفر مني

نفور الوحش من الأنس فأعرضت عنه حتى سكن وعنده أنشدت شعرا لقيس بن ذريح كنت أحفظه :



الا ياغراب البين ويحك نبنـــي=بعلمك في لبنى وأنت خبير
فان أنت لم تخبر يشيء علمته=فلا طرت الا والجناح كسير


يقول حين أنشدت ذلك الشعر اقترب قيس مني وقال وهو يحاول كتم بكاءه : لقد أحسن

والله ذلك الشاعر ولكني قلت شعرا أحسن منه ثم أنشد :



كأن القلب ليلة قيل يفدى=بليلى العامريه أو يراح
قطاة غرها شرك فباتت=تجاذبه وقد علق الجناح


ويستطرد ذلك الشيخ في قصته قائلا :بعد أن أنشد قيس قصيدته بادرته بقصيده أحرى لقيس بن ذريح هى:


واني لمفني دمع عيني بالبكــــا=حذارا لما قد كان أو هو كائن
وماكنت أخشى أن تكون منيتي=بكفيك الا أن من حان حائن

يقول ذلك الشيخ : أن قيس ما أن سمع هذه القصيدة حتى شهق شهقة ظننت أن روحه فاضت

بسببها وبكى بحرقه وقد رأيت دموعه بلت الرمل الذي بين يديه فقال وهو يغالب بكائه والله

لقد أحسن ولكني قلت شعرا أحسن منه ثم أنشد :



وأدنيتني حتى اذا ماسبيتنـي=بقول يحل العصم سهل الأباطح
تناءيت عني حين لالي حيلة=وخلفت ما خلفت بين الجوانــح


وبعد أن أنهى قصيدته مرت بقربنا غزاله تعدو فنهض قيس يجري خلفها حتى توارى

عن ناظري 000

فى اليوم التالي عدت الى نفس المكان على أمل أن التقيه فوجدت امرأة وقد وضعت

طعاما في المكان الذي كان يجلس فيه قيس وانقضى ذلك اليوم دون أن ياتي قيس ..

ومضت 3 أيام لم أره فيها فأخذ أهله يبحثون عنه وأنا معهم دون جدوى .

وفي اليوم الرابع وبعد سير طويل في الصحراء للبحث عنه وجدناه في وادي كثير

الحجاره وهو ميت فوقها

يقال بأنه بعد أنتشار خبر وفاة قيس بين أحياء العرب لم تبق فتاة من بني جعده

ولا بني الحريش الا خرجت حاسرة الراس صارخة عليه تندبه وأجتمع فتيان

الحي يبكون عليه أحر بكاء وشاركهم في ذلك كافة قبيلة حبيبته ليلى العامريه

ليقول والدها معتذرا:

ماعلمنا أن الامر يبلغ كل هذا ولكني كنت عربيا أخاف من العار وقبح الأحدوثه .

وهكذا ذهبت حياته مظلوما والعذر هو نفسه الذي سمعتم000





تَذَكَّرْتُ ليلى والسّـنـيـنَ الخَـوالِيا =وأيّامَ لا نَخْـشـى على اللّهوِ ناهِيا
ويومٍ كَـظَـلِّ الرُّمْحِ، قَصَّرْتُ ظِلَّهُ =بِلَـيْـلى، فَلَـهَّـانـي، وما كنتُ لاهِيا
بثَمْدِينَ لاحَتْ نارُ ليلى وصُحْبَتي =بذاتِ الغَضَى نُزْجي المَطيَّ النّواجِيا
فـقـالَ بَصـيـرُ القَوْمِ أَلْمَحْتُ كَوكباً =بَـدَا فـي سَوادِ اللَّيلِ فَرْداً يَمانِـيـا
فـقـلـتُ لـه: بل نارُ لـيـلى تَوَقَّـدَتْ=(بِعَلْيا)، تَـسـامـى ضَوْؤُها، فـبَدَا ليا
فليتَ رِكابَ القومِ لم تَقْطَعِ الغَضى=وليتَ (الغضى) ماشى الرّكابَ لياليا
فيا لَيلَ كمْ مِن حاجَةٍ لي مُهِمَّةٍ=إذا جِئْتُكُمْ باللّيلِ لم أدرِ ما هِيا
خَليلَيَّ إنْ لا تَبْكِيانِيَ أَلْتَمِسْ=خَليلاً إذا أَنَزَفْتُ دَمعي بَكى ليا
فما أُشْرِفَ الأَيْفاعَ إلاّ صَبَابَةً=ولا أُنْشِدُ الأشْعارَ إلا تَداوِيا
وقد يَجْمَعُ اللهُ الشَّتيتَينِ بعدما=يَظُنَّانِ كلَّ الظَّنِّ أن لا تَلاقِيا
لَحا اللهُ أَقْواماً يقولونَ: إنّنا=وَجَدْنا طَوالَ الدّهْرِ لِلحُبِّ شافِيا
خَليلَيَّ، لا والله،ِ لا أَمْلِكُ الذي=قَضى اللهُ في ليلى، ولا ماقَضى ليا
قَضاها لِغَيْري، وابْتَلاني بِحُبِّها=فَهَلاّ بشَيءٍ غيرِ ليلى ابْتَلانِيا
وخَبَّرتُماني أنّ (تَيْماءَ) مَنزِلٌ =لليلى إذا ما الصّيفُ ألْقى المَراسِيا
فهذي شُهورُ الصّيفِ عنّا قد انْقَضَتْ=فما لِلنَّوى تَرْمي بليلى المَرامِيا
فيا ربِّ سَوِّ الحُبَّ بيني وبينها=يكونُ كَفافاً لا علَيَّ ولا ليا
فما طَلَعَ النّجمُ الذي يُهْتَدى بهِ=ولا الصّبحُ إلاّ هَيَّجا ذِكْرها ليا
ولا سِرْتُ مِيلاً مِن دِمَشقَ ولا بَدا=سُهَيْلٌ لأهلِ الشّامِ إلاّ بَدا ليا
ولا سُمِّيَتْ عندي لها مِن سَمِيَّةٍ=مِن الناس ِ إلاّ بَلَّ دَمْعي رِدائِيا
ولا هَبَّتِ الرّيحُ الجَنوبُ لأرضِها=مِنَ الليلِ إلاّ بِتُّ للرّيحِ حَانِيا
فإنْ تَمْنَعوا ليلى و تَحْموا بلادَها=عليَّ، فلنْ تَحْموا عليَّ القَوافِيا
فأشْهَدُ عندَ اللهِ أنّي أُحِبُّها=فهذا لها عِندي، فما عندها ليا
قضى اللهُ بالمَعْروفِ منها لغيرنَا=وبالشّوقِ منّي والغرامِ قضى ليا
وأنّ الذي أمَّلْتِ يا أمَّ مالكٍ=أشابَ فُوَيْدي واسْتَهامَ فُؤادِيا
أعُدُّ اللّيالي ليلةً بعد ليلةٍ=وقد عِشْتُ دهراً لا أَعُدُّ اللّياليا
وأَخرجُ مِن بينِ البُيوتِ لعَلّني=أُحَدِّثُ عنكَ النّفسَ بالليلِ خالِيا
أَراني إذا صَلَّيْتُ يَمَّمْتُ نَحْوها=بِوَجْهي، وإنْ كانَ المُصَلّي وَرَائِيا
وما بِيَ إشراكٌ ولكنّ حُبَّها=وعُظْمَ الجَوى، أَعْيا الطَّبيبَ المُداوِيا
أُحِبُّ من الأسماءِ ما وافَقَ اسْمَها=أو اشْبَهَهُ، أو كانَ مِنهُ مُدانِيا
خَليليَّ (ليلى) أكبَرُ (الحَاج) والمُنى=فَمَنْ لي بليلى، أو فَمَنْ ذا لها بِيا
لعَمْري لقد أَبْكَيْتِني يا حَمامَةَ الـ=ـعَقيقِ وأبكَيْتِ العُيونَ البَوَاكِيا
خَليلَيَّ ما أرجو مِنَ العَيشِ بعدما=أرى حاجَتي تُشْرى ولا تُشْتَرى ليا
وتُجْرِمُ ليلى ثمّ تَزْعُمُ أنّني=سَلَوْتُ، ولا يَخْفى على الناسِ مابيا
فلَمْ أَرَ مِثْلَيْنا خَلِيلَيْ صَبابَةٍ=أَشَدَّ على رَغْمِ الأعادي تَصافِيا
خَليلانِ لا نَرْجو اللّقاءَ، ولا نَرى=خَليلَيْنِ إلاّ يَرْجُوانِ التَّلاقيا
وإنّي لأسْتَحْيِيكِ أنْ تَعْرِضَ المُنى=بَوَصْلِكِ أو أنْ تَعْرِضي في المُنى ليا
يقولُ أُناسٌ علَّ مَجْنونَ عامِرٍ=يُريدُ سُلُوّاً، قلتُ أَنّى لِما بِيا
إذا ما اسْتَطالَ الدّهرُ يا أُمّ مالِكٍ=فَشَأْنُ المَنايا القاضِياتِ وشَانِيا
إذا اكْتَحَلَتْ عيني بِعَيْنِكِ لم تَزَلْ=بِخَيْرٍ، وجَلَّتْ غَمْرَةً عَن فُؤادِيا
فأنتِ التي إنْ شِئْتِ أَشْقَيْتِ عيشَتي=وأنتِ التي إن شِئْتِ أَنْعَمْتِ باليا
وأنتِ التي ما مِنْ صَديقٍ ولا عِداً=يرى نِضْوَ ما أَبْقَيْتِ إلاّ رَثى ليا
أَمَضْروبَةٌ ليلى على أنْ أَزُرَها=ومُتَّخَذٌ ذَنْباً لها أنْ تَرانِيا
إذا سِرْتُ في الأرضِ الفَضاء رَأَيْتُني=أُصانِعُ رَحْلي أنْ يَميلَ حِيالِيا
يَميناً إذا كانتْ يَميناً، وإنْ تَكُنْ=شِمالاً يُنازِعُني الهوى عن شِمالِيا
وإنّي لأسْتَغْشي وما بيَ نَعْسَةٌ=لعَلَّ خَيالاً مِنكِ يَلْقى خَيالِيا
هيَ السِّحرُ إلاّ أنّ للسِّحْرِ رُقْيَةً=وإنّيَ لا أَلْفي لها الدّهرَ راقِيا
إذا نَحْنُ أَدْلَجْنا وأنتِ أمامَنا=كَفى لِمَطايانا بذِكْراكِ هادِيا
ذَكَتْ نارُ شَوْقي في فُؤادي فأَصْبَحَتْ=لها وَهَجٌ مُسْتَضْرَمٌ في فُؤادِيا
ألا أيّها الرّكْبُ اليَمانُونَ عَرِّجوا=علينا فقد أمسى هوانا يَمَانِيا
أُسائِلُكُمْ هلْ سالَ (نَعمانُ) بَعْدَنا=وحُبَّ إلَيْنا بَطْنُ نُعْمانَ وادِيا
ألا يا حَمامَيْ بَطْنِ نَعْمانَ، هِجتُما=عليّ الهوى لمّا تَغَنَّيْتُما ليا
وأبْكَيْتُماني وسْطَ صَحْبي، ولم أَكنْ=أُبالي دموعَ العينِ لو كنتُ خالِيا
ويا أيّها القُمْريَّتانِ تَجاوَبا=بِلَحْنَيْكُما ثمّ اسْجَعا عَـلِّــلانِيا
فإن أنتما اسْتَطْرَبْتُما، أو أَرَدْتما=لَحَاقاً بأطلالِ(الغضى)فاتْبَعانِيا
ألا ليتَ شِعْري ما لِلَيلى وما ليا=وما للصِّبا من بعد شَيْبٍ عَلانِيا
ألا أيها الواشي بليلى، ألا تَرى=إلى مَن تَشيها أو بِمَن جِئْتَ واشِيا
لئنْ ظَـعــنَ الأحْبابُ يا أمَّ مالِكٍ=فما ظَعَنَ الحُبُّ الذي في فُؤادِيا
مُـعَـذِّبَـتـي، لولاكِ ما كنتُ هائماً=أبيتُ سَخينَ العينِ حَرَّانَ باكِيا
مُعَذّبتي، قد طــالَ وَجْدي وَشَفّـَني=هواكِ، فيا للنّاسِ قَلَّ عَزائِيا
وقـائـلَـةٍ وارَحْـمَـتــا لِـشَـبــابِهِ=فـقـلـتُ: أَجَلْ وارَحْمَتا لِشَبابِيا
وَدِدْتُ على طـيـبِ الحـيـاةِ لو انّهُ=يُزادُ لليلى عُمْرُها مِن حَياتِيا
ألا يا حَماماتِ العِراقِ أَعِـنَّـنـي=على شَجَني، وابْكِينَ مِثْلَ بُكائِيا
يقولونَ ليلى بالـعِـراقِ مَريضَةٌ=فيا ليـتـنـي كنتُ الطَّبيبَ المُداوِيا
تَـمُـرُّ الـلـيـالـي والشّهورُ، ولا أرى=غَرامي لها يَـزدادُ إلاّ تَـمـادِيا
فيا رَبِّ إذ صَيَّرْتَ ليلى هيَ المُنى=فَزِنِّي بِعَـيْـنَـيْـهـا كـمـا زِنْتَها ليا
وإلاّ فَـبَـغِّــضْـهـا إلـيّ وأهْــلَـهـا=فإنّي بلـيـلـى قـد لـقـيـتُ الدّواهِيا

[فواز الغسلان]

قصيدة الهقاز بظفره والجهيلي بقمعه ( بحث )







(( قصيدة الهقاز بظفره والجهيلي بقمعه ))


هذا الموضوع من المواضيع التي كثر الاختلاف بها بين الناس وتداولوا الاراء

فيها بين قيل وقال والسبب في ذلك عدم معرفتهم لسير القصيدتين بالضبط 0

فلكل قصيده سبب دفع الشاعر لها والقصائد ليست في موقعة واحده كما يظنه

البعض وهذا هو مربط الفرس وسر الاختلاف الحاصل فيهما وسوف احاول ان

ألقي الضوء عليهما بالشرح الوافي لتتضح الصوره ويزول اللبس بين القصائد

لما لهاتين القصيدتين من اهميه تاريخيه في تاريخ نجد في تلك العصور00

في عام 1239 للهجره اقتربت من حائل جموع قبيلة عنزه ممثلة بالعواجيه

ومعهم عدة جموع من قبيلة عنزه مع شيوخهم الكرام مثل الايداء وابن مريخان

والذين ذكرهم مبيريك في قصيدته الشهيره:



جونا عـيـال الـولـد مثل التهامي=رود يريدون الـفـيـاض المعـاشـيـب
ابــن مـريخــانـن تـزبــن ردامي=عـقب القسى مافـك فرقه من الذيب
جبنا شذى حشوانهم والجـهامي=مع حلة الـيــديـان هـم والمغـاصيب


وكانت المعارك في بداية الامر في اقصى حدود اراضي شمر من جهة الغرب

وكانت تميل لمصلحة قبيلة عنزه في الغالب مثل بيضاء نثيل التي قرر فيها

مسلط التمياط عدم المواجهه مع عنزه لحين اجتماع من يأتي من جموع

شمر وذلك بعد ورود التحذير من الشيخ سعدون العواجي بقصيدته للتمياط

والتي طلب منه الرحيل والابتعاد عن دربهم قائلا:



ياراكب اللي ما لهجها الجـنينا=ماهـي وحــدهـا ثامـنـة لـه ثمـانا
تلفي لمسـلـط ترثة الـغـانمـيـنا=قل تـنـزحوا عن جوكم صار مانا
نبي ندله به جـضار الحـنـيــنـا=قطعان من رعي المخاوف سمانا

وبعد بيضاء نثيل اجتمعت جموع شمر وحدثت المعركه في روضة التنهات

والتي انتصرت بها قبيلة عنزه وقتل فيها جريس التمياط وفيها قال الشيخ سعدون

العواجي قصيدته الشهيره والتي منها:



قل صبحتنا جرودهم ماله قياس=سكن الجبل جانا مع الصبح صايل
وانا احمد اللي عاضهم كسرة الباس=كـسـيـرة وصلـت قفار وحايل
في روضة التنهات جدعنا الالباس=وذبحن الياما جيت بيضاء نثايل
الصبح جانا مسلـط دايخ الراس=وجاه العـقاب الصيرمي فوق حايل
وجريس خلي في قواقيب حراس=ياويل مسلط عقب واف الخصايل

وكانت جموع عنزه تتقدم الى الامام باتجاه حائل مدعومة بانتصاراتها هذه

وكانت الجموع الموجوده من شمر يرون انهم غير قادرين على مواجهة جموع

عنزه واشاروا بالرحيل مع درب من رحل سابقا من شمر مع الجربان على ان

يتركوا السوادين وهي ( البيوت والغنم ) لكونها تعوق مسيرهم ولكي يكونوا

اسرع في الابتعاد عن مواطن الخطر فجاء الشور الحكيم والشجاع من مفتاح

الغيثي برفض ذلك وقراره في البقاء بديارهم والقتال دفاعا عنها بكل مايستطيعون

وهو القرار الذي رسى عليه الجميع لتصل الجموع الوائليه الى الاراضي القريبه

من حائل لتقع موقعة ظفره او مناخ ظفره التي تسمى ظفرة مفتاح وهي التي قال

فيها الشاعر دايس الهقاز قصيدته الشهيره:




ياديرة ابو سـميط خلاتـس ياحـيـف=فرز الوغـى ذبـاح عجـفـا سـنامـي
اقـفـى ولا خـلـى بـنجـد تحـاسـيـف=نسل الشيـوخ مخـربـيـن الـطـعامـي
يامـزنة غـرا نـشـت لـه رفـاريـف=تمطر على ظـفرة مطرها انهشامـي
زبيديها روس المهـار المزاغـيـف=وعشبه قـرون مسيحـيـن الايدامـي
نهجت اسر جموعهـم بالـتــواقيـف=يامار وجـه جـمـوعـهــم بانخدامـي
ونحرت ربعي عايزين التـواصيـف=للخـيـل بالـزهـــام والجــمـع زامـي
اولاد على ذربـت الحرب والـكـيـف=حـريـبـهــم مايهــتـــنـي بالـمـنـامـي
ياقـل مـيـر قـفـوشـهـن والتطاريـف=ردوا لـنـصــل مصـقــلات اللجـامـي
وانااشهد ان أقلوبهم صمـع ياخليـف=يردون حوض الموت ورد الضوامي
وضرب بعيدان البلـنــزي وتنجـيـف=ياما أدبروا عــنـا خـروق الجلامـي
وياما ذبحنا بين الاثـمـاد وهـيــيـف=تســعــرت دونـه عــمــارا" تسامـي


ابوسميط الجربا من احفاد الشيخ مطلق الجربا 0


هذه القصيده لدايس الهقاز الحسيني من الدغيرات من عبده ضايقت الشاعر

عقلا الجهيلي الذي كان وقتها في الجزيره والذي ارسل ابياته الرائعه لمبيريك

التبيناوي قائلا:



مبيريك هــي صدقٍ علومٍ لفتنا=يـا خوي ما تاقف وتزعج لي الصوت
دنيــاك هـذي بالجزيره رمتنا =كسـبي ونيني وأنت كسـبك جـمل نوت
يا ما على هاك الجزاير نهتنا =وإبـن آدمٍ ما يشــــبع الاّ مـــن الموت


وكان سبب الضيق من قصيدة الهقاز انه مدح اولاد علي وهم الدغيرات وركز

عليهم في القصيده دون غيرهم ممن شارك من زوبع0 بل هناك من قال انه قصد

بعض شيوخ زوبع في قوله:



نهجت اسر جموعهـم بالـتــواقيـف=يامار وجـه جـمـوعـهــم بانخدامـي
ونحرت ربعي عايزين التـواصيـف=للخـيـل بالـزهـــام والجــمـع زامـي


وقيل انه يشير في البيت الاول الى كونهم اشاروا بالرحيل وعدم المواجهه وفي البيت

الثاني يشير الى الدغيرات الذين اشاروا بالبقاء والمواجهه وهو قول محتمل ولكني

لا اثبته ولا انفيه وقد ذكرته لكونه تفسير بعض الرواة والمؤرخين فقط0

وبعد فتره من وقوع مناخ ظفره الشهير وقصيدة الهقاز التي اوردتها

نزل التمياط وابن طواله بالصحن وجاهم عقلا الجهيلي من الجزيرة

ونزل عليهم وكان وقتها مفتاح الغيثي ومن معه بالخطة شمال حايل 50كيلو

ونزل عليهم عقاب العواجي بصحب وعهد سلام ولكنه اخو الغصب لكون الكفه

تميل لمصلحة العواجيه من حيث العدد والعده 0 فقال مفتاح حنا نعاهدك لكن مالنا

سلطه على اللي يجي من الشمال لانهم غير داخلين في عهدنا هذا فقال عقاب مافيه

غير ابن طواله والتمياط يكيلون من حنطة العراق ومافكروا بحايل وجوعها 00

وعندما علم ابن طواله والتمياط بهذا العهد

جو صوله حتى نزلوا بالمقنع شمال الخطة 25 كيلو وصبحوا عنزه مستغلين عنصر

المفاجأه في الحرب لكون شيوخ العواجيه استبعدوا رجوعهم لحايل في ذلك الوقت0

وحدثت معركة (قمعه) الشهيره عام 1243 للهجره وانتصرت بها جموع شمر

وهنا اصبح الرد في محله على قصيدة الهقاز لكون الانتصار جاء من جهة جموع

زوبع الذين هجموا على عنزه في التيم وفاجأؤوهم فقال عقلا الجهيلي:




ياعـيـال ياركاب مـثـل الـشـواحـيـف=متوجهـيـنن صوب ديره عمامـي
وردن بزينين المحازم وهن عـيـف=لياما غـدن مثـل الهشيـم الركامـي
كـرارةٍ عــلـى المعــاديـن ياخـلــيـف=يغدي بها ضوح النهـار الظـلامـي
تصرخ بها حدب السيوف المهاديف=وتفـتـح بها بقـع النسـور الافامـي
يتـلــون عـدوان زبـون المـشـاعــيـف=ومن واقصـه ماشيّعـو للمقامـي
حـدنهـن بـيــض البـنـــي الغـطـاريف=من البــعــد ياطـن الحفا والرثامي
يحــدن باثــر شيخٍ لـيـاهــد بالـسـيـف=أميــرنا هـو ريــف عجـفـا سنامي
نـزه الشــوارب ما يحـب التخـالـيــف=عـوق العــديـم لـيا حضر بالزحامي
مقــدم عــيــالٍ يـنــزلـون الاطـــاريف=منـزالهم بالخـوف والقـبس حامي
وغـيـد يقـلــط مـيــرهــن للـضـيـاييف=لاصكـت الـبـيــبــان دون الطـعامي
وزمل الطـوالـيـات جـنّـك مزاهــيـف=على جـنـاح الكـود يمشـن همامـي
نعـمـين بالعـصلان واولاد بن سـيـف=كـسّــايـة الـعـيـدان ريـش النعامـي
نطـعـن ونطعــن دون هاك الحناجيـف=سلـمـى ورمان ٍ وإجـا والعصامـي
عـيـنــيـك يارمّـان زيـن الهــفــاهـيـف=يامــا ذبحـنـا دونهــا مـن غـلامـي

وقد تعمد الشاعر عقلا الجهيلي ان تكون على قافية الهقاز في ظفره

وكأنه يقول انت مدحت اولاد علي بعد ظفره وكنت على حق وانا مدحت الان

عيال زوبع بعد الذي فعلوه في قمعه وانا على حق ايضا 000

لذلك تجد انه ركز بالمدح والثناء على الشيخ عدوان بن طواله الذي جعل الاشاده به

هي العمود الفقري لقصيدته 00

وهنا ياتي دور مبيريك التبيناوي ليرد على قصيدة الشيخ سعدون العواجي التي سبق

ان اوردتها في مطلع هذا الموضوع ومطلعها:


ياراكبن من عـنــدنا فــوق نـســاس=يشدى ظليمن جافلن من خمايل
فوقه صدوق الهرج قطاع الارماس=يدي عـلـومن كل ابوها صمايل


فقال مبيريك التبيناوي على هذه القافيه:



ياراكــبــن مـن عـنــدنا فـوق نـسـاس=عـفــو الـياما زل حمو القوايل
فـوقـه غــلام نـادر الـعــيــن هرماس=يدي لسـعــدونن علوم الصمايل
خمك عشيرك زبن وندات الافراس=زبـن الحـصـان اليا جذى بالدبايل
نـزه الشـوارب مايـقـرب للادنـاس=اقـبــل عـلى زمله من البطن صايل
وياما عزلكم مسلط قاسي الباس=عن الطرش والمظهور عزل العدايل
في راي اخو نوره شفاتي من الناس=اللي نقل غيضك ولا هو مسايل
خليت كـيـف الربع دلـه ومحـمـاس=ونجرن يداوي عن عماس القوايل
والـديـك خلي صوب مزبور الاطعاس=بالــدو ماحوله عـريـبـن يـسـايل
الكـيـف شـربـوه الـطـنـايا من الكاس=شـربـوه ربـعـي محـتـمـيـن الدبايل


هنا للمؤرخ اللبيب عدة وقفات في هذه القصيده وهي كالتالي:

1- هذه القصيده قيلت بعد قمعه لكونه ذكر ان ابن طواله جاء من البطن صايل

وهذا في قمعه 0 وكذلك ذكره في البيت قبل الاخير ( الاطعاس ) وهي قمعه لكونها

وقعت بالقرب من التيم في حين ان ظفره ليست في نفود كما هو معلوم 0

2- في البيت السادس ذكر مشاركة اخو نوره وهو ابن رشيد في هذه المعركه التي

وقعت عام 1243 للهجره ولم تكن مشاركته في ظفره التي وقعت قبلها بثلاث سنين

وبذلك تتضح الفتره التي غابها عن حايل عندما خرج منها خوفا من اميرها ابن علي

فقد خرج بعد المعركه التي كانت مشاركته سببا في زيادة الاحتقان والخلاف بينه وبين

امارة الجبل وكانت عودته عام 1250 بالاجماع فيكون غيابه سبع سنوات وبذلك تتضح

لنا الحسبه جيدا لكون عبيد بن رشيد اختفى عاما واحدا عند الغيثه وثلاثة اعوام مع الاسلم

وثلاثة اعوام مع عنزه ويكون المجموع سبعة اعوام00

3- ان الاختلاف سابقا بين قصيدة الهقاز والجهيلي كان بسبب ظن البعض انهما في ظفره

فيقال كيف هذا والجهيلي كان غائبا في الجزيره؟

واذا علمنا ان قصيدة الجهيلي كانت في قمعه بعد ظفره بثلاث سنوات وفهمنا سببها والدافع

لها تتضح الصوره ويزول الالتباس عن القصيدتين 00

4- كنت حائرا في قول الشاعر عقلا الجهيلي:



نعـمـين بالعـصلان واولاد بن سـيـف=كـسّــايـة الـعـيـدان ريـش النعامـي


لكون العمود وهم ( العصلان ) والخرصه وهم ( اولاد ابا سيف ) كانت غالبيتهم

في الشمال في ارض الجزيره مع الجربان لكونهم هم ثقل الجربان وبطانتهم القريبه

ولكن ورد في قصيدة مبيريك التبيناوي الاخرى ذكره لابن سلطان وهو فهد بن سلطان

بن مطلق الجربا في قول التبيناوي:




جتك الشيوخ اللي تعرف المصاريف=هداويه شخص الرمك صنع الاروام
يـتـلـون ابـن سلطـان راي وتصريف=ماسال عن كثر الخساير الـيــاقــام
خـيـالـنـا اللي مـوالـفـن للزعانيف=مـداوي سـقـامـن لـلـمـنـاعـيــر سـطـام
من جـيـتـه لديارنا جاء لهن عـيـف=مثل الحـبـاري من شـبـى الحـر خرام
مبري نحست الجوع في جية الضيف=خلا شرايـدكـم هجـيـجه الـيـا الشام


وبالرغم من كون الجربا خرج من قومه الى نجد بعد ان قتل احد الجربان ولجأ

الى نجد الا انه قد يكون خرج برفقته اناس من محبيه ومناصريه سواء من الخرصه

او العمود اضافة الى ان رحيلهم للجزيره لا يعني عدم بقاء احد منهم اطلاقا وربما

بقي منهم عوائل وان كانت الغالبيه العظمى قد رحلت للشمال 00


هذه قراءه متواضعه مني لتوضيح بعض مافهمته من تلك الاحداث وهو فهم قابل الخطأ

والصواب ولعل من لديه تعقيب او زيادة في التوضيح او ملاحظه ان يبديها لتتم الفائده

للجميع والسلام 000 حرره الراوي ابن غسلان في 7-4-1429 للهجره

[فواز الغسلان]

ياللي تعـبــت ولاعـبــرت شطوطك





ياللي تعـبـت ولا وصـلــت شـطـوطــك=وان زادت اشـواطـي تـزود اشـواطـك
ياما رضـيــت براحــتـــك وشــروطــك=اخــاف جــرحــك يالــغـــلا واحــبـاطـك
وطـالـت عـلـيـنـا ديرتـك وخــطــوطـك=وابعــدت عــنـا عــزبــتــك وقــشــاطـك
تعـبــت اطــارد لـعـبـتــك وخـيــــوطـك=وبانـت جــروح الــقــلـب من مخـبـاطـك
ولو شفت زولك قـسـمتي مااهــوطــك=وشـلــون تـدفــع لـي قــديــم اقــسـاطـك
اطلق سجـيـنــن يشـتـكي من سـوطـك=ومكـتـوف فــي سجــن الـعـنـى برباطـك
لو كـنــت تـسـفـط لي حلا مسـفــوطـك=مـاكــنــت قـــدامـي تـشـــيــل شــنــاطــك
وزدت العـنــاد بلـهـجــتــك وغـلــوطـك=وفي مـشـط مجـدول الـذهـب بامـشاطـك
ويـوم انــت قـــدامـي تـهــز جـنــوطـك=وشــابـطــت قـلــبــن مايـريــد شـبــاطـك
ان جـيــت مطـلاعــك بـديـت هـبــوطـك=تلـعــب عـلــى قــلـبــن غــدى مزقـاطـك
بـلاك ضــامــن مـنــــزلـك وقــلــــوطـك=وانـك بـوسـط الـبـيـض شـلـت انـواطـك
وقــامـت تـفـــلـل بالــوعـــود بـلــوطــك=وعـجــزت امـيـــز صـادقــك وخــراطـك
بـالـبــيــر تخــفــي عــدتــك ومـقــوطــك=وقــبـــال نـارك يخـــتـــفــي ملــقـــاطـك
يالـلـي عـلـى قـلـبـي حــفــرت نـقـوطـك=وشـفــطــت دم الــعــرق فــي شـفــاطـك
امنـع عن الخـافــق غــثـيــث شخـوطـك=وابـعـــد لـهـيـب الـسـوط مـن ضـبـاطـك
بانـت عـلـى وسـط الـضـمـيـر شـعـوطـك=واشـعــلــت نـاره مـن لـهــب شخــاطـك
والا قــطــعــنـا سهــلــتـــك وقــطــــوطـك=مـاحـــولـك الا كـحــلـــتـــك وبـســاطــك

[فواز الغسلان]

لاتجي بيت العنود ولا تمره




السلام عليكم ورحمة الله وبركاته

لــقد تفاجأت عندما قرأت ديوانا لأحد المعاصرين فوجدته قد نسب القصيدة المشهورة والتي

مطلعها :

لاتجي بيت العنود ولاتمره والحذر ياللي على عمرك تداري

نسبها للشاعر سعود العرافه وأن العنود هي أبنة عمه والصحيح أنها عبارة عن أربع قصائد

وردت كمساجلة بين كل من عباس أمين من أهالي الوجــه ومحمد الخميس البقعاوي

ومحمد الديري من عتيبة وأما العنود فهي بنت حطاب النصافي وكانت تسكن في قرية لينه

وجدته قد جمع من هذه القصائد عدة أبيات متفرقة ثم نسبها للمذكور والصحيح ماذكرت

واليكم القصة والقصائد .

في عام 1365هــ كان عباس أمين مدير مالية الدويد عندما كانت الدويد عاصمة الشمال

قبل انتقال الدوائر الحكومية للحدود الشمالية وكانت العنود قريبة من الدويد وتتصف بالجمال

الباهر وكان عباس معجبا بها فدخل عليه محمد الخميس ذات يوم وقال له عباس من أين اتيت

فقال ذهبت لأرى العنود فقال عباس :






لا تجي بيت العنـود ولاتمـره=والحذر ياللي على عمرك تداري
فر قلبي يوم شاف الزيـن فـره=فر طيرن شايفن جول الحبـاري
قلت عطني من ثمانك بس مـره=قال مايكسى العرا ثوب العواري
العنود سهيل والبيـض المجـره=فرقهن فرق الفتيل عن السواري



فأجابه محمد الخميس بالحال :





ليه يا عبـاس بيتـه مـا نمـره=كيف تنحى واحدن للزين سـاري
كنت اظن انك صديق وبك مبـره=ما دريت انك عدوا لـي مبـاري
الحيـا لـو انتحـا لازم نـمـره=وما قسم الله على المخلوق جاري
العنود سهيل والبيـض المجـره=بس يفرقها الزميـم والخـزاري
يوم لبست ثوبها الاحمـر ومـره=يا شبيهت مهرتن للشيخ ضـاري
مع سواد عيونهـا محـلاه غـره=مثل لون البـدر بايـام الغـداري
كم قلب موجـل قامـت تجـره=عرضتها الجال ودروب الخطاري



وعندما اشتهرت الابيات عند الناس غضب محمد الديري العتيبي على عباس لأنه

فضل العنود على جميع البنات فقال غاضبا :





العنود سهيل والبيـض المجـره=اخس ياعباس ماتدرى المـداري
انت يا عباس غادي فـي مغـره=قلت قولن مانت عن قصياه داري
تحسب الدعوى على قانون حره=وانت معك الفين ورادن مبـاري
يمكن انك ذايقـن منهـم مبـره=من طرف لازمك تمدحها جهاري
يذكرون العيش بهدومك تصـره=يمها شافوك بالبخشيـش سـاري
حالفن ما اتركك يا عباس مـره=لين تابس مثل دغلوب الخبـاري
ما ظلمتك بس انا جيتـك بجـره=والعرب بسلومها تتلي الأثـاري



فقال عباس امين لمحمد الخميس جاوب عني واعطيك اجازة شهرين تذهب الى اهلك لبقعاء

فقال محمد الخميس ردا على محمد الديري :





تو ماهب الهـوى والعيـن قـره=واستراح القلب من كثر الهـذاري
يـوم بـان الــهـرج للــفـزاع ذره=تو هذي بـه يـدور لـه مبـاري
فزعة الديري مثل غزو الصفـره=تو يكرب محزمه عقب القطـاري
يذكر انه موقفـن بالشعـر مـره=والرخم سلطان في وسط الصباري
جنب الديبان واترك عنـك شـره=ياردي الفود وش لك بالخطـاري
لو تحصل مثلها ما صمـت غـره=كان تسري بالظـلام وبالقمـاري



وكما ترون فأسماء أصحاب القصائد مذكورين فيها ولامجال لأنتحالها

وبالله التوفيق



اخوكم فواز الغسلان

الراوي

[فواز الغسلان]

يقول الراوي اللي سار جزل القاف في طوعه





يقول الراوي اللي سار جـزل القاف في طـوعه=تقول انه على نبـع القوافي تسجـع اوتاره
دواوين العرب كـنـه بوسـط الصدر مطبوعه=وتشهد له رجال الصدق في عـبـده وسنجاره
زهور القاف في روضة ضميره تقل مزروعه=واذا دارت دوالـيـب القوافي يلـقط اثماره
يحـوز مـن القوافي ساس نـبـع القاف وفروعه=وجاشه ضاري(ن)وسـط البحور الهوج واخطاره
قوافي ضامرن خـالـف كـثـيـر الـنـاس بطـبـوعه=ولا يـبـنـي على تـقـيـيــم نـاسـن بالـعـرب غاره
ظعونه مامـشـت تـتـلـي هـزيل الحـرف ونجوعه=واذا عـطـشـت حروف القـوم جاشـه يفجر انهاره
عقب ماشاف شعر الناس ضمـن شراه وبـيـوعه=وهذا هو سبب قـلـة حـلاه وطـيحـة اسعاره
يشوف اللي نظـم بيـتـيـن والقيفان مصروعه=يعاند من غدى مـنجـم جواهرها وبيطـاره
يحـسب الشعـر عـسـر القاف مهما ضاع منفوعه=وقافن بايخن مـعـناه قافن طاح مـقـداره
وطول الـقاف مايـشـفع لشعرن ضاع موضوعه=اذا ماكان يـبـدع مـن فـنونه شـان تكراره
كثير من العرب صارت بقـولـة عـاش مخـدوعه=لانه شـاور اللي بالـعرب ماتصدق اشواره
وترى القيفان ماتكـسـر رجـالـن دوم مرفوعه=ولا ترفـع ردي الناس مـهـما زاد ديناره
لك الله لو حروف المدح والـشعار مجـمـوعه=فلا تقدر تغطي ضوح شـمـس القـيـظ وانواره
كريم النفس مـهـما قـيل يبقى طـايلن بوعـه=وراع الطيب مايهـفـيه عــج الصيف وغباره
وترى اللي يهـفـي المخلوق ذل النـفس وخـضوعه=وقول الشعر عـنـد اللي يـتـابـع صوت مزماره
حلا القيفان لاصارت بنار الـضـيـم مدفوعه=وتـنـبـع من عروقن فـات لـه عامين منهاره
يقول الشعر من يرجف خـفـوقه زايدن روعه=وخايف من زعل حاكم وقاله يـشـرح اعـذاره
او اللي ضاق بهروجـن بكـذب الناس مـشـفوعه=يبي يكشف لخـلق الله ردات الكذب واضراره
او اللي مات له غالي مـن الـدانـيـن بربوعه=حزيـنن لاطرى زوله يهـيـض الجاش باشعاره
او اللي حالته مـثـلي قضى لـيـلـه على كوعه=سـبـايـب عـندلن وسط الضماير تلـتـهـب ناره
هنوفن في ربيع الـعـمـر سوداء عين مربوعه=عـيـون الريم وخـدوده بـيـاضه تقل جـماره
خذت عقلي وحـطـت في خفوق اهل الهوى لوعه=ولا ادري وش سـبب غـيـبة علوم الزين واخباره
اراجي شوفته حـزة غـياب الشمس وطـلـوعه=الا واجرح مـن يشكي هـمـوم الغـبـن بدياره
جحيم النار في روحن بهجـر الـولف مـفجـوعه=تنام الـنـاس وهجـوسي بوسـط الصدر محـتاره
بروحي جمرتن تمـنـع رقـود العين وهجـوعه=مع ان الياس غامـرنـي مـن الغـالي ومـسياره
طفت عقبه مصابيح الحـشـى والروح وشـمـوعه=وشـفـت النار في قـلـبن شكى مـن قلة انصاره
اصيح وصيحـتـي ماهي لراع الطيب مـسـموعه=زمانن صار جار الـبـيـت يجهل وش بلاء جاره
واخبر الجار مايـشـبع وجاره يـشـتـكي جوعه=وهذا طـبـع مـن يتـبـع كرام الناس وخياره
هموم الناس في مـالـه وطـيـب انـتاج مـشـروعه=ولا هـمـه قريـبـن صاح يشكي حر مسماره
واذا صارت خصال الـطـيب بين الناس مـقـطوعه=فلا تصبر بـدار الظـلـم والحاسـد ومنـشاره
ترى الارزاق من دار الحسد والـظـلـم مـنزوعه=ورزقك من كفوف اللي يغـيـث الـقـاع بامطـاره

[فواز الغسلان]

(( قصيدة الراوي ابن غسلان بالشيخ فهد بن ثنيان ))


بعد توفيق الله تعالى اولا وآخرا ثم بمواقف الشيخ/فهد بن عبيد بن ثنيان

شيخ الزميل من شمر تم دفع مبلغ سبعة ملايين ريال لصاحب الديه ليخرج

احد شباب الزميل من سجن دام تسع سنوات محكوم عليه بالقصاص 00

وقد كفلها امام الشرع الشيخ فهد بن ثنيان وقام بجمعها من وجهاء القبيله

وفاعلي الخير في العديد من القبائل ليسجل الشيخ فهد موقفا رائعا ليس بغريب

عليه ولكن من يرتكي للحمل الثقيل قليل لتنبع القوافي وتزدهر بمن يستحق00




قال الاديـب اللي سكن وسـط حـايل=وكـنـه سكن بقـصـور لـنـدن وباريس
ماصـاغ قـافـه بالـقـلـوب الـهـبـايل=الـلـي عـن الـشــدات دايـم نـواسـيـس
صاغه بـمـن شال الحـمول الـثـقـايل=شـيخ الجـمـوع محـضبـيـن المـتـاريس
(فهد) سـلـيـل (عـبـيـد) راع الجـمـايل=شـيخن بوقت الضيق حاز الـنـوامــيـس
من طيب (بايـق) له دروس ورسايل=كـرس دروس اهــل الطــويـلات تكريس
وله فـي (ثـنـيـان) الـمـعـزه شـمـايل=(ودهـيـثـم)الـلـي درس الـطـيــب تـدريس
ومن طيب (مقبل) له ظـعـون وظلايل=ريـف الـدخـيـل اللي يخـاف الحـواسيس
وعقبه (ودي) مجـيـر حوض الثـمايل=ولاهـاب في جـاره هـروج الـنــواديس
وبه من (سهـيـل) بوقت قدح الفـتايل=ودوجـة طـواريـف الـمـعـادي عـواسـيس
وبعـروق (عـبـدالله) عـزيـز الـنــزايل=راحـة خـفـوقــن تـبـتـلـيـه الـهـواجـيـس
ويركز بصلب (زمـيل) زيـن الفعايل=و(بمـحـمــد الـحـارث)كـريـم الـمـغـاريس
مـن بطن (سنجاره) عـنـود الـمـسايل=بـنـت (الفضول)مـطـوعـيـن الـمـلابـيس
اخـت(ن)(لـسـلـقـاء) والدة نسل وايل=الـلــي يـخـلــون الـعــوادي مـخــالـيــس
نسـل (الـمـهـلـهـل) والـسـيـوف النحايل=(لـنـبـهـان) من مرذين حـمـر العراميس
وفـي (قـيـس بن شـمــر) نـبــوع ونهايل=فـعــايله بالـطـيــب مـاهـي دواريـس
ولــه مـن (سـلامان) المـعــزه مكـايل= مـايخـتـلــف عـنـهــم بـكـل الـمـقــايـيـس
نقوة (عـمـرو) راع الطبوع السهايل=ريف الهجـاف المتـعـبــات المـعـامـيس
هـامة (ثـعـل) فـوق المـهـار الاصايل=وفـي (طـي) نـوره مـثــل نـور الـفــوانيس
وياصل ضـنـى (كـهـلان) زمـل المشايل=ويلفي (سبأ) قـطـاع روس الجـواسـيس
وله في بـنـي (يشجب) فـعول ودلايل=ولـه فـي بـنـي (يـعـرب) قـواعـد وتاسـيـس
صفـوة ظـهــر (قـحطـان) ساس وسلايل=مـاجــاه بـعــروقــه شــراكـه وتـجـنـيـس
اصـل تـسـلـسـل بالـوقـوت الاوايل=مـافــيــه لاهـل الـعـرف كـذبـن وتـدلـيـس
صافي مثل هـمـلـول مـزن المخايل=واوضح مـن الـمـعـرس بحـفـل المعاريس
شـيـخـن ولـد شـيـخـن لـقـوم وقبايل=لاولاد الازمــل بالـسـيــوف الـمــواريـس
الـلـي فـعـولـه بالـمــعــادي جـلايـل=ياطــون حـيــضـان الـمــنــايـا كـراديـس
ياشــيــخ ياكـســاب كـل الـنــفـــايـل=يالـشــهــم يافــكــاك قــيــد الـمـحـابـيـس
سـبعة ملايـيـن(ن)على المـتـن شايل=لا هـابـهــا نـسـل الـعــفـون الـمـهـالـيـس
يالـذخـر لا جـتـنـا العـلـوم الصمايل=وهــذي عــوايـد مـحـرقـيـن المـحـامـيـس
سـتـر الـعـذارى ناقـضـات الجـدايل=ومـركـى الرجال اللي بلـتـهـا الـوسـاويس
كم واحـدن بالـقــيــد ذاق الـنـكـايـل=وامـه قـضـت لــيــلـه دمــوع وكـوابـيــس
دمـعـه غـدى مـن قـبـة الراس سـايل=كــنــه تـقــلـب فــوق روس الــدبـابـيــس
وجاهـا الـعـقاب اللي يـهـوم الطوايل=مـزبـان شـمــر بالـوقــوت الـمــنـاحـيـس
وقال ابـشـري يابـنـت خـيـر العوايل=لـو يـطـلـبـون عـداد رمـل الـطــعـامـيـس
والـلـه فـلا تصـلاك شـمـس الـقـوايل=وراسـي يـمــيــل بـذاريـات الـنــسـانـيـس
شيخة عرب مـثـل الـنجـوم الـشـعايل=مـاهــي خـتــومــن حـبـرهـا بالـقـراطيـس
افـعـال عـز ومـجـد مـاهـي هـمــايـل=ولاهــي هــروج مـطـارديـن الـجـوامـيـس
وغـاص البحور وشاف فيها الهـوايل=ولاهــاب فـي دربــه عــقــود ولـوالــيــس
وحـامـى عـلـى فـكــه بـكـل الـوسايل=ضـد الـمــثــاري والـمــعــاديـن وابـلـيـس
لـيـن اسـتـوى دربـن مـن العام مـايـل=وكـتــم هــروج اهـل الـوجـيـه المـفـاليـس
وسـارت ركـابـن قـبـل شـوفـه هزايل=وجـاب الـسـعــاده لـلـعــيــون الـنـواعـيـس
مـواقــفــن تـبـري كــبــودن غــلايـل=وتـودع حـواســيــد الـمـراجـل مـضـاريـس
وقـامـوا مـعـه ربـعـي كرام الـسـبايل=الـلــي لـنــيـــران الــمــعــزه مــقــابـيــس
اهـل الـكـفـوف الـوافــيـات الجـزايـل=الـلـي عـلـى فــزعــاتـهـا تـنــثــر الـكـيـس
يامـدرك الـطــولات واف الـخــصـايل=مـن مـاكـرن يـجــمــع حــرار وقـرانـيـــس
ياعـلــنــا بـك مــانـشــوف الــبـــدايـل=يافـارض الـهـيــبــه بـقـلــب الـمــدابـيــس
بالـطـيــب لـيـنـك مـثــل لـيـن الخمايل=وجـلــدك عـلـى الـشـده حـديـد الـملامـيـس
خـيـلـك بـحـاجـات الـجـمـاعـه صـهايل=مـاهــي نـجــاوي هــرج والا مــهــامــيـس
كـم قـالــة(ن)جـيـتـه بـمـمـشـاك صـايل=غــيــر الـتـعـب والـفـعـل خـلـف الكواليس
حـلـيــاك مـالــه فـي وقــوتــك مــثــايل=بـيــن الـشـيــوخ الـلـي عــددهـم مكـاديـس
الا بــنــي وايـــل جـــزال الـــنـــوايـل=ومــشــايـخ الـهــيـــلا حــمــاة الـكـراديـس
يـفـداك مـن حـاز الـردى والــفــشــايـل=الـلـي عــن الــشـــده زبـن بالــدواعــيــس
الـطـيــب يـبـقـى وآخـر الـعــمــر زايل=وتـبـقـى فـعـولـك مثل قـيـس(ن)وابن قـيس
تاريـخ شـيـخــن مـن رفــاع الـحـمــايـل=شوامـخ(ن)مـثـل الـضـيــاغــم وبلـقــيــس

[فواز الغسلان]

((قصيدة ابن عرفج في كون بقعاء ترد على الخطيب))


محمد العلي العرفج شيخ كبير في السن وهو من مشاهير اهالي بريده

والعرفج من بني تميم وهو مذكور ضمن الاربعين فارسا وشاعرا في

قصيدة الهربيد الشهيره 0 وقالها بعد معركة(بقعاء) عام 1257 للهجره

والتي كان اهل الباديه في جيش اهل القصيم هم سبب الهزيمه وذلك

بسبب هروبهم من المعركه عندما شهدوا قوة الخصم مع الامير ابن

رشيد قائد شمر واهالي حائل ومن معهم في تلك المعركه الشهيره وقالها

يتأسف على قتلى اهالي القصيم في تلك الحرب ويحاول رفع عزيمتهم

وهممهم للأخذ بالثأر لمقتل شيخهم وهي من نوادر الشعر وتحتوي على

مفردات نبطيه بحته سوف نشرحها للفائده واليكم القصيده:



آه مـن هـم(ن) يـكـــسّــر بالـــظــلــوع=داويٍ بالـقــلــب يامـشكـاي جـاش
مـن لـعــيــن ٍ حـاربــت لــذ الهـجـوع=مـاتـذوق الـنـوم لـو زان الـفــراش
غــارت الـدنـيــا وجـتــنـا بالـفـجـوع=وسّـطـت مـضـرابهـا مـاجـاء نـواش
جــت عـلـى حــد الـعـلامـه زود بـوع=فـي ثـمـرة الـقـلـب مـاخـلّــت بهـاش
مـن تـدابـيــره صـمـاصـيــم الــدروع=خـيـلهم عـقب السهل تـاطـا العـفـاش
مـاقـسـم والـي الـقــدر مـالـه مــنـوع=وماكـتــب بالـلــوح مـاعـنـه انحـيـاش
صار حـكـم اللي عـبـيـده له اخـضـوع=عـالـم الـنـجـوى ولا عـنـه اخـتـفـاش
يامـنجـي الـسفـن مـن غــب الـطـبـوع=لا تـنـجـي مـن على المـنـقـود عـاش
إف يـا قــومـن يـبــارون الــنـجـــوع=رايـهـم مـع بدوهــم واصبح عــلاش
خـص (000000) والـبــوم الطـقــوع=بـدلـــو ذاك الـمـنـافــش بإنـفـشــاش
ركــب ابو سـره على الصفرا اللـمـوع=قـال يـالـقــصـمـان مـافــيـهـا مـهـاش
قــال خـفّـــو ربعـــكـم راحـــو مـنــوع=هـيــه يالـقــصـمـان مـامـنـهــم بقـاش
أدبـحــت شـيـخـــانـهــم مـابـه ارجــوع=مـا بـهــم مــن رد لـلـســاقـه وهــاش
فـي اركـــونـه مـثـل بـراق الـلـــمـــوع=والـغـلـب والهـنـد والمـيـدان طـاش
خـلّـيــت شـيـخـانهــم طـرحـا اصـروع=ذبّـحــوهــم مـثـل تذبـيــح الكـبــاش
واقـبــلــوا (شـمـر) يجّـــرون الـفــزوع=مـثـل صـولات الـدبـاء لاجـاء يحـاش
مـشـهـريـنـن فــوق حـسـنـات الـطـبـوع=في نهار من بـغـى الـشـوشـات شـاش
مــردفــيــن كـل عــســـلــوج فــــروع=كـنهـن وصف المـها بـيـض(ن)نشـاش
ردوا الــفــتـــنــه لــزيـنــات الـقــمــوع=وردّوهـــن وردة الـــذود الـعــطـاش
زهـبـوا دهــم الـفـرنـجـي عـقــب جـوع=واشـبـعــو فـيـنـا طـويـلات الحـنـاش
اودعـو فـرســانـنـا جـضـعــى جـضــوع=وخـيـلنا عـقـب السهل تاطـى عـفـاش
وذبّـحـــو فـرســانـنـــا ذبــح الــتــبـــوع=مـثـل يوم الـنحـر بأرقـاب الكـبـاش
ســربـة (الصايـح) يـلــفّـــون الــمــنــوع=مار عــيّــت سـربـة تلـبــس قـمـاش
ذيـك حـفــتـهـا والاخــرى فـي الضـلـوع=وكـم صبيٍ قـلّــتـه راحـت طـشــاش
ذا وفــي قــلـــبــي من الــفــرقـا صـدوع=تحـسـبــون الـشيخ مهـفـيـنـه بـلاش
آه واويـــلاه ذا ســــابــــع اســــبـــوع=لا تــبـــيــن عـلــم ولا عــنــي خـفـاش
افــزعــوا للـشـيـخ فـي حـدم الجــمـوع=واظـهــروه بحـــد بـســـلات الـنـمـاش
كـيــف عـقــب الشـيـخ واجواد الربـوع=تـشـربون الـمـاء ولو صرتوا اعـطـاش
كـيـف عـقــب اللي بكم لـطـف(ن)وروع=تاكـلـــون الـــزاد لـــوزان الـمــعــاش
او تحـسـبـون الـتـفــاخـر فــي الـزروع=او تـصاريـف الـــذهـب هـو والـقـمـاش
الـتـفــاخـر خـضّــبــو حـــد الـقــطــوع=لا تـحـســبــونـه تـبـي تـصـفــي بـلاش
يقــتــضــون بـكـل هـــنــدي(ن) لــمـوع=عن صدا المكـنـون يـجـلـون الـغـشـاش
الــتـحّــطــم والـــتــلّــطـــم والــدمــوع=لـلـحـــريـم ومــثــلـهــن ذاك الـخـشـاش

ولو تابعنا ابيات القصيده سنجد الكثير من الكلمات التي لن يفهمها

الشباب خاصه لقلة استخدامها في وقتنا الحالي مثل:

1-ماجاء نواش اي ان الاصابه لم تنوش القلب نواش وهو اللمس

الخفيف او مع الاطراف ومثله قول الخلاوي:

احلى من اللي ينقر الطير راسه000ينوشه من بين الجريد نواش

يقصد التمره في بداية وقت نضوجها والطير له فراسه عجيبه في اختيار

التمره لذلك تجد ان اللي اتاها العصفور لذيذة الطعم اكثر من غيرها0

2-صماصيم الدروع اي ابطالها الذين تعودوا على لبسها بسبب كثرة

خوضهم للحروب 0 والعفاش هي الارض الوعره عكس المنبسطه والسهله

3-الانحياش هو الهروب فيقال انحاش اي هرب0 وقوله اختفاش هي كلمه

بمعنى اختفى شي فتم تخفيف شي الى آش وشبكت ببعضها وهي كثيرة

الورود بهذا الشكل في القصيده00

4- النجوع هي البدوان مع بيوتهم وماشيتهم اثناء رحيلهم ويقال نجع

عرب فلان اي رحلوا عن مكانهم0 وعلاش اي على لا شي وهي اختصار

كما سبق ان شرحنا00

5- المنافش اي الذي ينفش ريشه وينفخ روحه بالكلام في اوقات الرخى

وقوله انفشاش اي انه نفخ نفسه بوقت الفراغ وعند الجد حصل له تنسيم

بسبب كثرة خوفه وضعف قلبه الجبان00

6-الصفراء اللموع هي الفرس وهذا احد الوانها 0 ومهاش اي ليس فيها

امكانيه للهوش والانقضاض على الاعداء بسبب قوة الخصم وامتلاكه ساحة

المعركه فلامجال للكر والفر فيها00

7-بقاش اي بقي شي بمعنى لم يبقى منها شي 0 طاش اي مرة يصيب ومرة

يخطي بسبب ضعف تدريب الفارس وهنا طاش بمعنى ارتفع وظهر عاليا

وهو تعبير عن كثرة الضرب والطعن بين الطرفين حتى اصبحت ترى السيوف

عاليا في الهواء لكثرتها00

8- الدباء هو صغير الجراد ويحاش اي يجمعونه بالصياح من هنا وهناك حتى يكون

نزوله على الشجره مجتمعا غير متفرق ليكون اسهل لصيده واكثر عددا 00

الشوشات هو الارتفاع عاليا من تمجيد الناس ونخواهم فيقال اذا مدحت فلان بالشعر

يشوش اي يفقد صوابه ويدخل في مواطن الخطر دون خوف من قوة عزيمته00

9- العسلوج الفروع هي البنت في بداية شبابها اذا رمت القناع لتشجيع الفرسان

قال شليويح العطاوي العتيبي:

يالعنبوا من رد عن محرافها0000يوم انجلى الستر عن مضاوي

والنشاش هي البنت النحيله عكس السمينه فيقال عودها نشاش وهي من الصفات

الجميله في البنت00

10-زينات القموع هي البواريد لكون الرصاصه يوجد في اسفلها مكان الملح الذي

تقمعه الابره فيقتدح شراره تشعل البارود وتكون سبب ثورانها ويقال له قمع وجمعه

قموع 0 دهم الفرنجي هي البواريد 0 زهبوهن اي وضعوا فيهن الرصاص 0

طويلات الحناش هي السيوف الطويله ويقال لها ذلك لكون حد السيف مخيف ومكروه

مثل الخوف من الحنيش وهو الثعبان ومثل خطره وشدة قتله 00

11- التبوع هي جمع تبع وهو العجل الصغير الذي لايزال يتبع امه 0 وقوله الصايح

هم زوبع والاسلم 0 والسربة اللي لبسها قماش يقصد الرشيد 0 لكون الرشيد رفضوا

المنع وهو ضمان حياة الرجل ودخوله في وجه وحماية احد الفرسان من خصومه0

وقد حدث بها نقاش بينهم قبل المعركه فالصايح قالوا هذي عادات نسير عليها وهي

المنع فقال ابن رشيد هذا اذا جيناهم ببلادهم واما وهم الذين صالوا علينا في ديارنا

فلا يسمح بالمنع لاحد 00 وقوله قماش لكون الامراء يلبسون الفاخر من الاقمشه00


ذيـك حـفــتـهـا والاخــرى فـي الضـلـوع=وكـم صبيٍ قـلّــتـه راحـت طـشــاش

اي ضربه حفت الظلوع اي لم تتوسط منها والضربه الثانيه توسطت منها واصابتها

وهي اشاره لكثرة الطعنات فهذه في الجنب وهذه في الوسط وكأنه يقول لم تترك في

الجسد مكانا الا واصابته 00 وقلته اي شالته الى اعلى فيقول الرجل عندما يشرح

هوشه يقول وهو يقله اي يرفعه للاعلى وهي كناية على قوة الاصابه وتمكنها من الهدف

بشكل قاتل 00

12- مهفينه اي مرخصين دمه والهافي هو الرخيص من الاشياء وهو هنا يقول ان دم

الشيخ لايمكن ان يضيع هدرا بسهوله ورخص وهو يقصد ابوصالح الذي ذكره عبيد

بن رشيد بقوله:

ذبحت ابوصالح سعوط المجانين000وخليت دم الشيخ بالقاع سايل

وابوصالح هو يحي ابن سليم امير عنيزه رحمه الله00

13- آه واويـــلاه ذا ســــابــــع اســــبـــوع=لا تــبـــيــن عـلــم ولا عــنــي خـفـاش

هنا روايه قويه ويشهد لها هذا البيت وهو ان الجيش عندما ذهب من القصيم لحائل

وبعد مرور شهرين الا اسبوع وقبل ورود الاخبار للقصيم رأى ابن عرفج احداث

المعركه في المنام وهو طاعن في السن ولذلك قال ( لاتبين علم) اي مابان علم عنهم

(ولا عني خفاش) مع انه لم يخفى علي شي من احداث المعركه لكوني رايتها في المنام

وهذه رواية اكثر الرواة من كبار السن الذين سمعتها منهم 00

وقوله لطف وروع اي كيف تنسونه وهو لطيف في معاملتكم والوروع اي متورع فلايظلم

منكم احد لخوفه من الله00

14- التحطم اي الانهيار من شدة الحزن والتلطم اي لطم الوجوه من هول الفاجعه فهذه

الصفات من صفات النساء والخشاش من الرجال اي حثالة الرجال واراذلهم الذين يفعلون

افعال النساء بسبب ضعفهم واما الرجال فيصبرون ويتحملون ويفكرون في اخذ الثار

من خصومهم 000 وهذا دليل على قوة هذا الشاعر وحكمته وشجاعته رحمه الله00

ومن فوائد هذه القصيده انها تبطل وترد على الابيات المنسوبه للخطيب راعي الرس

وتدل على انها قيلت بعد تلك الواقعه بوقت طويل من شخص لم يكن مطلعا على المعركه

وظروفها بشكل جيد والتي منها:



انا احمد اللي شدت العشر عشرين=واهل القصيم اطفو معاميل حايل
ابطو يحسبون الـبـطـا يغـدي الدين=والدين مثل الـوسـم بـيـن القبايل
ولا اسبكم يالي على الحرب قاسين=مـير الطغى قطع ايدين الاصايل
ويالي ذبحت بشقرة السيف تسعـيـن=ياعـنـك فـيـهـا مـاكسبـت النفايل
ذبحـت ناس لـهـم يومـيـن مـضميـن=مـن الـضـمـى قد قلصن الصمايل
ونبي نجـيـب الفاس ونقطع الـغـيـن=ونذكره عصر(ن) مضى بالاوائل


فقوله ذبحت ناس لهم يومين مضمين وفي روايه ميتين فلم ارى وجها مقبولا

لمثل هذا الكلام لانهم فسروه كالتالي:

1-منهم من قال انهم قبل المعركه كانوا عطاشا لمدة يومين 0 وهذا الزعم باطل

لكونهم كانوا على بقعاء وهي مليئه بالابار ومعروفه بغزارة المياه0 وابن رشيد

كان معسكره في الخاصره غرب بقعاء حوالي 35 كيلو متر وهو الذي هاجمهم

على بقعاء0

2- هناك من قال ان المصابين اتاهم ابن رشيد بعد يومين وهم عطشى ومن طلب

الماء قتله ابن رشيد 0 والمصاب لايمكن ان يعيش يومين في واهج القيظ بل ان

الشخص غير المصاب نادرا مايعيش يومين وهو في الشمس بلا ماء00

ثم كيف يقول الشاعر ان اهل القصيم اطفوا معاميل حايل طالما ان سير المعركه

كما ذكرها العرفجي تدل على انه لم يكن هناك مجال لاهل القصيم في المقاومه0

ولو قيل انها بعد معركة بقعاء نظرا لقوله(ابطوا يحسبون البطى)فماهي هذه

المعركه؟ طالما ان الجميع يعلم انه بعد بقعاء بثلاث سنوات حدثت معركة عنيزه

التي قتل فيها عبيد بن رشيد امير عنيزه عبدالله بن سليم بسبب صيحة الاسلميه

الشهيره وكان اول انتصار لاهل القصيم في موقعة الطرفيه الثانيه عام 1226 للهجره

مع الامام ابن سعود ضد سلطان بن حمود العبيد الرشيد ايام ضعف امارة الرشيد خلال

ثلاث سنوات تتوسط مقتل الجنازه وامارة ابنه سعود ابوخشم 00

فلو قيل ان القصيده قيلت في هذه المناسبه فيقال لماذا يخاطب فيها عبيد الرشيد

الذي كان وقتها قد مضى على موته اربعين عام ولماذا وضع القصيده على قافية

قصيدة عبيد الرشيد؟

ولو قيل ان القصيده قيلت عندما اغار عبدالله بن سليم على دبش طوارف شمر

وقطع نخيل ابن جلعود راعي سميراء وعندما علم عبيد بن رشيد قام يتوعده قائلا:



يابن سليم ان كان غرتوا بالاطراف=ماتـنـتـفـع بالـطـهـبـلـه والـتـداهير
خذيت من زرع ابن جلعود مـنساف=ومن البقر رحتوا بعجل على ضير
ولو تذبحون من البقر عـشـرة الاف=ماهـن لـمـوتـاكـم يـبــدن خـواويـر
بحق من امـره عـلـى النون والكاف=الخـالـق الـلـي يـعـلم الشر والخير
يرميك وركابك عن الـمـشـي وقـاف=مايهزمـنـك مـهـزلاتـن مـقـاصـيـر
وألقاك فوق شـمـرة(ن)توهف ايهاف=قـدام جـمـع(ن)مايـهـاب الطـوابير


فهذه الحادثه لايقال عنها انها اطفت معاميل حايل لانها حيافه سريعه استهدفت

الحلال فقط وليس فيها قتال او قتلى 00

وبالجمله فلا ارى اي وجه للقصيدة المنسوبه للخطيب راعي الرس لانها لاتتفق

مع مجريات الاحداث على ارض الواقع بعد المعركه000 واعتقد انها مكذوبه

بعد ذلك الوقت بزمن طويل لاسيما ان الشعراء في ذلك الوقت لايمكن ان يكذبوا

او يقولوا شيئا غير صحيحا واكبر دليل قصيدة محمد العلي العرفج التي شرحناها

وكذلك قصيدة نورة العرفج التي قالت:




راكبن من عـنـدنـا فـوق مـامـونـه=من هجاهـيـج النظا شبـرها وافي
كن شرطان الذهب شـذرة عـيـونه=او خلاص الكير كان انت عرافي
تقطع اليومين بـيـومـن على هونه=تطوي الممشى تقل طوي خصافي
كون بقعاء يامـلا كـيـف تـنـسـونـه=مايـغـطـى جـرح الايـام بـلـحـافي
واحـسـايـف عـنـدكـم كـم مـزيـونه=من غلا رجله خـروعـن وميلافي
بـدلـوا لـه مـقـعـد الـعـز بـمـهـونه=سايـقـن بـيـن الـمـعـاويـد سـلافي
كـيـف ابـوصـالـح على الطول تنسونه=ديـنـوه عـبـيـد والرب يستافي


وقد شرحت ذلك لاحد الباحثين في التاريخ من الاصدقاء في بريده عندما

استشهد بهذه الابيات واخبرته انها لاتوافق مجرى الاحداث وليس لها شاهد

على ارض الواقع00

واما مارواه ابن بشر في تاريخ نجد عن كيفية مقتل ابوصالح وانه كان صبرا

فأكبر دليل على تخبط ابن بشر انه ذكر ان قاتله هو عبدالله بن رشيد والواقع

انه عبيد كما يفتخر بذلك في قصيدته الشهيره00

ويوجد في بقعاء الان بقايا روشن قديم متهدم الجوانب وقد تواترت الروايه

لدى شيباننا عن اجدادنا ان ابوصالح صعد فوق هذا الروشن وساوم عبيد

بن رشيد على نفسه حتى قال اشتري نفسي بخمسة اصواع ذهب فقال عبيد

مدامك تملك خمسة اصواع ذهب ليش ما اغنتك عن ديرتي فقام بقتله0

فهو لاذ بالروشن هاربا ومختفيا عندما بانت الهزيمه وليس كما يقول ابن بشر

انه اعطي الامان من ابن رشيد وبذلك يكون ابن رشيد قد غدر به بعد الامان

والعهد 0 وابن بشر نفسه غير مستأمن على الاخبار في كل القبائل ويكفي انه

يكفر ويخرج من الاسلام كل من لم يطع أئمة الدولتين السعوديه الاولى والثانيه

فمثلا هو يقول:إبن بشر في كتابه عنوان المجد في تاريخ أهل نجد صفحة 133 من أحداث

السنة 1195هـ بعد معركة كير :

وفيها اجتمع قبائل الظفير وغيرهم على محسن بن حلاف رئيس السعيد وقبيلته ،

ودهام أبا ذراع وقبيلته الصمدة وغيرهم الجميع سبعة آلالاف ، ونزلوا على مبايض

الماء المعروف بمجول قرب سدير فسار سعود إليهم بالجنود المنصورة من

الحاضرة والبادية ، فلما أشرفعليهم استكثرهم فرجع إلى أرض بلد تمير في طرف مجزل ،

وإستنفر أهل سدير ركبانا ومشاة ، فنفروا إليه مسرعين نازل تلك العربان على مائهم

وتقاتلوا قتالا ً شديدا ً ، ثم أدال الله المسلمين عليهم فانهزم جميع تك البوادي وولوا مدبرين ،

فنم منهم المسلمون غنائم عظيمة ، وإستأصل سعود أكثر أموالهم وحازها فاغنام

نحو سبعة عشر ألفا ، وابل خمسة ألالاف ومن الخيل خمسة عشر فرسا ،

فهذا تكفير صريح واخراج من ملة الاسلام عندما يقتصر بصفة المسلمين على

جيش الامام سعود 000

وهو بذلك تابع لشيخه ابن غنام الذي يقول:


في صفحة 154 من أحداث سنة 1195هـ بعد معركة كير في نفس السنة :

وفيها سار سعود بالمسلمين يريد الغارة على أعراب من الظفير وعنزة ،

كانوا مقيمين على مبايض ماء بمجزل قرب سدير000 فهو جعل عنزه والظفير

غير مسلمين لانه اقتصر بكلمة المسلمين على الامام سعود وجيشه00

وامثال ذلك كثير ومتواتر في كتابيهما ولذلك لايمكن ان نقبل رواية عنا من شخص

يرى تكفيرنا وخروجنا من دائرة الاسلام0 وقد قالوا نفس هذا الوصف عن شمر في

ذكر معركة العدوه فنعوذ بالله من مزالق الشيطان ومواطن الفتن000

حرره الراوي ابن غسلان في 20-5-1429 للهجره

[فواز الغسلان]

دارنا يادار الاجواد ياريف الضعيف





قال من شال الـقــوافـي وقـافـه مايـحـيف=في ديار(ن)تطرب الروح عـقب سهاجها
دارنـا يــادار الاجــواد يـاريف الـضـعـيـف=والصخى بكـفـوف حـاتـم غـدى مـنـهـاجها
من بحر يـنـبع لــجـازان لـحـدود الـقــطيف=لـلـــقــــرايـا ثـــــم سـلـــوى لــحــد افــلاجها
في حضور جبال حايل ونسناس الـمصيف=تــربــح سـبــاق الــمـدايـن وتـلـبـس تـاجها
ياديار(ن)للـخـلايق غـدت مثل الـمضيف=من كـفــوف(ن)بـالـمـكـارم مـثـل هداجها
ياديار(ن)ترهب الخصم بالسيف الرهيف=لـيـن يـشـكـي جـرح سـيـفه وكـثر ازعاجها
من سباع(ن)ساعة الكون شلفاها تـخيف=كـنــهــا فــوق الـكـواكـب تـشـيـد ابــراجها
ديرة(ن)عاشت دهوره على الدين الحنيف=يـاديــــار(ن)لـلـمـســاجـد تـسـيـر افــواجها
بالمناير يـسـجـع الـديـن والـذكــر الـشـريف=في حـوامـيــم الـمـصـاحـف وفـي مـعـراجها
بين اجـا وركون سلمى وناسات الـحـلـيـف=وان شـكـى سـود الـلـيـالـي نـصير سراجها
يـاديـار(ن)عـلـمـتـنــا عـلــى بــذل الـرغـيـف=في لواهـيــب الـمـجـاعـه وشـيـن احراجها
مايـنــام الـضـيـف فـيـهـا على جـال الرصيف=ولا تـــنــــام دلال ربـــعـــي بـوسـط ادراجها
دايـم(ن)تـشـكــي لــواهـيب نيران الصريف=غـاصـت بـحـور الـمـراجل وطول امواجها
في بيوت اهل المجالس هل الـقـلـب النظيف=سـلــوة ارواح(ن)كــواهـا حـنـين خلاجها
مع رجال(ن)تشفي الـقـلـب بالـهـرج اللطيف=ولا شكت بـيـبــان اهـلـهـا عـنـى مزلاجها
ياربـيــع(ن)يـطـرد الـجـوع بـفـصـول الـخريف=يـاجـــواهــر كـل الاقـــطــــار يـاديــبــــاجها
ياقلوب(ن)تـقـطـع الـدرب بالوقت الكسيف=وعـنــدهــم ريــف الـجـيـاعـا وسـر عـلاجها
واعـسـى بـرق(ن)تــلالا بـعــيـنــي لـه رفـيـف=والـرعــايـد تـشـبـه الــقـصـف من مـيـراجها
تـسـقـي اللـي بالـخــلايــق غـدى ماله وصيف=وتـغـنــي الـلــي تـرفـد الـضيف مع محتاجها
خـفـرة(ن)حـبـه بـقـلـبـي غـدى ماهو خـفيف=يابـعــد عـمــري حـلاهـا وطـيـب غـنــاجها
في غيابي يطعن الـقـلـب طـاعـون(ن)عـنيف=وطيب اهـلـهـا هـو حـلاهـا وهـو مكياجها
خفرة(ن)ترفض على الناس شيلات الـزفيف=دام فـيــهـــا صـنـــع الامــجـــاد ثـــم انــتـــاجها
حازت الـطـيـبــه والامـجـاد والعرض العفيف=ومن دخـلـهــا يـكـره الـهـرج فـي مـخراجها

[فواز الغسلان]

(قصيدة فرج بن خربوش الاسلمي بكرماء الجبل)





يانـاقـل الـبـارود يـامـهـدي الـصـيــد=ثـلاثــة(ن)مـن دونـهـم لا ترده
واللي حـذاهـم ما نـسـب الاجاويد=كل(ن)اليا جـتـه المراجل يسده
وابوفهيد اللي سكن قصر اهل فيد=هو ريف عيرات(ن)زهن بالاشده
لاجيت باطرافه تقل لك على عيد=لا يابـعــد كـل الـوجـيـه الـمـصده
ياسـتـر ربـعـه بـالـسـنـيـن الجواريد=بوقت(ن)مكـاريـم المراجل تجده
واللي قضب غيبات كل الجلاعيد=بفوقي سـمـيراء فرجـتـه من يسده
سعود(ن)الياجـيـتـه يزودك تزويد=يـمـنـاه حـفـنـات الردى ماتـمده
هو ستر من يـمـلـخ بكثر الهرابيد=وهو ستر ناس(ن)ميرهم بس قده
من عـذربـك ياسعود ماله مجاويد=مـنـجـوم لـيـل(ن)ما لقى من يرده
واللـي يـسـنـد يـــم رمـان تـسـنيد=ملـفــاك تـركـي راعـي المستـجـده
هو مارثة قوم(ن)كرام(ن)صناديد=شروى الحصان اللي زهى بالاشده
مـرددن فـي نـيـة الـخــــيـر تـرديــد=جـمـاع مـع كـل الـمـراجـل مـوده
ياريف اهل هجن(ن)اليا جن عراجيد=ياريف راعي وندة(ن)جاء يضده
يوم الـجـوابـي مثل مـلـح الـبـواريد=بـنـسـريـة(ن)ونـجـومـهـا مـجرهده
جـيـنـا عـلـيـهـن يابوغـالـب مسانيد=نـبـي نـسـلـم واكـثـره لـك موده
دواس مات ولا بسلمى مـقـاعيد=ياوي فـرجـة شايب(ن)من يسده
اللي قنص بالحر ياكل من الصيد=والـتـبـع ماهـو مشبع(ن)من يـهده
الـقـرم كـثـر الـمـدح زاده بتزويد=والـعـفــن كـثـر الـمـدح يعمي ملـده


1- ابوفهيد: فريحان بن مثيب الشمري في فيد0
2- سعود: ابن عبدالله الجلعود العنزي في سميراء0
3- تركي: ابن ربيعان التميمي في المستجده0
4-دواس: ابن عفنان التميمي في السبعان0


وقد اخترت هذه القصيده لعدة اسباب منها ان الكثير من الاخوه سألوني

عنها لاهميتها التاريخيه والاهم من ذلك كون الشاعر الشمري ذكر بها اشهر

اهل الكرم في عصره في نواحي سلمى وماجاورها جنوبي حايل وكان

مدحه هذا قد جمع شمري وعنزي واثنين من بني تميم وهذا دليل على التعايش

الودي والاخوي الذي كان يسود الناس في ذلك الوقت وفيها دليل على ان

هذه المشادات بين القبائل التي تسكن الجبل لم تكن قديمه وانما هي حديثة

نزغ بها الشيطان وساعد في نشرها بعض قصيري النظر من جميع الاطراف0

بل وفيها رد على هؤلاء لانها نموذج حقيقي وصادق لسير الحياة بين هؤلاء

الناس وان كانوا من قبائل متعدده0

فياترى هل سيستفيدون من ذلك لقطع دابر الفتنه والتفرقه التي ستتسع هوتها

شيئا فشيئا ان سكت العقلاء عنها حتى تغمر القلوب بالبغضاء والقطيعه0

وليكون الجواب لدى العقلاء من الناس لمن يقول( حائل لمن؟)وهو يقصد الخبث

والشر وليس الفائده فيكون الجواب:

حائل لمن رفع راية التوحيد وجعلنا نعيش بين جبالها اخوة متحابين ويسكنها كل من

احب سكناها ويرتحل عنها من احب غيرها والحمدلله على نعمة الاسلام 000

[فواز الغسلان]

ياجبال ديار حاتم






يـاجـبـــال ديــــار حـــاتــم يـامـواكـيـــر الـــنـــدى=اشـهد ان العـمر ضـايـع لا فـقـد شـمـة هـواك
كلـنــا لـك يـاجــبــال الـمـجـــد والــعــزه فـــدى=ياديـار(ن)لـو وطــانـا جـور وقـتـك ما وطـاك
لو تروح الروح لاجل حـماك ماراحت سدى=يكـفـي ان الـروح تسكن بالـمـقـابـر فـي ثـراك
لاجل تشرب من سحاب الوسم الاول لابدى=لاسرت سود السحايـب ثـم داجـت في سماك
يـايـنـابـيــع الـمـكـارم يـاعـمــى عـيــن الــعــدى=اعـذري قـلـب(ن)يحـبـك يـاحـيـاتي لو جـفـاك
يـاديـار الـطـيـب والـلـه مـا لـقـيــنـا بـك ردى=الـردى بالـلـي بـسـوق الـعـمـر بـاعـك ماشراك
يوم شفت الوقت الاقشر في بلاويه اعـتدى=كـيـف يـكـويـنــا وحــنـــا عـايـشــيــن فـي ذراك
والـرضـى بالـهـون مـابــه لا صـواب ولا قـدى=راحـل(ن)لـو سال دمـعـي يادياري من غلاك
مالـنـا بالـعـيـش وسـطـك لاسبـيل ولا جـدى=يـوم حـظـي حـط رزقــي يـابـلـد حـاتـم وراك
حالف ماانسى جبال الطيب لو طال الـمـدى=ولـو نـسـى الخــفـاق غـيـرك يـاذرانـا مـانـسـاك

[فواز الغسلان]

اشتهرت قصيدة محمد ابن مهلهل بن شعلان من شيوخ الروله وقصتها
شهيره ومعروفه الا ان الكثير من العوام خلطوا هذه القصيده مع اخرى
بنفس القافيه والموضوع وهي قصيدة قضيب راع الطوير واحببت ان
اضعهما بين ايديكم للفائده:
قال الشيخ ابن مهلهل بن شعلان:




طس السبيل من اشقر التتن طسه=الشاوري يبرى عن الـقـلب عله
من كـيــس قــرم دايـــــم مـايــدســـه=تـلـقــاه مقروط(ن)على جال دله
والـلـــه من قــلب هـمـــومــه تـمــسه=مست احبال امـهاوزات الاظله
تـفــرج لـمـــن مـثـلــي زمـانة يـرســة=علــيــة مـن قــرب الــرفـاقـة مـملة
سبع الـخــلا كـيــف الـضواين تلسه=والصلح من فرق الغنم ماحصل له
الـبــوم يـفـرس والـفــهــد صــار بسه=وتـبـــدلـــت دنـيـــاك يـافـــاطـــن لـه
يالـلـــة يــالـلـــي كـــل درب تـجــسة=عـقــد البلش غير انت ما حد يحلة
ولـــي عــجـــوز كــل بـيــت تــعــــسه=مـضــفــي عـلــى كل المخــاليق ظله
لاصــار ماحــقـــك بـسـيــفــك تـقــصه=بـربـــع يــعـــدون الـمــخــالــف محله
ولــو عــنـــدنـــا من غيب الايام رسه=الادامــي مـصــلــوح نـفــسه يدله
ثـنــتــيــــن دون الـلــي خـصـيـمة ينسة=سـيــفــي لمن داور دخيلي نسلة
لاصــار عـن خـصـمك سلاحك تدسة=مايـنــقـعـد لك في حضون المذلة
وبعد ان قال هذه الابيات اجابه قضيب راعي الطوير وهو

قضيب بن درويش بن سلامه بن رمال الشمري

بهذه الابيات ويوضح له نصائح ثمينه تتمركز على محورين وهما

الابتعاد عن الناس ومشاكلهم وعدم التهاون للخصم المتكبر وقال :


ياراكب اللي كثر الادلاج مسه=يشدي ظليم هاوز العصر ظله
لابن مـهـلـهـل يافتي الجود نصه=يدعيك ضــوح الـنار في رفة له
ونـجــر يـصــوت للمسايير حسه=بـديــوان قـــرم دايـــم ماتـمـــلـه
انـصــح رفـيـقك والردى لا يهسه=اربـع مـعـانــي يـافـتى الجود قله
الاوله حـكـي الـعــرب لاتـوسه=حكي العرب يجمع عنى القلب كله
والثانيه بالـضــول بالـك تـعـسه=وان جـنـبـك شـر الـمخاليق خله
والثالثه من جـاك ينذخ بـحـسه=متعجرف(ن)والــدرب عيا يــدلـه
تـعـبا له المحشى على المـلـح رصه=لينه يـفــوت الـملح في مضنك له
وخص المخالف بالنظر ثـم خصه=وبين الـثـنادي يا فتى الجود مله
وكان المثلوث ثار وانجال حسه=ينجال عن قلبك صدى كله عله
واللي يبي للمدح طس(ن)يطسه=من حـلوة(ن)زيـن نـبـاهـا مجلة

[فواز الغسلان]

الجروح اللي بقلبي ذاعن





يـابـوعـلــي وش حـيـلـتـي بـالـغـالـي=ودي بشوفـه والـغــلا ما طـاعـن
هـات الـربــابــه واسـهــف الـمــوالي=دام الـجروح الـلـي بـقـلـبـي ذاعن
تـسـري لـحـونــه فـي خــلاه الخـالي=مـثـل الـذيـاب الـعـاويه لا جاعن
واللـي كـلامـه صـار يـبــرى حـالي=مـا لاعـــه الـلــي بـالـمـحــــبـه لاعـن
لو شاف عـيـن الريـم فوق الجـالي=ضاعت حـيـاتـه والضمـاير ضاعـن
تـلــقــاه يـقــعـد فـي مـكـانــن عــالي=ودلا يـخـــاف عـيــونـهــن لا راعـن
وراع الهـوى لو صـاح مـاله والـي=يـبــري جـروح اللي علومه شاعـن
وانا سبـب عـوقـي وحـوسـة بـالي=راع الجـديـل اللـي بـظــلــمـه بـاعـن
ان صحت من نار الهوى ما سالي=عـسـى يـصـوعـه بالـهوى ما صاعن
واصبحـت مـع ربـعـي ومـع عـذالي=هـوش وشـمـاتـه لاجـلـهـا ومـلاعـن
ياحيـف جرحي مـن رفـيـقـن غالي=لـيـن الـعـروق اللي بـصدري مـاعـن
وشـلـون انـاطـح هـجـمـة الخـيالي=وطــيـفـه الـيــا مـر الـضـمـايــر فاعـن
اجـمــع عـزومــي كـنــهـا فـي رالي=ولاهـاج عـاصــوف الـغــرام ارتـاعـن
ترجـف هـجـوسـي رجـفة الزلزالي=وان زاع هـاجـوس العرب ما زاعـن
وانـا طـريـح(ن)فـي نـهـار قـتـالـي=اوجس طعون(ن)بالحـشـى ومطاعن

[فواز الغسلان]

قال الذي في بدع الامثال يحتاط




قال الذي في بـدع الامـثال يحـتـاط=وان هاض في قـيـفــانـهـا ماخـلـطها
يخاف من يفـرح بتجـمـيـع الاغلاط=ولا صـاد غـلـطـات الاوادم لـقـطـها
لا هاج حـسـده بالـمـعـالـيـق واشـتـاط=كل القـفـوش الـلـي بـمـشـطه فرطـها
في شاعر يـبـدع على كل الانـمـاط=ولا رام خـزنــات الــقـوافي شعـطها
باللي رمى روحي على نار الاحـباط=وخـلاه تقـضـي لـيـلـهـا في سخـطها
عينه عـيـون الفرس واجسام الاقباط=قسمـين والـبـطن الصلـيـبي وسطها
عطره يـعـيـد الوجد والشوق لا عاط=عطرن اليـا نـاش الضماير بسطها
ياشين يوم اقـفـى معه عـفش وشناط=من يومـهـا والروح تشكي قحـطـها
هجره لسع روحي مثل لسع الاسواط=تحت البغيض اللي بسوطه لعـطها
والا قـدحـت بداخـل الجـوف شخـاط=نـارن وقــوده من هـشايم سـبـطها
مالي عـلـى سـلـم الاجـاويــد مـقـلاط=وفـعـولنا خـوف الفضايح ربـطها
ونـفــوس اهـلـها ماتـقــارب وتـنـهاط=لو ساعة للروح تنـهي شطـطها
هـذا مـعـه عـجـراء وهــذا بـمـسـواط=وهذا سكاكـيـنـه بـجـيـبـه سفـطها
حول المها صارو مداحـيش ونـشـاط=ومن جاه في سوط الظليمه مسطها
ماصار له مـطــلـع ولا شفت مـهـبـاط=لـو قـرطـة بكـفــوف طـفل قرطها
ولو صرت بدروب الهوى تقل مزقاط=الكـبـد مطراش الدجـى ماخـبطها
يـامـا سـريـت بـلافـح الـبـرد بشبـاط=لانـام جـفـن الـلـي بلـيـلـه عـبـطها
فـوق اشـهـب لا دسـت له تقل مخباط=مع سهلة لو طـال شـوطـه معـطها
صعب تصوغـه ريشـة عـنـد خـطـاط=او شاعرن يـبدع قــوافي نـبـطـها
صـحــراء ولا يـاتي تـفـاتـيـش ونـقــاط=او واحد حتى التـواير سعطها
ياطـى عـلـى رمل ودعـاثـيـر وقـطـاط=ولا شاف شينات المطالع شبطها
مـاسـدد الـقـيــــمـه فـواتـيــر واقــســاط=من تاجرن لـقـمـة قـصيره زرطها
ولا بات دفيان(ن)تحت شرع وبساط=والبنت لو تلمس جـنوطه قفطها
ولاطاح حـيله والسـبب طـلـعة الـغـاط=وطاع الشروط اللي وكيله شرطها
ولا ضاق لا زاد السفر خمسة اشواط=وشال المكـيـنـه والبـسـاتم خرطها
فوقه شجـاع يـقـضـي الـلــيــل مـواط=كم سـهـلـة لا راح ليله مـغـطـها
اسـري لعـين اللي لمحـتـه بـفـسـطـاط=رش الجـدايـل بالعـطور ومشطها
طـردت زول اللي خـذت كل الانـواط=ومن شافـهـا بين الخــلايق غـبطها
واثر المداخل به عـسـاكــر وضـبـــاط=في خـطة راع الهـوى ماضبطها
وخـسرت في سوق الـهوى كل الابناط=مع صاحب قـش السـهوم وقشطها

[فواز الغسلان]

ان كان مالي بالليال السود بالعالم جليس





ان كان مـالـي بالـلـيــال الـسـود بالـعـــالــم جـلـيـس=الشعر يطرد وحـشـتـي عـن جـلـسـتـي بـيـن الهلوس
مـمـشـاي في نار الـقـوايـل جـايـع مـن فــوق عـيـس=ولا عـالـم من حـقــدهـا تـكـتــم وتفـضـحـها الضروس
وش حـيـلة الـلي لا لـقـى ريــم كما الـمـاس النـفـيس=راغ الـنـصـيب عن الطريق وطـاح بحـبـال الـبـلوس
حـطـيـت للخـافـق خـنــادق مــع دروع ومـنـتـريـس=لاشـك اشـوف الـقـلــب مـايـرتـاح من كثر الهجـوس
مايخـتـلـف عـنـدي نهار السـبـت عـن ليل الخـمـيـس=رغـم اخـتـلاف الـفـضـل فـيـها للنصارى والـمجـوس
صـعـب تعـالـج خـافـق حـظــه مـع الـعـالــم تعـيــس=الـنـاس فـرحـانـه واشــوفـه وسـط فرحـتـهـم يحـوس
لو كان يـشــرى كان ابــدد بالــدراهـم كـيـس كـيــس=وصــدق الـمـحـبــه ماتجـيـنــا بالجـواهــر والـفـلوس
تلـقـى الـمحـبــه حـازهـا بالـنـاس هـيـس ولـد هـيـس=ولا حازهـا الـلــي بالـمـراجـل والندى شمس الشموس
ريـف الـضـمـايــر يـنـقـلـب لا شـحـت امطاره حميس=ويـسـهـر لـيـالـه والـقـهـر يـنـخـر بـقـلـبـه تـقل سوس
الـعـام والـلـي قـبـل عــام وقـبــل لاتـعـرض لـمـيــس=وهــو دايــم يـدخـل مـدارسـهــن ويـرسـب بالـدروس
نـوب يـتـعـذر بالـمــرض والـنــوم ووقـوت الـقـريس=والا يـقــول الـعـذر كــونــه ماضـبـط رقـم الجـلـوس
لين اصـبـح الخـفـاق بـدروب الـهـوى مـثـل الـتـبـيـس=والـلـي يجـي لـلـقـلـب يـرجـع راكـب حـمـر الجـموس
وان زان مـره طـاح بالـلــي حـظـهـا مـثــلـي تعـيــس=تضحك مـعـي يومـيـن وألـقـاها عـلـى غـيـري عروس
والـيــوم يـاريــم الـمـهــا مـااريــد حـبــي بالـدسـيـس=مااعيش في ناري وغيري فيك مـبـسـوط(ن)يـبــوس
وشلون يـبـقـى الخافـق المـسكـين في سجنك حـبـيـس=واسـمـك مـسـجـل عـنـد زوجك فـي حفـيظات النفوس
انا اشـهــد ان الـعـمــر عـقـب عـيـونـكـم مـاهـو ونـيس=وان الجـفــى حـط الخـفـوق مـن الـمـغـثـه تحـت مـوس
صعبن على اللي ماشـكـى الـهـجران فـي عـقـلـه يقـيس=مثل الـيـمـيــن الـصـادقـه ماهـي مـثــل ثـقـل الغـمـوس
ومن يحـتـمــل جــور الـهــوى يلـقــى الـذي لاقـاه قيس=تـالـي حـيــاتــه بالخــلا جـثــه وراء حـمــر الـطـعوس
والله فلا ارضى شوف قـلـبـي وسـط خـلـق الـلـه يخيس=والجـيـب عـنــدي تشـتـغــل فـيــه الـبـسـاتـم والـعـكوس
مااريـد قــفــوات الـهــوى والـذيــب مايـاكــل فـطـيــس=الـمـوت خـيـر ان ماقدرت الـعـيــش كالـذيــب الـفروس
لو عشت عمري بين تـمـر الكـسـب مع شـرب الـمريس=واهــل الـمـراجـل تـنـقــل الاثـقــال بالـيـوم الـعــبــوس
الـهـون مايرضـاه وســط الـمجـتـمــع غـيــر الخـسـيــس=الـلـي يـبـيــع الـطـيــب والـعــزه لـعـيــن العـيـطــمـوس
لـو يـشـتـعــل قـلـبــي بـنـــار مـثـل نـيـــران الـغــريـس=والا طـعــون الـرمـح والـبـــتــار فـي حـرب الـبـسـوس

[فواز الغسلان]

(( باقة الزهور في الشعر والشعراء ))

الشعر هذا الكلام الموزون والمقفى بنغم محبوب على اذن السامع وفكره وهو بجميع
بحوره ومواضيعه واهدافه تختلف النظره اليه من شخص لآخر حسب فهمه للشعر
وثقافته الادبيه فهناك من يراه مجرد طريق واسع ومسموح للتعبير عن همومه او امانيه او مشاعره
وما الى ذلك وهناك من يراه سعاده وانس وطرب وترويح عن النفس لفتره زمنيه مؤقته 0
والحقيقه انه اكبر وابعد من ذلك فهو رساله وتاريخ يبقى قرونا طويلة من عمر الدنيا لاسيما
ان كان هذا الشاعر من الشعراء الذين حصلوا على الشهرة الواسعه في مجتمعهم0
ولذلك فمن هجاء شخصا لايستحق الهجاء او مدح من لايستحق المدح فهو بذلك يعطي
للتاريخ مسارا غير معتدلا ويسجل في لوحة التاريخ حادثة غير صحيحة ويعتبر غشا في المعلومه0

وربما ان هذا هو سبب هوان الشعر وقلة تأثيره في نفوس الناس عما كان في السابق
عندما اثار العوني فرسان قبيلة شمر لمساعدة الامير سعود ابن رشيد بالجوف في قصيدته
الشهيره ومطلعها:


راكب فـوق حـر يذعــره ظـله=مثل طير كـفـخ من كف قضابه
ماحـلـى فــزتـه والخرج زاهي له=والـمـيـارك عـلى مـتـنـه تهزى به

واستطاع الشاعر غانم اللميع دفع الدهامشه من عنزه وشيخهم محمد بن مجلاد(سعران)
لقتال شيخ عنزه محروت بن هذال (ابوزبن) بقصيدته الشهيره ومطلعها:


ساهـر باللـيـل ماجـاني نوادي=من ظلايم شيخ جراهن علينا
صبرنا مايصبره كـود الـمـهـادي=رافـل زلـة قـصـيـره لـه سنينا
شيخـنـا ياشـبـه حـر بالهدادي=مانطـيـعـك والبنادق في يدينا

وغيرها من الصور الكثيره التي حدثت في تاريخ الشعر والشعراء لاسيما في السابق
واما الان فقد ضعف تأثير الشعر في نفوس الناس والسبب في ذلك ان الممدوح يرى
ان غيره من الناس ممن هم اقل منه مكانة وقيمة وفضلا قد حازوا على مثل هذا المديح
وربما افضل منه وكذلك الذي يسمع ان احد الشعراء هجاه فهو لايشعر بالاهانه بنفس
شعور السابقين وذلك لكونه يرى ان غيره ممن هم افضل منه قد تعرضوا للهجاء نفسه
او اشد منه واقسى 0

وقد اختلف الناس حول اهمية مطابقة الشعر لاخلاق صاحبه 0 فهناك من يرى ان ذلك
غير لازما واننا نستمتع بشعره دون النظر لشخصيته واطباعه 0 وهناك من يرى عكس ذلك
وهو الوجيه من الاقوال فلايمكن ان استمع اشعار التدين من شخص ظهر فجوره بين الناس
لاسيما ان كان ممن يجاهر بالمعصيه في اشعاره 0
حتى الغزل عندما يقوله الفارس الشجاع يكون مقبولا جدا بعكس الجبان الذي ليس له ذكرا
في الحياة الا بالتشبيب بالنساء وملاحقة دروبهن فهذا يكون ضعيف التأثير في النفوس من
ناحية القبول لدى الناس0
فمثلا الفارس شليويح العطاوي من قبيلة عتيبه كان مشهورا بالغزل لاسيما بمعشوقته الشهيره
(مضاوي) ولكنه كان مفتاح النصر لفرسان عتيبه في معاركهم مثلما حدث في معركتهم امام
جموع الاخوان عندما انتصرت عتيبه بقيادة شليويح العطاوي في تلك المعركه التي قال فيها:


اول كلامي طلبتي ذكر الله=مانا عـن الرب الكريم غناوي
اغـفـر ذنوبي يامحـك ذنوبي=وان كان في بدعي كلام غاوي
ابـن سعـود مـسـير بـجـنـوده=معه الـدويـش ولـمــة البداوي
ثـلاث الاف عــدد جـنــوده=بـلــوى وربـي يـدفــع البلاوي
وحنا ثـمـانـمـيــه عدد جنودنا=ليس اجـنـبـي فينا ولا برقاوي
فمثل هذا الفارس يكون الغزل لائقا عليه عكس بعض الشعراء الذين اشتهروا بالغزل وبنفس الوقت
كانوا جبناء في المعارك فضلا 0

والشعر الشعبي مر عبر اربع مراحل زمنيه ولكل فتره مايميزها عن الاخرى وهي كالتالي:

1- جيل الشعر القديم:
وهو في الفتره التي تمتد من ظهور الشعر النبطي وحتى عام 1100 هجري وهو تاريخ تدوين
التاريخ من جديد وظهور الدعوه السلفيه والدوله السعوديه الاولى وهذه الجيل هو جيل
الشاعر راشد الخلاوي وهو ابرز اعلام الشعر في تلك الفتره وهو نمط الشعر الهلالي 0

2- الجيل الذهبي:
وهذه الفتره تمتد من عام 1100 هجري وحتى عام 1340 هجري وهو تاريخ قيام الحكم السعودي
وسقوط امارة الرشيد وهذه الفتره تعتبر ( الجيل الذهبي ) من الشعراء وهو جيل القاضي
وابن لعبون والتبيناوي والعواجي وابن ربيعه وابن سبيل والعوني وغيرهم كثير من فحول الشعر
النبطي ويعتبر الشاعر محمد عبدالله القاضي هو رمز هذا الجيل وزعيمه 0

3- جيل الخضارم:
وهذه الفتره تبدأ من قيام الدوله السعوديه الثالثه عام 1340 هجريه وحتى بداية القرن الخامس عشر هجري
ويسمى جيل الخضارم والشاعر المخضرم هو الشاعر الذي ادرك جيلين من الاجيال وقد حضر هؤلاء حياة
الباديه وبداية التطور الحضاري واصبحت اشعاره مزيج من الجيلين وهذا يعطيه ميزه رائعه نراها في اشعار
محمد السديري وزبن بن عمير وبندر بن سرور وعبدالله الاشقر والازيمع وفهد الغسلان وعلى الباحوث ومحمد الديري وغيرهم0
ويعتبر بندر بن سرور العتيبي وعبدالله الاشقر ومحمد السديري هم اعلام هذا الجيل 0

4- الجيل الحديث:
وهذه الفتره من عام 1400 هجريه وحتى الان وهذا الجيل تكثر في اشعارهم المصطلحات الحديثه والكلمات
العربيه الفصحى التي درسها شعراء هذا الجيل في مدارسهم 0 وهو جيل كثير الشعر الا ان الكثير منه غير
مقنع وبعضه ردئ وربما لايعتبر شعرا يحتوي ركائز الشعر الاساسيه وهي:
أ- الوزن ب- القافيه ج- المعنى د- الهدف او الغرض من القصيده 0


بحور الشعر النبطي وأوزانه وهي كالتالي:


1_ البحر الكامل : -

وهو بحر عربي ويقل استعماله حالياً وتفاعيله

(( فعولن , مفاعيلن , فعولن , مفاعيلن ))

نحو : -


الا لـيـتـنـي طـيـرن شـلـع يـصـفــق الـجـنـحـان=اذا ضقـت مـاضاقـت بعـيـني مـعابـيـره
تـعـديـت مــن حــد الـحــديــثــه عـلـى عــمـــان=ودارن تـغــث الـبـال مـلـزوم تـغـيـيـره

2- البحر الطويل:


تراك اخطيت في حـقي وانا اللي بالسكوت اخـطيت=خـطـاي الصمت والـخـافـق يـعـاني طبعك الجـافي
لـو انـي ما رضـيـت جـروح طـبـعـك كان ما عـانـيـت=مـدام وعــودكــم طــــالــت ولـيـتـك بـالـوعـد تـافـي
لـمـا طـاح الـحـشـى الـمـقهور لا حي(ن)ولا هو ميت=يراجـي سـاعــة(ن)يـفــرح ويلـقـى حـضـنك الدافي
فلا قلـبي رجـى غـيـرك ولا انـتـه فـي رجـاك اعـطيت=سـهـيـر الــجـفـن في لـيـلـه وجـفـنـك بالـهـنـى غـافي
حسافة خافق(ن)حـبـك وحـطـك من حـمـام الـبيت=يريد الطيب من قلب(ن)جـحـود ولاحـلب صـافي
اذا نـاديــتـــنـي مـقـــهـــور مـن جـور الــــزمـن فـزيـت=وجـيــتـك فـي ظــلام الـلــــيــل بالـفــزعــه وانـا حــافي
3_ بحر الهزج : -

وهو أحد بحور الشعر العربي ويكثر استعماله في الشعر العامي وتفعيلاته
(( مفاعيلن مفاعيلن , مفاعيلن مفاعيلن ))
نحو : -


دموعي ياهـوى بالي=انا وشلون اخفيها
وهجرك هو بلاء حالي=علامك ماتراعيها

4_ بحر الرجز : -
بحر عربي وتفاعيله
(( مستفعلن مستفعلن , مستفعلن مستفعلن ))
نحو : -


راكب اللـي فـي مـطاره تـنـتـظـر عـقـب الغياب=صوتـهـا مـثـل الـرعـايـد حـيـن تـتـرك مدرجـه
كـنـهـا الـطـيـر الـنـداوي لا شـلع فـوق السـحاب=والـكـباتـن بـالـكـبـيـنـه راسـمـيـن(ن)مـنهجـه
لو بغيت اوصف جناحه مثل جـنـحـان الـعـقــاب=لا شلع من عـقب جوع(ن)هــد حيله وازعـجه

5 _ بحر البسيط : -

بحر عربي وتفاعيله (( مستفعلن فاعلن ,مستفعلن فعلن))
نحو : -


عواد روحـي من الخـفـرات مقـهـوره=والله فـلا اشـري غـرام الـيـوم بريـالي
عـواد راح الـغـرام الــزيـن فـي دوره=اقـفـت ظـعــونـه وضـاع بجـيـلـنا التالي
احـذر تـراجـــي غـرامـك لام تـنـوره=الـلــي شبــاكـه تـجـيــك بـرقــم جـــوالي


6_ بحر المديد : -

بحر عربي واستعمله قليل في هذا الوقت وتفاعيله (( فاعلاتن فاعلن فاعلاتن ))

نحو : -


الأولـه تـجــربــه حيث الـمـكاسـب حـضـوض=والـثانـيــه مـثلـها والـثـالــثـه ثـابــتــه
وان كان حظي وقـع واصبح يـعـاني رضـوض=قلنا سبب طيحـتـه عـين العرب صابته
ماني من اللي غـدى بـبـحـور يـأسـه يخـوض=او يـنـثر الـدمع كان اهل الهـوى سابته
لو طحت راح اجـمـع عزومي واعيد النهوض=وان داخ راسي ربطت الراس بعصابته



7_ بحر المسحوب : -

وهو أكثر البحور استخداماً في أيامنا , وذلك بسبب خفته وسهولة تفاعيله وسلاسته مثال : -
وتفاعيله ((مستفعلن مستفعلن فاعلاتن )) لكلا الشطرين نحو : -


عـواد قـلبـي تحـت الاظـلاع يـومي=من كثر مايكـتـم من الـغـبـن الضيـم
يومـي بـي اومـاي الهـواء بالـهـدومي=ويرجف لـمـا نـقـرى عـلـيه الحوامـيم
من هاجس يطرد عن الـعـين نـومي=اسهر بليـلي مـثـل سـهــر الـمفاطـيم
كـلـه عـلـى فـرقـى جـميل الوشومي=راع العـيـون اللي مثـل ذايـر الـريـم

8- المسحوب المقطوع:


ياصحن صاحبي تل قلبي تل=تل صـاهـود للـهـجـن فـي دوره
تلهن مرذي الهجن وقت زل=لو عرضهن صواديف وحروره

9_ بحر الصخري : -

وقد سميّ بهذا الأسم نسبة لقبيلة بني صخر , والمعروف عن هذا البحر أنه ذو نبرة حزينة مثال : -
وتفاعيله (( مفاعلتن مفاعلتن فعولن )) نحو : -


ابن غسلان لاتشكي هـمـومك=وعـين الريم لاتطرد غرامه
ابن غسلان خلق الله تلومك=على سهر الليالي في ظلامه
ابن غسلان ماهذي سلومك=قبل بلواك في ظبي العدامه
تـوالـي دربها تشـلـق هـدومك=وعينك بالغثى تـنـسى منامه


10_ بحر الهجيني : -

وهو بحر مشهور جداً وبعد من أكثر البحور استخداماً بعد المسحوب في الخليج ,
ويتميّز بأنه سهل النظم وسريع الإيقاع

وتفاعيله (( فاعلاتن فعولن فاعلاتن فعولن )) نحو : -


ياحـمود راح الــغـــلا ياحـمـود=غـاب الرجاء وابـتــدى الـياسـي
ياحـمـود حـظـي قـلـيـل الفود=وش بــه قـصـر بـي عـن الـنـاسي
دايــم يـوجـــه لـــي الـبــــارود=واصبــح يـحـدن عـلـى الـقـاسـي
اللي تـجـشـم طـريق الـكــود=ويـضرب بـنـا اخـمـاس واسـداسي


11_ بحر الحداء : -

هو بحر قصير الفقرات سريع النغمات قليل الأبيات مثال : -


البارحه جفني سهير=عيا من همومه ينام
الوضع ياعـالم خطير=ماله خوال ولا عمام

12- القصير المقطوع:


القوافي جاه بيطاره=مـن خفوقن هـاض مابـاقـه
ياعنودن تقل جماره=ويـل قـلـبـي كـان مـاذاقــه
شفتها تمشي مع الحاره=عين طيرن فوق شوهاقه
كـنـهـا الجوهر بمحاره=في بـحـور الـزيـن واعـماقه

13- البحر المجزوء:


لابغيت انـسـى عـشـيـري بالخـلا لو ساعه=ماتركني طـيـف خـلي في خـلاي الخـالي
من يفكن من طيـوفـه او يعرف اقـنـاعـه=لاجـل انام ولو دقـايـق فـي فـراشي سالـي
والبلاء نـفـسـي لـنـاره دايـمـن مـطـواعـه=وهي تـعـرف انه سـبايب كل حوسـة بالي
قلت له هـذي سـبـايب عـلـتـك واوجـاعه=ماسـمـعـتـي نـصح زيـد ومـرشـد البذالي

14_ العرضة : -

وهو لون جماعي حماسي يغنى بمجموعات , وقد سمي بالحربي .


قال ابن غـسـلان وحــروف قــافـه ماتعـيل=وان نـوى نـظــم الـقــوافــي يـصـيـد جــزالها
عاش راس اللي حـمـى الدار بالفعل الجـميل=مع سيوف(ن)عاشت الناس تحـت ظـلالها


15. المروبع : ومثاله


قـال الــذي حـــدري جـبــل طـي سـاكـن=بـربـاع حـايـل وسـط ذيـك الـمـسـاكن
وهـجــوس قـلـــبـه مـع خـفـوقـه تـشـاكـن=عزي لمـن مـثـلـك شكى يابـن غـسلان


16. القلطة : ومثاله


سار مظهور حبك يوم راح الظلام=والظعاين تتالت وجـهـهـا للربيع
ودام هذا قرارك رح عليك السلام=وعادتي من شريته بالنهايه يبيع


17. الرجد : ومثاله


قلبي تـعـذب فـي نارك=وهو يرتـجـي شـوفة نورك
ياما وقفت انشد جارك=والخافق يشكي من جورك

18- طويل الطويل:


عادتي صوغ قافي بالموده لاجل حضرة جنابه=والطواريق لو طالت علينا يالعطاوي راح ندعي بعيده
لي حروفن تصيد الصيد غـالـي كان غـيـري يهابه=وبنك قافي يطيق الكاش وافي مانقص في رصيده

19- السامري:


يافهد قالوا لـنـا الـزيـن بالـديـره=ويل حالي يافهد يابعـد حالي
يافهد خـطرن عـلـى القلب تـدمـيـره=وان نظرته يافهد فارعـن سالي
يافهد راحـت حـيـاتـي بـتـدويـره=ودون خلي يافهد مرقـبـن عالي
يافهد نـصبر لـكايـد مـشـاويـره=لو رمـتني يافـهـد بالخـلا الخـالي

[فواز الغسلان]

موسوعة التاريخ والادب في جزيرة العرب




((موسوعة التاريخ والادب في جزيرة العرب))

هذه نبذه لاشهر مواقف الرجوله العربيه الموثقه تاريخيا بالسند الصحيح الثابت
وخاصة فيما يتعلق بمكارم الاخلاق والشيم العربيه بعيدا عن الحروب والنزاعات
القبليه السالفه 0
وقد اوردت منها المراتب الخمس والعشرين الاولى بالترتيب حسب
مااراه انا بعد استشارة العديد من رواة ومؤرخي القبائل المذكوره في القصيده
والباقي ذكرتها دون ترتيب وانما ذكرتها اثباتا لها 0
وكذلك شرح عن بدايات الشعر الشعبي واشهر الشعراء وافضل
القصائد والحكم والامثال في الاشعار النبطيه00
وتحتوي على ( 357 ) علما من اعلام الجزيره العربيه سواء كانوا فرسانا او كرماء
او شيوخ قبائل او شعراء او حكماء من الجنسين على حد سواء 0
وهي مجهود متواضع اضعه بين ايديكم يالعزوه000


فـــواز ابــن غـســـلان يـهــدي سلامه=والـحـمــدلـلــه هـي بـدايـة كلامه
نـرجــيـــه يـرحـمـــنــا بـيــوم الــقــيـــامــه=في ساعـة مايـنـفــع الـمـال والـجــاه
قــلـــبــه يــروم الـبــــاديـــه والــبــــداوه=والـناس فـي مـيـزان حـكـمه تسـاوه
ويشـهـد لمـن حـاز الصخـى والـنـقـاوه=واللي زعـل مـن قـولـنـا مـااتـرضاه
ان كان يـزعـل عـنـد قـول الـحـقـيـقه=مـحـدن قـدر يـرضي جـميع الخـليقه
وحطيت لاهل العرف عندي وثـيقه=من شان كل الـنـاس تـاثـق وتـقـراه
الـيــوم بعض الـنــاس صـارت ذيـــابـه=تـبـنـي بـيـوتـن كـان سـاسـه خـرابه
والـلــي يـريـده يـكـتـبـه فـي كـتـابـه=ويـطـبـع كـتـابه بالسنه عـشر طـبعاه
وانـا نويـت اكـتب حـروفـن نـقـيـتـه=بالحـفـظ واسـفـاره تـعـبـت وشـريـته
وعندي دليل اللي جزمـت ورويـتـه=ودرب الخطـأ لازم بالاقـدام نـاطـاه
نـاطـى الـخــطــأ لـكـنـنـا مـانـعــيـده=ولاطعت شيخ(ن)طـامعن في رصيده
واللي كذب بالقول غصـبن نصيده=ولو يشـتـمـن وسط العرب ماشتـمناه
واذا ثبت لي غـيـر ماكـنـت راوي=راح اعـتـرف دامـي لـلاصـلاح قـاوي
ولانـي عـلـى ذكـر الخطايا قصاوي=والناس مـحدن سالـم(ن)من حكاياه
ولا اقول محدن يفهم الصدق غيري=وابـقـى بوسط اهل المعارف صغيري
والعلـم مثل الـمـوج شـربـه عسيري=ونـرجــي ولـي الـعـرش رب الــبـريـاه
فـيـــهــا روايـات عـلـومـه شـهــيــره=صارت لـمـن عـاشـوا بوسط الجـزيره
ومااقـول انا ماصار بالـطيب غـيره=لـكـن ذكرت الـلـي سـمـعـنـا وقـلـنـاه
الـطـيـب واجـد غـيـر ماصار معـنـا=وحـبـيـت اعـد الـلـي بصـدقه سمـعنا
وهـذا الـذي لاهـل المكارم جـمـعـنا=والـصـدق يـاصـلـنـا ولـو مـاوصلـنـاه
اروي روايات(ن) ثـقات(ن)شهوده=اعـطت على صدق الروايه عـهوده
ولانظـلـم اجـواد العرب في لـحـوده=قـوم عـطـونـا ثـم قــوم(ن)عـطـيـنـاه
وعندي لـهـا قـلـبـن فهيمن وحـافـظ=ولسان مـع صدقه فـصيح الـمـلافـظ
وعقلن لكذب اهل الفراغات رافـظ=وكـله من اللي كان ضـقـنـا دعـيـنـاه
وبعض العرب مقبول للـنـاس قـوله=وسارت قـلـوب السامـعـيـن بـقـبـولـه
والكـايـده يـلـقـى طـوارف حـلـولـه=ولا يكسبه رجلن على الكذب مركاه
واللي روى علمن ولااحدن درى به=علمن كبـيـر(ن)مـثـل شامـخ هضابه
نقول يااهل العرف من ويـن جابه=كيف اخـتـفـى دامـه مـثـل ظـلع اباناه
وكـتــابــة الـتـــاريـــخ مــاهــي فــزايـع=ولا فـيــه فــرق(ن)بين شابـع وجايـع
ولا فيه غارات(ن)وكـسـب وقلايع=والظلم يورث داخل الـقـلـب حسراه
ونويت ارتبها على الـطيب ترتـيـب=اقوى المواقف وافضل الناس بالطيب
مواقـفن من دون شـك(ن)ولا ريب=وجـمـيـعـهـم بالطـيـب حاشوا مزاياه
هذا وتــفــضـيـلــي لـنـفــس الـفـعـيـلـه=ماهو لـنـفـس الـشـخـص والا القبيله
كـم واحـد(ن)حــاز الندى والفضيله=ورقـى جـبــال الـمـجـد لـو ماذكـرناه
وابعدت فـيـهـا عـن عـلـوم الـحرايب=او ذكر نـقـص الـنـاس والا المعايب
وذكرت فعل الـطـيب وقت النـوايب=فـيـهـا لـجـيـل الـيـوم حكـمـه وعبراه
وشـاورت فـيـهـا كـاسـبـيـن الـنــفــيـلـه=الـلــي يشوفون الـمـغـالـط فشيلـه
ولا هـمـــنـــي كـونــه مـن ايـــا قـبـيـــلــه=يـهـمــني صــدق الــروايــه وذكــراه
اعـظــم مـفـاخـرها خـذاه الـسويـطـي=صنـيـتـان جـرحـه بالضماير مـحـيطي
قـلـبـه بلاهوب الـوفـى يـسـتـشـيـطـي=ابــنــه عــلــى جــاره تــقــدم وذكـــاه
والـثـانـيه طـيــبـه خذاه الـسـبـيـعـي=الـلي فـعـل لـه فـعـل مـاهـو طـبـيـعـي
لاجل المـهـادي والشرف لايـضـيعي=مـفــرج شـلــع راس الــولـد ثـم درباه
والـثـالـثـه عمران ولـد الـبجــيـدي=ادخل دخـيـلـه عـن سـيوف الـعـنـيدي
وهو يـطـلـبـه دم الولد ياعـضـيدي=عـسـى ولي الـعـرش بالـطـيـب يـجزاه
والـرابـعه طـيـبـه لـصبـر الـمـهـادي=مـع جاره اللي فـي ردى البنت زادي
وقال اصبري والصبر درب السدادي=وصبر ثـمـان سنـيـن والـظـيم يـاطـاه
والـخـامـسـه شـيـلة خـوي كـسـيـري=سـبـوعـيـن ماهـابوا طريـقـن عسيري
وفازوا بها الشلقان عقب الـمسيري=وكسـيـرهـم فـي زيـن الاشعار جـازاه
والـسـادسـه للـي بـقـرن الـشمـالـي=ادخل عـن الاتـراك مـن كـان جـالـي
والـتـرك جيـشـه مـثل وبل الخيالي=وابـن سـمـيـر اعـلـن مـواقـف حـمـياه
والـسابعــه شـالـه حـمـد ولـد عـيده=نـخـاه مـربـوطـن شـكـى نـار قـيــده
وصار الـثمن في كل ماحاشت ايده=من قوم ابن مرشد عسى الخير ملفاه
والـثـامن اللـي قـدم الـطفـل نايف=لـلـذبـح عـن جارن حريمـه ضعايـف
سلـيمـان قال الطـفـل نلـقى خلايـف=وبـنـي عـطـيــه طـيـبـهـم طـال مـبناه
والـتـاسعه طـيـبـه لشـيـخ الـظـفـيري=اللـي حمـى ماجـد بـسـيـفـن شطيري
راع الـبويـت اللي مقـامـه عـطيري=دغـيـم ثـنـى دونـه عن الـقـوم وانجاه
والعشر ابـالـظـلـعـان يـرجـي خـويـه=كـسـيـر طــاح بـسـهــلـة جـرهـــديـه
ربـعـه تـمـيـم اهــل الـعـزوم الـقـويـه=شـهـريـن لـين الله مـن الكسر شافاه
حادي عشر للي عطـى الشاة ذيـبه=ذيـبـن كـبــيـرن والدغـيـري رضي به
ابـن سـعــيـد شـاع بـالـنـاس طـيـبـه=يوم الـعـرب بالـجـوع تـبـلـش بدنـيـاه
ثـانـي عـشـر لـلـي بلـيـلـه يـصـيـحـي=للـي وقـع مـن جـوع بـطـنـه طريـحي
يوم المـجـاعه والـزمان الـشـحـيـحـي=ابـن مـهـيـد الـلي علـى الطـيب ناداه
ثالث عشر للـعـوهـلــي مع جـريـحـه=تـســعــيــن يـوم وكـل يـــوم ذبـيــحـه
ربـعــه عـتـيـبـه والـصـخـى فاح ريحه=وهــذي سـلـوم الـمـرجـــلـه يالــقــراباه
رابـع عـشـر طـيـبـه لشيـخ الشرارت=اللي هوادي ضـيـفـتـه روس خـلفات
خلف رمـى فـي مـجحم النار طاقات=واكـمل عـشـى ضيفه ولا قال حيفاه
وعقبه مشى من شان عشق الرويلي=محسن طواه العشق وامسى ذلـيـلـي
ونـخـى خـلــف راع الـمـقــام الـجـليلي=ومـشــى لــعــيـنــه بـس ربــي تـوفـاه
خامس عشر للـذيـب والـطـيب فاله=مـن نـقــوة العـجـمـان واهل الـجمـاله
ومن طـاب طيبه ياصلـه من خـوالـه=ماخـاف تـهــديـد الـمـهـنـدس وفرقـاه
سادس عشر للي نقض سقف بـيـتـه=حمـد كـريـم(ن)فـي بـلــي ذاع صـيـته
يـوقـد عـشـى ضـيـفـه وفـعـلـه رويـتـه=وعـقـبـه وقـع بـيـتـه ولاجـاب طرياه
سابع عـشـر لـلـي قـعـد مع خـصيـمه=عـقـيـل والـمـجـدور مـن دون خـيـمه
عقـب الـعداوه صار خصـمـه نديـمـه=صعـبـن ولـد عـمـه يـذوق الـمـهـوناه
ثـامن عـشـر للـي عـرف حــق جــاره=واسـقـى الـغـنم مـن در غـالي بكاره
هـجرس مـن الـتـومان والـطـيـب كاره=ساق الغـنم والنـاس تـمـشي بمـمـشاه
تاسع عـشـر والـجار شالـوا شـيـاهـه=فـوق الـخـيــول وجـارهـم بان جـاهه
والـحـرب ماتـمــنـع رجـال الـوجـاهـه=مـطـارفــة وايـل عـلـى الـطـيب منشاه
وعشرين شيخن مات من صوت ناخـيه=فايز مع ابن سويط والـضـيم كاويه
وياغـيـبـة ابن هـذيـل بـالـحـال تـنهـيـه=وعـقوب من غيضه على الـقـبر خاواه
واحد وعـشـريـن ابـن نـاحـل وطـاريه=لو مـاكـسـب يعـطي ضـعـيفه ويحذيه
شيخن ولايـتـرك طريـقـن مـشـى فـيه=واشـعـار ابـومـاجـد بالامـداح تـلـقـاه
واثـنـيـن والـعـشـرين من شان جـربوع=من مـلـحـتـه ذود الـمـعـادين مرجوع
وهي لـقـمتن ماتـطـرد الـضعـف والجوع=معروف بـسـبـيـع الـعــزيــزه حـلايـاه
وثــلاث والــعـــشــريــن راع الــعــطــــيــه=لـنـهـيــت ولــــد بـريــك مـالــه جـــزيـه
شـيــخ الـظـفــيــر اللــي كـفــوفـه نديـه=لصديـق ابـوه الـلـي من الضيـم ينخاه
واربـع مـع الــعــشــريــن يـرقــى سنـوده=وعـن غــرة الــجــارات يـلــزم حـدوده
يــقــول مـثــل الـلــي رضـعـــــنــا ديــوده=طـيـبــه لابـن هــذال والـمـدح يـزهـاه
والـخـمـس والـعـشريـن راع الـمـسـيـره=صـوب الـكـويـت اللـي دروبه عسيره
عـجـوز تـبــي الـتـمـر يـاصـل صـغــيـره=وطيب الـصـعـيـدي راف بـه ثــم وداه
خـمـسـه مع الـعـشـريـن فـازت ربـوعـه=وجـبـتـه على التـرتـيـب فـي كـل روعه
واللي يـجـي بالـطـيب فـي مـثـل نـوعـه=ومن دون ترتـيب(ن)ابي اذكـر حلاياه
وان طـبـت يـاراسـي كسـيـتـك عـمـامه=لابــن ســرار الـلــي شـهــيـــرن كــلامـه
وهـو من بـنـي شهـران رمـز الـشـهـامه=وابـنــه عـمـرو جـاء من خـوالـه وداواه
واللـي حـلـف بالـلـه من شـان حــصـه=ولـعـيــون حــصـه حـالـف(ن)ماتـمـصه
هــذا الــــدريــعـــي كــان ودك تــنـــصــه=الـشـيـخ ابـن شـعـلان سـارت سـرايـاه
والـلـي من الـجــربـان قــــاد الـمــسـيره=خـمـسين ذيـب(ن)من حـدود الـجزيره
وخذى بـثـار اللي وقع وسط بـيـره=هـايـس ولا هـاب الـسـبـاع الـمضـراه
واللي قعد بالدار عـقـب الـجـمـاعـه=اللـي مـشـوا والـحـرب يوضـي شـعاعه
ابن عـقــيـــل الـلــي خـــذتـــه الـبـتـاعه=من نـقــوة الـسـرحـان صـالا شظـاياه
واللـي كفـل بالـطـيـب رمـل الــقـبـيـله=وعـشـاء الارامـل كـافـلـه كل لـيـله
ابـالـــرمــل سـالـم فـــعـــولــه جـمــيـلـه=مـن روس شـيخـان الكرام الطـوالاه
والله ستر بالـطيب عرض المـعـازيب=ودهن كـفوفه سـمن من كـثرة الطيب
ما حـط بـكـتـوف الـمـعــزب كلالـيـب=الـمـرتـعـد ومـطـيـر بالـطـيـب كـافاه
والـلـي طـرد ذوده قـبـل يـارد الـبـــيـر=كله لاجـل يسـقـي ركاب الـمسايـيـر
سواه ابـن طـارش خـوي الـمـنـاعـير=وطاح الـعشار من الذي طاب في ماه
وبـمـطـيـر سـواه ابـن هـدبـاء عـيـــانـي=مـع الـعـتـيـبـي فـي قـديــم الـزمـاني
ولا واعـــذابــي كــان جـاري حــــدانـي=قـالـه ســمـيـر وراعـي الـبـيـر بـداه
واللي حمـس واحرق خـيـاش الـقـهاوي=ابـن لـحـيــدان الـتـمــيـمـي شـفـاوي
يــوم الــدهــر يـمـنـع ردي الـهــقـاوي=مـنـتــوج صنـعاء جـابه الشيخ واغلاه
واللي نـقد فنجال شيـخ(ن)خــطـيـري=من يـوم ذاقـــه قــال هــذا دمـيــري
هـرجــه رفــع بالـحـيل ضغط الامـيري=وابن ظـويـهـر صـار صادق وراعـاه
وشيخ(ن)سمع نـخـوا رفـيـق الشليـمي=يـبـي الـنـيـاق اللـي تـقـل جـول ريـمي
ماخوذ ينـخـى له شـجـاع(ن)كـريـمـي=وعـبدالـكريـم اقبل على الذود واعطاه
مـثـل الـقــريــفــه قــال ويــن الــحــمـــيـا=ومـطـيــر ربـعــــه شـــاع طـيـــبـه بـلــيـا
والــطـــيــب لـلــي راقــــدن مــاتـهـــــيــا=وراع الـصـخــى ربـي يـعـيـنـه بـمـسعاه
وصعبن على اللي مايـعـرف الـعـطـاوي=شـلـيـويـح ويلك كان صاحت مضاوي
بـالـسـلـــم قــلــــبــه لـلــــعــــذارى هــواوي=وبـالـحـرب ويل اللي على الخيل لاقاه
وراكـان ابـن حـثـلـيـن فـوق الحـصـانـي=اعـطــى رجـال الـتـرك درس ومـعـانـي
ولا يـشـرب الـقـفـــوات كــود الـهــدانـي=يـطـرد بـهــا اللي خـانـتـه عـقب فرقاه
وصــــوارم الـهــــيـــلا فـــعــولــه صـعـــــيـــبـه=ردو نـيــاقـن عــقــب مـاهـي نـهـيـبـه
حـيـثــه حـلـب فــي راس تـركـي حـلـيــبه=شـيـخـن صـواريـم الرجـاجـيل تـنصاه
واللــي بـحـــايـل شــاخ فـيــهــا وطـــــابــي=وسـمــوه بـالــشــدات سـمـن الـعـرابي
مـحـــمـــد الــطــيــب كــريــــم الـــمــرابـــي=ابـن عـلــي ســتـــر الـهـنـوف الـمـحـنـاه
ايضا الـكـريـم اللـي بـوسـط الـجـلاعـيد=لـه مـجـلـسن من جاه كـنـه ضحى العيد
الدهـمـشـي فـوقـي سـمـيـراء تـقـل حـيــد=الحب صـاع(ن)والـرطـب كـان وزناه
وابـن مـغــامـس جــاب تـمــرة جـنـيــنـــه=والـجــوع وسـط الـكـبـد مـثـل الـمكينه
وشــاهــد طــريــح الـجـوع ظاهر ونـيـنـه=واعـطــاه تـمـر الـطـفــل والـرب كـافاه
واللي دفـع مــدى الـعــرب لاهــل جــاره=الـلـي تـوفـى عـقــب طـيـحـة جـداره
ســاق الـــديـه فــي طـيـبـــتــه واخــــتــيــاره=عـنــد الـدواسـر بـالــروايـه خـبـرناه
والـلــي قـبــال الـبـيــت مـثـــل الـنـثــيـلـه=مـخــلــوطــة(ن)مـابــيــن بــنـــه وهـيــلــه
حـتــى الـمـعــادي قــال حـربـه فـشـيـلـه=شيخ الـمناقـر مـن بلـي طـيـب الـجـاه
وابـن لـهـيــلـم وقــفـــتــه لابـن غـســلان=اعـطـاه شـاة الـضـيف لـو كـان زعـلان
قال اسكـتـوا عـن راعـي الطـيـب يافـلان=لولاه ضـايـق مـا تـقــدم عـلـى الشاه
وزيـد الـعجاجـي عـقـب طـيب الـتـمـيـمـي=الـلـي جـمـيـلـه بـالـزمـان الـــقــديـمـي
انـجــى حـلالـه مـن قــرار الـخــصـيــمـي=وعادت جـفـيفاء عقب الامحال واحياه
والـلـــي يـهــلــي بـالـبـــقــر وســط لـيــلـه=يـظـنــهـــا ضـيــفـــن رمـى الـجـوع حـيله
ابـن فــزيــر الـلــي مــثــل وبــل ســيـــلـه=مـن مـزنــة(ن)بالـوسـم سـالـت شغاياه
والا الـشـجــاع ان قـيـل هـذا حـديـثـه=الـلــي طـــعــونــه بـالـمــعــــادي غـثــيــثــه
وطيب الـصـخـور اللي مثل سيل غيـثه=وسـطــام ذوده عــاد مـن حــر شـلـفـاه
واللي بـنــي لاجــل الـكـــرم حـوطـتـيـنـي=لاجــل الـضـيـوف اللـي يـسـار ويميني
بـالـمــسـتــجـــــده والـــكــــرامــه تـبــيـــنـــي=ابـــن ربـيــــعــــان الـتـمـــيـــمــــي تـبـنــاه
والـلــي صـبــر قـــدام ضــيـــم الـــقــرايـب=ومـاتـوا عـيـالـه من عـطـيب الضرايب
واخــوه راح وصـــــابـــرن لـلـمــصـــايــب=جــديــع بـن قـــبــلان والـعــفـن يـفــداه
واللـي نـقــل بالـطـيــب بـعــض الـحـجيجي=اللي ركـايـبـهــم غــدى لـه هـجـيـجـي
وساروا حـفــايــا تـحـت ريــح وعـجـيـجـي=واولاد الازمل والـركـايـب عـطـاياه
والـلــي خــتــــم زيـن الــقــوافــي بـيــائــــي=الـلـــي خـيــولــه جــاهـــزه لـلـنـــدائـي
اعــــاد ذوده مــع حــلـــول الـمــــــســـائــي=الـغــيــهــبـــان ومــرة الــطـيــب مـربــاه
واللي يـقـيـم اسـبـوع في مدخل الـشـيـخ=من شان رجـلـن من رجالن مطانـيـخ
وحـمـى ظويـهـر عـن سـيـوف الـمـنـاويخ=هـذا عـبـكـلـي شـيـخــنـا فـي حـمـيـاه
والـشـايــب الـلــي مـاتـحــلـل عــظــامــه=الـشـيــخ ابـن هــادي عـزيـزن مـقـامه
فـي مـجــد قـحـطــان الـعــزيــزه عــلامـه=اقـفــى عـلـى بـيـض الـفـعـايـل وخلاه
واللـي عـطــى وصـفــه لـكـل الـقـبــايـل=اللـي حـمــى بـيــض الـنـعــام الـطـوايـل
شيـخ الـعــريــعــر من رفــاع الـحـمـايـل=مع ماجد اللـي يـطـلـب الـعـفـو بـاتـلاه
والـلـي نـخـى عــدوان شـيــخ الــطـــوالـه=يـبــي الـكـفــيـل الـلـي عـلـيـه الكـفاله
وعـاقــب مـنــيــع وشـال كـامــل حــلالـه=وسدد بـريـك الـلــي بالاشعـار يـنخـاه
ومـقـــرود ربــعـــه مــع شـهــيــر الـمـغـازي=سـاجـر فـقــد طـيـرن يـروم بالـنـوازي
وحـتـى الـسـلــوقــي راح سـاقـه قـزازي=وصـبــر عـلــى جــارن بـقـــرده تـبــلاه
والـلــي مـن الاخـوان طــــاع الـكـبـيــري=لـو يـضـربــه زعـــلان طـيـــبـه كـثـيـري
ومن ضـربـتــه طـاح الـعـصـا بالـمـسـيري=ومـيــزر خـذاه وقــام لـلاخـو واعـطـاه
وهــذا الـفــديــع الـلــي فـعـل مـثـل فـعـله=مـع شـالــح الـلـي طـيـب ربعه جـمع له
خــادم لاخــــوه وخـــاط ثــوبـــه ونــعـــلـه=وشـالــح قـبـل مـوتــه بالاشـعـار يـنـعاه
والا فـحـيـمــان الـحــجــوري حـمـى زيد=وخــلاه يـكـمـل حـج فرضه ضحى العيد
فـك الـسـجـيـن اللـي بسجـنه شكى القيد=ربـعــه جـهـيــنــــه بـالـمــــلازيــــم مـنــصـــاه
والـلـي مـشــى فــزاع مــن شــان عــيـــده=الـلـي عــطــوهــا شـايــب(ن)مـاتـريـده
والـلـي نـخـت ضـاري تـلاقــي عـضــيــده=والـشـهم اخو صـلـفـه مشى من حـمياه
والـلـي من عـيـالـه شـكـى نـار الاتـعاس=ودعـى عـلـيـهــم دعـوة تـجـلـب الـباس
ومن دعـوتــه طـاحوا بـقـطـاع الارماس=وجحـيـش سـارت بـيـن الاقـوام شكـواه
والـلــي يـنـام بـجـنــب بـنـت(ن)عـنــيـــده=شـهــريـن والــطــــاهــر يـظــــنـه ولــيــده
مـع انــهــا بـالـــــنـــوم مــاهـــي بــعــــيـــده=ولـد الـمـفـضـل مـاكـشـف عـن خــزايـاه
واللــي عـطـــى بـيــتـــه لـجـــار(ن)ضعـيفي=وعـــانـــوه ربـــعــــه بـالــحــلال الـكـلـيـفـي
سـواه ابــن جــامــع وســيــــع الـمـضــيـــفـــي=شـيـــخ الـعـــوازم والـصـخـى من مزاياه
والـلــي عــفـى عـن واحـدن جـاه حــايــف=يومـه زبـن قـبــرن لـشـيـخ الـطـوايف
قـبــر الصـيـيـفــي عــقــب مـاكـان خــايـف=وسـبــيـــع مـاتــوذي دخـيـــلــه لـــذكــراه
واللي حـرق من رحـمـتــه دفـــتــر الــديـن=للي هـرب من خوف سـجـن السلاطين
الــطــوب ســواهــــا وعـنــــدي بـراهـــيــــن=وشـعــر الـعـبـيـكــه للـشـهـاده حـفـظناه
واللي حـمـى الـنـسـوان عـن نـقـرة الضـيق=من نـقـرة الـمـشـهـد عـلـى فـكـة الـريق
اربــع بـنــات(ن)فــي وصـوف الـغــرانـيــق=وسليمـان بن حـتـروش بالـطـيـب سواه
والـلــي عـن الـجـاره عـفـيــف الـلـســانــي=وقـامــت تـحـــاول بــه وهــو مـايــدانــي
اقـصــد بــه الـطـاهــر جــريــس الـيـمــانــي=الـلــي رفــض يـاطـى الـخـنى مع رزاياه
والـلــي لـــقــى حـــتـــــفــه بـمــقــــتــل بــنــــيــه=ومـثــــلـه تـمــوت الـمــهــرة الــثـــابــتــــيـه
يـوم الـــعــرب فـيــهــا الــنــدى والـــحـمــيـه=مـاتــوا لـمـوتـــة واحــدن طـــال مـبـــنـاه
واللـي نـجــى مـن كـيـد رجـلـن غـدر فـيـه=وعــزي لـمـن مـثـلــي ذلــولــه تـخـلـيـه
وقــعــــد لـهــا بـالـلــي حــــديــــده مـصــفــــيـــه=وقـطــع فـهـــد حـبــلـــن عـلـيـها نـقل ماه
واللـي حـمـى لاغـلـــى الــرفــاقــه حـصــانـه=فــي حــل لـغــز(ن)للـخـلاوي ضـمـانه
هــــذا بـريــــك الاســــعــــدي فــي زمـــــانــه=وابن سـويـط اخــبـر خـصــيـمه وخــلاه
والا الـصـــويــــغ غــــاب سـبــعــة عــوامــي=ورجــع يــبــي طــفــلــه وزيـن الـوشـامي
وســاعــة وصــولــه طـــاح بـيــتــه هــدامـي=وماتـوا وقـلـبــه جــر حـســره ولــوعــاه
واللـي مـن الـضـيـقـه نـخـى قــال يـادبـاس=تركـت زين الـدرب وامـشـي مع الساس
ورجــع لـه اللــي يـشـبـه الـطــيـر قـرنـاس=واعــــاد لـلـــشــــايـب مـكـــانــه ومـــركــاه
ومـثــلــه عـقـــاب الـخـيــل كـانـك تـقـصيت=وسعدون شيخ(ن)قال ياعقاب ذليت
واذويت من كــثــر الـعـنــاء واستـخـفـيـت=وذاق الـعــواجــي زيـن عـيـشـه بدنـياه
وبـنــي تـمــيــم الـلــــي تـشـيــل الـبـعــــيــري=شـالـه هل الـروضـه بـعـزم(ن)كـبـيري
بـعـــيـر ضـيــف(ن)طــاح دونــه ثـبــيـــري=وابـوجـري ضـيـف(ن)بالامـداح جـازاه
واللي نـخــت نـاســن عـلــى ذبــح ذيـــبــه=الـلـي كـلــت وســط الـلـيــالــي حـبـيـبـه
ثــلاثـــــة(ن)ســاروا لــهــا فـــي شـطــيــبـــه=واحــد الـثـــلاثــه صــادهـا عـقـب لقـياه
والـلـي لــمـح داب(ن)بـراس الـشـطــيــبــي=يـنـزل عـلـيـه الـطـيـر ظـنـه عـسـيـبـي
داب(ن)عـــمــى قـــدام عـــيــن الــــذويـــبــي=وزاد اتـكــــالــه فــي بـديــع الـسـمــاواه
والـلــي رحــل مــع صـغـــر سـنــه لـبــغـــداد=واصـبــح لاخـوه بـطـيـبة القلب كداد
ومن الـمـرض نـاصـر ولــد غــيـث مـاعــاد=واخــوه عــبـــدالـلــه بـالاشـــعــار يـرثـاه
والا الــمـتـيـــنــه لــه حــروف(ن)كــريــمـــه=ارسـل يــدافــع عــن مـكـارم خـصـيـمه
وراع الـكـــرم يـتـــرك دروب الــظــلــيــمـه=وحـامـى عن اللـي قـال ياكـلـيب ياناه
والـلـي تـــرك ظــبــي الـمـــفــالــي طــــلــيـــقـه=ذكــر وصـــاة(ن)شــالــهـــا مـن رفـيــقــه
لـه فــي بـنــي هــاجــر عــروق(ن)وثـيــقــه=هـذا الــخــــلاوي مـايـخـــلـــي وصــايـاه
والـلــي حــمــــى جــاره بــنـــار الـــقـــوايــل=الـلـي دخـل مـن خـوف سلطـان حايل
وعـــاف الـبــلــد لاجـــلــه وشــد الــرحــايــل=الــدوح مـن شـيـخــان عـبــده ومـجــلاه
والـلــي لابـن خـشـمــان ساق الـنــجــايـب=حـيـثـه تــرك لــه مـجـلــســه يـاحـبـايـب
زيــد الــخــويـر الـلــي فـعــولــه عـــجـايــب=فـي مجـلـسـن لـلـشـيخ في عيد الاضحاه
والـلــي مـــدح نـاسـن مــثــل بـاشــة الــروم=وياحمود يـظـهـر لـك صديقن من الـقوم
الاحــمـــدي من حــرب بالـطـيب مـعــلـــوم=قـافــه سـرى ذكــره مع اقـصــاه وادنـاه
والـلــي رفـض يـشــرب عـلــى جـمـة الـبـيـر=قـبـل الـرفـاقـه خـوف بـعـض المعـايـيـر
ونـار الـعـطــش فـي حـامـيــات الـمـصــاهــيــر=غـريــب مـن الـشـلـقـان ياطـيـب حلياه
والـلـــي يـقــول مـن الــــقـــهـــر زاد غــبـــنـــي=وتـوي لــقـــيــت ظــلال راســي وزبـنــي
حـسـيــنــات مـثــل الــداب شــوفـه رهــبــنــي=والــــداب لـو هــو مـيــت(ن)ماتــمــثــنــاه
والـلـــي نـزل مـن شـان بـنــت(ن)صـغــيـــره=فــي حـفـــرة(ن)مـحـدن يـجـي فـي محيره
والـــلــــه فــــلا صـــــارت بـكـــل الـــجـــزيـــره=خـــالـــد ولـــد ســودي سلـيـل الـدعـيجاه
والـمـنـسـلـح رجـل(ن)مـن اهــل الــقـصـيـمـي=يـنـصـف مـعـاشـه لـلـضـعـيـف الـيـتـيـمـي
عــشــرة عـــوام(ن)كـاتــمــــيــــنـه كــــتــــيــــــمــي=ولابــــان لـــيـــن الــلــــه بـعــــفــــوه تـوفـــاه
مــرحـــوم يـــانــســل الــشــيـــوخ الــكــــرايــــم=يـالـلـــي بـذلــــت الـمــال والـعــفــن نـايــم
الـــلـــــه يـحـــــلــك عـــــد مــاقـــــام قـــــايــــم=وعـســى جـنــان الــخـــلــــد داره ومـلـفــاه
وعـــجـــايـــب الــدنـيــــا بـنـــجـــــد الـــعــــــذيــه=ســوالــــــفـــن بـاقـــــدار رب الــــبـــريــه
بـالــصــــدق تـرويــهـــا الــرجـــــال الـــنــــقـــــيـــه=وصــدقـــه ثـــبــت عـنــدي ولا بــه مـراواه
اعــجــب عــجـــايـــبــهــا عـلــى ابـالــخــســايــر=انـجـب مـن الـخـفــرات سـبــع(ن)حـرايـر
وجـابـــن شـــيــوخ(ن)مـاتــهـــــاب الـسـعــــايـر=والـكـل مـنـهـم شـاخ مـن طـيــب يـمـنـاه
الاولــه جــابــت (مـكــازي) عــلــى الـطــيــب=اللـي رمـى شـاتــه يـبـيــهــا عـشــاء الـذيـب
والـــثــــانــي (الــطـــيـار) سـيــف الـمـعــاطــيــب=اســم(ن)وكــل الـنــاس تـسـمــع بـطـــريـاه
والـثــالـثــه جـابــت عـلــى الـطـيـب (ساجـر)=الـلـــي يـغـــيـــر بـحــــامــيـــات الـــهــواجـــر
وعــقــــبــه (ابـن شــامــان) سـيـل الـمـحـــاجــر=الـلـــي يـصــب الـسـمــن صـافــي بـيـمــنـاه
والـخـامــســه جــابــت (خـلـف نـسـل نـاحل)=شـيـخــن يـمـيــنــه مـثـــل شـهــد الـمـنـاحـل
وعــقـــبــــه (جـــديــع) الـلــي يـبــوج الـمــراحــل=جـديــع ابــن قـبــلان بـالــصــبـر مـااقـــواه
والـســابــعــه جــــابـــت مـحـــمـــد بـالاخـــــبــار=(ابـن سـمــيـر) الـلــي حـمـى جــيــرة الـجـار
مامـثــلـــهـــا صــارت عـلــى كــل الاقــطـــــار=وابـالــخــــسـايــر شـــــاد ســــاســه ومـبــــنــاه
ونـســـر(ن)بـحـــايـل فــي نـوايــــف جــــبـــــالــه=الـلــي نــقـــل كــتـــــف الـضـحــــيــه وشــالـه
شــيـــخ(ن)مـن الـجـــربـــان واهــل الـشـكـالـه=ومن الــجـــزيــره جــابــه الـنــــسـر وألــــقــــاه
والـلــي فـــهــــم تـفــكــــيــر خــصــمـــه بـحـــــايــل=سـعــدون قــال اخـشـــى كـــريــه الـمـثــايــل
والــخــــيـــل بــــدل كــــــدشــــهـــا بــالاصـــــايــل=وقـــالــــه مـبــيـــريــك الــذي صــاب مـــرماه
والـلـــي بـنــــومــــه شــــاف شــيـــن الـــمـــعــــارك=والـصــبــح حــط الــوصــف كـــنــه مـشــارك
الـــعــرفــجــــي شـــيـــخ(ن)وسـيـــــع الـــمــــدارك=وصارت مـثـــل مـاقـــال فــي وصــف رؤيـاه
والـلـــي لـــمــح زيــت(ن)قــطــر بـالــطــريــقــي=مـن مـوتـــر(ن)والـشـمـس صـيـفـه حـريـقـي
وفـهــــد الـــحـــمــادا لـه ضـمـــــيــر(ن)رقــيـــقــي=قـــــال ان هــــذا مـــــادري فـــي بـــلايــــــاه
ومــشـــى عـلــــى دربــــه لــوســـط الـنــفـــودي=ولـقـــاه عــطـــــلان(ن)عــطـــاش الـكـبـودي
مـــعـــــه بـــنـــــاتــــه مــثـــــل لـــون الـــورودي=كـانــوا قـريــــب الــمـــوت لـولا الـلــه انــجــاه
والـشـــعــــر كــان اول بــطــــرق الــهـــلالـــي=قـبــل يـتـطــور بـالـعــصــور الـتــوالـي
ورقــى الـــخـــــلاوي مـرقـبــــه بـالــعــــوالـــي=وبـريــك مع شـايـــع خـذو مـن نـدايــاه
والـلـــي بــدى الـــقــــافـيــن راع الــحــريــقـــي=مـحـسن وهـو قـولــن ولا هـو وثـيــقـي
ولا احــدن جـــزم بـالـلــي بـداهـا حـقـيـقـي=ولا هي غـريبه عـند مـحـسـن ومـسـراه
وجــيـل الــذهـب بالـشعـر جـيـل ابن لعبون=وابـن سـبـــيـل والــــدويــرج بـلا هــون
وشـالـــح وتــركــي والـــربــيـــعــه وســعــدون=والـعـونــي الـلــي شــب بـالـقـاف غـاراه
وجـيـــل ابـن هــــادي ذاع بـالـقــــاف تـاجــه=وراكــان يـضــوي بـالــقـــوافــي ســراجـه
وعـبــدالـلــه الـمــسـطــور يـضـبــط مـزاجــه=وفـجـحــان لـه بـالــقــاف سـجـه وروحاه
والـشـــاعــر الـلــي نـافــلــن كــل الازمـــان=وغـطــى عـلــى شـعـر العرب وين ما كان
الـلــي نـظـــم فــي كــل الابــواب قــيــــفـــان=ولا تـصـلــح اشـعــار الـــمــراجـل بـلــــيـاه
هــذا الــفـحــل بالـشــعــر نــفـــســه عــزيــزه=مـحـمـــد الـــــقـــاضــي مـرابــي عــنــــيـــزه
ربـعــه تـمــيـــم ولـه عــلــى الــنــــاس مــيـــــزه=شــره عــلــى الــدجـــال لا بـان طــريـاه
وقـصــايــد اهــل الـطـيــب مـثــل الـجــواهـر=لا صــاغـهــا عـقـل(ن)بـالاشـعــار ماهـر
مـثــل الـمـطــر يـنــزل مــن الـمــزن طــاهـر=والــنــاس كـل(ن)لــه هـقـاوي وشـوفاه
وقـصــيـــدة الـنـــجــــدي حــصــانــه عـريــبـــي=ومـثــلــه بــديــوي بالــمـثــــايـل عــتـــيـــبي
وابـن مـهـلـــهــل صــاغ قـــافـــن عــجــيــــبــي=ورمـيـزان ابـن غـشام والـقـاف يـزهـاه
وقـصـيــدة الـقــاضــي عـســى الـطـيــب فالـه=والابـل مـعـلــومــن بـالايــدي عــقـــالـه
خـمــس(ن)قـلـيـــل(ن) بالـقــصــايـد مــثــالــه=وبـاقــي الـقــصـايــد كالـزهر فـي شغـاياه
وقـصـيــدتــه فــي دلـــة(ن) تــقــل غــرنـــوق=وريح الـقـهـاوي فايـح(ن) يفـضح السوق
فــي مـثـلـهــا ماهــو مـن الـنــاس مـسـبــوق=حـيـثــه بـنـفــس الـوقـت بالـقــاف سواه
وجـت لـه عـنــود(ن)لاخـتـبــاره بـيـــاحـــي=وقـالــت تــرى قـلـبـي تـقـل سمح ضاحي
يـامـن يـلـــم الـسـمــــح والـسـمـــح راحـــي=قــال الـمـطــر يـسـقـيـه والـحـصـد يقـفاه
ومـثـلـه لابـن مـجـلاد يـاصـف بـهـا الكـيـف=وذعــار بـعــتــيـبــه بـديـــع الـتـــواصـيـف
والـلـــي دلالـــــه كـالـبــطـــاط الــمــهـــاديــف=ودغــيــم الـلــي شــاعـــر الـــربـــع نـاحــاه
وقــامــوا بـتــقـــديـــم الــثـــــلاثــــة فــنــــاجــــيــــل=لـشـيـــخ الـجـمـوع اللـي يقود الرجاجيل
والـفـــارس الـلـــي يـتــعـــب الـهـجـن والـخـيل=وراع الـصـخـى ربــي من الـفـقــر يـاقـاه
وهـايـس عـطــى الاول لـطـيــب الـعـقــيــدي=والـثـــــانــي الـــمـكــرم ونــــاره وقــيــــدي
والـثـــــالــث الـفــــارس ســطــــام الــعـــنـــيــــدي=وذعــــار خــالــــف بـالـفــــنــاجـيــل وايــاه
والاول اصـــبــح بـــيـــن الاقـــوام فــــــارس=ثــم الـعــقـــيـــد اللـــي يــقــــود الــفــوارس
وراع الــصــخــى كــــفـــه لـلامـجـــاد غـــــارس=وهـــذي تــراتــيـــب الــعــتــيـبــي ومــدلاه
وابــن عـشــوي بـالـطـيـب من روس قحـطان=حـط الـكـريـم مـقــدم(ن)طول الازمان
بـقـصــة حــريـــم عــيـــــالـــه اللــي بــقـــيــــفـــــان=والـجـــايــزه خــاتـــم علــى الـدرب لاقـاه
وزيــد الـخــويـــر اعــطــــاه راع الـشــجــــاعــه=ثــم الـكــريــم اللــي عـطى الناس صاعه
ســوالـــــف(ن)لـلــطــيـــب صــــارت بـضـــاعـــه=يــوم الـــردي كــل(ن)يـسـبـه ويشناه
والـلـــي بــالاجـــرب صـــار مـذكــور سـيــــفــه=بـالـقــاف يـظــهــر لـلــقــرابــات حـيـــفــه
وطــار الـكــرى مـن مـوق عــيــنــن شـريــفـــه=بـاسباب من خــالــف لـتـركــي وصـاياه
وفـيـصل شرح غـيـظـه عـلـى صاحب(ن)باق=وقـصــره لـهــم عـن لافـح الـبرد مشراق
ويـــقــــول ذا قــولـــــه وبـــالــــرب وثــــــاق=ويـــمــدح تـمــيـــم الـلـــي لـلاتــراك مــاذاه
والـشـيــخ جــاســم فــي قــطـر لـه مـكـانـي=وانـا اقـصــد الـلـي يـشـتـهـر بـابـن ثــانــي
قـصـــيــدتــه بـاهـــل الـبـــــدع بــــه مــعـــانـــي=وفـيـهــا لـمــنـهـاج الـسـلـف خـوش شاراه
وعـنـــده حــزيـنـــن قـال شـعــــر(ن)حـزيـنا=وحــنــــا شـبــعــنـــا بالـعـــنـــــاء وارتـــويــنـــا
وحـنــــا عـلــــى مـرســام بـيـــتـــــه بـكـــيـــــنــــا=هــذا مـحـمــــد والـفــيـــاحـــيــــن مـنــشــاه
واشـعــار غــــانــم يـشــعــل الــحــرب قــــافــه=وردهــــان يـطـــفـــيـــهــا بـحــلــم ولــطـــافــه
ويـجـيــبـــهـــا الـــعـــونـي ويـلـــعـــن ســقــــافــــه=قـافــه مـثــل ضــرب الـمــدافــع سـمــعـنـاه
وقــصـــايــد الـــحـــكــــمـــه والاجـــواد كـــــاره=ابـــوزويـــــد قـــــام يـــرفــــــع شــعــــاره
وابــن شــريــم الـلـــي مـشـى فـــي قــطــاره=اللي بـحـرف الـكــاف ســارت ســرايــاه
مـثــل بـركــات الـلــي عـلــى الـكـــاف شـده=نـصـح(ن)بـتـجــريــب الـزمــان اسـتـمــده
والــــدســم نـصـحــــه صـــوب الاخـــوان رده=غـيــر الـشــوارد فـيـهــا الامـثــال حـلـواه
والا الــبــــرازي فــي غــــرايـــس مـنــــيـــره=يـسـمـــع لـشـيـخـــن بالـجــبــل بـان خــيره
واعـطــــاه شــارات الـــزمـــان الـــخــطـــيـــره=وشـافــه وقال ابـيــات شـعــرن عـجـيـبـاه
ويـانـجــد من سـمــاك نـجـــد غـوى اسـمـــاك=واللي عـلــى الــرجـلـيـن ماهـو ولا ايـاك
فـهــــد وطــى مــنـــهــا مـشــــاويــل الاشــواك=ابــن صـــلـيـبـــيــخ الـــــذي ذاق مـكــواه
والاشــقـــر الـبـيــطـــار نـافــح عــن الـــدار=والـسـبـــع عــمـــره مـاولـــد تـيــس وجـفــار
واسـكــت فـهـــد يـانـاس فــي زيـن الاشعار=لـكــن قـصــايــدهــم كـمــا الـمـسك طرياه
ومـثــلــه شـكــى مـن قـــال شــابـــت لــحــــانــا=شــابـــت وحــنـــــا مـا لـحـــقــنــــا هـــوانــا
وفـــقـــر الـــقـــرايــــا فـــي نــعــــالــــه وطـــــانـــا=رجــــل(ن)مــن الاسـيــاح يـشـكـي بدنياه
امـا الـــغـــزل بـالـلــــي جــــمــــالــه مـلــيــحـــي=هـــذي لـمــحــســن قــافــهــا والـوضـيـحـي
وابــن سـبـيــل جـــاب وصـــف(ن)صـحــيـحـي=لام الـعـيــون الـلـي تـقـل وصف ساعاه
وســاكـر نـظـم قـاف(ن)لـعــن فـيـه قـطــــاش=يزعـل عـلـى ما لون ويرضـى عـلـى ماش
وعـــقـــبــه دعــى لـه دعـــوة(ن)تــقــل رشـــاش=بـاللـي ذبـــح نــاس(ن)تـقــيـــم الـصــلــواه
ايـضــــا وصـــوفـــه لـلـــــذلـــول الاصـيـــــلــه=وابــوزويـــــد لـــــه وصـــوف جـمـــيــــلــه
لاشــك عــــايـــد صــعـــب تـســـمــــع مـثـــيــــلـــه=فـي وصــف زيـنـــات الــركـاب الاصـيلاه
وابـن دويــرج جـــاب قـــــاف(ن)طــويــلـــي=فـي وصـف ريـمن رمش عـيـنـه ظـلـيـلـي
الـلــي رمـتــــنـــي بـالـمــحـــــبــــه عـلـــــيــــلـــي=مـثــل الـــذي قـبــلـــي تــعـــرض لــلآفــاه
الـلــي وقــع مـن رمـش خـاضـب كـــــفـوفـه=ولاجـل الـمـحـبـه طـاح يشكـي حـتــوفه
مـثــل الـدجــــيــمــا والـمــطـــوع حــــســــوفـه=ومـخـلــد نـخـــى وادرك حـبـيـبـه بـلاماه
والـلـي لـبـس من شـدة الـوجـــد خـيـــــشه=باسـبـاب ريـمـن طـاح من قصف جـيشه
وطـاحـت حـيــاتـه بالـمـحـــــبــه غــشـيـشــه=مـحـــــمـــد الـعــــــمــار لا حـــل طــريـــاه
واللـي لاجـل خـلـه شـرب كـاس الامـرار=ونـخــى مـنـيــر وصـاح فـي زيـن الاشـعار
ويـامـنـيـر ماجـاء لـك عـن الـتــرف ذكــار=وذبــح غـريـمــه وانـتــحــر عـقــب بـلــواه
وثــلاث الاخــوه مـن عـيــال الـــجــلاعـيـــد=واحـــد ورى الـثـــانــي يـمـوتـوا مشاريد
بـاسـبــاب زيــن الـعــيــن والـردف والـجيد=وام الـثــــلاثـــه بـالـحـــشــى نـار شـكـــواه
والـلـي شـكــى هــمــه لــورق(ن)تـنــوحــي=يــقـــول روحـــي كــن روحــي تـروحــي
ابـراهـــيــم بــن كــنــــعــان قــلــــبــه يـفــوحــي=نـاظــر شـريــفـــه والـمـــرض قـــام يـاطــاه
وجـتـنــا عـلـــوم رجـــال طـــاحــوا ضـحـايـا=ولا طـــــاح بــدروب الـمـحــبـــه صــبـــايــا
بـاسـبـاب ضـعــف الـبـنـت بـيــن الــبــرايــا=تـرضــى وكـل عـهـــود الاحـبـاب تـنـساه
واكـثـر فـحـول الـشـعــر لاهــل الـقـصـيـمي=جـابــت رجـال(ن)شعـرهـم بـالـصـمـيـمي
فـي وقــتــهـــم بـالــشـعــر مـا لــه لـطــيـــمــي=وثــلاثــة(ن)مـنــهـــم لـــحـــايـــل خـــذيـــنـــاه
اول كـسـايـــبــــنــا خــذيـــنـــــا الـســنـــــيـــدي=الـلــي بـجـــيــــرتـنــا وطـيــــبـــه ســعـــيـــدي
يـقـــول حـــايـــل هــي هــنـــايــــا وعــيـــــدي=وحـنــا مــن صـنـــوف الـحـبـابـه عـطـيـناه
والاشـقــر الـلـــي ســاكــن(ن)فـي حـشـانا=الـلــي بـــقـــــيـــــفـــان الـحــمــيـــه كــفــــانـــا
الــــشـــــاعـــر الـلـــي بـالـــــمــــوده شـــرانــــا=وحــنــــا عــلــــى درب الـمـحـبه شريـنـاه
ومـحــمـــد الــعـــونـــي شـــديــــد الـنــخــــاوي=الـلــي كـمــا ذيـب(ن)على الـجال عـاوي
قــصــــايــد(ن)تـشـــعـــل قــوي الـــهــــقــــاوي=وصارت سبـب سـجـنـه وحــزنـــه وبـلـواه
وفــي قـرنـــنــا الــرابــع عـــشــــر يـالاكـــــارم=جـيــل(ن)حـوى عــدة فـحول(ن)صوارم
وهـو عـنــدنــا نـسـمـيــه جــيــل الـخــضــارم=واشـعــارهــم فـي سـهــل الالـفــاظ تـلـقـاه
مـثــل الــســـديــري مـع رشـيــد الــزلامــي=ومـحـــمــــد الـــــديـــري رفــيـــع الـمــقـــامــي
والا الازيـــمــــع فـــي لـــذيـــذ الــكــــلامـــي=مــع زبـــن ولــــد عـــمــــيـــر مــابـــه مـــراواه
وقصايد(ن)شـاعــت لـصـقــر الـنـصــافــي=وبدر الـحـويـفــي بـالـقــنــص غـيــر خــافي
والا الـــتـــبــانــا قــاطــعـــيـــن الــــفـــــيـــافـــي=والـخـس مـع عــادي وابـن عــون نـاجـاه
والا الـفـــيـــحــانــي بـالـقـصـيــد الـثـمـيــنــي=الـلــــي كـســى قـافــه بـعـقــل(ن)رصـيـنـي
خـــالـــد جـمـــع بـالــقـــاف دنــيـــــا وديـنـــي=يـشـبـه قـصـيــد الــعــود مـطــلــع ومـنــهـاه
والــجـــيـــل هــــذا جــيــــل بـــنــــدر وكـــادي=الـلـــي شــهـــد لــه حــضــرهــا والــبــوادي
ابــن ســـرور الـلــــي وطــــى كـــل وادي=فــي وصــف زيــنــــات الـمــواتــر وطـريـاه
وقــصـايــد الـنــســوان حــرفـــه نـشــيــطــي=مــثــل الــدقــيــس وحـبـــهــا لـلـسـويـطــي
ومـثـلــه مـويـضـي ثــم بـنــت الـســلـيـــطــي=نـدمــت عـلـى اللـي طـاعـها فـي وصـايـاه
وظـــويــهـــره قــــافـــه سـبــــايـــب حـــروبــه=بـنــت الـــشــراري لـلـــرجــــال مـهــــيــوبــه
ومويـضــي الـعـجــمــان قـــــافــه عـــجــوبــه=وجــديـع لاجـل الـشـعـــر يـانـاس خـلاه
وهـيــــاء تـحــب الـطـيــب بـنــت الــعــيــــاده=الـلـــي تــريـــد الــطـــــيـــب لــو قــــل زاده
والـعـــرفـجـــيــــه لـــه بـطــيــبـــــه شــهـــــاده=وابـوطــــلال الـلــــي شــهـــــد لـــه بذكــراه
والـشــبـــرمــيـــه حـــذرت ربـــــعــــه الـــــذل=جـــابـــت كـــلام(ن) كالرصاص ابهر الكل
وبـعــذر الـسـحــاب الـيــا تـــرزم ولا هــل=وفـكــوا دخـيــل الـبـيـت حـوض الـمـنـياه
مـع نــورة الـهـــوشــان شــافــت قــلــيـــــبـــه=والـلـــي نـبـــي عــيــا الـبـخــت لايـجــيــبـه
صـارت مـثــل لــلـــي عـسـيــر(ن)حـــبـيــبــه=من جــمـــلـة امـثـال الـرجـال الـشـهـيــراه
مثل الـــذي يـشــرح هـــمـومـه والاسـبــاب=وقـال ان هـذا هـو بـلــى ابـوك ياعـقـاب
قــالـــــه نــمـــر والـيـــوم فــي كــل الابــواب=مايــوم يـمــضـــي كـــود نـسـمـــع بـطــريـاه
مـثـــــل الـــــذي يــرجـــي ولــــيــــه نـوايــلــــه=الـلـــي رزق داب(ن)عـمــى مـن فـضـايـله
لا طــالــعـــت بـــرق(ن)ولا هــــي مـخــــايـله=وحـجــــرف خـــذى مـنــهــا دلايـل وعبراه
وراع الـغــلـــط يـلـــقــى الــشــمــاته من القوم=ومن طــاوع الـثــنــتــيــن يـصـبر على اللوم
الـنــــفــس والــحـــرمــه تـخـــلـــيــــك مــهـــمــــوم=مــع عــبـــد ابـن هـــذال والــركــب خـلاه
ومـثــل الـــــذي يـــنــــذر قــضــــاة الـــقـــبــــايــل=لا صـــار مــيـــزانـــه عـــن الـحــــق مــايل
وقــاضــي الـسـمـــاء يـعــلــم جـمـيـــع الــفعايل=والـشــيـــخ جـــاســـم قــال الاعـمــال يلقاه
وتـقـــول لـلــــي حـــط لـلـــكــــذب تــمـــثـــــال=يـظــلـــم كـــرام الـنـفــس ماضين الافعال
والـــــقـــد مــا لانـــت عــــراويــــه بــتـــــفـــــال=حـكــمـه لابـن لعـبــون مع شـخص هاجاه
ويــقـــــول لـلـــي طـــاح والــخــــيــــر فـــــاتــــه=واصـبــح قــريــبـــن يـاعــرب من وفــــاتـــه
مـحـــدن يـســـد الــســيــــل عــنـــــك بـعــبــاتــه=وبـعــــض الـبــــلاوي مــاتـــرده بــفـــزعـــاه
وتـقــــول لـلــــي بـالــشـــرابــيــــك بـلـــشـــــان=اضرب على الـكـايـد الـيـا صـرت بـحلان
وعـيـبــن عـلــى اللـي يـخـتـفـي عـقـب مابـان=لابــن رشـيــــد عـبـــيــــد يـخــبـــر رعــايــاه
ومـثــلـــه عـلـــى الـمــعــــنــى اذا كـنــت داري=والـعــــمــــر مـايــاقــــاه كـــثـــــر الــمــــداري
عـن مـقــعـــد(ن)تـصــبـــح مـن الــعــز عاري=هــذي لـتـــركـــي شــيــخ نـجــد(ن)ومركاه
والـلــي يــدوهــج بـالــســهــل مـع جـــروفـــه=مــن دون حــاجـــه تـفــرضـه لـه ظـروفه
ومـشـيــك بـلاحــــاجـــه تـــره قـــل شـــوفـــه=ابـوحــــمــــد قـــالـــه عـلــى حـســـب رويـــاه
والصدق يـظـهــر لـك عـلــى كل الاحوال=وماضـاع وقــت الـصـــوم يـظـهـر بـشـوال
والـنــاس تـــدري بـالـجـــدايــــد والاسـمـــال=لابــوطـــلال الـشـيــــخ فـي شــرح بـلــواه
واضــرب ولــدك ان كـنــت تـبـغيه يشفيك=ولــو زعـلـــت امــه لاتــخـــــلـــيــــه يـالــيـــك
وتـيــس(ن)يـحــطــه وال الاقــدار بـيـديك=بـركـــات قــالــــه فـــي مـثـــانــــي وصـــايـــاه
ومن كــــدر الـصـــافـــي شــرب مــن زلالـــه=والـــدار تـحــمـــي بـالــشــــواطــيـــر جـالـه
وان كـــــان مـاتـــدرى عـــواقــــب رجــــالــــه=قــــال الـــوبــيــــر الـبــنــت يكـشف مغطاه
واللــي يـبــــاعــد عــن دروب الـــهـــوانـــي=ولا يـاخـــذ الـحــاجــه عـقــب شـخص ثاني
ولايـشــرب الـقــفـــوات كـــود الــهــــدانـــي=لــراكـــان بــن حـثــلــيـــن قـــافــه وحـلــيــاه
وهــــو قــال قـــول(ن)لــلاوادم ذخـــيــــره=والــهــــرج يــغــنـــــي صــامـلــه عـن كـثيره
عـن عــالــــم(ن)بـالــهـــرج يـكــثـــر هـذيره=وياشين هـرج(ن)زايــد(ن)غـــاب مـعــنـــاه
والـلـــي يـــفــكـــر بـالــوقـــوت الـخـــوالــي=وانــتــــه تــشــــوف الــهـــرج مــالـه مـجـالـي
تـــقـــول لـــــه يــاهـــــيــــه يــاهـــــمــــلالــــي=قـــالــــه جـــديـــع الـشـهــم فـي وصـف دنياه
واذا نـصـحــــنــــا الـلــــي بـــرايـــــه عــصـــانـــا=نــقــــول لــــه لاشـــاف صـــــادق هــــوانــا
انــتـــــه تــقـــول هــنـــــا وانـــا اقـــول هــــانــا=فـــي قـــاف ابـــن سـراح والـجـوف مرباه
والــنـــاس بــالــــهـــــمـــه وصـــوفـــه بــعــــادي=والــحـــر الاشــقـــر لا لـقى الجول صادي
والــتــبـــع يــفـــلــــس من عــمـــود الــجــرادي=هــذي لابـــن خــربــوش راع الــجــزيـلاه
والـلــي لــقـــى عــنـــد الـجـمـــاعـــات غـيـضه=مـن عــالـــم(ن)صــارت قـلــوبـه مـريـضـه
شـمــس الــخـــيــــار ولا ظــــلال الــفـــريــضه=هــذا الـمـــزيــنـــي بـالـبــيـــوت الـثـمـيــنــاه
والـلــــي يـبـــي يـســلـــم مـن الـــنــــاس كــــلـــه=مـدام قــــرب الــــنـــاس لـلــــقـــلــــب عــلـــه
ولا جــنــبــــك شـــر الــمــخـــــالــيــــق خـــلــــه=قـضــيـــب قــــالــــه والــقـــصــيــده ذكــرناه
واللي يـشــوف الـنــاس تـحــتـــاج تــوضــيــح=والــطــيــب كــل(ن)نــال من هـبـة الريح
قـســم(ن)وهــو بـيـــن الــوجــيـــه الـمـفـاليح=الـعـــنــــقـــري قــــالـــــه لـبـنــت(ن)تـهـــزاه
وعـبـــيـــد عـــاش وشـــاف جــور الـلــــيـــالـــي=الاســـعـــدي راع الـبـــيـــوت الــجـــزالــي
والـــــعـــود يــوم انـــه يـجــيـــب الــعـــيــــالـــي=يـبـــي بــتـــــال الــعـــمــــر لــــذه وطـــربــاه
والا الــدقـــــيـــس ونـصـحــهـــا لـلـــرفـــــاقـــه=ولا تـسـتـخــيــل الــبــرق لـو هو شـفـاقه
ومــن لا يـــودك نـــور عـــيـــــنــــك فــــراقـــه=بـيـتــيـــن تـســوى لــه قـصــايـــد وقـــافــاه
والـثـــــالـــــثـــه تـســلـــيــــم رب الــســـريــــره=ويـالـلـــه عـســـى ماتـكــره الـنـفـس خـيره
لـلــــي جـــعــــــل رب الــبـــــرايــــا ذخــــيــــره=سبــحـــان رب الـعـــرش رب الـسـمــاواه
وابــوجـــري زيــــن الـمـــــثــــل داج ســوقـــه=والـعـــوشـــزه مايــنــــزل الــطـيــر فـوقـه
ولا بـــــه مـقـــيــــل لـــواحــــدن بــــان ذوقـــــه=هــــذا الـجــنـــوبـــي صـاغـهـا فـي وصاياه
او راضــي الــــقــــصـــاد جـــــاب الـنــصـــايـــح=يـقــول شــاور من يــحـــوز الـمـــدايـــح
واتــرك كـــــلام اهـــل الـــردى والـفــضــــايـــح=ومن شـــاور الـبــــايـــه عـلــى قـالـتـه بـاه
والـلــــي درس زيـــــن الــمـــثـــــايــل دراســه=وراع الـجـحـش يـلـبس مع الدرع طـاسه
بـوقــــتــن بــه الـحــصــنــي يــدور الـفـــراســه=ابــو زويـــــد جـــابــهـــــا طــــاب ذكــــراه
والـثـــــالــثـــــه قـــــالـــه يــحـــــذر رجــــالـــه=الـلـــي تـــهــــيــن الـنــفــس تــرجـــي ريـــالـه
تـــر ربــــع يـــومـــن مــقـــعـــدك بـالــشـكـالــه=تــســـوى حــيــــاة الـعــفـــن وسـط الـمـهوناه
والـلـــي يـهـــــدد واحـــــدن بـالـنــكـــــادي=من عـقــب صــبــر(ن)مـثـل صـبر المهادي
قـــال الــوعــــد لاســال بـالــــغـــــيــــث وادي=هـــذا الـلــمـــيـــــع يــهـــــدد الـلـــي تـحــــداه
وثـوب الـمـــعـــزه لاغـــدى فــيــــك ضـــافـــي=تــــقــــول بـــاقــــي عــــمــــرنــــا لـلــــذلافــــي
والـيـــا حــصــل عــز(ن)مـع الـكــيـف كـافـي=زيـــد الــخـــويـــر وقـــال مـابــه حـسـافـاه
والـلـــي يـسـيــر بــدرب مــاهــــو وكـــــادي=يـظـــن فــعــــلــــه بــالـــعــرب فــعــل عـــادي
ويــغـــويـــه عــن نـقـــل الـصــمــيـــل الــبـرادي=وابــن سـبـيـــل قـــــال لـلــنــــاس شــوفـــاه
وان جــيـــت تـنـــصـــح واحـدن مال شـيـلــه=وتــبــــيــــه يــفــــزع لـلــســيــوف الــصـقـيـلــه
والـحـــق ظـــــلـمـــاء والـمـصــقـــل دلـيــــلـــه=لــظـــويــهــــره تـشــكـــي طــبــوع الـسـبـيلاه
والـلـــي نـشـــد يــبـــي الـكــــرم والـــوقـــاره=تـعــطــي وصــوف الـرجــم فــي راس قاره
مــار الـــبــلـــى دونــه جــحــــور وخـــــبـــاره=هـــذا الـــرويــلـــي يـنـــذر اهــــل الــرديــاه
وراشــد يـقـــول الــثـــوب لــو كـان خـيشه=او عــاش عـمــره سـاكــن(ن)فـي عريـشه
شـربــه قــراح الـمـــاء مــع الــنـــاس عــيـشـه=لاصـــار مكــفــــي الـــهــــمـــوم الـشـــديــــداه
وان صــار فــيــه امـرن يــجــي مـنـه مـثــلام=وتـبــي الـعـــرب تـسـرع مع الـطــير لا حام
شــي يـــفـــوت الـــبـــارحــه كـــــنــــه الـــعــــام=ردهــــان قـــالـــه واخـــمــد الـحــرب واطـفـاه
والـلـــي نــخـــى بـالــطـيـب يـبـــي الــرفاقه=يــبــــي الــفــــزع لـلـــقــلــب حـيــثـــه شــفـــاقه
ومــا مــن ورى عـــوج الــنــصـايـب صداقه=يــقـــولـــه الــهـــربــيـــد وجــريـــس شــاكـــاه
ومــن لازم الـمـــشــــراق فـــوق الـــوســـــايـــد=يـمــوت ماحــاشـــت يـــديــــه الــفـــوايــد
ومن طــاب يـنـخـــى فـــي وقــوت الـشدايد=هــذا الــخـــلاوي زيـــن قـــافــه ومـعــنـــاه
والـلـــي خــذى زيــن الـمـثــل دايـمـــن فـــن=وحـصــان طـيـبــه بـالـمـــلازيــــم مــا كـــن
واعــرف تــرى ســن الـلـبــن يـقــلــعـــه ســن=لـمـحـمـــد بــن سـعـــود والــزيــن يـزهــاه
وياحـيف وان الـحـيــف مايـقــري الـضـيــف=من لابـــة(ن) لاغـبـــت عـنـهــم مـوالـيـف
وان جـيـــت مـجـسـلــهـم تـجـنــدت بالسيف=لـســمــيــر بــن زيــدان شـيـخــن عـرفـنـاه
وكــان الــقــرابـــه فــي غــثـــى الــبــال هــانـوك=تـقــلــط عـلــى الـبارد وتـنـزح عن احوك
ولا يـنـكـــره بـعـــد الــرفـــاقــــه الــــيــــا اوذوك=يـــقـــــولـــه الــنـــوري لــنــــقــــوة دنـــــايـــاه
والـلــي مـشــى بـالـــراي عـكـــس الــمـــســـارا=زوجـــة جـــديـــع الـلــــي تـــدل الـحــيــــارا
واللـــي يـضـــيـــــع الـلـــيـــــل يــرجــــي نــهـــارا=ومن ضاع وقت الـظـهــر ضاعت حلاياه
وابـالــشـــيــــوخ افــعــــال غـــيــــره حــمــــدهـــا=خـلـــف الــيـــا جـــاء الـخـيل يـقـطـع جهدها
والــطــيـــب واجـــــد مــيــــر هـــذي وحــــدهـــا=يمدح رجــال(ن)طـيــبـهــم طـــال مـبــنـــاه
والـلـه نـشــد يـاحــمــود عــن مـعـــرفــة يــوم=الاحـــمــــدي قــالـــه لاجــل يـتـرك الـــدوم
وياحـمـــود يـظــهـــر لــك صـديـقـن من القوم=وتـاتـيـــك مـن بـعـــض الـقــرابــات غاراه
والـلـــي تـسـبــب فـــي شــبــــاك(ن)تـصـيـــده=ومـن فــعـــل كـــفـــــه ذاق هــمــه وكـــيــده
وكــم لــحــيـــة(ن)جـــاهــا خـراهــا من ايــــده=بـنـــت الـســلـيــطــي قــالـتــه عــقــب بـلواه
والـلــــي تــــغــــرب عــن ديــــــاره وريــفـــــه=والــطــيـر بـالــجــنـــحــان مـحــلا رفـــيــفـــه
ويـمــــنــى بـلا يــســـرى تــراهـــــا ضـــعـــيــــفــــه=هــذي لابــن روسـان عـــقــب الــقــرابـاه
والـلـــي عــطـــى غــــيـــره مـن الــغــانـمــيــنــي=ولا يـسـتـــعــــيــــده فــي قــســاوه ولـيــنــي
وحـــنـــــا عــطــيـــــتـــنــــا عـــطـــيــــة غـبــيــــنــــي=لـهــايــس مــن الـمـجــــلاد وذيــاب راكــاه
ومن قـــال انـا ضـيــــم الـنــشــــامـــى يـضــــامـي=ويـلــقــــى عـلـــى قــولــه عـتــاب وملامي
بشـعــر الــــهــــــلالات الــفــحـــــول الـقـــدامي=وبـعـــض الــرواة لـسـاجر الطيب ينصاه
والـلــــي بـصــدره حـــــاجــــة مـاهـــرجـــهــــا=ضــــايــــق ويــرجـــي مــن ولــيــــه فـــرجـها
نـقـــول رجـــلـــك بـالـــوسـيــــعـــــات سـجـــها=قـــول الـســــديــري لـلــــذي عـــاف دنـيــاه
ويـقــول ظــــلــــم اهل الــقــرابـــات حـســاس=وكــان انـهـــم كـــانـــوا سـبـب كل هوجـاس
مـالــك مـشـــاريــهـــن عــلـــى نــايــــد الــنــــاس=لـلـــي ربــوعــــه دايـــــم الـــــدوم تـشـنـــاه
واللــي يـســولـــف فـــي مـجـــالــــس هـمــلــهـــا=لــو هـــي هــروجـــن مـثـل ريـحـة نـفـلـها
تـسـمـــج الـيـــا عــرضـــت عــلـــى غــيــر اهلها=فـي شـعـــر قـحــطـــان الـجـــلــيــلـه سمعناه
والـلـــي يـذوق الــجـــور والــوقــــت واطـــيــــه=يـبـــي لـطـيــف القلب عن شوف قاسيه
حـيــثــــه لــيــــان ومـن لــقـــى الـلـــيـــن يــتـــلــيه=يـقــــولـــه الــهــجـــلــــي لـشـيــخـــن تـرضاه
وحـســد الـعــرب مسبوك في ضامره سبك=وان شاف طـيـبـك بـيــن الاقــوام حاربك
لافــــاعــلـــن فـعـــــلــــك ولاهـــو مــجــنـــبــــك=هــذا الــزلامــي يـخــبـــرك كـيــف دعــواه
ســوالــــف(ن)لـلـــطــيـــب صـــــارت دلايــل=وفــيــهـا لـصــدق الــهــرج قـــول وفـعـايـل
والـصــدق واضــح نـدعـــــمـــه بالــمـــــثـــايـل=مـن راوي(ن)فـي مـصـنــــع الـــذهـن نــقــاه
جـاب الـمـثــايــل فــي جـمـيـلات الالـحـان=الـلــي يـنـــاديــه الــــعــرب يـابــن غــســلان
والــلــــه فــلا تــوزن حـــروفـــه بـالاثــــمـــــان=ومــن يـبــذل الـمـعــروف لــه يــوم يـلــــقــاه
ذكــرى لـمــن يــنــــشر دروب الـمـــراجـــــل=وقــاســى طـعــونــن موجـعــات(ن)عـواجل
من فــوق طـعــــنـــات الـعـــيــون الـنـــواجـــل=مـن رمــش ريـــم(ن)عــــذبـــه يـــوم راعــــاه
ماصـغــتــــهـــا لـــولاي احــاســـب ضـمـــيــــري=مـادام مــالــــي بـالــخـــــلايـق نـصــيــــري
الـــجــهــد جــــهـــدي والــكــرامــه لــــغــــيـــري=وان طـحــت مـحــدن قـال يـالـربـع ويـــلاه
ان طــاب غــيـــري ثـــاروا الــربــع تــصـفـيـق=وان طـبــت انــا تـسـكـت جـميع الـمخاليق
وانــا ادري انـــــه نـقــــص ذمـــه وتـوفــيــــق=ولانــي مـن الـلـــي يـرجــي الـنـاس حسناه
ابــــي عــزيـــز الــخــــال يـكـــــفـــيـــــن شـــره=وان جـــــــاه ذكـــــري قـــــال لــلـــــه دره
وراع الـحــســــد فــــي هــرجـــتـــه لا يـغـــره=ويـخــــاف رب الــعــــرش قــبـــــل الـمــنــيـــاه
يـامــا وقــــعـــت من الـمـغـــثـــــه مـريــضــــي=ومـن طـحــت عـنــده ثـار مـثــل العـضـيـضــي
وان كان قـلــبـــي فــي حـيـــاتــه حـضـيـضــي=اكــفـــخ كـمــــا طــيـــر(ن)عـجــــاجـــه تـقــفـاه
عـن عــالــــم(ن)تـفـــرح وتـنــشــر عــيــوبـــي=وحــدونـــي ارحــل مــع وقــــوت الـغـــروبي
وصــارت عـلـــى الـــدوحــــه نـهـــايـــة دروبـي=عـــزاه مــن فـــرقـــى الاجــــــاويـــد عــــزاه
اصـبـحــت كـنـــي لـلـمــخـــــالــيـــق شـمــعــه=تـوضـــي وتـرسـل مـن لـظـــى الـنــار دمـعـه
وحـســابـنـــا نـضــبـــط كـســـوره وجـمــــعــــه=لـــولا عـجــــوز(ن)تـجــــرح الـقـلــب فرقاه
اربـعــــمــــائـة بـيـت(ن) بـكــل الـــقـــــوافـــي=من ضـامــر(ن)قــــافـــه عــزيـــز(ن)وصــافــي
وعـلــــيــه ثــوب(ن)بـالـلـــوازيـــــم ضـــافـــي=ورقــى جــــبــــال الــصـدق مـا هـــاب مـرقـاه
والـــحـــــمــــد لــلــــه عـــــد مــــا لاح بـــــارق=واعــداد نـجـــم(ن)فــي دجــى الـلـيل شارق
مـن خــافـــق(ن) تـــكــويــه نــار الـمـطـــارق=وبأهل الـجبل تـبـقــى مـدى الـدهـر ذكـراه

[فواز الغسلان]

ليت من ذاق الغزال الذي ماذيقي






ليت من ذاق الـغـزال الـذي ماذيقي=قبل موتي في لـهـيـب الهوى واشواقه
وقبل يقوى هجس فكري على تطويقي=ثم اعـيـش الـلـي بـقـى لي بنار ارهاقه
ودي ارشف ريقها قـبـل ينشف ريقي=ويـل حـال اللي نحـاه الــزمن ماذاقـه
زاد حـملي من ولـيـفـي على مااطـيـقي=يـوم صارت شوفـتـه لـلـعـيـون شـفاقه
بـس ادوهــج نـاقــل دلـتــي وابـريـقــي=مع مـزون(ن) بالـدجـى لاح لي براقه
عن ثقـيـل(ن) لا لـقـاني فـتـح تحـقـيقي=هرجـتـه تطـعـن عـروق الحشى بأعماقه
والله اني طحت عقب السعه بالضيقي=كـلـمـا يـطــري لـقـلـبــي جـحــيــم فـراقه
دربـنــا غـربـي وخـلــي نـوى الـتـشـريقي=فرق عاصوف الشتاء عن دفى مشراقه
كيف اطلق صاحب(ن)ما نوى تطليقي=وكـيـف ابـوق الـلـي وفـى للهوى ماباقه
طحت مثل اللي لسيف العداله سيقي=ولا لقى وسط العرب من يـفـك وثاقه
ان بـغـى الـمـهـراب مـنـهـم بـقـيـده عيقي=وان سكت ماله بسيـف الـمـنـايا طـاقه
يـاولـي الـعــرش تـضـفــي لـي الـتـوفـيـقي=وترحـم اللي طاح يشكي غـرام(ن)عـاقه

[فواز الغسلان]

تشرب على جاري قصيد السناعيس








ان كان مجـنون الهوى بالعرب قيـس=انـا بـهـم فـي بـدع الاشـعـار مجـنـون
رسـمـت للـقــيـــفـان خـط ومـقـايــيـس=وبدعـت لي بالـقـاف مـنـهـج وقانـون
وحـطـيـت للـقـيـفـان درع ومـتـاريـس=وبالجـاش عندي له فـلاتـر وسيفون
عندي بحـور الشعر من دور بلقـيس=وشعر الفرزدق بالعرب وابن خلدون
يوم العرب من فوق حـمر العراميس=وايامـهـم حـــرب ومجــاعـات وغـبـون
تاتي حـروفي مـثـل روس الـدبابـيـس=ومـعـنـاه عن سقط الشواعير مصيـون
تشرب على جاري قـصيد السناعيس=وناس بحـايل جـوهـرة خـالـق الكون
عند الـنـدى تحـرق جـنوب المحاميس=وعند العدى فوق الـمـعادين طاعون
ماهي هـروج فـي بـيـاض الـقـراطيس=لـكـن فعول الطيب وابـلـــيـس مـلـعون
والـفـقـر مايـدفـن حضات الـنـواميـس=يامـا شـبـعـنــا يــوم الانــذال يـرغــون
وياما كـسـيـنــا من نـفــوس مـهـالـيـس=ويـاما ضـحـكـنــا والاوالـيــد يـبـكــون
وياما رقـيـنــا الجــال مـثــل الـقـرانـيـس=والناس في رمضاء اللواهيب يـمـشون
اصـل الـنـدى حـنــا كــرام الـمـغاريس=والاصل ماهو صورة تـحـت كـربون
تـنـبـع الـيـا كـثـرت عـلـي الـهواجـيـس=هـجـس رمـانـي ناحـل تقـل عـرجون
لاشفت نـور الـنـجـم مـثـل الـفـوانيـس=ونـومـي غـدى دونــه مـقـافـل وكـيلون
اسوق روحي صوب حـمر الطعاميس =وكـبـدي تشــادي جـمـرة فـوق غليون
يـازيـن مـقـعــادي بـذيـك الـنـسـانـيـس=في ديــرة مـن بـاعــهـــا بــات مـغــبــون
مـانـا بحـاجـة غـرفــة وسـط رمـسـيـس=اكـتـب لـو انـي بـيـن مـقـعـد وطـبلون
تطـفــي عـن الخـفــاق نـار الحـواسـيـس=قلب بـدار غـبـون الايـام مسجون
مااجـيـبـها من وسط سوق الـمفاليـس=مع عـالـم من سـوق الاشعار يشـرون
ولا رحت اسوم الشعر وسط الدواعيس=ولاسـقــت للـسمـسار مـبـلـغ وعـربـون
وحـنـا نـمـيـز شـعـر شـاكـر وعـتـريـس=ونـفـهـم قـصــيـد اللي بالامـوال مدفـون
لـو مـازرعــنـــا لـه عـيـون وجــواسيـس=والا سـمـــعــنـــا من وكـــالـة يـقـــولــون
كلـه لاجــل يـطـلـع بـزيـــن الـمــلابـيـس=ينذخ على الشاشه لاجـل كل مـزيـون
بـلـشـان فـي كـثـر الـفـلـوس الـمكاديس=وفي سهرته يصرف على الرقص مليون
والـشـعـر مـاهـو طــق طبـل ومراويس=ولا نـذخــــة قــدام راقـــص وجــرسـون
الشعر ملك اهل الحـظـوظ الـمـعـاميس=للي غــدى بـيــتــه عـلـى قـسـط صابون
والا انـت خـلـك تحـت طـق النواقيس=وانـقــل فـلـوســك لـلـمــراقــص بكــرتـون
دامك تجـيـب ام الـعـيــون الـنـواعـيــس=والـعـرس مـتـعــه دون حـفــلــه ومـاذون
وتلقى الذي يـفـتـيـك فـي شـرعـة ابليس=فـــتـاوي بكـتــاب هـــتـلـر وشـــارون
ولو جبت لك شعري تجيك الكوابـيـس=وتشكـي لـهـيـب الشـمـس في برد كانون
تلـقـى الـذي عـنــده قــواعـــد وتـاسـيـس=من جـوهــر فـي ضـامـر الـصدر مخزون
تحـتــاج عـنــدي عـشــرة اعـوام تدريـس=من شان تـقــدر تـنـطــق البيـت موزون
وقـصــايــدك خـلـــه بـشبــك الجــوامـيـس=والا قـفلت افـمـك بـلزقة شطـرطـون

[فواز الغسلان]

بدار الغضي يوضي





سـرى بـارقٍ نــوره بـدار الـغـــلا يـوضـي=شـعـاعه حـرم عـيـنـي حـلا الـنـوم لانـاضـي
اذا لاح يكشف عـالــي الرجــم بـالـروضـي=ويـنـقـض بـقـايـا جـرح وقـتٍ مـن الـماضي
غـدى الجـرح بـقـلـوب المحـبـيـن مـفـروضي=نـزيـفـه حـرم عـيـن الشقى زين الاغـمـاضي
انــا دايـــمٍ مـانـي بـالاريـــام مـحــضـــوضـي=عـقـب عـنـدلٍ تـرمـي بزيـنـات الالحـاضـي
يجـوض الحشى بغـبـون هجـر الغلا جـوضي=ولا احـدٍ تـرك نـوم الشتاوي عـلـى الفاضي
بها الصخف في بـطـنـه مع العرض بالحوضي=والاكـتـاف مـثـل الحـوض جـبرات وعراضي
من الـردف تـشـكي لا بغت مـشـي ونهـوضي=تـقـول انـهـا شـالـت ثـقـيـــلات الاغـراضـي
خـذت خـافـقي واقـفـت عـلى ربي الـعـوضي=ولو كـنـت مـن شـيـلـة خـفـوقي ماني راضي
ابي شـوفـهـا بـس الـطـلـب عـاد مـرفـوضي=والاعـذار خـوف الـلـي هـروجه بالاعراضي
تـقـول الحـصـار مـن الحـواسـيـد مـفروضي=حـصـــار الـعـراق بـلا محـاكــم ولا قـاضــي
خـصـيـمـك هـو الـقـاضي حسود ومغيوضي=ولايـمـتـنـع يـرمـي خـبـيـثــات الالـفـاضـي
انا خضت ببحور الهوى والشقى خـوضي=ولا لي مـن الحـيـلـه سـوى الجـاش لاهاضي
تهـيـض الـحـروف بخـافـق طاح مـقـروضي=تـداوي جـروح الـلـي وقـع تـحـت الانقاضي
طـريـح الـغـرام الـلـي شـكـى شمس وقيوضي=كـمـا الجـــمـــر قـافـه يـوم يـزعــل ويهـتـاضي
شكى من طواريق الـهـوى كـسـر ورضوضي=وهـجـر الـمـهـا راس الـمـصـايب والامراضي
حـلا الـزيـن مـايـشـبـه هــداوي ولا مـوضـي=وصـعـبٍ عـلـى قـلـبـي عـن الـزيـن يـعـتـاضي
عـذول الـهـوى عـنــدي ذلـيـل ومـدحـوضـي=لـو انـه شـضـى قـلـبي من هروجه الشاضي
سـبـاني جـديـلٍ فـوق الامـتـان مـنـقـوضـي=وعـيـن الـغـزال اللي رعـى سـفــح وفـيـاضي
طـواريـه تـلـهـيــنـي عـن الـنـاس وفــروضـي=ولا لـي بــنـــــاره لا رفـــــاقــه ولا حــاضـي
قـيـاس الـغــلا فـي خـافـقــه صــار مخـفـوضي=وانا بالـهــوى يلـضـى عروق الحـشـى لاضي
انـا طـحــت بــدروب الـغـنــاديـر مـبـهــوضي=ولااحــدٍ يـروف بـدمــع الاحـبـاب لا فاضي
وهـذي حـروفـي ضـمـنـهـا شـرح ملحـوضـي=وجـمــر الهوى حره وصـل حــد الانجـاضـي
مـتـى بـنـك حـبــك يالـغــلا يـصـرف قروضي=مدامك رمـيـت افـكـار شـوفــك بالاجـهاضي
سـدادك ثـمـان اشـهـر وانـا ارجـيـه مقـبوضي=وتـقـريـر فـحـص الكـبــد بـــه زود الاحـماضي
يالـولا خـفـوقـي تـحـت الاظــلاع مـحـفـوضي=كـفـخ عـن مـقـامـه فـي لـواهـيـب الاقـيـاضي
يـشـادي جـنــاح الـطـيـر لاشـاح مـنــفـوضـي=اذا صــار مـن رمــي الـبـــواريـــد مـغـــتـــاضي
واذا مـاحـصـل زبـده ولا شـرب مـمـخـوضـي=نـبــــدل محــول الـــروض يـازيــن بـريــــاضــي

[فواز الغسلان]

حايل مواكير الندى نبع الاخيار







يـالـلــه يـامـجـــري يـنـابــيـــع الانـهـار=ياكـافـل بالـرزق عـوج الـمـنـاقـير
مجري حليب الزور من حسك الاوبار=والتـمر بعذوق الـغريـس المباكير
يـاواحــد تـعـلـم خـفـيـات الاسـرار=وياكـاتــب للـخـلـق كـل الـمـقــادير
ويامـجـري سـود السحايب بالامطار=تسري مع العاصـف بلـيـا مواصير
ويـاعـازل سـود اللـيــالـي بـالانـوار=وياطــارد بـالـفـجــر سـود الـدياجير
يامنجي ذا الـنون في غـب الابحار=وسايق على الداب العمى لافح الطير
ياللي شفيت ايوب من كل الاضرار=وبـدلت له عـسـر اللـيالي مـيـاسير
ياخــالـق خـلــقـك عـزيـزيـن واحـرار=ويامـرسـل رسل الشريعه مـنـاذير
ترسل مطر جودك من المزن مدرار=لـديـار حـاتـم جـعـلها دوم في خير
حايل مواكير الـنـدى نـبـع الاخـيـار=ومربى الطيور الساطيات النوادير
دار لـهـا بـيــن الاجــــاويــد مـقــــدار=وقـصـيــدهـم بالـمـدح مثل التـقارير
عـشـريـن قـرن ومجدها فوق الامصار=وياما تغـنى بـــه شـيـوخ وشواعـير
حـاتـم بذر فيها الصخى بذر الاشجار=وابـنــه نـشـر فـيـهـا عـلـوم التفاسير
وبالخـيـل زيــد الخـيــر للـحـرب بيطار=وهذي ركون الطيب مثل النواوير
دين وصخى والسيف بكـفوف مغوار=وما غـيـرهـن لاهل البيوت المعاطير
دارٍ لـنـــا مـثـــلــه بـالاكــوان مـاصــار=ولا نلـتـفـت للي مشى عاكـس السير
واصـبـح لـنـا بالطـيب مارد ومصدار=ورث الجـدود الـتي تدوس المخـاطـير
سـرنـا على درب الـنـقــى ويـن ماسـار=ونـفـزع لـمن ضـاقـت علـيـه المـعـابير
ونكرم ونـقـضب بالـنـقـى غـيـبـة الجـار=ونقبل من الـمخـطـي جـمـيـع المعاذير
ولضيـوفـنــا بالـطـيـب حـشـمه ومـقدار=ودلال بـغـداد عـلــى واهــج الـكـيـر
ومـجـــالـس ريـحــه غــدى بــن وبـهـار=وسـوالـف تـطـرب صدور الخـطـاطير
ولـبـيـوتـنــا تـدعـيــك دقــــات الانـجــار=مـثـل الـسباع الـعـاويات الـمـشاهـير
ونجدع قـبـال الـضـيـف عدلات الازوار=ويـلـقـى بـمـجـلـسنــا معزه وتـقــدير
وبالشور حـنــا مـن صلـيـبـين الاشـوار=ونـرسـي الـيــا راح الــردايــــا مـذايـير
كـــبــيــرنـا مــع نـقــوة الــــقــوم مـا بـــار=وصــغـــيـرنــا يـشــبــه حـرار الـمــواكـيــر
ونـذكـر ولي العرش بـوقـوت الاسحار=نـقـضـي وقـوت اللـيـل سجــده وتكـبـير
ومن قال حـنـا يـاهـل الـعـقــل كـفـار=في كـتـب من تـذبـح صـغــارٍ مـقـاصير
قل ماذبـحـنـا سـاجــدٍ وقــت الاوتـار=وسـيـوفـنــا بالـطـفـل ماهــي مـجـاسير
ذبحة هل الـمـسـجـد هـي النار والعار=وخلوا هــروج الـمـهــزلـه والـمصاخير
صارت عـمـايـمـكـم سبب كاس الامـرار=وتكـفـيــرنــا مـالــه على العقل تـبـرير
وفــي ردة الـعــربــان شـــاهـــد وتـعــبـــار=حـنـــا غــديــنــا لـلـشــريــعــه مـســامير
مـاواحــــدٍ مـنــــا ظـــهــر مــنـــه الادبــــار=وبـسـيـوفـنـا عـدتـوا وجـيتوا مصاغير
والكذب مـالـه مع هـل الـعـرف مـعــبـار=والـذكــر مـايخـفـيــه حــس المـزامـير
ولا بـان فـجـره نـعـتــلـي فوق الاكـوار=نـسعـى لـكـسـب ارزاق ربـي مداوير
وعـنــد الـلــوازم مـا نـبـــادي بـالاعــذار=والـعـمــر مايـاقــــاه كــثــر الـمـحـاذير
درب مـشــاه جــــدودنــا ســر وجــهـار=طــابــوا ولا هـابـوا كـثـيـر الـمخاسـيـر
لو كان درب الطـيب فـي راس سنجار=ســرنــا عـلـى دربــه جـنـود وطـوابـيـر
عـاشـوا بـدنـيـاهــم مـثـل نور الاقـمـار=ومـاتـوا بـلا كـنــز ومـوارث وتـوفـيــر
يوم الـفـخر والـطـيـب فـي شـبـة الـنار=ومـجـالـس تـجـمـع وجـيـــهٍ مـســافــيـر
تـلـقـى سـوالـفــهـم بـمـاضـيـن الاخـبـار=وعـلـم الـسنـين الـمـسـمـلات المدابـيــر
وتكـثـر ونـاسـتــهــم عـلى ذكر الاخـيـار=الـلــي تـســيــر بحـامـيــات الـهـواجـــير
يـغـلـون راع الـطـيـب في كل الاقـطـار=عــنــد الـــدلال الـمـتـعـبـات الـمـبـاهـير
قـبــل يـصـيــر الـمـال للـطـيـب مـعـيـار=ويـحــوز طـيــبــه جـامـعـيــن الـدنـانـير
لو هو خـسـيـس من غريـبـيـن الاطوار=يقـعـد بوسط الناس يـنفـخ كـمـا الـزير
والـعــفــن يـنـفـخ وسـط وافين الاشبار=وش عـاد لـو عـدوه ضـمــن الهـوامـير
واهل الـندى ذاقت صواديف واخطار=ولو تـنـتـخـي شـفت الـنـشامى مخـامير
ويـتـيـمــنــا لــو يـسـفـــح الـدمـع مـدرار=مـحـدن يـجـره عـن لـهـيب الـمـصاهير
كل(ن)غدى مـن خـيـفـة الـفــقـر منـهـار=والـفـقــر ما خــافـــه فـروخ الـعـصافير
والبنـت حـطــوهـا تـحـت بـنــد الاسعار=يــبـي الـمـكـاسـب مـن جـمـيل التنانير
ونـسـمـع لـثـور من هـل الـمـرجـلـه غـار=لا قـام يـرمــي عـرضــهــم بـالـمـعـايـير
لا هو خـذى بـالـطـيـب مــارد ومـصـدار=ولا هـو سـكـت مـثل البنات الغنادير
الـحـــقــد فــي قـلـبـه كـمـا الــقـدر لا فـــار=يـشـعـل بـجـوفـه حـامـيـات الـدوافــير
ما خاف مظـلـوم دعـى وقـت الاسـحــار=ولا عـاقل يـعـطـي عن الكذب تحذير
والرجـم هـو حـظ الـشجـر زيـن الاثـمـار=لو ماظـهــر مـنـهـا عــداوه وتـقـصــير
طـبـايـع(ن) يصـبــح بـهـا الـقـلــب مـحـتـــار=والـلــه يـدبــرنـا بـزيـــن الـتــــدابــيـر
ولا بان مايـجـلـب عـلـى الـكـبـد الاكدار=نـطــرد هـوانــا فـي بـعـيـد الـمشاوير
نـطـوي صـحـاصـيـح الـبـراري والاقــفـــار=ومـرعـى الـنـيـاق الـمـكـرمـات المغاتير
هـــــذاك ســـراح(ن) وهـــــذاك دوار=وهــــذا يــــدوج بــيــــانــعــــات الـنــواويــر
وهــذا يـشـــب الــنـار مــع فــج الاسفار=وهـــذا عـــزل حـيــرانـها والـمـعـاشــيـر
وهــذا يـحــلــب مـن الـمـنـاجــيب مشكار=وهــذا يـمـوح الـدلـو من جـمــة الـبـير
اللـيــل يـمـضــي بــيـن الاطـعـاس سـمـار=تـحــت الـنـجـوم الساطـعـات الزواهير
وان غــابــت الـقـمـراء عـلــى ضـو الافنار=ونـنـسـى هـمـومٍ مثل جرح الشنـاكير
او هــرجــــةٍ بـأمـجــــادنـــا تـقـــل مـنــشـار=من عــالــمٍ تـاريـخــهــا بــس تـصــفــيــر
وفـسـح الطـبـــاعـه جـاهــزٍ تـقـل طـيــار=من لجـنـــةٍ مـالــه عـلــى الحـكـم تــاثــير
دام الـمــؤلـــف واحــــدٍ مـن هــل الــدار=فـالـلــي يـقــولــه مايـبــي زود تكــريــر
يـطـــبـــع دواويــنٍ عـلــى مــــاض الادوار=كـــلـــه لاجــل رفــع الرجـــالٍ المـثــــابــيــر
وده يحـجـب الـشـمـس يـانـــاس بـخـمــار=ويـرســم عـلــى كـذبــه جميل التـصاوير
وتـاريـخـــنـــا ثــابــت بـزيــنــــات الاشــعــار=ظـاهــر ولا هـو فـي جـحـور وجـواخير
محفوظ عـنـد الـلـي خــذوا مـنــه قـنـطـار=بـصــدورنــا مـع رقـــم خــزنـــه وتـشــفــيـر
وديـوانـكـم عـــدى وراء خــط الانـبــــار=ولـعـــودتـــه مـاشـــال فـــيــــزه وتــاشــير
وتـحـيـــتـــي لــديـــار حـــاتـــم هــل الـكــار=يادار مـن تـفــرح بـشـــوف الـمـسـايـير
يــادارنـــــا طـيــــبــــك ظــهـــر دون رادار=هــــداج تـيــــمــــاء ماتـجــــيـــبــــه قـــواطـــير
عـنــد الـقـنــص عـنــدك بـنــادق ومنظـار=وعـنــد الـفــزايــع فــزعـتــك تـقـل تدمير
الـلــي شـهــامــتــهـــم غـــدت تــقـــل تــيــــار=تـوضـــي مـجــالـســنـــا بـلــيـــا فـــواتـــيــر
والـلــي يـبــي ذكــر الـتــواريــخ مـا حـار=لاشــك ماعـنـــدي بــلاغــــه وتــعــبــــيـــر

[فواز الغسلان]

(( بداية ظهور الشعر النبطي على الساحه ))




لانستطيع الجزم بتحديد الفتره التي ظهر فيها الشعر النبطي الشعبي والذي يعتبر دليلا
على ضعف اللغه العربيه فيها واضمحلالها شيئا فشيئا بين الناس في الجزيره العربيه
بالذات التي انعدم فيها التدريس ونشر العلم 0
ويخطيء من ينسب الاشعار الهلاليه الى قبيلة بني هلال العربيه الاصيله والتي سكنت
بلاد الجبلين في مطلع القرن الخامس الهجري ورحلوا لتونس واستطاعوا هدم مدينة القيروان
عام 449 للهجره 1057م عندما هزموا اهلها 0
وهذه الفتره كانت اللغه العربيه هي السائده في كلام الناس ولايوجد ذكرا للهجه الشعبيه النبطيه
فكيف تنسب الاشعار الشعبيه الى بني هلال ؟ اللهم الا ان كان المقصود عن بني هلال بعد سنين
من اقامتهم في تونس وهذا مستبعد نوعا ما 0
قال عبد الرحمن قيقة، من أقاصيص بني هلال، رواية شفوية نقلها الطاهر قيقة ،
(تونس: الدار التونسية للنشر ط4)، ص19.
مانصه:
وتزامنت هذه المجاعة ـ مجاعة 444هـ ـ 1052م مع هجرة بني هلال وبني سليم، تلك الهجرة التي تمت
على مراحل وأخذت فترة زمنية وعن ذلك يقول عبد الرحمان قيقة “ومن أشد المحن التي
أصابت مصر في القرن الخامس الهجري تلك المجاعة الهائلة التي إجتاحت مصر إبتداءا
من سنة 444هـ 1052م ودامت سنوات عديدة، وكانت معاصرة لزحف بني هلال وغيرها
من قبائل الأعراب المستوطنة في صعيد مصر، لم تغادر الضفة الشرقية لنهر النيل
قاصدة إفريقية دفعة واحدة ولكن جماعات مدة عشرة سنوات على الأقل0انتهى
وكل هذا يدل على ان رحيل قبيلة بني هلال كان في مطلع القرن الخامس الهجري0
لاسيما ان كثيرا من هذه القصائد تنسب لهم في نفس فترة رحيلهم مثل القصيده المنسوبه لابوزيد
الهلالي انه قال:


رحلنا ولاابقـيـنـا بنجد حسوفه=سوى عيلم بين اللوى وزرود
عـدٍ بواد الشري يا جـاهـلٍ به =عليه النوازي النايفات شهود
ترى دليه جـلـد تـسـعـين بكره =وتسعين مع تسعين جلد قعود
دفـنـاه عـن نـاس تــولاه بـعــدنا = شـحـاح ولا بالطايلات تجود
رحلنا وعنه النفس ماهيب طايبه=عسانا ليا عاد السحاب نعود


(والعيلم) هو البئر غزيرة الماء وعكسها (الرس) وهو قليل الماء0 ومن اشهر واقدم الابار الغزيره هداج في تيماء 0

ونعود لموضوعنا عن نشوء وظهور الشعر النبطي فنقول ومن قصائد بني هلال
القصيده التي منها:


يقول ابو زيـد الهلالـي سلامـه=تجار نجد( ن) هالني كبر زومها
يقولون ذا ونقـول لا ثـم ننثنـي=لحاجاتنا ناطا الغلا من حكومهـا
عـفـا الـلـه عني ليلـه بـت ساهـر=بجو السميراء بت اساهر نجومها
بـت لكــــنـي شـارب قــرقـفـــيـــه=امدفـقــه فـيـهـا الافـاعـي سمومهـا
نفسي تـمـنـيـنـي عـلــى ذبـح خيـر=على غير حق او همة من اوهومها
وهو يذبح الكوما الى قلص القرا=ولا قال يكفي درها عن لحومهـا
ولولاه مـا بـتــنـا بـنـجـد عـشـيـة=ولا وقفت زلباتـنــا فـي حزومهـا
وهو حسن الشده وحسن الرخـا=وهو اميرنا فـي جـمـيـع عـلـومهـا
ولو العجوز العامريه ما ارثـت=لنا حسـن كنـا جـمـيـع نـلـومـهـا


ولو ثبتت هذه الاشعار عنهم فعلا فيحتمل انها كانت بالعربية الفصحى ولكن لحقها التغيير
من نقل الرواة وذلك لقدم العهد وطول الزمن الذي يبلغ الف سنه تقريبا 0
وهناك العديد من القبائل التي تنسب الى نفس هذا الاسم مثل:
1-بنو هلال بن عفر من قيس عيلان عدنانيون0
2-بنو هلال بن عمر بن جشم بن عوف بن النخع قحطانيون0
3-بنو هلال بن عامر بن ربيعة بن ثعلبة بن سعد بن ضبة عدنانيون0
4-بنو هلال بن ربيعة بن زيد بن عامر بن سعد بن الخزرج بن تميم الله بن النمر بن قاسط عدنانيون00
فقد تكون نسبة(الهلالي)لاحد هذه البطون مثلا وليست حكرا على بني هلال اصحاب التغريبة الشهيره0
والصحيح الذي اجزم به انها بدأت تظهر بعد سقوط بغداد تحت سنابك خيل المغول والتتار
عام 656 هجري الموافق 1258م والتي حصل الاهمال بعدها لوسط الجزيره العربيه مما ادى لضياع التعليم
وضعف شعائر الدين ومع بلوغ العام 700 هجريه الموافق 1301م ورحيل الكثير من القبائل العربيه التي
كانت في نجد مما ادى الى نشوء تحالفات قبليه بين بقايا تلك القبائل ليؤدي ذلك الى ظهور
القبائل بأسمائها المعروفه الان في الجزيره العربيه وهي نتيجة تلك التحالفات القويه 0
فمثلا جاء الذكر الاول لبعض تلك القبائل في كتاب ( مسالك الابصار في ممالك الامصار )
لابن فضل المقري المتوفي عام 749 للهجره الموافق 1350م مما يؤيد كلامي هذا 0
واستمر هذا الاهمال لقبائل نجد ومع قلة التعليم وشح المعيشه وضعف الوازع الديني ظهرت
الحروب القبليه وضعف الامن حتى عام 923 هجريه 1517م وهو وقت قيام دولة الاتراك التي حولت هذا
الاهمال الى حصار مفروض متعمد ويدفعها لذلك العنصريه المقيته لديها ضد العرب وهو امر ظاهر
ظهور الشمس في رابعة النهار مهما حاول البعض الدفاع عنها ونفيها دون جدوى 0
لتستمر الحال حتى عام 1157 للهجره 1744م وقت قيام الدوله السعوديه الاولى مترافقة مع ظهور الدعوه
السلفيه المباركه على يد الامام محمد بن عبدالوهاب التميمي والمولود عام 1115 ه 1703م
والتي شجعت على التعليم ونشر التوحيد لتعود كتابة التاريخ من جديد بعد غياب بلغ 450 عاما
وهي الفتره من عام 700 الموافق 1301م حتى 1157 هجريه الموافق 1744م
وهي الفترة التي يسميها المؤرخون ( الحلقة الضائعه ) وكذلك ( الفترة المجهوله )0
فهذه الفتره هي فترة ظهور الشعر النبطي على الساحة 0 واما قبل ذلك فهو لايخلوا من مقال ويصعب
الجزم به لغياب الادله وعدم وجود المبررات المقنعه 0
وكان اشهر الشعراء في تلك الفترة الضائعه هو الشاعر راشد الخلاوي والذي اعتقد انه نسب له الكثير
من شعر الشعراء في هذه الفتره وهذا هو مايبرر كثرة الاشعار المنسوبه اليه عن غيره 0

[فواز الغسلان]

من كايد صروف الليالي تبيده









من كايد صروف الليالي تبيده=ولا فيه بيتٍ سالمٍ من رزاياه
النفس تفرح كلمـا عـاد عيـده=نركض ندور فرحـةٍ مـا لقينـاه
والعيد ينقـص عمرنـا مايزيـده=ويخصم مع اللي بالتعاسه طويناه
والنفس لو عاشت سنينٍ مديـده=لابد من يومٍ علـى القبـر ملفـاه
مسكن فقيـر القـوم والا عميـده=ودنياك ياقصره وياطول مسـراه
نرجي وعايدها وننسـى وعيـده=ولا كل من ساق المواعيـد وفـاه
واكثر سواليف العـرب ماتفيـده=وحنا اليا جتنا السوالف حكينـاه
وطبع الرجال اهل العقول الرشيده=تترك سوالف قيـل والا سمعنـاه
وتشرب نبوع الهرج دامه رغيـده=ولا تقربه لاشافت الطين في مـاه
الناس تمشـي بالعلـوم وتعيـده=لا صار ماتخشى وليـه وتـدراه
والا البشر دايـم عيوبـه عديـده=وربي جعل نقص البشر من مزاياه
والصبر ياتـي بالعلـوم الوكيـده=عن قولةٍ ياحيـف هـذا ظلمنـاه
ورزقك على اللي مايخلي عبيـده=ولو نملك ارزاق الخلايق منعنـاه
ولا كل من ينصح دروبه حميـده=وفرق الخلايق بالفعايـل نوايـاه
والحسد يشعل بالضمايـر وقيـده=باللي حسد غيره على رزق مولاه
لا شاف خطوات النشامى بعيـده=وهو طول وقته جالسٍ عند مركاه
يكره مدوح اهل الدروب السديـده=ويضحك برجلٍ مايجي مثل ماطاه
ودارٍ يجيك مـن المغثـه بريـده=ارحل ترى موت القهر في زواياه
الذيب مايرضى مع النـاس قيـده=والقرم مايرضى المهونه بدنيـاه
والطير لا ثارت بواريـد صيـده=يكفخ ويترك دار عشـه ومربـاه
لا شفت جرح الغبن ينزف صديده=ماينفع المجروح بالناس شكـواه
ارحل وتلقى لـك ربـوعٍ جديـده=وتلقى الذي يحفظ حقوقك ويرعاه
والنفس لو تسكن خلاها وحيـده=ولا واحدٍ كنك تبي نهـب مخبـاه
لـو ماتكيـده راح يبـلاك كيـده=والناس كلٍ يجذبه ساس مجنـاه
لابان رزقك تقـل تشفـط وريـده=والا تقول الرزق من كسب يمنـاه
وان قمت صوبه لاجل تلعن كديده=تقعد تطـارد بالمحاكـم قضايـاه
وصارت صداقات المراجل زهيـده=كلٍ يجي للروض من شان مرعاه
يسري معه والبرد يـردم جليـده=ويفزع لو انه تالي الليـل نـاداه
واليا عطاه الحاجة اللـي يريـده=اعطى الرفيق بساعة الضيق علباه
عينه على مال الرفيق ورصيـده=وان طاح راح من الرزاله وخـلاه
وكم واحدٍ لامـات ماهـو فقيـده=والناس قبل العام تدلـه وتنسـاه
لو شفت نعي الناس وسط الجريده=ياكثر من يفرح يبي سرع فرقـاه
وخطو الولد لامات ماله شريـده=وابعد ربوعه بالمخاليـق ينعـاه
وبيتٍ يساوي بالمعانـي قصيـده=وقصايدٍ مع طولها ضـاع معنـاه
واللي يريد الناس تسمع نشيـده=يترك قصيد المصلحه والمحابـاه
القـاف مايرفـع قلـوبٍ بلـيـده=ولا يجدع اللي بالندى طال مبنـاه
ويلي على رفقة خطـات الوليـده=اللي اليا شاف الخلل فيك يرفـاه

[فواز الغسلان]

(( مناخ ظفره الشهير عام 1243 ))


لتقترب جموع عنزه من حائل ويحدث مناخ ظفره عام 1243 للهجره والذي
استمر خمسة واربعون يوما كانوا يتطاردون في النهار ويعودون في المساء واكثر
الروايات والحوادث التي تروى بين الطرفين حدثت في هذا المناخ
ومنها رواية سقوط عقاب العواجي اثناء مطاردته مع عدوان بن طواله
والتي اشار لها التبيناوي في قوله:


ياحـيف ياعـدوان ياحـيف ياحـيف=اعـتقت ناسن عقب ماطـيرهـم حام
لو انت ياعـدوان فـي ذاري الهـيـف=ودعـت راسـه ماقع(ن) مـنه ماقـام
اعـتقت ربـع كـللـوا شـذرة السيف=من يـبذر الحـسناء بقـطاع الارحـام

وسوف نتطرق للقصيده لاحقا في موضعها0
وقد اختلف الطرفان من عنزه وشمر في قبول رواية سقوط عقاب العواجي
امام عدوان الطواله على النحو التالي:
1- شمر تثبتها وتزيد رواية العوام منهم ان عقاب توسل لعدوان بن طواله وهذه روايه
غير موثقه ومستبعده جدا بالنظر الى شيمة وعزة نفوس الفرسان في ذلك الوقت
والذين كانوا يفضلون الموت عن اهانة النفس وذلها 0وهناك من قال انه أسره أسر
وهذا فيه مبالغه في الروايه مبالغة غير مقبوله0
2- عنزه يـنـفـي بعض رواتها هذه الروايه نفيا باتا لكونها ترى في ذلك نقيصه من قدر
عقاب وفروسيته وشجاعته0
ومنهم من يوافق رواية سقوط عقاب ولكنه يرفض القول انه تم أسره او انه توسل
لاحد 0
ومنهم من يقول اننا لم نسمع بها اطلاقا من رواتنا السابقين0
والحقيقه ان وقوع الفارس امام الفارس لايعني باللزوم ضعفه او ضعف شجاعته لان
الدنيا حظ وسعد واحيانا لايكون الشخص في اسعد ايامه0 وكذلك لاننسى ان
هناك اسباب كثيره احيانا لاتعين الفارس اثناء النزال الحربي مثل الفرس
في ذلك الوقت كان لها دورا مهما في بروز الفارس واحيانا لايكون على جواده المعروف
اما بسبب اصابته او مرضه وغير ذلك 0 اما الرواة فمن المعلوم ان كل قبيله يتحدثون
دائما عن مفاخرهم وايجابياتهم في مجالسهم ولايتحدثون عن مفاخر الخصم الا نادرا
وهناك وقائع لمصلحة عنزه ومشتهره في مجالس عنزه ومع رواتها ولانسمعها في مجالس
شمر الا نادرا مثل موقعة ام رضمه بين ساجر الرفدي راع البويضا من فرسان عنزه
والذي اغار على حلال بعض شمر الذين كانوا مع صحن بن علي وابن طواله والتي قال فيها الشاعر سليمان التريشا:


غـنام هام ويـم طـلعـه جذبـنا=طير الحباري لابرق الريش عـفار
وشفـنا واغرنا فوقـهن وانتدبـنا=وشالن ابن لامي على الـوجه حدار
وهمنا الـدويـش بديرته وانقلبـنا=جيانـهم ماتروي الخـيل واعـسار
صبح أربع من جو خضرا شربـنـا=وتشاوروا للرأي صلـبين الاشوار
والصبح من فـوق الركايـب ركبـنـا=ومـرن برجـمـن لـلهـيـازع وسـنار
وابـن علي قـلط لـنا الـبـيـت يـبنـا=وجـينا كـشاف عـقب الاضحى والاسـفار
ومن فوق زيـنات السـبـايا هـذبـنـا=بيوم عـبوس فـيه عـج الدخـن ثـار
ولابـن عـلي وابـن طوالـه ضـربـنـا=واقفن بريـاد الـعـشـاشـيـق عـبـار
حنـا لـيا مـنا عـديــنـا غـلبـنـا=وعدونـا نـسقـيـه كاسـات الامـرار
أقـفن سلايـل خــيلهم من غـضبـنـا=غلـبـا مدلـهة العـشـايـر بالاقـفـار
وحنـا لـيا منـا زعـلـنـا حـربـنـا=ونذر الدخـيل ونكـرم الضـيـف والجـار
ويامــا غـصبنـاهــم ولـحد غـصبـنا=وهـذي عـوايـدنا عـلـى هجـن وامـهار
وعـدوانـنـا تـشـكي فـعـايـل سـربـنا=نـوب مـسـانـيـد ونـوبـــات حــدار

والشاعر هنا يشبه الشيخ ساجر بغنام وهو الصقر الذي يهاجم
الصيده وعيون الناس عليه وتنظر لفعله 0 وهناك من عارض
الروايه وقال ان الصقر لايسمى غنام وهو اعتراض غير وجيه
ولا سائغ لشهرة هذا الاسم للصقور عند الجميع00

ورواية القصيده هذه هي الروايه التي اعتمدتها هنا لعدة اسباب وهي:
أ- ان المنتصر هو الذي ينظم الشعر بالموقعه وليس المنهزم
كما هي عادة القبائل ذلك الوقت وهذه الواقعه لم اسمع بها شعرا
الا من طرف قبيلة عنزه ممثلة بهذه القصيده 00
ب- ان الناس في مجالسهم لا يتكلمون عادة الا في انتصاراتهم
واما الهزائم فتبقى مجهوله وانا لم اسمع ذكرا ابدا لهذه الواقعه
في مجالس وروايات شيبان شمر اطلاقا بل هي شبه مجهوله للجميع
عكس عنزه الذين اشتهرت في مجالسهم روايتها هي وقصيدتها
وهو دليل ان اهمال شمر لها لعدم وجود انتصار لهم
فيها 00

2- لم استطع معرفة ابن طواله المذكور في القصيده لاسيما ان
فرسان الطواله كثيرون وكانوا متفرقين في حلالهم تبعا للربيع 0
ووقت المعركه كان على وقت الشيخ نعيس بن طواله لكني اجزم
انه ليس المقصود هنا لان الغزوه على نعيس لاتخفى وتشتهر
تبعا لشهرته هو في وقته وقد تكون الحادثه على احد فرسان الطواله الاخرين
وهم عدد لايستهان به 0
3- انها ليست معركه كما يتصورها البعض وجيشان يتقابلان
وانما غاره سريعه بعدد قليل من الفرسان تختطف الحلال
مستغلة عنصر السرعه والمفاجأه وهو الاسلوب المحبب لدى
الشيخ ساجر الرفدي حتى اشتهر به كثيرا في اوساط نجد هو
والفارس صاهود بن لامي من مطير 0
فلا يصل النذير الا وقد ابتعد الخصم بالذيدان كثيرا عـن موقـع
القـبـيـله وهي اشبه بالعـمليات العسكريه الخاصه والسريعه
0 وعادة تجد مثل هذه الغارات يحاول الطرف المغير او المهاجم
ان يبتعد قدر الامكان عن القتل الا للضروره وذلك لكون الهدف
هو كسب الحلال بأسهل واسرع الطرق وكذلك ان المسلوب عادة
اذا لم يقتل احد من افراد القبيله لايكون حريصا على رد الكيل
للخصم عكس وقوع القتلى فيحرص على رد الهجوم للاخذ بالثأر
وهو امر مقلق للمطلوب في ذلك الوقت 00
والخلاصه اني جزمت ان ابن علي هو الشيخ صحن بن علي
واما ابن طواله فلم اعلم الى الان من يكون الذي حدثت عليه
الحادثه بالضبط واستبعد كونه الـشيخ نعـيـس بن طـواله
لان تاريخه شهير ومحفوظ ولا يخفى مثل ذلك لو وقع له 00
فهذه الواقعه مجهوله تماما في اوساط العوام من الناس من
شمر لكون الرواة كانوا يتجاهلونها كحال رواة جميع القبائل
لكون الناس تهتم في بضاعتها ومفاخرها فقط فهل نقبل انكار
عوام الناس لها من شمر لكونها غير معروفه لديهم او لم يسمعونها
سابقا من شيبانهم؟ بالطبع لا لكون عدم السماع ليس مقياسا
لصحة الروايه من عدمها اذا ثبتت لنا بالدليل الواضح 0

اما من جهة من قال اننا لم نسمع بالابيات الشعريه التي قالها
التبيناوي فالرد على ذلك ان الكثيرين من قبيلة عنزه لم يسمعوا
اصلا بقصيدة عقاب والتي مطلعها:


ياعـيال ياللي جالسين(ن) على كيف=يامن يـباصرني بحالي من الـعام
حالي كما عود(ن) برتها النحاحيف=والا كسير العرش من خلف الاقدام


التي كانت سبب رد التبيناوي فخفاء قصيدة عقاب الذي هو
فارس القبيله الاول (لكونه قالها اثناء احتجازه عند الاتراك في
سوريا بعد اقتحامه لسجنهم واطلاق سراح سبع سجناء من
شيوخ الفدعان فقالها متضايقا من الوضع الذي اصبح فيه)
هو الذي يعتبر غريبا جدا ومن هنا يقال انه لاغرابة في عدم
سماع ابيات التبيناوي طالما ان البعض لم يسمع بقصيدة عقاب
العواجي00ولذلك لامجال لرفض هذه الروايه بعد ثبوت صحة
روايتها وانها غير ملفقه لكي لايدفع ذلك لانكار الكثير من
الحوادث التي ثبتت صحة الروايه لها في الاشعار القديمه0
وقد سألت الراوي محارب بن لعاق الدهمشي العنزي عن قصيدة
عقاب هذه فقال نعم اسمعها منذ ان كنت صغيرا0 وهذا تأكيد لثبوتها
وعدم تزويرها0
ولكن الذي يشكل علي هو كون الابيات التي قالها التبيناوي لاتشير الى ان المقصود
هو عقاب بالذات وذلك لان قوله ( اعتقت ناس عقب ماطيرهم حام ) فهو لم يظهر
المقصود بالضبط وهذه نقطه قويه لمن يرى عدم ثبوت هذه الروايه والله اعلم
كانت الامور في مناخ ظفره تسير لمصلحة عنزه والتي قتلت
الكثير من مقاتلي شمر ومن ضمن من قتلوا في ظفره من
فرسانهم فريح ولد مبيريك التبيناوي وهذا من الاسباب التي
تدفع التبيناوي للقسوه نوعا ما في اشعاره0
واستمر هذا النزال والقتال بين الطرفين لمدة شهر ونصف والفرسان في قتال
طيلة النهار حتى يعزلهما الليل وهكذا من الغد 0
الا انه تمت اتفاقيه في الخفاء بين الاسلم من شمر وشيخ
الشملان صلال الشملاني للانسحاب من المعركه مقابل قطعة
ارض معروفه تسمى ( القطعى ) وهي ظلع معروفه جنوب شرق
مدينة حائل بما يقارب خمسين كيلوا مترا 0
لينسحب صلال بالشملان والخماعله من المعركه في وقت متأخر
من الليل ليتسبب هذا الانسحاب المفاجئ بارباك الفرسان في
صفوف عنزه الذين لايعلمون حقيقة الامر لاسيما انه كانت هناك
اشاعات ان الجربان عادوا من العراق للمشاركه في هذه
الحروب ليرتبك الفرسان وتدب الفوضى في صفوف عنزه وتبدأ
بالانسحاب لتلحق بهم جموع شمر وتقتل منهم بعض الفرسان
وينقلب التقدم على ارض الواقع في المعركه الى انهزام وتراجع
للوراء وانقلاب الميزان ولو لفتره وجيزه ريثما يستطلع القاده
مالذي حدث لهم0
ولتترك عنزه المتاع والغنم وابل الاحمال التي تحمل متاع البيوت
وهي المقصوده في ( جمل نوت ) في قول عقلا الجهيلي من الخرصه الذي كان وقتها في الجزيره في العراق:


مبيريك هي صـدقٍ علـومٍ لفتنا=ياخوي ما تاقف وتزعج لنا الصوت
دنيـاك هـذي بالجزيـره رمتـنا=كسبي ونيني وأنت كسبك جمل نوت
ياما على هـاك الجـزايـر نهتنـا=وإبن آدمٍ ما يشـبع الاّ مـن الموت


ووهي سبب قول الشاعر من عنزه الذي وان اختلف فيه الا اني اسمع عند
التبانا ورواتهم انه عايد الومد ولم اسمع غيره لدى رواة شمر والتبانا خاصه
الا ان عنزه والجعافره بالذات يرون انها للشاعر ابالنعم العواجي وهذا هو الاقوى
لكون الومد ساجل حسن التبيناوي بعد هذه الفتره بستين عام تقريبا 00
فقال ابالنعم العواجي :


انشدك بالله يامبيريك وش صار=اياتنـا مـودع خويــه دمـارا
اي الذي صيده قراقير وجفـار=والا الذي صيده عيـالاً سكـارا
جتنا جموعك يامبيريـك سيـار=مثل الهضـاب معزلينـه تبـارا
احسبك ثقيل الجمع واثريك فشار=اسرع من رفة جنـاح الحبـارا
ان ماعديت الصدق ابوك للنـار=والا تطيح بـوجـهنـا بالمـثـارا


ورد مبيريك التبيناوي:


عسى عجوزاً جابتك لاوسط النار=ياللي تدور من خصيمـك قـرارا
كان انت ذابح راعياً بالف صنقـار=ايـّه ويــومــاً تغـتنـي بـه فقــارا


ومناخ ظفره وان كان صلال قد تسبب في انسحاب جموع عنزه
من هذا المناخ مما جعل الفارس عقاب العواجي يتوعد صلال بلهجة شديده عندما قال:


من ناسب الشملان يوخذ حلاله=ياعل ماتـقـنى مرتهم مع المال
يالعـنـبوا صلال لآبـو رجـاله=لأبو رجال مايلوطون صلال


وهناك من زعم ان عقاب العواجي قتل صلال فيما بعد الا اني لم اجد دليلا قويا على
ذلك يثبته ويبدو ان ذلك من رواية بعض العوام فقط وذلك لكون صلال اختفى امره
اطلاقا بعد هذه الحادثه فلا نكاد نسمع له اي ذكر بعدها 0
وارى ان الواقع على الارض بعد المعركه والمناخ الرهيب في ظفره يفيد بميول الكفه
لصالح قبيلة عنزه ويفيد ان القتل بصفوف شمر كان كثيرا والدليل على ذلك ان جموع
قبيلة عنزه بعد هذا المناخ كانت ابلهم ترعى في اطراف مدينة حائل وفي مراعيها
القريبه حتى كان الرعيان من اهالي حائل يخافون الابتعاد كثيرا
عن المدينه خوفا من جحافل عنزه بل ان ابلهم كانت ترتع في مزارع القرى القريبه
من حائل كما حدث في بلدة موقق الواقعه غرب حايل وهو دلالة واضحه الى ان
انتصار شمر في مناخ ظفره كان معنويا ومتمثلا في استطاعتهم الثبات بعددهم القليل
امام جموع عنزه وهو انتصار بحد ذاته بعد ان كان الاكثريه منهم يبدون رغبتهم
باللحاق بمن سبقهم من شمر مع شيخهم الجربا000

وكانت قبيلة عنزه ترى انها هي المنتصره قياسا بكثرة القتلى بصفوف خصمهم وتمكنهم
من استحلال اراضيهم القريبه من عاصمتهم الابديه مدينة حائل وهذا هو السبب
الذي جعل كلا من الفريقين يرى انه هو المنتصر حسب ماذكره شعرائهم بعدها 00
فقال الشاعر دايس الهقاز الحسيني من الدغيرات من عبده بهذه الموقعه:


ياديرة ابو سميط خلاك ياحيف=فرز الوغى ذباح عجفا سنامـي
اقفى ولا خلى بنجــد تحاسـيف=نسل الشيوخ مخربـين الـطعامي
يامزنة غرا نـشـت له رفاريف=تمطر على ظفرة مطرها انهشامـي
زبيديها روس المهار المزاغـيف=وعشبه قرون مسيحـين الايدامي
نهجت اسر جموعهم بالـتواقيـف=يامار وجـه جموعـهم بانخدامي
ونحرت ربعي عايزين التواصيف=للخـيل بالـزهام والجـمـع زامـي
اولاد على ذربت الحرب والـكيف=حـريـبــهــم مايـهــتـني بالـمـنــامي
ياقـل مير قـفـوشهن والتـطـاريف=ردوا لـنصل مصـقــلات اللجـامي
صارت العوجان مآبه تحاريف =مـاغـيــر لزامــاً وخـطــو ألغـلامـي
صارت على ذباحة الكبش للضيـف=صارت على هكا الوجيـه ألكرامــي
وانااشهد ان أقلوبهم صمع ياخليف=يردون حوض الموت ورد الضوامي
وضرب بعيدان الـبلـنزي وتنجيف=ياما أدبروا عـنا خروق الجلامـي
وياما ذبحنا بـين الاثماد وهييـف=تسعرت دونـه عمـارا" تسامـي

ومن الواضح ان الهقاز الحسيني الدغيري العبدي جعل المدح في قصيدته لاولاد
علي وهم الدغيرات ولم يشير للاسلم وزوبع وهو شي اثار في نفوسهم شيئا بلا شك 00
ابوسميط الجربا من احفاد الشيخ مطلق الجربا 0
هذه القصيده لدايس الهقاز الحسيني من الدغيرات من عبده ضايقت الشاعر عقلا الجهيلي
الذي كان وقتها في الجزيره والذي رد عليها بعد ثلاثة اعوام بعد قمعه 00

[فواز الغسلان]

انا هاجسي ماغاب عن خافقي سـاعه=هـو الـلـي تـرك روحـي بدنيـاه مرتاعه
ابي هـجـعـة عـيـونـي ويـابـعـد هـجـعـتي=اذا قاربـت عيني بوسط الدجى ضـاعه
جـفـون الـذي ماذاق فـي سكة الهوى=سوى الغبن وجروح المـعـاليق واوجاعه
تـبـعــت الامـل والـيــوم مـا لاح بـارقـه=والامـال لـقــلـوب الاجـاويـد خــداعـه
لـمـا طـحــت فـي نـجــم الـثـريـا ولاهـبه=تحت شوف عاصوف المقادير واسـمـاعه
وانا قـبـلـهـا ماطـاح جسمي من السهر=ولا ضـاق صـدري يشتكي لايــعٍ لاعـه
ولا شفت من يشمت على طايح الهوى=ويـنـشــر جروح اهـل الموده بـمذيـاعه
فـدع ذا ويـاقـاعــد عـلـى راس مرقـب=بمـقـعــد ذيـابــة نـجــد باللـيــل لا جـاعه
أيـا كـثـر ماجـيــت الـمـراقـيـب مـثـلك=اذا تهت عن درب الوناسات واسناعه
سقى الله زمانٍ فـات في نـشـوة الـصبا=قبل يخـتـلـط مـتـر الـغـنـاديـر وابـواعـه
اخايل بـروقٍ نـورهـا يـوضـي الـدجـى=واطـارد فـروق الـصـيـد سـالي بمـرباعه
بروضٍ سقاه الـغـيـث بالـوسـم وارتوى=تخـالـط بــه اصـنـاف الـنـواويـر بانواعه
هـواهـا يـرد الــروح لا هــده الـتـعـب=اذا فاح وسط الروض شيحه ونعناعه
اذا بان جـول الـصـيـد مـديــت بندقي=او اطلقت طيرٍ يطرب القلب مطلاعه
كفخ وارتـفـع واهـوى عـلـى الجول زارم=وبانـت سواطير المخـاطـيـف بأصـبــاعه
عـثـى فـي عـروق الخـرب بكـفوفه التي=تـقـول انــهـــا صـــارت لـلارواح نـزاعــه
وبالليل يسقي روضـهـا هـاطـل الندى=وتسري عـطـوره في نسانـيـس ذعذاعه
قبل ذوق سهر الـعـيـن باللـيــل خـالـيه=مع اللي غـدى لـعـب الغنادير باطـباعه
غـدى يرتـجــي هـجـعة عـيـونه وراحته=ولا عاد يرجي مـنـوة النفس واطـمـاعه
الا لـيـت قـلـبـي ماتـبـع سـكـة الـهـوى=ولا داج بـظـعـون العذارى ولا طـاعه
ولا شـاف ريــمٍ يسـكـن الـزيـن خدها=وبـانـت كـفـوفٍ نـقـشـة الـزين بـذراعه
ولا طـاع يمـشـي مـع رمـوشٍ هـي التي=كما جـرح رمــحٍ فـوق عامين بأظــلاعه
وقع في خـريف الـعـمـر من قبل موعده=ولا عـاد يضبط ثـلـث الارقام وارباعه
فـراشـه غــدى سـدر اللـيـالي وقـسـوته=وهـو حـافـظٍ كـيـل الـمـواثيق واصواعه

[فواز الغسلان]

ياطول مسراك يافواز عن نوره








يـاطـول مـسـراك يـافــواز عـن نـوره=الله يعـيـنـك علـى الـفرقى وطـاريها
ياجرح قلبك من اللي سار مظهوره=دنـيــاك يـاعــزوتــي بـانـت عـواريها
قبلك شيوخ القبايل ضاقت صدوره=ومن جرح رمش المها هلت عباريها
ولا الوم قلبٍ طلع ياناس عن طوره=لاشاف مزن الهوى جـفـت مجاريها
ياطير عقب الهـدد بالروض وطيوره=هذي فياض الخـلا غابت حـبـاريها
عقب السعاده وضحك الليل وسروره=لو دست للجيب ماياصل محاريـها
ياما سرى القلب لاجل الريم وعطوره=والـيـوم دار الغلا طـالـت مساريها
دونــه سـهالٍ مـن الـبـدوان مـقـفــوره=وعواصــف الـصيف ماتركد ذواريها
عـامـين ماهـي من الـبـراق مـمـطـوره=ولاشافت الـناس بالوسمي خـباريها
انا اشـهـد ان الضـمـاير فيـه مقـهــوره=لاشك الارواح تحت اقـدار باريها
هذي عـوايــد طـبـوع الـريـم وغـروره=ياكـثـر بـيــعـه لـقـلـب كـان شـاريـها
كـنت ارتجـيـها لـيـال الـعـمـر وشـهـوره=واصبر على ظـلمـها الجـايـر واداريها
لاشك روحي بـرمـش الريـم مسحوره=لو تـرمي الروح في لاهـب صحاريها

[فواز الغسلان]

( لماذا يتم تجيير اسقاط امارة الرشيد لقبيلة مطير )

ارى الكثيرين ممن يكتبون في تاريخ الجزيرة العربيه اذا أتو على ذكر سقوط امارة
الرشيد بعد حصار حائل ( 90 ) يوما في عام 1340 ه- 1920م يتحدثون
وكأن قبيلة مطير هي التي حاصرت حائل او انها معركه بين قبيلتي مطير وشمر
لمجرد وجود القائد الشيخ فيصل بن سلطان الدويش شيخ قبيلة مطير وأشهر قادة
الاخوان في تلك الفتره وهذا خطأ كبير وخلط في الاحداث وتجاهل لبقية الاطراف
المشاركه في جيش الملك عبدالعزيز بن سعود وذلك لعدة اسباب وهي:

1- ان جيش الملك عبدالعزيز والذي من ضمنه جماعة الاخوان يعتبر جيشا يضم اغلب
قبائل الجزيره العربيه الشهيره مثل عتيبه ومطير والعجمان والسهول وسبيع وعنزه وتميم
وحتى من قبيلة شمر نفسها والتي شارك منها عدة شيوخ 0
وكذلك فقد كان الملك عبدالعزيز موجودا مع الجيش في وقتها وهو الرجل الاول
وبجانبه ابنه الملك سعود 0

2- ان الشيخ فيصل بن سلطان الدويش لم يكن وقتها هو شيخ وقائد جماعة الاخوان
وانما كان الرجل الثالث في ترتيب قادة الاخوان بعد كل من:

أ- الشيخ سلطان الدين بن بجاد بن حميد شيخ قبيلة عتيبه وهو مؤسس جماعة الاخوان
وقائدها ومفتيها الشرعي الاول 0
ب- الشيخ ضيدان بن حثلين شيخ قبيلة العجمان وهو القائد الثاني للجماعه 0

ج- الشيخ فيصل الدويش شيخ قبيلة مطير وهو الرجل الثالث 0

3- انه عند زحف جيش الملك عبدالعزيز الى حائل كان زعيم الاخوان وقتها هو سلطان الدين ابن بجاد
وليس الدويش ومن يكتب الان ان الدويش هو الذي حاصر حائل فهو مخطئ في ذلك 0

4- بعد هزيمة الاخوان في معركة السبله عام 1347 ه وألقاء القبض على شيوخ الاخوان
ابن بجاد وابن حثلين وفيصل الدويش وسجنهم حتى موتهم ( او قتلهم ) في السجن وعندها
ظهر اسم الشيخ عزيز الدويش بعدهم والذي سار ببقية الاخوان الذين نجوا من معركة السبله
وحاول العبور بهم للعراق حتى تجميع الصفوف من جديد وعندها اعترض طريقهم عبدالعزيز بن مساعد
امير حائل ومعه اهالي حائل وخرج الملك عبدالعزيز بجيشه من الرياض ليعترضوا طريق الاخوان
في ( المسعري ) عام 1348 ه ويتم القضاء عليهم تماما فيها 0
لتشتهر كلمات القصيده التي منها:


هذا الشنيفي لفى بأخبار=ياقاري العلم وش جابه
يذكر عزيز عـلـيـه غـبار=بالمسعري تكـلـح انـيابه

ونظرا لعدم اشتهار احداث حصار حائل بين الناس للتكتم على مافعله الاخوان من مجازر
في قرى حائل ولذلك فلم تشتهر بين الناس اخبار الاخوان لمعرفة قادتهم في تلك الفتره
عكس موقعة المسعري التي اشتهرت مع الناس ولكونهم يسمعون اسم الشيخ الدويش فيها
فظن الكثير منهم انه هو مؤسس جماعة الاخوان وانه قائدهم طيلة مسيرتهم لدرجة ان البعض
يقول ( سار الدويش بجيشه لحصار حائل ) وهذا خلاف الواقع كليا 0
والخلاصه من هذا السرد التاريخي كالتالي:

1- ان الدويش لم يكن هو المؤسس لجماعة الاخوان وانما اسسها ابن بجاد 0
2- عند حصار حائل كانت قيادة الاخوان مع ابن بجاد وليس الدويش 0
3- قيادة الشيخ الدويش لم تظهر الا بعد هزيمة السبله والقضاء على القائد ونائبه 0

هذه معلومات تاريخيه مهمه واسوقها هنا لتوضيح الامر الملتبس على الكثيرين وهي فقط
لمصلحة التاريخ والا فلا يفرق لدي كون القياده لابن بجاد او للدويش وكذلك فالشيخ
فيصل الدويش وابنه عبدالعزيز لهم من المجد والتاريخ الثابت الذي يعرفه القريب
والبعيد وليسوا بحاجه لمنحهم شيئا من التاريخ وهو لغيرهم رحمهم الله تعالى 00

[فواز الغسلان]

اليوم جسمي بالجنوب ونبظ قلبي بالشمال








الليل طال وسهـر عيني من غـبـون الوقـت طـال=ويفرح بطول الليل جـفـن اللي رقـد ماهـو علـيـل
الـيـوم جـسمـي بالجـنوب ونـبـض قـلـبـي بالشـمال=ليلي طـويـل الـلـه يـعـيـن الجـفـن باللـيل الطويل
ياجرح قلب اللي عـشـيـره بالعرب صعـب المنال=لاصار قلبه من جـمـيـع الـبـيـض مايـرضى بـديـل
والله فـلا تـرقــد عـيـون اللـي فـقـد ذاك الـغزال=اللي رماني مـع بـراد العـصـر فـي جـال المـسـيل
انـا هـقـيــت ان المحـبـه ريـف روح وطـيـب فـال=ماكـنت اظن العوق للـمخلوق بالرمش الكحـيل
وامسيت اعـانـي طـلـقـةٍ مثل التي صابت طلال=اللي رمت شيخ العرب بالـغـدر والخـسـه قـتـيل
ريــمٍ حــلاهـــا فـاق غــيـره بـالـجـمـال وبـالكـمـال=رمـشـه رمـانـي فـي سـبـاريـت الخــلا عـابـر سبيل
واشـيـب عـيـنـي كان شـوفـه صـار في حكم المحـال=وشفت الركايـب عقب زين الوصل نادت بالرحيل
ويــن انــت ياراع الـربـابـه هــاتـهــا يـاابـن الحـلال=خـلـه كـمـا ذيـبٍ بـراس الجـال تـسـمـع لـه عـويل
واسجـع بقاف اللي يسـوق القاف بالـدرب الـعدال=ورزقـك من اللي لادعـيـتـه بالـدجـى ماهـو بخـيل
اشكي صواديـف الـزمـان اللي خـذت زيـن الـدلال=واشكي من هـمـوم الـقـهـر والغـبـن والحـمـل الـثقـيل
اطـوي سـبـاريـت الخـلا والشـمـس بـوقـوت الزوال=الـقـيـظ يكـويـنــي وانـا عـطـشـان والـمـمـشى مـلـيـل
لو شـفـت بـيــرٍ فـي رفــاع الـقـاع ماعـنـدي حـبال=والسدر عـنـدي بـس اخـبـر الـسدر مافـيـهـا مقـيل
وما الــوم وقـــتـــي كـان مـيــزانـــه بـراع الجــود مـال=هـذا جـزاء اللي مع صحاصيح الخلا يـنـسـى الصميل
لاشـك جــور الـوقـت مـا جـامـل عـمـام ولا خوال=ولا هـو غـريـب لا قــدح بـظـلـوعـنـــا قـدح الـفـتيـل
ولو كان مايـاطـى سـوى اللـي داس بـدروب الخـمال=ماسـال دم الـظـلــم والـعــدوان مـن عـكـب الخـلـيـل
وان ذقـت نـار الـــغـــدر فـالـغــدار لـه رب الجـــــلال=وعـيــبٍ عـلــى الـلــي سـاق للـغدار من غدره مـثيـل
تـابــى شـمــايـلـنـــا هــزيـل الـهــرج لـو طـــال الجـدال=والا نـجــي درب الـهـبــايـل والـسـبـب هـرج الـهـبـيل
والـلـــي رجـيــت فــزوعـهــم لـلـنـفــس لاطـــال الـنـزال=كــلٍ بـصــف الـخـصــم شـال بـوجـهـنــا سيـــفٍ سليـل
يـمـكــن هـلال الـعــيــد مايـنـشــاف عـنــد اول هــلال=وبــدر الـسـمــاء بالـنـصــف مايحـتـــاج لـظـهـوره دليـل
كل الـعـرب تـشـهـد مـع الـلــي شـال حـمــلٍ مايـشـال=مـار الـفـخــر بـيــن الـعــرب بـالـلــي يـردون الـجـمـيـل
اكـره دروب الــهــون بـرجــالٍ رسـت مـثــل الـجـبــال=والا بــوار الـنـفــس بـأهــل الـطـيـب لا بـار الـعـمـيـل
والا فـأنـا مـن فـضــل رب الـعــرش راسـي فوق جال=واقــوى عـلــى مـمـشى الظمى والـقـيـظ والزمـل الهزيل
وان كـان تـعــديـل الـطـبــايــع بالــعـرب مـا لـه مـجــال=مـاواحــدٍ مـنــــا بـحـكــم الـلـه عـلـى الـثـــانـي وكــيــل

[فواز الغسلان]

(( تابع اسباب توقف حروب العواجيه مع شمر ))



(( ارجوا من الاخوه التركيز وتفعيل الحوار لكوننا بدأنا الدخول في معترك احداث كثيره وفيها
بعض الغموض بسبب قلة الادله ))


بعد معركة قمعه عام 1246 ه او التيم كما تسمى او ظفرة الثانيه
في هذا الوقت كان هناك شخص حسيني من الخرصه من قبيلة
شمر مجاورا للغضاوره ولشيخهم ابن سويلم له اكثر من
عشرين عاما فرآه بعض الجعافره واخذوا حلاله وقشه والتي
اشار اليها التبيناوي في قصيدته التي رد بها على قصيدة عقاب بقوله:






اول نواميسه نحية ولـد سيـف=وهو بين بيتين قصير من العـام
منهو قصيره جعل مايقري الضيف=ياعل ماله عزوة(ن) تدي الالـزام




وقوله ( ولد سيف ) دليل على ان الجار من الخرصه لكونهم يطلق عليهم
اولاد اباسيف كما قال الجهيلي:





نعمين بالعصلان واولاد اباسيف=كساية العيدان ريش النعامـي




عكس من قال انه من الدغيرات من عبده 0
وقوله( نحية ) جمع نحو وهو من الجلد مثل القربه لكنه صغير جدا ويستعمل
لحفظ السمن لدى اهل الباديه0
فغضب ابن سويلم ورحل مبتعدا عن منازل الجعافره واغار
عليهم وكانت من نتائج هذه الغارة ذبحة جارالله بن عقاب
العواجي وبليطيح المطردي واصيب فيها احد ابناء شامخ
العواجي ثم اغار الجعافره على الغضاوره فقتلوا مانع ابن سويلم
فحكم الشيخ الايداء ان رقبه برقبه والمطردي ديه00
حسب هذه الروايه( وهي التي اجمع عليها رواة الغضاوره من عنزه )
يكون مقتل جارالله على حياة والده عقاب وهو
امر يرفضه بعض رواة عنزه ويقولون ان مقتله بعدها بكثير ويرون انه
هو الذي اخذ الثأر لوالده من هايس القعيط0
ولكن كما ترون فالحادثه لـمـز بها التبيناوي عقاب وهذا دليل على انها حدثت
في حياة عقاب العواجي لاسيما ان الغضاوره مجمعين على ان مهاجمتهم للجعافره
كانت بعد الحادثه بشهر او شهرين فقط وسوف اتطرق لذلك مفصلا لاحقا0

هذا الانقسام وثوران بركان الحرب دفع العواجيه للرحيل لسوريا ريثما تصفي النفوس بعد
هذا الكدر الذي حل بهم مع الغضاوره0
لاسيما انهم تعودوا سنويا لمثل هذه الرحله للاكتيال والتزود
بالاطعمه هناك بسبب ندرتها في نجد0
وقبل رحيلهم نزل عليهم الشيخ مجول بن شعلان والذي اغار
معهم على ابل لابن فرهود من قبيلة حرب في المكان المسمى ( رخى ) والابل
اسمها (شملا) وسلبوها وبعد اخذها قال ابن فرهود:






يامجول الغيبات يقضى بها الدين=غيبة جنبها يوم جاها الزوالـي
لا واخسـارة لبسنـا للتواميـن=يوم ان( شملا )غربت للشمالـي
يا عقاب لا تقفي بثار الشعالين=إنكس لدارك يا كريـم السبالـي
نجي على قب سواة الشياهيـن=سوٍ على اللي ينزلون الجبالـي
نبي نطارد شاربيـن الغلاويـن=وناخذ عوض شملا بكار جلالي
إما جدعنا عقاب ليث الغلاميـن=والا جدعنا حجاب ريف الهزالي



وعندما وصلت هذه القصيدة لسعدون العواجي أجابه بهذه القصيدة :





أثاري كذبك يا بن فرهود بالحيل=تقول من خوفك نحرنا الشمالـي
لولا علومك ما نكسنا عن الكيـل=من الديرة اللي شوفها شف بالي
ياناشـد عنـا ترانـا مقابـيـل=ننزل لكم ( رخى ) وناخذ ليالـي
نبي نطاردكم على شـرد الخيـل=ونشوف منهو للسبايـا يوالـي
وعقاب فوف مشمر تكسر الذيـل=شلايعه من خيلكـم كـل غالـي
إليا عدا فيكم عدا فيكـم الويـل=ويروي حدود مصقلات السلالـي
نطاح قاسين الرجـال المشاكيـل=وبالفعل تشهد له جميع الرجالـي
يا ويلكم من كايـدات الغرابيـل=إن طار عن قحص المهار الجلالي




وموضوع هذه الابل هناك من جعلها قضيه في وقتنا هذا وهي لاتحتاج لذلك
فجميع القبائل كانت تغير على بعضها وتنهب الحلال من هنا وهناك فتجد الشخص
ياخذ هذا اليوم وبعدها يصبح ماخوذا شانه شان غيره في ذلك المعترك الغير محكوم
فلا تكاد تجد قبيله الا وقد اخذت واخذ منها دون دلالة بذلك على شجاعه او ضعف
او طيب وردى وهذه الاحداث كانت هي الواقع المرير الذي عاشته قبائل نجد مايقرب
من ستة قرون مع الاسف والحمدلله على الامن والامان 0

لكنه كان ينتظر انتهاء مشكلة اختلاف عقاب العواجي مع الاتراك
بسبب عمليه قام بها عقاب العواجي وهي اقتحام سجن الاتراك
في سوريا لاطلاق سراح سبعة اشخاص من كبار رجالات
الفدعان مسجونين هناك وقد حاول الفدعان بشتى الوسائل
اطلاق سراحهم دون فائده وعندما حضر عقاب العواجي وعلم
بالامر قام بجمع فرسان من ضنى عبيد واقتحم السجن وقام بقتل
حراس السجن جميعا واطلق سراحهم فقام الفدعان الذين كانوا
يأخذون ضريبه على العديد من القرى هناك بأدخال عقاب
العواجي شريكا في هذه الضريبه اعترافا بفضله وبما قام
به تجاههم بعد هذه العملية الفدائيه الرائعه0

هذه الحادثه ادت الى حجز عقاب لدى الاتراك مايقارب العام00
واختلف الرواة في ماهية هذا الحجز وكيفيته0

1- هناك من قال انه دخل السجن وبقي مسجونا لمدة عام كامل وان الاتراك
هابوا قتله بالرغم من قتله لحراسهم بسبب مكانته في قبيلة عنزه وان ذلك
سيثير القبيله التي لها من العدد والعتاد مايقلقون به عساكر تركيا في الجزيره
العربيه والشام والعراق0

2- وهناك من قال بل قاموا بالتضييق عليه من خلال ابعادهم عن الاراضي
الرعويه الخصيبه مستغلين قوة تركيا وكثرة جيوشها المسلحه وكان شعراء نجد
يطلقون عليهم لقب ( الروم ) والتي قال خلالها عقاب العواجي
قصيدته الشهيره والتي يجهلها الكثير من المهتمين بالتاريخ وهي:






ياعيال ياللي جالسين(ن) على كيـف=يامن يباصرني بحالـي مـن العـام
حالي كما عود(ن) برتها النحاحيـف=والا كسير العرش من خلف الاقـدام
صبري قضى ياحيف ياحيف ياحيـف=واقصد بهـا منكـم دهيثـم ولـزام
العام يالـزام نرعـى مـن الريـف=واليـوم يالـزام فـي حكـم الاروام
نصبر ولو ضاعت علينا المصاريـف=كلـه لعينـي دقـت الصبـح دمـام
اخوات حسناء سيف من لا معه سيف=من العام وانا عندهـم تقـل خـدام




قوله ( تقل خدام ) في دليل على شدة التضييق عليه من جنود
الاتراك هناك وفيها يستدل من قال انه مسجون في سجونهم
وليس مجرد تضييق لكون كلمة ( خدام ) قويه ولا تقال الا
في حالة السجن او الاحتجاز 0
وقوله:






نصبر ولو ضاعت علينا المصاريف=كله لعينـي دقـت الصبـح دمـام



يؤيد قول من قال انه ليس سجنا وانما هو تضييق عليهم في الاماكن الرعويه
لأن قوله( دقت الصبح دمام ) اي ان الصبر افضل من سماع دمام الحرب كل
صباح على مشارف قبيلتنا استعدادا للحرب0
واما من قال انه يقصد دمام حرب ابن رشيد فهذا غير صحيح لظروف هذه
القصيده التي تدل على انها قبل امارة الرشيد اصلا0 او في بدايتها ربما 0
وكان عقاب يرى مواجهة الاتراك بالقتال وعلى العكس كان
موقف الاخرين فهم يرون ان في ذلك مجازفه لتفاوت القوى
والعدد والعتاد بين الطرفين وهو مبدأ الحكمه والعقل00
واما تحديد جهة العتاب على دهيثم ولزام بالذات فقد اشار الكثير من الرواة
ان ذلك لكونهم لم يذهبوا معهم الى الشمال بسبب خلافات شخصيه وقد ظهرت
مكانتهم في تلك الشده وكأنه يقول لو لم يتخلفوا عنا لكان في اجتماعنا قوه اكبر ولذلك
وضع العتاب عليهم دون غيرهم 0
وقد حاولت البحث عن سبب آخر لهذا العتاب او التركيز
على دهيثم ولزام ولم اجد سببا مقنعا قويا يفسر ذلك ويعتمد عليه غير ماذكرت 0

وهناك من يقول ان احتجازه او مشكلته مع الاتراك كانت قبل مجيئه لنجد
ويعارض هذا القول كون التبيناوي يجاوبه شامتا بما اصبح عليه من حال0
لاسيما ان مبيريك التبيناوي كان لايزال يعاني الالم
بعد مقتل ابنه فريح في موقعة ظفره ليقول مجاوبا عقاب
العواجي بقصيدته وفيها شي من الاستهزاء بعلاقته
مع الاتراك القديمه والتي لم تستمر لتنقلب الى خلاف وعداوه
وكانت العلاقه بسبب كون تركيا تدفع مخصصات ماليه لشيوخ
القبائل الذين لهم شوكه وقوه لتأمن عدم غاراتهم على قوافلها
المتعدده سواء تجاريه او عسكريه اثناء مرورها بالقرب من تلك
القبائل ومن بين هؤلاء الشيوخ عقاب العواجي واخيه حجاب فقال التبيناوي:






البارحـه مابـت شاقـي بتوليـف=لا ردتهن مثل التهامـي اليـا حـام
تزاحمـن بالصـدر خلـج مواليـف=وانا لهن عن مجنب الحوض زهـام
طراه يابن فريـح طريـاك للكيـف=كيفك تدجج بيضكـم بيـن الاسـلام
البيض من فوق الحنايـا مشاريـف=والكيف شربوه الطنايا وهـو حـام
وزليت عن جملة عيون المخاشيـف=شقـح يشـادن مستذيـرات الاروام
غدو بهن فوق المهـار المزاغيـف=يـم القرايـا كصموهـن بالاسـوام
وعرايف الويبار جن لقـح وخليـف=ومن كالنـا صـاع نكيلـه بلطـام
من كالنا بالوسـم كلنـاه بالصيـف=فرقى جهـام(ن) ماتجمـع لهـا لام
يتلون ابن سلطـان راي وتصريـف=ماسال عن كثـر الخسايـر الياقـام
خيالنـا اللـي موالـف للزعانيـف=مـداوي سقـام للمناعيـر سطـام
من جيته لديارنا جاء لهـن عيـف=مثل الحباري من شبى الحر خـرام
مبري نحست الجوع في جية الضيف=خلا شرايدكم هجيجـه اليـا الشـام
بنيت بيت غـراب للخـرد العيـف=ولا ينشمت فـي مستغـرات الايـام
العـام يالـزام لـطـم وتجـريـف=الله يعيـدك مثـل طلياتـك العـام
ياعقاب دايـر نجدتـك بالتواقيـف=امسيت مثل اللي توطـي بالاقـدام
طلـوك شطـار نــدارٍ نتاتـيـف=واخطان ماصابك لما صرت حـوام
تشرب غمادٍ مثل ماتشـرب العيـف=مستلغفٍ غبـن الليالـي اليـا نـام
العام وانت لمقـدم الـروم عريـف=وفوايدك من دولتك قطـع الانجـام
جتك الشيوخ اللي تعرف المصاريف=هداويه شخص الرمك صنـع الاروام
ياحيف ياعـدوان ياحيـف ياحيـف=اعتقت ناس عقب ماطيرهـم حـام
اعتقت ناس كللوا شـذرة السيـف=من يبذر الحسناء بقطـاع الارحـام
لو انت ياعدوان فـي ذاري الهيـف=ودعت راسـه ماقـعٍ منـه ماقـام
اول نواميسـه نحيـة ولـد سيـف=وهو بين بيتين قصير(ن)من العـام
منهو قصيره جعل مايقري الضيـف=ياعل ما له عـزوة تـدي الالـزام
يارشيد ربعـك ينزلـون الاطاريـف=ويغلون للجالب خروفـه بالاسـوام
يتلون ابو دوشه حسين التواصيـف=من روس قوم مثل عقبان الارجـام
سور الظعن وان حل مثل العواصيف=له مصحف ياما تمنـاه مـن صـام



فمن الواضح اشارة التبيناوي الى المشكله التي حلت بعقاب
العواجي مع الاتراك فكيف يقال ان الحادثه كانت قبل مجيئه لنجد؟؟
الا اذا ارادوا القول انها حدثت مرتين وهو امر مستبعد جدا00
هنا يقول التبيناوي انك اول كنت عريف عندهم
وصاحب مكانه واليوم تنام وانت تحتضن غبن الليالي والايام
في قوله:






ياعقاب داير نجدتك بالتواقيـف=ياعقاب مثل اللي توطي بالاقدام
طلوك شطار(ن) نـدار نتاتيـف=واخطان ماصابك لما صرت حوام
تشرب غماد مثل ماتشرب العيف=مستلغف(ن) غبن الليالي اليا نام
العام وانت لمقدم الروم عريـف=وفوايدك من دولتك قطع الانجام




قوله ( داير نجدتك ) اي ابحث عن من يقوم باسعافك وانقاذك
من هذا المأزق0وعلل النفس بالمشي بالصحراء عن هذا الضيم0
قوله ( طلوك شطار ) الطلي يؤخذ من طلي الابل عن الجرب
وكأنه يقول الان وجدت من يفهم علاجك جيدا وهو بذلك يقصد الاتراك0
قوله ( اخطان ماصابك ) اي انه يدعوا ربه ان لايصيبه مثل
مااصاب عقاب وذلك من باب السخريه مثلما يقال الله لايبلانا مثلما بلاك 0

قوله ( فوايدك من دولتك قطع الانجام ) اي اصبحت مكاسبك
منهم الاصابه بالانجام والشخص المنجم( بكسر الميم وتشديد
النون المكسوره ) هو الذي يضيع عن الطريق وتقتلب الدنيا
امام ناظريه فيرى الشرق غربا والشمال جنوبا 0
والدليل على ان رد التبيناوي كان في هذا الوقت قوله:


مبري نحست الجوع في جية الضيف=خلا شرايدكم هجيجـه اليـا الشـام




وهنا يريد التبيناوي تجيير رحلة العواجيه للشام انها بسبب خسائرهم من شمر
وهو يعلم جيدا ان هذه الرحله موسميه ومستمره طول سنينهم ولكن الشاعر
يحاول الاستفاده من الاحداث دائما 0

وقد سألت الراوي محارب بن لعاق الدهمشي البالغ من العمر
سبعين عاما وهو من اوثق الرواة واصدقهم عندي عن هذه
القصيده عندما رأيت عدم شهرتها لدى بعض رواة عنزه
فقال اشهد بالله اني اسمعها من يوم انا شباب وان كنت لا احفظها جيدا الان00


وبعد انتهاء الخلاف بينهم مع الاتراك وخروج عقاب العواجي
عادوا الى نجد لتنفيذ التحدي مع بن فرهود من شيوخ قبيلة حرب
ولتستمر الغارات فيما بينهم الى عام 1252 للهجره 00

فالاحداث التي جرت في هذه الفتره مثل المواجهات مع قبيلة حرب ثم الخلافات
مع الغضاوره ثم رحيل الجعافره للشام كان لها الدور الكبير في
ايقاف جمرة القتال والمواجهات مع قبيلة شمر لاسيما الخلاف مع الغضاوره الذي تسبب في
شق عصى القبيله وتفريق جموعها وانقسامها مما اضعف قوتها واوهن عزيمتها مثلما يفعل الانقسام
في كل جمع من الجموع حتى قامت امارة
ابن رشيد عام 1250 للهجره وقام حلفها القوي مع العواجيه
قادة تلك الجموع وسنتكلم عن هذا الحلف لاحقا انشالله 00

[فواز الغسلان]

((عبدالله المفضلي رمز للطهاره والبعد عن الفواحش))

بناء على طلب الاخ ابوغازي والذي اتصل بي وطلب توضيح هذه القصه اقول:

لم يسبق ان سمعت من جدي فهد الغسلان روايه الا واجد لها اصلا وتثبتها الايام ولو بعد زمن 00
وهذه القصه سمعتها منه والى الان لم اجد من يعرفها او سمعها ولكن سوف نجد اصلها قريبا انشالله000
كان عند جدي فهد الغسلان شايب لحيته بيضاء وكان جدي يسأله عن قصيده له قالها لكونه ذهب للتسجيل
في الشرطه وهو في الخامسه والاربعين من العمر فقالوا له انت شايب ماتصلح فذهب للضمان الاجتماعي
يبي يصرف له ضمان فقالوا له انت شباب ماينطبق عليك النظام فكان جدي يستمع للقصيده ويضحك ومنها:

ان رحت يم الشوون قالوا شبابي000وان رحت للشرطه يقولون شايب
ثم سأله جدي رحمه الله عن قصيدة الرشيديه اللي تعاشق معها (فعلمت انه الاقعم الشلاقي) رحمه الله فقال
فضحتنا هالقصيده وانا يوم اسمعها منها كنت اضحك وماكنت اظن انها تنتشر والقصيده هي اللي تقول:


قيضت انا بديار شمـر مقيضـي=ودي يطول القيض والقيض قاضي
ياجضتي ياجوضتي ياجضيضـي=ياقلبي اللي من ملازيـه جاضـي
قلبي كفخ لولا مكانـه حفيضـي=يكفخ وتردعه الظلوع العراضـي
احدن الياصوب من الناس حيضي=وانا الياصوبت مالـي محاضـي
يامانعن جـم البحـر لايفيضـي=يامخضرن عقب المحل بالفياضي
تجلا صوابن في ضميرن مريضي=لو طاب له يومين جاء له نقاضي
وهيا انا وايـاك يـم الفريضـي=وقلبي بما قالوا هل الحق راضـي


ثم ارتكى جدي فهد الغسلان وقال:

جاء تاجر من اهل القصيم يبيع ويشري بالابل ونزل بهاللي يقال له الان صديان وكان معه ولد عمره اثناعشر عام
وتعرف على شاب من المفضل من عبده اسمه عبدالله وكان قوي البنيه وكان عبدالله يبي العراق وينشده يبي يخاويه
وماكان له احد بحايل فقال له التاجر وش رايك تشتغل معي لين ناصل العراق بأجر معلوم وفعلا اتفقوا على ذلك00
وعندما وصلوا حدود العراق سمع التاجر ان فيه بيعة ابل جت من سيناء حول الاردن فقرر انه يجيها لانها مغريه وان
يترك تجارته وولده بذمة عبدالله خويه 000

وعندما اراد التحرك امسك يد عبدالله وحب راسه وقال ولدي علي بوجهك ياشمري قال ابشر ومضى وبقي لمدة شهر كامل
وكان عبدالله اذا اراد علي قضاء الحاجه يذهب وراه ويقف على بعد عشرة امتار عنه زيادة في الحرص والحفاظ على الوصيه
جاء التاجر ووجد كل شي على مايرام واعطى عبدالله اجره وتفرقوا 00

دارت الايام وبعد اربع سنوات سارت الايام ان يمر عبدالله على التاجر ابوعلي بالقصيم وسوى له عشاء
وقال عبدالله وين علي قال داخل يجي بعد شوي فقال والله مااذوق العشاء الا علي معي خويي 00 ضحك
التاجر وقال ابشر ونادى ياعلي ياعلي والله الا تجي ويوم جاء واذا هو بنت جميله في السابعة عشر من العمر
فذهل عبدالله فقال التاجر هذا علي خويك ؟؟؟ هذا اللي جلست انت بجنبه شهر كامل ليل ونهار ومادريت انه
بنت لانك مالمسته ولا بحثت للنظر عن غفلته وغراته لكن بيض الله وجهك يالشمري من كل شهر ثلاثين ليله00
كان التاجر مطلوب بعداوه من الغير وليس له سوى هالبنت وخاف عليها انه يتركها بالقصيم ونظرا لصغر سنها
وكونها لم تتضح علامات الانوثه لها خلاها تلبس لباس ولد وكذا يكون اخف له بالحركه 00 ولو كان عبدالله يراعي
لغراتها وقت النوم مثلا كان اكتشف انها بنت لكن طهارة العرض والنفس غلبت عليه00000
وقد اضفت هذه القصه ضمن موسوعة التاريخ والادب فقلت:


واللـي يـنـــام بـجـنـب بــنـت عـنـيـده=شـهـــريـن والـطـاهـر يـظـــنـه ولـيـده
مـع انـهــا بـالـــنـــوم ماهـــي بــعـــيـده=ولد المفضـل ماكشـف عـن خزايـاه

وقبل عام تقريبا كنت اتحدث مع احد المهتمين في كتب المستشرقين فقرأ علي من كتاب احدهم
انه خرج من حائل ورافقه عبدالله الشمري وكان مقطوعا من شجره ليكون له دليله حتى قدموا
على عمر المختار في ليبيا الذي اكرمهم وفرح بعبدالله كثيرا وقال له ان اجدادنا قدموا من نجد 0
ورحل المستشرق الى اوروبا وعبدالله عند عمر المختار وانقطعت اخباره 0
ومع الاسف ان هناك من يحفظ ويعرف اسماء اصحاب هذه القصص ولكنه يرفض اعطائنا اي
معلومه من باب الحسد بالرغم من كونه من نفس قبيلة صاحب القصه بل ونفس فخذه والذي
يجعل طيب احدهم طيب للاخر ولكن شين النوايا تجعل البعض يجحد الشي الذي يضفي
الفخر لابن عمه وهذا هو بلانا 000

[فواز الغسلان]

مانافوا الشلقان في شيل الكسير




لو كل خلق الـلـه عطوا حق الجـوار=ماناف فـي نامـوسـهـا شيخ الظفـير
ولو قـيـمــة الـخــوه تسـدد باقـتـدار=مانافوا الـشـلـقــان في شيل الكسير
لو من بـغــى الجـنـه يسـافـر قندهار=ماكـان حــج الـبـيــت بالـذكـر المنير
ولو من يقول القاف يصبح مستشار=تلقى الـذي مـثـلــي مـع الـعـالـم كثير
ومااقـول عـنــدي للـتـمـاثيل احـتكار=بـس الـشـغـايـا ماتـقــارن بالـمـحـيـر
والـبـنــز تـفــرق بالـمـكايـن عن نمـار=وتنسى الـثـمـيـله دام بالـمربــاع بـيـر
لادار دولاب الـــقـوافــي واســتــدار=جـتـــنـي تشـادي للـنعام الـمسـتذيـر
والا طـيـــورٍ ذيــره فــرخ الـحــرار=والا الجـراد اليا غشى روضٍ نضـير
ماجـبـتـهــا تـوريــد في شحن الـمطـار=او بـاخــرات الـنـفــط بالموج الغـزير
مـيـراث عــودٍ خالــطٍ شـعــره وقــار=خـلا الـقـوافــي بالـفـعــايـل تسـتـنـيــر
ورثٍ كـفــاني كـنـز مذحـج مـع نزار=دامـه عـدلـنــي بالـفـرزدق مع جـريـر
نـوبٍ عـلــى نـهــج الضـيـاغم مـع عرار=وقاف الخـلاوي بالعرب وابـن الوزير
اقـوى من الـبـنــدق الـيـا ثـار العـيـار=او سيف هـنـدٍ طالع من جـمــر كير
في خــافــقٍ مـن شـعــر غـيـره مايـغـار=غـيـرة هـنـوفٍ هـمـهـا كسب الـعـشيـر
لاشفت راع الطـيـب بالـنـاموس سار=خـلـيـت روحــي مـع طـواريـقــه تـغــيـر
وان جـبــت لولو من صواديف المحــار=غــديــت مـثــلــه للـنــدى كـنـي سـفـــير
والا كتبت اسمي على الدرب انتـظـار=ولا عـيـب في حـظٍ مـنـع طـيره يـطـير
وماراح اراجي بالـعــرب كسب افتخار=لاصـرت كل الـوقـت باطراف السريـر
والحـســد دربــه بـيـن كــل الخـلق عــار=كــم واحــدٍ حــده عـلــى ظـلــم الضمير
ان ما عرف عـيـبٍ علـى المحسـود جـار=وظلم الـبـشـر ياطاك لـو دونك خـفـيـر
والــرزق مادونــه سـجـون ولا حصار=ان كان مكـتــوبٍ عـلــى لوح الــقـديـر
اللـي رزق دابٍ كـفــيــفٍ فــوق غـــار=لو ماشكى غيره على الــوضــع الـمـريـر
وباب الامـير ان حال من دونه ستار=رح للالـه الـلــي كـتــب رزق الامـيــر
والادمــي لـو كـان فــي طـيـبــه مـزار=ما كــل بــرقٍ لاح بـمــزونـــه مـطــيــر
وكـم تـاجـــرٍ مـركــاه بالـشــده هــيـــار=لو طحت ما قدم ولـو قـوطـي عصير
ومــيــراد دنـيـــانـا على نـفـس الـمـسـار=والـفــرق بين الناس بدروب الـصـدير
ومـن بـان لحـمــول الـثـقـــايل ثـــم بـــار=مثل الذي يـرغـي عقب حـس الهـدير
والـبـذل وقـت الـضـيـق للطـيـب شعار=اللي يشيـل الـثــقــل بالــوقـت العـسـير
وشــدايــد الـدنـيــا على الطيب اخـتبار=حتى تعزل القـمح عن حوض الـشعـيـر
اخــاف سـيــفٍ بالــرخــى حــرر ديــار=واليا بـغــيــتـــه بالـقــسـى تـلـقــى الجــفــير
ومحـدٍ بـمــيـــدان الـنـــدى يـصــبــح مـنار=لا طــاوع الخــفــرات بالـوقــت الخـطــيـر
ومن عـاش عـمـره ســايــرٍ دون اخـتيار=لاتطـلــبـــه شــوره تــره مـثـــل الـغـــريــر
وظـل الـفـريضـه شـر مـن شمس الخـيار=وفـقــرك ولا عـيـش الردى وسط الحـرير
وان عـشــت مالك بالـعرب اي اعـتـبـار=تصـبـح كـمـا الـثـيًــل عـلـى جال الـغـديـر
ولايـنــدم الـلــي جــاب ربــعـه واسـتـشـار=وان زل مـا خـــاف المــــلامـــه والمــــعــــيــــر
وشـيـخ العرب يرسـي الـيـا ضــاق المسار=وان نــار كـــل الــربـــع مــع دربـــه تــنـــيـــر
والخـتـــم مايـعــطــي عـلــى الـشيـخه قـرار=ولا راح تدخـــل فــي تـقــاريـــر الــوزيــر
والشيــخ من يـسـعــى لـنـصـرتـهــا جـهــار=ويرفى الضعيف ويـنـفــع الشـيــخ الضرير
طـيـبه يـجــيــر الـلــي من الضيم استجـار=ويـمـنــع شــرور وفـيــه لاهــل الخــير خـير
والـلـي يـبــي نسـلـه عـمــارٍ فــي عـمــــار=يـتــرك بـنــات الـعـفـن لـو زيـنـه شـهــيـر
زرع العرب يطـلـع على طـيـــب الـبـذار=والا تـصـيـــر بـمـقــعـــد الــذلــه جــــديـر
صـعــبٍ تـبـــدل بـالـولــد قـطـــعــة غـيـــار=دام الــردى بـعـروق طـفــلك يـسـتــديـر
ومن طارد الـمقـفي مـشـى قـفـو الـقـطار=مـثــل الـــذي يــارد وخــلــق الله صــدير
والـلــي يـبــي بـيــــع الــذبــايـــح مايـحــار=عـجــلٍ يـريــد الـبــيــع مـن قـبــل المســير
يـاصــل سـلايــل يــام مـفـنــيــن الـفــقــار=نـقــوة بـنـــي مــره شـفــى كـبــد الـفـقــيـر
وان جـاء بـيــوت الـلـي مضايفهم كبار=تسـمــع سـكـاكـيــن الـمــراجـل له صرير
والـلــه فــلا يـكـبــر مـع الـراعـي حــوار=وحـولـه مـن الـمـره ولــو طـفـلٍ صـغـير
شف حربة الـنـابـت على الحاشي دمار=قــومٍ يـحـطــون الـغــنــم فــوق الـبـعــيــر
مايـذبـحــون مـن الـحـــلال الا الخـــيــار=لـيـن امـست الذيـدان مـنهم تـسـتجـيـر
لــو قـيــل للـنــابــت مـع الــذيــدان ثــار=قـلــت ان راع الـثـــار نــوبٍ يستخــيـر
لـو بالـعـرب بـطـــبــــوعــهـــم نـاسٍ كـثار=ما شـفــت فـيـنــا طـايــحٍ مـالـه نـصـــيـر
ان جـاء يـمـيـن الطـيــب ماقالوا يسـار=نـبــع الـفــزايــع لا ظــهـر حــس الـنــذيـر
وسلام ياشـيــخٍ عـطــى قـحــص المـهـار=يامـنــوة الـلــي ضــاق ياعـتـــق الاسـير
لابـانــت الـقــمــراء غــدى لـيـــلـي نـهـار=واللـيـلـة الـقـمـراء هنى قـلـب السـهـيــر
ماالــوم شـيــخٍ قــال عـن طـيـبــك قـمار=مـن كـثـر مـاتـنـثــر من الـمـال الـكـثـيـر
يــارافــــعٍ روس الـنـــوابــت بــاقــــتـــــدار=ومن طاب ساسه صار بالفـزعـه خـبـيـر
نســل الـذي شـاف الـهـنادي والـقـصـار=وشال الاذان الفـجـر بالـصوت الـشـهـير
الـصــوت هــادي والـعــداء تـقــدح شرار=والـقــوم من صــوتــه غــدو شـر وشـرير
لـيــلـة هـــديــة حــط خـــتـــم الانـتـــصـار=فــي سـاعــةٍ راع الــردى قـــلـــبــه يـطـــير
صالح وطـى خــوف الحــرايـب باخـتـيار=ولا اخـبــر لــه فــي موقـفــه هـذا خشير
وياشيـــخ خـــذ زبـــدة كلامي باخـتــصار=وعـمـدا تـركـت الدسم بالبيت الاخــــيـر
جــدك سـمـيـــك والـنـــدى ما يسـتــعــار=وصيت المراجل تـاصل الرجـل الجـديـر
ومـادام جـــــدك ســــار دربٍ مـايـســار=عـنـدك يـصــيــر الـلــي لـغـيرك ما يصـير

[فواز الغسلان]

والله اني عجزت اكتم غبون الليالي





واهـنـي الـخـفـوق اللي من الـهم خـالي=ماقـضـى الليل وفـراق الـحـبايـب يـلـوعه
يافـهــد والـلــه انـي بالـعـرب تـقـل جـالي=يـمـضـي الليـل والـنـومه عـلى راس كوعه
اشهد اني عـجـزت اكتـم غبون الليالي=ولو كـتـمت اصل جرحي بهذلتني فروعه
كيف انادي ولا لي بين الاجواد والي=لاجل يطرد هواجيس الحشى فـي فـزوعه
قبل تقضي حـيـاتـي والزمن ماصفى لي=ولا تراجـي طـريحٍ والـلــهــب في ظـلوعه
ليت قلبي عن دروب الـغـنـاديـر سالي=دام طـبـعــي غـريــبٍ بالـهـوى مع طبوعه
ويش اسوي بريـمٍ هـجـرها سـم حــالي=خـلـت الـروح تـبـعـد عن مجـالس ربوعه
يشتـعـل وسط جـوفـي بالخـلا لاطرا لي=وكـلـمـا زاد يـاسـي يافـهــد فـي رجـوعـه
مالـنـــا فـي قــدر رب الـبــرايـا مـجـالــي=ولا تـرده طــوابـيـــرٍ تـتــــالــى جـمــوعـه
ياحـسافـة عـشـيري في دروب الحلالي=اشـهــد ان الـضـمـايـر فـي فراقه جزوعه
بان جـرح الـضـمـايــر بالوقوت التوالي=والسبايب عـيـونٍ تـفـضـحــه فـي دموعه
وكان طال الـمـفارق مع حسين الدلالي=راح يـرحـل خـفـوقـي يافـهد عن نجوعه
وراح يمسي قريـبٍ من وقوت الزوالي=قبل يشعل يـلـو هـي وحـدةٍ من شموعه
كيف يـزرع عـلـى جال الغدير الزلالي=ونـاتــج الـزرع لـلــي ماتـعــب في زروعه
وكيف يصرف على زرعه من المال غالي=والنـتـايـج زيـادة غـثــــتـــه مــع فـجـوعـه
قـمــت اراقب نـجـومٍ نورهــا بالـعــلالي=وكلما غاب نـجـمٍ قـمــت اراجــي طلوعه
اسهـر اللـيـل كـلـه بـالـمــغـثـه لـحـالـي=ماحصل تـهـتـنـي عـيـنـي بـلــذة هـجـوعـه

[فواز الغسلان]

(( فوائد تدوين الاحداث التاريخيه ))


ان الدنيا وان تغيرت الدهور واختلفت الحضارات الا انك تجد احداثها كثيرة التكرار في جميع
اجيالها وهنا يستفيد العاقل باحداث الزمن وماجرى للامم السابقه من ايجابيات وسلبيات
جرت على من مضى منهم فتكون فيها دروسا وعبرا للاجيال اللاحقه0
فالقران الكريم تجد ان ثلثيه عبارة عن قصص واحداث الامم السالفه وكذلك السنه النبويه
وكان هذا هو منهج ائمة الاسلام العظام الذين كتبوا في التاريخ ولعل اشهرهم اصحاب التفاسير
مثل ابن كثير والقرطبي الذين كتبا تاريخ الامم السالفه واحتاج هذا التاليف لعدة سنوات من
العمر ولو لم يكن ذو اهميه لما اضاعا السنين فيه 0
الا ان كتابة التاريخ ليس الهدف منها الاستعلاء والاستكبار على عباد الله بتلك الاحداث
لانها احداث مضت ومضى رجالها الذين فعلوها وهم تحت حكم الله سبحانه وتعالى ونكتفي
بسرد احداث التاريخ بكل صدق وانصاف وحياديه ومراقبه لله ومحاسبه للضمير الحي وقد قلت:


وانـا ربــع قـــرن اجــمـــع مـفــاخــر هــل الـــنــدى=ولا هــبت مـرقـاب الـعـلا فـي سنـودهـا
عــطـــيــت الـعـــهـــد بالـصـدق في ذكـر مامضى=اذا هاب ولد الــلاش واهــفــى عـهـودها
تــواريــخ شــيــــبــانــن عـــطــــونــا حــلالـــهـــم=ولا نـظــلـــم اجــواد الــعـرب فــي لـحـودها
ولـو طـعـت بـعـض الـنــاس كـثـرت دراهــمـي=وصــارت رفـوف الـبـنــك بأسـمـي نـقـودها
وتـابــى عـــلـــى ذلـــك كـــرايـــم مـــراجـــلــــي=ولا هـــمـــنـــي نــقـــص الــــدراهـــــم وزودها
ولـــو كـانــــت الـحــــاجــه لـلانــذال تـجـــدعـــك=والــــروح تــشــرب مـن مـــرارة لــهـودها
ولـكــنــهــا اهـــون مــن الــنــــفــس لاغـــــدت=بـحـــبـــل الـطــــمــع واهـــل الـرزالـه تـقــودها

ونستفيد بأخذ العبره من تلك الاحداث وعدم الحكم عليهم بجنه او نار وانما نرجي للمحسن ونخاف
على المسئ من اسائته كما هي عقيدة اهل السنه والجماعه في ذلك 0
ونسير على الدرب الايجابي ونكون حذرين تجاه الدرب السلبي وذلك لكوننا رأينا نتائج كل منهما في
دروس التاريخ الماضيه في الاسلاف الخاليه 0

وبلاشك انه ينبغي للشخص الافتخار بمواقف اجداده الحسنه والمشرفه ولكنه فخر لايدفع العاقل الى
انتقاص الاخرين او الاستعلاء عليهم او احتقارهم لكون الذي وقع منه الفعل الجميل قد وقع منه عكس
ذلك كما هي طبيعة البشر جميعا والذين خلقوا بالصفات الايجابيه والصفات السلبيه معا 0

ويحاول الشخص دائما التوسط في الحكم وابداء الرأي فلا يشطح ويبالغ بجهة اليمين ولا الشمال وليعلم
ان القبائل كلها تحتوي على اهل الخير واهل الشر والكريم والبخيل والشجاع والجبان ولكن الحكم
يكون على الاغلبيه والاكثريه 0 فالقبيله اذا كان اكثرها اهل كرم قيل انها كريمه ولو كان فيها من ظهر
فيه البخل والعكس صحيح 0

ولتعلم ان الناس اذا رأو منك الميول الجارف في كتاباتك فلن يقبلوا من كلامك شيئا حتى ولو كان
صحيحا وهكذا لن تستفيد مما كتبته وذلك لكونك قمت بالكتابه لاقناع الاخرين بوجهة نظرك 0
اما ان توسطت في كلامك وحكمك على الناس فهو احرى ان يقبلوا رأيك وفكرتك لكونهم شعروا
بصدقك وانصافك للناس وهو من علامات الصدق عند الانسان 0

واعلم ان البشر جميعا لايمكن ان يسمعوا او يقبلوا الكلام من شخص يحتقرهم او يستكبر عليهم وهذه
حقيقه لكونهم يكرهوه ويحتقروه مثلما فعل هو بالضبط 0 ولن يقبل منك الناس شيئا حتى تكسب
قلوبهم وتستولي على ودهم بالحق والكلمة الحسنه والمعاملة الطيبه 0 واعلم ان الفكر لايمكن ادخاله
لقلوب الناس بالقوه او بالغطرسه وذلك لكون الانسان ضعيف اولا وآخر وقد قلت:


انا رجلٍ ستير الحال لا ثـروه ولا سلطـان=وعلمي ناقص(ن)بالناس لو حاولـت تكميلـه
ولا لي في بنوك الغرب لا عمله ولا عنـوان=ولا صيفت في باريـس مـع بـارق هـمـاليلـه
اعـيــش بـراتـبي يومين وابقـى عقبهـا طفـران=واداري كلمتي بالناس عـن هرجـة مـهـابيلـه
ولكني رفضت المال والثروه وانـا الكسبـان=مدامه من كفوف اللي نـوى للنفـس تذليلـه
اذا قلت الخبر بالناس جبت لهرجتـي برهـان=ولا اسولف مدام الناس ماتشفق وتصغي لـه
واذا شفت الغلط مني رجعت وقلت انا غلطـان=ولا ني ضايقٍ ياناس من مسحـه وتعديلـه
واقول القول باسناده بلا زودٍ ولا نقصـان=وغلق القاف مانحتار في فهمـه وتحليلـه
وعند الحكم لاهل الطيب حكمي يضبط الميزان=وراع الصدق مانسكت على مـن راد تجهيلـه
ورجلٍ عاش بالحيلات يسكن حفرته خسران=ولا يمشي كلام الزور مهمـا رمـت تجميلـه

وعليك بالانصاف لغيرك وقول الحق ولو كان خصما لكون ذلك اعلا وارفع في قيمتك وقدرك
ودليل على نزاهة ضميرك وبحثك عن الحق وليس شيئا سواه واما الكذب والتضليل فهو ظلم
للاموات ومعاداةٍ للاحياء وضياع في النفس وهو كذلك دليل على الافلاس الخلقي والاخلاقي
فالله سبحانه تعالى لم يجعل الخير حكرا على امةٍ واحدة دون غيرها من البشر وان كان قد جعله
في امة اكثر من غيرها 0 وجحدانك لاهل الطيب اكبر منقصة لك انت قبل الاخرين وقد رأينا
من كذب سنوات طويله في التاريخ ولكن كذبه طاح خلال دقائق امام رجل قال الحق والصدق0


واذا كان الزعل كله سبب مدحي صخى الويلان=مدحت اللي تشيل الثقل ماترتـاع مـن شيلـه
ويشهد لي جميع اللي تهاب الكذب والبهتـان=بمن حازوا جديد المجد كلـه مـع مساميلـه
جملهم في نهار الكون فيـه القيـد للشجعـان=ولا يغويك خرط اللي خذتكـم فـي تهاويلـه
اخاف الظلم حيث الظلم ظلماء ياهل العرفـان=ولا يظلم هل المعروف رجل(ن)يرتجـي عيلـه
وترىالاقوال دون افعال ماتروي ظمى العطشان=ونور الشمس مايخفيه رجل(ن)حـط منديلـه
ضنى الويلان ماتحتـاج للفزعـات ياكوبـان=وبالفرقـان ماتعتـاز توراتـه مـع انجيلـه
عطيتك فلم فيه العلم عقـب الحلـم يانعسـان=وهوش الزلم وقت السلـم ماتخفـى مهازيلـه
حروف(ن)ثابته كالشمس في تاريخ ابن غسلان=ومن يزعل مهو مجبور يسمع له ويوحي لـه


ومن المؤسف حقا اننا لانجد الان في مكتباتنا العربيه كتابا يستحق ان نطلق عليه كتابا تاريخيا فعلا
لاننا نجد المئات من الكتب التي تحمل قشورا تاريخيه وهي الخطوط العريضه في التاريخ والتي يعرفها
الجميع حتى اصبحت امرا بديهيا حتى لدى عوام الناس والتي لاتزيد نسبتها عن عشرين بالمائه من مادة
الكتاب وتكون النسبه الباقيه وهي الاكثر عباره عن ترصيع المجد وكيل المديح للحاكم وعائلته بشكل مخزي
وفاضح ومليئ بالكذب والبهتان والنفاق وكل ذلك لكسب دينارا او دينارين من سقط المتاع الدنيوي
والتي لاتكفي لغسل ثيابه فكيف بتنظيف ذمته وكرامته التي داسها بنعليه وغرسها في مستنقع الرذيله والخسة
وهي لاتتعدى بقيمتها التاريخيه قيمة صاحبها ومؤلفها حتى ولو امتلئت رفوف المكتبات بها وحتى لو تفننوا في تغليفها
وقوة ورقاتها الا انها ضعيفة الحجه ورديئة الماده وهابطة القدر والقيمه0
حتى اصبحنا للاسف نبحث عن مخطوطات الاوربيين المستشرقين لاننا وجدناها اصدق وانظف من كتب مؤلفينا
التي وان دارت فهي لاتبتعد عن اقدام من كتبت لاجله ولطلب رضاه وبذله0
افلا يستحي هؤلاء ويخجلوا من ربهم او من خلقه او من تاريخ سيظل شاهدا على دنائتهم وهبوط اخلاقهم
وحقارة انفسهم التي اختارت النفاق والرذيله مقابل عرض من الدنيا زائل وزهيد؟؟

[فواز الغسلان]

المنسلح ورجال كالجبال


المنسلح رحمه الله يعود نسبه لعائلة الطواله الشيوخ
الشهيره بالاسلم وهم يسكنون بريده من قرنين من الزمن
وقد قابلت بنفسي صاحب القصه رحمه الله عام 1408ه

توفي احد جيرانه وكان له اولاد وبنات في المدارس ففكرت
زوجته بفصل الكبار من المدرسه لكي يعملوا وينفقوا على
العائله ولكن المنسلح اتاها بالليل سرا وقال لاتفصلي الولد
وانا راتبي 8400 ريال وكل شهر سوف اقسمه بالنصف بينكم
وبين عائلتي الى ان يحكم الله تعالى بالامر واسألك بالله ان
يكون سرا بيننا 0
فبقي المنسلح يدفع لهم شهريا 4200 ريال سرا لمدة ثمان
سنوات حتى تخرج الاولاد مدرسون والبنات كذلك ثم لم يلبث
ان توفي رحمه الله تعالى بعد ان جمع شمل عائله يتيمه كادت
ان تتمزق بعد وفاة عائلهم 0
وقد اخبرت والدة الايتام بفعل المنسلح بعد وفاته والذي ضرب
لنا اروع الامثله في رعاية حقوق الجار وكفالة اليتيم 0

وقد دونتها في موسوعة التاريخ والادب بقولي:



والمنسلح رجل من اهـل القصيمـي=ينصف معاشـه للضعيـف اليتيمـي
عشـرة عوام(ن)كاتمينـه كتيـمـي=ولابـان ليـن الله بعفـوه تـوفـاه
مرحـوم يانسـل الشيـوخ الكرايـم=ياللي بذلـت المـال والعفـن نايـم
الله يحلـك عــد مـاقـام قـايـم=وعسى جنـان الخلـد داره وملفـاه

[فواز الغسلان]

ماينول المجد من هاب السهر




ماينول المجد من هاب السهر=شف صواريم العرب ماهابته
والكريـم وجـيـرته مثل النهر=يرحم المولى عجوزٍ جابته
في ضفافه ورد وانواع الزهر=من صخاه امست بجاله نابته
وجيرة كفوف الردى قحط ودهر=والنفوس اللي بجنبه عابته
والمراجل له شروط وله مهر=والفخر سهلٍ على طلابته
والرحيل علاج من ذاق القهر=يرتفع بالروح عن بوابته
الـدقـايق بالغثى مثل الشـهـر=واللبيب يسيب ناسٍ سابته
حاولوا بي بالردى بطن وظهر=ومدفع الخايب تبع دبابته
وزاد جمع القوم ضدي واشتهر=لاجل ترويع الاسد في غابته
وطار عقل اهل الرديه وابتهر=يوم شاف رماح كيده صابته
وان صمت راع الردى والا جهر=نفهم اللي بالضماير كابته

[فواز الغسلان]

حاتم غرس طيبه بجوف رجاله





ياحمود عقب الدار حالي حالـه=دار الرجال اللـي عقالـه مايـل
خزن الجواهر والذهب واموالـه=والله فلا تسوى المقيـل بحايـل
لو ذقت فنجـال النـدى بدلالـه=ماني على نقص الحلال مسايـل
حاتم غرس طيبه بجوف رجالـه=وشالوا نواميـسٍ تهـد الشايـل
يشعل لظى ناره بـروس جبالـه=وسمن الصخى فوق الذبايح سايل
عاش الطنايا مع تميـم بجالـه=ونقوة رجالٍ من سلايـل وايـل
والله يلو ظلعـان يثـرب زالـه=مجد الجبل بالطيب ماهـو زايـل
قرشه غلب كنز العـرب وريالـه=وسيفه لطم خشم الخصيم الصايل
فاقت جدايـد غيرهـا باسمالـه=واسمه على نجم الثريـا طايـل
يـاروح رجـلٍ مايريـد ابدالـه=عينه على مزن الشمـال تخايـل
يرجي شهر صومه يهـل هلالـه=ويكفخ مثل جول الحمام الجايـل
للي غلاها مارحـل عـن بالـه=يبي الفياض اللي نسيمه هايـل
مكيال غيره طـاح مـع مكيالـه=يفضح دواوين الكـذوب العايـل
تبقى بمقيـاس العقـول زبالـه=ويابين هرج الكـاذب المتحايـل
مايطمس التاريخ كـذب امثالـه=لو قال راع الخرط ماهـو قايـل
ولو سار بأطراف العرب مرساله=غير الردى والهون ماهو نايـل
ان جاب من طيبه نجيب ادبالـه=والقيظ لاتباع الهقـاوي غايـل
واللي غدى درب الردى منوالـه=يبلش برمل طعوسنـا المتهايـل

[فواز الغسلان]

اعتى القصائد التاريخيه المتداخله



اكثر المشاكل والاختلافات تقع في القصائد عندما تكن على بحر وقافيه وموضوع واحد وهنا يكثر الاختلاف
في مجالس العوام في كون البيت هذا من قصيدة فلان او فلان لاسيما ان تعاصر الشاعران
وكان الموضوع متقاربا في القصيدتين00

أ- من اصعب القصائد المتداخله التي مرت علي في الادب الشعبي
واكثرها تداخلا وهي اعتى الامثله قصيدة حمد الغيهبان من الجابر من قبيلة بني مره من يام الشهيره:


قال الشـبـيـبـي والذي لـه سابـق=من خيل نـجـدٍ مهـرةٍ شعوائـي
لـم تلـقـنــي الا عـلــى يـعـبـوبـه=نوطاء العنان مشبوحة العلبائي
ابـــرَهــــا ولا بـعـــد عسفتها=الا نــهـار ورودنـا الاطـوائـي
كـودٍ عـلـى الرجل القصـير يعنهـا=الا يـعـرضهـا شبـه سنـدائـي
سمـيَت بالـرحـمـن ثـم ركـبـتهـا=بالسيف هو والجوخة الحمرائـي
يوم جيت لاذي كاعـبـي مسلوبـه=تذرف بدمعة عينهـا النجلائـي
بيضا وخالطة البيـاض بحمـره=مثل الذهب في الفضة البيضائي
ثم قلت يابيضاء عليـك بـستـرك=الستر تحت البيضـة النصبائـي
كـانـي لحـقـت البـل ولا رديـتـهـا=فانا رقيـد القينـة السودائـي
ياعل عـيـنٍ شافـتـك تعطى العمى=وياعل اذنٍ سـمـعـتك طرشائي
اسري لـهـم والليل ماحت الندى=وبـساقـتـي ضـواري تحــدائي
مـتـجـندٍ صـاف الـحديد الصارم=واف الذباب ينوض في يمنائي
هـذا وحــدبــاء فــي حـزامـي كـنها=سم الافاعي او زعاف المائي
لحـقـت كـبـير القوم ثـم قضعتـه=قضع الجمال السود في الظلمائي
ذبحت منهم سبعةٍ او ثـمـانــيـه=ورديت جزلاهم على الهزلائـي

وهناك قصيده اخرى لم تشتهر مع الناس على نفس القافيه والوزن وقائلها هو
أبو حمزة شفيع من بني شبانة بن قديمة بن شبانة بن عامر بن عوف
بن مالك بن عامر بن عقيل بن كعب بن ربيعة بن عامر بن صعصعة بن معاوية بن هوازن بن منصور بن عكرمة
بن خصفة بن قيس عيلان بن مضر بن نزار بن معد بن عدنان.
وتقول قبيلة العوامر في دولة الامارات انه احد شعرائنا القدامى 0
وتختلف عن ابيات الغيهبان لكون شاعرها قال عن نفسه فيها ( انا ابوحمزه من سلالة عامر) وهذه
الكنيه غير معروفه للغيهبان وكذلك كونه من سلالة عامر ايضا وهذا لاينطبق عليه 0
وحتى من قال ان حمزه اسم سيف الغيهبان فكما تعلمون ان الرجل مايضع السيف مكان الابن فيقول انا ابوكذا
ويذكر اسم السيف ابدا 0 قد يقول انا راعي حمزه او صاحب حمزه مثلا ولكن لايقول انا ابوحمزه ويقصد السيف0
فالامام تركي ابن سعود كان اسم سيفه ( الاجرب ) فقال:


يوم ان كلٍ من عميله تبرا=حطيت الاجرب لي رفيقٍ مباري
نعم الرفيق اليا سطى ثم جرا=يودع مناعير النشامى حباري

وقوله ايضا:

قلته وانا من راس غلبـا لابـه=ماهم بقصار البتـوع اشوائـي

ولقب غلباء اشتهر كأسم لقبيلة سبيع فيقال (سبيع غلبا) واشتهر كلقب على
قبيلة شمر مثل قول عايد الشراري قاصدا شمر:


غلبا بطاين جوخها الارجواني=كم شيخ شغميم غزى يمه وتاب

وان كان المقصود منها الغلبه والانتصار على الخصم دائما وهذا من الممكن ان يطلق كثيرا على القبائل
وهذا الشاعر العامري يقول:


ياخـلـتــي عـوجـوا بـنـا الانـضـائي=نـبـصـر بدار عذبة الجرعائي
دار عـفـت عن نزل ساكن حـيـها=اوزى بـعـيـنـي ذكرها وابكائي
دار لـمـوضـيــة الـجـبـيــن يـاكـنـها=بدر يفاوج حندس الظلمائي
او مشعل جـنـح الدجى من قـابـس=او بارق يوضي من المنشائي
اذا تـبـســم عـن ثـمــان(ن) ذبـل=كالـلــولــو الـمـنـثــور للشرائي
يمين الضبيعي مع دعـاثير الغضى=مقصد مغيب النجمة الجوزائي
انا ابـوحـمــزه من سـلالـة عـامر=خـيـالـهـا الـمـشهور بالهيجائي
يـاعـم لاتـرضــى عـلــي بـقـلَـهـب=الكـثـر ياعمي وحـن اشوائـي
وأخوي يقول انك تشـوف حليلتـي=حاشا ولا لـدتَ لهـا عينائـي
تكـرم مـن الهرج الخـبـيـث لحانـا=وفروجنا تكرم مـن الفحشائـي
تـرى الحـــرار عـيــالــهـا ثـلاثـه=وتـرى الدجاج يكـثـر الاضنائـي
انـشـد عـنـي نـاصـــر بـن مقـرب=راعي الغيان وراعي الصفرائي
يومٍ لحقته في المضيق فـقــال لي=يأمن وياسر ان بغيـت جزائـي
عـدلــت راس الـرمــح ثـم ركزتـه=فـي راعــي المـجبوبة الحمرائـي
ياالـلــه يالـمـطـلوب ياجـزل العطـا=اللي بـغـيـب الكامتيـن ادرائـي
اللي الى من قال كـن كــان الحيا=محيي العضات البايده بالمائـي
يالـلـه يالـمـطـلـوب تـجـمـع بـيـنـنا=قـبــل الـمـمـات وحزة الفرقائي
وختامها صلوا على سيد الملا=ماغردت في غصنها الورقائي

1- الغيهبان استطاع اللحاق بالاعداء وذبح العديد منهم واعادة ابله منهم وهو صلب موضوع القصيده0
2- ابوحمزه يتهمه اخوه بالردى تجاه زوجته ويدافع عن نفسه ويذكر مروئته وارتفاعه عن الخزي 0
3- فترة ابوحمزه في حدود القرن الرابع عشر الميلادي لكونه مدح في احدى قصائده الامير كبش بن منصور
على ما جاء عند ابن شدقم(الذي كان حيا1090ه 1679م) وهو نص نفيس واضح وقوي
يدل على أن ممدوح أبا حمزة هو الأمير كبش بن الأمير أبي عامر منصور والذي تولى
إمارة المدينة سنة 725ه 1325 م وقيل 727ه 1327م وقتل في نهاية شهر رجب من عام 729ه.1329م
وذكروا له بعض الاشعار في ذلك 0 في حين ان الغيهبان بعده بوقت كثير ربما يزيد على قرنين من الزمن ولم يكن
حمد الغيهبان بهذا القدم البعيد كما هي حال ابوحمزه العامري 0

وهناك من رفض البيت الذي فيه ( الاطوائي) من قصيدة الغيهبان لكون البئر الشهيره بهذا الاسم
موجوده في الصحراء الواقعه فيما بين منطقتي حائل والجوف وهي اماكن بعيده جدا عن منازل قبيلة
الشاعر وهي قبيلة مره الياميه 0 ولكن هذا ليس مبررا لرفض البيت لكون العديد من الابار تحمل
هذا الاسم في الشمال والجنوب بل ان البعض يطلق هذا الاسم على كل بئر لكون الاطواء مأخوذ
من الطوي وهو الحجارة التي تبنى على جوانب البئر من الداخل لكي لاينهدم بسهوله 0
وبالرغم من كوني بذلت جهدا ولا ازال للتفريق بينهما الا اني لم اصل لمرحلة الجزم الاكيد الذي ترتاح
له النفس ولاازال ابحث كلما سنحت لي الفرصه بذلك ولم أتوصل لنتيجة نهائيه 0

وهناك من جمع القصيدتين جميعا ونسبها لاحدهما كامله وهذا غير صحيح لكون المتمعن بالاشعار القديمه
يرى الفرق بينهما سواء بسبب تكرر القوافي وهو امر من النادر حدوثه او بسبب اختلاف الموضوع
في القصيدتين 0
وهنا نأتي الى زبدة الخلاف وسبب اشتهار هذه القصائد وهي الابيات التي تقول:


انـا بـلـيـت بـخـبـرةٍ لـم يـخــلــقـوا=الا لسبـب شقاوتـي وعنائـي
ابليس والدنيا ونـفـسي والهـوى=وين النجـاة وكلهـن اعدائـي
ابليس يوزي بي لدرب مهونتـي=والنفس توزي بي على البلوائي

فهذه الثلاثة ابيات اشتهرت مع الناس كالنار في الهشيم واصبحت مثالا يستدل به حتى الخطباء
في المساجد وهي مدار الخلاف بين قبيلة المره وقبيلة العوامر المتواجده بكثره في الامارات
العربيه واطراف الربع الخالي جنوب شرق الجزيرة العربيه 0
ولو نظر ودقق المنصف جيدا في معاني هذه الابيات وتوافقه من ناحية الموضوع فأي القصائد
ستكون الاقرب من ناحية الموضوع لهذه الابيات الثلاثه؟
الغيهبان لحق القوم واعاد الابل 0
العامري اخوه يتهمه بالنظر لزوجته 0
الغيهبان يفتخر على اعدائه 0
العامري يعتب على اخيه ويشكوه عند عمه 0
الابيات تقول ( انا بليت بلابةٍ لم يخلفوا ) اي ان شاعرها يشكوا من لابته الاقربين 0
أي الشاعرين ينطبق عليه هذا الوصف؟؟؟؟؟
بلاشك ان الابيات الثلاث تتوافق مع موضوع قصيدة العامري وبعيدةٍ كل البعد عن موضوع
قصيدة الغيهبان المري 0

واكثر الاختلافات بالحكم على الاحداث التاريخيه تتولد بسبب تداخل القصائد بالقافيه وذلك
لكون الشاعر اذا قال القصيده رد عليه المنافس بنفس القافيه وهنا يؤخذ من القصيده ابياتا
وتوضع في الاخرى والعكس صحيح فيتولد الخلاف ويكثر الجدل وتحتاج للمحقق الذي يفهم
معاني الشعر ومنهج الشعراء ويكثر السؤال لرواة الجانبين الثقات ومن اجتهد في ذلك فسيجني
ثمرة جهده بتوفيق الله تعالى 0

علما ان هناك قصيده ثالثه على هذه القافيه لحميدان الشويعر ولكنها لم تختلط مع هاتين
القصيدين لعدم شهرتها مع الباديه 0

[فواز الغسلان]

قصيدتي بالشيخ صالح بن قمراء المري التي اذهلت اهل الجنوب





لو كل خلق الـله عـطوا حق الجـوار=ماناف فـي نامـوسـهـا شيـــخ الظفـير
يوم انتخى اللي قـال جـار وبالوجـار=ثار السويط وسلوا السيف الشطير
ولو كل رجـلٍ بالقـسى حط الـفــقــار=ماصـارت المـره شفـى كـبـد الـفـقــيـر
والـلــه فــلا تلقى مـع الـراعـي حــوار=وحولـه من الـمره ولو طـفـلٍ صـغـير
ولو قـيـــمــة الـخــوه تسـدد بالــوقــار=مانافـوا الـشـلـقــان في شيل الكسير
قال ارشدوا موتي بحكـم الغيب صار=وصاروا كما خـلــجٍ تداحـم عند ضير
ولو مدخـل الجـــنـه بجـامـع قـنـــدهـار=صارت بـدل مكه بساعـات الـنـفـيـر
وكان الرسـول المصـطـفـى بالجـمع سار=واسقى الصحابه من يـنــابـيــع الـغدير
ولو كل رجلٍ حط درب الطـيب كار=مـحــدٍ زبـن عـثمان بالــوقـت العـسـير
ولو راعي الـمـعـروف مايلـقـى النكار=كان الـمـهـادي ماغـدى رجـلٍ شـهير
ولو من كثر مالـه غـدى شباب نـار=مانـاف بــه دواس وفــراشـه حــصـير
ولا صـوت ابــن مـهيد بوقـوت المرار=يـدعــي ضـيـوفـــه واللـيــالــي زمهــرير
ولو من نخى الاجواد ماجاه اعــتـذار=ماصار ابـن قمراء هنى القلب الحسير
ولو للبشر بالـغـيـب حـيـله واخـتـيار=درب السنع مايـجـهـلـه طـفلٍ غـريـرٍ
ولو من يقول القاف يصبح مستشار=تلقى الـذي مـثـلــي مـع الـعـالـم كثير
لادار دولاب الـــقــوافــي واســتــدار=جـتـــنـي تشـادي للـنـعـام الـمسـتذيـر
او جول صيدٍ من حـرار الظـلع ذار=والا الجـراد اليا غـشى روضٍ نضـير
مـيـراث شيبانٍ خـذت تـاج افـتـخار=قـافـه عـلـى طيب الفعايل يسـتـنـيـر
ورثٍ كـفــانــي كـنــز يعرب مع نــزار=دامـه عـدلـنــي بالـفـرزدق مع جـريـر
صـغـتــه على نهج الخـلاوي مـع عـرار=وتبقى مثل قاف الـعـلاء وابن الوزير
وعيبٍ على اللي من ندى غـيره يـغار=غـيـرة عـنــودٍ ماتـبــي فـقـــد العـشـيـر
لاشفت راع الطـيـب بالـنـاموس سار=كـز الـرحـايـل مـع دروبــه بـالـهـجـيـر
وان جـبــت لولو من صواديف المحــار=اصبحت مـثــلــه مع هل الـعــزه ظـهير
والا كتبت الحـجــز بالـدرب انـتـظـار=وحاول مـدامـك لاطــريــد ولا اسـيـر
وراع الحسد لو مالقى بك عيب جار=ويـاصــل من ابــار الـردى حـد الشفير
والــرزق مايـنـحـــاه عن بـابـك حـصار=لاصــار مكـتـوبٍ عـلــى لوح الــقـديـر
اللـي رزق دابٍ كــفــيــفٍ فــوق غـار=وهو مارجى غـيره على الوضــع المـريـر
وباب الامـير ان حال من دونه ستار=انظر لباب اللـي كـتــب رزق الامـيــر
ومــيـــراد دنـيـــانــا تـشــابـــه بـالـمـسـار=بس اختلاف الناس بـدروب الصـدير
ومـن طــق صــدره بالوعــايـد ثــم بــار=عـزمـه رغـى عـقــب المـزابـخ والـهـديـر
وشــدايــد الـدنـيـا على الخـلــق اخـتبار=تفرق حبوب القـمح وقـشـور الـشعـيـر
عـن غـدر سـيــفٍ بالـرخــى حـرر ديــار=واليا بـغــيــتـــه بالـقــسـى يـطلــع جــفــير
وتـر مـقـعـدك عـرقــان في شمس الخـيار=افـضل من ظـلال الفـريـضـه يالـشـويـر
وان عـشــت عـمرك دون قيمه واعـتـبار=تصـبـح كـمـا الـثـيًــل علـى جال الغديـر
ولايـنــدم الـلــي بـالـمـهــمـــات اسـتـشار=وان زل مـا خـــاف المـــلامــه والمــــعــــيــر
والشـيـخ مـن يـرسـي الـيـاضــاق المسار=وان نــار كـــل الـربـــع مــع دربـــه تــنـــيــر
والـلـي جعل نسـل الـفـهـد تطـلــع جــفار=جـيــزة بـنــات العـفـن والرجـل الحـقـيـر
زرع الـعرب يطـلـع على طـيـب الـبـذار=وبـنـت الردى تـمره يجي شيص وزمير
الـنـسـل مـالـه لافـسـد قـطـــعــة غــــيـــار=ويبقى الردى بـعـروق نسلك يـسـتــديـر
ومـطـارد الـمـقـفـي مـثـل طـرد الـقـطـار=واصبح كـمـا الوارد عـلــى قـوم صـديـر
والـلــي يـبــي بـيــــع الــذبــايـــح لايـحــار=اضـمــن لــه الـبـيـعه قـبــل وقت المســير
يدهـج بـيــوت اللي على الشده جسار=ويسمع سـكـاكـيــن الـمــراجـل له صرير
صــوارم الـنـابـت عـلــى الحــاشـي دمار=قــومٍ يـحـطـون الـغــنــم فــوق الـبـعــيـر
مايـذبـحــون مـن الـحـــلال الا الخـــيــار=لـيـن امـست الذيـدان مـنهم تـسـتجـيـر
يـاتـقــــل لـلـنــــابــت مـع الــــذيــدان ثــــار=والا هــل الـثـــارات نــوبٍ يـستــخــيـر
ولـو بالـعـرب بـطـــبـوعــهـــم نـاسٍ كـثــار=ما شـفــت فـيـنــا طـايــحٍ مـالـه نـصـــيـر
دع ذا ويـالـلــي مـاشـــىٍ تـال الـنــــهـار=فوق ابـيـضٍ يـغريك فـي طـول الـمسير
جـيــبٍ عـلـى الكـبــوت له رمـز وشـعار=لكسز وحـسـه حـس غــطروفٍ عـطـير
او حس هـمـلـولٍ يـنــوش جـنـوب غـار=من مـزنــةٍ صارت على الـوسـمـي بشـير
جـانـا عـلــى مـتــن الـبــواخــر بالـبـحـار=وجـهـه عـلـى دوحـة حـمد والا الوكير
مصـنــوع لاجــل الـبـنــز لاشـافــه يـغــار=وصـــنــاعـة الجــرمـن يحـــطــه بالـسـعـيـر
الـبـنــز لاشــافــه بـراس الـطـعــس حــار=مـن قــو عــزم الجـيــب بالرمل الـغــزيـر
حـطــوا بـدل سـلــفــه ومـفــتـاحــه ازرار=ومن الـطـنـاخـه لامشى يـصـفـر صــفــيـر
فـيـــه الـشـنـب زاده مــع الــعــزه وقــــار=ويـفــزع مـع اللــي طـول حسه يستجـيـر
كـنــه مـن الـمــره الـيــــاضـــاق الـمـســار=وقــدامـهــم لاهــــوم بـالـيـــوم الـكـــديـر
لاصاحــت الخـفــرات واومــت بالخـمــار=تلـقــى الـجـمــاجــم تـحـتـهــم صـارت نثير
يكـفــخ تشيـلــه للـفـزع خـمـس الـغــيــار=وعـنــد الـوعر تضـغـط على الزر الصغير
طـيـبـه بـراس الـطـعــس والا فــوق قار=ولايشـتـكـي بـسـتم ولا تـفـلـيـت سـير
ولاتكـرب الـلــطـــمـه الـيـــا ثـــار الـغـبــار=عــدك بـفــنـــدق حــاجــزيـنـــه للـسـفــيـر
ريــح الـغــمــاره كـالـبـخــتــري والـبـــهار=وطـقــم الـمــراتـب لـيــنــهـا مـثــل الحرير
وماتـفــتــح الكـبــوت مـن شــان العـيــار=مـقـيــاس ضـغـط الزيـت قدامك يـشيـر
لا فــــر ويـلــــه ثــار بـالــقـــاع انـفــجــــار=لـولا الحـيــاء من مصـنـعــه يـمكـن يـطــير
رشـق الحصى لـغـمٍ بـوسـط الـقــاع ثـار=او قــاذفٍ بكـــفــوف ثــورٍ مـستــطـيـر
والا حـصــى الحـجــاج فـي رمـي الجـمـار=يـرجــم مـقــام ابـلـيـس بالحــج الـكـبــير
تـسـعــه بـشمـس الـقـيــظ ما ولـــع وفــــار=ولا قــام يـقـــطـر جـنـوبــه زيـــت قــيـر
فـي ضــغـط زر ويـبـتـدي نـفــخ الاطــار=وثـلاجــتــــه فـيـــهـا الـفــواكـه والعـصـير
يـشـره عـلــى اللي تـبـتــرم وســط المطار=لاشــافـهــا وده عـلــى الـمــدرج يـغـيـر
يـشـفـق على الـتـهريب ووقــوت الخـطـار=لاصــاح بـالـضــبـــاط صــيـــاح الـنــفــيـر
هـذا يـبـــي رتـبـــه ويـبــــي الاشـتــهـار=وهــذا يـبــي يـسـلــم مـن الـوقـفــه خـفــير
ظـنـوا بـلـوف الجـيــب من مصـنــع نـمــار=او ددسـن افـغــانـي مـلـى حـوضــه ****
يـوم اقـبـل العسكر بـغــوا رعــي الخضار=ناشـه براس الـصـبــع واصبح له شخـيــر
كــفــخــة قـــطـــاةٍ ذارهــــا فــرخ الـحــرار=جـنـحــانـهــا تصـفــق مـثــل طـبـلـة سـمير
مـثــل الـقـــنــابـل في وقـوت الانـشـطـار=من عـقـب تـخـصـيـبـه بـمـنـقــوع الـصـهير
لاداس لـلـي شـاف درب الـهــون عــار=تـسـمــع لـمـوتـرهـم تـحـت عـجــه جـعـير
وضـاعـوا تـحـت عـجــه وعـدو زنـجــــبــــار=والـزيــت مـن خــرداتـهـم جـالـه خـرير
خــلا عـشـاهــم بـالـخــــلا عـلـبــــة فـشـار=ومن بـيـنـهـم هـوشــه ونـقـــرات ونـقــيــر
وهـو تـقــل ذيــب جـــايــعٍ جــاه الـــفــرار=سـمــع الـبـنــادق والـشـمـالــي قـمــطـرير
ووسـط الـصـحــاري ضابطٍ خط المسار=وابـن الـعـطـر فـوقــه وراسه راس طير
لابن الـعـطــر بالـطـيــب مرسوم وقــرار=من نسـل عـودٍ كالـسـبـاع الـلـي تـزيــر
شـهــمٍ بخـيــصٍ بـالـفـــــيــافــي والـقــــفـــار=يـشـبـه لـمـاجــــلان بـالجـمــع الـغــفـــيــر
عـيـبــه صـحــونٍ من نــدى كـــفــه كـبـــار=نـبـع الـفـزايــع لا ظـهـر حــس الـنــذيـر
يـوصــل سلامي صـوب شـيــخٍ لـه وقــار=الشيخ ابن قمراء هـنــى الجفن السـهير
شيخٍ يـجــيـر اللـي من الـضـيـم استجار=وان زاد بـذلــه بـالـنـــدى مايـسـتــذيـر
تلـقــى مـضـيــفــه بالـعـرب مـثــل الـمـزار=هـذا يـبــي فـزعـه وهــذا يـسـتــشــيـر
قل ياسلايل من عطت قـحـص الـمـهار=ياتـاج يــام ومـجــد هـمـدان الـشــهـير
انـا انـشــر الـتــاريـخ وعـلــوم الـخـيـار=جـبـتــه على الـشاشه ومـوجات الاثـيـر
لـمــا غــدى تـاريـخــــنـــا مـثـــل الـمــنــار=ويـفـهــم نـوادر مـجــدنـا حـتــى الـصـغـير
ارحــل عـــلــى كــل الـبــوادي دار دار=وامـسـيـت فـيـها شـامــخٍ مـثل الـمدير
مالـــي مـن الـدنـيــــا حــلال ولا عــقـــار=فــي شـغــلــةٍ مـالــي مـن الـعــالــم نصير
وقلت اقترب من يام وافهم ويش صار=فــي مـاضــي الـمـره وريـضـان الـعـبـير
وقـعـدت سبـع شـهـور بـوجـار الاجـار=ادوج مـثــــل الـســبـــع تسـمـع لـه زئـير
والا شـرود الـزمل من عـقب الهـجــار=لــولا صواريم الـنـــدى نـسل الـعـوير
ان رحـت للـمـسـؤول من دونـه جدار=او يعـطـي الـمـوعــد ويـرجـع يستخـير
ولا صار ماعندك مـثـل حـارس ظـفـار=صـعــبٍ يـرد الـقـــول لاشــاتــه زهـــير
وانـا بـحــمـد الـلــه عــزيــز ولــي ديــار=ولاجـيت لاعـايـب ولا شـوفـي ضـرير
وسـاسـي بـحـايل راسـيٍ مـاهـو هـيـار=وسـط الطـنـايـا مـرويـة حــد الشـطـير
واسـمــي غدى وسط الجزيره كالدولار=وبـيــتــي بـحــايل ظـاهــرٍ بــابــه كـبــير
ولاني من اللي لاعـثــر بـالــدرب خــار=واشـرب من الخـبـراء ولو ماها كـدير
وكان اسـتــوى بالـعـيــن لـيـلي والـنـهار=وشـفـت الـمـهاجم عـقـده لـعب الظهير
مافـي رحـيـلـــي عـن صــوارم يـام عـار=مايـنـتـهـض حــظٍ رقــد فــوق السرير
ولا عـيــب بالـمــره عــزيــزيــن الجــوار=الـعـيــب في حـظٍ رفـض طـيره يـطـير
يامـا حـمـونــي عـن صــواديــف الـمـرار=لـمــا غـديــت بـوسـطـهــم مثل الوزير
بـس الـمـبــانــي هــدتـه هــزة ذمـــار=والـكـســر بالــركـبــه تـرى ماله جـبير
ولـومــي عـلــى الـلــي لـه مكانه واقتدار=لاشـك مايـقــوى عـلـى الحمل العـسير
لا شـافـنـي صـابـه عـلـى الـوجـه اصفرار=كـنــي رمـيــتــه عـنــد مـنـكـر مع نكير
وقبل ارتحل قـلـت آصـلك يـاابـن الخيار=فيك الندى والصدق ياحـي الضـــمـير
الـنــاس تـفــرح كــــان بـرق الــوسـم ثـار=وتنسى الـثـمـايل لا لـقـت بالقاع بـيـر
ومااحدٍ خذى طيب المخــالـيــق احـتكار=بـس الـشـــغـايـا مـاتـقــــارن بالـمـحـــيـر
وطـيـبـك يـاابـن قـمـراء مثل لعب القمار=مـن كـثــر ماتـبــذل جــزاك الـلـه خير
وياشيخ صالح جـبـت لـك عـلم وخبار=وجـدك دفـعـنـا لـك وهـو شيخٍ خـبـيـر
حـيـثــه عـلـى مـرمـى الهـنادي والـقـصـار=شال الاذان الـفـجـر بالصـوت الـشهير
الـصــوت هـادي والعداء تـقــدح شرار=والـقــوم من صــوته غـدو شـر وشـرير
اهــدى هـــديــة لـلـعـرب ســر وجـهــار=فــي سـاعــةٍ قلـب الــردى ماهـو قـرير
واللي يـؤذن قــرب خـصـمــه بـاخـتـيـار=نـسـلــه يـجــي للـطيب لـو سـاقـه كسير
والخال شيخان ال سـعـد كـار وعـمــار=الـلــي شـمــوس ايـمـانـهــم فـوقـك تـنير
ويكفي سعد لعيون عـرقـه ويـش صــار=الـلــي حـمــى الخـلـفــات زيـنات الـدرير
ودامــك ســلايــل لابــــةٍ جـــوده مـنــــار=والـلــه فـلا لـك عـن مكـارمـهــم مـطــير
واقـسـم بـربٍ خـــــالــقٍ جــنـــــه ونــار=يالـشـعـر فـي غيرك مثل رخص الشعير
وياشيــخ صالح خـذ كلامـي باخـتــصار=وعـمـدا تـركت الدسم بالبيـت الاخـيـر
جــدك سـمـــيـــك مـوقــفـــه ما يسـتــعــار=وتـرى الــولـد فـي مفـخـرة جده جديـر
ومـادام جــــدك ســار دربٍ مـايـســــار=عـنــدك يـصـيـر الـلـي بـغـيرك ما يـصـيـر

[فواز الغسلان]

( البيان في تكذيب حكم فاطمة السبهان )

انتشر في الاونه الاخيره قول من زعم ان فاطمة السبهان حكمت حائل فترة من الزمن
قبل سقوط امارة الرشيد ويستدل من قال بذلك ببيت الشعر:


حكم العبيد اذهب ربوعٍ قديمين=حكم سعيد وفاطمه خابرينه

والحقيقه انه وبعد ان تولى الاماره سعود بن عبدالعزيز المتعب الملقب (ابوخشم) وكان تحت
وصاية خاله زامل السبهان بسبب صغر سنه لكونه تولاها وعمره 12 سنه وذلك في منتصف
عام 1328 ه 0
وفي عام 1332 ه حدثت جريمة اغتيال زامل رحمه الله غدرا على يد من خطط لذلك من
بعض الرجال المقربين من سدة الاماره حسدا وغيرة منه ومن مواقفه المشرفه رحمه الله 0
فكان الامير سعود ابوخشم يستشير جدته فاطمة السبهان لكونها عاصرت الكثير من احداث
الاماره ومشاكلها 0
فكان الشخص اذا لم يعجبه حكما من احكام سعود وقراراته قال هذا حكم فاطمه مهو حكم
سعود وذلك تقليلا من شان الامير 0 حتى انتشرت هذه المقوله بين الناس واصبح البعض
يصورها على انها تجلس في قصر الاماره وتأمر وتنهى وهذا غير صحيح اطلاقا 0
وكذلك زاد الترويج لهذه المقوله من جهة من كانت مواقفه ضد الاماره في اواخر ايامها لكي
يكون ذلك عذرا له في وقوفه ضدها وكأنه يقول عندما بلغ الانحدار بالاماره لدرجة ان
الحكم اصبح لامرأه وقفت ضدهم 0
واما بيت الشعر المذكور فهو ضمن قصيده لراشد بن مشعان الفزير من الجعفر وهو من سكان
بقعاء ولم يدرك سقوط حايل وانما ولد بعدها بوقت طويل وقد ادركته انا وتوفي منذ خمسة عشر
عاما وقد سأل هو عن ذلك فقال نسمع مقولة ( حكم فاطمه) مثل المثل ومشتهره بين الناس 0
اقول واما استشارة كبار السن حتى ولو كانت امرأه فهو امر لاباس به وقد فعله الكثيرون من
شيوخ القبائل وفرسان نجد 0
ولكن هناك فرق بين الاستشاره وبين جلوسها على كرسي الحكم في قصر الاماره وهو الامر
الذي لم يثبت ولايصح وانما هو مجرد شائعات مثل غيرها من الشائعات التي انتشرت ضد
الابرياء من الناس ظلما وعدوانا وعدم مخافة من الله واستعجالا في خطف ما هب ودب من
سوالف المجالس عند عوام الناس والله اعلم 0

[فواز الغسلان]

تقلبات العوني في ولائه سبب مأسآته



(( تقلبات العوني الولائيه سبب سقوطه ))



هو الشاعر الشهير محمد بن عبد الله العوني ـ شاعر علم ـ ولد العوني في بريده حوالي سنة 1261هـ ،
ولم يكن من عائلة مشهورة بل كان والده يعمل بالبناء ، ولكن نبوغه بالشعر بوأه مكانة كبيرة
لم يكن يحلم بها فعرفه الناس وأصبح له شأن كبير بينهم
نشأ العوني في وقت كانت تسوده الحروب والفتن فتأقلم مع وقته ووظف شعره لخدمة الفريق
الذي يميل معه ضد الآخر وقصائده الحماسية لها صداها بين الناس ،

تميز العوني بالشعر السياسي حتى أصبح الشاعر وحيد عصره بهذا اللون الذي كانت له مقدرة
عجيبة على صياغته بشكل حماسي يلهب النفوس ويقلب الموازين ، ويعاب عليه أنه متقلب
بالاتجاهات الفكرية والانتماءات السياسية فتارة مع هؤلاء وتارة أخرى مع أولئك ولم يكن
يستقر في فكر واحد ولو لم يكن كذلك لما انتهى به الأمر إلى السجن حيث سجنه
الملك عبدالعزيز آل سعود عقابا له لدخوله تحت طاعة ابن رشيد بعد ان كان معه ضدهم 0
وتوفي بعد خروج من السجن بأيام قلائل سنة 1352هـ 00

ولقد أكد الباحث القدير فهد المارك -رحمه الله- أن العوني -رحمه الله- لم يكن محدود الميول ولم يكن هدفه
من شعره المادة والمال فحسب كما هو حال كثير من الشعراء بل كان العوني سياسياً محترفاً زجت
به السياسة في أتونها وجعلته يتقلب في حساباتها التي تخطئ وتصيب.

أما الفصل المهم الذي أبدع فيه المارك فهو تفصيله للحياة الاجتماعية والسياسية التي عاشها العوني
بدءاً بطفولته التي ولد فيها ب(الربيعية) القريبة من بريدة وعاش يتيماً ثم رحل مبكراً إلى خاله بالكويت
ابن دعيج قبل أن يستقر في بريدة.

وقال الشيخ العلامة محمد العبودي في كتابه مشاهد من بريدة قبل (75) سنة:

كان والدي -رحمه الله- يحدثني عندما كبرت قليلاً عن العوني، ومن ذلك أن الملك عبدالعزيز آل سعود
قال للعوني عندما تغلب هو ومن معه من أهل القصيم على عبدالعزيز بن متعب الرشيد بعد سنة
السطوة في عام 1322هـ قال: اطلب يا العوني، يريد أطلب ما تريد أن يكون لك من البروة،
والبروة هي المقرر السنوي من التمر أو القمح وهما المحصول الرئيسي الذي يحصل عليه الملك
من الفلاحين ويدخله بيت المال على سبيل الزكاة أو نحوها.

فقال العوني: أنا- يا طويل العمر- ما أبي إلاَّ (حرف واحد) (ألف) من العيش،
يريد ألف صاع من أصواع العيش.
قال لي والدي وقد رأيت أكثر من مرة الحمول وهي التي تحملها الإبل تنيخ عند بيت العوني
هذا وهي عشرة جمال كل جَمل منها عليه مائة صاع من القمح في عدلين متساويين،
والألف الصاع هو حمل البعير المعتاد من القمح ونحوه لأن ذلك يساوي مائتي وزنة أي (300 كيلوجرام).

لأن العوني كان اللسان الناطق بالشعر المؤثر على الاحداث السياسيه في نجد 0
فكان ينظم القصائد الرنانة المؤثرة، ويكون لها وقع الجيوش في بعض الأحيان.

وهنا اعرض عليكم مسار تقلباته في الولاء بحثا عن الطمع الذي لحق على حياته0

1- شعره لمصلحة اهالي القصيم ضد ابن رشيد:

يكفينا من شعره قوة تأثيره حتى أنه سحب ((عقيلاً)) وهم أصلاً من أهل القصيم سحبهم من الشام ليحاربوا
ابن رشيد في القصيم بقصيدته المشهورة ((الخلوج)) والتي استوحى فكرتها من صوت ناقة
((خلوج)) مات ولدها في قصر المغفور له الشيخ مبارك الصباح حين كان لاجئاً عنده . . .
ولما سمع صوت الناقة استوحى فكرة قصيدته تلك وبعث بها إلى أهل القصيم بالشام
فما كان منهم إلاّ أن قتموا بتصفية تجارتهم وتوجهوا لحرب ابن رشيد بالقصيم بعد سماعهم
للقصيدة والتي منها هذه الأبيات:


خلـوج تجـذ القلـب بأتلـى عوالها=تكســر بعبـرات تحـطـم سلالها
تهيـض مفـجـوع الضميـر بحسها=الى طوحت حسه تزايـد هـجالهـا
لـه قلـت أنا يا ناق كـفى عن البكا=لا تبحثيـن النفـس عما جرى لهـا
لا تفـجـعـيـن البال بـالله هودى=ولـى خـلـوج خـبث البين بالهـا
تبكين فـرقـا بكرة شـدة العـرب=ضاعـت يمين البوش والا شمالهـا
تجيك يا نـاق الخطـاء أو تجيـنـها=وان كـان ضاعـت لك بديل بدالها
لكـن أنـا اليوم مـا تنعد مصاوبى=ولا علتي تبرا ولا ينشـكـى لهـا
فلو البكاء يا نـاق عـنـى يحلـهـا=بكيـت بيـض أيامهـا مـع ليالها
ولو البكاء يا نـاق يرجع لـغـايـب=بكيـت ليـن العيـن ييبـس ثمالها
وأبكى على الا ثنين ما ذعـذع الهـوا=مدى الدهر لين النفس تلحق زوالها
وأبكى على ما صاب نفسى وما جـرى=وابكى على فتخـان الأيـدي زلالها
وأبكى عـلـى دار ربينـا بـربعهـا=معلـوم خشـم الرعـن من شمالها
ومـن شـرق طعسيـن الأرخم تحدها=بين اللوى والسـر مااطيب سهالها
دار بنـجـد جـنـة كـان قـبـل ذا=ومـن صكتـه غبر الليالى عنا لها
وصفـه مـن الخفـرات بيضا عفيفـه=يفوق كل البيض باهـر جـمالهـا
حسـودهـا يغضـى الـى مـر حولها=مـن خـوف عيـال تـربوا بجالها
هي امنـا وا حلـو مطـعـوم درهـا=غـذتنـا وربتنـا وحنـا عـيالهـا
برور بنـا مـا مثلهـا يكـرم الضنـا=وصـول بنـا لكـن نسينـا وصالها
تلقى علينا الجوخ والشـال فـوقـنـا=وهـي عاريه تبكى ولا احد بكى لها
2- شعره لمصلحة الملك عبدالعزيز ضد ابن رشيد وتعتبر من اوجع قصائده لهجة وقوة
حيث قال في معناها ان عبيد الرشيد كان فلاحا في الشقاء والتعب قبل ان نعطيه الاماره وهي:



يا نديبي فوق طوع الراس حايل=حرة هي منوة الطارش معنا
خبر اللي ساكن بقصور حايل=وان نشدك حمود رد العلم عنا
قل نذير ما يبي منك جمايل=الهرب يا تايهين الراي عنا
قبل يوم به يضيعن الدلايل=ذا طريح و ذا صريع و ذا يونا
مثل يوم حسين يوم العقل زايل=أو نهار فهيد هو و أخوة مهنا
نار ابو فدغم كما ظبي المسايل=بالعشاء عند الحمولة ما تهنا
جاك ابو تركي يبوج الليل صايل=ما هقى به تم بايام مضنا
طالبين مطلب ما هوب ضايل=كيف خدامٍ طمعتوا في وطنا
من نـصـبـكـم بالامارة يالـهـبـايل=قبلنا و عبيد فلاحٍ معنى
نطلب اللي عادل ما هوب مايل=يهلك اللي باغي منكم و منا
انشدوا كل الخلايق و القبايل=كان ما قالوا سنام المجد حنا
واني اتعجب من امراء الرشيد الذين رحبوا فيه بعد هذه القصيده الموجعه 0
في وقت كانوا لايقبلون من شيوخ القبيله ولو نصف كلمه في عناد او رفض
حتى اشتهرت خلافات الاماره مع عدة افخاذ من شمر وصلت حد الحرب
فكيف يتم التساهل مع العوني؟؟

3- شعره لمصلحة ابن رشيد ضد ابن سعود وقد دخل مع الرشيد في عام 1330 ه
فقال عدة قصائد حربيه ومنها هذه التي ينخى فيها شمر للاجتماع في اواخر ايام الاماره
قبل سقوطها فقال:



عزي لقب كل ما طرف الليل=عليه صارن الدقايق جلايل
واعتاظ عن طيب الكرى بالتعاليل=بافكار واذكار وقول وقايل
والعين كن ابموقها يدرج الميل=عيت تطيق النوم من فور جايل
على بني عمي اسنادي عن الميل=نطاحة الكايد اكبار الحمايل
اقفوا كما مزنٍ ثقيل المخاييل=من زاعج الغربي حدر له شعايل
شمر مقابيس المنايا هل الخيل=عصمان الاريا مقحمين الدبايل
يا دار وين أهل المهار المشاويل=هل النزول اللي تعز النزايل
بكيتهم يوم ارتكى قوقي الشيل=وذكرتهم يو اقبل الضد صايل
وصاح الصياح وطوحن الهلاهيل=وهلت ادموع معكرشات الجدايل
وقلت ابشرن ما دام بالعمر تمهيل=ما دام ما رزت علينا النضايل
لا تبكين الوحدة قِل الرجاجيل=ما دام عين الله علينا تخايل
وظهرت أنا باسم العصاة المشاكيل=لو هم قليل يدركون الجمايل
هم حاصلي لا كملنّا المحاصيل =غوش الجبل خزني غلامين حايل
باعوا عزيز العمر دون المضاليل=وحموا حماها مقدمين الفعايل
قالوا عليهم قلت يزجوا اهل الخيل=وقهرتهم غصب ووردوا غلايل
واذنيت هجنٍ يقربن المحاويل=هوج هجاهيج اهجاف نحايل
عليكم يطرب قلوب المراسيل=خفقات رفقات صلاب جلايل
قلايص عوص صعاصع شماليل=من سلسة نسل السباق السلايل
الصبح مدن كنهن جولة الريل=رفيحٍ علت من فوقها ارجال حايل
وصبح اربعٍ تلفي نزول كما الليل=شمر إليا عدت فروع القبايل
أدنى بالادنى خبروهم بتفصيل=لا تسفهون اصفارهم والجمايل
ولازم إليا شافوا اركاب مقابيل=تلزمهم النشدات عن سكن حايل
قولوا لهم يا مقبلين على خيل=نجد واهلها يطلبون الاوايل
وين الطَّنايا ؟ وين شرابة الهيل=وين الرجال اللي تشيل الثقايل
وين السيوف اللي نعدل بها الميل=وين الرماح اللي ترد كل عايل
وين النشاما والعصاة المفاليل=وجميع من ضربه تضيع الدلايل
نشرب بهم صافي القراح الشهاليل=وننزل بهم غصب على كل طايل
تذكرتهم يوم ارتدم فوقي الشيل=ونخيتهم يوم اقبل الضد صايل
غلبا ترى بلدانكم لبست النيل=تنخى الرجال المكرمين الاصايل
تنخى اهل العادة كرام الاسابيل=يوم التعازي والدخن له صلايل
قلته وانا معكم على العدل والميل=لعل ما نعتاظ عنكم بدايل
تمت وصلوا عدد وبل المخاييل=على نبي الحق ما زال زايل
وفي عام 1340 ه وعندما تم دخول الملك عبدالعزيز لحائل صلحا قام بسجن العوني تحت
الارض في سجن بالاحساء اسمه (الدباب)00
ولما سجن (( العوني )) تحول شعره إلى المدح والحكم والنصائح نظراً ليأسه من الحياة السياسية
بعد أن فشل في تحقيق ما كان يصبوا إليه بشعره . . .
ومن داخل السجن وجه القصائد بالمدح طالباً الرحمة لعله يخرج من السجن فلم يقبل
أحد من ممدوحيه الوساطة له وفى آخر أيامه نظم قصيدته المشهورة والتي عرفت فيها
بعد بـ(( توبة العوني )) وفيها توجه إلى الخالق جل شأنه تائباً راجياً عفوه ورضاه . . .
وبعد إتمامه للقصيدة صدر أمر العفو عنه فخرج من السجن إلا أنه لم يعش بعد خروجه
إلا شهور قلائل فقد وهن وأنهكه السجن فتوفي وهي:


يالـلــه يـاوالــي عـلـى كـل والي=ياواحدٍ يدعى لكشف الثقيله
يافـارج الشـدة بضيـق المجالـي=أفـرج لعبـدك يـا منجـى دخيلـه
وانظر بعينـك يابالافـراج حالـي=فـردٍ غريـبٍ والمسـاعـي قليلـه
وحيـد مالي غيـر ظـلك ظلالـي=ذليـل مالـي غيـر عـزك وسيلـه
لا اخـوان لا عمّـان لا من خوالـي=ولا صديـقٍ بـالـوزا نشتكـي لـه
قضيت من المخلوق محـدن بدالـي=إلاّ أنـت ياللـي ما تخلـي عميلـه
عادون كل الخلق شـرق وشمالـي=ولا بقـا غيـرك ذرى نلتجــي لـه
أطلبـك تقبـل توبتـى عن خمالـي=وأطلبـك عنى كـل كـرب تزيلـه
أفرج لمن بالحبـس دونـه رجالـي=وأبـواب وإقفـالٍ وحصـنٍ طويلـه
فـي وسـط دبـابٍ وحيـدٍ لحالـي=أظلـم ولا أدرى وش نهـاره وليلـه

[فواز الغسلان]

اقشر طواعين العرب من دناياه







قال الذي لاضـاق صدره بدنياه=وقـلـبه بظـلم الوقت زاد اقـتـنـاعه
وشـاف المفالي ناشـفـاتٍ شـغاياه=يسـمـع قـنـيـب ذيابـها يوم جـاعه
والدار ضـاقـت في عيونـه زواياه=وما لاع شالح بالصـواديف لاعـه
اخـفـى عن عـيـون المخـاليـق بلواه=وعنده على كـتـم الـمـغـثـه بـراعـه
قلبه يـمـيـن ودرب عـقله بـيـسـراه=والناس ما تامن حـبـايل خـداعه
خاوى رفـيـقٍ ساعة الضيق خلاه=وهـقـوات قـلـبـه بالرفـاقات ضاعه
وعدى برجــمٍ ضـايق الصدر يرقاه=ودارت دوالـيـبــه بـراس الـرفـاعه
وهـاضت حـروفه بالتماثيل واملاه=من ضـامرٍ لاضـاق يـقـدح شعاعه
لا شاف عـسـرات الـقـوافي تحداه=وعنده عن امراض الـقـوافي مناعه
احـذر تـغــرك بـالاوادم حـكـايـاه=واصبر تـرى الايام تكـشـف قناعه
اما وعـود اللـي عـلـى جـال مركاه=ياكثر من يـنـساه عـقـب انجـضـاعه
واحذر ترى اللي يزرع الظلم يلقاه=ويلقى شتات الشمل عقب اجتماعه
وتـرى صـدور الناس شانت نواياه=وهرجه بـمـوج الكذب يلفح شراعه
والـلـه فلا نـفـرق طوافـه ومـسـعاه=ولـيـلـة وصـولـه عـن لـيـالـي وداعه
واقشر طـواعـين الـعـرب من دناياه=بالـرمـح ماتخــطـيـك طـعـنـة ذراعه
يفـهـم ظـواهر عـيـشتك مع خـفاياه=وان شان قـلـبه كل الاسـرار ذاعه
واحذر ردي الخـال ترجـي عـطـاياه=او ترتـجـي عفن الـطـبـايـع شـفـاعه
ياسـرع مايـقـفــي ويـعـطـيــك علـباه=ويـعلن عـن فـزوع الـكـرام امتـناعه
وتصبح على قولة خلف حين شكواه=لا صـدت خـيـر ولا تبـعت الجـماعه
واحذر بـنات العـفـن تزرع بصبخاه=البخل هو سـاس الـردى والقـطـاعه
ومن ياخذه يـطرف عـيونـه بـيـمـناه=ويـزرع ردى نـســلـه بكــفــه زراعـه
واحذر ترى الحـاسد هـزالٍ مطـاياه=ولا توصله قـصـر الـنـدى والشجاعه
وان طـاب غـيـره بـالاجـاويـد عاداه=ويـبـلاه بـهـروج الحـسـد والـدنـاعـه
لا قـادرٍ بالـطـيب يـمـشـي بـمـمـشـاه=ولا هو قـدر يخـفـى خـساسة طباعه
والـعـيب فـي رجلٍ على الهون داراه=ولا فـيــه لــدروب الـحـمـيـا بـتـــاعـه
وهذا سبب فـقـر العرب فـي قـرايـاه=الـظـلـم وهروج الحـسد واسـتـمـاعه

[فواز الغسلان]

الجرح الاول بالحشى ماطاب



ياللي بهجـرانك شلـعت الروح=والجـرح الاول بالحـشى ماراح
مااخـبر بدروب الجـفى مربوح=لـلــي بـنـيــران الـمــوده طـاح
قلبه قبل جرحـك وقــع مجروح=وش عـاد لـو هـو كاتـمٍ ماناح
وان كان هرجي بالحـياة مزوح=مايـعـنـي انــي عـايـشٍ مـرتـاح
كم واحـدٍ هـمــه يشـوحه شـوح=وهو بالمجالس مثل ابن قرداح
من هرج حساده يخاف البوح=ويكـتـم جـحـيـمٍ بالضمـاير فاح
وترى النهر لاسال عند الصوح=من طاح به لا يامن الـتـمـساح
والا غـرامـي مـايـريـد شـروح=واشعارنا بـانـت بـدون ايضاح
قـلـبــي يـضـيـع بخـــدك المـمـلوح=وعـطـرٍ الياجـاني خـفـوقي ساح
وشنوح صدر بلوزتك مفـتـوح=وش حـيلـتي باللي كـمـا الـتـفاح
وعـقـبـه رمـيـتـينـي على الجـابوح=ياتـقـل تـطــعـن بـالخــفـوق رماح
مايكـفـي انـي بالـعـرب مفـضـوح=باللي لـعـب بالـشـاعـر الـقــرقاح
وعاش الضـمـير بـشـوفتك مشفوح=وعـيـا يـطـيـع الـعـاذل الـمـنـصاح
والله فلا انت بغلطتك مـسـمـوح=ومحـدن يـسـامـح غـلـطـة السفاح
بالـلـي سكت ماقـال لك وشنوح=وان ضــــاق خــلا ديـرتـه وانــزاح
لأرضٍ ريـاضـــه مـاوطـــاه سـروح=مع بـارقٍ وسط الـسحـايـب لاح
لاهـو خذى اللي للحـشـى ذابوح=ولاجاب لابواب الجــــفــى مـفــتــاح
ويرسل حـنـيـنـه مـع حـمـام الدوح=ودمـعـه عـلـى خده تـقـل مسباح
اول بـنـيـت مـن الـــغرام صــروح=لاجل اهـتـنـي عمري مع ام وشاح
وامسيت باسبـابـك بدون طـموح=وشـلـون والـــدنـيــا تـريــد كـفـــاح
وفوقه بـلـشت بـحـظــي المـكـلوح=الـلــي عـلــى دربي يـحـط اشباح
لا راح لـلـفـــرحـــه وقــع مـسـدوح=او عــاد بالـظـلـمـاء يـبـي مصـبـاح
والا شكى لـي حـــسـه الـمـبـحـوح=ولا راح نـلـقـى للحـظـوظ اصـلاح
وان قلت لـه يالـعـفـن يالـسـلـتـوح=قال احـتـرم نـفـسـك بـدون جـراح
من يـوم جـيـــتـــك دايـــمٍ مكـسـوح=وماراح اجـي للـحرب دون سـلاح
مالك سوى المكتوب وسـط اللوح=وخــل الـفــلايــح واعـطــه الـفـــلاح
وراح ارتـحـل ماعـــاد لي مصـلـوح=ومايـنـفـعـك عـشـره مـثـل شولاح

[فواز الغسلان]

سرى الليل والخافق غثيث الزمن حاشه



سرى الليل والخافق غـثيث الزمن حاشه=سـهـيـرن لعله يـشـعل الصبح فـانـوسه
اذا نام جـفـنــن جارح العـشق ماناشه=توالت على قـلـبه بلاويه وهـجـوسـه
يـراقب نجوم الليل والناس بفراشه=يراجي شـعـاع الفجـر يظهر سـنـى قـوسه
نجوم السماء كنه عن الفجر منحـاشه=وتسمع لحن سجـع الـعـصافـيـر بغروسه
واخلي فراشي والـمـعـالـيـق مـنـداشه=واباعـد عن ربوع الشـمـاتات وجـلوسه
بصدري مثل طق الشواكيش بقراشه=او اللي تطـق طـبـول الاحـباب بعـروسه
واذا ضاق صدري ينبع القاف من جاشه=واراهن على عـدل القـوافي ومـنكـوسـه
اجنب هزيل القاف والسقط وقشاشه=بـيـوتـه عن غـلـوط الشواعـير محـروسه
نقيته عن المنقود في طاش ماطاشه=ولااشـريه مثل اللي قـوافـيـه مـدسـوسه
ولااسري على قاف العرب مثل خفاشه=سروقن لـمـثـمـون الـقـوافي تقل سـوسـه
ولايستحي ينشر خزيزه على الشاشه=غدى الشـعر بـيـعـة تاجـرالخـوخ والكـوسه
بالاشعار عدي كبتن القاف والباشه=ولاهـي من امـثـال الـرجـاجـيل مـبخـوسه
اذا شفت هـمـي بالحشى بان نتاشه=نـثـرت الـمـغـثـه جـوهـرن لاح بـطـروسـه
لعله يعـلـل خـافـقـن ثـار لـولاشـه=هـجـوسـه تخـلـي خـاطـره دايـمـن حـوسه
سبايب عنودن بالحـشى ثار نهاشه=ولا مـر بـي مـثـله مـع الـبـيض وجـنوسه
صوايب رموشه كنها الرمي بكلاشه=والاعـيـان مـع سـود الـهـدب غـنـج ونعوسه
مع المشي ردفه يفتق الخيط بقماشه=تقول الـمـلابـس فـوق الارداف مــمسـوسه
عيون المهاة اللي بالارياف معتاشه=وسط فـيـضـتـن خـضـراء نديه ومـشـمـوسه
يذيره حراك الغصن من عاصفن هاشه=او الـخــوف من قـنـاص الاريـام وعـسـوسـه
تهيلك عيونه يوم تجفل من ادباشه=ولاحــت له ازوال الـسـواريـح وحـسـوسـه
مثل عين ريـمـن حطت الروح بانعاشه=وصـوف الـحـلا فـيـهـا كثـيره ومـلـمـوسه
بوسط العرب كنه ضوا البرق بفلاشه=وجـاراتـهـا كـنــه مـن الـسـوس مـضـروسـه
لك الله فلا هبنا دروبه ومـطراشه=ولو عـاش فـي ديـرة صلـيـبـه ونـاقـوسـه
ظروفه غدت دون الغلا تقل منخـاشه=دروب الـهـوى تمـشـي عـلـى القلب مـعـكوسه
ومن دونها ضرب المـدافع ورشاشه=مـن الـلـي عـلـى راس الـغــلا شـال دبـوسه
لما طحت مع حطـاب ربعه وحـشـاشه=اريـد الـخـبـر عـن داعـج الـعـيـن بفلوسه
واشوف العرب معنا كذوبه وغشاشه=تواصوا عـلى روحـن مـن الـهـجـر مـحـمـوسـه
وراس الظباء مايطـرد الجوع ***اشه=ولا يـنـفـع الـضـامي جـواحـيـر ورسـوسـه
حصاد العرب حنطه وانا طحـت بجراشه=وعـقـب الـسـعـد نـرعـى بـقـرهـا وجـامـوسـه
انا ذقـت في حـبه غـثـى الـبـال وابلاشه=ولافـــادنــي نـصــح الـقـــرابـات ودروســه
الا ليت لو حـظـي مثل حـظ عكـاشه=مـدامـه كـسـب مـن سـيــد الخـلق نامـوسـه
وانا العمر اسدد دين الايام من كـاشـه=واداري ربـوعــن كـنـهـا لــدغ نادوسـه
واراجي عنودن فوقها الناس مـهـتاشه=هـنـوفـن غـدت في قـاعـة الـبـيـت محـبـوسه
غدت نومتي من غـثـة البال بخـيـاشـه=حـزيـنـن عـلـى اللي شاقـني زيـن ملـبـوسـه
ونصبر مدام سلاحنا صار مـنـقـاشه=مـدام الـزمـن يـركـي عـلـى خافـقـي مـوسـه

[فواز الغسلان]

شهامة جريس بن جلباب اليماني

وهو الشاعر الفارس جريس بن جلباب العجمي الملقب (اليماني)
وهو المقصود بقول الهربيد بالشيخه:
وجريس اللي كرمته كنها العيد 00
الذي لم يشتهر ذكره مع الناس بالرغم من مواقفه الجليله ولاسيما عندما غاب جاره فحاولت زوجة الجار
التحرش بجريس اليماني مستغلة غياب الزوج ولكونه كان وسيما وله بطولات وسمعه ذائعه بين الناس
ولذلك وجدت رجلا طاهر النفس وقوي العزيمه الذي رفض معصية الله ثم خيانة جاره واستطاع مقاومتها وصد
هذا العار عن نفسه والابتعاد عنها 0
فحقدت عليه وعندما عاد زوجها من السفر اشتكت عليه ان جريس كان يحاول المساس بها مما اثار غضب
الزوج الذي ذهب لجريس واغلظ عليه الكلام ثم رحل عنه 0
وعندما ابتعد الزوج مسافة نهار على الابل رجع اليه عقله وتذكر مروءة جريس اليماني وكذلك كيد النساء
وانها قد تكون كذبت عليه 0
فرجع لوحده لكي يطلب من جريس القسم بالله على انه مظلوم 0
وقبل الدخول للبيت سمع عازف الربابه يغني وجريس يعطيه هذه الكلمات ويقول:



الله من قلـبٍ هواجسيـه انـواع=عصر الطَّرب بِعته ولا عاد جانـي
بِعـتـه بكور سـجـلّـةٍ تهضع اهضـاع=تسري ليا نامت عيـون الهدانـي
وان صَفَّرت نجعل جِزنها على لقاع=من السّهج والسّاهوج والحيل واني
وان جوا أهل هجنٍ من البعد ضلاّع=أذبح لهم جِـل بكـار(ن) سمانـي
وقـصـيـر بـيـتـي غـالـيٍ لـيـن يِـنـزاع=أدعيه للكرمة واجيـه ان دعانـي
أمشي معه بالـشِّـبـر وذراع والبـاع=واللي شحاه من المشاحي شحانـي
ولاني على حِـرمـة قـصـيري بطمَّـاع=لا غاب واليها عليها ألف امانـي
وقـصـيـرتي ما اكثرت فيها الـتـلمَّـاع=لو أنها أزين مـن ظبـي البيانـي
فعلم من هذه الابيات انه مظلوم وانه لم يغير مذهبه فطلق الزوجه ورجع للحياة جارا من جيرانه 0
وهذا منتهى الشرف والنزاهه في النفس العربيه الاصيله 0 ومع الاسف انها لم تشتهر مع الناس بالرغم
من كونها جديرة بذلك 0

[فواز الغسلان]

تركت مطارد المقفين



تركت مطارد المقفين وانت ارحل بحفظ الله=مدامك بعتنا بالرخص حنا مثلها بعناك
جرحت القلب برماحك وسامحتك وحق الله=وحمدت اللي فتح عيني لقانون الهوى واعماك
احسبك لانظرت الدمع بعيوني تخاف الله=وترحم خافقن ينزف برمحن جاه من يمناك
عشقتك عشق لو تدري بكثره قلت ماشالله=وعقب الجرح صار القلب ياظالم يبي فرقاك
تحسب انك بهجرانك تحرم القلب رزق الله=وربي يرزقن غيرك ومع طول المدى ننساك
اخبر اللي يبي غاليه مايسمع لخلق الله=علامك طعت شور اللي بهجري يالغلا دهواك
واذا قصدك عذاب القلب رد الظلم عند الله=لاني ماسهرت الليل بغبون القهر لولاك
فراق الخلق مسنونه ويبقى بـس وجـه الله=ولكن صعب تلقى لك حبيبن مثلنا يهواك
انا مااطارد العايف ودون الهون ذكر الله=ولاتفرح بدمعتنا ولو عشنا على ذكراك
رحل قلبي على نغمة مفارقنا بامان الله=سلام الله على قلبك من اللي طاح في بلواك

[فواز الغسلان]

انتصار بني يام على جيش الدوله السعوديه الاولى


لقد صاحب نزول بني يام في نجد وبالذات قريبا من الخرج عدة معارك متفرقه مع جيش الدولة السعودية
الاولى وكانت تصب حصيلتها في مصلحة قبائل بني يام 0 واقواها معركتي الحائر عام 1178ه 1764م
وكانت بين جموع من يام بقيادة الشيخ المكرمي مع القوات النجديه والثانيه صفاة مخيريق عام 1190ه 1776م بين قبيلة المره
والقوات النجديه وفي الموقعتين كان الانتصار في مصلحة القبائل الياميه 0

ومجمل ماقاله المؤرخون لتلك الفتره انه في عام 1178ه- 1764م انه علم الامام محمد بن سعود
مؤسس الدوله السعوديه الاولى بأن جماعة من قبيلة العجمان المنتسبة إلى يام من همدان قد تجاوزت على فريق
من قبيلة سبيع التي دخلت في سلك الدعوة وأوسعتها قتلاً ونهبًا فأبلغ ابنه الامام عبد العزيز بخبر هذا الحادث
وامره بالخروج في طلب المعتدين ويسعى لإسترجاع ماأستولوا عليه من أموال قبيلة سبيع ويبتعد عن الإشتباك
مع العجمان في قتال لأن من وراءهم قبيلة يام أشرس قبائل الجزيرة العربية وهم قساه يخشى بأسهم ,
فصدع الأمير عبدالعزيز بما أمر وأدرك العجمان في موضع يقال له { قذلة } ,
فأحاطهم بجيشه وطلب إليهم إعادة ما أستولوا عليه من أموال , فأبوا عليه ذلك وأظهروا له إستعدادهم لقتاله ,
فأضطرّه الموقف على خوض المعركة فقتل من العجمان خمسين رجلاً وأستولى على خمسين فرسًا من خيولهم
بالإضافة إلى ما كان معهم من المال والسلاح ,
فذهب احد العجمان إلى نجران أرض سلاطين الحروب من قبائل يام وغيرهم من همدان
لكي يثأروا لهم من حكّام الدرعية ويطلقون أسراهم الذين كانوا محتجزين لدى الدرعيه 0

فأستجاب الشيخ حسن بن هبة الله المكرمي لشكواهم وجمع المقاتلين من صناديد يام
وغيرهم وأبلغ صاحب الأحساء عريعر بن دجين بعزمه المسير لقتال الدرعية وعقد معه إتفاق للتعاون والإشتراك بقتالها ,
وضرب له موعدًا للقاء عند حائر سبيع , وسار الزعيم النجراني بجيشة القليل مقارنة بجيش الدرعية الكبير وهم أعني
جيش نجران لا يأبهون للعدد مقابل قوة شكيمتهم وبأسهم وكان عددهم أنذاك
من 600 الى 800 مقاتل من رجالات يام وغيرهم القليل.

وصل جيش نجران إلى حائر سبيع في شهر ربيع الثاني عام 1178 هـ 1764 م وعسكر حولها وحاصر أهلها وكان فيها
من أهل الدرعية مجموعات .
عندئذ أضطرت الدرعية أن ’تخرج قوة عسكرية لمقابلة ذلك الجيش .
خرجت جيوش الدرعية في عهد مؤسس الدوله السعوديه الاولى محمد بن سعود وفي قيادتها ابنه الامام
عبد العزيز بن محمد بن سعود وتقابل الفريقان وكانت النصره للجموع الياميه ,

حيث قتل من الجيش النجدي حوالي مائتين قتيل في تلك المعركة الطاحنة ثم أرتحل جيش نجران من حائر سبيع
ونزل بالقرب من قصر ( العذوانيّة ) أما الدرعية فقد أوفدت الشيخ فيصل بن شهيل ال سويط ( شيخ قبيلة الظفير )
إلى صاحب نجران ليعرض له استعداده للتفاوض معه لعقد صلح شريف , فأجابه إلى ذلك بعد أن أشترط عليه أن
تطلق سراح الأسرى من قبيلة العجمان ويطلق هو اسراهم في معركة الحائر .
تم الصلح بينهم على هذه الشروط وعقدوا بينهم إتفاقية عدم الإعتداء , واصبحت الهدايا تصل اليه من اعداء الدرعيه
يغرونه بالقضاء عليها مثل امير الرياض دهام بن دواس وامير ال عريعر بالاحساء 0
ولكنه وقع الصلح وقفل جيش نجران عائدًا لإلى بلاده .

وكان ابن عريعر صاحب الأحساء قد تلقى ما عرضه عليه صاحب نجران للإشتراك بقتال الدرعيّة برحابة صدر فجهـّـز جيشه من بني خالد
وأهل الأحساء وأستنفر جميع أهالي نجد فلبوا نفيره سوى أهل العارض وشقراء وضرمى وتوجه بهذه الجيوش ليلحق بجيش
نجران ليشترك معه في إحتلال الدرعية ولكن كان صاحب الأحساء قد تأخر عن الموعد والمكان الذي
حدده له صاحب نجران [ حائر سبيع ] .
بلغ صاحب الأحساء وهو في الطريق نبأ عقد الصلح بين الدرعية وصاحب نجران فضايقه ذلك وعاد من حيث اتى00

وقد رواها مؤرخ الدوله السعوديه ابن غنام في كتابه ص 124 حيث قال:

وفي ربيع الأخر من هذه السنة (1178 للهجرة1764م ) جرت الوقعة المشهورة بوقعة " الحائر "
وهو مكان يعرف بحائر سبيع بين الرياض والخرج . وقد كانت هذه الوقعة ابتلاء من الله تعالى
لأهل التوحيد {ولنبلونكم حتى نعلم المجاهدين منكم والصابرين }.
وكان سبب تلك الواقعة أن أهل اليمن - بعد أن هزموا في "قذلة "وقتل منهم فريق وأسرت منهم جماعة
جدوا في السير حتى وصلوا نجران ، فشكوا لأهلها حالهم ، وما لقوه من المسلمين ،
وذكروا لهم أن أصحابهم في الأسر يسامون أنواع العذاب ، ودعوهم إلى السير إليهم ليأخذوا بثأرهم .
فجمع رئيس نجران ، وأسمه : الحسن بن هبة الله _ جميع أهل البلد من الحضر والبدو ،
وانضمت إليه قبائل يمنية إخرى ، وساروا حتى وطئوا بلاد المسلمين .
فلما وصل الخبر عبدالعزيز جمع مقاتلة المسلمين ممن بلغ سن الاحتلام ، وسار بهم جميعا حتى قارب قرية " حائر " .
وكان رئيس نجران قد نزل بها وبقي عدة أيام وليال يحارب أهلها والأمداد التي أرسلها إليها عبدالعزيز.
وكان المسلمون الذين ساروا إلى حائر معتدين بأنفسهم معجبين بقوتهم ، مزهوين بكثرة عددهم ،
وكل ذلك يوجب عقاب الله تعالى .فلما وصلوا قرية حائر ، التحموا باهل نجران ، واشتد بينهم القتال ،
وقارب المسلمون أن يهزموا الأعداء لولا ماأراده الله من حكمة فكتب على المسلمين الهزيمة وقتل منهم
أربعمائة،واسر ثلاثين. فكانت هذه النازلة تطهيرا وتمحيصا للمؤمنين ، وعبرة للمعتبرين.وأقام رئيس نجران
أياما ثم أرتحل حتى نزل بقرب من "الغذوانة "فخرج إليه أهل القصر فقتلوا من جماعته ثلاثة
رجال وأخذوا نحو عشرين من إبله ثم تحصنوا بقصرهم .وفي هذه الأثناء أهدى دهام بن دواس إلى رئيس نجران كثيرا من الهدايا يستأنس بها قلبه ،
ويستميله لمحاربة بقية المسلمين ، ووعده على ذلك كثيرا من الأموال ، والفوز بالمجد وفتح البلدان وحكمها.
ولكن رئيس نجران كان قد كاتب المسلمين في أن يطلق من عنده من أسراهم على أن يطلقوا من في أيديهم من أسرى اليمن .
فلما تم على ذلك رحل رئيس نجران عائدا الى بلاده بعد أن مكث نحو خمسة عشر يوما في بلاد المسلمين .(انتهى)

وللمعلوميه فمما لايقبله العقل كون المؤلف في هذا الكتاب يصف جميع خصومهم وليس بعضهم في المعارك بأنهم مشركون
فيقول أنتصر جيش المسلمين قاصدا بذلك جيش ائمة الدوله السعوديه الاولى على جيش المشركين ويقصد قبائل الجزيرة في ذلك الوقت.
وقد تبعه في ذلك تلميذه ابن بشر في كتابه(عنوان المجد) وهي مزالق عقائديه غير شرعيه وشرها اعظم من نفعها وحسابها على قائلها0

[فواز الغسلان]

مشيخةالقبائل وحساسيتها المفرطه

مشيخة القبائل امر حساس جدا بين الناس في هذا الوقت بالذات فتجده يثير الخلافات
ويسبب المشاكل مع انه لا حساسية فيه اطلاقا 0 وهنا انبه لامور مهمه وهي:

1- ان شيخة ال فلان لاتعني انهم افضل القبيله او اكرمها او اشجعها على الاطلاق وانما هو امر
تنظيمي لضمان الوحده وعدم الاختلاف وافتراق الكلمه وشتات الشمل 0
والشيخ قوته من قوة قبيلته فقط والا فهو بدونها لايستطيع فعل شي ايا كانت سهولته 0
فكم من شيخٍ سقطت مكانته وهيبته بعد ابتعاد قبيلته عنه واصبح بلا قيمة تذكر 0

ويكون في القبيلة من هو اشجع من شيخها او اكرم منه وهذا امر وقع بكثره في التاريخ 0
فمثلا شاع كرم ابن مهيد (مصوت بالعشاء) مع ان شيوخ عنزه الهذال0
وشاع كرم ابن سعيد (معشي الذيب) مع ان شيوخ شمر الجربان 0
وشاعت شجاعة شليويح العطاوي مع ان الشيوخ ال حميد 0
وهكذا فالشيخه لاتعني الارتفاع بكل شي 0

2- هناك فرق بين شيخ القبيله وفارسها وكريمها وكل له مكانته وقيمته فيها وعند غيرها من القبائل 0
ومن الخطأ ان الشخص يحاول اثبات مشيخه لجده بسبب كونه اشتهر بالفروسيه او الكرم وجرى
ذكره في بالمدح من خلال اشعار الشعراء في جيله 0

3- شيخة القبائل تقوى وتضعف شيختهم من وقت لاخر حسب تغيرات الواقع على الارض فتجد هذا
يقوى ويشتهر صيته في فترة ما ولكنها تضعف بعد ذلك ويشتهر صيت شيخ غيره وهكذا في جميع
القبائل وليست في قبيلة المره فقط 0
فمن الطبيعي ظهور سلطة شيخ واختفائها بعد ذلك وظهور غيره 0

4- ان الشخص قد يشيخ بنفسه بسبب جوده وكرمه واهتمامه بمشاكل جماعته والسعي لهم بكل خير
حتى لو لم يكن اجداده شيوخا قبله لان العبره بالفعل الحاضر وليست بالمجد الماضي 0
وقد اجمل شبيب بن فحيمه صفات الشيخ بقوله في رثاء الشيخ ممدوح بن شعلان من شيوخ الروله:


ياعـيـن كـفـي دمعـتـك يـاوقيـحــه=ماعاد لك في دمعة العين مصلوح
بـرقٍ يـلـوح وشـاق عـيـني لميــحــه=بخشوم غـرٍ بالسما بان له ضوح
عسى الحيا يسقي جناب السطيحه=يسقي شغايا واديٍ فيه "ممدوح"
شيخ الشيوخ اللي لربعه منيحـــه=ماهو من اللي شيخته بس للروح
مـجـرب كـل(ن) سـمـع في مديحـــه=اللي لجـمـعــات الـطـوابير ذابوح
مضاربه بأهل السبايا مـــبـــيـحــه=من غالطه بالطيب غادي ومفضوح
عزي لمن مثلي همومه مشيحـــــه=وقلبه على سردال الأبطال مجروح
الـقـلــب عـيّــا لايـطـيـــع الـنـصـيحــــه=جاوبت قمري الحمايم على النوح
ليتي حضرت الشيخ وانطح نطيحه=أو ليتني مع ذبحة الشيخ مذبوح

فقوله هنا (شيخ الشيوخ اللي لربعه منيحه) والمنيحه التي تشبع بطون الجياع منهم
وليس منها مضره ولاخساره لكونها جاءت عن طريق المنح وليس الشراء 0
ومن كان غير ذلك فلم ينفع قبيلته ولم يطعم فقيرها بل ذاقوا شره واذيته فهو ليس شيخا
لهم ولو كان اجداده شيوخا من الف عام 0

5- الشيوخ في جميع القبائل لهم اخطاء مثل غيرهم من البشر ولهم ايجابيات وسلبيات فلاينبغي
الاجحاف فيهم او الميل الزائد معهم وانما طريق الانصاف هو الحق معهم ومع غيرهم 0
الا انه ينبغي لشيخ القوم التمهل وعدم العجله في اتخاذ قراره وذلك لكون الخطأ منه محسوب
على قبيلته لاسيما اذا كان هذا الخطا فيه انقاص لمكانتها 00

[فواز الغسلان]

الجسم كالياقوت والعنق كالماس




قال الذي صاغ المثايل على ساس=من عـقـب ماقـاس الامور ودرسها
قلبه خذى بدروب الاريام مرواس=ذيبٍ اليا حاف الجـوازي فـرسها
ياما قنصهن من ورى حمر الاطعاس=وماراغ من فرق الجوازي نكسها
زينات الالسن والروايح والاحساس=اللي مثل ريــح البـخـتـري نـفـسـها
كله يبي درب السعاده والاوناس=في هـمسةٍ زين الوصايف هـمسها
لما وقعت برمش مدقوق الالعاس=اللي مسح كل الـهـمـوم وطـمـسـها
الجسم كالـيـاقـوت والعـنق كالماس=والرمش لاناش الضـمـايـر عفسها
دعج العيون حجاجها مثل الاقواس=وردفن رماحه في ظلوعي غرسها
ردفن الياسارت طوى زين الالباس=واليا جـمـعـها بالـعـنــاد ودبـســها
وهـقـيـتـها تشـفي غثى كل هوجاس=هـجـسٍ اليا طب الضماير عـمـسها
حبه ربطني في شديدات الامراس=وروحي بـمـوجـات الـمـوده غمسها
ودونه صفوفٍ تودع البال مـنـحـاس=عـجـزت اميز شـرطـتـه مـع حـرسـها
لا هو سـقـانـي من ثـنـايـاه بالـكـاس=ولا هو ترك سمن العرب في عدسها
وغديت ضايـع بـيـن حاسد وبلاس=وعـانـت حـيـاتـي في طرايق فلسها
تشكي هواجـيـسٍ غدت تبرم الراس=واخـطــارها بالليل يـقـرع جـرسـها
اثر الهوى راس الـمـغـثه والاتعاس=اما يـــبـيـد الـروح والا حـبـسـها
ولا يستوي للي خذى كل نوماس=اللي الـيـاشـاف الصعايب دعـسـها
لو هو يـبـيـد من القهاوي بالاكياس=من كثر حـمـساتٍ لضيفه حـمسها
وتصفي ينابـيع الهوى لارذل الناس=اللي الـيـا شاف الـمراجـل عكسها
وش ترتجي باللي ترك كل قرناس=ويطرد حثالات الرجال وهدسها

[فواز الغسلان]

الا ليت القدر يحيي فرحنا في زمان فات







الا لـيـت القدر يحـيـي فـرحـنـا فـي زمانٍ فـات=او ان ارواحـنا تصمـد بعاصوف الجـفـى العاتي
وعـيـنـي تـنـظـر اللي كان ينـزل فـيضة التنهات=عشيرٍ بسـمـتـه صـارت مـنــاي وكـل غـايـاتي
ولكـن الامـانـي دوم بـدروب الـحــيــاة افـــآت=مـثـل قـولك لـرجـلٍ مـات لـيـت فـلان ما ماتـي
اشوف ايـامـنـا قـامــت تفاجـيـني على الغارات=صواريخ اللـهـب والـمـوت تقصف في مطاراتي
وكل الناس شافـوا كـيـف تدميره على الشاشات=ولا تظهر وقـوت القـصف عبر ارسال موجـاتي
واخاف انـه تسوي بـي مـثـل خـالد مع السادات=ولو حـطـيـت درع الـرمـي في داخـل بجـاماتي
وانا مـافــات لـي مـعـهـا ديـون ولا لها ثـارات=سوى انـي مارضيت اثـني بدرب الهون هاماتي
لأن الـهون يظـهـر له على راع الردى بصمات=وانا مااريد بـصـمـات الـهـوان بوسـط لـوحاتي
وقلبي فـي رجى اللي نـزل الانجـيل والـتـورات=هـو الـلـي قـادرٍ يـفــرج عـنـاي وزود شـداتـي
كـفل رزق اليتيـم اللي طـلع وامـه وابوه اموات=ومـثـلـه مايـذوق من الـخـلايـق حـافـر الـشـاتي
لك الـلـه لـو دروب الرزق للي يكـتـب الشيكات=الا يـاكـثـر مـن يـسهـر بلـيـل شـبـاط مـا بـاتـي
وحلال الـنـاس مايشـبـع عـيـال الخال والخالات=ومـهـمـا طـاب مايصمـل بـطـيــبه كـل الاوقـاتي
لأن القلب مجـبـولٍ عـلـى المكسب وحـب الذات=وفـي طـول الامـل بالـعـيـش كن المـوت ما ياتي
وانا لي شوفـتـي والناس لـه نـظـره وله شوفات=ولـو عـانـيـت فــي دنـيــاي مـابـانـت مـعـانـاتي
ولا لي بالطبايع عـن طبـوع اجـيـالـنــا مـيـزات=سوى اني ماخـذلـت اللي رجى بالضيق وقـفـاتي
ولاغـثـيـت جـيـرانـي بـكـثر الـكــذب والروغات =ولا راعـيت بـاب الجـــار فــي غــرات جـاراتي
ولا صديـت عن رجـلٍ نخـانـي يـشـكـي اللوعات=حسب قــدرة يـمـيـنـي يـاصله طـيـبي وفـزعـاتي
ونـوبٍ تـفـضي اليـمـنـى ولا نقوى على الطولات=ولكــن ماعـطـيـت الـعـذر والحـاجـه بـمـخـبـاتي

[فواز الغسلان]

قصيدة التبيناوي في مغزى سبع القبائل


قصيدة (سبع القبائل) للشاعر حسن التبيناوي يصف فيها مغزى لمحمد بن رشيد المهاد
والذي يسمى مغزى ( السبع قبايل ) لكونه غزى عدة قبائل في مسيره واحده تلو الاخرى
وقد ذكرها الشاعر بالاسم علما ان هذه هي المعركه الوحيده التي تخلف عنها حسن التبيناوي
وهذا سبب قوله(ليتي حضرته يوم شد الرحايل) وهذا المسير كان عام 1301ه وقد تأكدت من
تاريخه بسبب تدوينه في احدى الوثائق التركيه وفيها:


خطاب عربي في الأرشيف العثماني لشارل هوبر
د. سهيل صابان
1/1/1425هـ
عثر الباحث على خطاب عربي ضمن آلاف الخطابات العربية الموجودة في الأرشيف العثماني بإستانبول.
وهذا الخطاب المحفوظ في تصنيف Y.prk.um. تحت الرقم 6/100 من الأرشيف المذكور للطبيب
والرحالة الفرنسي شارل هوبر[1]. بعثه إلى محافظ المدينة المنورة أحمد فاضل باشا في 25 جمادى
الآخرة 1301هـ/21 أبريل 1884م؛ طالباً منه السماح له بالاقتراب من المدينة المنورة لمدة ثلاثة أيام؛

كما هو شهير غيرتكم. والرأي منوط لسعادتكم. ثم من خصوص حوادث طرفنا أن الأمير محمد الرشيد غزا[15]
على ابن سعود[16] في شهر ربيع الآخر. وبوقتها كان ابن سعود متأهب للغزوة على ابن رشيد، ومعه أهل العارض جميع،
وعربان عتيبة. وفق الله الأمير محمد بن رشيد، صابحهم[17] ما بين سدير ولوشمة[18]. وأخذهم وذبح منهم مذبحة عظيمة.
وأخذ منهم ثلاثة بيارق، وكسب كثير. وبعدها مال على عربان عتيبة، وأخذ جميع أموالهم، وانذبح شيخ عتيبة
عقاب الحميد[19]، وأخوانه اثنين مصاويب[20] وصارت عليهم كثيرة[21] اللهم نجنا من الأعظم. وبعد
رجوع الأمير محمد الرشيد من ذلك الغزوة، قصد عربان عنزة بشر، والفدعان والسبعة والتمياط. وكان
برفقه بذالك المغزا محمد ابن سمير الدوخي[22] مع كامل رجاجيل عنزة، وابن شعلان مع كامل شمر.
وأخذ تلك العربان المذكورة وذبح منهم خلق كثير. ولا يسلم[23] منهم غير الذي عفو عنه. وأما الحلة
والحلال، لم يسلم لهم منها شيء. وأقام على منازلهم ليلتين بلقرب[24] من الشط على قبيسه مسافة
ثلاثة ساعات عن هيت. وفي ثلاثة وعشرون خلت من شهر جماد الآخر[25] دخل الأمير محمد
إلى حايل سالماً مع كامل ما لاذ به، ومعهم الغنائم. هذا ما لزم إعراضه[26] لسعادتكم. وعلى كل حال
الأمر والفرمان لحضرة من له الأمر أفندم.)

وذكره للتمياط في قوله:
(قصد عربان عنزة بشر، والفدعان والسبعة والتمياط.)

هو بسبب غضب ابن رشيد على التمياط الذي طلب ناقة جاره التي اخذها عمال ابن رشيد
ولم تعاد له فهاجم ابل ابن رشيد واخذ منها عددا وانتزح للشمال بالقرب من الفدعان من عنزه
في منطقة القبيسه بالشمال فلحق به هناك واصبح هذا سببا على تلك القبائل الشماليه جميعا 00
وابن رشيد يرى انه من حقه تأديب من خرج على الطاعه ولو كان من القبيله 00
وطبعا عندما يقال ان ابن رشيد وصل حد سوريا في امارته فذلك لكون تلك الاراضي تحت
سيطرة ابن سمير من عنزه الذي حالف ابن رشيد 0

قال التبيناوي:



يامن لــك الــدنـيــا ويامن لك الدين=والحمد يامـنـشي ثقيل المخايل
عقاب الشراف مطالـعٍ يـوم الاثنين=ليتي حـضـرتـه يوم شد الرحايل
من العالـمـات مجــربٍ نادر العين=اجـرد حـبـش يـفـني جميع القبايل
بكفٍ عطيبٍ مـثـل نـجـم الـفـراعين=يفـنـي اليا قيل ادهم الريش جايل
بالـشـبط جره مايـطـيــع الـمـشـيرين=جـره مـهدي بالوغاء كل عايل
ن حام وأدلـى يشبعـون المساكيـن=عطب اليمين اللـي يصيـد الجلايـل
ولف وكلـف حملـت فـوق الالفيـن=عليـه مـن الارنـاق شـي هوايـل
هذا زهاب الضيف مـن دون الادنيـن=زهـاب شيـال الحـمـول الثقـايـل
تطرب اليا شفت السلـف والمظاعيـن=مابيـن قــواد وللشـيـل شـايـل
رمل اليـا نامـت عيـون الكوانيـن=يقطعـن مجهـول الفيافـي نحـايـل
خيـل وهجـن غاليـات المثامـيـن=قحـص يقودونـه عيـال الحمـايـل
ضـيـاغـم دايـم لــلأرواح مـهــديـن=هديـة تـبـري الطـنـا والغـلايـل
يتلـون صيـاد الشيـوخ السلاطيـن=محمـد اليـا عـدت رجـال الفعايـل
وسندهن الوادي على اليسر واللين=وبأردافهن قحص المهار الاصايل
وقاضاك ربك من دليل السلاطين=هو والـغـبـيـني والـهـقـيشي نزايل
قـربـهــم الـلــه بالـقــدر والـمـيادين=بأدنـي مـغـيـراء حول هكالمسايل
هــدام رايات الـعـصــات الـقـديـمـيـن=على النقاء ذيب العياد السلايل
كـتــامةٍ يـقـضــي بـهـا راعي الــدين=صارت على قمعان عاف المشايل
واللي هفى به حق الاسلاف عشرين=غير الشراري والجنود الهمايل
واقفوا صخورك يوم جوهـم مغيرين=عن وجه ربعي مثل ركض الجمايل
وانـكـف ورعـيـانـه مـع العزل تسعين=وقسم من الاموال ماقال قايل
عـجـاجــة تـبــري علـيـل الـمـجانين=شبعوا بها الاقراب واولاد وايل
الحضر وابن سـمـيــر هـو والشمالين=خـلــف عـلـيــهم عنوهم بالقوايل
غـلـبـا مـصـانــيـم الـدروع الغلامـيـن=ربعـي مـقـزيـن الـعـداء بالفعـايـل
وحالوا على العرف العصات المياميـن=وخزنات شام فـوق عتـل الرحايل
ويوم استراح المصـطـفق حول يومين=بخــزام وادنـى كالنعام الجفايل
عـلــى سـبـيــعٍ والسـهــول وحـمــادين=ولـفــايفٍ من كل سبع القبايل
وقالوا له الـعـجـمــان بالحيل عاصين=واودع على نزل القياضي دبايل
ركـت ودكــت فـوقـكـم يابـن حـثـلـيـن=وابن مـنـيـخـر طاح قفو الدبايل
يا ابو فـلاح الـلــي كـفاكم وفـى الديـن=واوفى الوعـيـد محمـد بالصمايـل
أيـام ياراكـان كـسـر الـجــنـــاحـيـن=يوم العـصـاة يوادعـون الحلايـل
صاطه وخاطه لين صارت على وين=واطلق محابـيـسـك كريـم الشمـايـل
اللـيث قــام بـديـنـكـم مايـبــي شـيــن=مـيــر الـفـخـر باللـي يـرد الجمايـل
يامـن علـى كتـب القراطـيـس شافـيـن=خطـوا فعـول الشـيـخ واف الخصـايـل
مـن الشـام فـوق مصاقـلات المحاجـيـن=وردوا علـى طــاش البـحـر مايسـايـل
مـحـمــد حـجــا بنايـة البيـت والـطـيـن=ياعــل مانـعــتـاض فيـه البدايـل
مـذهـب هـل الـهـمـات مـقـدم هـل الدين=مـن بـاب صـنـعـاء للجزيره لحايل

وهي معركة ام العصافير او الحماده كما تسمى والتي قتل فيها
عقاب بن شبنان بن حميد شيخ قبيلة عتيبه 00

السلاطين: فخذ من عنزه00

الغبيني: من شيوخ الفدعان من عنزه00

الهقيشي: من بني صخر00

قمعان: هو ابن الدريعي من فرسان بني صخر00

الشرارات00

الحضر: حضر اهل حايل00

ابن سمير: هو محمد بن سمير من شيوخ عنزه وكان مع المهاد00

قبيلة سبيع00

قبيلة السهول00

الحمادين شيوخ عتيبه00

قبيلة العجمان00

ابن منيخر: من فرسان العجمان00

ابوفلاح: هو الشيخ راكان بن حثلين00

وفي القصيده دليل واضح على ان اطلاق سراح راكان بن حثلين من سجنه
عند الاتراك كان بسبب شفاعة ابن رشيد كما في الابيات السبع الاخيره من
القصيده ومنها ( اطلق محابيسك ) غير الدليل الاخر وهو تقديم السلام عليه
من راكان بعد اطلاق سراحه فجعل مسيره صوب حائل اولا عندما قال:
سلام اخو نوره لزوم عليه000قبل القريب وقبل قاصي وداني

ويؤخذ على الشاعر في قصيدته هذه بالرغم من قوتها وفائدتها التاريخيه الا انه
وكعادته قام بتهميش القبيله بكاملها التي تسير في
جيش الامير محمد بن رشيد بكاملها وجعل الفضل والفخر كله في هذه المعارك للامير
الذي اصبح كل شي فيها ولم يشير لجهود جيشه من قبيلته او غيرهم وهو
خطأ يؤخذ عليه فكما هو معلوم ان الجيوش قياده وجنود مجتمعين فلا امير بلا رعيه
ولا انتصار بلا امير يجمع الكلمه ويوحد الصف 0

[فواز الغسلان]

كثر الامل والاماني في حياتك ضياع




كثر الامل والاماني في حياتك ضياع=مااخـبـر فـيـها حـليب ولا تراجي ضريع
الا الامل في ولي العرش عند الوداع=ورجـواك للـعـفـو من رب الملا مايضيع
واللي بغى الربح مع نوم الضحى مايطاع=ان ماسـعـى فـي مراده قـدر مايستطيع
والـغـيـث لـه مزن ثم البرق ثم الشعاع=ثم الـرعـد ثـم وبـل السـيـل ثـم الربـيـع
ورب الملا قـادرن يشبـع بطون الجـياع=لاشك الاسباب عـبـره للخـلايق جميع
والـرزق لو كـان بالـقـوه وكـثـر الـنزاع=مات الـيـتـامى ولا دامت حـيـاة الرضيع
ولو كان حيلك قوي مثل حيل السباع=او ترثع العمر مثل الذيب وسط القطيع
مايجـلب الرزق كـونـك بالمـعارك شجاع=ان كان مالك بلوح الغيب حرفٍ شـفيع
كـم راكـضٍ فـي دروب الطهبله والخداع=يـشـري بـسـيـمـاء رجال الدين والا يبيع
وكـم لـيـلـةٍ من ليال البرد بالشبط جاع=وياما شبع من ربـيـع الـوسـم حملٍ وديع
ومن طاب بالفـعل عـيـبـه بالمخاليق شاع=غـيـرة عـنـودٍ خـذى زوجـه فـتــاةٍ فـريــع
ماراح يكـرم ويـعــطـي بالـشـدايــد كـراع=ولا خاف ربٍ حسابه للـظـلـيـمـه شـنـيـع
والهرج والكذب ماتـهـفـي عـزيـز الطباع=كالـمـزن بالصـيـف تـنـحـاه الهبايب سريع
ولابـد يـومٍ عـن الحــاقــد يـطـيـح القـنـاع=ويصير قدره بـعـيـن اهـل المراجل وضيع
وتالـي حـلالـك من الدنـيــا الدنـيــه ذراع=وملفاك قـبـرٍ تحـت رمضاك ماهو وسيع
تحت الخلايق منامك عـقب ماهو رفاع=ولا لك عن الـقـبر يالـمـسكين سورٍ منيع

[فواز الغسلان]

العام واللي قبل عام وقبل يحي مع لميس






ان كان مـالـي بالـلـيال الـسـود مـن ربعي جـلـيـس=الشعر يشرح خاطري عن قرب شـيـنـيـن النفوس
مـمـشـاي في نار الـقـوايـل خـالي(ن)مالـي ونـيـس=ولا رفـقــة الـلـي قـربـهـا لاجــل الـمـصـالح والفلوس
وش حـيـلة اللي نـيـتـه بـيـضـاء كما الـمـاس النـفـيس=وان سـار بـدروب المراجل طـاح بحـــبـال الـبـلوس
حاولت احيط النفس في خـنـدق حديد ومـنـتـريـس=لاشـك اشـوف العين تسـهـرها الطواري والهجـوس
مايخـتـلـف عـنـدي نهار السـبـت عـن ليل الخـمـيـس=حتى نعرف الـفــرق فـي قــس النصارى والـمجـوس
ومـحــدن يـعــالــج بـالاطـبــاء واحــدٍ حــظــه تـعـيــس=والا يـعــدل سـيــر حـــظ(ن)صار في دربــه يحـوس
واهــل الـمـراجـل ماتـقــاس بكـثــر مـال ولا تـقـيـس=بـس الـتـجــاره حـبــلــهــا وصــل الـنـســابـه والعروس
طـيـب الـمـدايح حـازهـا بالـنـاس هـيـسٍ ولـد هـيـس=ولا حازهـا اللــي واضح(ن)طيبه مثل شمس الشموس
وريـف الاوادم يـنـقـلـب لا ضـاعـت امـوالـه حـميس=ويـســمــع شـمـاتات العرب تنخر بجسمه تـقل سوس
الـعـام والـلـــي قـبـــل عــام وقـبــل يـحــي مــع لـمـيــس=وقـلـبـي يـجــي درس الـعـنــايـد ثـم يـرسـب بالـدروس
نـوب يـتـعـذر بالـمــرض والـنــوم ووقـوت الـقـريـس=والا يـقــول الـعـذر كــونــه ماضـبـط رقـم الجـلـوس
لين اصـبـح الخـفـاق بـدروب الـهـوى مـثـل الـتـبـيـس=والـلـي يجـي لـلـقـلـب يـرجـع هــاربٍ فــوق الجـمـوس
وان زان مـره طـاح بـالـلــي حـــظـهـا مـثـلـي نحـيــس=تضحك مـعـي يومـيـن وألـقـاها عـلـى غـيـري عروس
والـيــوم مـااريــد الـهـوى يالـريــم يـمـشـي بالــدسـيـس=مااعـيـش فـي نـاري وغـيـري فـيـــك سـهــرانٍ يـبـوس
وشـلـون يـبـقـى الخافـق المـسـكـين في سجنك حـبـيـس=واسـمك مسـجل عـنـد زوجك فـي حفـيظات النفوس
انا اشـهــد اني عـقـب عـيـنـك ضـايـقٍ حـالــي بـديـس=وان الجـفــى حـط الخـفـوق مـن الـمـغـثـه تحـت مـوس
ولا يـفـهـمـه غـيـر الخـفــوق الـلـي شـكى حــر الوطيس=مثل الـيـمـيــن الـصـادقـه ماهـي مـثــل ثـقـل الغـمـوس
ومن يحـتـمــل جــور الـهــوى يلـقــى الـذي لاقـاه قيس=تـالـي حـيــــاتــه بـالخــلا جـثــه وراء حــــمــر الـطـعــوس
والله فلا ارضى القـلـب وسـط الناس بـهـمـومه يخيس=والجـيـب عـنــدي تـبـتـــرم فـيــه الـبـسـاتـم والـعـكــوس
مااريـد قــفــوات الـهــوى والـذيــب مايـاكــل فـطـيــس=الـمـوت راحــه لا عـجــزت الـعـيــش كالذيــب الـفروس
لو عـيـشتي تـمـر النـخـل بالقـيـظ مـع شـرب الـمريس=من يـطـلــب الـعـلياء يشيل الـثــقـــل بالـيـوم الـعــبــوس
والـهـون مايرضـاه وســط الـمجـتـــمــع غـيــر الخـسـيــس=الـلـي يـبـيــع الـمـرجــلــه في هـجـمــة الـوقـت الـشروس
بـالـطــايـره يـاصــل فـرنـسـا والـسـكــن بـزهــور نـيــس=وبالـبـيـت ما يـآمــر ويـنـهـى قـبــل شــور العـيـطـموس
ابـي ارتـحــل واسـكـن بـيوت الطين وظلال الـغــريـس=وارمــي رماحــي قـبــل حـرب الـقــادسـيـه والـبـســوس

[فواز الغسلان]

تفصيل قصائد( الشاوري بالكيس والنار حيه )

القصيده التي منها ( وانا على الخابور مالي مطيه ) دائما يختلف بها الناس
ويختلفون في قائلها وهي عباره عن ثلاث قصائد متداخله لكل من:
عبدالله بن رشيد وفهيد الفواري العمودي وشفلح العديلي من الحدريين بحايل 0
اولا- قال عبدالله بن رشيد وهو بالعراق بعد رحيله عن حائل ووفاة زوجته بعد ان
انجبت له ابنه متعب في الطريق وجلوسه في الجوف خمس سنوات مع عباس باشا
الذي ذكره عبيد بن رشيد في قوله :


يادار ياللي من وراء غر الاطعاس=لاتحسبيني من مدى البعد ناسيك
العام خـلـيـتـك عـلـشـان عـبــاس=اما لابن شعلان ماني مخليك

وبعد رحيله من الجوف للبصره حيث وافق حادثة نهبة الحله عام 1249ه تقريبا
قال في حينها:


اللى وسم حالى خفى على الناس=وسم المحوص بجال خطو الركيه
الغوش ركبو ضمر مثل الاقواس=حيــلن يفتــن حيــل راع الرديـــه
تعاطن المعبار من قصــر دواس=وانا على الخـابور مــالى مطــيـه
وكلٍ تطرا عزوته عقب الأياس=وانا اتطــرا عـــزوة الشمـــــريه

فجاراه فهيد الفوارى العمودى :


ياراكبين ضمر مـثل الاقـــــواس=حيــلن يفتـن حيـل راع المطيـــــــه
تنحرن دار ورا غـر الاطــعاس=سكانها هـــم عزوة الشمــــــريــــه
لا دك بالخاطر ثمـانين هوجــاس=الشـــاورى بالكيس والنار حيـــــه
لولا سبيل هاس فى قونس الراس=بــتـــلٍ ورا حمَــا بهاك الــزويـــه
مزيت ماييبـس معــاليقى ايبــاس=يبرى جروح القلب لو به شـفيـــــه

ثم جاراهما شفلح العديلى الشمرى من الحدريين (حدرى حائل):


الغوش شدو ضمر تطوي الامـــراس=يــدن منــىي للفــــوارى وصــــيه
جانا جوابك يا حــمــا قب الافــــراس=العام جانا مع جوابـــك تحــــــــيه
وش ذكرك دار ورا غـر الاطعـــاس=لا صار لك عنــها سنين بطـيـــــه
دار على الطولات بنيت على ســـاس=حنا هــــله بالدين والجـــاهـليـــــه
ولا دك بالخـــاطر ثمانــين هوجـــاس=الكيس به من حــب صنعا نقيــــه
ريحه على حامى الضوى يقعد الراس=وشربك من الفنجال يبرى الشكيـه
كار لطلاب الشكـــــاله من النــــــاس=وتر راعيــه ينعس ولا هى خفيه
بواد الضياغم مالنا ابواب حـــــراس=ياتى لها الـهــشــال من كل نـيـــــــه
ما قطع الشمـــــوط به زين الالبـاس=يـمـين نجـــــد بالســـهال العذيـــــه
ونحـط ميــر خالـطه كل الاجــنـاس=وننهـب من الـدنــيـا ولاهـى بطيـــه

[فواز الغسلان]

http://www.youtube.com/watch?v=y79bCTwAs4Y

[فواز الغسلان]

ماتعترف بالمقاييسي




يافـهــد قـلـبـي تـجـــيــه الـهـواجـيـسـي=ولا تلـوم الـلـي كواه اقـرب الناسـي
كــن رجـلـي فـــي قـيــود المحابـيـسـي=بـيـن حـلقات السلاسل والامراسي
قلت فـي نـفـسـي هـنــي القرانـيـسـي=لا دفـعـهـا فــوق الامزان نـسـنـاسـي
لو بـغــت لـحــدود لـنــدن وبـاريـسـي=او بـغـت تسـجـع بريـضـان مكنـاسـي
مـــا شكت قل الـدنـانـيـر بالـكـيـسـي=ولا مـنــع مـطـراشـها زود الافــلاسـي
ولا تـبــي فــيــزه ولا خــتــم تجـنـيـسـي=ولا تفـاتـيـش الـجـمــارك بـالاكـبـاسـي
لا بــــدى ثــلــج الـلــيــال الـقـواريـســي=وهــاج بــردٍ مـثــل حشـار الانـفـاسـي
مـايـفـيـد الــنــوم وسط الـدواعـيـسـيفــي وقــوتٍ بـردهــا يـصـلـب الـراسـي
بـالـعــقــارب مـاتـفــيــد الـمـداسـيــســي=والحطب مـمـنـوع في حمر الاطعاسـي
لــو خذيـتـه جــاك عـنـتـر وعتـريـسـي=وصــادروا مـنـك الفـواعـيـر والفـاسـي
وان ظـهـر للطـيـر حــس المـراويـسـي=والـنــداوي ضـايـقـه هـافــي الـسـاسي
لاح ريـــشٍ مـثــل لـــون القـراطـيـسـي=ولا سهـر جفنـه علـى نـار وسـواسـي
مــن عــذاب ام الـعـيـون النواعـيـسـي=ورمشهـا اللـي بالهـوى ظالـم قـاسـي
عـنــدلٍ خـافــت عـيـون العواسـيـسـي=فــي تـوالـي يـومـهـا قـبــل الادمـاسـي
فــي طوالـيـع الـفـيـاض المشامـيـسـي=والزهـور الـلـي مـثل لون الاوراسـي
اوجست حس القنـوص المناحيسـي=وذارهــا اللـي لا رمى مـثـل حـواسـي
وابعدت خوف الرصـاص المقابيسـي=واطلقـت ســاقٍ غدى تقل مقـواسـي
وجسمـهـا مـهـرة عقـيـد السناعيـسـي=شــدهــا مـطـني والاريــــاق يـبــاســي
مــــع رجــــالٍ يــدركـون الـنـوامـيـسـي=لا تـنــازت بالخطـر قــــب الافــراســي
بنـت من يحـرق جــنـوب المحـاميسـي=عـادتـه جلب الـقـهـاوي بالاكـيـاسـي
شـام عـن درب العـفـون المهاليـسـي=فـي بحـور اهـل الطويـلات غطـاسـي
لا مـشـت بـيـن الـبـنـات المعـاريـسـي=راح تسـمـع بينـهـن طــق الاضـراسـي
مــن عـنــودٍ مـثــل نـــور الفـوانـيـسـي=وعـنـقـهـا يوضي تحت عـقــدها الماسي
هـرجـهـا بــيــن الــعــذارى مهـامـيـسـي=وثوبها الـزاهـي عـلـى الجسم مقياسـي
والشـعـر لــون الـدجــى والحنـاديـسـي=والـردايـف ضـايـقـت زيـن الالـبـاسـي
دونــهـــا حـــالـــت دروع ومـتـاريــســي=مـــن خبـيـثـيـن الـنـوايــا والانـجـاسـي
والـعـرب خـافـت هروج الجواسـيـسـي=يــوم حـطـوهـا عـلى درب الادنـاسـي
شـالــت الـعـربـان فــوق العـرامـيـسـي=وقلـت ياقلـبـي مــن الظـيـم لا بـاسـي
دايـــــمٍ تــبــلــى بــكــثـر الـكـوابـيــســي=وتـشـرب غـبـون المقـاديـر بالكـاسـي
والــفــرح يـصـبــح لــراع الـدنـافـيـسـي=وهـو بمـيـدان الـنـدى خـايـبٍ خـاسـي
زهـرتــه راحــت لـتـيـسٍ ولــــد تـيـســي=ولا مشـت مـع فـارسٍ مثـل جساسـي
ودامـــهـــا مـاتـعــتــرف بالـمـقـايـيـسـي=واعــســى قـانـونـهـا لالــــف قـبــاســي

[فواز الغسلان]

http://www.youtube.com/watch?v=4l5LpAhbOGE

[فواز الغسلان]

يالوايلي ياعزوتي حان الرحيل





يالوايلـي ياعـزوتي حـان الرحـيـل=ومن طال عمره بالعرب ذاق الملل
وشلـون تـمـشـي باللـهـيب بـلا صميل=والقيظ بالجوزاء كـوى فـرخ الحجل
والجـيـل الاول حـط للـتــالي دلـيـل=ومن سار بالهقوات ضاع عن الدحل
شـاور على القالات شـيـبـان الـنـزيل=اشـوارهـم تحـمـيــك عـن كـثـر الـزلل
من كثر ماناموا على حـس الـعــويل=وذاقوا وقوت الامن ووقوت الوجل
ومن قال انا فوق الخلايق جيل جيل=قـولـه تـراه اول عـلامــات الـجـهل
افرق كديش الخيل والـمهـر الاصيل=من شـان ماتـسـري على صهوة بـغـل
وتـقـلـع من المدرج وترحل نصف ليل=وقـالـوا جـهاز الـطـايـره جاه الخـلل
عقب الـتــوازن بالـهـواء صارت تـميل=وقالوا جـنـاحه يشتكي بعض العـطل
صار ارتفاعه فـوق عـشـر الاف ميل=ودرب الـنـجــاة الـيـوم ماهـو محـتـمل
رغـم انها بويـنـج من آخــر موديل=مدري عـلام الـضـغـط صـمـامه قـفـل
ما يـنـفــع الـرعـديـد عـظـه للـشـلـيل=ولا بالـسـمـاء دربٍ يـفـكه لا جـفل
والـخـوف مـازاد اللــيـــالــي للــذلـيــل=ولا مـات بالـمـيـــدان من بـارز بـطل
والموت مايـقـبل عـن اصـحـابه بديـل=ويـاويـل مـن طـاع الاماني والامل
يـنـــدم بها الـقــاتل عـلــى دم الـقــتـــيل=وكــم ظــالــمٍ للناس حـلـمـه ما كـمل
ومن مات ماشال الجواهر فـي زبـيـل=ولا يـنـفـعـه مـال الحرام اللـي بـذل
والـلـي يـهـز اسواق الاسـهم بالصهيل=يصبح مـثــل ورد الـربـيـع الـلـي ذبل
واللي خــذاه الـكـبــر بـالــدنـيــا هـبيل=لـيـتــه يـقـيـس الـنـفــس قــدام الجبل
او شاف ريـحــه لـو تـأخــر بالغسيل=والـفــرق فـي ريـقــه وتـريـاق النـحـل
ولا يرفـعـك ثـوبـك ولــو مـالـه مـثـيـل=ولا يـهـفـي اهل الطيب لو ثوبه سمل
والفرق بالـتـــقــوى وبـالـفـعــل الجـمـيـل=وكـم طايشٍ جــازاه ربــي بـالـشــلل
والـكـذب حـبـلـه بالعرب ماهـو طويل=لو حــاط كـذبــه بالسكاكر والعسل
ومن مال عن ديـنــه تـرى طـبـعـه يميل=يـفـتــل ورب العرش يـنـقـض ما فتل
ومن خـان عـهـده بـيـن قـال وبين قيل=مافـيــه ديــن ولا مــقـــام ولا خـجــل
واهل الصخى قدره مع الـعـالم جليل=وطبع الصخى يمحى العـيوب اللي فعل
وقصر الندى واضح على الرجل النبيل=ولا كل من يـاقـف على بـابــه دخل
ولا فـيـه بـعـيــوب الـعـرب مثل البخيل=يـزيــد عـيـب الـنـفــس يـاعـالـم دبل
ودنياك فيها القـيظ والظل الظليل=ومن عاش وقت الريـف ملفاه المحل
لابد ماغيث السماء فـوقـك يسيل=ويحيي مفاليك السحاب اللي هطل
ويسري نسيم الفجر للـقلب الـعـلـيـل=يـنـقـل مـعـه عطر الخــزامى والنفل
ويرجع حـمـام الـعـمـر يسجـع بالـهديل=ويثور عزم الناس من عقب الكسل
والـرزق رزق الـلـــي هـدانـا لـلـسـبـيل=ماهــو رزيـلٍ مـدتــه حــفــنــة هــلل
واحذر وقوف الهون في باب الرزيل=ولو يملك ارزاق الخـلايق ماعدل
والسدر ماتحـتـه مـنـام ولا مقيل=والـحــر الاشـقــر بالـعـواشز مانـزل
واعــرف تـرى ماتحـت ربك مستحيل=والياس هو راس الخساره والفشل
واهل الـفـزايـع بالـعــرب دايـم قلـيــل=واليا نـخـيـتــه قــال انـا مـالــي دخل
ولا شاف روحـه مامـعـه للـطيب حـيل=تـلـقــى فــزوعــه بالـمـعــاتب والعذل
ومن نـاف بالـطـولات وادخال الدخيل=يكثر عـلـيـه الكذب وهروج الدجل
كـلـه سـبـب غـيـرة جـمـيــلات الجــديل=حلوات الانفس والسوالف والغزل
تطـفـر عـلــى كـبـده لـواهـيب الـغـلـيــل=لا هو كـفـيـل ولا يـحـب اللـي كفل
وما كل رجـلٍ يـقـطــع الـدرب الطويل=ولا كل من يـعـطــي مواعـيـده صمل
والصدق يـظـهــر لك الـيــا ثــار الفتيل=ويكشف رفيق الصدق عن راع الهزل
الحـشـو مايـقـوى على الحـمل الثقـيل=ولا كل مـن تـنـخـــاه بالشــده جـمـل
ترى الـعـرب فـيـهـا الصــداقه والـزمـيـل=مـثـل الرفارف بــه حـديـد وبــه ربـل
واحذر بروق الصيف وعـهـود الكحيل=والا قـصـار الخـيـل وطـوال النـخـل
وعيش الـمذلـه مـثـل سـطوات السليل=ومن طاح وسط الموج ماهاب البلل
كـم مـنـبــعٍ وقــت الـشـتــاء يـمـشي زليل=وفـي لاهــب الـجــوزاء يغطيه الوحل
ما كل رفـقــات الـعــرب رفـقــة خـلـيـل=وكــم واحــدٍ عـن رفـقــة الـعــالــم نكل

[فواز الغسلان]

قصيدة التبيناوي( ارم النعول لمغزل العين ياحسين)

القصيده التي مطلعها ( ارم النعول لمغيزل العين ياحسيـن ) والتي اشتهرت في كل القبائل والاقطار
شمالها وجنوبها بسبب شهرة بيتين منها وهما:


ان شلتها يا حسين ترى مابها شين=ترى الخوي ياحسين مثل الامانـه
ما يشتشك ياحسين كـود الرديــيـن=والاترى الطيـب وسيـعٍ ابـطــانـه

حيث يتم ترديدها ضمن الامثله الشعبيه الدارجه على افواه الناس دائما عندما يكون الكلام
عن مكانة الخوي وعن الثقه بالنفس وعدم الشكوك بلا سبب قوي 0
ودائما تنسب للامير عبدالله بن رشيد امير جبل شمر قبل قرنين من الزمن 0
الا ان نسبتها له فيها الكثير من عدم الانصاف وفيها غض البصر عن الادلة الواضحه التي تؤكد
انها ليست لابن رشيد وانما للشاعر بريكان التبيناوي الشمري في محبوبته التي تزوجها فيما بعد
واسمها درعا اللويشيه من الزميل من شمر 0
وسوف نورد القصيده كاملة ثم نوضح مايلزم توضيحه في ابياتها لتكمل الفائده وهي كالتالي:


ارم النعول لـمـغيزل العين ياحسيـن=واقطع لها من راس ردنـك ليانـه
وجنب حثاث القاع وتبعبهـا اليـن=واقصر خطاك شوي ومش امشيانه
ياحسين والله مابها سبـت رجليـن=ياحسين شيب بالضمير اهكـعـانه
ان شلتها يا حسين ترى مابها شين=ترى الخوي ياحسين مثل الامانـه
مايـشـتـشـك ياحسين كـود الرديـيـن=والاترى الطيـب وسيـعٍ ابطانـه
لابــد ماحـنــا عـن الـظــلــع مقـفـيــيـن=ولا بـد مانـاطـى الـنــفـود ولـيـانـه
الخــد قـرطــاس قــروه الـمـصــلـيـن=شفـتــه مـع الـلـي يـتـبـعــون الديانه
او زبد يشبه له بــيــاضــه مع اللـين=قـطـن مـع الـلـي يـنـدفــونـه بـعـانه
سـمـيـهـا الـلــي يـلـبـسـون الغلامين=مايـلـبـس الا فـي نــهـار الـكـيـانه
ماقلت من باقي العذريب به شين=عــذروبـهـا يـاحـسـين قل احصلانه


وسبب نسبتها لابن رشيد هو انه عندما خرج من حائل خائفا من اميرها وذلك قبل ان يتولى
الاماره قال قصيدته الشهيره ( ياهيه ياللي لي من الناس وداد ) وكانت معه زوجته في طريقه
عبر النفود الى جبه ثم حفر الرخيص ثم الجوف 0
وذكر في هذه القصيده وصفا لحالة زوجته في الطريق مشابها نوعا ما للوصف في قصيدة التبيناوي
اذ يقول ابن رشيد:


ياهـيــه يالـلــي لـي مـن الـنـاس وداد=ماترحمون الحال ياعزوتي لـيـه
ماترحـمــون الـلـي غــدا دمـعــه ابـداد=لاله زمان وحرّق الـدمـع خدّيه
ذا لـي زمــانٍ مـاتـهـنــيــت بـرقــاد=وقصر الحشا قامـت تـهـدّم مبانيه
مـن يـوم شـفـت الـشـوق مـزبور الانهاد=ومجلّيٍ عن دار جدّه وأهاليه
وأقـفـى يـجـر الـثــوب للـضلع شرّاد=امشلّحٍ ياطا على اطراف رجليه
الـشـوك مـالـه عـن مـواطـيــه ردّاد=الاّ ولا سـبـــتٍ قــويٍ يـوقّــيــه

وهذه القصيده للمعلوميه تمت اضافة ستة ابيات في مدح عوائل الجوف واحده واحده وهي غير
صحيحه وانما تلفيق واما الصحيح في ذكر اهل الجوف فهو قوله:


نبى نقارب من هل الجـوف خـلاد=وندعي عسى ان الوبل يسقي مفاليـه
يا حي والله يالضويحي مـن اجـواد=ونعم النكيف اللي لفا السيـر طاويـه

اما البقيه فهي مضافه حديثا ومعروف من اضافها ورواتنا الثقات يحفظون قصائد القبائل الاخرى
فما بالك بقصائدنا نحن ولن تمر علينا مثل هذه الاضافات 00

وقد وردت في القصيده ابياتا واوصافا تثبت للمنصف انها لاتنطبق على زوجة ابن رشيد
ولا على وصفها مثل:


سميهـا اللــي يلبسـون الغلامين=ما يلبس الا فـي نهـار الكيانه

واللي يلبسون الغلامين نهار الكون هو الدرع وهي اسمها درعا 0
والدليل الاخر قوله:


ماقلت من باقي العذريب به شين=عذر وبها يا حسين قل احصلانه

وكيف يقول عذروبها انها ماتحصل؟ الزوجه ماتحصل وهي معه ومسافرة بجنبه؟
هذا الوصف يقال للزوجه او للمحبوبه؟؟

واما القول ان حسين الذي يذكر في قصائد امراء الرشيد هو فلان وفلان فهو غير صحيح
وهو يطلق على المجهول لدى اهل الشمال وهذا عبيد بن رشيد يقول:


والحمد للي هبهب الريح ياحسين=صارت على القصمان واولاد وايل

فهل حسين نفسه كان معه ايضا؟؟
وهذا ابنه حمود العبيد الرشيد بعده بثلاثين عام يقول:


خلف عطى من غالي المال ياحسين=جـعـلــه يـخـلــد فــي نـعــيــم الـجــنـاني

مثلما ان عتيبه مثلا يقولون في اشعارهم (ياعبيد)ويقصد به المجهول وليس شخصا معينا0

وكذلك لو نظرنا لقوله:


الخــد قـرطــاس قــروه الـمـصــلـيـن=شفـتــه مـع الـلـي يـتـبـعــون الديانه
او زبد يشبه له بــيــاضــه مع اللـين=قـطـن مـع الـلـي يـنـدفــونـه بـعـانه

هنا رفيق ابن رشيد معهم ويعرف زوجة ابن رشيد جيدا فكيف يصفها له هذا الوصف
وهو معها في وقت الحدث؟
بلاشك ان الوصف هذا دليل على ان رفيقه لايعرفها ولذلك وصفها له 0
اما المعروف فهو لايعرف كما قال المثل00

[فواز الغسلان]

بعض غلطات عمري صعب تبريرها




لاح فجر العوارض عقب ماكان ليل=وشيب الاجواد يرفع قـدر توقيرهـا
قام يجري لطيشي في بياضه غسيـل=وراح شر الليالـي وابـتـدى خــيرهـا
وناتـج اللي مضى لي بالمرابـح قليـل=وبعض غلطات عمري صعب تبريرها
كيف الاعمار ضاعت بين قالٍ وقيـل=مثل ركـض الاصـايل في مضاميرها
كنت احب المثلث واكره المستطيـل=واجمع الحـر الاشقر مع عصافيرهـا
واكتشفت الحقايق يوم حان الرحيل=والخزاين فـتـحـنـا رمـز تشـفـيـرهـا
ولو فهمت الخلايق قبل وقتٍ طويـل=كـان نـصـف الخسـاره تـم توفيرهـا
التجارب عطتنـي بالفيافـي دليـل=مثل عين المراصد عقـب تطويرهـا
صار دربيل فكري في مداه ألف ميل=والجـروف الـصـغـيـره تـم تكـبـيرهـا
بس الايام راحت كنهـا جري خيل=او عـجاجة خريـفٍ ضايـعٍ طيرهـا
ليت للي مضى لي من حياتي بديـل=وكل ساعه يجـيـني بالـزمـن غـيرهـا
لاجل تمشي ركابي في ظلالٍ ظليـل=ثم ابدل دروب الزمـل فـي سيرهـا
وادري ان الجـمـايل ماتطفي غليـل=في قلـوب الاوادم عقـب تـنـفـيـرهـا
وان مشيت القوايل ماتركت الصميـل=يـمـكـن ان الـفـيــافـي ناشـفٍ بيرهـا
واترك اهل الفراغه والرخى واستقيل=وافتح ابواب فكري عقـب تسكيرهـا
كنت بالحلم اشاهد نصف زملي هزيل=وقلت الاضغاث هذي صعب تعبيرها
كيف تصدق مدامي شوق زين الجديل=وان دخلت المجالس حـزت تقديرهـا
اثـر زرعي بذرته في بطون المسيـل=ماذكـرت السحـايـب فـي قواطيرهـا
ويوم لاحت بروقه مثل قدح الفتيـل=والـرعـــايـد لـغـومٍ ثـار تفـجـيــرهـا
اعدم السيل زرعي مابقى به حصيل=وشال جـدران بيتي رغـم تسويرهـا
ومن نـفـعـتـه بطيبي او منحته جميـل=غـاب غـيـبـة هــنـودٍ تـم تسـفـيرهـا
او غدى بالطلايب تقل سيف سليـل=وجت جيوشه تطالب فـي فواتيرهـا
قلت ابي من كـرمكم عن كرمنا مثيـل=قـالــوا افـعـال طيبـك تـم تجـيـيــرهـا
في زمـان الحـضـاره حط عقد وكفيـل=تـر حـقـوق الاوادم صـعـب تدويرها
راح وقت السواني مع غروس النخيل=وصـار شـرب الحدايق من نوافـيـرها
قلت وقت الحـضـاره مايـغـر الاصيـل=ولا قـريـت الخـديـعـه ضـمـن تـقـريرها
قالوا الكذب موضه والتلاعب موديل=ولا تصـيـد الـبـنــادق قـبــل تـنـظـيرها
مايـفـيــد الـحـمـايـم سـجـعهـا بالهديـل=مـع طـيـــورٍ تـهــاجـم فـي مـنــاقـيـرهـا
قلت طـيـرك نـشـوفه بالـمـعارك ذليل=وبـنـدقـك بـالـقـرابــه سهـل تـثـويـرها
ولو لرزق الخـلايـق بـالاوادم وكـيـل=شـفـت الارزاق كـلـه تـم تـصـديرها
وكـل هـذي دروسٍ لو ثـمـنهـا ثقيـل=لاجـل تـنـبـيـه نـاسٍ تـم تخديــرهـا
ولاجل نلقى لغلـطـات المحاكـم مزيـل=ونـنـقـض احـكام نـاسٍ تـم تـمـريـرها
ونعتذر عن عـزيـزٍ صار حكمه هبيـل=وعـن تـواريــخ نـاسٍ بـان تـزويـرهـا
وعن عـدالـة زمانٍ كل يـومٍ تـمـيـل=واخـتـلاف السياسه فـي مـعـايـيرها
من يخالف عـربـنـا صار حكمه عميل=صـار عـذرٍ عـلـى الـلـي تــم تهجيرها
وليش شتم اليهودي صار يملا الزبيل=وبايـع الـقـدس يلـعـب فـي دنانـيرها
دون شـارون نـاسٍ بـالخـيـانـه تكـيـل=لاجل شارون تـتـعـب في مشاويرها
مثل ركض الحليله لاجل عين الحليل=ومع صـفـوف الـصـحـابه تم تصويرها
نـصف شعبه نـشـوفـه بـالمقـابر قتيـل=وقـيـمة اللــي تـبــقـى تـم تدمـيرهـا
وصار درب الـعـقـيده للمصالح سبيل=وقـبـل ذبـح الاوادم قــم بـتـكـفـيـرها
وليش اجيب الادله تشبه السلسبيل=وعـقـب بكـرا نـبدل حكم تـفــسـيــرها
نوب نـمدح عـقـيـدة ساحل الدردنيل=ثــم نـطــرق خـشـبـنـا فـي مسامـيرها
ثـم يكـفــر ويـصـبـح ما لكـفــره مثيل=وكـل عــام تـجـــدد فــي دســاتـيــرها
وليش نرمي على الشـيعه كلامٍ رزيل=ولاجل تحـذيـر الامه زاد تـكـريــرها
ونـمـدح اولاد رومـا بالكـلام الجـزيل=والـكـنـــايـس نـسـيـنـا شــر تـنـصـيرها
اترك الراس ينزف ثـم اخيط الشليل=وش ذبحـنـا سـوى الغرب وطوابيرها
وليش كـيـل الـمدايح والـثناء والجميل=في رجـالٍ تـشـوف الـنـاس تقـصيرهـا
وكان فكري يـسـير بسكة المستحيـل=فالـمـصيــبـه مـن الـعـالـم وتـفـكـيــرهـا

[فواز الغسلان]

http://www.youtube.com/watch?v=9Dii-E_GqNE

[فواز الغسلان]

الله على ذيب الغراز





الله على ذيـب الغراز لاقام بالصحراء ينوز=حلو الهياكل والطراز يرهب خصومه لابرز
نال الـمـدايـح بأمتياز من كثر ما دلا يـفـوز=والجيب شيخٍ مايراز عند الـمـجـاكر واللـزز
مفتاح تشغيله جهاز عـقـب الظفيره والفيوز=والـزر الآخــر للـقـزاز ماهي محاحيل وخرز
النور بالتصميم غـاز والـقـيـر لـه عـدة رموز=وعنده على الدرب احتراز من لمبةٍ نوره غمز
يلعب على القاع العزاز لا هابته كل البنوز=لعبة مشـرف في نواز والا الارانب والخـزز
بالدرب مافيه اهتزاز ولايزعجك قدح القزوز=يبرم صحاصيح الحجاز وان طال دربه ماعجز
تحت الذي بالطيب فاز نقوة مطانيخ العنوز =له خاطرٍ ماهو نشاز احلى من اثمار الكرز
للي خفوقي فيه باز من ضيق تفصال الجنوز=يفصل عـمـود الارتكاز وماالوم قلبي لو نـقـز
طعنة خفوقي يوم جاز ياتقل حافرها كـروز=او كـنـهـا بـيــر ارتواز مايـقـطبه كـثـر الـغـرز
رح له بلا ختم وجواز وقل له فعولك ماتجوز=مادام رمشك مايهاز وش بـه بـمـعـلـوقي ركز
لايخدعك هرج الخناز الـلـي يـديـرك باللـغوز=وزدتوا لهيب الجوف قاز من لامـزٍ فـيـني لمز
في خافقي تسوى الركاز اللي بها كل الكنوز=وكان الهوى فيه ابـتـزاز همزة مقـيـط اللي همز

[فواز الغسلان]

الشاعر المعروف أبو زويد خلف بن رخيص الشمري خرج مغاضبا للأمير
محمد بن رشيد بسبب قضية خلاف غلى املاك بين عبده والزميل ورحل الى الشيخ
سطام بن شعلان وقد أكرم سطام وفادته ورحب به وقال قصيدة يمدح فيها سطام وزوجته
تركية بنت مهيد اخت الفارس الشيخ تركي ابن مهيد [ مصوت بالعشا ] وفيها يقول :


حقيقة اهدار المهاد لدم خلف ابوزويد



ياراكب اللي كنها سولع الذيب=حمراُ ولا عمر الحويّـر اغـذي بـه
حمرا تفج فخوذها للمحاقيب=حمـرا تسـوف كعوبهـا فـي سبيبـه
حمرا تكسّر من عياها المصاليب=حمرا وتـوّه فـي جهلهـا منيبـه
حمرا مجرّبها مع البيـد تجريب=مـع الخـلا ماشـدّ مثلـه نجيبـه
أبوه منفّلها على الفطر الشيب=وامه خناب الجيـش مـا ينهقـي بـه
تجري بذرعان سـواة الدواليب=وحـدة تقلّطهـا والاخـرى جنيبـة
إن لجلجت لج الحصى بالنشاشيب=شد الرسن والعـود لا تعتنـي بـه
كن الشجر خلفه غدا له جناديب=عن السهـل رقّـه عفـاش الرقيبـة
لى درهمت شدّت ملاوي العصاليب=حسيس ربدا ماج عنهـا لعيبـه
تطوي الفيافي والسهـال العباعيب=عليـه بعيـدات المـوارد قريبـة
ريحة عرقها عنبر من هله جيـب=أو زعفـران بالفيـاض العشيبـة
سبيبها يكسـي متـان العراقيب=عليـه حليـا مـن شقـار الذويبـة
إليا مشت تفرح ضميـر النجاجيب=مـاذاق لذّتهـا غـذيّ الرويبـة
شذّب عليها مظلم الليـل تشذيـب=يـوم الثريـا دوبحـت للمغيبـة
يشوح لك بيت الندى لك معازيب=منوة مناكيف الشتـا عقـب غيبـة
النجر يضبح والدخن كنّه السيب=ودلال صافـي بنّهـا عـن سريبـه
منصاك ابن شعلان هو منقع الطيب=إليا سحبت رخم الجموع الحريبة
رويلات والله مابها خلط أجانيب=يانعم بالعليـا ومـن يعتـزي بـه
سطام يا سترالبنات الرعابيب=جينـاك جيّـة واحـدن مـا دري بـه
ناصيك من نجد عليّـة مطاليب=جيتـك كفـاك الله شـر المصيبـة
يا شوق من عيّت على كل خطّيب=غيرك على كل المشايخ عصي به
بنت الذي لا سولفـوا بالمعازيب=أبّـوه مصـوّت بالعشـا بالجذيبـة
مقري خشوم الفوس من شمّخ النيب=لو كان يكفي دون ذبحـه حليبـه
ماجابت الخفرات مثلك ولاجيب=من مطلع البيضـا لغربـي مغيبـه
ما يستوي للبيض غيرك ضواريب=البيض خطو المشتبه وش تبي به؟
خيلك على الأقفاي عرج(ن)تقل عيب=والا على الإقبال عجل هذيبـه
ماني غشيم اسيّب القول تسييب=واللـي زعـل ياشيـخ يلقـى لعيبه

وقد أعطى سطام للشاعر خلف قطيعا من الإبل إكراما له ولمدحه .
وعندما مدح الشيخة تركية زوجة سطام ، قالت لسطام : إن كنت أمون عليك
أعطيه قطيعا آخر من الابل ، فقال سطام : لك ذلك فأعطته هي أيضا قطيعا أخر .
ولم تنتهي القصة هنا . فهذه القصيدة الرائعة للشاعر الشمري لم تعجب الشعراء الحاضرين
من قبيلة الرولة ، والسبب أنه جاء فيها تعريض أوتقليل للأمير محمد بن رشيد
واعتبروا ذلك مداهنة وتزلف من أبو زويد لسطام على حساب امير الجبل ولاسيما انه لمز ابن رشيد
بقوله:
ما يستوي للبيض غيرك ضواريب
البيض خطو المشتبه وش تبي به؟

وقوله (المشتبه) يعني المشكوك في فحولته وذلك لكون الامير محمد بن رشيد عقيما لايولد له 0
مما دفعه لاهدار دم ابوزويد وسط قبيلة شمر 0
وقد اخطأ من قال ان زعل ابن رشيد كان بسبب مدح ابوزويد لعدوه سطام بن شعلان فقط 0
وهو غير صحيح والدليل على قولي رد خضير الصعيليك وفيه:


ياراكب ناب القرى سولع الذيب=حر عليه من الشحم كالزباره
بكوار ماساجن عليه المحاقيب=مثل الظليم اللي جفل مع غتاره
كالتيل كالبارود عجل التواثيب=كالبرق كالقبسون حزت مثاره
لأ بو زويد يوصل الهرج ويجيب=ضيعت حظك بالحرا والقماره
يابو زويد خل عنك التكاذيب=حطيت حالك للمخاليق شاره
ماقلتها بالضيغمي مابعد جيب=بالست من دور آدم واعتماره
محـمـد هو الـفـحــل لـلــرعــابيب=اللي مع البدوان واللي بداره
سكر عسل حلو ولذيذ المشاريب=حنضل حدج للي قطوع مراره
لصديقه أحلا من قراح الشخانيب=ولعدوه أقطع من شلاهيب ناره
اللي يدمي الفوس من شمخ النيب=يحط من فوق الصياني فقاره


فقول الشاعر:
محـمـد هو الـفـحــل لـلــرعــابيب
اللـي مع الـبــدوان واللي بـداره

يؤكد ان هذه هي نقطة الخلاف والاعتراض والنقد 0
اما كونه مدح خصمه فهو امر تكرر مع الشعراء ولاتغضب الشيوخ والامراء لدرجة تصل لاهدار الدم0

ولذلك عارض عدد من شعراء الرولة الذين أخذتهم الحمية على الأمير الرشيدي قصيدة خلف أو زويد .
يقول الشاعر عرموش الأربش :


ياهيه ياللي فوق عوج المصاليب=هجن هجاهيج عراب عجيبه
شيب الغوارب سايجات المحاقيب=ألفين مشدودات كلش نجيبه
ان جن هجافي وخاليات المزاهيب=رامن هدفهن عقب بطو المغيبه
عليهن اللي مشتهين المعازيب=شاموا لراعي مسند ينهقي به
وإلى طلعتوا مع خلول العراقيب=نار ابن عبد الله توقد لهيبه
هذاك محمد دوم سباق للطيب=الضيغمي مشهور كل دري به
حر تعلى بعاليات المراقيب=وفحج على الشيخان من زود طيبه
لو يشتهي حط الأوادم حواطيب=غصب بحد السيف غلب وغصيبه
أخوى عليهم مثل مايخوي الذيب=وتزبن البشري شرايد ذهيبه
الشيخ يزهن له عيون التشابيب=والمشتبه ينهج لشبهه يجيبه
بنات مادبر عليهن بتحسيب=ولا خايلن ورد الدبش مع عزيبه
بنات مروين النمش والمغاليب=ضياغم عقب الجدود العريبه
ياما عطوا من زاهيات الدباديب=وخيل تنسف بالمعاذر سبيبه


وأبرز من عارض قصيدة أبو زويد الشاعر الأدغم ابو خشيم السباحي الفريجي الرويلي
بقصيدة يمدح فيها ابن رشيد والنوري وبن مهيد . ويعرض بسطام ويقول :



يابو زويد فاطرك به شواذيب=جيتك على حر تزاود هذيبه
عسى ذلولك بالجرب والضواريب=ياللي تجنب عن طريق المصيبه
يابو زويد ياجذي المراقيب=حظك ضعيف ودايم تجتلي به
عفت الشتال وجيت تبي القلاليب=وتشرب من الدلة توالي سريبه
سطام ابن شعلان مابه عذاريب=أما الأمير الضيغمي لا تعيبه
أفتخ بعيد الشان هو منقع الطيب=من عاف سوم جلابته يكتفي به
يركب على ذروات مثل الدواليب=كم ليلة يسري ولا ينسري به
نجم يهدم عاليات المراقيب=مقيم الضحى للمنهزم وش يجيبه
أي الذي كسبه بيوت مع النيب=وأي الذي كسبه بحربه نهيبه
امدح أخو نوره بعيد المطاليب=مسقي قراطيع الغباين حريبه
تجـيـه صـوغـات بـخــط المكاتيب=على هواه المخطيه والمصيبه
ياما كسب بالكون من شمخ النيب=غصب على كل القبايل غليبه
الضيغمي محفي ركاب النجاجيب=مافات له من رمعة العمر سيبه
وامدح أبو نواف يامحرق الشيب=زبن الطريح اللي تونا هليبه
النوري الهزاع عطب المضاريب=مضراب سيفه ماتشافي صويبه
والا ترى سطام شيب ولد ذيب=لا قلت الصيدات ياكل قريبه

وقد دخل ابوزويد على الامير محمد بن رشيد في ديوانه بحائل مستسلما ومعه كفن وعنز
وقال هذا كفني وهذي ضحيتي واما انا فقد ضاقت علي الارض 0
فقال الامير: لعنة الله على هالعين العوراء (لكون ابوزويد اعورا)0
فقال ابوزويد العور بعيني بسبب اخوك متعب اللي رضع حليب امي وتركن وعطشت0
وهو بذلك يذكره بكونه اخ للامير متعب العبدالله الرشيد من الرضاعه0 فقد ولد حين
هروب عبدالله بن رشيد للجوف وماتت زوجته عند الولاده وعندما وصلوا (حفر الرخيص)
بالنفود ارضعته والدة ابوزويد 0
فكان ذلك سبب عفوا ابن رشيد عن ابوزويد 0 الا انه رغم العفو فقد تعرض بعدها لمقاطعة شديده
من رجالات شمر ووجهائها بسبب تعريضه بالامير المهاد مما تسبب في ضياع الكثير من اشعاره 0
وقد قابلت في عام 1412ه راوية ابوزويد وهو حماد المضيبري من الرخيص في قرية المشيطيه
قبل وفاته واخذت منه كافة قصائد ابوزويد وقال اني ادركت ابوزويد في اخر حياته ولم يكن اكثر
شمر يستمعون لابوزويد اذا قصد في المجلس مقاطعة له بسبب هذه الحادثه 00
رحم الله الجميع 000

[فواز الغسلان]

((معركة العيينه عام 1929م 1350ه))

وقعة العيينه حدثت بسبب اقدام الامير عبدالله بن جلوي على قتل الشيخ ضيدان بن حثلين من العجمان
وهو قرار متهور جدا في نظر اهل العقول والالباب لكون القبيله لن تضل صامتة امام قرار كهذا
يعتبر تطاولا واهانة للقبيلة بكاملها 0
وقد قال النبي صلى الله عليه وسلم ( اقيلوا ذوي الهيئات عثراتهم ) اقيلوا اي تجاوزوا واصفحوا 0
وذوو الهيئات هم وجهاء القوم وشيوخهم 0 والعثرات هي الاخطاء التي قد يقع بها احدهم احيانا
مالم تكن في حد من حدود الله 0
ومعناه لاتفرحوا بالعثره والغلطه التي تقع من شرفاء القوم ثم تقوموا بالتفضيح فيه امام الناس حتى تهبط
قيمته وتهان كرامته ولا ينبغي ان يعامل مثل معاملة اهل السوابق والمعاصي لكون الشيوخ والوجهاء فيهم
ملاذ بعد الله للفقير والمحتاج والضائق وفيهم حل لمشاكل الناس وانهاء عداواتهم واختلافاتهم 0

علما ان العجمان هم اخوال الامير جلوي بن تركي ال سعود كما هو معلوم للجميع 0
وكان ابن جلوي معه جموع كثيره سار بهم لتأديب العجمان حسب رؤيته ثم ارسل الى الشيخ ضيدان
بن حثلين لكي يناقشه في هذا الحدث 0
قبل ذهاب الشيخ ضيدان له وصى قبيلته انه اذا غابت الشمس ولم يرجع اليهم فمعناه انه تم قتله0
وكان يشك في نية ابن جلوي حسب سيرته الشهيره مع الناس جميعا 0 فقد سبق ان ارسل الى اشخاص
واعطاهم العهد ولكنه مع الاسف نكث ذلك وغدر به وقتله 0 واشهرهم الشيخ عبيد بن حران
الفهيدي من قبيلة المره 0

وفعلا امر بقتله فقامت اسود قبيلة العجمان ومعهم اسود قبيلة المره بالهجوم ليلا على معسكر ابن جلوي وخلعوا ملابسهم لكي يعرف
بعضهم بعضا حين المعركه للانتقام لمقتل اميرهم ضيدان بن حثلين فتمكنوا من قتل الامير فهد ابن عبدالله بن جلوي
ابن الامير ضمن من قتل في ذلك الهجوم القوي وعندما بلغ الخبر والده مات قهرا وغبنا في حينه 0

وقد امتدح احد شعراء قبيلة المرة هذا الانتقام في الابيات الشهيره التي لانعرف منها سوى ثلاثه وهي:


بندق في "العيينة" حج راعيها=طَيّرت من (فهد) في كبد (عبد الله)
ليت من هو بزين الصوغ حاليها=أنقذت من خبيث الطبع خلق الله
أربع آلاف راحت هـي وداعيها =كل ألـفٍ بـمـيّــة من جنود الله


قوله في الشطر الاخير(كل ألـفٍ بـمـيّــة من جنود الله) معناه ان جنود بن جلوي اربعة الاف
ورجال العجمان والمره اربعمائه فقط وهو دليل على الشجاعة والاقدام التي لايملكها الا نوادر الرجال
والكثره بالعدد ليست مقياسا في جميع الاحوال 0 قال ابوفهد:


كـم قليل(ن)بالشدايـد يعـزون الذليـل=وكم كثير(ن)ينزل الهـون فـي منزالهـا
وكم قليل(ن)ساعة الضيق يشفون الغليل=وكم كثير(ن)تقصر البيـر دون حبالهـا
وكم قليل(ن)تجدع الشيخ بسيوفه قتيـل=وكم كثير(ن)يطمع النـذل فـي فنجالهـا
الحــوايـم فـي سـمـاهـا نوادرهـا قليـل=ولا حمى كثر الصواصي قتيـل عيالهـا

[فواز الغسلان]

غلطتي يوم احبك ياعنود الشمال



غلطتي يوم احبك ياعـنود الشـمال=دام غصنك ضعيفٍ بالهبايب يميل
ليتني سـقـت رجلي بالطريق العـدال=لاجل يسلم ضميري من عـذابـن طويل
عفت درب الحـرام ولا لـقـيـت الحــلال=واكـثـر الناس كـتـفـه ما يشيل الثقيل
ماتفـيد الغـواني مع قـوافي طـلال=دام دربـك يسـيـر بسـكـة المـسـتحـيـل
ما نفعـني عـمام ولا فـزع لـي خـوال=يوم شافوا صوابي من عـشيري جليل
ومكسـبي بالمحـبه مدمـعـي يوم سـال=فـوق خـدي وجـسـمٍ قـام يمـشي عليل
ضـاعـت امآل عــمـري بين قـيـلٍ وقـال=لا عـرفـنـا الطـريـق ولا خـذيـنــا دلـيل
وعـقـب بـدر اللـيــالي مايفـيــد الهـلال=وبعـض الاحـبـاب ماله بالخـلايـق بديل
وكيف اجاوب مدامي مافهـمـت السؤال=وكيف اعيش السعاده عقب زين الجديل
ياحـسـايف سهـرنا لاجـل زيـن الـدلال=لا منــامٍ سـعـيــد ولا ظـلال(ن) ظـلـيـل
ولا يفـيـدن مـقـامي بـيـن حـلـم وخـيال=دام سيف المفارق عـنـد وجهي سليل
طـال صـبــري ولا لي بالـمــوده مجـال=ولابقى غير دمـعه يوم حـان الرحـيل
واخـتـصـرت المحبه يافهد في مقال=يلعن العـشـق يـرمـي من يطـبـه ذليل

[فواز الغسلان]

مساجلة الغسلان والتبيناوي





الاشعار غابـت من مبارك ثمان شهور=ولا عـاد نسمـعـها على موجـة الـمذياع
وقالـوا سرى بالذود والطرش والمظهور=غدى البثل بمراحه يجي له ثمان اصواع
وانا خـابره صوب الجوازي يكز سبور=ولاوافـقـن يصبر لـمـا يسكن الذعـذاع
لانـه رحوم الـقـلب والـهـرج بالـغـندور=ولا ينتهي لو ضاع قلبه مع اللي ضاع
وقالوا لـقى روض الـمـها خـايعٍ مـمطور=والاريـام ماتجـــزع لشـوفـه ولا تـرتـاع
نصيبه نهض واصبح يسـافر بلا بسبور=جـمع بسمة الغالي مع الريف بالـمرباع
رجـع له شبابه من طـبـايع شبيه الحور=وشـمـة خـدود اللي مثل ريحة النعناع
ولاعـاد يغلي جـلـسة الـنـاس والجمهور=ولو تنصحه يترك دروب الـمها ماطاع
وانا اليوم جـهزت القـوافي تـقـل طابور=معي بـنـدقٍ طوله تـعـدى ثلاث ابواع
ولاتـعـتـرف فـي سـالـفـة عـنـتـره والثور=ومن ذاق نـيـرانـه لـزومٍ يـعــض الـقـاع
لما تجدع المصيوب يركض بدون شـعـور=مع انه من اول مثل ابازيـد والـقـعـقـاع
سرت رحلته من ديرة الساحره مسحور=بردفٍ مع اللي في طريـقـه تطق اصباع
وانا جـيت لمـبـارك قـبـل طيحته مجـدور=قبل تكتمل عـدة جـروحـه ثـلاث انواع
بها العـنـف والارهاب والغدر والديكور=وهي هـجـمةٍ فيها القـنابل تجيب اشعاع
لان الـقـنــابل تـجـمـع الـنـار والـفـسـفـور=وتلقاه تدخـل في حسابك بدون ايداع
غدى النـسر يمشي بالشـوارع بلامـنـقور=وعـقـب الـمـعـزه قـام يزفـن بدون ايقاع
وكان انـت تـنــوي يامبـارك تطيع الشور=والاشـوار تشـرى يامـبارك ولاتنـبـاع
لو انك تخلي لي دروب المها مشكور=وتـرقـد بـلـيـلك مسـتـريحٍ بـدون اوجـاع

قال الشاعر مبارك طنا التبيناوي:



عسى اللي جعل فواز وجهه يشعشع نور=وعن شوف وجهه قبل ودك تحط شراع
ضحك له زمانه وأضحكه و الزمن عاثور=غدا طير إبن برمان جاب الحنيش بساع
على راس راعيه وروح بدون شعور=يجوض وثوبه مستوي مع رفاع القاع
غدت عجته بالقاع كنه عجاجة مور=وبيبه ومابين المنيه ثلاث أصباع
يعاف الهوا من لامعه قيمة الشابور=ولاني بدار المره اللي كرمهم شاع
مثل علي أبو صالح بعلم الكرم مشهور=جزيل العطا سمح النباء فزعت الملتاع
على ذكر علمه يدله الضايق المقهور=سلايل بني ضرفاس طيب وطويل ذراع
سلامي على الشيخ العضيبه صليب الشور=عددمانبت بالقاع وما يزرع الزراع
تواريخهم بالطيب تبقى زمن وعصور=الأعمار تفنى والشعر والذكر شفاع
هواللي يجيب الهيل والزعفران غمور=هو الشيخ راع الذود ياالجود صيته ذاع
ماهي جيبت الرآوي قنابل فشق وكسور=ومن قبل إبن غسلان ما يملك المقلاع
وأناخابره فواز مايذبح الـعـصـفــور=يهدد عشيره بالقنابل وهو مرتاع
وقبل يستشيرن وأبدل الجهد والمقدور=ونوب يتقعطل لين أحده على المطلاع
وفجأه تغير صار كنه ولد هامور=ولكن لياشافن قباله غدا مرياع
وصل من قطر غازي أبوجعفر المنصور=معه كم قرش ويجسب الناس له مطواع
يشوف النسر يمشي مشي والدواب طيور=ثري ماورى فواز فودن ولامنفاع
غزا بالبنادق والبنادق تبي ناضور=وقلبن مثل قلبي على الكايده بتاع
وذكر بندقٍ له طوله أطول من الماصور=فوق ست أمتار عن نابض الأرجاع
تبي تكحله وأعميتها ياملا الناسور=تبث السوالف تقل طيارة إستطلاع
على عمك اللي علمك تستر المستور=وكم مرةٍ من غرقة النوم لاجلك فاع
خذ العلم يالراوي قليلٍ من المقدور=واذا مانفع عندي ترى مالك الشفاع
أناما أفتش بالذخاير ولا المصرور=ياشافن كبير الجن والجن شوفه ماع
ترى مدمن الغيره نداويه بالصاطور=لياما يزاول راعي البشت والمقناع

[فواز الغسلان]

سبق لي ان انزلت قصيده تعريفيه بقبيلة المره وعندما بلغت ذكر شيخها الفارس الشهير ابن نقادان
قلت بخصوصه:

الرد على استنكار احد المتشدقين




ويوم الصريف اسم النقادان مشهور=شيخٍ من العذبه ضحى الكون مذكور
في كـتـب راويـن الـتـواريـخ مـسطور=من كاتبٍ جــاب الـتــواريخ واملاه
اللي كـسـر فـرسـان شـيـخ الرشيدي=من ضرب اخوصيته سطام العنيدي
هـذا كــــلام فـيــه عـلــم وقـصــيـــدي=والـطـيب يـظـهـر بالـوقــوت العسيراه

وقد استنكر احد الاخوه قولي هذا لكونه لايعرف شيئا عن تواريخ القبائل وكل مالديه مجرد معلومات
عامه بسيطه عن امارة الرشيد من المعلومات التي تعرفها حتى العجائز هنا 0

وقولي هذا يستند الى ماحدث مع الفارس عبدالرحمن النقادان بعد كسره
لسربة ابن رشيد عام 1326ه - 1906م وقوله في قصيدته الشهيره:



شليت ظبيـي والتقيـت المغيره=وفكيت زملي من عيال السناعيس
وابن رشيدٍ مـايـمـثـل بـغـيـره=اقفوا جنوده من طمعهم مفاليـس
كم عقبوا بالمعركه من عقيـره=من خيلهم ومـن العيـال المدابيـس
أنا على(صيته)اذا جات ذيره=آقف واقايس ماقفٍ مابعد قيس
اقود نمرا في نحـى كـل ديـره=معي النشاما فوق حيـلٍ عراميـس
والى التقينـا بالوجيـه الشريـره=انكس الفارس على القاع تنكيس
ربعي هل العادات في كل سيـره=(مرية ) عند الملاقـى مدابيـس
(عذبيـة) يثنـون يـوم الكسيـره=تعرف فعول فروخهم والقرانيـس
ياما عقرنا مـن جـواد ظهيـره=وكم فارس في ملتقى خيلنا ديـس
الجار ما نذخـر عليـه الذخيـره=خشيرنا بالزاد واللبس والكيس
وبـيـوتـنـا للـضـيـف فيهـا ذخيـره=وفيها الدلال وحاميات المحاميـس
وسوالف صدقٍ ولا هي غتيـره=ماهي هروج اهل الوجيه المهاليس

وكونه كسر سربة لامارة الرشيد ليست غريبة ولامستنكره ومن حصل شيئا يستاهله 0
وجميع القبائل والفرسان تنتصر وتهزم ولاغرابة في ذلك 0
وليته قبل الاستنكار قام بالسؤال والاستفسار عن معنى قولي ومستنده التاريخي لكي يستفيد
مني معلومة بالمجان ويضعها مع الدروس السابقه لي والتي اصبح يتشدق بها هنا وهناك وهو لم يكن
يعلم بها سابقا اطلاقا 000

[فواز الغسلان]

مامن ورى عوج النصايب صداقه..

لا باعك اللي بالرخى كان شاريـك=وجار الزمان ونفس الادنين ضاقه
شف كلمة (الهربيد) بجريس تكفيك=يوم الزمان بتالـي العمـر عاقـه
لا صـار بالدنيـا رفيقـك يخليـك=مامن ورى عوج النصايب صداقـه
اصبر ولو بانت مهونـة بناخيـك=واصبح مع العاصوف يومي رواقه
ترى الحليله كان شحـت مخابيـك=تدعيك صوب الشرع تطلب طلاقـه
واللي على غبقة نياقـك يخاويـك=يرميـك لا كثـرت حلايـب نياقـه
وتلقى الرفيق اللي بدربك يباريـك=يرسل هروجه بالـردى والحماقـه
ولاتشتكي للناس سطـوة مكاويـك=دام اكثـر الدانيـن يخفـي نفاقـه
وماراح تكشف نية اللـي يحاكيـك=لين الزمان الشين يبـدى شقاقـه
وكان الردى في تالي الوقت خافيك=الله يعينـك مـن مساطـي فلاقـه
وياوقت ليش اشكي مغثة بلاويـك=والبوق دام اهـل المشاريـه باقـه
ولاني من اللي بالمرابـح يراجيـك=ما كل من يرجـي هداويـك ذاقـه
كم ليلة دجت الخلا فـي مساريـك=والباب تصفـق بالهبايـب حلاقـه
ماخفت وسط الليل لجة ضواريـك=مثل الذي لاخـاف يكثـر شهاقـه
وماراح تاطى واحدٍ كـان واطيـك=ويصبر على الكايـد بليـا رفاقـه
ولاراح نخضع بالردى تحت اياديك=ولاني من اللي عند غيـره علاقـه
وان خاب وجه اللي من القيد ناخيك=فاللي نخانـي فـك عقـدة وثاقـه
واللي نصاني مارجع مثل ناصيـك=وبعض العرب ماله على الثقل طاقه
اللي غذاني ماغدى مثـل غاذيـك=وشوقك لدرب الطيب غير اشتياقـه
ياللي عطيت اهل المكارم علابيـك=وشانت هروجك عقب هرج اللباقـه
انـا اشهـد ان قلوبنـا ماتدانيـك=وطبيعتك ماهـي لقلبـي عشاقـه
مااريد توقيعـك وزينـة جناسيـك=ولا اريد من كفك جـواز وبطاقـه
يوم انكشف طبعك وبانت مماشيـك=ليتي مكنت الشوط قبـل انطلاقـه
واللي تجيبه للمجالـس مصاريـك=ترى الغنيمه لاحصـل لـك فراقـه

[فواز الغسلان]

بس العرب تستر همومه بالملابس والهدوم ..

كتم الهواجس يافهد يضغط على القلب الكتوم=وهذا الذي يصدر على روح الجـريـح اعـدامها
وآفة طريق اهل الفخر والمرجله ضعف العزوم=وكـثر الامـاني تـغـرق الـسـابـح بمـوج احلامـها
وزمل الـمحامل لو تزود اثقـالـها تقوى تقوم=وبعض العرب لاسارت الـنـاقـه يعوق خـطامـها
ولو تكشف صدور البشر تلـقـى المغثـه والهموم=وسط القلوب اللي سرت تطرد سراب اوهامها
لو كان لهموم العرب مكتب لتسديد الرسوم=ضاع الورق بالطبع والتغليف قبل اتمامها
بس العرب تستـر غثـاها بالـملابس والهدوم=وتـرمـي مـغـثـــة لـيـلـهـا بكـتـوف حـلـم ايـامـها
ومايرتضي درب الـمهونه والردى غـير الرخوم=اللي يـهاب المرجله لا شاف زود اسوامـها
ومايدرك الطولات من يكره لواهيب السموم=ومن هاب نيران الـظـمـا ماطاق فرض صيامها
واللي زبن عند القسى ذبـاحـة الوضحا الردوم=يلقى الذي يقبس على الشدات سلك ألـغـامها
مثل المرضف وابن هندي وابن ناحل والفغوم=والا فـهـد شـيـخ الـزمـيـل اللي يـضـف ايتامها
وامثالهم بين الشيوخ اللي عن الـذله تشوم=نقـوة شيـوخٍ بالـشـدايد ماتطـيـح عـظـامها
اللي سمـعـنـا طـيـب اهـلـهـم في قديمات العلوم=وتدرا ملامة واحـدن وسط المجـالس لامها
وش عاد لو جور الليالي بالعرب هان القروم=وقـدم على الروس الشوامخ بالعرب خـدامها
اللي يـبي يلـعـب مدافـع مايـبـي قـلـب الهجـوم=ومافـاد عـرش الـمـلك حـافـظـهـا ولا صـدامها
والـحـمـد لـلـي عـزنـا بالـديـن والـقلب الرحوم=وطيب توارث من خوال عـيـالـنـا واعـمـامها
حتى كـروت المرجـله لـو شـالـهـا طـيـرن يحوم=تلقى بنا اللي حازها قبله وشال ارقامها
في ديرة اهل المرجله والطيب وكبار الحلوم=اصغرهم اللي يدرك امـجاد الفخر لارامها
بجبال أجأ وخشوم سلمى ماكر الطير الصروم=ترسخ تواريخ الندى الهاطل رسوخ اهرامها
امجادها قبل الجـيـوش وقـبـل تطويع الخـصـوم=من عهد حـاتـم قـبـل كـسـراها وقبل اروامها
تجمع مفاخر نسل وايل والشهامه بالبقوم=وفزعة عتيبه والشجاعه للعرب في يامها
واسم الـعـروبـه ما يـعـزك بالخصوص وبالعموم=مافاد يثرب واهل يثرب قبل عز اسلامها
لو طال درب الكذب والتزوير لايمكن يدوم=او طهبلت بعض العرب للناس عبر اعلامها
لو تجلبه للسوق ماتلقى الزبون اللي يسوم=مـالـه قـبــول فـي عـقــول الـعــاقـلـه وافـــهـامـها
ولايـنـفـع الـسـهـران مـقـعـاده تحـت نور النجوم=او لـيـلة(ن) بشباط راحت لذته مانامها
كيف اقتلب سير الزمان وصورة الرجل الظلوم=اصبح هو المظلوم عند اللي تصوغ افلامها
اقـدامـنـا بـالـقـاع لـكـن روسـنــا فــوق الـغـيـوم=وارواحنا ماتشـتـكـي ثـقـل الـدهـر لـو ضامها
تشابهت قـاعـة سـفـرنـا وسط صـالات الـقدوم=مـثــل اشـتـبـاه الـعــام هـذا مـع قــديــم اعــوامـها
نمشي تحـت حـر الـقــوايـل بـالـفــيــافـي والحـزوم=وهذي مـقـاديـر تـسـيـر الـنـاس تحـت احـكامـها
ترميك مكتوف الايادي داخل الموج اللطوم=وتعطيك بأمواجه قـسـيـمـه لاجل ربـط حزامـها

[فواز الغسلان]

من فقد كيس الدراهم كشف حقايقه




واوجـودي وجــد رجـلٍ سجينٍ بالوثاق=ولو يزيـن الـنـوم بالـبرد ماهـو ذايـقـه
شاف روحه عصر الاثنين للمذبح يساق=الـقـدم يشكي قـيـوده وروحـه ضايقه
السلاسل في كفوفه غليـظـات الحلاق=والـمـشايخ بالجـزاء صدقـوا وثايقه
كلما راعى يـمـينه لـقـى العالم سباق=روحـهم في شوف ذبح الخلايق تايقه
وان نظر يسراه ثارت لواهيب الفراق=يوم سالت دمعة الحزن من رفايقه
واقف وقـفة زعيم مسك ملك العراق=عقب ماطاحت جـيوشه بخـطـه فايقه
مادرى ان الناس فيها الخـيانـه والنفاق=ذاك يشكي من جـحوده والاخـر بايقه
للمـصالح مثل الافـراس عند الانطلاق=ومن فقد كـيـس الدراهم كشف حـقايقه
مثل حالي في جـحـيـمٍ لـهـيـبـه مايـطـاق=وسط جـوفٍ يشكي الويل من حرايقه
نار هـجر ونار وحـده وغربه واشتياق=مع جـفـافٍ بالـمـشاعر حـمـس حدايقه
من غـزال ناعـم الـعـود رويـانٍ دقاق=يفـضـحــه بين الـغـنـادير ردف عايقه
من لمح ثوبٍ على الردف في ممشاه ضاق=صار مايـفـرق ثوانـيــه عن دقــايـقه
ارتجي ريـف المواصـل وهـمـسات العناق=واصبحت طـيـرٍ حـكـيـرٍ رمـوا عـلايـقه
وخـابـرٍ لاصـار بـيـن الـمـوالـيــف اتـفـاق=فـالـقطـيـعه بين الاحـباب ماهي لايـقـه
لو هـقـيـت ان الهواوي عن احبابه يعاق=لـيش اجـيـبـه صوب روحٍ بدونه رايقه

[فواز الغسلان]

اشتهرت القصيدة الحربيه الشهيره للشاعر غانم بن علي بن مشرف اللميع من الدهامشه من عنزه والتي اثارت حربا
داخلية بين الدهامشه بزعامة شيخهم محمد بن مجلاد الملقب (سعران) وبين الشيخ محروت بن هذال (ابوزبن)
بسبب قوتها واثارتها وكان الشيخ محروت بن هذال حمى (حامر) وهو مكان في العراق ومنع نزول احد فيه سوى
الصقور والجبل وهم جماعته المقربين فغضب غانم اللميع واثار شيخه سعران بهذه القصيده وفعلا تقدم بهم سعران وهزم
ابن هذال ونزلوا حامر ذلك العام 0
ودائما يتم السؤال عنها من عوام الناس لشهرة بعض ابياتها وانتشارها في جميع نواحي القبائل
العربيه ولذلك سوف اوردها كامله لكي تتم الفائده حيث قال اللميع:

الوعد وان سيل الله كل وادي ..

ساهر بالليل ما جاني انوادي=من ظلايم شيخ جراهن علينا
صبرنا ما يصبره كود المهادي=رافيٍ خـمـلة قصيره له سنينا
يوم شاف الجار بالنسوان عادي=حزب النسوان عن علمٍ يبينا
يا بو زبن منت مع درب القوادي=لك سنينٍ مسملات مبتلينا
ادري انك شيخ واعلومك بعادي=بس حنا مانبيك ولاتبينا
تبي تجري شيء ماهو قبل قادي=ما ذكر في وقت أهلنا الاولينا
هات ابن ياسين وربوع الرمادي=وجب اجنودك كان قلبك مشتهينا
لو تلمه من غثيثين البوادي=ما نطيعك والموازر في ايدينا
ما نطيع اللي يجينا بالعنادي=ولطمة الفسقان ما تشكل علينا
أنشد اللي جاء لهم بالقوم عادي=وش جرا من ضرب عطبين اليمينا
يوم جيتوا مثل عمدان الجرادي=وطار كل الصيد يوم إنا مشينا
يوم لحق الضرب مصقول الهنادي=طاح ما به روح من حنا ولينا
كن جدع الروس تجديع الهوادي=حنظل تحاذفوا به جاهلينا
نسمع اللي قيل بهروج المعادي=غير نسكت كن حنا ما درينا
كيف ديرتنا تحط ابها الحدادي=وبالشمال اخرى تحرمها علينا
قول عنتر صدق ما غيره وكادي=فاتن الاربع وحنا صابرينا
الوعد وإن سيل الله كل وادي=حرمة اليسرا ترى الممشا يمينا
كان حامر سال من حد الحمادي=تبي سيله لك وحنا ما يجينا
مرتع الفطر عريضات النوادي=يرتعنه وابو من يزعل لعينا
يرتعنه كل وضحا بأستنادي=يرتعن القفر والخافي يبينا
وان تهيأ لقوتك حسن المرادي=يتلف التالف وتصفي من حدينا
حكم خالقنا ولا حكم العبادي=نبي حكم الله ولا حكمك علينا

[فواز الغسلان]

اللي خصمه القاضي او الحاكم او الهامور ..



علاج الروح مايشـفي جروحٍ بالـضـمـير وساع=الا ياويل من يرجي عـلاجـه من حـمـام الدور
بصدري هاجسٍ ينزل على القلب الكتوم انواع=وظلـم اللي طـفـى نوره وغادر من شـهر عاشور
عـيـون الـلـي رعـى تـال النهار بفـيضة المرباع=اذا شاف العرب حوله وراغ عن العرب مذيور
يـفــوح الجـسـم بـعـطـور تشادي ريحـة النـعـناع=ومـمـزوجٍ بـريـح الـمـسك والعـنـبر مع الـكافـور
اذا هاجـت بـي الـذكـرى ونـيرانـه خـفـوقي ماع=وثـارت بالحـشـى نـارٍ تـشـادي جـمــرة الـتـنـور
رجـيته بس جـور الوقت بحبال المها ماطاع=وحكم الغيب في لوح عن عيون البشر مستور
وليت العين ماشـافـت ظـعـونـه عـدت المطلاع=وغـادر مـدرج احـبــابــه بـلا فـيـزه ولا باسبور
واخبر الخـافـق الـوافـي يـجـي لك مايريد اقـناع=ولايـحـتــاج لـه فـتــوى ولا شـرطـه ولا مامـور
واذا كان الـهـوى الـتــالـي يـخـلـيـني تقل مرياع=اقول انـي عـلـى درب الـمراجل والندى مفـطور
مع اني هـاديٍ بالـهـرج ماعـندي جـفاف اطباع=ولا ني مثل من يصـبـح عـلـى الحرمه مثل تيمور
واقـول ان الـذي يـرعـد ويـبـرق كـنـه القـعقاع =يـجـربـهـا عـلـى رجــلٍ كـفــوفــه كـنـهـا سـاطـور
رمعـنا رمعةٍ خـابـت ولا جـت لـي على المرماع=وبعـض الناس ماتفرق طبوعـه عن بنات الحور
ربـوع الـعـام باعـونـي وبعض الناس مايـنـباع=وبعـض الناس لو بـعـتـه رخـيص بالعرب معذور
ولكـن الـذي مـسـراه مايـاصـل ثـلاث ابـواع=مـهـو مثـل الـذي تقـطــع ذلولـه نـقـرة الخـابـور
لك الله لو طـيـور الصـيـد بالـفـرسه مثل هزاع=فلا شـفـت الـذي يـنـقـل بـمـقـناصه ثمان صقور
واذا ماشـفـت بالدانـيـن في وقـت القسى فـزاع=ولا ياقف معك باللعب داعم ولا جمهور
جلوسك بـيـنـهـم مـالـه بـمـيـزان الـعـقول اسناع=ولا انت بـنـفـعهم صايب ولا مقدي ولا ماجور
ترى ماتـنـفـعـك يـمـنـاك لو كانت بدون اصباع=وسقف البيت تحت الـثـقـل مايرسي بلا كاسور
ولولا سيف اخو رثعه لمضـروس الـعرب مقلاع=لك الـلـه ماتـهـاب الـنـاس لاناصـر ولا مـنـصـور
ولايحـمـي حـلال الـقوم سـيـف الخـايـف المرتاع=لو ان السيف له صيتٍ بذبحـات العدى مشهور
ولو اني باذر زرعي على جال النهر ماضاع=ولا قمت ارتجي زرعٍ بقيعان العطش مبذور
اخبر الناس ماتبذر زروعه في ملاح القاع=وقلت القاع نسقيها من الـفـوسـفـات والفـسفور
مدام السفن فـوق الـموج ممشاها بـدون شراع=وقسنا الـضـغـط والـسـكـر بـغـرفـتــنــا بـلا دكـتـور
وصار الربح والـمـحـصول ماياصل ثمان اصواع=ولا يكـفـي مخاسيري وجـهـدي من ثمان شهور
واخبر الربح والمكسب هـوى الشاري مع البياع=وراع الذود قـطـعـانـه تريد الوادي الممطور
واثـاريـنــي وراء مـزنٍ شـعــاع بـروقــهـا خــداع=ومن يـتـلـي بروق الصيف طاح بعـنة المجدور
الا ياطـول لـيـل اللي نصـيـبـه من عـشـاه كـراع=او اللي خـصـمـه الـقـاضـي او الـحـاكم اوالهامـور
او اللي يرتـجي يظهر على الـشـاشـات والـمـذياع=وعـند الـنـسـر وش يلـقـى كـسـير الـنـاب والمنقور
وانا ماصرت مع هـرجــة نـواصـيـح العرب مطواع=وطحت اليوم في قـصـة شجـاعـة عـنتره والثور
وهذا حق من يسمع ويبصر بس ماينصاع=وجـاه الشور لكنه عنيدٍ ما يطيع الشور
وطـاوع شاعرن قال الـشـمـالي مايضـيق بساع=يظن ان الدجى دايم يـجـي بعده شـعاع النور
واقول ان الشمالي ضـاق مع نصف وثلاث ارباع=وصار اليوم بالـضـيـقه وعـاصوف الغـضب مجـبور
ومن يرجي من العالـم طـعامه بالتوالي جاع=وطبع الناس مـجـبـولٍ على الـغـيره وكـثر الجور
ورزقي من كـفـوف اللي يسوق المزن بالذعـذاع=هو اللي كافـلٍ رزق العباد ولافـح العـصـفور

[فواز الغسلان]

(( من روائع اخلاق العرب ))


اقامت قبيلة الروسان من عتيبة على منهل (شرمه ) وكان اميرهم في ذلك الوقت الشيخ حسين بن جامع وقد جاورهم على ذلك المنهل الشيخ قاسي بن عضيب القحطاني وجماعته وكان السلب والنهب قائم بين القبائل في ذلك الحين 00
فأغير على الجميع وحصلت معركه كان من نتائجها كسر ساق قاسي بن عضيب
فبقى لدى الروسان كسير الساق مدة تسعين يوما والروسان يعالجونه ويحتفون به اذ يذبحون له كل
يوم خروفا وينقلونه من مكان لاخر بين ايديهم وعندما شفي ابن عضيب واراد ان يذهب الى قومه
جمع له الروسان ابلا عوض عن الابل التي افتقدها اثناء المعركة وراح ابن عضيب تاركن هذه الابيات :


والله لولا الربع والربع نيه=ماينزعج مظهورنا حادريني
والله يافرقا حسين عليه=الا انها ظلما من الظالميني
ودي بهم لو كان قوم لظيه=احبهم حيث انهم طيبيني


ودارت الايام دوراتها واغار قوم من قحطان على قبيلة الروسان فأخذوا منهم ابلا فلما علم الشيخ قاسي
ابن عضيب بالحادثه سعى في رد الابل للروسان من جماعته القحاطين وفعلا تم استرجاعها لتسليمها
للروسان بواسطة ابن عضيب وبقى لدى قحطان ناقه واحده لشخص يدعى العو هلي من الروسان
لم يهتد ابن عضيب اليها في حينها غير انه اهتدى اليها فيما بعد وبعث بها لصاحبها العوهلي ومعها هذه الابيات :


ابشر بها يالعوهلي جات مداه =غفل ولا جرت عليها الوسومي
لا تحسبن مقطان شرمه نسيناه=والا نسينا طيبات العلومي
تسعين ليله كل ليله على شاه=والساق مابين العواد محزومي
انتم هل المعروف والطيب نجزاه=نجزا العلوم الطيبه بالسلومي
تستاهلون المدح يوم المثاراه=واخص اخو نوره قوي العزومي
يوم الملاقا واضح ضرب شلفاه=على العدو والا الرفيق محشومي
حسين ابن جامع ترى العلم ينصاه=شيخ شجاع ومن رجال قرومي
وربعه هل البلها صناديد ودهاه=ان جا نهار فيه حظ يقومي
قصيرهم في عالي العز تلقاه=مصيون عن لفح الهوا والسمومي
والجود منهم لو جزيناه بثناه=وحنا وفينا باتباع الرسومي


وقد وضعتها في المرتبه (13) في موسوعة التاريخ والادب وقلت:


ثالث عشر للـعـوهـلــي مع جـريـحـه=تـســعــيــن يـوم وكـل يـــوم ذبـيــحـه
من لابة(ن)بالطيب ماهي شـحيحه=وعادة عتيبه ينقلون الثقيلاه

[فواز الغسلان]

الألغاز..غرض من أغراض الشعر المتعددة وقد طرقة الشعراء منذ القدم والشواهد كثيرة
على ذلك وقد نضمة الشعراء لعدة أسباب منها على سبيل المثال :-

1- لكي يبين الشاعر مقدرتة الشعرية في الوصف والصياغة والتورية 0
2- ينظمة الشاعر لتعجيز المستمع وأشعال المنافسة مع الشعراء والمستمعين0
3- وكذلك يطرقة الشعراء للتسلية والمسامرة في المجالس وهذاجيد لأبعاد المجالس
عن لغو الكلام مثل الغيبة والنميمة وكذلك لتنمية المهارات العقلية والذهنية 0

وكان من اشهر الذين وصفوا بسرعة معرفة جواب اللغز شخص يسكن في بلدة موقق غرب حائل 60 كم وهو محمد بن كريديس 00

ومن القصص عنه في ذلك انه جلس احد شيوخ قبيلة عنزه من بطون عنزه التي تقيم غرب حائل ولاادري حقيقة ايهم بالضبط وذكروا عنده الالغاز وقال
احد الجلوس لايوجد انسان اسرع من محمد الكريديس من اهل موقق
بحل اللغز فزاد الكلام فيما بينهم عنه فقال ابن هذال سووا لغز ومن استطاع تعجيز بن كريديس سوف
اعطيه ناقه فقام بنظم اللغز عنيزان الحسيني الشمري وارسلوه مع مرسول ويقول اللغز :


الا ياراكبن من فوق وجنى=من العيرات مومية الحبالي
ودربك يالمعنى بس يوم=وحذرا من مرقعة النعالي
ترى منصاك لمحمد عشيري=ربيع الضيف كان الزاد غالي
وقل ننشدك عن بنتٍ مليحه=هنوفٍ عندك اغلى من عيالي
ونبي ننشد عن انثى للعموم=للطرقي وسكان الخوالي
ونبي ننشدك عن رجلٍ شهير=تسوق بنظرته كل الحلالي

وعندما وصل اللغز له جاوب وهو واقف على الباب قائلا:



الياجيتوا عنيزانٍ عشيري=عزيز الجار ممدوح الخوالي
وقل تسألني عن انثى مليحه=عرفت اللغز كان انك تسالي
تراه العافيه ياريف ربعه=كما ان العافيه ماله مثالي
وتسألني عن انثى للعموم=عرفت الغطو من ساعة لفا لي
هذيك النار معروفٍ سناها=سناها بالحطب يشعل اشعالي
جمايلها على الطرقي كثار=وهل العيرات لاهبت شمالي
وتسالني عن رجلن شهير=تسوق بنظرته كل الحلالي
هذاك الماء غدير ووسط بير=حليف الروح هذاك الزلالي
ترى لولاه ماشفت الضروع=وكل النبت دقه والجلالي
عرفت الغطو ماني وصف دحش=من اللي مـمـتـلـي جلده هبالي


وفعلا حلهن وهو واقف على الباب فهذا مفتاح الالغاز بزمانه00
بل هناك من الناس من لايستطيع النوم اذا عجز عن حل اللغز لاسيما اذا كان فيه نوع من التحدي
مع ناظم اللغز وهناك من يسافر للحصول على حله 0
والحقيقه اني لست ممن يفكر كثيرا بالالغاز بل واعتبر ضعيفا في حلها جدا وان كنت اجيد صياغتها
بشكل مذهل وقوي يصعب حله بسهوله 0
وبالجمله فالشخص اذا كان يستطيع استغلال وقته بشي ثمين ومفيد فهذا افضل من تضييعه بالالغاز
واذا لم يكن ذلك فالالغاز تفيده اكثر من غيرها لاسيما بعض الكلام الذي فيه ضرر عليه 0

وكان في قبيلة ال مرة عدة اشخاص يعرفون بهذه الميزة الرائعه ومن اشهرهم
في ذلك الشاعر جهويل النابتي الشهير والذي كان بارعا في ذلك بشكل يلفت الانتباه مثلما فعل عندما
قال له احد اصدقائه وهو الشاعر ردام الثابتي الشمري ابياتا حاول من خلالها اختبار الشاعر جهويل النابتي
بلغز رائع ووجيه في وصفه له عندما قال:


انشدك عن بنت تسوي تهاويل=مطلاعها من راس قايد جماعه
مطلاعها تطلع على مطلع سهيل=ولها على تالي الربيع انقطاعه
تنزل بدار مابها لي منازيل=ومابي على المنزال حيل وبراعه

وبدلا من ان يعطيه جهويل الجواب قام جهويل بنظم اللغز بطريقة اخرى لكي يعلم ردام الشمري
انه يعرف الجواب بل ويصوغه بطريقة مغايره لصياغة ردام فقال جهويل انا لم اعرف الجواب ولكني
سوف اعطيك لغزا بدلا عنه فقال:


ردام كل الناس تعرف لغاها=وتعرف معاني نطقها بالاسامي
انشدك عن بنت قريب مداها=تطلع اليا هبت ليال النسامي
صعب نميز ضحكها من بكاها=وبالقيظ تلقاها قليلة كلامي

وكان ردام الشمري يقصد بلغزه( هدارة الجمل ) ولغز جهويل ايضا يقصد هدارة الجمل وانما صاغ اللغز
بطريقة مغايره وهذا دليل الذكاء والفطنه والبراعه الشعريه عند جهويل النابتي رحمه الله 00

[فواز الغسلان]

بأمان الله في قلب حزين وخاطر مكسور ..


بأمان الله في قلبٍ حزين وخاطرٍ مكسور=بأمان الله ياجرح الخفوق وبلسم جروحه
بأمان الله واعـذرني تراني بالجفى معذور=لو ان الروح في فـرقـى الحـبـايـب غير مسموحه
بأمان الله والـهـجـران فـي دنـيـاء الهوى مشـهور=لهيب الـنـار فـي روحٍ تـريـدك يـابـعـد روحـه
رحلت بليلةٍ ظلماء قبل يبدى شعاع النور=رحـيـلٍ ســد بـيــبــان عـلـيـهـا الـكـبـد مـشـفـوحه
حملت بخـافـقي جرحٍ عن عيون العرب مستور=والا ياكثر من يضـحـك وروحه شبه مذبوحه
اذا زادت جروح الروح مزبانه بروس القور=يـبـي يـرتـاح من غـثــة كلام الناس وشروحه
حدى روحي على الـفـرقـى طعون المهزله والجور=وصبر الروح تحـت الجـور مدري ويش مربوحه
مشيت بسـهـلـةٍ يجدع لهيبه راعي المظهور=ولا داجت مضاميها نجوع البدو وسروحه
لهيب الشـمـس بالجــوزاء تقول انه لهب دافور=واذا قامت رماح الشمس كن النار مقدوحه
قنيب الذيب وسط الليل يقطع ظلمة الديجور=عوى يشكي جحـيم الجـوع فوق الـظـلع وسفوحه
مثل حالي عقب فرقى عيونك ياشبيه الحور=وشفت الناس تنشدني تقول الحال وش نوحه
وقلت العوق من كوني فقدت اللي تنير الدور=وشفت القفل بأبوابٍ هقيته دوم مفتوحه
تركته صوب من نادى كليمه في جبال الطور=هو اللي كاتب رزقي ورزق الخلق في لوحه
ولو رزقـي بحكم الناس شالوا زرعي المبذور=لو ان المزرعه فيها بنود الزرع مفسوحه
عسى ربي يعين اللي على طيبه يشيد جسور=بصدره خافقٍ يغلي قصور الطيب وصروحه
وتجـمـعـني مقاديري واطالع شعرها الـمـنـثـور=وتطفي بالحشى جـمرة غرامٍ كايدٍ فوحه
هو القادر يعيد اركان قصر احلامنا المهجور=ويرحم من فقد لذة هوى المحبوب ومزوحه

[فواز الغسلان]

شد انتباه الناس في الثمانينات من القرن المنصرم بروز المساجله التي حدثت بين الشاعر
عبيسان الحميدي المطيري وفهد الازيمع المطيري والتي ابتدأها عبيسان عندما قال:

مساجله عبيسان والازيمع ..



ياراكب اللي يوم حرك مـن الشـق=غـادٍ لخطـه مـن وراه أنشقاقـي
من سرعته راع النظر فيـه ماحـق=أبـداً يشـادي للسهـم بأنطـلاقـي
هافٍ زما صدره عن القـاع مـادق=تلقى لعجـه فـى سمـاه أعتلاقـي
عليه من شد العلـم شكـل ورنـق=مثـل الآهلـه والنّجـم بالطـواقـي
بالله يالسـواق حـده ولـه ســق=وعنـد الأزيمـع وقفـه بالرفاقـي
هات القلم وزروف والحبـر وورق=نكتـب كـلامٍ قايـلـه بشتيـاقـي
للشاعـر اللـي بالمثايـل تعـمـق=مثايلـه لأهـل المعانـي غمـاقـي
خذ له سـلام وسطـه القيـل مرفـق=بكلامٍ أحلـى مـن حليـب النياقـي
خـذ الكتـاب ووصلـه لابـو مطلـق=عسـاك تسلـم بالسفـر ماتعاقـي
عسـاك يالمنـدوب بأمـرك توفـق=وعسا السلامه والسعد لـك رفاقـي
لاجيت بيتٍ فيه مـن يعطـي الحـق=يعطيـك حقـك مايبقـي بـواقـي
بيتٍ على الشارع ولا هـو بمغلـق=لهل الصخى والطيب فيـه أحتقاقـي
فى ديـرةٍ عنـه الشـوارع تفـرق=متوضـحٍ ياعنـك ماهـو بتـاقـي
أن واجهك راعيـه بالحـرم طلـق=بالحـرم والا بالـثـلاث الطـلاقـي
ساعـة تقهـوى والذبيحـة تعلـق=وعودٍ أزرق ساعة تقهوى يساقـي
وفوق الذبيحة صـب سمـنٍ تدفـق=بصينيـةٍ تنقـل بسـت الحـلاقـي
كمـل مواجيبـه وقــام يتلـبـق=بكـلام للضيفـان حلـو ٍ رقـاقـي
ماهو من اللى عارفٍ كيـف ينسـق=متعلـمٍ عقـب السـلام النسـاقـي
مـارث كـرامٍ بالمواجيـب تسبـق=ناسٍ على الماجـوب دايـم سباقـي
أشكـي عليـك أيـام وقـتٍ تغلـق=عسـرٍ مداخيلـه قـوي الغـلاقـي
الحق يضعف به ويعـلا بـه العـق=أستاسـع الباطـل وكثـر النفاقـي
هل كيف فيه الوالـد البـار ينطـق=توخـذ حقوقـه وأن تكلـم يعاقـي
محدٍ فطـن بالوقـت هـذا وبـرق=أشوف وقـت اليـوم مـر المذاقـي
ناسٍ على الباطـل دوامـاً توافـق=بمجالـسٍ فيهـا يسـوا أتفـاقـي
ليا شافـوا اللـى بالنميمـه ينقنـق=حطـوه بالمجلـس رفيـع المراقـي
واللى علـى مشروعهـم مايوافـق=هـذاك لا شافـوه زادوا حمـاقـي
وقتي محرقنـي وصـدري تحـرق=غـادٍ ضميـري يافهـد كالحراقـي
من واحدٍ شفـقٍ لشوفـه ومشفـق=خلا على كبـدي سـواة العراقـي
يشدي شعاع الشمس خده اليا أشرق=ليا أنتشر فـوق الفضـا بأشتراقـي
ماشيف وسط السوق يـوم يتسـوق=ولاهي مـن اللـي لتفـرج شفاقـي
عوده كمـا البـردي ليـانٍ ليادنـق=ينعم على شـط العـرب بالعراقـي
طغى وصارت لـه جماميـر وسـوّق=من كثر ماتفجّـر عليـه السواقـي
حبـه بقلبـي يالأزيـمـع تغـمـق=وأصبحت من حب أريش العين شاقي
وشحيلتـك باللـي بحبـه تـغـرق=ماعاد يطلع مـن بحـور الغراقـي
رد المثـل عجـلٍ وبالـك تـوهـق=تراك مـن نـاسٍ عقولـه وثاقـي
العب على المعنـى وبالـك تسـرق=أحذر تسلـف أو تجيبـه أسراقـي
وصلوا عدد مايخضر القـاع ودبـق=من مزنـةٍ تمطـر مطرهـا حقاقـي
وعداد زهرٍ كمـل الحسـب وأفلـق=على شفيـع الخلـق يـوم التلاقـي

وكان رد فهد الازيمع عليه كالتالي:


ياراكب اللـى دون جنحـان يطلـق=يسـوق نفسـه بالسمـا مايساقـي
مامحشـو بّديـه بلمـاع وأخـرق=أسبق من اللـى يرسلـن البراقـي
يصلح لـرواد الفضـا يـوم حلـق=تصميـم صـاروخ ٍ طويـلٍ دقاقـي
ساعـة بدابـه لازمـي ماتـعـوق=يدي مـرد أبيـات غالـي رفاقـي
من مهجتي مكتوب بالحبـر الأزرق=مابه سلف والشعـر ماهـو يباقـي
وأن شاب قافٍ عن هل الشعر غلق=شعري يزود ووارثـه مـن عماقـي
قال الذي فى صفحـة القيـل حقـق=يقرا ويضحك وأكثـر الخـط باقـي
أشتاق بالي له وأبا أجـزاه محتـق=ترحيـب مضهـودٍ حـداه الفراقـي
بأبنه على بابه وهـو مـادرا طـق=هّـلا ورحـب وأنهمـك بالشهاقـي
ذا فرحتي به من عبيسان وأشـوق=وهذا وأنا من ماذكـر بـي فلاقـي
صحيـح لابرقـت بالوقـت تزهـق=ماهي مثل هـاك السنيـن العتاقـي
أصبر وعند الله جزا الصبر يطبـق=عسا لكم عن مدبح الوقـت واقـي
وبالزين مالومك ترا الزين يعشّـق=بصري نقض حجه وبعديـن فاقـي
أقصر أخطا رجلك ترا الحر يـدرق=لو شفت مافي بسرت العيـن لاقـي
والمدح زوده للرجل كيـف يلصـق=صينيتـك ماهـي بحـوزة نطاقـي
هاذيـك للجربـا ولاهـي أبتمـرق=مـع بابنـا هذيـك قـدم الرواقـي
نسمع بذكره من جبل طـي شّـرق=شيخٍ غما بيتـه نسيـج الشقاقـي
الكذب مايصلح مع الصـدق يفـرق=يازيـن كلامـك يابعيـد المهاقـي
لعل من جابـك عـن النـار يعتـق=وأنته بعـد مثلـه نهـار المساقـي
فى جاه من خلا البحر غصب يفلـق=قدام موسـى يـوم فرعـون باقـي
وعسى الصداقـه بيننـا ماتشلـق=دايم جديـده ليـن تابـس أرياقـي
عبيسان وشقال الشريفي بالأفـرق= خلك معي وأترك خطـات الهلاقـي
ترى الرجال إبهم كما نبـت بـرّوق=سكبت خضار وهو يجيب السلاقـي
أيضاً وصايفهم بهم صقـر وسمـق=يجي بعضهم عن لزومـك طقاقـي
وأحدٍ كما الحـر النـدواي الأفهـق=لـه ماكـرٍ ماياصلـه كـل راقـي
ليا شاف حفـان المدبيـح الأبـرق=يكفـخ بجنحـانٍ لهـن أصطفاقـي
يجيه من جو السمـا يـوم يشهـق=تاخذ كفوفه مـن جنوبـه شلاقـي
وأحدٍ كما اللى بالمـذاري تمشـرق=يبكيه شرقي الهـوى يـوم أواقـي
تمت وصلوا عد ما الحـى يـرزق=وعداد ما لقـح النخـل بالشقاقـي

[فواز الغسلان]

تاريخ حايل رصيد جاهز كاشه ..




خايلت برقٍ سرى والـروح منداشـه=ضوحه يشادي لميع الماس بفصوصـه
بـطـبـوق غـيـمٍ هـزيـمـه ثـار لـولاشـه=فـيها المخـايل بوبـل المـزن مرصوصـه
كن السحايب عن العاصوف منحاشـه=دامـه بحبل القدر والغيب مقلوصه
مـزنٍ سـيـوله لوجـه القـاع قـشـاشـه=تسقي بحـايل غـريـسٍ يابـسٍ خـوصه
الـبـرق يسبـق رعــودٍ ثــار لـولاشـه=وعيني تشوف الخضار براس برخوصه
حيث ان فيها مقـام الجـود وفـراشـه=ناسن كرمـهـا ملى التاريـخ بقـصـوصـه
افنوا على الطيب ذود المجد وادباشـه=وغاصوا بحور عـسـيرٍ بالقسى غوصه
مع ضيقة الوقت والحاجات وابلاشـه=طيبه تـعـدى هل الهقوات وخروصـه
يوم الردايا بوقـت الـهـوش ما هـاشه=ياتقل كـفـه عن الـطـولات مقروصه
وحايل فـنـى المال والذيدان واكباشـه=ماحاسبوا زودة الـديـنـار ونـقـوصـه
ومن ناش جاله يذوق الـموت لاناشه=ويلقى رمـاة الـردى الـذبـاح وقـنـوصه
يضرب طريق الهلاك بضرب رشاشـه=والا قضى الـعـمـر والرجلين مقصوصـه
كـم طــايـشٍ بالحرايب هاب مطراشـه=وخـلا غـوانـي هل العرضات ورقوصه
ماهي دواويـن مـن يـمـنـاه غـشــاشــه=اللي قـلـمـهـا ظهـر للـنـاس قاروصـه
قامت تفاخر طروز البشت بخياشـه=والطيب ماهو بياض اللبس وشخوصه
بالكذب تلـقــط فـخــر ربعـه بمـنـقاشـه=وعند الحقايق يصيب الراس خابوصـه
واللي بغى الطيب بالفرغات ما حاشه=والمدح محد شرب صافيه بشنوصـه
مايـنـفـع المـيـت طـب النـاس وانعاشـه=وعروق قلبه بحب المـال ممصوصـه
واهـل الـمـراجـل تجـي بالـمدح مهتاشه=ولافاد ناس بشح النفس مجـبـوصه
طيب الجماعه بياض القطن والشاشـه=ربي جعـلها بتاج الطيـب مخصوصـه
يفــرح بـهـم سـاري الظـلمـاء وهتاشـه=عن واحدن ضيفته بالصبـع مبقوصـه
تاريخ حايل ذهـب ساقوه من كاشـه=وامجادها عن هروج الزيف مفحوصه
شربوا قـراح الفخـر مخـتـوم بغـراشـه=وشـيـلـت خويه على المريـخ ملخوصـه
عافوا خرابيش عيش الهون وعشاشـه=قـوم بـقــرب الـردى ماهي بمرخوصـه
قـومٍ نـفـوسـه بـمـوج الـطيب جـيـاشــه=لا شح راع الردى بالديك والصوصه
هــداج وانـعـــم من الديـبـاج وقــماشـه=عـشـوا ذيـابٍ بحبل الجوع متـغـوصـه
مجدٍ وصل حاطـب الدنيـا وحـشاشـه=يشرح قصايد هل الطولات ونصوصه
بالجـود شــلال كالــشــعــال بكــلاشـه=وحجاب لاهل الركاب الحمر من عوصه
ركبوا اصيل الطباع وعـافـوا اكداشـه=وما هـمـهـم سارق التاريخ ولصوصـه
لـولاه كـم عـيـلـةٍ بـالـفـقــر ماعـــاشـه=محـفـوظـةٍ فـي فـلاش المجـد وقـروصه
لا قيل هذي ذياب الجوع نـهـــاشــه=اهـل اللحيسه علاج الجوع وغصوصـه
صكوا على الطيب قفل المجد وابياشـه=وحازوا حبال الندى ودلاه ومحوصه
هــم راحة الجار عـز الـدار واحواشـه=هم مزبن الناس عند الباس ونغوصـه
هـم عسكر الجود وقت الكود واجياشه=هم قادة العزم عند الخصم ومغوصـه
هــم منبع الطيب ناب الذيـب بهـواشـه=شقصه تعدى نصيب الناس وشقوصه
هــم ورد الاكـوان والقـبــطـان والباشـه=لا شان وجه الزمان وبـان ناقوصـه
هـم نور الافـلاك كان اوذاك خـفـاشـه=والـمـتـر ماتـاصـلـه بالـشبر والبوصـه
هــم شـدة الـروع للـمـسـبـوع مخواشـه=لا زاد جـامـح جـيـاد القوم وقحوصـه
بالصيف للضـيــف ماتطلـع بدشـداشـه=وعند الوزى ماجزى المحتاج بنكوصـه
اهل الطويـلات والطولات واقـفـاشـه=والــدار للجار مهــمـا جـار مبحوصـه
ماهي توالف سوالف طـاش ماطاشـه=امجـاد الاجـــواد بالتعداد مبخـوصـه

[فواز الغسلان]

(تاريخ الامير ضاري الفهيد الرشيد تحت المجهر)


كتاب التاريخ الذي يتحدث عن امارة الرشيد وينسب للامير ضاري بن فهيد الرشيد
المتوفى عام 1340ه-1921م والذي املاه وهو على فراش المرض في الهند لاحد
لواحد من اشهر اصحاب دور النشر في لبنان وهو البستاني وطبع في اواخر الثمانينات
من القرن الهجري المنصرم 0


الامير ضاري بن فهيد الرشيد هو قائل القصيده ..





من عـاش بالدنـيـا يشوف العبـايـر=بالحـال يمـزح حـلـوهـا مع مـراره
البـارحـة نـومي عن العيـن ذايــر=والجـفـن سهـرانٍ وينـثـر عـبـاره
وعلى طلوع الشمـس يعطي بشـايـر=لاشك يـوم أصبـح بكـى من نـهـاره
هنـي من وقـتـه على الكيـف دايـر=طـربٍ ومشـتـاقٍ لجـمـع التـجـاره
ماهوب من مثـلي بالأفـكـار حـايـر=ليـلـه بنـيّـان ونـهـاره جـبــاره
العـفـو يا شـيءٍ لجـا بالضمـايـر=يشـدي الـدلـة مـولـعٍ شـب نـاره
لاقـام يوقـدهـا بحـامي السعـايـر=تـقـب كـبـدي قـتـه مـن بـهـاره
بـلاي من قلـبٍ عـن العـذل نـايـر=لاجيـت اعـذلـه قـال مالي بـصـاره
وهو عليّ يـدلـي بامـورٍ كـبـايـر=وعـزي لمـن مثـلـي عـدوه بـداره
ياقلـب...ياقلـب النـدم والخسـايـر=مـا حـيٍ إلا والـدهـر طـق صــاره
اعـرف تـرى مادبّـر الله صـايــر=ودنـيـاٍ ايكفـي عن طـوالـه قصـاره
بـالك تصـافي من يخون السـرايـر=يـودع الى قـفِّـيـت جـلـدك سبـاره
وهو القائل ايضا:


هيـه وش عنـدكم يا أشكـل رجـاجيـلـي=يـا هـل الـعـرف ياحـمّـايـة التـالـي
مـا مـحـنِّـي ولا زوّد غـرابـيــلـي=أوسـبـب ما شطـنّـي أو بـرى حـالـي
كـود مـا يشـدّه الخاطـر من الـميـلـي=شـوف خطـو الـدْهـيّـه صار رجّـالـي
كـل مـن صــار دبٍّ أو مـهـيـبـلـي=أو تسـلـقى وجـاء للـهـرج نـقّـالـي
أو غـدى صـاحـبٍ للقـول والـقـيـلـي=صار مقبـولٍ وهـرجـه عنـدكم غـالـي

والكتاب المطبوع الان والذي يباع في المكتبات وينسب للامير ضاري الفهيد تحت عنوان(نبذه تاريخيه عن نجد)
والذي اطلعت عليه منذ فترة بعيدة وشعرت بفتور شديد تجاهه وعدم قبول واعتماد على معلوماته لعدة اسباب واهمها:

1- ان بين طباعته ووفاة صاحبه اكثر من اربعين عاما تقريبا ومن المعلوم ان الكتاب اذا لم يشرف عليه مؤلفه
او احد ابنائه فلا يمكن الوثوق به في كل حال 0

2- ان الذي نقله وقام بذلك كله هو البستاني وهو تاجر من اصحاب دور النشر التي تسعى للربح والكسب اكثر
من اهتمامها بالناحية التاريخية 0

3- اني وجدته لايحتوي شيئا من التواريخ والاحداث الحساسة فعلا في تلك الفتره وجميع مايحتويه عبارة عن عناوين
عريضة يعرفها المبتدئون في مجال التاريخ 0

4- انه طبع في فترة حساسة لاتخفى على الجميع 0

وزاد شكي فيه بعد ان سمعت المؤرخ الدكتور العثيمين يقول في احدى المقابلات انه اطلع على الاساس لهذا الكتاب
وانه اكثر من المطبوع ثلاث مرات 0 اي ان المطبوع منه لايزيد عن الثلث فقط 0

وفيه احداث اثبتت الوثائق التاريخية والحقائق المحفوظة في الاشعار الشعبية التي قيلت في تلك الفتره
وعلى سبيل المثال ذكر ان مناخ ظفره وقع قبل امارة عبدالله بن رشيد بعام واحد فقط ولم يتكلم عن
قائد جموع شمر في تلك الموقعة الشهيره والذي ذكره مبيريك التبيناوي في قوله:


يتلون ابن سلطان راي وتصريـف=ماسال عن كثـر الخسايـر الياقـام
خـيالـنـا اللي موالف للـزعـانـيـف=مداوي سـقــام للمـنـاعيـر سطـام
من جـيته لديارنا جـاء لهن عيـف=مثل الحباري من شبى الحر خـرام
مبري نحست الجوع في جية الضيف=خلا شرايدكم هـجـيـجه اليـا الشـام


وابن سلطان هو الشيخ فهد بن سلطان بن مطلق الجربا 0
فقد جاء في كتاب(تاريخ ال محمد الجربا وقبيلة شمر في نجد والجزيره)ص144-145 قال:

(في حدود عام 1824م-1239ه قام فهد بن سلطان بن مطلق الجربا بقتل بن عمه ظاهر بن فارس
الجربا بسبب خلاف عائلي ومعه صديق له يقال له مزعل ثم نزح الى جبل شمر وشارك الدغيرات
ومن معها من شمر ضد العواجيه من عنزه في ظفره وكانت بقيادة الشيخ فهد بن سلطان الجربا) 00انتهى
ومن الواضح ان تاريخ قدومه كان قبل قيام امارة الرشيد بعشرة اعوام تقريبا مع الاجماع انه لم يبقى في نجد
سوى عام واحد فقط وبعدها تم تعديل الامور بخصوص الثأر وارتحل راجعا الى الجزيره 00

ولذلك استطيع القول ان هذا الكتاب لايمكن الاعتماد عليه كمصدر من مصادر تاريخ امارة الرشيد لعدم الوثوق بسلامته
من العبث ولعدم احتوائه على الاحداث المفصلية والمؤثرة في امارة الرشيد للاسباب التي سبق ذكرها والله اعلم 00

[فواز الغسلان]

شيوخ ال جربان الشامخه ..
قصيدة الشيخ مطلق الجربا (اخو جوزاء) وهو الهرم البارز الذي ينوش الغمام شموخا وفروسية وتاريخا بين شيوخ
قبيلة شمر والقبائل العربية عموما حتى اصبح عنوانا من العناوين الخالدة لرموز تاريخ قبيلة شمر0
وبعد خسارته لمعركة العدوة امام جيوش دعوة الدرعية عام 1205ه-1790م قرر الرحيل عن اراضي نجد الا انه وقع
قتيلا في معركة(شعيب الابيض) شمال عرعر ضد جيوش الدرعية ايضا في عام 1212ه- 1797م 0
ومن روائع شعره ماقاله عندما اصيبت فرسه بالعماء وضاع بصرها وشعر بالحزن والاسى لذلك
بسبب فرط محبته لها فقال:


قـم يـازقـم للـريف دور دوانا=هات الطبيب اللي يداوي عمانا
واطلب ولي العرش يوم ابتلانا=يجلا وضاح عيون خطو الردوحي
لو الدواء يـنـفـع لـعـيـنك شريناه=لو كان في غال الدراهم خسرناه
مار ان عينك له نظير دفق ماه=ولايروي العطشان كثر السبوحي
ممشاك يوم اكسر عريشي عن الذيل=مثل الشغايا لاتصافق بـه السيل
ياما حديت الـقـوم بالرمح والخيل=وللجرف ووساع الخباري جموحي
من غير بري لك حليب وقلصان=والبر الاخر مرتعك فوق حوشان
حتى اليا صالت خيول وفرسان=اطـلـع عـلـيهم مـثـل برق يـلـوحي
يالـعـيـط حـوشـان تـعـلـوه شـمـر=خص اليا جـونـا على اكوار ضمر
كـم نـوبـة سـرجـك تحـتـنـا تجـمـر=والشيخ يطلب عفتك وانت توحي
وجدي على الشقراء الياصاح صياح=وشدن تحت سرد السبايا والارماح
كـم واحـد مـنـا على صابره طاح=له حـرمـة فـي طول ليله تنوحي
يالعيط جيناهم من الشرق للشام=وتعـلـلـت فـيـنا مجالس بني لام
كم نوبـة طـيـر الـمـنايا علي حام=ورب الملا يفك روحك وروحي
وجدي على الشقراء يجنه مطاويع=معهن مـجـاويـخٍ وناسٍ مداريع
مسرجـات سـدن الـفـج والريع=واطلع عليهن مثل سبع نطوحي

وبعد مقتله امسك زمام الامور في قيادة جموع القبيلة اخوه الشيخ فارس الجربا والذي عبر بهم الى عمق
اراضي بوادي العراق بلاد الرافدين وبقي يدير شؤون القبيلة حتى توفي عام 1234ه-1818م وهو عام
سقوط الدولة السعودية الاولى على يد ابراهيم محمد علي باشا 0
ومما قيل فيه من الاشعار قول الشاعر عايد الزميلي الذي جاء الى مكان منازل شمر فلم يجدهم لكونهم رحلوا
منها الى غيرها فقال:


البارحه ليلي قضيته خلاوي=تدوج في فكري هموم وهواجيس
اقوم واقعد من كبار البلاوي=يجوش قلبي بين عدل ولواليس
يادار وين معطرين القهاوي=كبار الصنايا كاسبين النواميس
عيال السيافا مكرمين الجلاوي=بظهورهن ماهي جحور ومتاريس
ياما ربى برباعهم من فداوي=هاب المسير وقايس القاع تقييس
يتلون فارس مثل صفق النداوي=وعند الغلا يرخص لهم فرعة الكيس
وتولى زمام الامور بعد الشيخ فارس الجربا ابنه الشيخ صفوق الجربا (المحزم) الذي كان شديد الانفعال لكونه في ريعان
شبابه ولذلك كان الشاعر الحكيم ردهان بن عنقاء يخفف من حدتها بأشعاره الحكيمة ونصائحه الموفقه 0
مثل قوله للاصلاح بين الشيخ صفوق وشيوخ عبده في العراق ومنها:



ياصفوق واحمر الدساميل ساجه=من رفة ابن شريم ثاروا لابالميخ
عدي اشوف وجيههم يوم لاجت=كثرت مناجيهم وثاروا مصاليخ
ياصفوق تر بعض المعاني سماجه=وشلون تزعلهم وترضي الطبابيخ
ربع(ن) لنا نقضي بهم كل حاجه=عاداتهم بالكون جدع المجاويخ
اللي قلايعهم نهار اللجاجه=قب(ن) مناخرها سوات المنافيخ

فقال صفوق خذينا رايك ياردهان وعز الله انك صدقت000
وكذلك نصحه للشيخ صفوق لمراضات الشيخ هايس القعيط عندما قال:


ياراكب اللي في وبرها سحامه=هي شف بالي من طويلات الابواع
ياراكبه شدوا عليها المسامه=مع قربة ماها على الكبد نقاع
ملفاك ابو فرحان عز الجهامه=عقيدنا اللي بالمخاسير فداع
شيخن قنا العدوان واهفى عمامه=يطيع عمي الراي للجذع شلاع
وهايس بعيد العلم يازن كلامه=يفرح به اللي بالقسى ذاق الاوجاع
ماقبلكم رجل(ن) يفلش حزامه=يبيع تسع جموع بحصان هزاع
من شورهم حقت عليك الملامه=شف دونك العدوان كدك بهم ضاع
ماينـفـعـك شـمـران قلب النعامه=وحـيـد مايـفـزع الـيـاجـاك فزاع
شمر جزورٍ والسيافا سنامه=وعزي لشيخٍ فاخته ذيب الاقطاع
وقد حاول الشيخ صفوق الجربا في تحسين العلاقات مع الاتراك كثيرا ولكنه كان يساعدهم ولا يساعدوه
اذا هوجم بجموع غفيرة على حين غره فبدأ يتململ من تعاملهم حتى اغتاله احدهم وهو عندهم في شبه اقامة
جبرية عندما اطلق عليه رصاصة من خلفه في الرأس عام 1263ه-1847م وهي سنة وفاة الامير عبدالله
بن رشيد مؤسس امارة الرشيد في بلاد الجبل 0

واشتهر في وقته الشيخ عبدالعزيز بن مطلق الجربا الذي انتقم لمقتل عمه الشيخ بنية بن قرينيس الجربا عندما
قتل من شيوخ قبيلة المنتفق الشيخ زويد السعدون وهو الذي قيل فيه:


ياراكب من فوق شيبا علاكم=ومن الميارك شاب راسه وغاربه
تلفي على عبدالعزيز بن مطلق=تدعيك تال الليل شعلة مضاربه
الله يعينك ياهزبر الصوارم=وكيف انت يادسم الشوارب شواربه
هم نبعة اهل الجود والطيب والصخى=اليا داحمت نجم التسيعي عقاربه
والاجواد وان قاربتها ماتملها=والانذال ويل اللي بعمره يقاربه

ثم تولى الزعامة ابنه الاكبر الشيخ فرحان بن صفوق الجربا والذي اختلفت وجهة نظره بعض الشئ مع وجهة
نظر اخيه الشيخ عبدالكريم بن صفوق الجربا (ابوخوذه) وذلك لكون الشيخ فرحان كان يرى تطبيق المثل
القائل( اللي ماتقوى له صافحه) فكان يداري الاتراك ويجاملهم بعض الشي دفعاً لشرورهم على القبيلة0
في حين كان الشيخ عبدالكريم يرفض مداراتهم طالما انهم اغتالوا والده الشيخ صفوق 0
ولكل واحد منهم نظرة مقبولة لدى البعض وهناك من يرى وجاهة رأي هذا او ذاك 0

وقد غطت شهرة الشيخ عبدالكريم في وقته على شهرة جميع شيوخ الجربان والقبائل الاخرى لكرمه الذي
لايوصف وعطائه الذي لايحصر فظن اكثر الناس انه كان شيخ القبيلة في وقته وهذا صحيح من جهة القيمة
والتقدير والامر والنهي الا ان الزعامة في القبيلة كانت لاخيه الاكبر الشيخ فرحان بن صفوق 0
بل ان ابوخوذه قتل في حياة فرحان وهذا يعني انه لم يستلم الزعامة رسميا في القبيلة ولكنه استلم زعامة اهل
الجود والكرم والخصال النبيله حتى قيلت فيه روائع الاشعار التي لاتحصى 0

وهو الذي ظلت عداوته قائمة للاتراك يهاجمهم من كل حدب وصوب حتى اتلف قوافلهم وقتل جنودهم وكان
يقسوا عليهم حتى في الرد على خطاباتهم الموجهة له ومنها قوله لاحد باشاتهم الذي طلب فرس الشيخ عبدالكريم
واسمها (الكحيله) فقال له:



ارســلـــت لــي يــابــيــه خـط يـروعـــي=تطلب عذاب ملاويـات الصروعـي
ابغى الى يامـن حضبـن الجموعـي=اثــنـــي عـلـيــهــا مـــع جـــمـوع الـطـنــايــا
يزود عمري طبته للجريره=بين الكمين وبين تال المغيره
يابيه كنه طيرة مستذيره=الله يفكه من عطيب الهوايا
يــــا بــيــه مــاهـــي شلغمٍ بـالـصـحـونـي=هــــذي كـحـيـلـه مــثــل عــنــز الـبــدونــي
ابــغــي الــــى جـــــوا لابــتـــي يـنـتـخـونـي=فـي ســاعــه حــامــت طــيــور الـمـنـايـا
الــــبـــيـــع والله مــــانــــبــــيـــع الـــكـــحـــيــــلــــه=الا ولا نــصــخـــي بـــهــــا ربــــع لــلــيــلــه
ابــــى الـــــى مـــــا ســنـــدوا مـــــع طـويــلــه=اثــــنــــي عــلــيــهــا عــــنـد تـــال الـردايـــا
يابيه انا والله فلا اعطي ولا ابيع=ولا همني معها كثير المطاميع
دامه اليا من شلعن بالمداريع=تلقان مثل الحبس خلف الونايا
يابيه مخطي كيف تطلب سبوقي=عزي اليا نشفت جميع العروقي
وان شفت ميزان المقادير فوقي=ماينفع الـمـقـفـيـن كثر الرعايا
وشلون انا يابيه تطلب جوادي=دامي ضرير مثل سبع البوادي
يسواك مركاض بروس الحمادي=وخصومي الويلان ماهي قرايا
مـا همــنـي البــيــه هـو والشريــفي=حـنا مـــنزحـه العدا والحــفــيــفـــي
بالغصب ما نعطي عدال الرغيفي=وعند الرضى نعطـي كبـار العطايـا
وعندما استحال على الاتراك اقتناصه طلبوا مساعدة شيخ قبيلة المنتفق ووعدوه بعشرة الاف وضعوها
جائزة لمن يسلمهم عبدالكريم الجربا 0
وللاسف فقد قام شيخ المنتفق ناصر بن راشد بن ثامر السعدون (الاشقر) بدعوة الشيخ عبدالكريم
الى وليمة في منزله اكراما له وعندما جاء قبض عليه وسلمه للاتراك الذين حاكموه واعدموه في الموصل عام
1288ه-1871م وهي سنة وفاة الامير عبيد بن رشيد رحم الله الجميع 0
وبذلك يكون ناصر السعدون قد داس للاسف على المكارم العربية الاصيلة والشهامة النبيلة التي تدفع
الرجل الى بذل روحه دون دخيله وضيفه عندما قام هو بنفسه بتسليم ضيفه طمعا في مكسب زائل فلبس
ثوبا من السواد لايزول الى يوم القيامه00

وبعد اعدام الشيخ عبدالكريم رجع اخوه فارس بن صفوق الجربا من حائل التي رحل اليها هو ووالدته واخوانه بعد
مقتل ابيه خوفا من الاتراك ليحل في مكانه على محاربتهم 0
وهو الذي قال فيه الشاعر خضير الصعليك قصيدته الشهيره وليست في عبدالكريم كما هو شائع لدى الناس
وهي قوله:


يا شيخ انا جيتك على الفطر الشيب=قزان عن دار المحبين دباب
دبى علي ودب مني بتقريب=قل للمواشي يا ذرى كل من هاب
هاب وهبا من هاب قطع العباعيب=من فوق كنس نعس طرب طراب
وجينا على العيرات بيض الماحجيب=يموم نجم لا تغيب ولا غــــــــــاب
ومن دارنا جينا لدارك تغاريـب=لمشاهدك يا شوك وضاح الانيـاب
متخيرك يا منقع الجود والطـــيـب=لا خيب الله لاجاويد طــــــــــــــلاب
سلام من قلب محب بلا ريـب=له يستتاب للشاب وشب من شــــاب
علمك لفانا يم نجد ورى الســــيـــب=يا بعد علمك عند كومان واصحـــاب
يالحر يا لهيلع عقاب المراجـــيــب=يالصعل يالصهال يا حصان الاطلاب
يا جوهر الناريز يالمسك يالطيب=يا جوجب كل ما يشحنه كل شــــراب
يالزير يا الزحار يالنمر يالذيـب=يالليث يالايوث يالشبل يالـــــــــداب
نطاح طابور العساكر الي هـاب=ستر العذارى لا غشا الزمل ضبضاب
بك ذراب لاقيل عيب وهو عيب=بالسيف لرقاب المناعير قصـــــــــــــاب
وبك ذراب كب الفراد المحانيب=وللسمن فوق مفطح الحيل صبــــــــــاب
وبك شارة كب الفراد المحانيب=واعطا المهار وبذل مال بلا حســاب
وبك شارة كب الفراد المحانيب=وبذل الطعام وللتنافيل كســــــــــــــاب
ونمرا وتجرة للعدا والا جانيب=تفجا بها غرابت ضدك بالاسبـــــــاب
الحر يضرب بالكفوف المعاطيب=والتبع قناصه من الصيد منكــــــــــاب
ومن غيرهن يا شيخ مابك عذاريب=احلى من السكر على كبد شـــــــــــــراب
ولنت من الي يتركون المواجيب=لا خيب الله للاجاويد تعــــــــــــــــــــــاب
وانت الذي تافي بكل المواجيـــب=كنك هديب الشام بالحمل عتـــــــــــــــاب
يا ما عطيت للي يجونك طلاليب=كم واحد جالك من الوقت منصــــــــــاب
وفرجت همه من اكبار المواهيب=من عليم يزمى كما زامي الــــــــــــزاب
عز الله انك طيب وتفعل الطيب=والطيب يجنا منك يازاكي الانســـــــاب
ولا هو كثير يا مهدي الاصاعيب=افعالكم بعده للي بالاصـــــــــــــــــــــــلاب


وقد توفي الشيخ فرحان بن صفوق الجربا عام 1307ه-1890م وخلف من الاولاد ستة عشر ولدا
اصبحوا هم سلالة هذه العائلة الشهيرة 0
فتولى الزعامة من بعده على شمر الشرقية ابنه الشيخ العاصي بن فرحان بن صفوق
بن فارس الجربا فقام الاتراك بأعتماد الشيخ مجول بن فرحان شيخا رسميا للقبيلة
في حين تولى الشيخ فارس بن صفوق زعامة شمر الغربية او شمر الزور كما يطلق عليهم 00

فكانت هذه الاوضاع التي يعلم كل منصف ان نتيجتها الفرقة والانقسام وهو الامر الذي يضعف
القبائل ويوهن العزم ويذهب برهبة القبيلة ويجعلها عرضة لكل حاسد وحاقد والسلام

[فواز الغسلان]

الا ويل من مثلي تشوحه مهاة الجوف ..


الا ويـل مـن مثـلـي تشـوحـه مـهـاة الـجـوف=وهـو قبلهـا صعـبـن مــن البـيـض ينشـاحـي
انــا مـاقـدرت ادفــع غــلا ضـامـر السـرجـوف=وانــــا عــارفــن رمــشــه قـطــوعــن وذبــاحـــي
انـا غلطتـي لعبـي معـاهـا عـلـى المكـشـوف=وهــي خـطـتـه فـــي لعـبـهـا ذبـــح الارواحـــي
احسـب الـغـلا تـرحـم وتكـسـب بـنـا مـعـروف=وهـــي عـاصـفـن يـنـثـر سـبــل كــــل فــلاحــي
عنـودن بـدون نقـاط واسـمـه ثــلاث حــروف=رمــتــنــي وراهــــــا لاسـفــيــهــن ولاصـــاحــــي
وانـا قبلـهـا حــذرن خجـولـن شـديـد الـخـوف=ولافــادنــي خــوفــي مــــدام الـحـشــى راحـــــي
عشـيـرن بزيـنـات الحـلايـا غــدى مـوصـوف=غـدت بـيـن خـفـرات الـعـرب تـقـل مصبـاحـي
بهـا زيـن مـع مبـسـم وجسـمـن زهــاه ردوف=وهـرجـن جـــرح قـلـبـي بـــلا رمـــي وسـلاحــي
رمتـنـي بمـوجـات البـحـر ضـايـعـن مـكـتـوف=وهـــــو هـايــجــن مـايـدخـلــه كـــــل سـبــاحــي
الامـواج هاجـت يـوم ذعـذع لهـا العـاصـوف=عواصيـفـهـا تـرجــف تـقــل صــــوت نـبـاحــي
اناظر ومـن هـول العواصـف حشـا ماشـوف=ولابـــــــان شـاطــيــهــا لـعــيــنــي ولا لاحـــــــي
خطيرن يروح الشـوف مـن برقهـا مخطـوف=يهيـلـك شهـابـن فــي ظــلام الـبـحـر طـاحــي
خفوقي غدى شفقن علـى صاحبـه ملهـوف=والامــواج بعـيـونـه غـــدت مـثــل الاشـبـاحـي
اذا ضــاح بارقـهـا تـقـول السـمـاء مسـقـوف=تـهـابــه صـواريـمــن مــثــل قــلــب شــولاحــي
وانــا بالـهـوى غـرقـان مـــع زيـنــة النـفـنـوف=شفوقـن عـلـى شــوف الـغـلا لاجــل يرتـاحـي
اذا جـــت طـواريـهـا مـشــى دمـعـنـا مـــذروف=دموعـي علـى خــدي مـشـت تـقـل مسبـاحـي
عــلام الحـشـى كـنـه بـهــم الـعــرب مـكـلـوف=يــدوهــج بــوديـــان الــخـــلا تــقـــل مـســاحــي
يشادي كسيرن فوق عوص النظا مشنوف=سـهـيــرن وســاقــه يـلـتـعـج تــقــل مـلــواحــي
وتـحــتــه قــعـــودن لاهــــــداوي ولامــعــســوف=هـذب بــه وكــن الجـمـر فــي ضـامـره فـاحـي
وانـا مثـل حالـي صيفـة الشـايـب المكـفـوف=وحـيـدن يهيـجـن مــن قصـيـد ابــن قرقـاحـي
كبيرن وشمس العمـر جـاه الزمـن بكسـوف=ولافــيــه مــــن ربــعــه رحـيـمــن ومـنـصـاحــي
وكم واحدن قبلي سهـر مـن غـلا الغطـروف=عـزيـزن ومــن هـمـه غــدى الـدمـع سفـاحـي
وكــم واحــدن يشـكـي ويـنـدب جـدايـل نـــوف=غـدى العشـق فـي كـبـده تـقـل قــدح قـداحـي
واذا راح معـلـوقـي تـــروا ماعـلـيـه احـســوف=مـدامـه ذبــح نـاسـن خــذت زيــن الامـداحـي
سلامي على قلبـن سـرى مـع مهـاة الجـوف=وهــي قصـدهـا فــي حـبـهـا ذبـــح الارواحـــي

[فواز الغسلان]

(امارة الرشيد بين الاتراك وبن سعود)


العقد الاول لامارة الرشيد وهو من تاريخ 1250ه-1834م موعد تأسيس الاماره على يد الامير
المحنك عبدالله بن رشيد وبدعم ومؤازره من اخيه الامير الفارس عبيد بن رشيد وحتى وفاة عبدالله
بن رشيد عام 1263ه-1846م كانت هي مرحلة التأسيس والبناء وكانت امامها عدة عقبات سياسيه
وقوى معارضه ومعاديه وقد تم التغلب عليها بشكل متدرج شيئاً فشيئاً عبر الحنكه والسياسه والقوه احياناً
اذا توقفت المفاوضات عند طريق مسدود وأهم هذه العقبات:

اولاً: عداوة الاتراك للامام فيصل بن تركي:

الاتراك كما يعلم الجميع كانوا اهل الخلافه في بلاد الاسلام ويعتبر السلطان التركي في تلك الفتره هو خليفة المسلمين
وولي امرهم وهو المرجع الاساسي للجميع سواء كان بن سعود او بن رشيد وكانت عداوة الاتراك لامارة بن سعود
منذ قيام الدولة السعودية الاولى والتي ادت بالنهايه للقضاء عليها عام 1233ه-1818م تعتبر عائقاً لامارة الرشيد
اذ كيف يستطيع عبدالله بن رشيد ومن بعده التوفيق في اقامة علاقاته مع طرفين متحاربين 0
الا ان هذه المعضله زالت من الوجود بعد سماح والي مصر محمد علي باشا للامام فيصل بن تركي بالهروب من مصر
عام 1259ه-1843م لعدة اسباب منها:

1- توقيع الترك لاتفاقية لندن عام 1256ه-1840م مع الدول الكبرى روسيا وبريطانيا وغيرها وكانت تنص
على عدم السماح لوالي مصر محمد علي التدخل في شؤون الجزيرة العربيه وسحب قواته منها 0

2- عدم طمأنينة محمد علي لنوايا سلاطين تركيا تجاهه واراد ان يجعل له وجهاً صديقاً على سبيل الحيطه لما يخفيه
الوقت القادم 0
واما ماذكره بن بشر وغيره من مؤرخي نجد ان عملية الهروب كانت معجزة وكرامة من كرامات الاولياء فهو كلام
غير تاريخي ولايرتكز على اسس ثابته لان الحقيقه تقول ان محمد علي سمح للامام فيصل بالهروب ولم يخرجه علناً
لكي لايغضب سلاطين تركيا عليه 0

وبعد استعادة الامام فيصل بن تركي لامارته ابرم اتفاقية مع الاتراك في مكه تنص على بقائه قائمقام تابع للسلطان
التركي ويدفع لتركيا ( 30000 ) روبيه سنوياً كزكاة لبلاد نجد كما هو ثابت في الوثيقة العثمانية رقم 1537 في 22-9-1263ه
وفيها المفاوضات بينه وبين امير مكة مفوضا باسم الدوله التركيه وتوصلهم لاتفاق ومباركة السلطان لذلك وموافقته عليه00
وهي في كتاب (سواحل نجد والاحساء في الارشيف العثماني) ص58

وبذلك اصبح الامام فيصل والامير عبدالله بن رشيد امراء يتبعون الخليفة العثماني ويتصرفون كمفوضين نيابة عنه في الامور
السياسية في الجزيرة العربية وبذلك زال الحرج عن امارة الرشيد من كونها بين طرفين متحاربين واصبح الجميع تحت رايةٍ واحده
وهذا هو جواب السؤال الذي يتردد كثيراً حول موقف الرشيد بين الاتراك وال سعود والله تعالى اعلم 0

[فواز الغسلان]

ياريف والله لو تجينا على الكيف ..
لاواحسايف مكرم الجار والضيف=ريـف الهجـافى بالوقـوت الشديده
اقـفـت ظـعـونـه سـارياتٍ مناكيف=وسارت على ذيك الـديـار البعيده
والموت فوق الناس مثل المخاطيف=ومن كـايـد صـدوف المنايا تبـيـده
ودنياه ماتسوى الندم والتحاسيف=لولا الـعـنـود الـلـي ثـيـابـه جـديده
ياريف والله لو تجـيـنا على الكيف=ولو سارت الدنـيا على اللي نـريـده
مايرحل اللي راح مع دخلة الصيف=ولاتقعدين الـلـي بـقـى لـك وحـيده
واحـسرتي من حــسـرة ام النفانيف=خـلـت خـفـوق الصدر ينـثر قصيده
عسى حياتك عقب راع الندى ريف=وشكواي للي مايخلي عبيده

[فواز الغسلان]

(( المنعرج الحقيقي في علاقة امارة الرشيد والاتراك ))


ان الاعتراف التركي الرسمي بأمارة الرشيد على جبل شمر ونجد يعتبر داعماً شرعياً وسياسياً للاماره كما هو معلوم للجميع
فيعتبر دعماً شرعياً لكون السلطان التركي يعتبر خليفة المسلمين وولي الامر 0
ودعماً سياسياً لكونه يؤهل الاتراك بدعم امارة الرشيد عسكرياً ولوجستياً وهو ماحدث فعلاً خلال الفترات الحرجة من
عمر هذه الاماره وكان هذا الدعم مسانداً قوياً لها بلاشك 0
الا ان هذا الدعم دخل في منعرج حقيقي ومؤثرٍ في تاريخ هذه العلاقه وذلك في تاريخ
29 صفر 1322 ه - 15 مايو 1904م عندما حدث خلاف بين الامير عبدالعزيز بن متعب الرشيد مع قائد الطابور التركي
الذي سار لمساندته ويتكون من (400) جندي وكانت النتيجة لذلك مقتل الضابط التركي ومقتل 100 جندي واصابة 90
من عساكر الاتراك في حادث غامض جداً حسب ماهو ثابت في الوثائق التركية والبريطانية وتمت الاشارة لهذه الحادثة
في كتاب (امراء وغزاة) ص200 وقد تعددت الروايات لهذه الحادثة الا ان الاتراك رجحوا قيام الامير عبدالعزيز المتعب
بتنفيذ ذلك عمداً بسبب الخلاف الذي وقع بينهم 0
وكان الاتراك قد قدموا مساعداتٍ عسكرية لابن رشيد في بداية شهر صفر 1322 ه على جال الفرات وهو نفس الشهر الذي
وقعت الحادثة في نهايته 0
وبالرغم من كون الاتراك لم يقطعوا العلاقات مع امارة الرشيد مباشرة حيث اكمل الطابور التركي مهمته في مساندة جيش بن رشيد
وذلك بعد الحادثة بثلاثة ايام تقريباً في تاريخ الاول من ربيع اول 1322ه خلال معركة البكيريه بين ابن سعود وبن رشيد وانتصر بها
بن رشيد 0
الا ان هذه الحادثة دفعت الرأي السياسي التركي للتصريح بعدم الوثوق بحكمة وسياسة الامير عبدالعزيز المتعب مما ادى الى ضعف
العزيمة والهمة في دعمه بشكل قوي ومؤثر 0
وبعد اطلاعي بشكل دقيق على الوثائق التي دونت تلك الفترة بشكل دقيق أستطيع الجزم بأن هذه الحادثة هي المنعرج الاول والاساسي
لابتعاد الاتراك شيئاً فشيئاً عن امارة الرشيد وضعف الاهتمام لديهم بدعم الامارة بشكل جدي والله اعلم 0

[فواز الغسلان]

مثل من يقرى قصيده على اللي مايبيه ..



يافـهــد مـجـروح الايـام لاتبحث خفاه=وش تبي بالضـايق اللـي هـمومه تعتريه
كان بـيرك لاحمى القيظ مايروي ظـمـاه=اترك جروح الخـلايق على ماهي عليه
ماتفـيد اهل الـمقابـر دمـوع الـلـي بكاه=ولا يـزيد بـقـيـمـة الخـلق ثوبٍ تـرتـديـه
يبحـث المجروح شيخٍ يخـفـف من عـناه=مانشد عن قيمـة القرش لا طـاح الجـنيه
ولا تقول بمجلس الـقـوم هذا وش بلاه=لاجل ماتفـتـح لـلانـذال بـابٍ تـرتـجـيه
مثل حـالـي مع حسودٍ يهذري في خلاه=غـار من قـلة عـيـوبـي وكـثر العيب فيه
عـقـب ماراع الجـمـالات يمدح في عطاه=شفت من ياكل جمـيلـه ويرجـع يـشتكيه
وادري ان اهل المواجـيب ماهذا جزاه=بس ماننـسـى نـدانـا لاجــل ثـورٍ نـسيه
حـالة اللي عــاب ظــلــعٍ طـويـلٍ مـارقــاه=وان نقل هرج المجالس غدى ماهو نزيه
لا قدر ياصل مواصيل من يقضب قفاه=ولا رفع صوت العداوه مثل سعد الفقيه
ولا لـقـى رجـلٍ حكـيـمٍ اليا خـثـرق نهاه=عـاقـلٍ لاشـاهـد الـظـلـم ثـار وقـال ليه
ومبتـدى الخـايـب هو اللي يحــدد منتهاه=وصـمت خـلـق الله يكزه لشتم اللي يليه
قالها اللي صـاغ الامثال بالـقاف ورواه=شاعـرٍ مابـاع قـافـه على اللي يـشـتـريـه
تذعـن ارقاب القوافـي الـيـا ذعذع هواه=ولا تجـامل بالـمـوازيـن شـيــخ ولا وجيه
ولايـهـيـن الـشعر الاسمى ولا يلـعن ثواه=مثل من يقرى قصـيده على اللي مايـبـيه
كـيـف تـزداد الـقـصـايـد يـنــزل مستـواه=والسبب ظلم النـشـامى ومدحه للسـفـيـه
دام بـطـنـي لو كلى الخـبـز بالشاهي كفاه=ويـش ابـي باللي يحدن على حـبـة يـديـه
كـم ذلـيـل هـان روحـه لـشـئٍ مـاخــذاه=وكم عزيـز عاف الاموال عن ذلٍ يـجـيـه
ومن تضـايـق يـترك الخـلق ياصـالح وراه=ولا يـغـره بالـمـخـالـيــق بـيـه ونسل بـيــه
ويطلب اللي يشفي العبد من ظـلمة عماه=هو ملاذ اللي شكى الضيق باليوم الكريه
ومن شمت بالناس يلقى الشماته في ظـناه=ومن تبـلـى عـرض غـيــره ذنـوبــه تبـتـليه

[فواز الغسلان]

في كتاب (اسرة الجربا) للظاهري ص5 قال: ..
====================================


وأمراء الجبل بعد الجربان آل علي، وفي التاريخ لهم اضطراب كثير، وقد طمر الدارسون العهد الأول من
إمارة عيسى بن علي، مما ترتب عليه الخلط بين أحداث عبد الله ابن رشيد في عهد عيسى الأول وعهد
صالح بن عبد الَمحسن وعهد عيسى بن علي للَمرة الثانية. وقد حققت ترتيب ولايتهم على هذا النحو:
-1 عبد الَمحسن بن فايز بن محمد بن عيسى بن علي بن علي بن عطية. وهو أمير الجبل في عهد الإمام
عبد العزيز بن محمد وقد دخل في طاعته عام 1201 ه.
-2 محمد بن عبد الَمحسن تولى عام 1201 ه.
-3 عيسى بن علي تولى عام 1234 ه.
-4 صالح بن عبد الَمحسن تولى عام 1249 ه.
-5 ابن رشيد تولى عام 1250 ه.

قال بن غسلان:
==========
كلامه هنا بناه على ان امارة العلي كانت بدايتها في تلك الفتره وهذا غير صحيح لكون امارة الجبل لم تعرف سوى شيوخ العلي
منذ اجلاء بهيج السنبسي من عقده في اجأ في مطلع القرن العاشر الهجري تقريبا على اقرب الاقوال .
وقد ذكر الاخ حاكم العلي تسلسلاً زمنياً لشيوخ العلي في جبل شمر ابتداءً من عام 905ه تقريباً وبالرغم من كوني لم اجد حتى
الان مستنداً قوياً لذلك الا اني لااخالف هذا القول والسبب انه تواتر لدينا بشكل لايحتمل الشك عدم وجود شيوخ من اي عائلة
كانت على جبل شمر سواهم .
فلو كانت هناك فئة او عائلة تدعي امساكها بزمام الامارة في جبل شمر عبر فترات التاريخ فسوف نتوقف عن التسلسل والتواريخ
التي ذكرت لشيوخ العلي الى نجد المستند القوي الذي يعتمد عليه واما مع عدم وجود ذلك فالامر لايجب التوقف عنده كثيراً.

ثم قال الظاهري:
==========

وآل الجرباء هم زعماء شمر ورؤساء الجبل وأبعد ذكر لهم وجدته عن وفاة اثنين منهم عام 1100 ه وعام 1103 ه وقد
رحلَوا من نجد عام 1205 ه بعد هزيمتهم أمام ابن سعود فبنوا زعامتهم في العراق وسوريا. وعبدةَ أكبر
قبائل شمر من قبيلة جنب من مذحج فهم أبناء عم عبيدة من قحطان. ومن عبدةَ الجربان وآل علي وآل
رشيد. قال شاعر من عبيدة من قحطان:

ان سلْتْ عنَّا يالسويطِي َقحاطِين=عواصمٍ، واللِّي حَذاَنا لَفايِق
حِنَّا وعبدة وال ضياغِم بجدينَ=لطَّامة يوم اللقاء كلِّ مايِق

قال بن غسلان:
==========

هنا تطرق للخلاف الكبير في موضوع نسب عائلة ال جربا مابين من يقول انها قرشية عدنانيه ومن يقول طائية قحطانيه
وهذا الخلاف موجود حتى بين افراد الجربان انفسهم .
وكما ترون فقد اعتمد الظاهري قول من يرى انها طائية قحطانيه وهذا هو قول الشيخ مطلق الجربا والشيخ بنيه بن قرينيس
الجربا كما رواه عنهم بن سند الوائلي في كتابه (مطالع السعود) وكان صديقاً لهما ومعاصراً لفترتهم فقال:
سألت مطلق الجربا عن نسبه فقال نرجع الى ثعل الى طئ .
قال وبعد شهرين سألت بنيه الجربا فقال نرجع الى ثعل الى طئ . والخلاف طويل ومتشعب والله اعلم.


وقال الظاهري ايضاً ص6:
================

ومن الَمستحسن أن آتي بنبذة عن آل علي الذين خلفوا آل الجرباء في
الزعامة فقد أسلفت في الحديث عن آل الجرباء أنهم من عبدةَ من شمر، وأن عبدةَ من آل ضيغم. وآل
رشيد أبناء عم آل علي الأقربين، وقد سلسل الدكتور ابن عثيمين نسب الأمير محمد بن عبد الَمحسن
هكذا: محمد بن عبد الَمحسن بن فايز بن محمد بن عيسى بن علي ابن علي الكبير الذي يلتقي فيه نسب
هذه الاسرة مع نسب آل رشيد. ولَم يذكر الدكتور مصدره. وقال سليمان الدخيل عن عبد الله الرشيد:
عبد الله علي بن رشيد بن خليل بن عطية. وخليل أخو علي جد آل علي. ونقل الدكتور العثيمين عن
ورقة عند نايف آل علي بحائل: عبد الله بن علي بن حمد بن رشيد بن خضير بن خليل ابن ياسر بن علي
بن عطية.

قال بن غسلان:
==========

قوله (ان العلي خلفوا الجربان في جبل شمر) فهو كلام فيه مقال لكون شيوخ الجربان كانوا اهل باديه ولايسكنون
المدن والقرى كما هي حال جميع البوادي ولم يثبت في التواريخ حسب اطلاعي حتى الان ان الجربان نزلوا في حائل
وهم على مشيخة القبيلة .
بل كانوا احياناً ينزلون في نواحي وديان حائل وقت ربيعها ثم يرتحلون الى غيرها اذا كان الربيع افضل واما النزول وسط
الجبل فلم اسمع به اطلاقاً الا في روايةٍ سمعتها من الشيخ الحميدي بن دهام الجربا قبل عامٍ واحد ولكنه اثناء كلامه لم يستند
على قصيدة او نقل تاريخي يثبت ذلك فتبقى رواية من الروايات المتعدده والله اعلم .

وقال الظاهري ص 7:
==============

الضياغم من شمر عبدةَ. ورأيت عبد الله الخالد الحاتم يذكر أن عرار بن شهوان آل ضيغم، جد الرشيد،
أمراء جبل حائل ,انه عاش سنة 850 ه. وإلى ذلك مال شيخنا حمد الجاسر في كتابه "جمهرة أنساب
الأسر الَمتحضرة" فنسبهم إلى آل ضيغم، ونقل عن كتاب "طرفة الأصحاب في معرفة الأنساب" عمر بن
يوسف ابن رسول "...- 694 ه" أن آل ضيغم كانوا إلى آخر القرن السابع الهجري لا يزالَون في
الجنوب في بلاد مذحج "بلاد قحطان الآن بمنطقة إمارة عسير" وسماهم آل منيف ونسبهم إلى جنب.

قال بن غسلان:
==========

على نقل بن رسول هذا بنينا القول مبدئياً على ان قدوم الضياغم الى جبال طي كان بعد العام 700ه وهذا يعني
ايضاً ان جلاء بهيج كان بعد هذا التاريخ ايضاً لكونهم متواجدين اثناء حربه كما هو معلوم .
والقول ان قدومهم كان في منتصف القرن التاسع الهجري وحدود عام 850ه لم اجد نصاً قوياً يعتمد عليه ولكن الاخبار
التي يرويها اهل الروايه تقول انهم بعد نزوحهم من الجنوب لم يتجهوا مباشرة الى جبال طئ وانما خاضوا حروباً طويلة
مع سلطان مارد في الجوف حتى قتلوه .
وان كنت لاازال اعتقد ان روايات العامه تخلط بين احداث نزوح قبيلة بني هلال في مطلع القرن الخامس الهجري
واحداث نزوح الضياغم لتشابه القصائد في النظم والاسلوب ولذلك لااستطيع ان ابني حكماً تاريخياً على تلك الروايات.


وقال الظاهري ص9
=============

فبايعوا ابن سعود. ومحمد هذا من أشهر ُأمراء آل علي. من الأحداث التاريخية في عصره أنه غزا قبيلة
الشرارات في الجوف سنة 1207 ه ومعه أربع مئة من الإبل وخمسون من الخيل لكن نتيجة غزوته كانت
فاشلة.
وفي سنة 1208 هاجم الجوف وأدخله في طاعة آل سعود، فضم إليه الإمام سعود بن عبد العزيز
ولاية الجوف.
وفي سنة 1211 ه اشترك أهل الجبل مع القوات السعودية في صد حملة ثويني.
وذكر أن محمداً غزا ناحية العراق واشتبك مع آل بعيج وقتل منهم خمسين رجلاً.
وفي سنة 1221 ه كان محمد من بين الزعماء الَمرابطين حول الَمدينة الَمنورة، بأمر من الإمام سعود، لإجبار أمير حجاج الشام على
العودة إلى بلاده.
وفي سنة 1225 ه كان أهل الجبل مع الإمام سعود في غزوه للبلاد الشامية.
وفي سنة 1228 ه كلف الإمام سعود محمداً بمراقبة فرقة من الجيش الَمصري العثماني ليجبرها على الذهاب إلى
العراق.
وفي سنة 1229 ه اشترك محمد مع القوات السعودية في هجومها التأديبي الفاشل على عياد
الذويبي الحربي قرب الحناكية.
وفي سنة 1230 ه كان أهل الجبل مع الإمام عبد الله بن سعود في القصيم،
حين وصل إليها طوسون كما كانوا معه لتأديب بعض البوادي والأهالي بعد انسحاب طوسون.

قال بن غسلان:
==========

اعتقد انه خلط هنا بين محمد بن عيسى ال علي الذي دخلت حائل في فترته تحت لواء الدعوة النجدية عام 1201ه وتوفي عام 1206ه
وبين محمد بن عبدالمحسن ال علي الملقب(السمن العرابي واخو خنساء) الذي تولى الامارة عام 1206ه الى ان قتله الاتراك في حائل سنة
اسقاطهم للدرعية والدولة السعودية الاولى سنة 1233ه .
فهما اثنان وليسا واحداً كما يتوهم البعض ومحمد بن عبدالمحسن هو اقوى واشهر امراء شيوخ ال علي على الاطلاق
حسب ماوردنا من الاحداث التاريخية .

وقال الظاهري ص11
=============

ظل محمد أميراً للجبل ما يقرب من ثلاثة وثلاثين عاما حيث تولى سنة 1201 تقريباً وقتل سنة 1234
وسبب ذلك أن إبراهيم باشا لَما قضى على دولة آل سعود قام بحملة على ُأمراء الَمناطق الَمتحمسين
للدعوة وأنصارها آل سعود، ولهذا قتل محمداً وأخاه علياً عام 1234 ه. قال ابن عثيمين: اغتاله الحبشي
زعيم رجال إبراهيم باشا حيلة في مقصورة الداحس، ثم حز رأسه وبعث به إلى تركيا ويشير إلى ذلك
قول الشاعر:

يا حيف راس الشَّيخ َتلْعب به الْروم
مِتْقابلِينٍ بينهم يجزرونِه

أما بقية جسده فدفنت في مقبرة الزبارة في حائل،وقد رأيت قبره وقد كتب على أحد شاهديه: "محمد بن
علي رحمه الله "وأسكنه" دار السلَم "السلام". وعبارة أمير الَمسلَمين تفيد أنه كان مشهوراً
بالديانة،
كما تفيد أنه كان عظيما وهذا مما يؤيد ما ذكر من حماسه لدعوة الشيخ محمد بن عبد الَوهاب،
وما كان له من دور في الدولة الَمعتمدة على دعوته.
وقد خلف الأمير محمد بن عبد الَمحسن أربع بنات إحداهن سلَمى التي تزوجها عبد الله بن علي بن رشيد.
وقال الشيخ علي بن سالَم:

((فأما محمد بن علي فقتله الترك أيام ظهورهم على نجد بقصر برزان بحائل حين حاصروه وأنزلَوه بالرغم وقتلَوه". والآن قبره
بمقبرة الزبارة في حائل جثة بلا رأس))

هكذا سمعت من والدي رحمه الله يقول ذلك، ولا أدري أي سنة كان ذلك فالله أعلَم.

وقد ذكر الدكتور العثيمين:
أن محمد بن عبد الَمحسن أشار على أهل قفار إبان غزو إبراهيم باشا بأن يبنوا قصراً يكون جزء منه في
مستوى أكثر انخفاضا من سطح الأرض القريبة منه لئلا تؤثر فيه الَمدافع. وبعد قتل محمد بن عبد الَمحسن
لا نعرف من تولى بعده مباشرة إلا أنه من الَمؤكد
أن عيسى بن علي بن فايز تولى قبل صالح بن عبد الَمحسن. والبرهان على ذلك ما يلي:

أ- دلالة قصيدة عبد الله بن رشيد الدالية التي رجحت أنا في فترة حكم عيسى الأولى، كما بينت ذلك في السفر الثاني
من كتابي "ديوان الشعر العامي".

ب- ذكر ابن بشر أنه في سنة 1243 أو 1242 ه وفد عيسى ابن علي بن فايز رئيس جبل شمر على
الإمام تركي وبايع وجعل في بيت مال الجبل حمد الشويعر. وقد وصفه ابن بشر في عام 1253 بأنه
رئيس الجبل القديم.
اقول:
ذكره في احداث عام 1243ه ولكنه زاد بعد ذكره للشويعر بقوله: وهو نائبه زمن سعود وعبدالله
مع انها كانت فترة محمد بن عبدالمحسن 0 ص63 ج2

وقال ص 13 :

وبعد عيسى تولى صالح بن عبد الَمحسن عينه الإمام تركي عام 1249 ه كما مر آنفاً ثم عزله
الإمام فيصل سنة 1250 ه وعين عبد الله بن رشيد.
وفي عام 1253 استولى عيسى بن علي الآنف الذكر على حائل وطرد
عبد الله بن رشيد، ثم طرده عبد الله في نفس العام وانتهت بذلك إمارة علي.

قال بن غسلان:
==========

تحديده لفترة محمد بن عبدالمحسن من عام 1201ه الى 1233ه دليل على الخلط الذي ذكرت انه وقع فيه
ثم ان تحديد بداية فترته بهذا التاريخ غير صحيحه والسبب انه ظن ان ال علي تأمروا بعد دخولهم في طاعة
الدولة السعودية الاولى وهذا غير صائب لكونهم امراء الجبل قبل الدولة السعودية بمايصل الى ثلاثة قرون
تقريباً والاصح القول: ان الدولة السعودية اقرت محمد بن عيسى في منصبه اميراً على الجبل ولم تقم بتعيينه .
فالاخوه من مؤرخي ال علي جعلوا امارته اعتباراً من عام 1172ه الى 1206ه أي قبل تاريخ دخوله في الطاعه
بمايصل الى ثلاثين عاماً تقريباً .


وقال الظاهري بنفس الصفحه ايضا:
=====================

أما الدكتور العثيمين فربما اعتمد على وثائق عند آل علي بحائل. وكون محمد هو الأمير بعد والده ليس
محل التباس ولكن قال ابن سالَم: "أول ملَوك آل علي عبد الَمحسن بن علي وبعده ولده صالح بن عبد
الَمحسن وبعده محمد بن علي". وعلق الَمارك على ذلك بقوله: وبعد محمد "أي ابن علي" أخو صالح بن
علي. فكلَمه أخو بدون هاء أحدثت لبساً إلا أن الشيخ حمداً نقل هذا النص مرة ثانية فأزال اللبس عندما
قال: فإن الذي تولى الإمارة بعد محمد بن علي أخوه صالح بن علي على ما أفادني الأستاذ فهد الَمارك.
وعلى كل حال فالَموضوع يحتاج إلى تفصيل ليس هذا محله. قال أبو عبد الرحمن: محمد بن علي قبل أخيه.

قال بن غسلان:
==========

الذي عليه الامر في ترتيب وتسلسل شيوخ ال علي بعد دخولهم في مظلة الدعوة النجديه كالتالي:

10. محمد بن عيسى بن فايز(34)1172-1206
11. محمد بن عبدالمحسن(28) 1206-1234
12.صالح بن عبدالمحسن بن فايز ال علي (15) من 1234ه-1249ه
13- عيسى بن علي بن عبدالمحسن ال علي(2) من 1249ه الى 1250ه
14- عيسى بن علي بن عبدالمحسن ال علي(مره ثانيه) من محرم 1253ه الى رمضان عام 1254ه.

@- سلالة ال علي الان من نسل عيسى بن صالح بن عبدالمحسن ال علي الذي كان طفلا عند وقوع
الفتنة التي اودت بحياة عائلته .

والخلاف الذي لاازال حائراً فيه هو ترتيب صالح ثم عيسى ثم عيسى ثانيه ام ان الصحيح يكون عيسى ثم صالح ثم عيسى مرة اخرى
لكون بن بشر في عنوان المجد ذكر عام 1243ه ان رئيس جبل شمر عيسى ال علي قدم على الامام تركي .
ولكون عبدالله بن رشيد عندما هرب من حائل في نفس ذلك العام جاء في قصيدته:(عيسى يقول الحرب مابه لنا ازواد)
فالخطاب كله كان موجهاً الى عيسى وليس الى صالح .
والذي اميل اليه ولكني لااجزم به جزماً قاطعاً ان الترتيب يكون كالتالي:


10. محمد بن عيسى بن فايز(34)1172-1206
11. محمد بن عبدالمحسن(28) 1206-1234
12. عيسى بن علي بن عبدالمحسن ال علي(15) من 1234ه-1249ه
13- صالح بن عبدالمحسن بن فايز ال علي(2) من 1249ه الى 1250ه
14- عيسى بن علي بن عبدالمحسن ال علي(مره ثانيه) من محرم 1253ه الى رمضان عام 1254ه.

فالامير بعد محمد بن عبدالمحسن هو عيسى بن علي وعندما اشتكى بعض اهالي حائل الى الامام تركي كثرة
المشاكل قام الامام بعزله قبل مقتله بعامين وعين صالح بدلاً عنه .
وبعد عامين تولى الامام فيصل بعد مقتل والده وعين عبدالله بن رشيد على الجبل بدلاً من صالح .
وبعد ثلاثة اعوام عاد الاتراك فنزح بن رشيد وقاموا بتعيين عيسى مرة اخرى لمدة تسعة اشهر تقريباً ثم رجع لامارته
عبدالله بن رشيد واستمرت الامور بعد ذلك .


وقال الظاهري ص 18 مانصه:
===================

منهم(اي الجربان) مطلق وبنيةَ الجرباء، رؤساء شمر أي الجد الأول الَمؤسس لإمارة شمر في جبل طيء،

قال بن غسلان:
==========

الشيخ مطلق الجربا وابن عمه الشيخ بنية الجربا ليسا اول الجربان بل قبلهما عدة شيوخ كانوا على القبيله
ولكنهم اشهر الشيوخ بعد فترة كتابة التاريخ مع ظهور الدعوه النجديه ولذلك اشتهرت اخبارهم في حين ظل
الغموض يغطي احداث الشيوخ قبلهم واحداث القبيلة بكاملها وغيرها من القبائل .

وقال الظاهري ص 21 مانصه:
==================

قال حسين خزعل: وكانت الرئاسة العامة لشمر في ُاسرة الجرباء من بطن سِنجارة، وقد
أجلاهم الأمير سعود ابن عبد العزيز عن ديارهم عام 1205 ه بعد أن نازلهم قرب مدينة حائل وقتل
مصلط بن مطلق. وسار مطلق من جبل شمر إلى العراق وبر الشام، ورافق أحمد باشا الجزار إلى الحج، ثم
أقام في بادية السماوة من العراق.

قال بن غسلان:
==========

قوله(اجلاهم الامير سعود) يعتبر قولاً غير دقيق لكونهم اختاروا ذلك طوعاً وفضلوه على الدخول في طاعة الدولة
السعودية الاولى ولو قبلوا تقديم الطاعه لامارة الدرعيه لم يجبرهم احد على الرحيل وكانوا يستطيعون البقاء في نجد
مثل غيرهم من القبائل وانظر لقول الشيخ مطلق الجرباء:

والحر لاصكت عليه المخاليب***ملزوم عن دار المذله يفزي


وقال ص 22 مانصه:

البسام تفصيلاً يقول: ويعرف رؤساء شمر السابقون بآل محمد وآخرهم فارس الجرباء وقد لقب بالجرباء
نسبة لأُمه التي ابتليت بمرض الجدري، واصبحت جرباء على أثر هذا الَمرض. وعلى عهد الأمير محمد بن
سعود مؤسس الدولة السعودية الأولى وابنه الإمام عبد العزيز نزح فارس الجرباء من جبل شمر واستوطن
بادية الجزيرة في العراق بين دجلة والفرات، وذلك بعد أن انقطعت الأمطار مدة طويلة وأجدبت الأرض.
وعلى أثر نزوح فارس الجرباء تبعه الكثير من شمر واستقروا في العراق ولا يزالَون حتى الآن وتولى أمر
جبل شمر آل علي.

قال بن غسلان:
==========

سبق ان ذكرت انه لايثبت اطلاقاً نزول الجربان في مدينة جبل شمر وانما في بواديها ولا كانت لهم سلطه على حائل
نفسها التي كانت تحت سلطة ال علي منذ القدم .
والشيخ الذي نزح من الجربان للشمال هو الشيخ مطلق الجربا وكان اخوه فارس الجربا اصغر منه بالعمر الى ان قتل
مطلق الجربا في معركة (الابيض) شمال عرعر عام 1212ه فأكمل المسيرة للعراق اخوه فارس الجربا ومعه بعض القبيله
ولايقال ان فارس هو الذي نزح بهم من نواحي حائل لكون ذلك حدث في فترة حياة الشيخ مطلق قبل امارة فارس.

انتهى الجزء الاول ويليه الثاني قريبا انشالله

[فواز الغسلان]

تعليقات بن غسلان على كتاب(اسرة الجربا) للظاهري(ج2) ..


وقال الظاهري ص 22 مانصه:

وذكر عبد الجبار الراوي أن نجداً أصابها محل، فاضطر شيخ عشيرة شمر فارس إلى
الهجرة مع أربعين بيتاً من قومه، طلباً للَمرعى، حتى وصل إلى جزيرة العراق، فترل جاراً على عشائر
العبيد، ثم ذكر قصة شبه خرافية، لا سيما ما يتعلق برثاثة شمر في حين أنه من الَمعروف عند أهل نجد
شهرة قبائل الشمال -وبالأخص الشمامرة- باللباس الأنيق والَمظهر الباذخ. وذكر في موضع آخر أن
أول من رحل من نجد إلى الجزيرة في العراق هو فارس الجرباء، وأنه الرئيس الأول لآل محمد ثم ذكر بنيه
وأحفاده. وذكر أن فارساً لقب بالجرباء نسبة إلى ُأمه،

قال بن غسلان:

هذه الروايه لاتستند على شاهد قوي وتخالفها المواقف الشهيره للقبيله في تلك الفتره والتي تحتوي على القوه
والهيبه والشموخ والعزه بالنفس واعتقد انها من روايات العوام فقط .


وقال الظاهري ص 23 مانصه:

وهكذا خلا الجو لشمر في الجزيرة، وتمت لها السيطرة على أطرافها ونواحيها، حتى
آل ا الأمر إلى أن تفرض نوعاً من الضرائب يسمى "الخوة" تأخذها من كل عشيرة تترل منطقتها،
واضطر كل من يعبر الجزيرة إلى أدائها صاغراً، وظلت هذه "الخوة" نافذة الَمفعول، وشملت جميع القرى
الَمجاورة للبادية. ولَما تألفت الحكومة العراقية،بدأت قواا النظامية تكافح هذه"الْ خوة" بكل ما ُأوتيت
من قوة، إلا أنها لَم تتمكن من استئصال شأْفتها وقطع دابرها بالَمرة.

قال بن غسلان:

حال شمر في العراق لم يكن متساوياً بسبب تفرقهم في انحاء تلك الديار فمثلا الزقاريط ومن معهم في الشاميه
وبن حسان شيخ ال قدير ومن معهم بالحويقه والجربان ومن معهم في الجزيره وكل طائفة لها احداثها الخاصه
وخصومها الذين يجاورونها وكانت واشهرهم قبيلة عنزه التي كانت تنازع شمر ولاسيما الجربان في عدة اماكن
وكذلك تقلبات العلاقه بين القبيله والاتراك والتي كانت لاتدوم على حال واحده وكانت سبب مقتل الشيخين
صفوق وابنه عبدالكريم اضافة الى الخلافات الداخلية المزمنه التي كانت تثور بين الحين والاخر لاسيما بين الجربان
والثابت وهكذا . فالاوضاع لم تكن بتلك السهوله والراحه التي يفهمها القارئ من كلام المؤلف .


وقال الظاهري ص24 مانصه:

كان يخشاه رؤساء العبيد وطيء والجبور، فأورث هذا الأمر نزاعاً بين هؤلاء بالاتفاق مع الصايح من جهة
وبين شمر من جهة أخرى، على أرض الجزيرة التي نزلَوها، ونشب قتال دام تسعين يوما، انتصرت فيه
شمر، وأجبرت عشائر الصايح والعبيد وطيء على الجلاء، عن أماكنها في الجزيرة، فعبرت الصايح دجلة،
متجهة نحو الحويجة، فاتخذا منازل لها، وانتقلت طيء من مكانها، وجعلت مساكنها غرب سنجار، أما
الجبور فقد سكنوا منطقة الخابور، وهكذا خلا الجو لشمر في الجزيرة، وتمت لها السيطرة على أطرافها
ونواحيها،


قال بن غسلان:

الذي يقرأ كلامه هذا يعتقد ان الصايح قبيلة اخرى لاعلاقة لها بشمر وهذا غلط .
الصايح حلف قام داخل القبيلة نفسها ليقوم بوجه الجربان اذا صدرت منهم قرارات فيها شئ من الظلم حسب
زعم من قام بهذا الحلف وقام بدعمه .
وكانوا شيوخ ال صديد من الصبحي من عيال زايده هم اول من نادى بهذا الحلف وانظم اليه الاسلم وسنجاره في حين
انحاز شيوخ عبده الى جانب الجربان .
وللمعلومية فهذا الحلف عندما تأسس لم يضع شيوخ الصديد شيوخاً دائمين عليه كما هي الحال وانما كان الاتفاق ان الفخذ
الذي تقع عليه المشكله ويسير الحلف لمناصرته يكون شيخ هذا الفخذ هو القائد للجميع خلال تلك الاحداث وهكذا
فالزعامه غير ثابته وانما متحركه حسب من يقع عليه الظلم وتقع عليه المشكله فهو ليس فخذاً بحد ذاته وانما هو حلف
عسكري يشبه حلف(الناتو) الان لحماية الاعضاء الداخلين بهذا الحلف.
ولم نستطع العثور على تاريخ محدد لقيام هذا الحلف ولكنني لااعتقد انه قديم جداً وانما حدث على عهد الشيخ مطلق الجربا
والسبب في قولي هذا اني وجدت الحلف لم يتدخل في خلاف مطلق الجربا ومدلول بن طواله قبل معركة العدوه عام 1205ه
ولو كان الحلف قائما في تلك الفترة فلايمكن ان يتاخر عن الوقوف بجانب الاسلم حسب بنود الاتفاق.


وقال الظاهري ص25 مانصه:

منذ رحل آل محمد بقوا هناك بقاء استقرارٍ، أما عشائرهم فهم لا يزالَون رحلاً بين العراق ونجد، إلا
أن أقارم الأدنين بقوا هناك، كما أن جمهرة عبدةَ بقيت هناك أيضاً، إلا من لَم يؤثر العودة إلى جزيرة
العراق بعد عودته إلى نجد. وعن قصة عودتهم إلى نجد بعد رحيلهم إلى الجزيرة نجد إشارتين: أولاهمَا: في
سنة 1224 ه بعد انهزام شمر أمام الظفير، في جزيرة العراق كاتبوا الإمام سعوداً فأذن لهم وظهروا إلى
نجد.
وُأخراهمَا: سنة 1231 ه بعد قتل زعيمهم بنيةَ بن قرينيس، جلَوا من الجزيرة ونازلَوا قومهم في الجبل.

قال بن غسلان:

البطون التي نزحت عن نجد للعراق كانت قسمين:

1- قسم يتردد ذهاباً واياباً بين نجد والعراق مثل شيوخ الطواله ومن معهم من الاسلم وشيوخ التمياط
ومن معهم من التومان وشيوخ الدوحه ومن معهم من الحسين وغيرهم.

2- قسم ثبت في العراق ولم يعود الى نجد مثل الجربان والحدبان والحسان والزقاريط والجدي وابالميخ
والمجيحيم وبن سوقي وبن هثمي وغيرهم فهؤلاء لم يعودوا الىها الا في حالات فردية خاصه.
وقوله نزلوا الجبل اعتبره نزولاً فردياً وليس جماعياً فهو يدخل في الحالات الخاصه الفرديه.


وقال الظاهري ص 26 مانصه:

و- من الَمعروف الَمشهور بين الَمؤرخين أن زعامة الجبل لآل الجرباء بادية وحاضرة ثم لآل علي ثم لآل
الرشيد بيد أن الدكتور العثيمين يأبى ذلك. قال متعقباً الريحاني: ولعله أدق لَو قيل: إن الجرباء كان زعيم
بادية جبل شمر، لأن إمارة حاضرة الجبل "حائل" كانت لآل علي قبل انضمام الَمنطقة إلى آل سعود.

قال بن غسلان:

كلام العثيمين هو الاكثر دقة والاقرب الى الصواب لعدم وجود ارتباط بين الجربان وجبل شمر من ناحية الزعامة
والسلطه لكونهم اهل باديه لايقيمون في القرى كما هي عادة اهل الباديه.

ثم استطرد الظاهري قائلاً:

ولَم يرتض الدكتور رأي "هوجارث" في قوله بأن عبد الله ابن رشيد زعيما لقبائل شمر. ولَم يرتض قول
الفاخري عن عبد الله بن رشيد "رئيس بادية شمر".
قال أبو عبد الرحمن:
حيثما أطلق الجبل فإنمَا يراد به سكانه من بادية وحاضرة. وزعامة آل الجرباء للجبل إنمَا هي زعامة
لكافة قبائل شمر كزعامة ابن ربيعان مثلا لكافة قبائل عتيبة وكزعامة ابن هادي لكافة قبائل قحطان.
وهذا لا يمنع من وجود إمارة لخاصة الحاضرة، وأن آل الجرباء لا يهتمون بخاصة الحاضرة،
إلا أن الرابطة بين الحاضرة والبادية الغارات والَمغازي والقرابة من ناحية النسب "أو الَولاء في الأغلب الأعم".
لهذا فالحاضرة تبع لراية آل الجرباء.
ثم تحولت زعامة الجبل بادية وحاضرة من شيخ كافة البادية التقليدي وهو الجرباء إلى أمير خاصة الحاضرة
وهو ابن علي. وليس من شرط هذا التحول أن يكون مقراً في عرف مشيخة البادية أو أن تكون قبائل
شمر مذعنة لهذا التحول. وإنمَا تم هذا التحول من ولي الأمر الحاكم من آل سعود، فهو الذي اختار أن
تكون زعامة الجبل بادية وحاضرة لابن علي، ثم لابن رشيد، بحيث يعتبر من شذ عن هذه الطاعة من
قبائل شمر متمرداً. وعلى هذا دلائل:
منها أن أمارة آل علي لَم تسبق عهد آل سعود كما قال الدكتور
العثيمين، فقد بينت في حديثي عن آل علي أن قبيلة شمر دانت للدعوة قبل عام 1178 ه بناء على نص
من "لَمع الشهاب". ومنها أن الشيخ عقاب بن عجل نزح من حائل لأن شمراً أبت الاعتراف بشيخ أو
زعيم في حائل إلا إذا كان من آل رشيد، فهذا دليل على أن ابن رشيد زعيم الكافة من باديته. ومنها أن
حاضرة حائل حاربت مطلق الجرباء وباديته وكاتبت الإمام عبد العزيز تخبره بأن مطلقاً نكث فهذه
الأحداث تدل على أن لأمير الحاضرة زعامة رسمية على البادية تطالب بها وتقاتل عليها. ومنها أن قبائل
شمر الَموجودة بنجد شاركت في غزوات آل سعود، ولَم نر الراية معقودة لأحد مشايخ شمر، وإنمَا كانت
القيادة لابن علي أو ابن رشيد.

قال بن غسلان:

قوله(امارة العلي لم تسبق ال سعود) هذا كلام مردود على قائله بل هي قبل امارة ال سعود بمايصل الى قرنين
تقريباً.
وقوله(ان عقاب بن عجل نزح....الخ) غير دقيق ايضاً لكون الشيخ عقاب بن عجل الى عام 1336ه حين معركة الجوف
وهو متواجد في نجد ولم يستلم الامارة احد من غير الرشيد بعد هذا التاريخ لانه على وقت سعود ابوخشم ولد الجنازه
ثم استلمها عبدالله المتعب الرشيد ثم محمد الطلال الرشيد الذي سقطت الامارة على فترته.
ونزوح عقاب بن عجل كان مع من نزح من شمر في عام 1338ه عندما بدأت جموع الاخوان التأهب لاجتياح جبل شمر
بعد ان دخل مع الاخوان ثمانية شيوخ من مشاهير شيوخ القبيله فكان ذلك صدعاً قوياً في صفوفها جعل البقية يشعرون
بعدم القدرة على مواجهة الجموع الغزيره من الاخوان مع الملك عبدالعزيز.

وقد جاء في كتاب (دور الاخوان في توحيد المملكه)رؤيه غربيه - نقلها للعربيه النفيعي
في صفحة 89 قوله:
وفي الوقت الذي قرر فيه ابن سعود ان يوجه ضربه نهائيه لابن رشيد اصبح عدد من قبيلة شمر
اخواناً(اي دخلوا ضمن صفوف الاخوان)...انتهى

وذكر في صفحة 100 :

القطاع الشمالي الشرقي :
على الحدود العراقيه ومركزه في لينه وام رضمه برئاسة ابن جبرين وابن ثنيان...انتهى

وذكر في صفحة 102 :
عدد جنود الاخوان من قبيلة شمر عشرة الاف مقاتل...انتهى

اقول: عندما يقف ضد القبيلة عشرة الاف رجل منها فمن المؤكد انها لن تستطيع المقاومة بمن تبقى منها
لاسيما ان جموع الخصم كانت تضم تسع قبائل مجتمعة ومسلحة بالاسلحة البريطانية الحديثة التي ابتدأت
الدعم العسكري رسمياً اعتباراً من عام 1335ه أي قبل هذا التاريخ بثلاثة اعوام.

وذكر في نفس الكتاب صفحة 94 مانصه:

كانت تكتيكات الاخوان الحربيه تعتمد على:
1- مسيره طويله لضربة قصيرة.
2- الرغبه في الشهاده في ميدان المعركه.
3- ذبح كل الرجال في معسكر العدو وكذلك الاطفال واحيانا النساء.

اقول نعم جرى قتل جميع الرجال والاطفال وجرى قتل بعض النساء للاسف من جنود الاخوان
ولكنه ذبحاً على الشريعة الاسلاميه.

[فواز الغسلان]

لاباس ياعيني على السهر لاباس ..




ياعـين لو راحت وقوتك حـزيـنـه=لاباس ياعـيـني من السـهـر لاباس
ايـــاك ودروب الـنــــدم لاتـجـــيـنــه=مادام حـالك ماوطت حفرة الياس
زيـن اللـيـالـي مايـجـي كـثر شـيـنـه=واكدارها غطت على كل الاوناس
تنصب على درب الخـلايـق كـمـينه=وياما وقـع بشـبـاك الايـام قـرناس
ولابد من وقـت القـسى عقب لينه=وعزي لحال اللي رجى رحمة الناس
واللي بـغــى هـون النـشـامـى تـهينه=ومن داس قانون الرجاجيل ينداس
ومن شال دين الناس يصبح رهينه=مثل الذي دونـه عـسـاكـر وحراس
والعين تكـشـف لـك عـلـومٍ دفـيـنه=والوجه لاسـرار الـمخـالـيــق مقياس
وراع الحسد لو قام يضحك جبينه=الضحك مايخـفـي مـسامير الانجاس
ومن شك يلـقـى بالشـدايد يـقـيـنه=والا الرخى ماتختلف كل الاجناس
واحذر بـنـات العفن لـو بـان زيـنـه=الخــال هـو بـاب الـمرابح والافلاس
اللي يـبـي طـيب الـعـرب في جـنينه=لايخـدعـه زيـن الـعذارى بالاوراس
وافرق مـهـازيل الـعـرب عن سمينه=والقول قبل الـفـعـل حـبرٍ بـقرطاس
رح للذي مـثـل السـحـايـب يـمـيـنه=درعٍ لمـضـيـوم العرب سـاعة الباس
والليث ناموس الـعــرب في عـريـنه=يفني على كيف العرب عدة اكـياس
شابت طوارف لحـيـتي قبل حـيـنه=مثل الكواكب في دياجير الادماس
والـشـيــب يـرفـع قـيـمـتـي مايـهـيـنـه=دامي مشـيـت بسـكــةٍ تـرفــع الراس
لو هنت عند اللي زهى الكحل عينه=اللي حواجب عينها مثل الاقواس
لا نـاحـلٍ عــوده ولا هـي بـديـنـــه=تشبه لغصن الموز لا هـب نسناس
حـبـه طـوانـي مثل سـلك الـمكـينه=بكـفوف خـيـاطٍ نـظـمـها بـالالـبـاس
تطفي لواهـيـب الـصـدور وحـنـينه=ونارٍ مثل نـار المـطـابـخ بالاعـراس
لولاي اخـبـر قـصور حـبـه مـتـيـنـه=والله فلا اسـري تالي الليل عساس
واليوم مدري ويـن الاحباب ويـنــه=اللي زمت من دونها حمر الاطعاس
ومن شان خاطر عـين تكرم مدينه=ولاجـل النـشامى نحتمل شين الانفاس

[فواز الغسلان]

اضاءات حول زعامات القبيلة القديمه ..

الشيوخ الذين كانوا في زعامة قبيلة شمر منذ العصور الاولى هم:
1- شيوخ الاسلم ال بقار.
2- شيوخ الجبل من الجعفر من عبده ال علي.
3- شيوخ الخرصه الجربان.
وعند عودة كتابة التاريخ منتصف القرن الثاني عشر الهجري كانوا الجربان على زعامة بادية القبيلة وهي الاغلبية منها
وكان بن علي على مشيخة الجبل وحاضرتها.
دون ان نستطيع تحديد تاريخ ظهور هذه الزعامه بالضبط تحديداً جازماً مدعوماً بالادله .
اما شيوخ البقار فقد تغلب عليهم شيوخ الطواله على راس الالف الهجريه بعد الفتنة الكبرى الشهيره والتي وقعت بين شيوخ
الاسلم فيما بينهم في ذلك الحين .

ولانعلم شيئاً عن كيفية مجريات الاحداث بين هذه القوى الثلاث المذكوره وهل كان بينهما تعاصر ولو في فترة معينه.
وفي حال المعاصره هل كان كل منهما على جزء من القبيلة ام ان بن بقار على المقيمين في بلاد الجبلين وماحولها من
القرى في حين ان الجربان على بادية القبيلة.

وكذلك لانعلم شيئاً عن سير الامور بين الضياغم والبقار والجربان والعلي وهل كان هناك تعاون وتنسيق واتفاق فيما بينهم حول
طبيعة تسيير الامور ام ان هذه القوى التي اصبحت اربع قوى لم تتعاصر في الزمان او المكان.
وكيف سارت الاحداث بعد قدوم الضياغم في نهاية القرن التاسع الهجري وهل حدثت مواجهات بينهم وبين بن بقار ام لا؟
والذي اميل اليه كثيراً حتى الان هو ان شيوخ البقار هم اول من اشتهر في شيوخ القبيلة منذ ان توحدت بطونها وظهرت
واشتهرت بهذا الاسم(شمر) والذي نعتقد انه حدث في نهاية القرن السابع الهجري لأن اول ذكر تاريخي لها بهذا الاسم كان
في كتاب مسالك الابصار لابن فضل المتوفى عام 749ه وان كان المؤرخون لم يتطرقوا لشيوخ البقار بالذكر
كثيراً لعدم وجودهم في الكتب التاريخية المدونه.

ولاتوجد معلومات تفصيليةٍ مؤكدةٍ عن شيوخ البقار توضح احداثهم التاريخية سواء في كتب التاريخ او في الاشعار الشعبية
الموثقه ولانعرف من شيوخها سوى الشيخ عجيان بن بقار الذي كان قائداً لجموع قبيلة شمر في معركة(عصفر) عام 850ه
ضد جموع قبيلة عنزه بقيادة الشيخ الطيار .
وكذلك الشيخ حمود بن بقار الذي عرف بلقب(كريم سبلا) بسبب جوده الغزير وكذلك الشيخ رحمه
بن بقار وهو الاخير من شيوخ هذه العائله وكان على راس الالف الهجريه.

في حين ان اقدم ذكر ثابت بالاشعار الشعبية لشيوخ ال علي معركة بيضاء نثيل بينهم وبين السبعه من عنزه
بقيادة الشيخ عبدالله بن قلادان وقال احد شعراء السبعه:


في محدر الساقه لفونا هل الخيل=وجينا على قب المهار المزاغيف
يبون جل اذوادنا والمخاليل=ومنهم خذينا ابكارهم والمشاعيف
وحنا لطمنا جمعهم بالمصاقيل=يازين ضرب ارماحنا بالسراجيف
دمانهم راحت كما دارج السيل=بمسننات ومهدفاتٍ مراهيف
ربعي ثنوهم واعتلوا بالمطاويل=واقفى (محمد) والجهامه مناكيف
تطلمست في يومها كنها الليل=وانا احمد الله يوم جتنا على الكيف

ومحمد المذكور اعتقد انه محمد بن عبدالمحسن ال علي الذي تولى امارة الجبل من عام 1206ه الى 1234ه
لكونه هو الذي اشتهر بالمغازي والحروب تحت لواء الدعوة النجديه ولأن نزوح السبعه الى العراق كان
في حدود عام 1215ه تقريباً وهذه ضمن فترة امارة محمد بن عبد المحسن العلي الذي تنسب له القصيده التي تقول :


أنا بن علي وبن علـي محمـد=برج زمى وسط البلاد شهيـر
ضاعت فعولي بالوطيفي محمـد= كما ضاع بالصبخى بذار شعير
حنا الذي جبناك يوم حيل دونك= يوم أنت بالجهراء يقال قصير
حنا لك الله ما نخلـي خوينـا= لوكان حمال يسـوق حميـر
ضياغمٍ محدن يجينا بحـيلـه= من هازنا يرجع عصاه كسيـر


اما شيوخ عائلة الجربان فقد ورد ذكرهم في الكتب التاريخيه اعتباراً من عام 1104ه عند بن عيسى في تاريخه ص55
ولكنه كان ذكراً عابراً لاتفصيل فيه وتعتبر احداثهم التاريخية المفصله اعتباراً من فترة الشيخ مطلق الجربا وتحديداً من
عام 1194ه حيث قصة ماجد الحثربي في (فيضة الاديان) مع الشيخ دغيم بن سويط وشيخ قبيلة عنزه جديع بن هذال
وتسمية السويط(اهل البويت).

واما الروايه في مشاركة مطلق الجربا وبعض فرسان شمر بجانب جديع بن هذال وعنزه في معركة (كير)
الشهيره ضد قبيلة مطير وفخذ الدهامشه من عنزه والتي اسفرت عن مقتل جديع بن هذال فيها. ومشاركة مطلق الجربا
وبعض فرسان شمر لم يذكرها المؤرخون الذي فصلوا الواقعة مثل بن غنام وبن بشر وبن عيسى وانما ذكرت في بيت من الشعر
ضمن احدى القصائد التي قيلت في تلك الواقعه وهي قصائد لم يتم تحقيقها حتى الان والله اعلم.

ثم هزيمة مطلق الجربا ومن معه من مطير في (العدوه) عام 1205ه امام جيش الدولة السعودية الاولى ومقتل الشيخ
سلطان بن مطلق الجربا فيها والتي فصلها بن بشر في عنوان المجد ص172 ثم نزوح الجربان الى الحدود العراقيه واتصالاتهم
مع الاتراك الى عام 1212ه حيث حدثت معركة(شعيب الابيض) بالقرب من عرعر وقتل فيها الشيخ مطلق الجربا
واستلم زمام الامر اخوه الشيخ فارس الجربا وبهذا النزوح الجماعي الذي ضم ثلثي القبيلة تقريباً اصبحت بلاد الرافدين
منزل اقامة الجربان ومن معهم من القبيله.

[فواز الغسلان]

(( سبب تسمية الدغيرات من شمر ))
..

فخذ الدغيرات من البطون الشهيره في عشيرة عبده من قبيلة شمر واشهر بطون الدغيرات
الغيثه والعليان والحسين(المجلا) والتريبان والشريهه وبطون اخرى ليست كثيرة العدد ولذلك
تدخل ضمن هذه البطون الشهيره وهم الذين يعرفون بمسمى(اولاد علي) مثل قول الشاعر عواد الوبير:


الله يعـيـنـك يامـوارث عـطيه=وكيف انت ياشيخ كسبت النواميس
ياامير انا باوصيك بالـشـمـريـه=ياامـيـر تـرهـم زوبـع والسناعيس
واهل اللحـيـسـه كان هي بالحميه=واولاد علي محضبين المتاريس

والغريب اني اسمع من عوام القبيله من يقول ان تسميتهم الدغيرات لكونهم دغروا مع شمر اي دخلوا معها
وكأنهم ليسوا منها وهذا التفسير خاطئ ولا يقوم على اساس صحيح.
لأن كلمة ( دغر ) تعني خدع او اتى الشخص من حيث لايحتسب ومن مكان لايتوقعه او يستبعد دخوله منه
ولانزال الى اليوم نسمع من كبار السن قولهم ( فلان دغر فلان دغر ) اي انه اوقعه في المصيده او استطاع
هزيمته والتغلب عليه بطريقة لم يتوقعها المهزوم او (المدغور) وقد اشرت لذلك في(ملحمة جبال طي) فقلت عن نتائج مقتل
الشيخ بن بقار:



وجمع الطواليه رجع لاجل ثارهم=ومقتل ابن بقار بانت مخايله
والاقوياء عقب ابن بقار طاحوا=وسط الجبل جتهم لهايب فتايله
وتغيرت بعض الموازين عقبه=وربك نحل بعض الخلايق نحايله
وفي مقتله حاز الدغيرات للجبل=وصار النخل ميراثهم مع فسايله
ورث امهم بنت ابن بقار فاطمه=وشريكهم بالارث طاح بحبايله
واسم الدغيري من دغر شخص آمن=ماهو غريبٍ داغرٍ مع قـبـايـلـه
وبني تميم(ن)رغـم مـوتــة حليفهم=صانوا غرايسهم وشالوا ثقايله
وابن علي بانت على الدار سلطته=واهل الجبل حبو نقاه وشمايله


وذلك لكون والدة الدغيرات وهي فاطمه بنت بن بقار والتي انجبت له اولاده الذي تناسلت منهم جموع
الدغيرات وكانت تعيش مع زوجها واولادها في (جو) التي هي من املاك والدها في ذلك الزمان.
وعندما وقعت الفتنة الكبرى بين الاسلم والتي نتج عنها مقتل بن بقار وظهور نجم الطواله فقرر كبار الوهب
من الاسلم طرد علي واولاده من (جو) لانهم هم الذين ورثوا الزعامة والاملاك بعد بن بقار.

كانت فاطمه تستحق النصف وهو الارث شرعاً ولكنها هي وزوجها علي علموا انهم لن يحصلوا علي شئ منها
وهي اما لنا او علينا واما القسمه فليس لها مجال ابدا.
وكانوا كبار الوهب قد حددوا يوماً معيناً لرحيل علي واولاده من (جو) وعندها قرر علي ان يدرب اولاده
على اصابة الهدف بالبندقيه لكونها في تلك العصور لاتفيدك الا في طلقة واحده واما الثانيه فتحتاج لاكثر من
الساعه ليتم اعدادها ثم قال نحن ستة اشخاص واذا قتلنا ستة اشخاص من رجال المقدمه فيهم وهم اهل الحل والعقد
بلاشك فهذا يعني اننا انتصرنا عليهم.
ونظراً لكون الشخص الذي يختفي في الجبل يستطيع ان يراك دون ان تراه فقد دخل الجمع الذي امسك بزمام الامور
بعد بن بقار وما ان توسط من الجبل حتى ثارت البنادق فسقط ستة من كبارهم مما جعل الامر يختلط وتدب الفوضى
لينسحبوا من المكان ولتصبح (جو) ملكاً كاملاً لاولاد علي ولكون الذين ارادوا مهاجمة علي واولاده لم يتوقعوا المقاومه اطلاقاً
لان اولاده كانوا شباباً في مقتبل العمر فقد جاء الامر عليهم وكأنهم دغروا دغراً وجائهم الامر من حيث لم يتوقعوا
وهذا السبب في تسميتهم الدغيرات.
ومن المهم الاشارة الى ان علي واولاده ليسوا من قتل بن بقار كما يتوهم الكثيرون لكونه جدهم لامهم وكانت الامور بينهم على احسن
حال ويكفي انه يسكنهم الى جانبه والصحيح ان الطواله ومن معهم من كبار الوهب هم الذين قتلوا بن بقار في حين ان علي واولاده قتلوا
قتلة بن بقار وكأنهم اخذوا بثأره فلاينبغي خلط الامور . بل سمعت من يردد ذلك حتى من الدغيرات انفسهم اعتماداً على ابيات الشاعر
بادي العضيباوي عندما قال:


غـرايـسـي ياخـضـير غـبرٍ مباييد=مـتــواصـيــاتٍ كـلـهـن بالـردايـا
وجينا ندور التمر في شمّخ الغيد=بركــون جـوٍّ حـي هـاك الودايا
ملك العيال اللي وكادٍ و توكيد=حوش القروم المستحين الطنايا
جابوه غصبٍ في خشوم البواريد=وراحو هله عن روس هاك الثنايا
و طقر أبن بقّار و لجـوّ مااعيد=وتقـاسـمـوه أولاد عليٍ حضايا
سقاه من غر المزون الرواعيد=يكتّف سيله من علّو الشغايا
حيث إنها للملتجي دار أجاويد=زلازلٍ ماهـم عـفـون وهـفـايا
مـا تزبنوني عن ليالي جـويريد=عسى لكم حظ وعثاث وعنايا

والشاعر هذا كان منذ مائة عام تقريباً في حين ان الاحداث هذه مضى لها مايقرب من ستة قرون فهو لم يعاصرها
وانما يردد ماسمعه من عوام الناس فقط.

واما قول الشاعر حواس التبيناوي في الشطر( كسبٍ لعلي يوم علي يبوقه ) فهذا الشطر لااعرف صدره بالضبط
ولااعرف هل هو للتبيناوي او لراجي بن طوعان او لعدوان الهربيد في المساجله التي حدثت بينهم .
وبدايتها كانت بسبب دعاء عدوان الهربيد الله سبحانه بالغيث لينزل على نخلاته بالظلع
وهن هدلاء -وهدباء -ونوير -وانا ادري - وهذه سميت وانا ادري لكونه اخفى مكانها
عندما غرسها خوفا من نزعها قبل اكتمال نموها وكان اذا سأله احد عنها وعن مكانها قال:
وانا ادري؟ اي لاادري بأسلوب الرفض والعناد .
فقال ابياته التي منها:


عـسـى ليـا جــت مزنـةٍ هـيــدبـيــه=ملكٍ يشـايـع لـه وملكٍ يسوقـه
تحدث بنـضـناض الرعـد عـقــربـيـه=يشمخ كما أرقاب القلع مع وسوقه
تمطر على هدلاء وهدباء وأنا أدري=ونويـر اللـي سايحـاتٍ عــذوقـه
جزال الرطايب والـشـماليل كـنـهـن=دلاخـيـم صفرٍ من خواوير نوقـه

فهنا يدعوا ربه انه اذا ظهرت مزنه (هيدبيه) اي كثيرة المطر كأهداب القطيفه ومعها ملك من
ملائكة الرحمه يسوقها .. تسبب من نضناض الرعد عقربيه اي ينتج من قوة صوت الرعد بروقا
ساطعه وهي العقربيه .. ويشمخ المزن اي يرتفع مثل اشكال القلع وهي الحجاره الكبيره في قمم
الجبال .. مع وسوقه اي عند ذهابه عن الرؤيه بالعين بسبب ارتفاعه . ويسمى الحلال الذي
ذهب به الاعداء او اهل السرقه ( وسيق ) اي ذاهب وضائع كما قال فهد الغسلان عندما
ضاع جمله :

تكلته على وسم الزميلات الازمل
عليه السـهـيـلــي مـايــروح وسيـق

اي طالما انه يحمل وسم الزميل من سنجاره فلايمكن ان يذهب وسيق اي ضائع وذاهب.
العذوق هي التي تحمل البلح في اعلى النخله .
جزال اي كثيرة وقوية الرطايب وهي جرائد النخل . والشماليل هي الشماريخ والعذوق ايضا .
دلاخيم اي سمان . خواوير نوقه اي النوق والابل اذا كانت ترعى هملا في المرعى واصبحت
سمينه .
وكما ترون انها تحتاج لقاموس لمعرفة معانيها المقصوده .

وعندما سمع راجي بن طوعان السويدي ابيات الهربيد ارسل رداً عليه يدعوا على نخلات الهربيد
بالنيص اللي يلعب بها وياكل قلوبها لكي تموت( والنيص)حيوان يعيش في الجبال وحجمه قريبا
من الهر.0 لكونه خصها بالسيل دون غيرها فقال:



عـســى لـيـاجــت مزنــةٍ هـيــدبــيــــه=ملـكٍ يـشـايــع لـه وملكٍ يسوقـه
تزج الطخاء من مدهش الغيم غراء=وتسمك مع أرقاب القلع مع وسوقه
تـبــرق مقــاديـمـه وتـمـطــر عقابـه=وينّرن الثعالب للزبن عن حقوقـه
عـســى عـلـى حيّة ليا العين للظهـر=ليا جوّ(ن) اللي سايحاتٍ عذوقـه
جوّ(ن) لـيــامـن الكريـم إلـتــفــت لـه=غـيــدٍ يطـيّـشـن المرابـد شلوقـه
يـشـبـع بـه الجـيــعـان واللـي يحتـري=والآهـلــي واللي نـزل فـي لثوقـه
دار الـلــذي كــم بـيـــدوا مـن بكيـره=ومن هبشةٍ سمن العرابي بروقـه
أوي قـمــشـــت شايبٍ ماخـســر بـه=عـقٍ ولا توبـع عـوارف حقوقـه
خــذوه بصنع الـبــنـــت ياحفدو لهـن=حــدبٍ ضـرايـبـهن قليلٍ عتوقـه
ياالله عـسـى في مـنــزل الـرسل منزله=إلى جنـان الخلـد ربـي يسوقـه
ماهي ديرتك ديرة حـنــيــشٍ مصـدع=مايسمع القاري شطوبٍ شدوقـه
في ديرتـك صــوايّـة الـلــيـــل كـنّــه=تصوي ولا تلقاء محاري شروقـه
لـعـلـهـن بـالـنــيــصـة الحــظــرميـه=الـنــيــصــة اللي كـل ضبٍ تذوقـه
نيصٍ ورى نـيــصٍ ونـيــصٍ وراهن=ونـيــصٍ مع البطحاء ونيصٍ يحوقه
ويـبــرالــه الـلــي مثل مبسـم مشـاري=ماتصبح إلا مشيّنٍ لـك وفوقـه
بربـيــةٍ مشـراء اوقــيــة قـبــالــتـه=وقسم على الأصيّاف من ماء فلوقه
لـيٍّ بطــيٍّ يـم الأصيـاف يـذكـــر=حـتــى إنت على ماحكـو ماتذوقـه
ينرن الثعالب: اي تنير وتهرب وفي اللهجه الشعبيه نار فلان اذا هرب.
عن حقوقه: عن الصادق من السحاب وهو الذي يمطر.
حيه والعين والظهر وجو كلها اماكن داخل الظلع .
غيد: اي النخل المباكير الذي في اول شبابه عكس البالي القديم0 يطيش اي يملأ والمرابد
هي الاماكن التي يجمع بها التمر .
لثوقه هي الارض التي رويت من ماء المطر واصبحت تقطر من الماء .
هبشه هي المطحون من القمح او الذره وتطحن وتهبش بالمهباش .
بروقه اي المرق او السائل الذي يوضع عادة مع العيش او فوقه كالسمن او المريس من الاقط
وهو ماء الاقط .
قمشت اي نهبة او كسبة اذا اخذها من غيره بطريقه غير متوقعه .
عق ضد الحق وهو من الظلم والعقوق.
العوارف هم القضاة في الطريقه الشعبيه.
والمفرد عارفه.
صنع البنت لاحفدوا لهن ويقصد بها البندقيه والتي كانوا يصنعون بارودها من بعض الجبال
بالنحت منها .
حنيش مصدع هو الثعبان الكبير اذا تشقق جلده من الكبر .
شدوقه هي الخدود بالوجه.
وهكذا ترون صعوبتها وغلظة كلماتها البدويه القحه .

فرد الشاعر عدوان الهربيد على الشاعر راجي بن طوعان في غضب لكونه لايرى اي مبرر
لتدخل ابن طوعان على رجل يدعوا ربه بالغيث على غرايسه فقال:


البارحه قال الذي بات مـا غفـى=من تـيـهـةٍ ماتـنـتـخــيـط فتـوقـه
أنا ياجماعه وش أسـوي براجـي=وجه العجوز اللي تـراوك نشوقـه
يدعي على هدلاء بسرايّة الدجـى=اللـي ترمـي بالمخامـر إربوقـه
هدلاء كما عيني ليا نيشت أ هملـه=وأنا الذي ما أصبر ليا نيش موقه
والله لأودع مـن بلانـي بـشـره=كما شنـةٍ تجدع تهـاوى شقوقـه
أنا دوى العايل وأنـا أبـو خزيـم=مثل الحـريـشـاء تقـتـل اللـي يذوقـه
قيلي يشادي فارسٍ فوق سابق=يلحق ويقصرن الرمك عن لحوقـه
يالله تصخـــر للـغـيـور بـلـهـيـبـه=ليا الصبح من بكرى تلضاء إطبوقه
سناه ياكـل مابقـى مـن رطيبـه=والجمر يحرق ما بقاء من عروقه
ياحيـث مابـه للـنـشـامـا عريشـه=دومٍ خـفــافٍ بالمبـادي علوقـه
ياجينا على العيرات ضـراب نـيّـه=مابه حذاء القطماء تناسق فروقـه
فأستجار راجي بن طوعان بالشاعر حواس نهار التبيناوي لمعرفته بقوة شعر عدوان الهربيد
وانه لايستطيع مواجهته وحواس التبيناوي من فحول الشعراء وهو الذي قال القصيدة الشهيره في سعدون الاشقر
شيخ المنتفق بعد هزيمته امام جيش الامير عبدالعزيز المتعب الرشيد ومطلعها:

سعدون جاك الضاري اللي حكى بك***وافي الوعيد اليا حكى قايلٍ شين

وكونه من الدغيرات فهذا يعني ان له املاكاً في جو ضمن
الاملاك التي تركها الهربيد ولم يعمها بدعائه لها بالسيل فقال التبيناوي:


يا راكبن من عندنا فوق حمـراء=باالـعــد من فاطر شـرار ٍ عموقـه
ياروّحت مع سهــلــتـن بـه مذلـه=ترويج علطاء روّحت من شروقه
فــوقــه مرس الـدو خـدام ربعـه=ياضيّــقـــت بالغانمــيـن البــيـوقـه
دزه إلى باب الشجاع أبو راشـد=ملزوم أعزز حالهم عن غروقـه
إيط وتثيقل وإترك الخوف وإيمن=وإرثع بـشــنــن ثـم قطـع بنوقـه
وإلا تخــبــره مايقـــرب لـشـلـتـه=خبيث مثل الموس شينن صفوقه
إلكـان هــادنّــا وحــنـــا نهـادنـه=وإن زاد وحـنـا بالصعــاصيع عوقه
قل حال صفــرك بالتماثيل عندنـا=بأطراف جّــو أسقاه رايّح دفوقـه
لو كانت أمداحك لحــيّــة اليا الظهـر=ملوكٍ وثـنــوا بالحدايـق إرفوقـه
لو إنت تمدح مثلهن كان ساكـت=ماقــال لـك راجي بنـيـصٍ يحوقـه
فهذه القصائد نموذجا للقصائد الشعبيه القحه التي يصعب على الكثيرين معرفة معانيها وهناك
الكثير من هذا النوع المتعب فعلا .

[فواز الغسلان]

وجودي على دار الاجاويد ياضيدان ..


انا كل ما هبت نسايم جبل رمان=الاشـواق بـانـت فـي عـيـونـي مواريـها
ابي ديرة قامت تحت نايف الـظـلعان=جـمـيـع الـمـدايـن بالــنــدى ماتجـــاريها
لأن الفخر ماهو قـصايد ولا ديوان=ولا الكذب من كاتب حروفه وقاريها
والافـعـال تغني عن مدايح هروج فلان=وثـوب الـعــريـــه مـايـغــطــي عــواريـها
ولا يخدعـك خرط الفراغه على الكنكان=من الـلــي تشـجــع بـالـبــرامـج خـكاريها
وطيب العرب باللي كـسـى جايع اليتمان=اذا ما لـقــت ثـوبٍ جـــمـيــلٍ يـواريــها
تواريخـنـا طـيـب وشجاعه وصدق لسان=قـبل سوق الاسهـم والبنوك ومصاريها
اذا ثـار بـرده مـن يـنـــايـر الى نـيـسان =والايـتـام تـحـتــه ما لـقت من يداريها
ذراهــا بـحـايل من صوارم رفاع الشان=جــواهــر مواكـيـر الـكرام ودراريـها
هي الريف لو غابت مزونه عن الوديان=فـيـاضٍ تـخـالــط ريـمــهـا مــع حـبـــاريها
وجــودي على دار الاجاويـد ياضيدان=وروحٍ مـع الـغــربــه تـجــدد طـواريـها
وجـود الكـسير بساقة الخيل والفرسان=وقــع بـيــن بـيــاع الـمــهـونــه وشــاريـها
تحت لاهب الجوزاء جـحـيمه تقل نيران=وراء سـهـلـةٍ بـالـقـيـظ تـذرى ذواريـها
ولا يرتـجــي فـيـهـا ثـمــايل ولا قـلـبـان=ولا جــاه وبـل الـمــزن يـمـلأ خـبــاريها
سموم الهواء يلـفـح طـريـحٍ وقـع ظـميان=كما الـجـرح بـسـيـوف الـعداة وشباريها
وسليم الـعرب باللـيـل مايامن السرحان=اجـل كيف مكسور القدم مع ضـواريها
تدوج الفيافـي ترجي الطرش والعربان=ولا يـسـلم اللي تلـمـحـه فـي مـسـاريـها
وغير الضـواري بالدجى تسرح الديـبـان=الا واشـقــى قـلــبٍ وقــع فــي محــاريـها
غدى بين نار الـقـيـظ والجرح والنيبان=ولا له ســوى رب الخـــلايـق وبـاريـهـا

[فواز الغسلان]

1-
رائعة متمم بن نويره في رثاء اخيه مالك .. ..

قصيدة متمم بن نويره برثاء اخيه مالك الذي ارتد بعد وفاة النبي صلى الله عليه وسلم
فبعث ابوبكر الصديق اليهم جيشاً بقيادة خالد بن الوليد وعندما تم اسر مالك بن نويره
رفض السير في الاسر لكونه كان شريف قومه فأمر خالد بن الوليد على ابن الازور ان يضرب
عنقه بالسيف كما هو حكم الاسير اذا امتنع .
فلما صلى ابوبكر الصديق الفجر نظر متمم بن نويره لابن الازور ثم قال:


نعم القتيل إذا الرياح تناوحت=خلف البيوت قتلت يابن الأزور
ولنعم حشو الدرع كان وحاسراً=ولنعم مأوى الـطـارق المتنور
لايمسك الفحـشـاء تـحـت ثـيـابه=حـلـوٌ شـمـائله عـفـيف المئزر
أدعــوتـه بالـلــه ثـم قـتــلــتـــه=لـو هـو دعـــاك بـذمــةٍ لــم يغدر

فقال بن الازور لقد امرني خالد بن الوليد . فقام متمم بن نويره ووقف الى جنب ابي بكر الصديق
في نفس المكان الذي وقف فيه كعب بن زهير عندما اعتذر للنبي صلى الله عليه وسلم في قصيدته
(البرده) ومطلعها:


بانت سعاد فقلبي اليوم متبول=متيم إثرها لم يفد مكبول
وما سعاد غداة البين إذ رحلوا=إلا أغنُّ غضيضُ الطرف مكحول
هيفاء مقبلة عجزاء مدبرة=لا يشتكي قصر منها ولا طول
تجلوا عوارض ذي ظلم إذا ابتسمت=كأنه منهل بالراح معلول
شُجت بذي شبم من ماء محنية=صاف بأبطح أضحى وهو مشمول

وسميت البرده لكون النبي صلى الله عليه وسلم رمى عليه بردته جائزة له.
وعندها انشد متمم بن نويره رثائيته الشهيره والتي تعتبر من روائع الشعر العربي:


لعمري وما عمري بتأبين هالك =ولا جزعا مما أصاب فأوجعا
لقد كفن المنهال تحت ثيابه =فتى غير مبطان العيشات أروعا
ولا برما تهدي النساء لعرسه =إذا القشع من برد الشتاء تقعقعا
لبيبا أعان اللب منه سماحة =خصيبا إذا ما راكب الجدب أوضعا
تراه كنصل السيف يهتز للندى =إذا لم يجد عند أمرئ السوء مطمعا
إذا اجتزأ القوم القداح وأوقدت =لهم نار أيسار كفى من تضجعا
بمثنى الأيادي ثم لم يلف مالك =لدى الفرث يحمي اللحم أن يتوزعا
وقد كان مجذاما الي الحرب ركضه =سريعا إلى الداعي إذا هو أفزعا
ويوما إذا ما كظك الخصم إن يكن =نصيرك منهم لا تكن أنت أضيعا
وإن تلقه في الشرب لا تلق فاحشا =على الكأس ذا قاذورة متزبعا
وإن ضرس الغزو الرجال رأيته =أخا الحرب صدقا في الرجال سميدعا
وما كان وقافا إذا الخيل أحجمت =ولا طائشا عند اللقاء مدفعا
ولا بكهام بزة عن عدوه =إذا هو لا قى حاسرا أو مقنعا
فعيني هل لا تبكيان لمالك =إذا أذرت الريح الكنيف المرفعا
وللشرب فابكي مالكا ولبهمة =شديد نواحيه على من تشجعا
وللضيف إن أرغى طروقا بعيره =وعان ثوى في القد حتى تنكعا
وأرملة تسعى بأشعث محثل =كفرخ الحبارى رأسه قد تصوعا
أبى الصبر آيات أراها و إنني =أرى كل حبل بعد حبلك أقطعا
وإني متى ما أدع باسمك لا تجب =وكنت جديرا أن تجيب وتسمعا
وكنا كندماني جذامة حقبة =من الدهر حتى قيل لن يتصدعا
وعشنا بخير في الحياة وقبلنا =أصاب المنايا رهط كسرى وتبعا
فلما تفرقنا كأني ومالكا =لطول اجتماع لم نبت ليلة معا
فإن تكن الأيام فرقن بيننا =فقد بان محمودا أخي حين ودعا
أقول وقد طار السنا في ربابه =وجون يسح الماء حتى تريعا
سقى الله أرضا حلها قبر مالك =ذهاب الغوادي المدجنات فأمرعا
فأثر سيل الواديين بديمة =ترشح وسميا من النبت خروعا
فمجتمع الأشراج من حول شارع =فروى جناب القريتين فضلفعا
تحيته مني و إن كان نائيا =وأمسى ترابا فوقه الأرض بلقعا
تقول ابنة العمري مالك بعدما =أراك قديما ناعم البال أفرعا
فقلت لها طول الأسى إذا سألتني =بلوعة حزن تترك الوجه أسفعا
وفقد بني أم توالوا فلم أكن =خلافهم أن أستكين و أخشعا
وإني و إن هازلتني قد أصابني =من الرزء ما يبكي الحزين المفجعا
ولست إذا ما أحدث الدهر نكبة =ورزءا بزوار القرائب أخضعا
ولا فرحا إن كنت يوما بغبطة =ولا جزعا إن ناب دهر فأضلعا
ولكنني أمضي على ذاك مقدما =إذا بعض من يلقي الخطوب تكعكعا
وغيرني ما غال قيسا ومالكا =وعمرا وجزءا بالمشقر ألمعا
وما غال ندماني يزيد وليتني =تمليتهم بالأهل والمال أجمعا
قعيدك أن لا تسمعيني ملامة =ولا تنكئى قرح الفؤاد فييجعا
وقصرك إني قد جهدت فلم أجد =بكفي عنهم للمنية مدفعا
فلو أن ما ألقى يصيب متالعا =أو الركن من سلمى إذن لتضعضعا
وما وجد أظآر ثلاث روائم =رأين مجرا من حوار ومصرعا
يذكرن ذا البث الحزين حنينه =إذا حنت الأولى سجعن لها معا
إذا شارف منهن قامت فرجعت =حنينا فأبكى شجوها البرك أجمعا
بأوجد مني يوم فارقت مالكا =وقام به الناعي الرفيع فأسمعا
ألم يأت أنباء المحل سراتكم =فيغضب منكم كل من كان موجعا
بمشمته غن صادف الحرب مالكا =ومشهده ما قد رأى من تمنعا
أأثرت هدما باليا وسوية =وجئت به تسعى بشيرا مقزعا
فلا تفرحن يوما بنفسك إنني =أرى الموت طلاعا على من توقعا
لعلك يوما أن تلم ملمة =عليك من اللائي يدعنك أجدعا
نعيت امرءا لو كان لحمك عنده =لواراه مجموعا له أو ممزعا
وكانت عين متمم اليمنى ميته منذ ولادته الا انها دمعت عندما انتهى من القصيدة وذلك من فرط
الحزن والوجد في قلبه.
فقام اليه عمر بن الخطاب فقال ياليتي كنت اقول الشعر لكي ارثي اخي زيداً بمثل ذلك فقال
متمم لو مقتل اخي مثل مقتل اخيك مارثيته ويقصد بذلك ان زيد بن الخطاب قتل شهيداً
واما مالك قتل مرتداً والله المستعان..

[فواز الغسلان]

من بني وايل وحنا مع بني وايل جماعه..


ياخـلـف واحـالـي الـلـي تشتكي نار الـقـطيعه=ماتـهـنت فـي شـبـابـه ياخـلـف لو ربــع ساعه
وسط جـوفي يابوخالد تشتعل حرب الوديعه=والـقـنـابـل يابـوخـالـد بالحـشـى يوضي شعاعه
وانت رجـلٍ يـابـوخــالد دارسٍ عـلـم الـشريعه=من بـنـي وايـل وحـنـا مـع بـنـي وايل جمـاعه
والـنـدى بـعـيــال وايـل فـي مـبـاديـها طـبيعه=ومن يـهـاجـم راح يـلـقى بالعرب لجنة دفـاعه
ان بـغـى نـار الـمـعـارك لجـنـة الناس الصريعه=وبالـنـدى لـجـنة كـبـودٍ في ظلام الليل جاعه
ويابوخـالـد بـي جروحٍ طعنته صارت وسيعه=مايـفـيـده يابوخـالـد فـحـص دكـتــور واشاعه
قبل ندخل بالـمذاهب والـعـرب سنه وشيعه=ودي اسأل عن سلومٍ عـندنا صارت بـضاعه
حـيـلـتي نـظــم الـقـوافـي بالـطـواريـق البـديعه=فـي ضـمـيرٍ لاتضـايـق يـطـبـع افـكـاره طـباعه
لو يجي سوق الـقوافـي يشـري القاف ويبيعه=كان يملك كنز كـسـرى يوم حـربـه مع قضاعه
كالجـواهـر بالـعـقود الـلـي عـلـى صدر الفريعه=الـعـنـود الـلـي ظـلـوعـي تشتكي طعـنة وداعه
بس جزل الشعر يصبح مع قليل العرف ضيعه=كود من يـفـهم خوافـيـها ويـطـرب لاسـتـمـاعه
وكان قلبي طـاع وقته والـزمن عـيـا يـطــيــعـه=فالـلـيـالـي فـي بـحـور الجـور مايـركـد شراعه
اشهـد اني مارضيت الـبـوق ودروب الخديعه=وان في عـيـني عن الجـارات تحـصـين ومناعه
وان روحي لو يشين الوقت ماترضى الهزيعه=وان لي بجـبـال حـايل لابــةٍ بان ارتفاعه
واننا ريف الضعـيف وراحة الـضـيف وربيعه=ومن رفع صـبـعـه علينا بالـردى نـقـطـع ذراعه
مانخـاف من الـشـدايـد لـو مـنـاظرها فضيعه=ولا نـقدم في هـوان الـنـفـس حـب وشـفـاعه
يكـفـي ان اهل الحرايب تجـمـع الـعـالم جمـيـعه=تجـتـمـع من دون قـرب ولاعروق ولا رضاعه
دون سبع جـمـوع تدفـع صـوبـنـا كـامل نجـيعه=ماتقارب سور دارٍ تـمـتـلـك طـيـب وشجاعه
حــال مـن يـحـلــم بـظـلـعٍ شـامـخٍ مايستـطيعه=او يجي غــابــة وحـوش ترهب الخافق سباعه
ان وقـعـنـا ماجـزعـنـا من لواهـيب الفـجـيـعه=وان مـشـيـنـا شفت غالي خـيـلهم معـنا قلاعه
من مواكـيـر الحـرار اللي على راس الـرفـيــعـه=ولاجل كسب المال مانرضى هوان ولا دناعه
نكرم الطيب ونـغـلـي موقـف الطـيب ونذيـعه=وان تكلـمـنـا نسـوق الـهـرج عـن علم وقـنـاعه

[فواز الغسلان]

واحالي اللي من ثلاث سنين تنقص ماتزود ..



واحـالي اللي من ثلاث سنين تنقـص ماتزود=والفحص وعلاج الاطـباء والعـرب مافادها
تقـسـى لـيـالـي عـمـرنـا وعـزومـنـا تـرقى سنود=واهل الفخر لولا الـعزايـم ماتحوز امجادها
وكل الشـدايد مع كـبـار الـعـزم تسـهـل ماتكود=ولولا الـعزايـم مايـفـيـد الـنـاس كـثـر اعـدادها
ولاهـمني في ضيقتي هرج العواذل والحسود=ومن حـاز ناموس العرب لازم يذوق احقادها
الغيث مايـآتـي قـبـل تـرجـف مـرازيـم الـرعـود=ومحـدن خـذى لـذة حـيـاتـه لـين ذاق انكادها
ومن شح في وقـت الصبى لاشاب لايمكن يجـود=وفرخ الـنـداوي لا طـرد جول الحباري صادها
والطيب كان انه ظهر صيته على وقت الجدود=ماشاع بأجداد الـعـرب يـظـهـر بـطـبـع احفادها
ومافات من عـمـر الفـتى لو صاح لايمكن يعود=وحوض الـمـنـايـا يجدع الخدام جنب اسيادها
ولاضاق صدري والسبب نقص الدراهم والنقود=والـمـال هـو عــز الـنـفـوس وذلـهـا وافـسـادها
ان زاد مالي مارفعت النـفـس عن بعض الهنود=وان قل مالي مامـنـعـت الـنـفـس عـن مـيرادها
بالـمـال سـتـرٍ لـلـفـتــى لاسـار بـه ضمن الحدود=كــم وارثٍ يـنــزل قــصــورٍ بـالـمــــلا مـاشــادهـا
والفـقر يرمي صاحبه للـعـفـن والـهـيس الربود=ويودع حـثــالات العرب تركب كتوف اجوادها
ولاعيب في رجـلٍ وقـع بحـبـال هافـين الـعـهـود=الـلـي الـيـا حـــان الـوفـى تـزبـن عـلـى ملـبـادها
والكسب مايآتـي عـلـى كـثـر الكـتـايب والجـنود=ربي كـتـب غيب الـبـشـر بالـلـوح قبل ايجادها
والخوف من سـهـم الـمـنايا ماحمى عمر الشرود=ولا ضاع عـمر الـلـي تـقــدم بـالـجـمـوع وقادها
وجسمي ضـعـيـفٍ بالعرب ماني مثل عاد وثمود=الـلـي عـلى صــم الصخـر كانــت تطـق اوتـادها
بس ان عـزمـي عـزم فـايـز يـوم يـفـزع بالعـمود=ضــد الـجـمـوع الـلـي تـقـادح للحــريـب زنـادها
ولاني على الدنـيـا مثل حرص النصارى واليهود=لاشك ماتكـشـف صـواديـف الهـلاك ارصادها
اشكي هـواجـيـسٍ تـزور الـفـكـر والعالـم رقـود=لا نـام خـلـق الـلـه تـجـيـني بالظــلام اذوادها
تغلي ظـلام اللـيل عن بـعـض الـفزايع والشهود=دايم تـعاند عـيـشتي وان ضقت زاد عـنــادها
واشـكـي طواعـين الغرام وجـرح هجـران العنود=الـلـي تـواعد ثـم تـخـلـف بـالـهــوى مـيـعــادها
كم واحدٍ قـبـلـي شكى من رمح زيـنـات الخدود=اللي عطور الـمـسك والـريحــان ريح اجـسادها

[فواز الغسلان]

(( ملحمة عبدالعزيز- العزي - الهذيلي راع البره ))

الشاعر العزي راع البره وهي قرية تقع شمال غرب الرياض مسافة 85كم وتتبع امارة حريملاء
كان ولائه لامارة الرشيد اغلب حياته وهو قائل القصيدة الشهيره بعد معركة الصريف عام 1318ه والتي مطلعها:
ملحمة اعتذار العزي الهذيلي راع البره ..

يالـلـه يـالـلـي لـك عـلـينا رقيبه=ياناصر عبده على جند الاحزاب
تـعـز شـيـخٍ قـوم الـلـه نصيبه=شيخ الجبل عز القرابه والاصحاب
يامزنةٍ غرت ونشت من مغيبه=تبرق وترعد ساقها رب الأرباب
ترمي الصخب شرّه على من تصيبه=بأركانها تسمع كما ضرب االأطواب
طمّت وعمّت وإدلهمّت غضيبه=واستثقلت باللي للأرواح جذّاب
تبغي الحريب اللي دنا من حريبه=ابن صباح اللي تعرض للأسباب
دوّر وجمّع من تردى نصيبه=بأهل الكويت وكل من كان خشاب
وهو الذي امتدح حائل وامرائها وذكر قصرها برزان ومافيه من الكرم والمراجل في قصيدته
الشهيره والتي اعرف منها خمسة ابيات فقط وهي:


قال الهذيلي يوم ربي هداني=عديت في حوران عالي المراقيب
وخلاف ذا ياراكبين السماني=هضع الرقاب مهودفات العراقيب
مع خل جبه زومعن زومعاني=تلقى لهن في قصر حايل معازيب
قصر بناه العز ماهوب فاني=لو فـنـيـت الـدنيا بقابه شخانيب
قصر يقلط به صحون وصياني=وزاد العراق يدامه الفطر الشيب
وعندما استطاع الملك عبدالعزيز توحيد البلاد في آخر حياة الشاعر الهذيلي قال
قصيدته التي اعتذر بها منه ليعلن ان ولائه معه وهي قصيدة تعتبر من الملاحم الشعريه
والتاريخيه لكونه تطرق للعديد من الحوادث التاريخية من عهد الدولة السعودية الاولى
بالرغم من كونها لم تحقق حتى الان وفيها بعض التقديم والتاخير وبعض التصحيف
وبعدها انتقل الى قطر قريبا من العام ثم الى دبي وفيها انقطعت اخباره ويبدو انه توفي هناك:


الحـمــد لـلـــبـاري عـلـى ما جـرا به=عـز الإمــام ورد كيد المغاليل
يالـلي عن الـداعـيـن ما صك بابه=كـفـه غـنـيٍ والخلايق مقاليل
رب السما رب الوطى رب مابه=يارب خلقه رب طاها و جبريل
تعلم ولا نعلم خفى لاخفا به=وتوحي ولا نوحي سوى لفظ ماقيل
يامن على الطاغي شديد عذابه=ويا مهلك راع المهالك بسجيل
قول الذي زين الغرايب بدى به=شطر على قافن غريب التماثيل
ألف هلا با اللي لـفـتـنـا ركابه=واللي على كور النجايب مراسيل
كسرت عصى من سب دين الوهابه=الدين دين الله ولا فيه تبديل
بكتاب ربي عز من هو كتابه=ويعز دينه بالشيوخ المشاكيل
واللي رفع دينه وشرعه دعابه=جد الحمولة بالسنين المساميل
واللي كسى الكعبة والابطح بنى به=ماغش دينه بالبدع والأباطيل
حتى هل القطب الجنوبي عثى به=جضيضهم من عقب نقل المواصيل
واعدم هل المشهد وهدم قبابه=ما غش دينه بالبدع والبراطيل
وعشى هل النقرة وعشى الذيابه=وجابوا له النيرات والجيش والخيل
وهل القطيف وصخر أهل الخشابه=وجملة هلى النقرة لخيله زماميل
ركبوا مراكيبه وسارت ركابه=على الجزيرة ما مشى الريل والتيل
وحول بفارس والقرايا مشى به=وهدم بها أصنام وذبح رجا جيل
هزت بلادين العجم بارتيابه=وجابوا له الجزية صغار مذاليل
ومسقط وكل عمان شرعة قضى به=وأهل اليمن جو له على غير تنكيل
هذي حدود سعود واللي بنى به=ملكه غدت فيه النبايت مظاليل
واللي حواه سعود فيصل حوى به=يبغيه نايف بالسنين المقابيل
في عرفنا فيصل حضرنا جنابه=بتيفان حكمه حين ضرب المصاقيل
وأنا مع اللي يلعبون الكعابه=وجيشه يزكي يم الأميال والسيل
ما كنه إلا من ملوك الصحابه=خليفة خلف على تالي الجيل
ربا وقرا والقواعد عطابه=والرمل والعميان رتب لهم كيل
بني المساجد لأجرها واحتضى به=في كل صوب له وقوف وتسبيل
ومن عنده أيتام لفيصل عنى به=جابوه للي يحتسب للمحاصيل
وأهل المدارس كنهم من أصلابه=يفرح إلى جا طالب العلم بالحيل
مات الإمام وكل حي درى به=عساه يجزى جنة الخلد لا سيل
ورث حرار قطع يقتدى به=وصفى من المقرن ربيع المهازيل
شيخ ولد شيخ عزيزن جنابه=من منهل مادار مثله مناهيل
الشيخ ابن فيصل شبوب الحرابه=إن ماتت النيران جدد لها حيل
داس الخطر واروي الحمر من هضابه=وداس الحريب ونال بالحكم ما نيل
كم هية غطا النوازي ضبابه=فيه الطريح وبيرق العز ما شيل
فان جاد حظك ما تمنيت جابه=والحظ ماتنفع عليه التحاليل
يوم أقبلت صار الهدى والقدابه=ماكن اخو نورة شكا بالدهر ميل
ثور من الديرة على ما نوابه=بحزم وعزم مامشوه المذاليل
صبح هل الروضة بشمشول لا به=بعوجا لأهلها بالهوايل تهاويل
واللي حضر كون الإمام اغتنى به=وخلا الأعادي بالقرايا هواشيل
طير السعد رب المقادير جابه=بين الفراش وبين زين المعاميل
نايف جلس بالبيت وأضحى الضحا به=ولاجت من الله ما قووه المغاليل
وعجلان جاه اللي يدبر عقابه=عطب الضرايب يضرب الخرب تشهيل
شاله بمخلاب يشل الدما به=شاف الحرار وجول الصيد تجويل
اللي لقي في قصر جدة عثا به=علىَّ على تركي بضرب المساليل
ونو تظهر من جنوب سحابه=من الشرق لين الغرب كنه غدا ليل
نشا من المنشا يثور الطها به=نخيله أثقل ما نشا بالمخاييل
تضحك مقاديمة وتبكي عقابه=وجمر الرعد منه الخلايق مواجيل
كل الطيور تخايله والذيابه=في جرة الناشي تناحت مشاميل
ماشي من العارض على ما نوى به=يبغي الحريب اللي عليه الدواليل
حرق حسين بضربة من نصابه=بشهب هطوله مثل وبل الهماليل
مر القصيم وحرق اللي لقى به=ولا يعيش اللي جروحه مساميل
ويـم الـبـكـيـرية هـواه انتحى به=يريد من يـنـطح وجيه المقابيل
والكل طالع يوم حضروا غيابه=يوم هـداويـه الـمـناعير والخيل
وداروا بدروات المجالس احبابه=بمفضفضات عقب نقل المعاويل
واظهر على جمع السناعيس نابه=برعود صمع مع سيوف مناصيل
وسار الأمير وثار عاوي ****ه=وصارت على حمر العتاري غرابيل
اللي من الـعـسـكـر يـنـجــس ثـيابه=والسالم اللي حدروه الجماميل
خـلا الـبــوادي ما تـجـمع حسابه=نـضـيـع لا قـمـنـا نـعـد المحاويل
وان جا الشتا تشكي النضا من عذابه=والقيظ له فوق الاشدة مقابيل
وان علق المخرف حويلن زهابه=يشرب صرا من عقب شرب الشخاليل
ياصـل ديـار الـلـي بـعـيـدن ترابـه=من غب كونه يشبعون المهازيل
الوايلي مرذي النضى هو عذابه=المقرني معطي المهار المشاويل
يانور نـجــد وسـورها وأنـت بابه=ياهاجد الحكام في مظلم الليل
عبد العـزيـز الـلــي براسه نجــابـه=تعيش ياشارب جميع الفناجيل
هـديــت راس اللي براسه صعابه=ولد الإمام اللي عليه الـتـمـاثيل
يدهش ويرهش عايقه ما نشى به=نوٍ بروقه مثل وصف القناديل
دبـوا هل الـعـوجـا عـلـيهم دبابه=من طاح في وجه المغلين ماشيل
غطى هل القطب الشمالي ضبابه=وأمطر عليهم من حجر طير ابابيل
واللي كـسـاه الـلـه بـعـز كـسـا به=وكل يفصل من ردا العز تفصيل
والتاج فـازت بــه سـبـاع الـمـهابه=فازوا به المقرن ولا فيه تشكيل
حـرٍ تـعــلا ماكــره والـتــوى بـه=لولاب سـردال الـمـلوك السراديل
والشيـخ أبـو خـالـد مروي حرابه=زبن المـخـلـى والـسـبـايا مجاويل
بالسيف الارخـم لاتولى نـصـابـه=من فوق منتوب المهار المشاويل
يا شوق من كن الجواهر عذابه=اللي نـهـوده مثل وصف الفناجيل
غـضٍ غـضـيـض تـو زمـة شبابه=عـسـلـوج مـقـبـول بــدلٍ وتدلـيل
لو دش مع فـرق الـظـبا ما يهابـه=مـتـنـفـلٍ بـالـزيـن ظـبي الغراميل
كــن الـقـمــر فـي لـبـته لا شعى به=ينسف على المتنين شقر المجاديل
المـجـمـعـة قـالـوا يـزيــد الـبـنـا بــه=والـضـب تلقونه إلى حده السيل
نـصـيـحـــةٍ مـادام بالـنـصــح ثــابــه=قـبـل الـعـقـوبـه والـمحن والغرابيل
عن رايـح مـثـل الطخى يندعى به=يشتب باركـانــه سواة المشاعيل
يـنــزي تـحـت ترقه الى آخر ربابه=جـنـايـــز بمعـصفرات الشناشيل
ماسـركــم من غـركــم في جــوابه=ولا عف عنكم راع كود المصاويل
كــلٍ يـشــرع لـلـمـصـالـيـــخ بــابــه=كـونـوا مـمـالـيك لـريـف المراميل
وابن هـويـدي دونـهـم يـنـفـدى به=راسه يحقن دما الجماعة إلى شيل
يا شيخ محــدارك مـتـى يـنـهـقـى بـه=يم الحسا تقضون باقي الشواتيل
وتـطـهرون الـلــي عـلـيـهـم جـنــابه=والجرب نطلاها بروس المثاميل
والدولة الـلــي بالحـسا وش لها به=راس الصنم ما يصلح إلا بـتـنـزيل
والسيف مكن بالـعــرابـي ذبـابــه=ظلم بهم عدل وعدل بهم ميل
والسيف الأقصى صاير به رطابه=لاجا هواكم ذيل السيف تذييل
وصلاة ربي عد ناشي سحابه=ما هل وبل في حقوق المخاييل
على النبي الهاشمي والصحابه=اللي بهم سورة تبارك وتنزيل

[فواز الغسلان]

((قطع لسان الشاعر عياده بن منيس))




الشاعر الشهير عياده بن منيس الخريصي من زوبع من قبيلة شمر والخرصه هم بطن شيوخ القبيله الجربان وهم من عيال زايده ( الخرصه-العمود-الصبحي ) وفي عام 1331ه -1913م حدث خلاف بين بطون الخرصه انفسهم ووقع في هذا الخلاف بعض القتلى فقام الامير زامل السبهان بالمصالحه فيما بينهم وأمر بدفع ديات القتلى واضاف اليها بعض المساعدات الماليه من بيت الاماره طمعاً في نهاية الفتنه.
ويبدوا ان بنود هذه المصالحة التي عقدها زامل السبهان لم تكن مقبولة لدى الشاعر عياده بن منيس الذي رأى انها تظلم جماعته وانها مالت مع خصمهم فقال قصيدته الشهيرة التي تعتبر تحريضاً على نقض الصلح والاخذ بالثأر وهي:
قطع لسان الشاعر عياده بن منيس ..

ياالله يااللي لاسـمـر الليل عـزال=يااللي تلحـق لاول اللـيـل تالية
انك تعدل حـظـنـا عقب مامال=ياالله بحظ عقب الاوجاع تبرية
متى يبي هم(ن) عن الصدر ينجال=سبعة سنين ياابو بسام كامية
هم(ن) على غم(ن) وغيض وغربال=والحمل يامنة فضح وش يغطية
حتى الجمل مايحمل الشيل يامال=واليا اعتدل حملة مشى لين يرمية
القعر لانيش اسفـلة مسندة سال=لانيـش حـدرية مشى من عوالية
حـنا بشمسٍ والـمـخـاليق بظــلال=والجمر ماياكل سـوى رجـل واطيه
اهـبـوا هبيتوا مابكم كـود رجــال=رجل(ن) عـديم وهـافي الحق يدية
اما اقطع القيد المكرسع بالافعال=والا الحذر عن سلت السيف تتطريه
ياناس كـيـف مدور الحق ماظال=شيخٍ طـلـع مايعـطي الحــق راعية


وكانت هذه الابيات قوية تثير نفوس سامعيها بلاشك مما يهدد بعودة الفتنة من جديد بين ابناء الفخذ الواحد لاسيما تصويره عدم احتمال الظلم والهزيعه بعجز الجمل عن نقل اثقاله اذا مالت لجهةٍ اكثر من الاخرى في حين انه اذا اعتدل الثقل سيسير الجمل بكل راحه مهما طال الطريق .

وكذلك تصويره لاهمية ظهور المقاومه وردة الفعل من المظلوم بالطعس وهو الكثيب الرملي المرتفع وأنه كلما سحبت الرمل من زواياه السفلى فسوف يسيل من الاعلى بمقدار الذي تم اخذه وهي تصاوير بالغة الروعة والتميز .
وعندها حلف زامل السبهان ان يقتله لكي يأمن اثارته للفتنه .

وعندما تم القبض عليه لم يقاوم الخدام التابعين للاماره لكونه لم يعتقد الامر يصل لدرجة القتل ولكنه عندما رآهم ساقوه لمكان تنفيذ احكام الاعدام صاح بأعلى صوته نادماً على عدم مقاومته وقائلاً :
ألا ياجرح روحي اللي ماهشت ولاانحشت .. أي لم اقاوم ولم أهرب على أقل تقدير .
سمع الصوت جلساء زامل وهم شيوخ لبطون القبيله ومنهم غضبان بن رمال واحد الجربان فلما علموا بالقصه حلفوا يميناً لاتوقد نار في بيوت فخذهم عامين مما دفع بزامل الى تخفيف الحكم فقام بقطع طرف لسان عياده وفعلا بقي الى وفاته وفي لسانه لثغة تثقل نطقه للكلام فقال في هذه الحادثه:

لومي على اللي لحيتي ما استشاره=عـيـه عـلـي لا نرتـفـع يــم الاجناب
ساقـن لشيـخ ما جَـلت بي عذاره=لـولا فـزعـلـي واحداً داخل الباب
تِلـيـت تـل جــــلابــــةٍ يـوم بــاره=ومـنـصـنـاً لي سـلـةٍ بـيــد قـصـاب
غـدت عني كل الحَـيـل والشطاره=جـربـوع قـفــه طـبقوها بالاسباب
ولساني اللي طـار مـثـل الشراره=بديوان شمر خالطه بعض الاجناب
ولساني اللي مانصـى بـنـت جاره=ولا هو غثيث دابلٍ كبد الاقراب
ولاهو من اللي ما يحضر الكراره=من عرض ربعي مطلبٍ حسن الاطلاب
ياربع ما من خـلـقــت الديِن صاره=قطعت لسان وقبلها سبعة ارقاب
صكو على السيجان مثل الجباره=قلت آآه وويلاه من ضيم الاصحاب

ومثل هذه الاحداث التاريخية التي تعتمد على اجتهاد الحاكم كثيراً مايختلف الناس فيها حسب المبادئ الاخلاقيه التي يسير عليها كل شخص ...
وستجد من الناس من يرى ان فعل الامير زامل يعتبر باباً من ابواب الظلم والجبروت والتعسف .
في حين انك ستجد من الناس من يرى ان الشاعر عيادة بن منيس يستحق هذا العقاب لكونه من
مثيري الفتنة بقصائده الثائره التي تشق عصى الجماعه وان على الامير كف أذاه عن الرعية بالوسيلة التي يرى انها هي الانسب ..
وهكذا تبقى الاحكام والاراء وسيكون المنصف والمتجرد في حكمه عن الانحياز هو الاقرب للحق..

[فواز الغسلان]

قولٍ بليا فعل والله فشيله..




قالوا عـوى السرحـان في نايف الجال=وغــابــت تـرانـيــم الـحـمـام وهــديله
قـلت الـسـحـايــب تـجـتـمع ثم تنجـال=وياكثر ملح النبع عن سلسبيله
بـيـن الخـسـايـر والـغـــنـايــم والانـفـال=والجــرح ماعــاق الامـير ابـن نـديـله
قــالــوا عـلامـك قـاعــدٍ دون جــوال=وتسـمــر عـلـى قـول النـشـامى وقـيله
قلت المـحـطه تشتكي ضعف الارسال=من كثر هـرج الـنـاس عجـزت تشيله
وكبر السوالف بـيـن سوسن وفـريـال=ومـواقــف الـشجعـان عـنــد الحـلـيـله
وفـي خدمة الـمـوجـود تلـبــد وتحـتــال=مـثـل الـذي يرخـي الـيـا خـاف ذيله
قالوا نقول وقلت مااريد الاقوال=قـولٍ بلـيـا فعل والله فشيله
ماعــاد لاهــل الـقــول قـــيـــمـه ومنزال=ولو قال يجحد لين تسجن كفيله
وللناس عن كذب المواعيد معدال=ويكفيك عن كثر الوعايد قليله
عن قولةٍ ولد العرب صار دجال=او شيب عين اللي وقف يشتكي له
قالوا سهرت وقلت من شهر شوال=وماناض من برقٍ عـيــوني تخـيـله
برقٍ شعاعه بالدجى يشعل اشعال=يوضي على سلمى وخشم الرعـيـله
واقـفـت بروق الصيف والمزن ماسال=ولاطاح من سود السحايب هميله
هذا ومثله في حكيمات الامـثـال=يشبه مواعيد الوجيه الرزيله
ترجف هروجـه بالرخى رجف زلزال=ولابان نور الشمس تسـمــع بديله
قالوا علامك قلت من شـدهـة البال=والـشـهــم مايـرضـى الحــيــاة الـذلـيـله
ولولا على كـتـفــي عواجيز وعـيال=امـشــي مـــع الــعـــالـــم بـلـــيـــا فـــنــيـــله
ولا عيب في لبـس العتايق والاسمال=لا شـمـت عن درب الردى والرذيله
واحـذر يـغــرك بـالـعـرب زين الازوال=اللي يـعـن بـعــرض الاجــواد خـيــلـه
الـتـبـع مايـقـوى عـلـى فـرس الاجـوال=لـو مـاكــره شـلـوى بـراس الـطــويـله
والمال زيـن لمن بـغـى كسب الاعـمـال=من قـبـل نـيـبـــان المنايا تزيله
ياما خذت دنياك من قــوم ورجال=ولاواحدٍ شال الذهب في زبيله
قالوا غـرامك قلت للقلب سلال=هـجـره عذاب وشوفـته مستحيله
عـيـن اشـقـرٍ يـنـزل على نايف الجال=ولا حـام فـوق الجـول يكثر قتيله
والجـسـم مـهـرة قــايـد الـجــمـع لاصال=تحت السيوف الـمـرهـفـات الـسـليله
او غـصـن مـوزٍ مـع هـبــوب الهواء مال=والراس يـاصــل للردايف جديله
والـريــح روضٍ جـاه بالـوسم هطال=وخــلا زهــور الــريــف مـثــل الخميله
اقفى بها زمل الـعـنى يـهذل اهذال=ومن يشتكي للناس يـنـشر غسيله
لا هو سقاني من ثـنـايـاه فـنـجـال=ولا هو ترك سيل الـعرب في مسيله
والصـمـت غـيــظٍ للحـواسـد والانـذال=وفـرقــاء ولاجـمعاء وراها فسيله
قالوا دروبك قلت شيـنات وطوال=الـقـيــظ كــاوي والـمـوارد قـلــيـــله
لا تـنـتــظــر فــزعـات عـــم(ن) ولا خـال=لـو لـك بـشــدتـهــم فـــعـــولٍ جـــمــيـله
زرعــت لــي زرعٍ على جــال شلال=تالي مواريــث الشيوخ الجليله
ميراث عــودٍ شوفـتــه تجـلــب الفال=ظـلـعٍ اليا مـال الزمن يرتكي له
بـيــتـــه لـضـيـــف الـلـيــل بـالــبـــرد مدهال=ومركــى لـمـن يـشـكـي حـمـولٍ ثقـيله
كـتـفــه يـشـيــل عـن العـرب فوق ماشال=فـي مـنــزلٍ كل النشامى تجي له
ورحـلـت عن زرعٍ غــدى ريف وظلال=وسـمـحـت للمحـتــاج يجــني حـصـيله
لـلـي من الـعــازه شـكــى زود الاغــلال=يـاكــل وحــب الزرع مـثـل الـنـثـيله
ولا كـل رجـلٍ يـصــدق الـقــول لا قـال=ولا كـل مـن شــال الـبـنــــادق يكـيــله
وقـتــي دفــع لــي بالـغـثــى كــم مـرســال=وعـيـش الـمـذله مثل جـمـر المليله
ولا شلت عن نار العطش دلو وحبال=وشمس الـقـوايـل تـقـل يـقـدح فـتـيــله
وغديت مثل اللي طمـع بأشهب اللال=فـي لاهـب الجــوزاء وخــلا صميله
وصاروا ربوعي بين شـامـت وعــذال=حـســه يشادي للافاعي صليله
والشمس ما تكـتـم سـنـاها بغربال=وكـم غـايــبٍ ما شال حمله وكـيله
وان جــاء نـهــارٍ فـيـــه غــــارات وقـتـــال=ماتـنـفــعــك بـنــدق خطات الهبيله
قالوا جـوابـك قـلت ياناس رحال=مـادام عـــز الـنـــفــس مـالــه وسيـــله
لاصار مالـك مـع هــل الطيب مدخال=افضل من نزول الضعـاين رحيله
الزمل مايـقـوى عـلـى الثقل لامال=والـذود مايرويــه نـقـع الثميله
قـالــوا حــلالـك قلت ماعـندي اموال=لا لي بروج ولا كــفــوفــي بخـيله
واللي بـقــى يـنــفـــع ضـعــافى وجـهـال=وعـيـبٍ براع الطيب يقـطع سبيله
قالوا بعيد وقـلـت لو يجـدع الحال=والجـدي فـي شهـب الفيافي دليله
مسراي في درب الـمتاعب والاهـوال=ولا عـــالـــمٍ بالـحـســد يـقــــدح غـلـيـله
قالوا ونيـسـك قلت زينات الامثال=والشعر هــو طــب القلوب العليله
حـفـظت جـزل الشعر في كل الاجيال=وان هضت جبت من القوافي جزيله
يامـا سـجــع قـــافـــي مـع الـنـاس موال=وش عـاد لو يكتب عــن اسمي بديله
لي ضــامرٍ يـبـدع عـلــى كل منوال=يسهر معي مـثل الخـليل وخليله
قـالـوا تـرى هـجــران الاوطــان قـتـال=قلت المرابــي له بـقـلـبـي فـضـيله
بس الـبـلـى ماتـدفــع الجوع بريال=وتـرمـي ركـابك بالقوايل هزيله
وبعض الـعــواجـه صـعــب تشرح وتنقال=وعــزي لـرجــلٍ بالعـرب يرتخي له
ودفـعـت زملي بين سـجــه وزرفال=مع سـهـلةٍ والذيب تسمع عـويله
مـحــدٍ يـقـيــم بديرةٍ وقتها عــال=واللي فـقـد عــز الحشى وش بقي له
قالوا مـتى ترتـاح من كثر الاحـمـال=قلت ارجـي الـمـنــزل على شط نيله
قالوا قـريــب؟وقلت ماشـفـت الاطلال=قالوا نخيت وقلت مافـيه حيله
راحـت فـزوع الـحـثـربي وابن هذال=يوم العرب بالطيب تدخـل دخيله
بـاقـي عـلــى راع الصخى عــدة امـيـال=ريـف الـنـفــوس اللـي شكت نـار ويله
وان جيت ابوصالح عـلـى كل الاحوال=يـغـنـين عن طيب الخـلايق شليله
شيــخٍ ويـغـنــي عــن ثـمـانـيـن خـيـــال=الا ويـغـني عـن شيوخ وقبيله
ربـعــه بـنـــي مـره لـهـــم مـجــــد وافــعــــال=نسل الـبـحــيــح وكــاسـبــيـــن الـنــفــيـله
صــوارم الـضــرفــــاس هـامـــات وجـبــال=ولـيــنــه عـلــى الجـيــران مـثـل الخـميــله
وشيخ العـضـيــبــه من كـريـمين الاسبال=الـلــي نــداه اصـبـــح لــــدمـــه فـــصـيـــله
له شـهــرةٍ فــاقــت عـلـى قـوم واجــيــــال=ولو ماتـشـوف الخـيــل تسـمــع صـهيله
شيـخــة عــرب ماوقـتـها يوم وهلال=الا سنينٍ ويــن جـيـلي وجـيــله
وانـشـد فـلـيـبــي بـالـتــواريـــخ وش قـال=وبـالـبـــدو تـلــقـــى لـلـشـــهــــاده دلــيــله
جـيـتــه ونـفـســي تـشـتـكـي ضـيـقــة الحال=وزاد الـنــدى جـيـبٍ جــديــدٍ مـوديله
غــيــر الـجـمــيــل الـلــي لــه الـروح تهتال=وخــلا عـيــونــي تـهــتــنـــي فــي مـقـيـله
ومـثــلــه لـعــقــــدات الـصـــواديف حـــلال=بـيـــوم ردي الـسـاس يرخـص عـمـيله

[فواز الغسلان]

على عمري اللي راح ياكبر عبرتي ..


على عـمـري اللـي راح يـاكـبر عـبرتي=من الـعـام عـيني مايـغــمض نـظــيـرها
لو الـدمع يحيي يافـهد هالك العرب =تسيل المدامع لين ينـشف غديرها
ولكنها عـبرات حزن(ن) تضايقت=بروح(ن) تـبـاريـهـا الهـمـوم وتديـرها
اذا هـلت الـعـبـره من الـعــيـن بـردت=لـواهـيـب نـيــران الـقـلوب وسـعـيرها
لأن الـقـــدر مايـمـهــل الـنــاس سـاعـه=واذا حــل بالـعــربــان مايـسـتـشـيـرها
أيا جرح قلبي يافهد كان مال بك=زمانك وسيف القوم فارق جـفيرها
وناديت خـلان الـرخى ساعة القسى =وراجيت روس الـقوم تعلن نفيرها
وكثرت وعـايدهـم وضاعت عـهودهم=وهابـت سباع القوم سطوة ****ها
الا ليت راسي يافهد وقـت ضيقتك=قريبٍ يـشـم من النسايم عبيرها
لك الله يلو ذقت الجفى قبل ترتحل =حياتي وسيف الموت يـقـطع مسيرها
كفيتك غثى الدنـيـا الدنيه وقـسـوته =ورجوى صغير الـقـوم والا كـبيرها
وعـن وقـفـتـك في باب رجـلٍ طـبايعه=كـمـا طيرةٍ بالليل تسمع صفيرها
وأيا خوف قلبي تطـعـنك حـربة الزمن=مع اللي تـخـلـي بالـقـوايل كسـيرها
وانا تحـت خـمـس اشبار بالحـفرة التي =بها الروح تدري وش نهاية مصيرها
اخاف الخطايا وادفع الخوف بالرجى=رجى اللي ضمن للخلق عيشة فقيرها
يزود الرجى لاصار في خالق الـملا =ورجوى كـفـوفٍ بالـمـلا فاض خــيرها
أنـا فـي جـواره وانت في جـيـرة الـذي =يحـدك عـلـى شـمـس القيوظ وهجيرها
فـيـاطـيـب جـيرتـنـا ويـاشـيـن جـيـرتك=مثل فـرق مكـفـوف العـيـون وبصيرها
لنا في جـبـل حـايل بالامجـاد رايه=مع اللي تصون اهل الحقوق وتجيرها
جبالٍ غـدت بكـفوف ربعي هل الندى=فـيـاضٍ تذوق من السحـايـب غزيرها
ولا داجــها يـاكـود ضـيــفٍ وزايـر=يـبـي مـن مرابـيــع النـشـامى عـطــيــرها
وبالغصب محدن هان جاله من العدى=ولا داس بالـرجـلـين طـاهـر حصــيرها
ولنا يـافهد عـن ظـلم الاجواد مـخـرج=وعن كـسب عـنـز الـقـوم والا بعيرها
وترى الظلم يقـطـع يافـهـد دابر العرب=ويـمـنـع عـن خـيــار الـمـنـايــح دريرها
وفساد الوغـد كثر الـفـزايـع مـع الوغد=وترى الـعـوق نـقـرات الحـريـم ونقيرها
خذيـنـا الندى بالبذل في ساعة القسى =وفي نـصـرة اللـي غـاب عـنـها نـصـيرها
وطبع يسوق الروح عن مجلس الردى=وعـزم يدوس من الشدايـد عـسـيرها
ونـفـسٍ صـبـورٍ مع رفـيقٍ وطـى الخطا=ولا كل قول(ن) بـالرخى يـسـتـثــيـرها
اذا قال قايـلـنا عطى الصدق والنقى=ولا هاب حـضرة شيخـها مع وزيرها
وعند العـهد نـصدق ونوفـي هل العهد=اذا بـار بـعــهــود الـخــلايـق حـقــيـرها
وللجـار جـيـرتـنــا تـنــومـس وجـيـهـنـا =وجـاراتـنـا مـحـدن دنـى مـن سـريرها
والاكـوان واجـهـنـا الـقـبايل وسطوته=وذقـنـا جـحـيـم الـحـرب مـع زمـهريرها
وفــي حـربـنــا كل الـمـخـالـيـق تجـتـمـع=يجـيـبــون وارد بـدوهـا مـع صــديـرها
تجـي من وراء البصرة اليانقرة الحـساء=ونــاكــل حلاوتـها ونـشـرب عـصـيـرها
وسيف القـبـيله ماتواجـه هـل الجـــبل=لأن الـشـغــايـا مـاتـعـــادل مـحـيـرها
لكـن جراد الـصـيـف لاطـار واجـتـمع=على الداب يـتـعب قـبل يـفـني كـثيرها
ورغـم اجـتـمـاع القـوم نـطحن نوادره=ونـكــرم حـرايـرهـا ونـاخــــذ حـريـرها
فـلا للـعـدى عـن حـفـرة الموت مهرب=ولا ثكــنــةٍ بـالـلـيـــل يـسـهـر خـفــيرها
وبالـشـرع والـتـوحـيد من بعـثـة النبي=والاصـنــام ماســافـر لحـايـل خـبــيرها
من ايـام حـاتـم عـقـب قـيس بن شمر=وثـورة فـرزدقــهـا وصــولـة جـريــرها
ولا فـيــه قـبــرٍ تـرجــي الـنـــاس نـفـعـه=ولا حــرمـةٍ بالـلـيــل تسـمــع جـعــيـرها
مـنـايـر مـسـاجـدهـا كما الظـلع لا زمى=وفـيها دروس الـذكـر تسـمـع هـديـرها
واذا في يـمـامـة نـجـد قـبرٍ يطـاف بـه=يـزوره هـبـيــل الـقـــوم والا غــريـرها
عـلام الـصـنــم فـي نـجد والكفر عندنا=وش اللي يكـفـرهـا لاجـل فـعـل غيرها
وتـاريـخ بـن سـلـوم يـمـدح عـقـيــدتـه=وتاريخ بـن راسي رسـم خــط سـيـرها
وقول اليزيدي في جــوابــه وابن سنـد=يشوفـه عـمــى كـل الـبـلاد وضـريـرها
وماقـالـه بـن سـحـيـم فـي حالة العرب=وعن سـربـةٍ ثـارت وحـاست مـريـرها
وقـول الـيـزيـدي يـنـهي الهرج واللغط=ويـفــرق حـصـيـلة قـمـحها عن شعيرها
ولا هـمنا من ضاق صدره وذمنا=من الـلـي يـهـذري بـالمجـالـس سفـيـرها
ولا اقول حـنـا خـير من جـملة البـشر=والامداح بكـبــار الـعـرب مـع صـغيرها
ولـكـنـنـا حــزنــا مـن الـــمـجــد نـقــوتــه=مع اللي تدوس من الـشـدايـد خطيرها
وهــذي تـواريــخ الاجــــاويــد شـــاهـد=رجالٍ تخـاف الله وتدرى ضـمـيـرها
ولا هـرجة الـلـي كـنـهـا وسط ملـعـب =يـدافـــع مـهـاجـــمـهـا ويـهـجــم ظـهـيــرها

[فواز الغسلان]

ماازال ابحث عن المناسبة التي قال فيها العوني قصيدته بالامير محمد بن عبدالله الرشيد وقال فيها:
قصيدة العوني بالمهاد لاتزال خافية المعالم ..

ماناض برق وهل وعل الاسهالي=وانساق نوه ملث الغيث همالي
الرمل بالعد والأشجار والحجر=وماشاهد البدر من أنثى ورجالي
أو كتب باللوح من آدم ومامـحى=وجد القلم به إلى مايبعث التالي
سلام أحلى من الماء ساعة الظما=في طافح القيض والبارح له اذيالي
في ربق درك هوابه غير خابره=وادلق بثغره عن اللاهوب بظلالي
واخن وافخر من الأطياب ريحه=سلام لطف بهن في كل الأحوالي
حاشيه بالمسك والـعـنبر وزاعجــه=بمزاج زاج زها بالطرس بامثالي
أمثال كالحص والياقوت صيغته=من هيض بحر طما فيضه من الجالي
لولاي اهـيـنـه واكـنـه بـزايـده=جـمـيـع بحره طما في شرب فنجالي
لكن إلى اغتاض او جفتني جوانبه=من لطمة الموج زنجلته بالاقفالي
وإلى انجلت عنه اقفوله ولولبه=واقبل يدزبي بموجه عرض الدقالي
من هايض بالحشا هيضه حايره=والنوم عن ناظري قزاه ولوالي
واخلاف ذا قلت ياركب ترحلوا=على يعابيب عنس تهذل اهذالي
ينحن مراويح كالقيسان قوسهن=من كثر الادلاج والأوماي بالخالي
عـلاكـم يـقـطـعـن واسـع اخرومها=زهفات سهلات كالريلان بجفالي
ياركب مهلا عسى من بعد ذي سعه=يسر بعد عسر وعيني بعد ذي تالي
ريضوا دعتكم طروق الرشد والهدى=ليا جزيتوا من الأبطح بالاميالي
مقدار مااذهب واجيب الكاغد الذي=لي به سلام ونظم شايق غالي
فإلى حـمـلـتـوه مـنـي طــاب فـالـكــم=يعل مافـالـكـم يـهـل النـظا فالي
سيروا على مايدل البعد سيرهن=سيروا عسى ماحوى بالطرس يهوالي
تلـفـون دار الذي نـيـرة مضـيـفـتــه=دالـع لـهـبـهـا رفيع فوق الاطلالي
لكن ماضجته فيها وزود صيحته=من كل ناس تشوف اجناس واشكالي
ذولا اورود وذولا تـو صــدروا=وذولا جـلــوس وذولا مالهم تالي
وذولاك فوق الفقار الرجم شرعوا=وذولاك باقفاي وذولاك باقبالي
أحد يجي طـايـع واحد يجي خايف=لمـحـمـد حمد حمد الحمد لازالي
تهدا وتقدا لمن لولاه ماشرقت=شمس المعالي جنوب وشرق وشمالي
خـصـوه ياركـب بالتسليم وبلغوا=ازكى سلامي ومابالطرس ينبالي
خـصـوا مـحمد واثـنــوا واجـهــروا=ثاني وثالث تمام الألف بامثالي
ثم أشـمـلـوا بــه من الدنيا وبلغوا=لليث أبوماجد شيال الأثقالي
وكل الرشيد الصخى شمل بلا عدد=زنود فرز نادر حيد الأثقالي
كهف اليتاما في ليغات مسغبه=مثل النجوم الكواكب تشعل اشعالي
غيث إلى قل قطر الغيث وامحلوا=والعد كمل فهو للمال بذالي
محمد اللي على روس العلا اعتلا=رومه على كل روم مصعده عالي
محمد ظـايـم الـظـيــام لـو عـظــم=لطام الأبطال عنه الظلم ينجالي
ضراب بالبيض فروع والضيا=توضي كما اوضاي برق الصيف بخيالي
مناف قحطان مع عدنان كلهم=فخر العرب راس ذروة بيته العالي
أشرف قبيلة وهو أزكى عناصرها=وأبها بها مابها من منزل عالي
كود المرام الهمام الهيلع الذي=ذلت له الروس واردى كل سردالي
والعرب والروم هم والترك والعجم=شهدوا بفعله تعلا كل الأفعالي
استيقنوا كان سلم من أمر خالقه=فالأرض ومابه مماليك وهو والي
خافوا وكل بدا يرسل مكاتيبه=وخيل وقطم ومعهن جيش ورجالي
خافوا من الحاكم السخاط إلى سخط=واهتز منه الجبل تهتز الاجبالي
من مطلع الشمس إلى المغرب من الغد=يحل مابينهن راجف وزلزالي
والبدو هجوا وهم ماجاهم النذر=اغبار الافاق جاهم عنه مرسالي
فهذه القصيدة لم تتضح لي معالمها بشكل جيد حتى الان .
ولاادري اي سنة قالها العوني وهل قالها في زيارة له للامير بحائل او بالقصيم بعد معركة المليداء ولاازال حائراً فيها !!!
فلايمكن ان تكون اعتذاراً لما بدر منه تجاه الرشيد لكونها كما يبدو قد قيلت بالامير محمد العبدالله الرشيد مع ان الخلاف لم يحدث
بين الملك عبدالعزيز والرشيد الا بعد محمد وعلى عهد عبدالعزيز المتعب والقصيدة التي هي اساس الكلام قيلت بعد وفاة محمد العبدالله
الرشيد بمايقارب سبع سنوات تقريباً .
ولايمكن ان يقال ان محمد المذكور هو محمد الطلال الامير الاخير من امراء الرشيد لكونه ذكر (ابوماجد) بعد ذكره للامير محمد وهذا حمود العبيد
الرشيد الذي لم يدرك امارة محمد الطلال . وكذلك لاتنطبق عليه اوصاف المجد والسطوة التي يملكها في فترة امارته لكونها كانت محدودة على
مدينة حائل بينما تنطبق على محمد العبدالله الرشيد .
وربما يكون قد قالها فيه بعد معركة المليداء عام 1308ه التي انتصر فيها محمد العبدالله الرشيد على اهل القصيم والا فلم اسمع بزيارة للعوني
لقصر الاماره بحائل قبل لجوئه الاخير المعروف..
وأتمنى ممن لديه معلومات عنها ان يفيدنا بمالديه للفائدة العامه ..
اما قصيدته بالامير محمد الطلال معروفه وواضحة المعاني وهي موجهة للملك عبدالعزيز وهي التي جعلت بن سعود يقبض عليه بعد دخول
حايل ويسجنه حتى مات في سجنه وهي قصيدته التي قال فيها:


يا نديـمـي فـوق موقـافي=يقـطـع الـوديـان هوذاله
سر وتلفي مزبن اللافي=وانت يالمندوب مرساله
قل لبو تركي بلا خافي=لو يجيب طويق ورجاله
دون حايل نبحث الخافي=قبل كسرى موحش جاله
ما نقلنا حد الاسيافي=غير دون السلف وجباله
نضرب الكدرات بالصافي=من علا الجدان عياله
ان سلم حماي الاطرافي=صلب عبد الله تحراله
حـاكـم الـحـكـام زهــافي=هـيـلـعٍ ما توجــد امثاله
ان هرج هرجٍ فهو يافي=وان نطح جمع هدم جاله
ياعـنــود قـرنـهـا ضــافي=حـظ مـنـعــور تـهـيـاله
خدها مثل القمر صافي=ريـحـة الـمـثلوث يبراله
حرمت حكام الاشرافي=غير ابو بندر تبي جاله
والعنود التي ذكرها في الابيات الثلاث الاخيره يقصد بها حائل .
اما المثلوث يقصد به ملح البارود الذي ينحت من الجبال ويصنع بطريقة ماهره لكي يصبح متفجراً.

[فواز الغسلان]

الاسم :-

الاسم :- ..

فـواز بـن يـحـي ولـد غـسـلانــي=اكـره دروب الـكـذب والـرمـزيـه
وجـبال حـايـل بالــفـخــر مسكاني=الـلـي سكـنــــهــا حــاتـــم ومــاويـــه
والـمـدرسه في مجـلـس الـشيـبـاني=وتخـصـصــي بـالــديــرة الــنـجــــديـه
وعلمــي مـهـو مـعـروض بالـدكـاني=ومـمـنــوع كــود بـوصـفــة طـبــيـــه
عـلـــيـه خــتـــم الـمـنـــع كـالــدخــاني=ولازم يـصـيـر بـخــلــوة شــرعــــيــه
لو هو حلال بـمذهــب الـشوكاني=وجايـز بـقول الـشـيـخ ابن تـيـمـيـه

العمر :-


انــا ولــدت بـنـكـسـة الــعـــربـــاني=وهــزيـمـــتــــه بالـضــفــــة الــغـربـيــه
بالـسبـع والـسـتـيـن جــت كرعاني=والـقـصــف مـثــل الـمــزة الـهنديه
باثـنـيـن والـعـشـريـن مـن نيـساني=اول حـصــاد الخــطــة الخـمـسـيــه
لـيـلـة ذهــاب حـســيــن للـعدواني=لـمــائــيــر يـخــبــرهــا عـلوم الجيه
من ال بـيـت الـمـصـطفى العدناني=ويـريــد كـسـب الاجــر بالحجيه

تخصص الدراسه ؟كلية اصول الدين عام 1410هـ

العمل؟فرع وزارة العدل بحائل والان هيئة الاذاعه والتلفزيون في دولة قطر ..

نبذه بسيطة وبطاقة تعريفية عنك ؟


بس اسمـعوا نـبـذه عن الغسلاني=من شان كـشـف فروقـنا الوهـميه
أدم وحــواء والـعـــيــال اخــوانـي=ودلالـي احـلى من طـــعــم كــافــيــه
والـنــاس يـاقحــطــان يـاعــدنــاني=ويلبس وانا الـبـس بالشتاء كحـفيه
وحـملـي وحـمـلـه بالـعدد سيـاني=وجـيران وسط الـكــورة الارضـيـه
اول بــدايــــة عـــمـــرنـــا وغــــداني=وعـنــده وعـنــدي دورة هـضــمـيــه
وعـنـده شـرايـيــنـه وبي شـريــاني=وكــلٍ مـــعــاه جـــيـــوبـــه الانـفـــيــه
ولانـخـتـلــف في لبـسـة الاكـفـاني=والــدفـن تـحـت الـتـربة الطـيـنـيه
وبالحـشــر يــاتــي مـثـلـنا عـريـــاني=مــاراح يـحـشــر نـاقـــلٍ بـبــسـيـه

اول قصيده كتبتها؟

لااتذكر بالضبط والله لكوني لم اكن انشر اشعاري ..

قصيده تمنيت انك كاتبها؟

قصيدة محمد العبدالله القاضي: ( الصمت به سر سعد من يناله )

ماعلاقتك مع النقد للشعر الشعبي وهل انت ملم عن النقد او هوايه تحب ممارستها وهل الناقد الشعبي
مفقود ام موجود؟


لو جـيــت للبيرق على الـمـيـداني=طــيــرت كــل الـلـجــــنـــة الفـــنــــيــه
ومـااقــول بــه زود ولا نـقــصــاني=بـس الـقـصـايــد حـاجة شـخـصـيه
اشـرح بها اللي داج فـي وجـداني=واذكر علاج امراضنا الـنـفـسـيه
لو نـاتـج الـتــصـويــت لـلـعــرياني=افـضــل مدام انــه غــدت جـمـعيه
وافرق دخول الصوم عن شعـباني=ونـجــومـــنـــا لــه دورة(ن)كــونــيــه
ودخـول نجــم الـوسـم والـمـيـزاني=وتحـديـد وقـــت اعـيـــادنــا الديـنـيه
لو ماقـعـدت ارجـي حسن كراني=مـعــه الـعـصـى بـالـنـشــرة الجــويـه


ماهي وجهة نظرك تجاه الساحة الشعبية ؟

خليط فيها الحسن والاحسن والاسوأ ولكن الظهور الاعلامي لايكن دائما من نصيب البارعين.

متى أكتشفت موهبتك الشعريه؟

من يوم وعى قلبي وانا احفظ الشعر واهواه واسأل عنه .

ومارأيك فيمن يقول ان الشعر
وراثه وليس موهبه او العكس؟

هو موهبه وراثيه يتم صقلها بالاختلاط والحفظ والاطلاع .

هل تاثرت بشاعر ؟

تأثرت بأشعار جدي فهد الغسلان ونظمت على منوالها كثيرا ..

هل للشاعر ملهمه كما يقال ؟
هناك دافع يحرك المشاعر لتقول الشعر سواء دافع فرح او حزن او استغراب ..

مارأيك في تجاوزات الشعراء على بعضهم من ناحية القصائد او اللقاءت التلفزيونيه ؟

هناك الكثير ممن يحبون الفقاعات الاعلاميه والتصريحات المعكوسه عمداً بحثاً عن الشهره ولفت الانتباه .

لو تذكر لنا أسماء شعراء قد حازوا على أعجابك في الساحة الشعبية ؟

عبدالله بن عون وبدر الحويفي وعايد رغيان الشراري .

ماريك في شعراء شبكه نشامي شمر عموما ؟

تسير بهدوء وتتقدم بخطى واثقه بعيدا عن الازعاج والمشاكسات الفارغه وهي افضل المنتديات الموجوده الان.

حسب توجيهات من المؤسسين لشبكه نشامي شمر تم عمل ديوان لكل شاعر وتم إعطائه كامل
الصلاحية على ديوانه ماذا تقول في ذلك ؟

خطوه ممتازه تخدم الشاعر والقارئ وتحفظ الحقوق .

مالفت وحاز اعجاب الجميع وضع مدونه للاعضاء تكون خاصه يضع بها مايجول بخاطره وما يكنه من
مشاعر ماريك بذلك ..

والله لم اتابعها بشكل جيد لكوني اعمل على اصدار كتابي الاول منذ عام تقريبا واشغلني كثيرا .


نتمنى منك قصيدة من جديدك لنختم بها هذا اللقاء ؟



وش حـيـلة اللي سـهال الـخـور مربـاعه =لاصار خله ورى لينه وساموده
لا واغـثى اللي فـقـد باللـيل ذعذاعه =وبسـمة ولـيـفٍ يلـوح البدر بخدوده
ياطول ليل الذي راسه على اكـواعه =ماذاق نوم الـعـرب بالـلـيــل ورقـوده
دنـيـاء الـصـواديـف للـعـشـاق خـداعه =ويـاكـثر من ذاق نـار الـغـدر بـعـهـوده
الـروح مـاهـي لـنـصـح الـناس منصاعه =والـرزق من خـالــق الـدنـيا ومعبوده
من يوم شـفـت اللـيالي شانت اطباعه =وراع الـمـواجيب محدن شاف مجهوده
مثل الذي طاع بس الـوقت ماطاعه =وشاف المعابر لباب الرزق مسـدوده
واقـفـى يـشـادي ذيـابـة نـجـد لاجاعه =وحـس الـبـنادق بوجـهـه ثـار بـاروده
وش يـنـفـع الروض في شيحه ونعناعه =لاصرت تشكي هـوان الـنـفس ونكوده


من ترشح من الاخوان او الاخوات الشعراء بعدك
ارشح الاخ محمد الشولاني حفظه الله

[فواز الغسلان]

كون ابوعجاج ضد الظفير لامبرر له)) .. ..
معركة (كون ابوعجاج)عام 1330ه-1912م ..
ويطلق الكون على المعركة التي يجتاح بها احد الطرفين خصمه في منازله وهو الذي فعله جيش سعود بن رشيد الذي سار لنصرة شيخ قبيلة المنتفق عجمي السعدون ضد قبيلة الظفير بقيادة الشيخ حمود بن سويط الذي كان قد وصى اهل بيته بقوله اذا لم ننتصر في المعركه فكونوا في وجه ضاري بن طواله وخلوه يحمى البويت لايروح كسب مع الغنايم .. وفعلا دخلوا في وجهه وحماهم اخو صلفه .
وقال خليف الرقيبا الاسلمي في هذه المعركه:


ياحمود ياللي للـحرايب تبني=لوجبت كل الرعي مامن صمايل
ياحـمـود مامن شيخة بالتمني=كم قالت راحـت بـعـوج الدلايل
حلنا من الـمـنشى مزون نشني=وخلنا على خشم الحنيه مخايل
مخايل من عصرها يرعدني=ماطرهن الموت الحمر والسلايل
ان قـلـت بـشـمر دوبحن يقبلني=يـردن بـنـا ورد الـقـطا للثمايل
ابـن عـقـيـل مـن غـضـبـنـا يوني=كـلـه لـعـيـني عدوته يم حايل
خـلـى بـنـات هـتـيم خلجٍ تـحـني=لاواغـلـيـل قـلـوبهن بالغلايل
وكان السوطـيـات صدق بكني=امك ترى جتنى تدور الجمايل
هنا تمت الاشاره من الشاعر الى بن عقيل وهو من شيوخ قبيلة بني رشيد
استطاع الغاره على اطراف حائل واخذ نياق ابن رشيد وفيها قال:


خذينا وسم"ن" للمطقع=وسمة الكفه وسمناها
ياجراد"ن" طار ماوقع=ورد الجوبه يبي ماها

وقد غزاه الامير سعود بن عبدالعزيز المتعب بمجرد عودته من كون ابوعجاج هذا ..
في حين قال الشيخ حمود بن سويط قصيدته التي يعتب فيها على زامل السبهان في غزوتهم ويذكره
بعلاقه شمر والظفير السابقه وفيها قال:



البارحه كل اول الـلـيــل اقول آه=من عـلـة باقـي الملا مادراله
من علة بالـقـلـب والراس تشغاه=قـام يـتـوقـد بالضمير اشتعاله
ياحيف زامل طاوع الضد وارضاه=ومشى بطوع مظيعين الجماله
حـنـا لـكـم مثل الـجـمـال الـمـثناه=وانـتـوا لـنـا قصر ذرانا بجاله
يـاراكـب حــر بـعـيـد مـعـــشـاه=يـجـفـل الى طالع سمارة ظلاله
ياراكـبـه وصـل لـنـا العلم منصاه=لاجـيـت ابو ثامر ترد النقا له
قـل سـربــة الـجـيران ماعاد ننساه=نـجـزا في رقطا حقوق خياله
رعـودهـا دبـك الـرمـك والمثاراه=وابـروقـه لـمع النمش واشتعاله
الشيخ مـنـا غـالـي الـعـمـر ينساه=والشيخ منكم مايـراعي حلاله
يشدا ظـلـيـم صـاعـه الملح واخطاه=مع سـهـلـة ريدا تزايد جفاله
اللي يـغـثرب بجم صافـي بيمناه=من غثرب الصافي شرب من حثاله


وهنا سوف نعيد الذاكرة التاريخية الى الخلف بعض الوقت لنكتشف ان قرار مناصرة المنتفق ضد الظفير من القرارات التي سارت على غير المنهج والطريق المتعارف عليه ويعتبر سلبيةً من سلبيات فترة الامير سعود بن رشيد وذلك لعدة اسباب واهمها:

1- ان الامير سعود بن رشيد قام بمناصرة عجمي بن سعدون شيخ قبيلة المنتفق مع كون شيوخ السعدون شيوخ قبيلة المنتفق يملكون سجلاً تاريخياً سيئاً جداً مع قبيلة شمر سواء في العراق او في نجد ولا يؤهل لكسب هذه المناصرة الحربية القوية لاسيما ضد قبيلة الضفير وشيخها الشيخ حمود بن سويط ..ففي اشهر احداث السعدون في العراق مثلاً يوجد في سجل تاريخهم مايأتي:

(أ)- ان شيخ قبيلة المنتفق حمود بن ثامر السعدون تعاون مع ضباط الترك سراً ضد الشيخ بنية بن قرينيس الجربا فأوقعوه في حياض الموت عام 1230ه في شبكة قريبة من تلك الشبكة التي نصبوها لعبدالكريم . فقد غزو مع الشيخ بنيه وعندما قابلوا الجموع التي يقودها الشيخ الدريعي بن شعلان
تراجعوا وتركوا بنيه وجماعته بمفردهم امام الخصم الذي يفوقهم في العدد والعده.
وفيها يقول الشاعر الـرويـلـي :


سرنا من الشنبل الى قصر شــلال= شهرين والثالث ذبحنا(بنيـــه)
اويه , والله ياهل الخيل خيــــــال=عـزي لعـقـبه عزوة الشمريـــه
هذا جزى اللي باعنا (بابن هذال)= جـبنا دماغه للبواشي هديـــه

وعندها مات الشاعر ناصر بن عجاج الحريري الشمري قهراً على هذه الخديعه وهو الشخص الثالث من قبيلة شمر الذي يموت قهراً في مكانه بعد:

1- الشيخ فايز بن هذيل شيخ العمود .
2- الشاعر ناصر بن عجاج الحريري.
3- المرأه فلوه الثابتيه ماتت ايضاً قهراً على مقتل الشيخ بنية الجربا.

وقبل مماته قال هذين البيتين في حمود بن ثامر السعدون :


حفرت له غدرٍ عسى الله يخثلـــك=ومديت له حبل الشرك ثم سديــت
تسعين لحية روس قوم غدت لك=وش عاد يابـيــاع الادياك سويــت

ويقول الشاعر دايس الهقاز الحسيني الشمري يمتدح الشيخ بنية الجربا :


ياشيخ قوك يا مروي شبا الـزان= كيف أنت يا منجب خطاة النـــــداوي
اليا طب فوق الخيل دبوس فرسـان=اليا جاء تبدنح مثل زمل الــــرواوي
وراعي البويضا متعب الهجن شرعان= يـفـكـهـن لـو هـو وحيدن خـــلاوي
هــذا بـنـيـه شـوق مـيــاح الاردان=اللي لـحـرجــاة الـضـعـاين فــــــــــداوي
مانته بـخـابـر يوم كون ابن شعـــلان=يضرب بكل إيـديــه عطب الاهـــاوي

(ب)- ان شيخ قبيلة المنتفق ناصر بن راشد السعدون هو الذي ارتكب الخطيئة التي لاتغتفر سواء في حق قبيلة شمر او في حق العادات العربية الاصيلة وذلك عندما قدم الدعوة للضيافة للشيخ عبدالكريم بن صفوق الجربا (ابوخوذه) وعندما جاء اليه كضيفٍ يستحق الاكرام والمعزه قام بالقبض عليه في مجلسه وقيده ثم سلمه للاتراك الذين وضعوا جائزة خمسة الاف جنيه لمن يقبض عليه بسبب حروبه الطويلة معهم فقاموا بشنقه في بلد الموصل عام 1871م-1288ه ..

وكما ترون فقد غدر بشيخٍ من شيوخ قبيلة شمر كان مضرب المثل بالكرم والجود وشاع صيته لدى القاصي والداني..وكذلك غدر بالعادات العربية الاصيلة التي كانت تدفع الرجل العربي يقتل دون المساس بضيفه وجاره وتعتبر قادحاً في جاهه ووجاهته لدى القبائل العربية فما بالك اذا قام هو بتقييد ضيفه وتسليمه للاعداء ليقتلوه من اجل مبلغ من المال نسأل الله العافيه ..
وقد رثاه ايضا الشاعر محدي الهبداني بقصيدته التي قال:


يادار سلطان العرب وين هو صار=ريف الضعافي مهفي المال والخيل
يادار وين هديب شيـال الاقطـار=لوك الزمول اليا تحايد عن الشيل
حـرٍ صروم يـفـرس الـصـيـد لاطــار=صادوه غمجين البصاير هل التيل
ياعل هاك الوجيه يحجز عن النار=بجاه الملوك اللي من الله مراسيل
من البصره الـفـيـحـاء لـرفه لسنجـار=الـرشـم مايـنـهج وياتي بـلا كيـل
ياما عـلـى راس الـنـبـا شبـت النـار=وياما سرت قفوه ركاب وتعاليـل
يادار ماطبـك هـمـالـيـل الامطـار=ريفك محل عقب العصاه المشاكيل

اما في الجزيرة العربية فمن احداثهم التاريخية مايأتي:

(أ)- كون قبيلة المنتفق من اكبر مناصري مبارك الصباح في معركة الصريف
الشهيره وقد ذكره عبدالعزيز الهذيلي في قوله:


دوّر وجمّع من تردى نصيبه=أهل الكويت وكل من كان خشاب
ومن كل غواصٍ وسيبٍ يجيبه=واللي يحزمون السمك زام حرّاب
وبعريب دار وكل من يرتجيبه=وراع النفاق ومارق الدين ماغاب
وجموعة العجمان واللي حظيبه=مع الدويش ومن ولاه من الأجناب
والـمنـتـفـق وابن شريم ونسيبه=وسكانة الـنـقـره وسـالـم وغصّاب

(ب)- حاولوا فرض حصار اقتصادي على حائل من خلال منعهم لامدادات
الطعام التي تأتي من العراق حتى غزاهم عبدالعزيز المتعب الرشيد في معركة
(البرديه) في بداية عام 1318ه وفيها قال حواس التبيناوي قصيدته الشهيره:


سعدون جاك الضاري اللي عدى بك=واف الوعيد ألياهرج قايلٍ شين
من يوم سرنا طاحنينٍ زهابك=واويل ياسعدون من نطلبه دين
ياأشقر جاك أشقر ما يهابك=لاتـنـهـضـم هذا صعوط المجانين
يا تايه الأشوار هذا عقابك=مدم المخـالـب مودع الخرب قبعين
زين المناكب طير شلوى عذابك=من ماكر فعله بالأضداد مرضين
ياعاد منبوز الردايف هقابك=يوم انكم ماتردفــون الـمـزايين
على جوادك مرحله بعقابك=اتقيت رساك يوم جوك الغلامين
يامحد وش لك في كـواسـير بابك=قبل تناحون الضياغم سلاطين
بنا تمحرش يوم قرب خرابك=ياما طنينا وأول الحين من حين
وعلى الخـميسيه نوسم ركابك=وعلى الشبيبه نحــط المـحاجين
قضاء للمسة خبزنا سد بابك=ولا فعل الا فعل عدل الميازين
ناتي بزبزوم الطنايا رعابك=ياشفت (أبومتعب) تعاف السوادين
ضفى خـيـالـه يوم ضيح سحابك=وسـميةٍ منها تلم الشعابين
ودهم ٍتطير ماسكر من ترابك=ونركي عـلـى كبد الحريب المصاخين
وغادٍ دليل اللي يدور الذرى بك=عن شيخـنـا ياما فـرق من محبين
حــر ٍ ليا ضــم الجناحين جابك=على دماغك ماقعك بالصعانين
مار انت خبل"ينزع الله شبابك=قبلك لـعـيَــيـن المخاليق مطنين
دونك حصاة ٍ بـس عضه بنابك=ياللي تـقـول محــير ٍ حب شاهين
واما بنو الخير ماينحكى بك=انتم مربـيــة اليتامى القديمين
ندخل على الله ما دهمنا حسابك=انتم ضواري مار حنا ضريرين


2- في الجهة المقابله نجد ان قبيلة الظفير وشيوخها الكرام عائلة السويط يمتلكون سجلاً مجيداً بمؤازرة قبيلة شمر او شيوخها وفرسانها مثل ادخال الشيخ دغيم بن سويط للفارس الشهير ماجد الحثربي من عليان الخرصه من شمر ومدحهم بقصيدته التي منها:



ياراكب حـمراء من الهجن حايـل=مـبريـة الـذرعان حـمـراء سجلـة
حـمراء تشادي ممرسات المحايـل=لياسل مخـطـرهـا مـع الـبــير ولـه
ماضال لي غير السويطات ظايل=دغيم ثنى بالسيف دونـي وسلـه
سويطات ماهم من هزال الحمايل=من ماكر يفرس من الصيد جلـه
سويطات يـعطون المهار الأصايل=والـمـعـرقـة وعـنـانـهـا تبعـة لـه
القرم اخو دغـمـه عـزيز الخصايل=دخـيـلـهــم ما يـمـش الحـق للـه [center]
وكذلك الجيرة الكريمة للشيخ فيصل بن شهيل السويط عام 1173ه-1759م الذي نزل قريباً من بلدة بقعاء الشهيره مجاوراً الشيخ والعلم المعروف بريك بن محمد الاسعدي الذي يلقب دائماً بريك راعي بقعاء ويقال له بيطار الاشعار لقوة شعره وفصاحته ومعرفته بأسرار الشعر وخفاياه فكانت هذه الجيرة فاتحة خير كثير جرى بين الطرفين وطال الى عقود مديدة من الزمن يسير بين الاحفاد.
لما رحل الظفير قال الشيخ فيصل السويط لأحد اقارب بريك "سلم على بريك وقل له هذه الابل هديه له من الظفير جزاء حسن ضيافته "وفي الصباح وجد بريك هذه الابل الكثيرة وسال عنها فأخبر بانها هديه له من الظفير فشكر لهم صنيعهم وتأسف على رحيلهم وقال قصيدة منها :


حلا الدهر منطوق العلوم الوكايد=وطرق هبوب الريح والشوق قايد
وقرب صديق من صديق يسرني=والبغض هذا من مناه البعايد
وشربك زلال الما مع الناس عيشه=لي صرت مكفيّ الهموم الشدايد
عـسـاك يادار تـلـم المرشد=تهل عليك المزرمات الرعايد
صـيـفـيّةٍ ... غـربـيّــةٍ ... مـدلـهــمــه=نشت بالثريا ... أو بنّو القلايد
تسقى من الـعـبلا الى النير للنقىى=علومه عن البدوان تلقى وكايد
على وجــه شـيـخٍ من شيوخ آل مرشد=أبو ماجد ريف المراميل كايد
حيثه بنى للضيف بيتٍ مشيد=وهل الصّر مايـبنون بيت الحمايد
لهم شارة ٍ تهدي الـدلـيــل الى غدا=لـمـيع الضوا اليا لــذ للعين نايد
لكن مـعـظـمة الضيف بخلاف بيوتهم=مغارة ليثٍ به جديد وبايد

فلما سمع القصيده الشيخ فيصل بن شهيل السويط رد عليها بعدة ابيات لااحفظ منها سوى اربعة ابيات وهي كافية لكونها تؤدي المطلوب وتوصل للغايه وهي قوله:


ياراكب من عـنـدنـا فـوق حرة=بديدها من كثر الالحاح بايد
على بنت مشوالٍ ليا من اوجفت=تقطع مزوي الحبال الجدايد
سرها مع ثلاثٍ مع ثلاثٍ مع اربع=تطالع ( بقعا) مع زبار النفايد
تطـالــع غـرس بالـلــويمي لكنه=يسقي من الما ناعمات الجرايد
ملفاك ( أخو عفرا .. .بريك فقل له=حنا على ماقال فينا وزايد
بل ويعتبرون شيوخ السويط جوهرة من جواهر شيوخ العرب الاصيلة في عاداتها وتقاليدها وسجلوا حروف اسمائهم واسم قبيلتهم في لوح المجد بمواقفهم الكريمة الجليلة التي يعجز عنها الكثيرون .
ويكفي انهم قتلوا ابنهم قصاصاً بجارهم فسجلوها حادثة تاريخية فريدة للخصائل العربية الاصيله. وقد اشار لهذه الحادثة بن عيسى في تاريخه لاهميتها ولكونها حادثة فريدة ونادرة الوقوع .

بل حدث في هذه المعركة نفسها ماتسمى ( خفرة الجيران ) بعد ان صاحت احدى جارات الشيخ عقوب بن عفنان بن سويط وهي من قبيلة حرب عندما اخذ جيش بن رشيد ذودها وكان عقوب قد طعن في السن ويسير على عكازات وعندما سمع صوت جارته تصيح وتستغيث ولايستطيع ان يحميها وقع على وجهه ميتاً من القهر ليسجل بذلك مكرمة اخرى من مكارم الرجولة الشهامه ولو اردت الاحصاء لطال الموضوع في ذكر مثل هذه المواقف..
والامير سعود بن رشيد بدلاً من قيامه بغزو المنتفق للثأر لهؤلاء الشيوخ الذين وقعوا في مصائدهم يسير لنصرتهم ضد الظفير؟؟؟

وانا هنا لااقصد المفاضله بين هذا وذاك او بين القبيلتين او الشيوخ بشكل عام فالزمن يدور ويرتفع ويهبط ولكني اقارن الشيخ حمود السويط بمن يقابله في تلك الفتره من حيث التعامل مع قبيلة بن رشيد ومع العادات والتقاليد بشكل عام والحقائق التاريخية تؤخذ في الاعتبار لتمييز العدو من الصديق في كل فترة من فترات الزمن والتاريخ لايرحم احد ..
ولذلك نرى الشيخ حمود بن سويط يعتب على زامل السبهان ومن معه في قمة هرم الاماره لكونه رأى نفس الذي رأيت هنا وهو ان الامارة ساعدت العدو على الصديق او على الاقل على اناس ليس لهم عداوة معهم وهو الذي لايسير عليه اهل الحكمة والمعرفه .
حتى لو تشير الادلة الى ان التكليف بهذا المسير وهذا الفعل جاء من الحليف الاكبر وهو الدولة التركية التي تعتبر المنتفق من افضل حلفائها ولكني لااعتبره مبرراً كافياً لمثل هذا الفعل الذي يدفعك لنصرة عدوك اللدود على صديقك او الذي لايعتبر من اعدائك .

[فواز الغسلان]

طرى طيف اللطيف اللي عطى واخلف بميثاقه .. ..


طرى طيف اللطيف اللي عطى واخلف بميثاقه=وحــط بخـافـقـي جــرحٍ من الـهـجـران مايـنـخـاط
ولا يـنـفـع عـلاج الـلـي جـروح الـرمـح بـاعماقه=وكل اللـي فـحـص جرحي نـتـايـجـهـم تصير غـلاط
واذا داجت بـي الذكرى زبـنت لراس شوهاقه=وهاض الجاش تقل كلاش كاش ولاتهيض اقـساط
سبايـب من رمـى روحـي بـدل لـقــيـاه بـفـراقه=وعـوده بـالـلــــقـــاء صـارت تــمـــدد كـــنــهـا الـمـــغـاط
وتـمـديــد الـوعــايـد لـلــقـــلـوب الـهــوج سـراقـه=واذا قـاربـت مـيـعـاده يـزيـد النـوط خـمس انـواط
لو ان اللـي بـقـلـبـه مـثـل نار الـقـلـب واشواقه=فلا اذوق الجـفـى والـهجـر مع دخلـة نـجـوم(شباط)
وبـرد شـبــاط هـو لــذة قـبـال الــزيـن وعـنــاقه=عـلاج(ن)لـلـهـبـوب اللـي يـشادي لـسـعة المـخـباط
ومـحدن لـه بـثـلـج شباط لا حـيـلٍ ولا طـاقه=اذا ماكان فـي حـضـن الـحـبـيـب وضـمـته مـحتاط
وانا ذقت الجـفـى والروح طـاحت فـيه مـنـعـاقه=تـعـانـي في ثـلــوج الـلـيـل مع هـجر الحبيب احباط
وشـفــت(الـمـربـعــانـيــه)يـطـيـح الـثــلــج بـاشنـاقه=وعـقـبـه ست والـعـشـريـن نـجـم(شباط)مايـنـهـاط
هـبـايـب دخـلـتــه كـنـه لـوسط الـعـظـم منـساقه=ولا يـنــفــع لــدفـع الـبــرد قرب الـنــار والــمـلـــقــاط
وعـديـت(الـعـقــارب)كـل وقـتـي تـحـت مـشـراقه=ثــلاث نــجــوم مـانــقـعــد بـلــيــا الــنــار والـشــخـاط
وانـا اريـد الـدفـى شـوفــة هــوى بـالـي على فاقه=اذا جـتـنــي وحـطــت لـي على حرف الغرام نـقـاط
وجـاء فـصـل(الـربـيـع)الـلــي لـه الارواح مـشـتـاقه=(ذراعـيـن وحـمـيـمـيـن)يحدنك على الـفسطاط
واشوف الريـم وعـيـون(ن)يـنــام الـزيــن بأحداقه=بـروض(ن)والغلا تـجلس على عشبه بدون بساط
وغـابـت نــجــمـة(ن) كـانـت بــتــال الـلــيــل بـراقه=غـيـابـه وهـو نـهـايـة عام وحـسـابه عـلـى الـقـيراط
اسابق وقـتـنــا الـضـايــع مـع انــي دخــت بـسـبـاقه=ادوج دروبها وارجـع عـلــى الـسـكـه تـقـل مـزقـاط
وعــقـب اسبـوع ثــم اسبــوع بـانـت تـشـبـه اوراقـه=واذا بـانـت ثـريـاء الــقـيـظ نـجـمـاتـه تــقـل بـربـاط
(ثـريـــا)الــقـــيـظ(والـكـــنـــه)وشـمــس الــقـــيـظ حــراقـه=بـرجـواه اربـعـيـن امـشـي مـن الــدوار لـلـخــيـاط
وفـي نــجــم(الــتــويــبــع)زاد غـــبــن الـــروح وفــلاقـه=وهو نـجـم(ن)شعاع الشمس ناره مثل نار الـغـاط
وعـقــب اثــنــيـن والـخـمـسيـن(والجــوزاء)لـنــــا واقــه=ثـلاث نـجـوم ووصــوفــه نـقـيـب بـرتـبــة الــضـبـاط
وعـقــب الـسـت والـعـشريـن(والـشـعـراء)ظـهـر ساقه=هي(المـرزم)وانـا سهـران لاجل الصاحب الخـراط
ولاادري وش سبب ضـعـفــي قـبـال الـدمـع وشهاقه=مع ان طبوعها تـشـفـط عـروق الـقـلـب بالـشفاط
وعـقــب الـسـت والـعـشرين دجت الـصـبح باسواقه=وبـان(سـهـيـل)والمـوقع جـنــوبـي شعـلـتـه تـشـتاط
ونـجـم سـهـيـل حـر وبـرد صعبٍ تـضـبط اخـلاقـه=تـقول ان الشتاء والصيف صارت داخل الخـلاط
وزان الـــتــــمــر والـــمــولــى يــجــود ويـنــــثــــر ارزاقــه=وبان البرق في مزنٍ شعاعه تـقل ضرب اشواط
وراح اثـنـيـن والــخـمـسـين وقـت سـهـيــل واطــواقـه=وقـلـبـي يـنـتـظـر ريـم(ن)فـراقـه ساطـنـي باسواط
وجــانـا(الـوسـم) وامـطـاره وبــان الـعـشـب ارنـاقــه=ويـبـدى الـبـرد مع ريـح الـخـزاما والنـفـل لا عاط
اطــارد لــي رفـيق(ن) حـط دون الـجـحــر مـنـطــاقـه=صعيب(ن)عـسـفـهــا مـهـمـا فعـلـنــا مالـهـا مـقلاط
وعــقـــب اثـنـــيـن والـخمـــسـيـن راح الـوســم واذواقـه=وعـاد الـبـرد والـغـــالــي يـسـوط الـروح بالمـسواط
وجـــتـــنــــا(الـــمـــربـعـانـيـه)وصـــرت قــبـــــال تــفـــاقــه=مثل ماراحــت الاولــى قـبــال الـرمــث والـشـعــواط
اذا جـبـــنــا الـجـــمــل قــالــت غــرامــي يـالـغـــــلا نـاقـه=واذا جـيـنا مع الـمـطـــلاع قـالــت نـغـلـي المـهـبـاط
ويوم امـسـى هـوى بـالـي يـصـيــب الــروح بـاطــلاقـه=وشفت اعذارها تشبه لطفل(ن) ياكل الـشـقـلاط
رحـلــت عـن الـهـنـوف الـلــي لـعــهــد الـعـشــق بـواقـه=هربت عن السهر والجـيـب فاضي ماعليه قشاط

[فواز الغسلان]

في قبيلة ال مرة عدة اشخاص يعرفون بأن لديهم مهارة في نظم الالغاز وحلها ومن اشهرهم
في ذلك الشاعر جهويل النابتي الشهير والذي كان بارعاً في ذلك بشكل يلفت الانتباه وقد
قال له احد اصدقائه وهو الشاعر ردام الثابتي الشمري ابياتا حاول من خلالها اختبار الشاعر جهويل النابتي
بلغز رائع ووجيه في وصفه له عندما قال:
لغز ردام الثابتي على جهويل النابتي .. ..


انشدك عن بنت تسوي تهاويل=مطلاعها من راس قايد جماعه
مطلاعها تطلع على مطلع سهيل=ولها على تالي الربيع انقطاعه
تنزل بدار مابها لي منازيل=ومابي على المنزال حيل وبراعه

وهو هنا يقصد (هدارة الجمل)
وبدلا من ان يعطيه جهويل الجواب قام جهويل بنظم اللغز بطريقة اخرى لكي يعلم ردام الشمري
انه يعرف الجواب بل ويصوغه بطريقة مغايره لصياغة ردام فقال جهويل انا لم اعرف الجواب ولكني
سوف اعطيك لغزا بدلا عنه فقال:

ردام كل الناس تعرف لغاها=وتعرف معاني نطقها بالاسامي
انشدك عن بنت قريب مداها=تطلع اليا هبت ليال النسامي
صعب نميز ضحكها من بكاها=وبالقيظ تلقاها قليلة كلامي

وكان ردام الشمري يقصد بلغزه( هدارة الجمل ) ولغز جهويل ايضا يقصد هدارة الجمل وانما صاغ اللغز
بطريقة مغايره وهذا دليل الذكاء والفطنه والبراعه الشعريه عند جهويل النابتي رحمه الله 00

وكانت (الشايقه) من احب الابل لدى صاحبها وهو الشاعر الشهير جهويل النابتي من البحيح من المره
وفيها طبع عجيب جدا وهو انها اذا ضربها احد من اولاده نزحت عن البيت بعيدا كالزعلانه وبمجرد وصول
جهويل الى البيت تاتي مسرعة اليه وتقف عنده وكأنها تشتكي له ماحدث وبمجرد رؤيته لها بعيده عن الابل
وقدومها اليه بسرعه يعلم انها تعرضت للضرب فيقوم بمعاقبة من فعل ذلك واسترضائها بشئ من الاكل 0

وذات مره احضرها جهويل للمشاركه في ميدان سباق الابل في الامارات العربيه المتحده بحضور الشيخ زايد
بن سلطان ال نهيان ذلك الزعيم العربي الاصيل الذي يعتبر الرمز الحقيقي الفطري للتواضع والرحمه والحكمه والكرم 0

كانت الشايقه لاتتضح سرعتها الا في المسافات الطويله لاصالتها ولكنهم ودون علم جهويل ادخلوها في سباق الصباح
القصير البالغ خمسة كيلومترات(5)كم فجاءت الثانيه في المركز 0 ومع كونه مركزا ممتازا الا انه غضب من ذلك وامر بدخولها
في سباق العصر بنفس اليوم بمسافة العشرة كيلومترات(10)كم ومع كون ذلك يعتبر مشقة عليها واجهاد كبير لكنه اصر على
ذلك لمعرفته بها 0 وفعلا جاءت الاولى في السباق وسط ذهول الجميع فقال جهويل:


(الـشايـقـه) بـدة العيرات مشكوره=اللي خذت حـقـها الوافي بشوطيني
من قال لي بع ذلولك عاصي شوره=خـمسـة ملايـيـن فـيـهـا ماتكـفـيـني
مانـي بـبـايـع وقـلـبي مانـوى البوره=والـرزق موجـود دام الله محـيـيـني
ابي الياجـاء نـهـار الريس في دوره=يذاع بأسـمـي مـع الـربـع المسميني
لاحـضـروهن ونادوا كل مشـهوره=راحن جـمـيـع وجـن وحده وثنتيني
قـدام زايد الـيـا من صف طـابوره=تآتـي ذلولـي مع ركاب السلاطيني
اما تـجـي الاولـه والا فـمخـطوره=تنافس اللي خذى الاول وترضيني
يابكرتي من عيون الناس ماجوره=اللي يفـكك من عـيون الشياطيني
كـنـهـا هـنـوف تـمـاري كل غندوره=في وجـبة العيد لبست ثوبها الزيني
والـهـا دعـايـه مع الاجواد منشوره=بالاصل والطيب بالاول وذا الحيني
يامسنـعـيـن اصـلـهـا مـاهـي بـمبثوره=ولا هـي بـمـشـروكـة بـيـن البعاريني
بـنـت الـذي بالـنجـايب مالها جوره=غـب الـصـلـف ماتـجــود كود بأثنيني

ومن الطرائف الشعريه انه ذات يوم جلس جهويل النابتي بجانب الامير عبدالعزيز بن سعد بن جلوي ووالدته من قبيلة
المره فهم اخواله وقد اشتهر الامير عبدالعزيز بحبه للباديه واخلاقها وتاريخها واشعارها حتى اصبح مرجعا تاريخيا في ذلك
وهي دليل على مكارم اخلاق الرجل ونبله 0ويعرف جيدا مكانة (الشايقه) عند جهويل فقال ابن جلوي عندي بيت من
الشعر وارغب منك اكماله ياجهويل قال ابشر فقال الامير:


والله انه مايشوقن اليا حـان السباق=كود خـاطي بكرة مثل جـري الشايقه

وعلى الفور ارتجل جهويل النابتي الابيات الشعريه لاكمال هذا البيت فقال:


هاضني ماهاض عبدالعزيز اذا استشاق=مـثل مااشتـاق الـمـولع على عـشـايقه
والـله انــه مايـونـس اذا جــاك الحماق=كـود خـاطـي عـيرة بالاصــايل فايقه
ماتلوح بالرسن قبل خط الانطلاق=والـمـوفـق فـوقـها عـارفـن طـرايـقــه
لاتمزع سبق الجيش من عقب الضياق=روحــت تشدى لـفــرخ رموا علايقه
او كما خطوات ريم خفيف واصطفاق=عـقــب ماصاد المبندق حدى رفايقه
مطلبك يابن الاكارم صعيب مايطاق=بس مـثـلك لابـغــاها لنـفـسـه طــايقه

[فواز الغسلان]

موقعة العامرية .. ..

العامريه موقعة عام 1325ه حدثت بين جموع من قبيلة الروله بقيادة الشيخ نواف بن شعلان والشيخ ممدوح بن شعلان من
جهة وجموع من الزميل من شمر في الجهة الاخرى . وكانت بدايتها هجوم لابن شعلان على عدة بيوت من الابي سعد
من الزميل وبجانبهم بيوتاً من الجرذان وكبيرهم لعيبان المايق ثم تلاحقت الفزوع بعد ذلك شيئاً فشيئاً .
وحضرها من مشاهير القبيلة لعيبان المايق وقاسم بن رخيص رحمهم الله جميعا000
وفي مجمل روايات كبار السن من عشيرة الزميل قالوا:
اقبل نواف بن شعلان معه ألف ومائة فارس وأغاروا على الحزول وأكثر سكانها الزميل الذين أصابهم
رعب شديد لعدم وجود قيادة موحدة ولكون الناس كانوا في غفلة وحصل هياج للناس بحثاً
عن قياده تجتمع عليها الفرسان . فقاموا شمر بإشعال النار ليجتمع عليها الناس (وكانوا على طريق ابن شعلان) فقام الناس
بالاجتماع على النار وذلك بعد دخول المساء حتى اجتمع ثلاثمائة رجل وقاموا بالتشاور في الامر لعدم وجود
تكافؤ في القوى والعدد والعده . فقرروا الهجوم على الرولة في منتصف الليل لمفاجأتهم وذلك لكونهم لن يتوقعوا
ذلك لقلة عدد الخصوم الذين سيحاولون الهرب تحت جنح الظلام ولعلمهم التام أنه اذا طلع الفجر فسيكونون لقمة
سهلة لابن شعلان الاقوى من حيث العدد والعدة وفعلاً هجموا عليهم واكثرهم على الاقدام وكان ذلك مفاجئاً للرولة
وغير متوقع ابداً فكانوا غير متأهبين بشكل كامل فكان ذلك سببا لحدوث إرتباك كبير في صفوفهم وتراجعوا شيئاً فشيئاً
إلى أن استمر فرسان الرولة بالتراجع وكان عنصر المفاجأة سببا للنصر وغنموا الكثير من الغنائم00
فقال غازي بن برجس بن قناع البقعاوي:



راكبٍ من فوق حـمـرا صيعريه=مـنـوة الـمـداد قـطـاع الـمـحـالي
شبه ربـدا حولت مع جـرهـديه=اسـتـذارت وشـافـت الـتـفـاق زالي
دزها لسكانة الحزل اجمعيه=قل ألـف نـعـم يوم ابن شعلان صالي
جاء لهم نواف مـعـه الـفٍ وميه=طـايـشٍ راسه معه هل الشمالي
وحـضـبـوهـم لابـتـي بالـعامريه=لـيـن راحـوا مثل سـيعان النمالي
لـيـت مـنـهـو حاضرن ياخذ حذيه=عند تـال القوم يرخـص كل غالي
يابـشـيـر الـذيـب هو والحضرميه=والـنـسـور اللي يـربن كل جالي
كم صبي يـنـتـخـي بـالـغـشـمـريه=طـاح للـرحـمـه وخـلـي مايشالي
بلـيـلة تنـكس بها الحدباء صبيه=وينـكس الشايب بها مثل الغزالي
انـهــزم نـواف ولا بـه مـنـقـديـه=انهزم بالليل عـن قـطـع الـعـقالي
وانـثـنـى مـمـدوح حـمــاي الونـيـه=ولا يـكن اللي جرى بين الرجالي
يـوم اقـولـه والله مـاصـيـدي مريه=اعجبوني ضرب راعـيـن الفعالي
وكان الطلب من شمر اذا إقتربوا من مركب شيوخ الشعلان نزل ممدوح بن شعلان ورمى حتى يردهم ولذلك ذكره
الشاعر بقوله : انثنى ممدوح حماي الونيه
ولايوجد لهذه الموقعة من الشواهد سوى هذه القصيدة فقط وهي محفوظة لدى رواة بقعاء وهي بلدة الشاعر بن برجس
والان كل بطن من بطون عشيرة الزميل يقول إن الواقعة كانت عليهم دون غيرهم وسيبقى مجرد رواية مالم يقدم الدليل على ذلك والسلام.

[فواز الغسلان]

بعض العرب غتره وثوب وفنيله .. ..


ياحمود بعض الناس يسوى قبيله=وصوته يسدك عن ثلاثين خيال
مدات كفه بالمراجل جزيله=وهدات عزمه بالمفازيع زلزال
حيدٍن اليا زاد القسى يرتكي له=ويبري طواعين المجاعه والامحال
ما يجحد افضال الرجال وجميله=وتبقى بنسله باقيه طول الاجيال
ويسكت عن اللي مايساوي شليله=لاصار جده من كريمين الاسبال
لا غاب مايملى مكانه وكيله=ولا كل رجل ينقل الثقل لا مال
وبعض العرب غتره وثوب وفنيله=وهرجه بجلسات الرجاجيل غربال
يقعد يسولف في عداله وميله=يذبح ويصلخ بين دله وفنجال
وهو عاش ماحصل بعمره نفيله=ولا في بيوته للرجاجيل مدهال
بالجاه ما داوى النـفوس العليله=وبالمال مافاد المساكين بريال
العشب يذبل في شغايا مسيله=والسدر ماتحته للاجواد مقيال
إما كسب لأقرب ربوعه فشيله=او صار لاريام الغنادير مرسال
وبعض العرب لو زاد قوله وقيله=ولا تقل وصلتنا هروجه ولاقال
دامه يقول ولا يـقـدم دليله=وش لي بقولٍ مايثبت بالافعال
خـله يـبرد بالسوالف غليله=ويطفي لهيب بالحشى يشعل اشعال
لا صار ماله غير كذبه وسيله=كذبة محرم ترتحل قبل شوال
وهرج المساء شمس القوايل تزيله=لو داج بديار العرب عدة أميال
وارزاقنا رب البرايا كفيله=مايدفعه راع المناصب والاموال
ولو ساق طابور العساكر وخيله=والله فلا ينقص من الرزق مثقال
ولا عيب في جمس قديم موديله=او نومتي جايع تحت ظل طربال
او راح ليلي مع سراج وفتيله=او مامعي بشت وخواتم وجوال
والعيب سيرك بالدروب الذليله=وشربك من دلال المهونات فنجال
دنياك لو طالت تراها قليله=وملفى منازلها خرابات واطلال
العمر سيف الموت يقطع سبيله=والموت ماعذرب جديع بن هذال
ومااقول انا حبس الحمول الثقيله=واني بخيص بالجدايد والاسمال
كل البشر تآطى عـداله وميله=ولا لي عن الغلطه ملاذٍ ومعدال
بس اعتماد الكذب عندي رذيله=لا والذي نزل تبارك والانفال
والمرجله ما كل رجـل يشيله=ولا كل رجـلٍ يحتمل زود الاثقال
ونقض الوعايد بالشدايد رذيله=وعند الرخى ماينقض العهد رجال
عـلـيـك باللي ما يخـلي دخـيله=اللي سحابه طول الايام هطال
والبذل هو ساس الخصال النبيله=وهو نبعها الصافي على مر الاجيال
فيه الـمثوبه والندى والفضيله=ومعها محبة كل راحل ونزال
والبخل عذروب الرجال الجليله=يدبل عـيـوبـه بالعرب عدة ادبال
كم نار قـوم له سنينٍ طويله=غابت لهايبها تحت هافي الخال
ولو ينقل اكياس الذهب في زبـيله=يزول ظلع وعفن الاطباع مازال

[فواز الغسلان]

القصيدة الشهيرة التي قالها الشاعر عبدالله السنيدي الذي كان يقيم في مدينة
حائل عام 1326ه-1908م عندما شعر بضعف السلطة والامارة فيها تحت ولاية الامير سعود بن حمود العبيد
الرشيد لدرجة أنها قامت تغلق ابواب السور في الليل خوفاً من اللصوص الذين يسرقون المعاويد في الزباره وهي
حي من أحياء حائل فأرسل القصيدة الى حمود السبهان في المدينة المنوره ليحضر ومعه سعود بن عبدالعزيز المتعب
الرشيد ولد الامير الشهير الملقب(الجنازه) وهو بن اخت حمود السبهان وكان صغيراً يبلغ من العمر اثنا عشر عاماً وقد كثر التغيير والتبديل فيها لذلك أحببت وضعها بين أيديكم . قال السنيدي:

قصيدة السنيدي الشهيرة بعد تحقيقها .. ..

يالله ياسماع صوت المهتدي=بجنح الظلام وخاشعٍ لك يسجدي
نرجيك مانرجي اله غيرك=يالفرد ياللي بالسماء متوحدي
تجبر عزاء دارٍ تجض أركانها=حنت من الفرقى حنين مفردي
دارٍ تقلل نورها من ضيمها=واهتز جاله عقب راع المسندي
من عقب ماجنب الهنوف أحرابها=عنها الضديد من المهابة مبعدي
جاها الهزل والذل من حكامها=حنشل هتيم بالزبارة تلبدي
أنا برجوى فالق الحب والنوى=عالم دبيب النمل والليل الاسودي
يرجع على تالي الديار بعزنا = فهود الزراج أهل السيوف الوردي
ياحمود لو تسمع حنين أجبالها = ماقمت يوم بالمدينة مفردي
صاحت لك السمراء ورمان الحمر = وخشوم جلدية وضلع ابا عدي
وجبال سلمى يوم زجت بصوتها = تقول وين حمود ستر الخردي
ياحمود حائل والعلياء تنتظر = منك المدد وشراع سقاي الودي
انشر وقدامك مفاتيح الفرج = ليا جيت ديار الشمريين فترشدي
سم وتوجه يـم ضلعان الجبل = ثم اعتصم بالله وانت مساعدي
أنصب ولد عبدالعزيز المتعب = سبع الضواري للضواري يسندي
من بين ابوه وخاله الطيب ظهر = مفراص حلقات الحديد المبردي
الله يجعل عزنا به دايم=تالي هل الوجه الحميد الامجدي
ولد الذي يوم جت مراهيش العدى = وأشتب نارٍ بالصريف تتوقدي
جو من شفى رابغ اليا حد الحسا=ومن اليمن لحدود جال المشهدي
وجاهم من الغربي سلايل متعب = نجم على رؤس الفراعين ارجدي
قام يتدخل بالدويش مبارك = باغيٍ عن البوقات به يتجودي
قال العوض يابن الحميدي روسنا = عن حس هذا الليث ودن لبلدي
وان جيت ذاك الصوب لك مني عهد=علي جدران الكويت تشيدي
هذا ولد هذاك وماغاب احتضر=ماخلف الضاري فهو منه ازودي
عجل بولد الحضف يسكن دارنا=من خوف طماعٍ عليها يعتدي
واظن ولد الحضف لاناش اللحم=من مس روحه يم ربه تصعدي
وأنا من الـجـيـران حـالـي حـالـهـم = بالنار والا بالجنان مخلدي
لي ديرةٍ بين الشعيب ويساره = وبين الهلالية وأبان الاسودي
اقبس من اطرافه زعاطير الظفر=عيت من اطواب العساكر تهتدي
مار عفناه لاجل مدلهين الناقة = أهل حمى ذروات يم الاجردي
ياما فقدهم من ضعيفٍ وعايب = ومن شايبٍ على العصاء يتوجدي
وزمل ترد ارقابها لوثورها = وتنتف من اوباره عساها تجحدي
ماتاخذ الحـقــان من قـبـيـلـة = شره على راع البساط الاحمدي
والله فلا نقعد بلاكم ساعه=ولااحدن على العوشز يحب المرقدي
هناك من يقول إن الذي هرب بسعود ابوخشم هو حمود العبيد الرشيد وليس حمود السبهان وهذا باطل وترده النصوص التاريخية
مثلما جاء في كتاب (تاريخ القصيم السياسي) ص74 قال:
((أما سلطان فقد اراد المغزى شمال فجاء اليه السبهان وقالوا عندنا جنازه نبي نجهزها وندفنها ونلحق بكم
فوافق سلطان . ولما ظهر مع البيرق سار السبهان وطوارفهم واخذوا معهم سعود بن عبدالعزيز المتعب وقصدوا المدينه
فلما اراد سلطان اللحاق بهم قالوا اهل حايل ماراح تدركههم لانهم مدبرين امرهم زين - وقصدهم خائفين عليهم ان يحلق بهم-))..

وفي ص75 قال:
((في شعبان عام 1326ه تواثق السبهان واهل حايل حتى اغاروا عليها واخذوها وقتلوا سعود الحمود وشاخ فيها حمود السبهان
وفي رمضان غزى الحميداني جنوب بريده واخذه فلما عاد مرض وتوفي اخر عام 1326ه ثم شاخ زامل السبهان في اخر سنة 1326ه))

مبارك: يقصد بن صباح في معركة الصريف عام 1319ه-1901م .
وقال فيه ابوجراح السبيعي بعد الصريف:


اخو مريم بث اشعاره=واخو نوره بهذل كيده
جـانـا غــادٍ لـه هـداره=كـبـر الـمركب زبابيده
ابهل نجد وفك اصراره=والمدحور انطلق قيده
يامن ينشد راعي واره=ويش اللي جابه لبريده
زبن روحه ضحى الغاره=وخلا الزرع لحصاصيده
حط الزلفي هو مصداره=وتزمل من معاويده

[فواز الغسلان]

الــغـــــريـبـــه .. ..



قـال الذي صاغ البيوت البارعه=كالـماس فـي عـنـق الفـتـاة الفارعه
قـافٍ بريـضـان الـضـمـاير زارعه=مـيراث شـيـبـان الجدود الراحلين
صـغـتـه من جروحٍ بـجوفي ناضحه =بـانت عـلاماته بـوجـهـي واضـحه
اجـحـد وطعـنات الضـماير فاضحه=واللي بـمكـنون العرب لازم يـبـين
وهذي تحاليل القوافي والشعر=اللي جزيله بالعـرب ماله سعر
واترك هروج المنتفخ والمنسعر=واللي ملى بالشعر كيس وباغتين
واسمع لاهل حايل قواعد قافها=اللي تطوف بحجرها واحقافها
وشلون تلعن للحروف سقافها=وترضى شهادات الرجال الفاهمين
حنا ينابـيـع القـصـيـد ومنجمه=وحنا قواميسه وحنا معجمه
واللي يبي رب الخلايق ينجمه=يضيع لو شاف المباني شوف عين
وقبل ابتدي ياصاحبي خلك معي=حـتى تصوغ الـشعر مثل الاصمعي
وان كان دمعك مايخـالف مدمعي=هذي فـنون الشعر يالقرم الفطين
اعـراب بـيـت الشـعر له سر وعبر=ولا تـرفــع المكسور بالـوقت الغبر
والـمـبـتـدأ نـوبٍ يـجــي مالـه خـبر=لاصار راع الـفـعــل هامـور سمين
ومن يعـرب وعـود الـفـراغه جازمه=مثل الذي يآتـي ولا احـدن عازمه
نـوبٍ شـروط الجــزم ماهـي لازمه=للي يشـوفك ماتساوي درهـمين
ولاتقترب للـفـتح وحروف النصب =ومكاسبه مثل الظلـيـمه والغصب
ودام الردي يقصب مساكينه قصب=عـلـة عـيـال الـيـوم صـارت عـلـتـين
والصرف والتشبيه ما لـه قـاعـده =نوبٍ زوايــاها تـجـي مـتـبـاعده
واركد ولـو شـفـت الـمـزون الـراعده=اخـاف تـمـشـي له يسار وهي يمـين
ونوبٍ ترى المجرور يـبـنـي له جـسـر=وتقـراه بالـضـمــه ولا هـو بـالـكـسر
وفـرخ الـرخـم يـقـلـط ويفدع بالنسر=وهذا هلاك الذيب وسباع العـرين
وكان الـضـمـير عـن المخاليق استتر=خله تحت بـيض الطواقي والـغتر
واترك غرام البيض وانـغـام الوتر=وعقب رمضان العيد ومن العايدين
واحـذر تـرى الـنـيـه يـتـم ادغامها=ولايـطــربـك بالـلـيــل صـوت انـغامها
تـرى الـنــوايــا مـاتـبــيــن ألـغــامها=وكل الـبـلــى بـالـلـي كلامه بين بين
واصـعـب دروسـه بالحروف المضمره=مثل الـذيـاب اللي عن الرمـي اخمره
كـم غـرســة عـقب التعب ما اثمره=وهذا حـصـاد اللي بـذر والقاع طين
وترى وعـود الطيب ماتملى البطن=وبالوزن ثقله ما يجـي خـيشة قـطن
وكان انت بطبوع العرب رجـل فطن=لا تجمع الشبـعان عـند الجـايـعين
وان واعدك راع الـكـدالـك والبـيـوك=طيـبـه تـراه ابـعـد مـن الـوشـم لتـبوك
ليش الوعـايد والـدراهم بالبنـوك=بس الردى يرميه مربوط اليـديـن
والظلـم مابـه للاوادم فايـده=ويكفيك فعله بالـعـصور البايده
ونتايجه بين الاوادم كايـده=ياما قـطـع راعيه من شوف الجنين
راعـيـه مافـكر بـعــدل الاخـره=وقـام يـتـنـومـس بالـثياب الفـاخـره
وانه ملك بـرج وقـطار وبـاخـره=واقفى وخلا المال عند الوارثين
والـلـه يـلـو كـل الـضـمـاير عـايـشه=ماشـفـت ضحكات الـرجال الـطايشه
اللي تشـوف الـنــاس مـثـل الـهـايشه=ماتدري ان المال للـعالم كـمـين
ولو سـرت من بـيروت حـتى القاهره=لابـد ما تلـقـى قـلـوب طـاهره
وحسبي على راع الـعيـون الساهره=وشلون ماشـاف السـهـارى الجـايـعين
تلقى الذي يسهـر من العالم مريض=أو عاشقٍ ليله مثل لـيل العضيض
ويرجي نصيبه ياصل الريم الغضيض=أو جاه من جـيـش الليالي غارتين
وتلـقـى الذي يسـهـر على عـد الذهب=ويشــوف كــم قــرشٍ بـغــــاراتـه نـهـب
وياسرع ماتصبح وسـط قـبره لهب=وطيب الـعـمـل والـمـال عـند الطيبين
والا الذي يسـهـر يـراقـب حـارته=والا يـحـــاول كشف عورة جـــارته
والـصـبـح لـلـعـالــم يـسـوق بـشـارته=ويمسي على روس العرب مثل الـقرين
ليت العرب تـتـبـع دروب اسلافها=ولا يـخـــدعـه بـالكـتـب زيـن غـلافـها
وان شـاف لـقـــمــات اليـتــامى عــافــها=يمكن خـراب بـيـوتـنـا يرجـع يزين
كـم حاكمٍ حاز المداين والـعروش=وحاز الـمـساكن والـمبانـي والـقـروش
بس الـمـنـايـا ماترجـــعـــهــا الجـيـوش=وش فـايـدة ضحك يجي عـقـبـه ونـين
والنــاس له مـنـهـج وله طـبع وهوى=وربي خـلـق منهاجـهم ماهـو سوى
وما للـمـصـايــب لاعـلاج ولا دوى=غـير الـمـسـير بشـرع رب الـعـالمين
وان شفت هـجـمـات العداله ضــايـعه=وشفت البـطـون الخمص باتت جــايـعـه
تلقى الـظـلـيـمـه بالخــلايـق شــايـعه=والـفـقــر مكـتـوبٍ عـلـيهم بالجـبـين
واللي تـمـعـن بالـتـكاثـر والـمسد=وتأثير فـعل القلب في كل الجسد
وان الخـــيـانـه والخـبــاثـه والحـسد=صارت سبب شح المطر للمسلمين
دام العرب تجسر على سجن البري=وتركض ورى الخـفرات واللـحم الطري
وقــانـونهم يجـفـل عـن الرجـل الثري=صاروا مثل عاد وثـمود الهالكين
كـنـز الـقــوافـي في مـعاليقي كمن=لو كان ماله عند خلق الله ثمـن
وكـل البـضـايــع له مكان وله زمن=مـثـل الـمـدارس بـه بـنـات وبــه بـنـين
لا دارت الـقـيـفــان مـن بـيـن الـعـرب=ولاذ الضعيف عن النشامى بالهرب
أطلى الـنفوس الزايده طلي الجرب=وعند الحـقـايـق يـظـهر العلم اليقين
حفظت جـزل الـقـاف يـوم انـي غرير=يوم الفرزدق في حروبه مع جرير
وزين النظر ماهو مثل حال الضرير=وش جاب صنعاء في بلاد الرافدين
أغلي قصيد اجدادنا الشهم الأبي=ومثله فصيح الشعر من بعد النبي
وفي خلط كذبان العرب ماني غبي=وكون الـمـبـرنس غير كون التامتين
وحـلـفـت مااقـوله الياجيت الصحيح=إلا بحــاكـمنا وفــي تـاج البحيـح
راع الندى يكفيك عن هرج الشحيح=والصدق يدعـم صاحب العـقل الرصين
هذا شـمخ وسط السباع العاديه=وهــذا رفــع قـيـمـة شـيــوخ الـبـاديه
اهل الـمــراجـل والـطـبــوع الهاديه=وصقر الجـزيره هو عـقـيـد السربتين
جـاورت شيخٍ في بـنـي مره ظهر=عزمه يـعـزك فـي صـواديـف الدهر
وطيب الـمـشـايخ والنشامى في شهر=علي العـضـيـبـه يـدبـله في ساعتين
وترى هـوان الـشـعـر يالقرم النـبـيه=شـعـرٍ تـقـولـه عـنــد رجــلٍ مايـبـيـه
لو شاعره رب الخلايق مجـتـبـيـه=الزيـن عـنــد اهـل الجـهـل مالـه زبـيـن
واللي بـيــوتــه مـن ضـمـيـره نـابـعـه=تحـفــظ مع الـعــالـم بـلـيــا طـابعه
وتلـقـى الـمــعـانـي وسطـها مـتـتـابعه=ماحاسها بالـهــذرمـه حـوس العجـين
والـلــي جعل بعض الـضـمايـر قــافـيـه =والـلـه فـلا هـي بالجــزالـه وافـيـه
وهـي غـلــطــةٍ بـالـشـعـر ماهـي خـافيه=حتى ولـو داسـه رهـيـن الـمحـبـسـين
زمل الـقوافي ما يمشيها الضمير=رده على الساس الـثلاثي يالسمير
والا جمعت الحـشو بشبوك ال****=واصبح قصيدك لا يدان ولا يدين
والوزن والـقــيفان مـحــدن يـمـلـكه=ولــولاه ماتـلـقـى طـريــق تسـلـكه
وماضي قصيد الخلق والجيل اهلكه =وتقدر بشطر البـيـت تاخـذ كلمتين
وروايــع التـصـويـر لزهوره عـبـق=وهي دايـمٍ محـسـوبـةٍ للي سبق
ومن مـر ذيدانه تصبح واغتبق=وفضل الصحابه فوق فضل التابعين
وتكرير نفس الـقاف يضعف قـيـمـته=وتظـهـر لحون الضـعـف في ترنيمته
في قــاف بـانـي فـلـتـه مـع خـيـمته=والـلـي يـقــولـه مايـجـيـبـه مـرتـيــن
ومن حدد التكرار من بعد السبع=ماجــاب قـولـه من شـخـالـيل النبع
والطبع من عقب العرب ماهو طـبع=لا صار مايـعـرف بـوقــت الـهجـرتين
والحــرف تفـرق فـتــحـتـه عـن شـدتـه=كالـفــرق فــي تسكـيـنـها عـن مـدتـه
فـرق الـنــوادر والـرخــم في هـدته=مثل اختلاف دبـي عـند ام القوين
ولا يخـتـلـف تشـكـيــل ماقـبــل الاخـير=واذا اخـتـلـف ليتـك بقافك تستخير
والـراء مـع الـتـرقـيـق حتى بالشخير=تفرق عن التضخيم عند الـسـامـعين
وترى بحور الـقاف مافيها عدد=تشبه طيور الصيد في وقت الهدد
بحر الـقـدامـى والشـواعير الجدد=دام الثلاث الشروط ماجاها الدفين
والـشعـر له وزن وقــوافـي مـع بـحـر =ومعناه واضـح كالفـضـاء عـقب السحر
واقــواه قــاف الـلــي تضـايـق وانـتـحر=ويضعف مع اللي ماشكى غـبن السنين
وترى الـقـصـايـد له من الشاعـر هدف=واحلى الـقـصـيد اللي يجي مثل الصدف
اما سـبـب طـعـــنـــات مـلـعـون الجـدف=او زول ريـمٍ مـثـل ريــح الـيـاسـمـين
وحـتى تجـيـد الـوزن شلـها في لحن=ان شفت جاشك من بحوره ماشحن
وان ماتعدل خذ قصيدك في صحن=وراحـة قـصـيـدك خــذ بداله راحـتين
وهو موهـبه مدفـونة وسط الحشى=والماء يريد البير وحـبـال الرشى
لو زدت ثوبك طيب وشماغك نشى=تفلس ولو تصرف بدرسه خزنتين
وافـضـل فحول القاف بـوقـوت الحسم=من يرسم الـمـعـنـى عـلـى الصـوره رسم
هـذا الـقـصـيـد الـلـي يسـمـونـه دسم=ويستاهل الـبـيـرق بـحـكـم الـمنصفين
وركـز بـمـفــتـــاح الـقـصـيــد وقـفـلـتـه=واضـبـط طـريـقــه كـهــربــاء مـع زفـلـتـه
تـراه مـقـيــاس الـقــصـيــد وحــفــلـتـه=لو بـاقـي ابـيــاتـه تـجـي دون اكـسجـين
وترى الكلام الجزل هو طيب القصيـد=واما المعاني يالسنـافي خـشـف صيـد
وبعض الـقـصايد عـنـدنـا ماله رصيـد=لو هــي تردد بالـبـرامـج كـل حـين
وترى الحـروف بـوسـعـهـا مـثل الرفوف=(والـلام)واسع باب في كل الظـروف
(والـراء)شـبـيـهٍ لـه بـزيـنـــات الـوصـوف =(والنون) يـدعــونــه رحــول الـراكـبـين
(والـثاء) بـيـوتـه بالـعـرب سـبـعـة عـشر=عـنــد الـفـحـول الـنـابـغــه وسـط الـبشر
(والذاء) اذا رامــه شـويـعــرنـا كـشـر=وياقف على الـدرزن ولـو عـنده عوين
وكـثـر الاداة بـنـظــم بـيـتــك يـضـعــفـه=حـيـثــه كـمـا الـمـسـعـف تـقـوم وتسعفه
وثـنـتـيـن فـي شـطـر الـقـصـيـده تـجـعـفه=كـانـك تـبــي مـثـل الـخــلاوي والـبـطـين
وعـلـيــك بـالـصـامل وخـل الـطـهـبـله=ولا تخـــدع الــعــاقــل ولا تستهــبـــله
واترك بـويـضـــات الـحـريــم ومـهـبــله=والـطـهـبـلـه قــاف الـرجـــال الـمـفـلـسـين
وترى جـمـاهـيــر الـقـصيد ولجـنـته=تاقــف مع الـلــي كالـورود وجـنته
ولا كـل من يسجـن يـشـابـه سجـنته=ومااريـد جـمـهـور القـصيـد الفارغـين
كم شـاعـرٍ بـيـطـار بالـلجـنـه رسب=والنصر تصـويـت الـقـبـيـله والنسب
والا عـلـى كـثـر الحـلال اللي كسب=ولأهـل الـقـنـاة الـمـدح والـربـح الثـمـين
اللي على الـتـصـويـت قـاموا ينـتـخون=تكـفـون يـانـسـل الـعـرب لا ترتخـون
والناس في كـثر الـهـدايـا يـنـذخـون=والـمـال مـال الـلـي قـعـد صـفر اليدين
ونشر الجـرايـد صـار للـشـله فـقـط=او شـاعـرن من شـعـر جـيـرانه لـقـط
ومـدح الجـرايد مايشيل اللي سقـط=والرزق لاهـل الـبـيــع عـنــد الـمشترين
ياطـول مـسـرى اللـيـل مع راع الـفـقـر=اللي على بـاب الـعــرب يـزقــر زقـر
والـلــي قـعـد يـنـقـر من الكـيـكه نقر=ماراح يسـمـح لـك تـحـطـه كيـكـتين
ووسـايـل الاعـــلام تسـتـاهـل جـزى=لازم نـقـيم لـمـوتـهـا حـفـلة عـزى
ولا عـنـدهـا غـيـر الـمدايـح والخـزى=وعـقـبـه نسـلـمـهـا دروع الـفـاشـلين
واقوى الـقـصـايـد للـقـلـوب الـعاشقه=اللي عـذاب اهل الـظـلايـم راشقه
لا ناب عـن طـيـر الحـبــاري باشقه=وراحت حـياته بالظـلـيـمه دون شيـن
مثل النفيعي يوم سر العشق بـاح=وموت الدجيما قبل ينباح الصبـاح
ومعهم ضميري مالقى منهن رباح=وكم واحدٍ يشكي من العشق اللعين
وقـصـيد بن عـمـار بعـيـون المـهـى=فيهـا الغـبـيـنـه والـعــزيـمـه والـدهـى
يبي العـنــود اللي خــذت كل البهـى=ومـحــدٍ رحــم قـلـبٍ يلـجـلــج بالحنيـن
مثل الخفاجي ذاق حيضـان الـردى=خـلا الامــاره للهلالـيـه فــدى
وسافر وحارب لاجلها ضـد العـدى=وعقبه وقع مغـدور تحت الحاقدين
او جـمـرة ثـارت على جـدي فهـد=الشاعر اللي طاح من ضعف الجهـد
وحرمان شـوف الزين مزمـوم النهـد=والـنـاس ماترحـم قــلـوب العاشقيـن
وموت التميمي فـي طواريق الشقـى=عبد الرحــيـم وصار قـبـره بالـنقـى
اسم الـمـطـوع للـنـقى عـقـبه بقـى=يشهد على جسمٍ وقع مثـل الشنيـن
ومن الفياحين الـذي عـاش بقطـر=اقصد محمد يوم ياطاه الخطـر
اقفى قبل يقضي من الزيـن الوطـر=وهذا قصيده نسمعه فـي كـل حيـن
وعبيد من قحطـان غابـت قصتـه=يـوم انتحـر للـي بثـاره وصتـه
نـار المحبـه والـظـلـيـمـه مصـتـه=ومنير ساق العلـم للقلـب الرهيـن
ومحيسن اللـي بالدعيجـاء ينتخـي=حيثه عزيـزٍ فـارسٍ كفـه صخـي
ويوم اقبلت بشراه والوقـت الرخـي=لقوه هافي مامضـى لـه ساعتيـن
والا ابراهيـم الـذي شـال الحبيـب=فرحان يلعب فوق زينات السبيب
وطاحت شريفه طيحةٍ مالـه طبيـب=وهو مات عقبه يشكي الوقت الغبيـن
والا الوليعي طاح مـن راس الجبـل=يقعد على المرقاب ليـن انـه ذبـل
والظلـم زرعٍ خاسـرٍ مابـه سبـل=وعسى بلاه مـن الهـوى مايبتليـن
واللي بقى مامـات باسبـاب الغـلا=ويخفي بوسط الجوف حسرات وبـلا
وقال القصايد يشتكـي جـور المـلا=وقافه غدى وسط العرب قافٍ ثميـن
مثـل القثامـي دز قافـه يشتـكـي=وينخى الامير اللـي بحايـل مرتكـي
ومشى له اللي فزعته ماهـي حكـي=وذاق السعد واشعل قلوب الشامتيـن
وساكر جفل عن عشقته مثل الظليم=ودعى على من خالف الراي السليـم
لما غدى جسمه من اسبابه هليم=واصبح نحيل عقب مازوله بديـن
وابن دويـرج بالطواريـق اشتهـر=بحـرٍ طويـلٍ قبـل قافـه ماظهـر
يشكـي صواديـف المغثـه والقهـر=وحظٍ على درب الهوى عيـا يزيـن
وابيات ابن لعبون من عقب النجاز=عقب الحبيب اللي توفـى بالحجـاز
فيها جروحٍ صادقـه ماهـي مجـاز=وصابر عسى ربي يعيـن الصابريـن
وكنعان يوم انه فقـد شوفـة هيـاء=ولقى من انسابه قساوه مـع عيـاء
جـر السرايـا ماقـدر كتـم النيـاء=بس النسابه ماحصـل قلبـه يليـن
وابـن سبيـل مـن مفاخـر باهلـه=اللي غـرام البيـض يثقـل كاهلـه
والناس بجـروح الهـوى متساهلـه=ومن ذاق ناره يفهمـه فهـمٍ يقيـن
وياشين غيظ المورقي واسمه نهـار=اللي دعى الدعوات خالطها البهار
حتى يقع بالبير حاسدهم جهار=وينقل على اللي جافل وسط القطين
وابن شريـم اللـي بيوتـه جارحـه=سليمان يشكي مـن غـرامٍ طارحـه
واليـوم همـه فـوق هـم البارحـه=والعشق لقلوب العرب مثـل الكميـن
وعايد ولـد سعـدي بيوتـه سايـره=فيهـا غثـى روحٍ بجوفـه حايـره
من ضمن من ذاق الطبـوع الجايـره=والعشق يخلف صاحبه لو هو رزيـن
وانا كرهت العشق عقب اللي سمعت=دامي بدونه من غثى الدنيـا جمعت
ارمع ولاتاتين مثل اللي رمعت=يحميني الله من دروب العاشقين
والا فأنـا بالمرجلـه رجـلٍ طنيـخ=ولااصيح بوجيه العذارى طاخ طيـخ
ونوبٍ اساعد نـور عينـي بالطبيـخ=ولو تطلبن قلت ابشري باللي تبيـن
بس الهوى فيه المهانه والندم=ونوب يحطك في طواريق الخدم
واليا ارتفع غيظ المحبه واحتدم=صيدك يجي من روضهن ماهو سمين
واخاف اجـي بـردان ودي بالدفـى=ما من حطب والنور بالقرسه طفـى
وابلش مع المثبت وهرج اللي نفـى=واصير مثـل اللـي يعايـد قريتيـن
وام العيـال تعـود لابـواب الزعـل=وطبعه من اللي لاوعد غيـره فعـل
ومن القـراده ريمنـا تصبـح وعـل=وتبدى القذايف مثل حـرب الرافديـن
وانا اشتري درب الركـاده مشتـرى=ومااريد صوت الرمـي قـدام وورى
ومحدن من الجيران يدري وش جرى=وياويل رجـلٍ بالمعـارك يستهيـن
واليوم غاب العشق وسـط اسواقهـا=ولايخدعك شعـر العـرب واشواقهـا
همه مـع الغنـدور يقضـب ساقهـا=وعقبه تلاقي حبلهـا ماهـو متيـن
وترى سلاح البنـت دايم مدمـعـه=ولو جاك حسه بالبكى لاتسمـعـه
واذنه بقطعـة طيـن حاول تشمعـه=ترى وعود البنـت ترجع تستبين
هذي فوايد مع تـمـاثـيـل مضـت=من جـعـبـة الـلـي لـه بحـورٍ مـا قضـت
والـنـاس فـي جـمـلـة تواريـخـه رضـت=والـيــا حـكـى شـد انـتــبـاه الـسـامـعـيـن
ان طـال حبل القافيه والا عرض =اسبح من الـدوحـه اليا غربي حرض
ماهو قصيد اللي يجيبون المرض=ويـازيـن قـافٍ بالـقـسـاوه مايـلـين
واللي شرط لاجل اشتغل في شاشتـه=من شــان اعـدد لـه فـضــايـل باشتـه
واجـيــب طـيـبٍ لابـتــه ماحاشتـه=ولا اخبر فيهـم بالـمـراجـل حـلقتيـن
واقــول لـو طعـت العـرب وخراطهـا=كان املك امـوال الذهـب وانواطهـا
وهذي مـيــاديـن الندى واشواطها=لاشـك مانمـشـي بشـورك خـطـوتـيـن
حـنــا صحيـح المـال ينقـص عندنـا=ورغم القسى بالبـرد يقـدح زندنـا
وجنـود مالـك ماتواجـه جنـدنـا=واحذر بشيمات النشامـى تستهيـن
ماكل رجلٍ يخدمك لاجل القـروش=ولاني من اللي لاكثر مالـه يشـوش
والناس ملفاهـا المقابـر والنعـوش=ومحدن يشيل من الخزاين درهميـن
ومحظوظ من فارق حياته مـا ظلـم=ولايطلبه بعض العرب لو هـو قلـم
وراع الظلايـم مايرفـرف لـه علـم=وكتب الخلايـق باليسـار وباليميـن

[فواز الغسلان]

لقد سار الناس في الماضي على ان مقتل عقاب وحجاب العواجية وغزوة هايس القعيط في زبار وريك كانت
في عام 1246هـ أي في فترة حكم ال علي لحايل وهذا غير صحيح فقد كانت الحادثة في عام 1255هـ أي بعد
قيام امارة الرشيد بخمسة اعوام والادلة كثيرة ومنها:
ماورد في الوثيقة العثمانية والمدونة في كتاب فايز البدراني الحربي الكتاب من اخبار القبايل في نجد صفحة 266
نص الوثيقة. حسب نقل البدراني وخلاصتها حسب ما أوردته الوثائق المصرية سنة 1253 هـ ,
((ان القايد احمد باشا خرج في اخر تلك السنة يريد قتال محسن الفرم شيخ بني علي من قبيلة حرب شمال القصيم ,
فخرج من الرس على رأس قوات كبيرة, وانظم اليه الشيخ مضف المريخي بعربانه من مطير , لكنهم لم يدركوا الشيخ
محسن الفرم لأنه ارتحل بعربه ونزل مع عنزة , الا أن تلك الوثيقة تفيد أن الباشا المذكور ومن معه من مطير والعساكر
غزوا على عنزة , وحصلت وقعة عظيمة على عرب عقاب العواجي ومن معهم من عنزة عند قرية السعيرة الواقعة بين حايل والقصيم ,
قتل فيها (95) رجلاً من عنزة واستولى العساكر على (1500) جمل و(8000 )رأس من الغنم حسب تقرير احمد باشا))
انتهى كلام البدراني عن الوثيقة العثمانية .

بالنسبة لرواية ولد سليمان عن هذه الوقعة تتلخصت بالاتي .
( اغار الشيخ محسن الفرم على مجموعة من الحجاج وسلبهم وبدأت الحكومة العثمانية في ملاحقته وزبن على عقاب
العواجي( اي دخل على عقاب ) وتسمى عندنا( سنة دخالة الفرم )ثم بدأت الحكومة العثمانية في مفاوضة عقاب بتسليم
الفرم الا ان عقاب رفض ذالك ثم عرضوا على عقاب اموال ومناصب منها زعيم البادية الا ان عقاب لم يخضع لجميع مغرياتهم
وضغوطهم عندها هاجموا عقاب ومعهم بعض القبايل وقد انقتل خلق كثير من الطرفين ويعتبر عقاب هو المنتصر في تلك الوقعة
بسبب عدم تسليمه الفرم لهم وهو مطلبهم الرئسي التي حصلت المعركة بسببه بغض النظر عن من قتل ونهب من الحلال .
والوثيقة اعدوها مسئولين عثمانيين وصاغوها لصالحهم ولم يذكروا القتلاء منهم كماهي العادة المتبعة بالحروب حتى في عصرنا الحاضر
عندما تقوم الدول في فبركة الاخبار لصالحها) .
وبعد ان سمع عقاب العواجي بعض جماعته يلومه بسبب ادخالهم للحرب مع الاتراك قال قصيدته التي يسندها على
لزام بن صالح المطردي الجعفري وعلى دهيثم ابن شامخ العواجي الجعفري ويقول:
من الادلة على ان مقتل العواجية في عهد الرشيد .. ..

ياعيال ياللي جالسـيـنـن على كـيـف=يامن يـبـاصـرني بحالي من العام
حالي كما عودن برتهـا النحاحيـف=والا كسير العرش من خلف الاقدام
الـعـام يالـزام نـرعـى مـن الــريـف=واليـوم يـالــزام فـي حــكـم الاروام
صبري قضى ياحيف ياحيف ياحيف=واقصد بها منكـم دهــيـثــم ولــزام
لاتسـمعـون هروج ربـعً حـذالـيـف=دحوش الرجال مربية قطع الاغـنام
نصبر ولو ضاعت علينا المصاريف=حـتـى ولو دقـوا لنا الــروم دمــام
افـعـالـكم بالروم مالـه تـواصـيـف=هـذا صـويـب وذاك طـايـح ولا قـــام
انتم وقفتوا دون من يكرم الضـيف=اخوات حسناء عز خايــف ومنضـام
اخوات حسناء سيف من لامعه سيف=من العام وانتم دونهم تقـل خــدام
وقال الفارس لزام بن صالح المطردي الجعفري رفيق درب عقاب في غزواته.
قال في تلك الوقعة هذه الحداء:


شافت جنود الروم وبرق سيوفه=وطـبـولـهـم قدامهم تـرنـي
قلنا ابشري يالجادل الغـطـروفـة=اللي توايق مع حنايا القـني
يابـنت حـنا افـعـالـنـا مـعـروفـة=ذبي لنا الزغروت وارجهني

والفارس لزام لايقل عن فروسية عقاب العواجي وقد تم التغافل عن ذكره في كتاب ابطال الصحراء الذي ركز
مؤلفه على الفارسين عقاب وحجاب العواجية واهمل بقية صناديد عنزة مثل لزام المطردي ودهيثم العواجي وحسن المرتعد
ومظهور بن شامان البجيدي وغيرهم وهذه من المؤاخذات على منهج الكتاب المذكور ,,

[فواز الغسلان]

عجزت أنساك .. ..



عجزت انساك ياعـين ذبحني رمشها المكحول=مع اني ماحسبت الرمش لقلوب العرب ذباح
عجزت انساك ياسحر الحياة وسكة المجـهول=وياريح النسيم اللي نقل لي عطرك الفواح
عجزت انساك يازولٍ بميزات الحلا مشمول=وياريف الحياة اللي غدت عقبك ديار اشباح
عجزت انساك ياطيفٍ يذكرني هوى المجمول=ويانجمٍ سطع نوره بديجور الحشاء وانزاح
عجزت انساك ياراحة خفوقٍ دايمٍ مشغول=وراحة ساهرٍ يرجي لبـيـبـان الهوى مفتاح
عجزت انساك يارمحٍ رماني بالهوى مذهول=وصار الفكر باسبابه بموجات الندم سباح
عجزت انساك لا تهمل غرامي ياظريف الزول=ولااحدن بالعرب يرحم غريقٍ في بحورك طاح
انا محتاج لعيونك تداوي قلبي المسلول=خفوقٍ طاح من رمشك وصار الليل مايرتاح
اذا طال الجفاء يمسي خفوقي يالغلا مقتول=رموشك ياهوى بالي رمت قلبي بدون سلاح
يروح الليل وعيوني من اسبابك تشوف الهول=تراجي من ظلم قلبن تضايق في هواه وصاح
الا ياويل من يشكي قساوة قـيدك المفتول=يريد الربح في سوقك وسوقك ماوراه ارباح
غدى ربحه من احبابه عذابٍ بالحشى مدبول=وفكرٍ من هواجيس السهر والغيظ ماينساح
سقى ربي ليال الوصـل من وبل السماء هملول=سحابٍ بارقه يوضي دجى ليله تقل مصباح
قبل ياصل معاليقي من جنود الهوى مرسول=ينادي خافقي يصبح بدرب اهل الهوى مساح
قبل نكتب هـموم القلب واشعاره على المحمول=ويشكي صاحبٍ سافر عن احبابه بدون ايضاح
ويظلم خافـقٍ يطوي دروب الدار عرض وطول=يخايل في ظلام الليل برقٍ فوق دارك لاح
وداعة خير ياخشفٍ غرامه مامضى له حول=وقبل الحول ذاق القلب من كفه ثمان رماح

[فواز الغسلان]

حلف الصائح في قبيلة شمر.. ..


وهو حلف عسكري قديم للدفاع المشترك يجمع ثلثي بطون القبيلة كلها وهم (الاسلم وسنجاره والصبحي من عيال زايده)
وقد دعى لهذا الحلف بن طوالة شيخ عشيرة الاسلم والصديد شيخ عشيرة الصبحي وحشدوا التأييد له وذلك للحد من هيمنة شيوخ القبيلة
الجربان على زمام الامور وكبح جماح القرارات التي يرون فيها جوراً وظلماً لهم , فيما بقي مع الجربان كل من (الخرصة والعمود من عيال زايده ومعهم عشيرة عبدة) .
ونرى ان عشيرة الغفيلة قد لزمت الحياد لكنها كانت تميل كثيراً لجانب أبناء عمومتهم الاقربين الزميل مع حلف الصائح .
في حين مالت عشيرة عبدة بثقلها مع شيوخ الجربان حتى شاعت مقولة أن ( عبدة سيف الجربا ) .
ولذلك قال ردهان بن عنقاء عندما ظهرت بوادر الخلاف بين الشيخ صفوق الجربا وشيوخ عبده:


ياصفوق واحمر الدساميل ساجه=من رفة ابن شريم راحوا لأبالميخ
شفـت الطنا بآوجيههم يوم لاجه=كـــثرت مناجـيهم وثاروا مصاليخ
ياصفوق تر بعض المعاني سماجه=واشلون تزعلهم وترضي الطبابيخ
ربعٍ لنا نقضي بهــم كل حاجه=عاداتهم بالكون جدع مـجاويخ
اللي قـلايعهم نهار اللجـاجه=قـب ٍ مـناخرهــن ســـوات المنـافيخ

(تاريخ قيامه):
يعتقد الكثيرون أنه قام على وقت الشيخين مطلق الجربا ومطلق الصديد وأن حلف الصائح ناصر الدولة
السعودية الاولى والدعوة النجدية ضد الجناح الاخر في القبيلة الذي يتزعمه الجربان وأنه السبب في حدوث
معركة العدوة عام 1205ه وهو قول ضعيف لادليل عليه , نعم حدث خلاف بين مطلق الجربا ومدلول بن طواله
وذهب الحودلة بن طوالة للدرعية ليشتكي ذلك على الامام عبدالعزيز بن محمد بن سعود الذي كان يعد العدة لهذه
المعركة قبل مجيئ الحودلة إليه بسبب الاتصالات التي حدثت بين الجربا والاشراف في الحجاز ولم تثبت مشاركة
حلف الصايح ضد الجربا في هذه الحرب , نعم قد يكونوا لم يناصروا الجربا فيها ولكنهم لم يشاركوا في الحرب ضده .
وأعتقد أن قيام الحلف أقدم من معركة العدوة, ولو كانت هي فترة قيامه كما قالوا لعرفنا السبب الاساسي الذي دفع
لقيام هذا الحلف وماهو القرار الذي صدر من الجربان ضد دعاة الحلف , لكون تلك الفترة معروفة تاريخياً للمهتمين
بتاريخ القبيلة ولم يأتي أي ذكر عن هذا الحلف فيما سمعنا من الأحداث والاشعار التاريخية , نعم قد تخفى بعض الاحداث في تلك الفترة
ولكن الحدث الذي بأهمية قيام هذا الحلف لايمكن ان تخفى ابداً , وقد يكون ظهوره اقدم من فترة الشيخ مطلق الجربا ثم إندثر حتى عاد
تجديده وعاد للوجود مرة أخرى في القرنين الاخيرين .
(هدفه):
الحد من سيطرة الجربان على أمور القبيلة والوقوف في وجه قراراتهم التي يرون أنها متعسفة ضد بعض بطون
القبيلة أحياناً والدفاع المشترك لحماية البطون المنضوية تحت لوائه.
(بنودة):

عندما يتعرض بطن من بطون القبيلة المشاركين في الحلف لأي تعدي فيجب على جميع البطون فيه السير لنصرتها والوقوف معها,
أي أنها بنود الاحلاف العسكرية ولا يتدخل في أيٍ من مجالات العشائر الاعضاء من الناحية الاجتماعية والاقتصادية وغيرها .
(زعامتة):

لم يقرر له زعيم بعينه واتفقوا أن البطن الذي يتعرض للخطر ويسير الحلف لنصرته فيتزعم الحلف شيخ البطن
الذي تعرض للخطر وساروا لنصرته . وهي زعامة مؤقتة فقط عند حدوث الحرب وإذا انتهت فكل شيخ يبقى على مكانته في عشيرته ,
إلا أن البطون المشاركة أمسوا ينظرون الآن لشيوخ الصديد كشيوخ دائمين له لاسيما في العراق وسوريا وسبب ذلك هو اتخاذ الحلف ذريعة
لمن يرغب التهرب عن الاعتراف بشيخ عشيرته , فعندما يغضب الاسلمي أو التومي مثلاً على شيخ عشيرته يقول ليست لك كلمة علي وأنا تحت
مشيخة الصديد شيخ الصائح عامة , وهذا القول لم يكن في يوم من الايام ضمن بنود هذا الحلف عند قيامه ,
ويكفي أن آخر مهمة عسكرية لهذا الحلف حدثت عام 1369ه في النزاع على ماء رفحاء بين الشيخ مشل بن شريم من عبدة
والشيخ محمد بن ضاري طوالة شيخ الاسلم وقد تزعم ابن طوالة الحلف خلال تلك الحادثة لكونه صاحب القضية مدار الخلاف .

[فواز الغسلان]

آخر قصيده للعوني يستنهض فيها الهمم.. ..



مضى الليل وأنحن النجوم وقام =وضوا الصبح يجلى عن سناه ظلام
وانا ساهر ما لاجت العين بالكرى=أديـر قالات وهـن عـظـام
أقلب الحيلات وأشكي رفاقه=بعادن ويردون الحروب حيام
هم سيفي القاطع إلى زامت العدى=وهم لكل الـنايـبـات حـزام
نخيتهم والضد عندي ودونهم=تمنيت لو هم يسمعون كلام
وتمنيت لو شافوا خيولٍ تذودنا=تضف بأطراف البلاد جهام
مناديب أنا أنخاكم تردون ماجرى=على كنسٍ بتر الفخوذ اهمام
حيل رعن الحجتين ودورهن=لما غدن مثل الفحول اجسام
هن منوة المنيوب هن غاية المنى=يامن دعاهن الهجيج اشهام
سيرو عليهن يالعوادي وبالكم=تنامون وجفني ما هناه منام
سيرو كفاكم شر مابان واختفى=على هربن خمص البطون حيام
شاشن من صيحات علوا وساقمن=عن الشرب والمرعى جزن اعدام
هجن من بين البلاد وياطـب =نحن شرّدٍ شروى فروق حمام
واركبتكم من فوقهن عقب جفـلهنٍ =الى عزوتي سمح الوجيه كرام
واليا اقبلن فيكم تباكو على النضا=وانـخـوا وقولـوا يا نـيام نيـام
أصحوا ترى فرق الله شملكم=تراكـم نـيـام والسباع حـيـام
ترى لهم عاده اليا سمعوا النـدا=يجيـبون صوته فازعين شمام
واليا ألتمت العربان من كل وجهه =فردوا لهم عقب السلام علام
وتعدون ماشفتوا وشـافت عيونكم=وتبدون بالهرج المصيب قوام
وتقولون ينخاكم من الضيم شيخكم=غلامين ماعـقب الصياح مقـام
تنخاكم السمراء وعكاش والحمى=وأجـاء وجـلـديـه تـرد مـلام
وسلمى تنادي وين الأسلم وصيتهم=وخلت قلوب السامعين إحطام
تصيح يابرغش على سالف ٍ مضى=عـزاه مـاتـدري علـيه هــدام
هو مقدم الهدات هو فارس الوغى=حامي التوالي للمعالي دام
جونا هل العوجا كما السيل منتحى=يريدون دين والديون اقدام
تمنيت ليت الموت قد زار قبل ذا=ولا طق بين الهضبتين اخيام
ياليت عينٍ للسناعيس وايقت=تنظر ذرا السمراء عليه اكتام
وتشوف به يوم بعكاش ضدنا=غشى الخريمي من وراه ازحام
غـلـبـا بني عمي وركني وعدتي=غـلـبـا اليا شاط الحريب وزام
غـلـبـا ترى كل شي يباع ويشترى=والعز بيعه بالسحوت حرام
وترى كل ماحاش الفتى رد للفنا=سوى الطيب يبقى للرجال دوام
ولا تنمدح بنت الاصيل اليا جذت=لـو زادت امـه في طويل اقـدام
ولاتنفع القب الجياد وربطها=ليا عاد ما تجزي الحريب اعسام
غـلـبـا بكت وصاحت الدار بعدكم=ونخـيتـكم وانـتم بـعاد مـرام
العفو ياما دونكم من زراجه=ومن سهلتن يزمي وراه عدام
يقولن لي خفراتكم وين دارهم=ودموعهن فوق الخدود نظام
ويصيحن وينخن وين شمر ذرى لنا=وبأقدامهن عقب التراف لكام
غلامين قوموا قومة الليث كلكم=لا ثار مزحومن وهـد وقـام
وين الطنايا وين كسابة الثنا=وين الجموع اللي تقول نظام
واشيب عيني مابعد اليوم شوفهم=عن عين مضيومن يعض أبهام
قلته وانا منهم ومدي حقوقهم=مالي وعمري للزوم اسهام
أنا صلب عبدالله أنا من بكت=لو كان مالي عزوتن واعمام
عيني لاتبكين فرقا رفاقتي=مدى العمر يجلب دونكم ويسام
تمت وصلى الله على سيد الملا=عدد ما أشتعل برق وهل غمام

[فواز الغسلان]

الوقوت الخوالي .. ..




الوقوت الخوالي مع حسين الدلال=طيفها لا طرى لي طاح قلبي عليل
عقب ماهو قبالي بالبهى والجمال=في وقوت الزوالي والعرب بالمقيل
نكهة الريق حـالي والسوالف خيال=والحلا والكمالي عند فـل الجديل
منزله بان خـالي عـقب مقتل طلال=قلت واشيب حالي يوم بان الرحيل
واعتدال اللـيالي من ضروب المحال=وكل دربٍ عـدالي بالنهايه يميل
حال ولد الهلالي في دروب الشمال=يوم مات الحلالي والغنم والنخيل
وكان جذت حبالي عن بلوغ المنال=للقراح الزلالي جبت حبل طويل
احمد الله رحالي مع دروب العدال=بالـوعـر والسـهـالي ماتهاب الثقيل
والعطاء والنوالي عند رب الجلال=وكثر قيل وقالي مايرجع قـتـيـل
وعقب شي جرا لي مع حقوق العيال=لو طريقي ظـلالي ما تركت الصميل
باذلٍ جل مالي مادفـنت الريال=بالدروب العوالي لو حلالي قليل
ولو جميع الرجالي ينطحون السؤال=ماتشوفـن لحــالـي في جـواب الهبيل
ان بغاه ارتجـالي او بغـاها سجال=وان قلبها قـتالي شلت سيف سليل
وكان تلقى بدالي مع عيال الحلال=في وقوت الجدالي يكشفون الدليل
مايجيه الجـفـالي عـقب خـطف ابتهال=وعـقـبها مايـبالي لو تحـطه ذليل
ثم يقـعـد يلالي في فـراش الـغزال=وقول ذلك وذالي مايبـرد غليل

[فواز الغسلان]

هوى البال تكفيني جروحي عن التجريح .. ..




هـوى البـال تكفينـي جروحـي عــن التجـريـح=مــــن الــعــام تـلـعــب بالـضـمـايـر وتـحـرجـهــا
قضت حاجتك واجبرت قلبـي علـى التسريـح=قــبــل تـهـتـنــي روحـــــي وتــاخـــذ حـوايـجـهــا
عطيت العـهـد والـيـوم قلـبـك عـطـى تصفـيـح=والاحباب مــاتــكــذب وتــخــلــف مـنـاهـجـهــا
لاجل واحد عنـدك خـذى الفـوز والترشيـح=مـــن الـلــي يـعــن خـيــول كذبــه ويـسـرجـهـا
خـذى الفـوز منـي والسبـب ضـربـة الترجـيـح=غـشـيـمٍ وطـارت كــورتــي فــــي مـدارجــهــا
تــدربــت لـكـنــي عــجـزت اضــبـط الـتـجـنـيـح=والاجــواء نسـيـت افرق قـيـوضـه وثالـجـهـا
اسـولـف ولاافـهــم لـعـبـة الـضـحـك والتـبـريـح=والارذال فــــي كــــل الــعـــرب مــــا نـهـارجـها
كتمـت النـكـد وافـطـن لدربـي لاجل مااطـيـح=واداري لـواهـيـبٍ كـوى الــجــوف واهـجــهــا
انــا كـنــت اسـيــر بحـكـمـة الـرمـز والتلـمـيـح=ولا بـــان لـــك مـعـنـى الـحـروف ومـخـارجـهـا
وغديت اعترف واذكر هوى القلب بالتصريـح=ونــارٍ تــدوج عـــروق روحــي وتـدهـجـهـا
جحـيمٍ تحـت لـفح الشمالـي بوسـط الشيـح=مـثـل قـصف نـيـران الـسـخط من بـوارجـهـا
لهيب القـذايـف من ظـهـر زيـنـة التسلـيـح=من الـمجــد مـاهـابــت بــالامــواج هـايـجـهـا
لـك الله يالولا هرج بعض الـعرب لااصـيـح=واخاف استمع بهـروج الارذال سـامـجـهــا
اطيع الـمـهـا قـبل التجاريب والتنقيح=واطارد من بروق الـغـنـاديـر لاعـجها
واطاوع عطوره بالدجـى مـع هـبـوب الـريـح=اذا فــــاح يــســري بـالـضـمـايــر ويـبـهـجـها
حلاها يزحـزحني وانا الفارس الزحزيـح=اذا بان لي مـن نـجل الاعـيـان داعجـهـا
مثل زول غصن الموز لاطال وسط السيح=علـى السيـل ماتـشـرب مــن الـقـاع هامجـهـا
ثـنــايــاه يـدعـيـنــي بـيــاضــه بــــلا تــلــويـح=الا ويل من تغريه بــســمـــة مـفـالـجــها
احـسب الـهوى راسـي ولا يـقـبل التـنـزيـح=ولااحـد يـشـوف عـهــود خـلــه ويسهـجـهـا
ويـوم انكشف فارس زمانك بـدى التفضيـح=وخــــــــلاك بـديـار تــصــافــق عـجـايــجـها
قضت فـتـرة الضحـكه والاوناس والتفسيـح=والاحــــلام صــــار بـغـرقــة الــنـــوم نـاسـجـها
مع اللي هقى العالم مـثــل خــــردة التـشـلـيـح=او ان الـعواطــف فـي كفوفه يـبـرمـجـهــا
وترى الجرح ما يبرى مع الـعـذر والتسـمـيـح=تداوي جروحٍ حروة الـعــام صانـجـهـا
جـروح الهوى بانت بجسـمـي بــلا تشـريـح=قـبــل شـــوف تـقـريــر الـفـحــوص ونتـايـجـهـا
ومــدام الـهـوى تظـهـر حـروفـه بــلا توضـيـح=عـلامــك تـهـيـن شــعــور روحــــي وتـزعـجـها
انــا تـبـت عــن بـعـض الطـواريـق والتطـبـيـح=والاريـــام غـضـيـت الـبـصـر عـــن مكـايـجـهـا
خطـا العمـر مايطهـر مـع الغسـل والتمسـيـح=جـبـال عـواصـيـف الـــهـــواء مـاتـدحـرجـهــا
فــلا ترتـجـي لـجــروح روح الـشـقـى تصـلـيـح=والابـــــــواب ســكــرنـــا بــوجـــهـــك مــزالــجها
فـلااريـد مــن كـفـك لـــدرب الـخـطـا تصـحـيـح=ولـــو شـفــت طـعـنـات الـحـشـى لا تعـالـجـهـا
واذا ضــقـت راح اكـثـر من الـذكـر والتسبـيـح=لــمـــا الله يــزيـــل هــمـــوم قـلــبــي ويـفـرجـهــا

[فواز الغسلان]

الا واغثى حالي وغربالها.. ..



الا ياغـثـى حالي وغربالها=من اللي يـبيت الليل في بالها
الا ليت ساعات الموده تعود=لعل الـقـدر يسمح لنا بالعنود
اشوفه وكل الناس عـنـا رقود=اذا ساقـهـا المولى عـلى فـالها
من العام مدري ويـن مرسالها=واخاف السبايب بث جوالها
لأنه يراسلني وعينه تنود=ولايـبـتـديني بالجفى والصدود
وطبعه وفـيٍ بالـوعـد والعـهود=لما طـال وسـط الصدر منزالها
لك الله يلو روحي على حالها=فلا يشـمت الحـاسد بزلزالها
مدام الزمن عـيـا بوصله يجـود=بشط البحر والا برمل النفود
تطفي لـهـيب يشتعل بالكبود=بعـيـدن عن الحساد وازوالها
تقدمت لأهل الريم ورجالها=ومعنا شيوخ ساقت اموالها
وظلم العرب للـقلب دلا يزود=تـعـدت شياطينه جميع الحدود
وكـلٍ وضـع لـه بالخـبـاثـه بـنود=واذا ماسكت عـمه حكى خالها
وانا اخاف حـرب القوم وقتالها=واشوف المضارب سال شلالها
وجربـت لماع الـذهب والنقود=ولا فاد باللي مثل خبث اليهود
واشـوف المصيبه بالقرابه تكود=وهذا مرض روحـي وسلالها
ومن شفت حالي زادت احمالها=نخـيـنـا سباع الطيب واشبالها
مثل فايز بن هذيل تاج العمود=وثـنـاه اخـوصـلـفـه كريم الجـدود
وجـمـعٍ مـع التمـياط يرقى سنود=مع الـعـود بالـشـلـقـان وافـعـالها
وفـزعـات عـبـده ساقـت اثقـالها=وعـبـاس مـثـل النجـم بجـبـالها
وشفـنا الـهـيـافـا في طرفـنـا ترود=ومادام مطـني قـاد سرب الجنود
وهو خال قايدنا سليل الاسود=واذا جـاه ابومـتـعب هدم جالها

[فواز الغسلان]

حايل هي الميلاد وجباله السود (البحر المجزأ).. ..






من دور نوح وعـاد وعـصـور داوود=والشـاعـر الصنـديـد مـرمـاه كـايد
راع القـوافـي باد والـشـعـر مـوجـود=وهذي حـروف عبيد تـبـقـى فرايد
وجـاسـم وابن مجـلاد وعـقاب وحمود=والاسعـدي ورشـيـد واشعار عايد
قافه كما الاوتاد في قـاسـي الطود=ويـقطع طـوال الـبـيـد مثل العـنـايد
او مزنة تـنـقـاد يطرب لها الذود=وتودع فروع الغيد خضر الـجـرايد
واليـوم فكري جاد والبال مـشدود=ولااسير عكس السـيد لو كنت نايد
دامي سلـيل اجواد مع سـيـرة العـود=الـبـنــج والـتـــرقــيــــد مابـه فــوايــد
سليل شيخٍ شاد مـجـده بـمـجـهــود=ولو تكثر الـتـنـشـيـد تلـقـى الـوكايد
وعـنــد الـفــزع ماحـاد بشروط وبـنـود=كان السـهال الـريـد صارت وقـايد
عندي حروف الضاد والقاف مرصود=وانـظـم عـقود الجيد بأحلا القصايد
داخل حشاي ارصاد لاصرت مضهود=تاتي بلا تعـقـيـد دايم جدايد
والله فلا تصطاد لو ذاقت الكود=وماعاقها تقصيد كرتون تايد
لا بان لي قصاد في جمع وحشود=وشفته بدى التهديد بين البدايد
كان الادب مافاد في راعي الزود=والشاعر الرعديد زاد الوعايد
دفعت له طراد مع ملح بارود=قافه يهد الحيد عند الشدايد
ومن عاند الجلاد بالقاف مقرود=وش فيه جاب العيد قبل العوايد
لو بالحشى عـداد والـرقـم محدود=من قوة التسديد تلقاه بايد
طردك لظـبـي الواد يرميك مطرود=وتلقاه تحت الكـيد راحت فقايد
تغريك بالمـيـعـاد مع ردف ونهود=وتصبح رهين القيد وسط النكايد
ودامي سليل اجواد بــه ريف وعـدود=تـغـنــي فـروع الغـيد سيل الرعايد
وحايل هي الـمــيـلاد وجباله الـســود=سـربــة هـل التوحيد واهل العقايد
بين الكرام اسـياد لـه قـول وعــهـود=حتى رضيع الديد نال الحمايد
حايل نداها زاد جـوده على الجود=ليش اتبع الترشيد مادمت سايد
شمر فخرها ساد فــرسان وجــنــود=حـتى خذت تــأيـيـد مفلس وصايد
قومٍ تحــوز امجـــاد بـآيــات وشــهـود=ودلايل الـتـمـجـيــد ذبــح الـقــلايد
جاره يـعـيــش اعـيــاد وافـراح وسعـود=وبالنقد والـتـفـنـيد مابه نقايد
لاهل الندى ميراد في ساعة الكود=مزبان عمرو وزيد وقت الحصايد
قوم تحط الزاد لا صار مفقود=وطيبه بلا تحديد بالكون رايد
ماتزبن الملباد من شان عنقود=وتلبد عن التنكيد فوق الوسايد
لو ضامها الحساد والظلم مقصود=كله تبي تبريد جمر الحقايد
جمر الحشى الوقاد بالصدر مرجـود=واصبح سبب ترديـد هـرج البلايد
وبالكذب محدن شـاد بـلـدان وسدود=ومع كثرة التجديد تـبـقـى شرايد

[فواز الغسلان]

ياناعم العود .. ..



ياناعم العود ذاب القلب من شوقك=يوم ان تنسى هواك وتقلب اخلاقك
انا اشهد انه سحرني زين منطوقك=واعياد عمري تحت ظلك ومشراقك
مايستوي فرق كل البيض وفروقك=ولذة معانق بنات الجيل وعناقك
ارفق على العاشق اللي شال طاروقك=من خوف يقضي شباب العمر ماذاقك
ياما حلا نقشة الديباج في طوقك=تطرب خفوق شكي بلواك وارهاقك
يوم انت عشقي وانا حبك ومعشوقك=من قبل يبدأ جفاك وتذبل اوراقك
والله يلو سار نبع العشق بعروقك=وطالت سنابل زروع الشوق بأعماقك
ماذقت طعنة جفاك وقسوة عقوقك=وبوقك لقلب بعهد العشق ماباقك
معقول تقسى على اللي ذاق خازوقك=دامك على روضته ما تنشف ارياقك
وتهدم بقصر الوفى طوبك وطابوقك=من شان يسهل بوسط الليل منطاقك
ياحيف صار الجفى والهجر من ذوقك=وانت الذي سقت لي عهدك وميثاقك
قلبي وفاك الغرام وقام بحقوقك=وجازيت راع الوفى والصدق بفراقك
وشلون يلزي منام الليل في موقك=وجفني وطاه السهر والغبن بأشناقك
نار المعاليق لو سارت بمعلوقك=ماساق قلبك لدرب الهجر سواقك
وان كان سهم المحبه طاح في سوقك=واقفت مزون الهوى مالاح براقك
واصبحت تضحك على اللي طاح في عوقك=وهو يشكي الجرح من بارود تفاقك
العدل تلقاه من رب الملا فوقك=وتسديد ظلمك يجـيـك بحكم خلاقك

[فواز الغسلان]

عطر المها لافاح للقلب ذابوح .. ..




عـطـر الـمـهـا لا فـاح لـلـقـلـب ذابـوح=ولو يدخل التـشريح شفـت الفـضايح
فوحه يجيك رماح في خـافـي الـروح=لـحـظـه بـلا تـوضيـح والـقـلـب رايح
لاشاف عـقـلك راح خـلاك مطروح=وتـكره هبوب الـريـح والـعـطــر فايح
يدخل بلا مـفــتــاح لـلـــباب مـســمـوح=ولا يـقــبـــل الـتـلـمــيــح والا الـمدايح
شـف حـالـة الـقـرقـاح لانــام بـسطـوح=يـصـبـر علـى الـتـجـريـح رغم النصايح
لـو قلت سـدي باح وامسيت مفضوح=او قلت انا الزحزيح سموك دايح
اخطر من التمساح لا صار في صوح=فكه على التجريح مثل الصفايح
كان الزمان افــراح وآمـــال وطـمــوح=وألوذ بالتسبيح عن كل صايح
نور القمر مصباح ضحكات ومزوح=وسط الفياض الفيح والبدر ضايح
نشرب حليب لقاح من ذود ممدوح=وياما حلا تمسيح ضرع المنايح
وشفت الحلا الذباح ناعم ومـملوح=وريحه عبير الشيـح وسط المـسايح
شـفـتـه بـدون وشــاح والـصدر مـفـتوح=وشـعـر بـلا تـسريح بالـمـتـن طـايح
وفي صدرها تـفــاح رويـان بـسفــوح=يشرب نـبـوع الـسيـح ماهـي شحايح
بـــدر الـسـماء لا لاح كالـمـاس بـالـلـوح=لـولا الحـــيـــاء لا اصـيـح بالـلـيـل نـايح
شال الحشى وانزاح ماذقت مربوح=ثم ابتدى التصفيح واخفى الشرايح
أثر الهوى فـضـاح يرمـيـك مجـروح=ولا للـهــوى تـنقيح حسب اللـوايح
وشفت الوعود اشباح والحبر ممسوح=ومداخل التصحيح ماهي فسايح
وشلـون حالـي طـاح ماقـيـل وشـنـوح=او روحنا تــشــلــيــح والا ذبــــايـح
وهربت لاجل ارتاح مع نجع وسـروح=وتوبه عن التطبيح وسط الفلايح

[فواز الغسلان]

قال اخبرك بالزعل صدرك شمالي .. ..



ويش اسوي في غزال سل حالي=يوم شاف حصونها ماهي منيعه
وان بغيت اترك غرام البيض جالي=وقلت راع الصدق ماهذا صنيعه
قال اخبرك بالزعل صدرك شمالي =تدمح الزلات لو كانـت شنيعه
قلت تكرار الخـطـا ماله مجالي=دام ريضان الوفى عندك وسيعه
والشمالي فيه ثقل وطول بالي=بس مايرضى طواريق الهـزيعه
وش يجيب الميل لدروب العدالي=او ربيع الوصل ودهور القطيعه
زلة اللي من شروك الحقد خالي=ندفنه وسط الضمير ولا نذيعه
وننقل اثقال الرفيق ولا نبالي=وبالندى نلـقى لغلطاته ذريعه
وحـبلنا ياصل بعـيـدات المدالي=ولا نجي راي العذول ولا نطيعه
دامها صارت تحت غيظ وجدالي=فالخطا مسموح بأحكام الشريعه
من وقع ماله بوسط الناس والي=تشتعل في ضامره حرب الوديعه
يزبن اللي قدرهم بالكون عالي=والمراجل عـندهم صارت طبيعه
في بلد حاتم صواريم الرجالي=وخيلهم بالكون دايم بالطليعه
عندنا يلقى الـمعزه والجلالي=وقيمته وسط العرب تصبح رفيعه
في جبال اهل الندى يلقى ظلالي=وندمح اغلاطه قبل يرسل شفيعه
لين يصبح مثل ابوزيد الهلالي=وعن لواهيب الدهر يلقى ربيعه
بس مقعاد الردى صعب المنالي=والخـطـا عند العرب غير الخديعه
وادري انك في رفوف القلب غالي=بس محدن يشتري قلب يـبـيعه
والله اني كنت في دنياي سالي=والوقوت بعيننا تمضي سريعه
لين دارت صوبنا سود الليالي=وروحنا في ناركم طاحت صريعه
وراح تسري من مرابعكم رحالي=وعن جميلات الحشى الجاير جميعه

[فواز الغسلان]

ياللي خفوقي طامع في غرامك!!!

ياللي خفوقي طامع في غرامك=يسري وراك بلوعة الوجد مدفوع
يرجي سواليفك ولذة سلامك=وشوف العيون اللي بها الزين مجموع
اسهر وعينك تهتني في منامك=واصبر وانا مالي مع الصبر منفوع
يمكن قمر حبي ينور ظلامك=ونارك تولع لي مصابيح وشموع
والفجر تظهر لي مضارب خيامك=وتصبح مواعيدك مثل حبة الكوع
نوب تعذر في عزيمة عمامك=والا تقول انك من البرد موجوع
وتظهر علامات الدلع في كلامك=ولا تكترث للي من الغيظ مفجوع
ولا تحتمل قول العرب وش علامك=كن العتب بين المواليف ممنوع
واليوم وقعنا قرار اتهامك=وحكمك غدى في صفحة الصدر مطبوع
زادت معاذيرك وقل اهتمامك=وصار الهزل مع صدق الاقوال مشفوع
خلك بكامل قيمتك واحترامك=ماعاد لي في باقي الدرب مطموع
صارت برامجنا تخالف نظامك=وصعب نطارد تالي الليل جربوع
مااريد زخات المطر من غمامك=لو مات في قلبي بساتين وزروع
هذي مراسيل العهد بإستلامك=والله يعين اللي من العام مخدوع

[فواز الغسلان]

عواد قلبي بين الاظلاع يومي!!!


عواد قـلبـي تحـت الاظـلاع يـومي=من كثر مايكـتـم من الـغـبـن والضيـم

يومـي بـي اومـاي الهواء بالهدومي=ويرجف لـمـا نـقرى عـلـيه الحواميم

من هاجس يطرد عن الـعـين نـومي=ويسهر جفوني مـثـل سهر الـمفاطـيم

كـلـه عـلـى فـرقـى جـميل الوشومي=راع العـيـون اللي مثـل ذايـر الـريـم

بـيـنـي وبـيـن الزين سود الـحـزومي=ما عاد لي سجه وشوفه وتكليم

مهالكٍ ظلعه ينوش الغيومي=مربـى الطـيور الـنـادرات الـصواريم

ذيـبــه يـهــوم بـنــايـفــات الـرجــومي=واسمه مدون في سجل الـمـظـاليم

يطرد خيوط الرزق قبل الجهومي=وان لاح فجره صار ضمن المغاريم

يقـنـب الـيـا كـثـرت عليه الخـصـومي=ويرسل من غـبـون اللـــيـالــي تـرانـيم

ماهـو عـلـى شـلق الفرايس جزومي=خـيـفــة بـواريـد الـعـيــال الـشـغامـيم

قومٍ غضبها بالضماير يزومي=مذخورةٍ للذيب شيمه وتكريم

مـثـلــي مـن الـلــي بـالـمحـبـه يلـومي=واللوم باسباب أخـتــلاف الـمـفاهيم

والـعـشـق ذابوح الـعـيـال الـقـرومي=اللي يـفـكــون الـنـيـــاق الـمـجــاهـيـم

في ساعة طير الـمـنـايــا تحـومي=لاجـل الـنـيـاق الـمـكـرمـات المراديم

سمـحات الايدي واضحات الوسومي=طوال القوايم مبرمات العلاكيم

تقدح عيونه بالخلا تقل لومي=تجمع فنون الزرفله والدراهيم

تصهل وراها كل قبا قحومي=ومن طاح يكفيه الدعاء والتراحيم

كلٍ معه شلفى ورمحٍ وشومي= والنصر من ربك حـظـوظ ومقاسيم

في ساعة تكشف عيال الـرخــومي=عـنــد الحــرار الـلــي تـسـد المـلازيم

وراع الهوى يسهر يعد الـنـجـومي=ينحاش عن هـرج الـقـفـى والهذاريم

مثلي شكيـت من السهـر والـهـزومي=لا صـاحـيٍ جـفـنـي بلـيله ولا نـيم

اتلي هواجيس الامل والحـلومي=واسري وانا دربي شـكـوك وتـواهـيم

والنوم لعيون الشقى ما يدومي=حتى ولو غنى عليك المعازيم

وان ضاق صدري بالـغـثـى والهـمومي=والكـبد شامت عن لذيـذ الـمطاعـيم

رجيت لي قلبٍ شفوقٍ رحومي=بالطيب ما يدفع قروش وملاليم

يذبح لضيفانه خطات الردومي=وطيبه مثل وبل المزون المرازيم

قلبه لبيبان المراجل يهومي=ماداج وسط السوق غمزه وترقيم

يفزع لمن زادت عليه الرسومي=وشروطهم فيها حلالٍ وتحريم

للي غدى رمشه ذبوح ظلومي=سـم الحشى في نـظـرة الـعـين تـسمـيم

الـعين عـيـن الـفـرس والجـسـم رومي=ماجاه بأسواق الدعاره جراثيم

ولا فاح ريحه بالنسانيس ثومي=ولاجله غدى ياخذ عطور البلاعيم

حط الحشى بالسوق للي يسومي=واصدر على سـجـني صكـوك ومراسيم

واشـعل بكـبـدي يـابـسـات الجــرومي=من يوم خـالـف بـي جـمـيـع التـعاليم

واصبحت للي بالضماير كتومي=عن واحد يركض وراء السين والجيم

وانحاش عن لـفح الـهـواء والسمـومي=فـي راس مـزمـوم قـريــب من الـغـيـم

انـظــم بـقــيــفـــانــي جـمـيــع الـعــلـومي=واشكي طواعين الهوى دون تـعـتـيم

وان الـسـبـايــب زاهــيــات الكـمـومي=الـلــي هـواهـا بـس ركـعــه وتـسـلــيــم

واليوم جـسـمـي طـايـحٍ مايـقـومي=ولا ينفعه في ورشة العمر تـرمـيم

سلواي بالـجـيـب الـجـديـد الـعـمومي=مـن مصـنــعٍ ما رهم البدي تـرهـيم

زوله على موج الصحاري يـعـومي=تـدفـــع مـواخــيـــره عــزوم الـمــقـاديم

راعيه عـن درب الـــمــذلـه يـشـومي=عـنــده عـلــى الـشــدات قـوه وتصـميـم

واللي على سيته قـوي الـــعـزومي=حـطـم رقـوم اهل المسافات تـحطـيم

كنه شجاعٍ من شيوخ البقومي=أو دوسريٍ من عيال المخاريم

تسعه خـلـيـجـي فـي ثـلاث الـرقـومي=مـاصـار بـــه دقـــشـه ولا جــاه تـكــتــيم

عـدى الجـمـارك بـالـورق والـخـتـومي=واليا مشى حسه مـثـل هـامل الديم

ماراح عمره بالدوام الحكومي=ينقل خطابات العمل والتعاميم

للخافق الضايق يـســـد الـلـــزومـي=وينحاه عن ناسٍ تـمــد الخـراطـيم

[فواز الغسلان]

قال فواز الغسلان !!!

عواد هاك القلم وإكتب على كيفك=وانظم حروفك ترى الاخلاق خربانه
مادمت هادي قبل تقبس عواصيفك=وتشلع مزاجي وتقفل كل بيبانه
النفس ما تحتمل كثرة عجاريفك=وجسمي يعاني مقصاته وعمدانه
ترى مبارك قريب من طواريفك=وان صحت له يامبارك ثار شيطانه
وان ثار للمعركه ثارت صواديفك=تفاق مايخطي المقرود نيشانه
او هات الامثال من عالي مشاريفك=لك ريشة يضبط اللوحات فنانه
نبي القواعد على نحوك وتصريفك=وارفع ولا تكسر اللي حاز سلطانه
ويقنع هل الذوق والنقاد تهديفك=وروعة بلوت الهوى الجاير وكنكانه
ونعرض على لجنة الحكام تكليفك=في رابطة مجلس الفيفا وعنوانه
واذا بغت لجنة التصويت تعريفك=قاف السناعيس شاع بكل بلدانه
ويضمن فريق الهوى جملة مصاريفك=وتذاكر اهل الهوى الظالم ومسكانه
وساعة حضورك على النادي وتشريفك =اكشف مهارة ولد شمر بميدانه
ولا تتبع اللي يبي صدك وتخويفك =من شان تترك قوافينا وديوانه
واللي حداني على شدة قفاقيفك=عن باقي الناس مع روضه وبستانه
فرقى وليفي مثل فرقى مواليفك=وقيفان شعري مثل شعرك وقيفانه
واوصاف حالي تطابق نفس توصيفك=ونيران قلبي مثل قلبك ونيرانه
وسموم صيفي تشادي بالغثى صيفك=وطغيان خلي مثل خلك وطغيانه
اسرع وخل الهوى يدفع مجاديفك =وسفن البحر ماينام الليل قبطانه
والا طلبنا من السلطات توقيفك=وصعب اتنازل وانا الاخلاق خربانه


قال عواد العلي !!!

ياكبرها منك يافواز ياحيفك=ماهي عوايدك تدخل حرب خسرانه
للبرد نزله سببها خف تلحيفك =تأثيرها بان وألأخلاق بردانه
شبيت نارك بزندك والحطب ليفك=أصبر على مطرقة شعري وسندانه
تسخر من أعظم لغه من ضعف تثقيفك=(وااا نحوااه ممنوع من الصرف غسلانه)
لو ينفتح باب توبيخك وتعنيفك=هامو بك فلان وفلانان وفلانه
ابذكر اللي ذكرته واسمه يخيفك=خوف أحترام ومهابة نار بركانه
يامبارك اليوم يومك والفخر سيفك=حطه بحبس انفرادي وسط زنزانه
الامر يرجع لتوجيهك وتصريفك=العلم ماهو مزارق طيب وميانه
مضمون قدره يبذنه مغاريفك=من نادرات الدرر وحكاك مرجانه


قال مبارك التبيناوي !!!


إربط حزام الأمان بحكم تكتيفك= الله عويني على الظالم وديانه
لعل عواد يغضي عن تصانيفك =وإلا ليا ثار ماينهاط بركانه
فاصل عسى فصلت تقراء على جيفك= واصل عسى الله يوصلنا لرضوانه
وصل وفصل وفن إلقى وتوظيفك=مع جوهر المفرده تلميع وصيانه
أمجاد الأجداد تضبطها سواليفك=تدخل عليها شعار المجد والدانه
أبزع ولا أسمع هل الغيبه لتحذيفك= قولت (عشيرك) تهز القلب وأركانه
عليك بالصدق لا كثر تحاسيفك =والكذب مهنة عيال إبليس وأقرانه
مره قصيدك خيال وصعب تطويفك=ومره تطوفك غلى شمر وشيهانه
ومراة لو مر مع طيف الكرى طيفك=أقول فواز مابه غدر وخيانه
وتدخلني الشك ياكثرت محاليفك =وأنا ليا قلت والله جاك برهانه
بياض قلبي مثل قلبك وتصنيفك = عذروبي اللي لقاه النذل وأعوانه
حظي برئ ماشكأ ضيم الدهر ضيفك=وحالك هي الحال يفرق زود نقصانه
(الجلغفه)(وإلفقه)(والنحو) تغليفك= والقلب مشغول في دنياه وأشجانه
عواد مثلي ترك عزفك وتوليفك= سلس العسل لو تكرر ماله الخانه
مرزف ورجف القوافي عن سراجيفك = بالثانيه تشتكي خلك وهجرانه
مشفوح شفحه ولا تركد شواحيفك = دور العمر قبل جدي حد وعيانه
زغرد وشوبش وخطرف في غطاريفك=إستثقلت بالسحاب وهل هتانه
عواد يرفع على ضغطك وتلطيفك= طبيب به طيب قلب وعالي(ن) شأنه
يخشى من العين لا تذبح مخاشيفك = أهل الحسد والقلوب السود عميانه
واللي حداني على قافك مواقيفك=موقف له أيام عز وطيب وإميانه
إن كان له متسع في قاعة إرشيفك = ياما عيال ولدك يقرون عنوانه

[فواز الغسلان]

تجمع اظلاع الخلايق مع محيطه!!!

السعاده للبشر دايم بسيطه=ولا لنا عن سنة الدنيا مناطي
تنعشك في غرشة العطر وعطيطه=وتجرحك جرح صوابه مايهاطي
والمصايب تسجن العمر وتحيطه=ولا يفك حصارها كثر العياطي
ولو تعيد احداث الايام وشريطه=وتفصل ايام الضحيه عن شباطي
راح تظهر لك من الواقع خريطه=قبل وقت الزير وعصور العلاطي
تجمع اظلاع الخلايق مع محيطه=وتقسمه بين المداين والشواطي
اوله طفل يغثك في قريطه=فوق عشر اعوام يلعب بالقواطي
ومثل ذلك شايب تسمع نحيطه=تمضي اوقاته على العالم يطاطي
وزهرته تجمع من الدنيا خليطه=بين طاروق الرفاعه والهباطي
ونصفها مهدور لو مابه غبيطه=لابغيت حساب كيفي وانبساطي
نخصم اوجاع الحياة المستشيطه=مع وقوت النوم في حارة غطاطي
ولو دخلت السجن والدار الغويطه=واشتكيت العجز وغياب النشاطي
وجلستك طفران واحوالك رطيطه=ضايق يقطاك دون البيت قاطي
طفلتك ترجي فساتينه تخيطه=وزوجتك تزهم تبي عدة شناطي
تستدير بشارع السوق وتميطه=والحشى ينجش على جمر الأراطي
وبنشر الموتر على خط اللقيطه=وعدتك ماغير منقاش ومخاطي
حالةٍ تقطع بوسط الجوف نيطه=وتودعك في ملعب العمر احتياطي
ماتجي تحت النخل تاكل سقيطه=بين مجرى النبع وانواع اللقاطي
والخلاصه عمرنا لو طال خيطه=مع طواعين الحشى صار متواطي
لا تطيع اهل السواليف السليطه=وتهدره بين السخافه والغلاطي

[فواز الغسلان]

http://www.youtube.com/watch?v=y79bCTwAs4Y

[فواز الغسلان]

حبال الردى والبوق صادت عراقيبي !!!



حبال الردى والبوق صادت عراقيبي=وشفنا طبوع ماحسبنا حسايبها
انا لو دفعت الرجل صوب المخاضيبي=تريحت من بعض النفوس ومعايبها
ولولاه ماعديت روس المراقيبي=ولا سقت روحي ضايق في جنايبها
رجوم العنى تطفي جحيم اللواهيبي=واباعد بروحي عن شماتة قرايبها
وانا كان ضاعت بالخلايق تجاريبي=على غلطة بالعمر سقنا ضرايبها
انا غافل والناس ماتعلم الغيبي=ونجهل طواعين الليال وحرايبها
وكل الخلايق له طبوع وتراكيبي=ومحدن كشف نية شبابه وشايبها
تعيش البشر مثل النعام المهاريبي=وخوف الخطيه يجدعك في مصايبها
وانا عقب ماصارت فياضي مجاديبي=ولا لاح للعربان بارق سحايبها
والاذواد غابت يوم جفت مشاريبي=وجيراننا بالريف شدت ركايبها
تذكرت رجوى المشلحيه هل الطيبي=وشكوى المهونه يوم شابت ذوايبها
أيا غيبة ابن هذيل ياغيبة الذيبي=ولا كل غياب العرب مثل غايبها
وانا طحت باللي ماتعرف المواجيبي=وتذرى وعايدهم ذواري هبايبها
وانا كنت اعاهد دون عقد ومكاتيبي=ولا اخاف بوقات النفوس ونكايبها
والاقوال شيكات الرجال المعاطيبي=بحزة مشارق شمسها مع مغايبها
وهو منهج اللي تكره النقص والعيبي=ولا تختلف لا ذاق رغوة حلايبها
لما شفت بعهود الخلايق شواذيبي=وشفنا على قبر المبادي نصايبها
ودلا يدور الهرج مثل الدواليبي=وقوم الردى تلقى الردى في جلايبها
وانا يوم شفت نجوم ليلي مغاريبي=ونصف العرب سارت علينا كتايبها
نخيت الرفاقه لاجل تطلق مقاضيبي=قبل تنتشر عدوى الهموم وشوايبها
وراع الفزع دلا يعدد عذاريبي=وهي عذر مهتول الخلايق وخايبها
وصاروا رفاقات الفراغه قصاصيبي=وريح النذاله في وصاخة حقايبها
ثمانين والصافي ثلاثة مناجيبي =من اللي تعينك بالوقوت ونوايبها
مدام الرفاقه له رماح وكلاليبي=تشيل المطامع ثم تكثر طلايبها
ونار المعيبه للذي طاح بالعيبي=وراع الخديعه راح يلقى عقايبها

[فواز الغسلان]

حبال الردى والبوق صادت عراقيبي !!!

لا واهني الطـيـر فوق الغيم خفاق الجناح=ماضاق في دور ظلامه مثل ظلمة دورنا
لا ضاق مايقعد بنار الغيظ لحدود الصباح=يكفخ ولا يحتاج بسبـور مثـل بسبورنا
ولايرتجي لأجل العمل فترة اجازات وسماح=او يشتكي حبسه بسور مثل حـبسة سورنا
يسري يطارد بارق من بعد نصف الليل لاح=قبل الصلاة وقبل ترجس بالدنين نجورنا
يلفح بجنحانه لغيث في دماث القاع طاح=مابات بهمومه بجحـر مثل ضيق جـحـورنا
يابوهلا يالذيب ضاق الصدر لا زل المزاح=هذي شهور القيظ جتنا عقب خـمس شهورنا
حنا تبعنا ياعضيدي هجرة طيور الفلاح=يمكن نشوف اللي على الهجره يحد طيورنا
معقول ناحت لاجل محبوب من الهجران ناح=او شوقها للقصر يشبه شوقنا لقصورنا
وان كنت ياطير السعد تشكي طواعين وجراح=فالجرح ياطير السعد يسكن بوسط صدورنا
وش عاد لو قالوا عصور العولمه والانفتاح=ماننفتح قبل انفتاح البحث حول قبورنا
لو كان مقبور العرب من لوعة الوقت استراح=من جرحنا اللي مابداه الطيب مع دكتورنا
مايصلحه تصريح قايد مع دراسه واقتراح=دام الكلام الواقعي ماعاد في مقدورنا
قل ماتقول بكل وصف وكل لهجه واصطلاح =دام البلد والشعب للحكام في دستورنا
راحت دعايات العساكر والامانه والكفاح=وصارت سبب ذل الشعوب وشرنا وشرورنا
وش عاد لو تسري ركايبنا مع الدرب البياح =وظهورنا ماتختلف بالوصف عن مظهورنا
كان العرب ماعندها للخصم ترسانة سلاح=وشفناه يظهر لاجل يقصف بالدجى جمهورنا
مدري علامه صامت واعراض الامه تستباح=والا القذايف ماتثور الا على ديكورنا
تشبه سلاح اللي سرق روحي برمشه ثم راح=اقفى ولا راعى قبل يرحل لجرح شعورنا
اللي رمى قلبي بناره عقب مازاح الوشاح=واحرق بنظرات الحلا والزين روض زهورنا
حبه رماني في معاليق الحشى عدة رماح=ماجيت دربه بس حظي حطها بنحورنا
ليتي تركت الدرب عنها يوم شفت العطر فاح=مادام عطر الزين عيـا يندمج بعطورنا

[فواز الغسلان]

الا وين المنام اللي هجرني من شهر شوال !!!


الا وين المنام اللي هجرني من شهر شوال=لاجل يرتاح جفن اللي عيونه ماتنام الليل
لعل النوم يكفيني هواجيس تغث البال=ويطرد هاجس لاداج بالخاطر يجيب الويل
تقول الناس كثر الهجس لابواب المرض مرسال=وبرق المزن مرسال الخلايق والعرب بالسيل
اشوف طعوننا زالت وجرحه بالحشى مازال=ولاتظهر جروح الروح تحت الفحص والتحليل
واذا نوم الضحى ضيعه كلاليب السهر غربال=على اللي مالت دروبه وطبعه مايحب الميل
قشوش الثقل لامالت تعوق الزمل والزمال=ولاينعاق حيل الزمل كان انك عدلت الشيل
وانا مااريد جلسات يعقبن وسطها الفنجال=ولايرضاه من تفني مضايفهم خياش الهيل
ولاآغازل قروش اللي يشوفك ماتجيب ريال=واحارب عيشة اللي عاش بالذله ونقص الكيل
وجوعك بالخلاء تقنب قنيب الذيب فوق الجال=بقاعٍ قيظها يحرق معاليق الحشى بالحيل
اذا جتها ركاب القوم تطلع من جفاه هزال=ولاتقوى على جفوة مظاميها عزوم الخيل
ولا الميقاف عند اللي على بابه ثلاث اقفال=ولو قالوا تبي تملك من الدنيا نهور النيل
واذا قلت السبب قسوة ظروفك فالهبال هبال=اخبر الهون مايمحاه كثر الشتم والترزيل
واخبر العهد يصدق بهرج جديع ابن هذال=فلا ترجي وعود الصدق في هرجة طويل الذيل
اشوف اجيالنا صارت طبوعه بالحياة اشكال=علامه تنحدر صوب المهونه كل جيل وجيل
اخاف المرجله شدت ركابه تنوي الترحال=وتترك لابة نالت فخرها قبل عام الفيل
عقب حاتم وزيد الخيل واجيال وراه اجيال=رجال في ظلام الليل توضي مثل نجم سهيل
واشوف خصالنا ضاعت وجانا من وراه خصال=وخلتنا مع العالم محل النقد والتفشيل
ولاادري هل تأثرنا بطبع الهند والنيبال=مع ان اطباعهم عجزت تغير قادة التاميل
او ان عيالنا تتبع مشاهد سيد الشغال=وحنا مثلهم نضبط هروج الفلم والتمثيل
غشانا الكذب والحيله وهانت شغلة المحتال=وصغنا في عروض الناس باب الجرح والتعديل
وشفنا الظلم والغيبه اليا سولف ردي الخال=ولا يلقى الذي يمنع هروج مالها تعليل
تقول القوم مافيها من اهل المعرفه عقال=تكافح غيبة المسلم بكثر الحمد والتهليل
نعيب اللي معايبنا كثر عيبه ثلاث ادبال=عيوب شافها المكفوف بعيونه بلا دربيل
او ان الناس ماعادت تكيل وتضبط المكيال=او ان عيوبنا ماهي وكاد وتقبل التأويل
اذا صدنا الخبر صرنا محطة بث واستقبال=بجلسات الدجى حزة وقوت اللعب والتعسيل
يعيب الضايق الحافي هبيل ماعليه نعال=ويشذب قاري القران ثور يجهل الترتيل
نجيد الهرج والقالات بالفرغه بدون افعال=تقول الله جعل معنا على حكم البشر توكيل
مدام الوضع مالك فيه لا مخرج ولا مدخال=تبي تلقى الكلام اللي يسدك دون قال وقيل
واذا مابان لك مدخل عليك بشاشة الجوال=تحول في خياراته وترجع تنهي التحويل
تراه اسلم بشرع الله وثقلك لايزيد اثقال=وخلك عن عيوب الخلق مثل محمد المنديل
خذينا الطيب والقيمه بسيرة طيبين الفال=ولا نلنا مفاخرها بكثر الهرج والتطبيل
خذوها اللي عزايمهم بوقفات الرجال رجال=ويوفون العهد بالطيب والشيمه بلا تكفيل
سرينا مع سباع الجوف بخصال الكرام اميال=ونلنا مثل مانالوا من التكريم والتبجيل
نسابق بالفخر سربة شيوخ في سفوح قيال=وبالدومه رجاجيل غذاه الشايب الحلحيل
واخاف طبوعنا ترحل ويبقى صيتها تمثال=ويصبح شغلنا الباقي مهمة خدمة التوصيل
واخبر السبع بالغابه يخلف بالعرين اشبال=ولا تدخل هروج الشهم باب الطبخ والتخليل
واذا ماصار لعقود الشهامه والندى حلال=وخلا القوم برنامج هل العزه بلا تحميل
نبي نسمع قصيد النقد والشرهه لابن محوال=ولانقوى نرد اللي يقوله بالعرب جهويل

[فواز الغسلان]

وافهق على العلباء طوارف عقالي!!!



بشت الغناة اللي رماني بالانشاب=عسى خيوطه للتلف والزوالي
يامن يقدم لي مواكيل وثياب=ويستاهل البشت المطرز بدالي
اوذى بأبوماضي ومرضي وغلاب=يضرب على روس العرب ما يبالي
يودع ربوعك تنتظر عند الابواب=هذا يبي عونه وهذا كفالي
وان قلت ماعندي يقولون كذاب=هذي بعيده يا اديب الشمالي
والبخل بأمثالك مع الناس ينعاب=وينقض كلامك بالوقوت الخوالي
وغديت طير دون مخلب ولا ناب=ياعل مايجري لك اللي جرالي
وشلون اعين اهل المصايب والاتعاب=وانا عجزت اكمل حوايج عيالي
واللي سمع بعض المدايح والاعجاب=ظن البنوك اللي بلندن حلالي
والحمد لله بين مسجد ومحراب=ومنزالنا عند الرجاجيل عالي
واحوال خلق الله بها سلب وايجاب=والميل يفرق عن دروب العدالي
وماني جفول لا حصل حزم ****=وماني من اللي يعتريه الجفالي
دام الشدايد بالعرب لعب طرناب=واهل الفزايع له دروب ومجالي
بس البلى من علة ماله اطباب=وبير السعاده ما تطوله حبالي
والرزق ماياتي بتفتيل الاشناب=وماهو لراع الحيل والاحتيالي
وربي جعل للمال غارات واسباب=وقبله وبعده حكم رب الجلالي
وانا حياتي فاتها وقت الانجاب=وشموس عمري قاربت للزوالي
وما نرتضي بوق وخيانات واذناب=وكذب ونفاق ومهزله واغتيالي
وما صار لي في غرفة القوم سنجاب=يجمع ريالات العرب مع ريالي
ولا كنت امير وخزنتي وسط دولاب=والا رئيس المجلس الانتقالي
ولا نلت ميراثي عمارات واطناب=ولا صرت بالترشيح صاحب معالي
ولا صرت شيخ ولي كرامات وألقاب=من حزب شيخان الردى والضلالي
ولا ني على الشاشه وسيم وجذاب=ولا لاعب بصفوف ناد الهلالي
ولا مطرب في ليلة العرس ينجاب=ويقعد على روس الخلايق يلالي
ولا عشت بالذله ولا كنت نصاب=ولاصار لي حفله نهار اعتزالي
ولا قمت اعالج بالقراوي والاعشاب=وعلاجنا يبري ضعيف الرجالي
وما ناسبن شيخ ملك عدة اسراب=ونادوا عياله بيننا ياخوالي
لو هو على المسيار مع سود الاهداب=متعه ولاجل الشيخ فيها مقالي
والا على المقناص مع تلع الارقاب=في خيمة تنصب بوسط المفالي
مقدار ماينثر بها سمة الداب=وجازت قياساً بالخدم والموالي
ولا لي كتاب بالقبايل والانساب=وآخذ على التثبيت شي خيالي
ولا لي قتيل وزارني روس الاعراب=وطلبت ما يتعب ظهور الجمالي
وماني معارض في محطات الاجناب=وادعي جيوش الغرب والاحتلالي
واسعى ورى الفتنه وتأليب الاحزاب=ونار العدى والتفرقه والجدالي
وهذي دروب المال مع حصن الاطلاب=وكله مضت ياهيه ياهملالي
كل الذي عندي تواريخ وآداب=وخزي العروبه بالسنين التوالي
ولو عندنا ثروه ظهر موس الانياب=واعطيك قانون الجميع ارتجالي
وألبس مثاني غترتي دون مرزاب=وافهق على العلباء طوارف عقالي

[فواز الغسلان]

ياعين لاتبكين محبوب رماني بالرحيل .. ..

يـاعـين لاتـبـكـيـن محـبـوبٍ رمانـي بالرحيل=دام الـمفـارق هو نـصـيـبي فـي حـيـــاتـي كلها
مالي بغرس اهل السعاده لا مبيت ولا مقيل=ولو راح قلبي صـوب بـيـبـان الـفـرح ما دلها
ياويل حالي يوم شفت الردف غطاه الجديل=وعـطـرٍ يفـوح من الجـدايـل كان ساح وفلها
وعينٍ سكنها بين خد الورد والرمش الكحيل=رمشٍ سـطـى بـعـروق روحي في هواه وسلـها
وامسيت مثل اللي ولدها غايبٍ وقتٍ طويل=تسهر عـقـب عـيـنـه تحـت نـار الغـبون وذلها
تاقف بدرب اهل الضـعاين ثم تومي بالشليل=من حين يـظهر ظـل شمـسه لين يرحل ظلها
ترجي بشيرٍ جاب عـلـمٍ يشـفـي القلب العليل=لاشـك ماجـاهـا الـبـشـيـر الـلــي يـعـالج غـلها
والا الخلوجٍ اللي يروح اللـيـل تـرزم بالـعويل=شافـت ولـدهـا وسـط ذودٍ مـع عـقـيـدٍ شلـها
قامت تراعي لين غـاب الذود واخـفاه المسيل=وبالـقـيــد لو تـرزم قـبــال الـنــاس مـحـد حـلها
حـالـه مـثـل حـالـي وعـيـنـه مثل عيني بالهميل=مـلــت مـنـــامـه والـمـنــام بـوســط لـيــلــه ملـها
لو نام جفن العين شفت الجـفن سـوا بي جميل=لاشـك مـاتـركـــد ظـلــوعٍ هـجــــر خــــلـه تلـها
القلب عـيــا يرتـضـي بـرمـوش مـحـبـوبـه بديـل=ولا كل مـن يـفـزع لـكـبـــدي بالـمــظـامي بـلـها
دام الـضـمـاير مع هواء المحبوب لاذعذع تـميل=صـعـبٍ تـقـاوم مـن غـزى روح الشقى واحتلها
ياعـيـن قـولـي للـمـهـا سـهـري على حـبك دليل=والا انـت ياقـلـب الـعـنى رح للـعـنـود وقل لها

[فواز الغسلان]

حالف باللي رفع مقدار حايل..


ضاع معيار الندى بين القبايل=واستوى راس الخلايق مع متونه
والكديش اليوم من ضمن الاصايل=وراعي المعروف يجزى بالمهونه
ومن يريد المجد جانا الظهر صايل=في تواريخ غدت تسجع لحونه
في غواني هيه ياخضر الفنايل=ظنوا التاريخ لوح يصبغونه
وحضرة الدكتور لو ممشاه مايل=راح يطبع والعرب مايمنعونه
وحالف باللي رفع مقدار حايل=وحط نسل الهون بالمقدار دونه
وزادها بين العرب مجد وفضايل=لين نالت رتبة ما ياصلونه
ما ينوش امجادنا راع الغوايل=في هجين الكتب واللي ينشرونه
قبلهم قوم وحواسيد وهبايل=وعالم مال الخلايق في بطونه
وحاربوا سيرة كريمين الشمايل=ورغم حرص القوم عجزوا يطمسونه
وجربوا بدروبهم كل الوسايل=وغادرت تحت الظمى تقرع شنونه
ماخبرت اللي طمس شمس القوايل=او مفاخر لابة مايلحقونه
ماكسبنا الطيب صوغات ونحايل=من شريف بالعرب يسحب ردونه
او دعايات على شاشة موبايل=لاجل شيخ بالهدايا يرتجونه
نالها اللي له عزوم وله نفايل=تنتهض من دون دعم ولا معونه
وشيمة شالت عواجيز وعوايل=وتطلق اللي بالقسى طالت سجونه
رغم كون احوالنا مامن صمايل=ولا ملكنا بالعرب نقوة خزونه
وصار من يسكن على جال الثمايل=والموارد بالظمى مايقربونه
وان نزل ماله مع العالم نزايل=وان رحل كل العرب مايفقدونه
صار له في نجد صولات وعمايل=والعرب من خوفهم تسهر عيونه
ياسلام الله عدد وبل المخايل=وما تلالا بالدجى بارق مزونه
للديار اللي لها قول وفعايل=وتكرم اقدار الرجاجيل وتصونه
في وقوت الحرب وعكوب الفتايل=جمرة حروب العدى مايكرهونه
من يحاول حربها كز الشلايل=وكل فرسان الجزيره يجمعونه
والقبيله مالها ربح ونوايل=ضد قوم خصمهم مايرحمونه
ورغم هذا حربنا كانت دوايل=ياربحنا الكون والا يربحونه
الصريف جموعها ماهي قلايل=وانهزم شيخ العرب يشكي طعونه
وسمنها بالكود والشدات سايل=لو يغيب الغيث ماغابت صحونه
جارهم بجوارهم يلقى الجمايل=وان وقع في زلته مايفضحونه
بالعرب مايرتجي عنهم بدايل=خايف جيرة هتول يشتكونه
ومن ينادي وين وافين الخصايل=في جبال الطيب ماخابت ظنونه
قبل حاتم طي وعصور الاوايل=وقبل تطلع في جبل سلمى سنونه
وانشد الوافين في كل القبايل=والخيار من العرب مايجحدونه
وعندك العتبان والا نسل وايل=وراضي بالكلمة اللي يذكرونه
عادة اهل الطيب ورفاع الحمايل=لو حكوا عن خصمهم مايظلمونه
او شواعير العرب واهل المثايل=كان قلبان الرذيله يفهمونه
والمفاخر له براهين ودلايل=وسكة كل العرب مايجهلونه
والسوالف عند زينات الجدايل=شغلة اللي بالرخى ثارت شجونه
أثر نيران الجبل تشعل شعايل=بالقلوب اللي غدت تطحن غبونه
من سباع بالجبل تاطى الجلايل=والثقايل لا بدت مايرهبونه
له تواريخ جديدات وسمايل=والعفون من العرب مايرغبونه

[فواز الغسلان]

كتاب ابطال من الصحراء
ماله وما عليه
إن الجوار في منازل قبيلتي عنزه وشمر يولد بينهما شيئاً من الندية والمنافسة في اغلب الفترات التاريخية السالفة كما هي الحال في جميع القبائل المتجاورة
في جميع انحاء الجزيرة العربيه وغيرها من الاقطار وهذه الندية تولد حروباً ومصادمات في أغلب الفترات ولكنها على كثرتها لاتسبب شيئاً من
الحساسية بين افراد القبيلتين بسبب ظهور ملامحها ومعرفة أسبابها ونتائجها , الا أن هذه الحساسية والاختلافات والمناقشات تظهر جلياً
عند الخوض في فترة الاحداث التي كانت في عهد وجود عقاب وحجاب ابناء سعدون العواجي لسبب اساسي وعدة اسباب ثانوية .

الاسباب الثانوية:
===========

الاسباب الثانوية للاختلاف الذي حدث في هذه الفترة ويحدث في جميع القبائل بشكل عام هي:
(أ):- قلة من يحفظ جميع الأشعار النبطية لكلا الجانبين في تلك الفترة والتي تعتبر في الغالب هي الشاهد الوحيد لتلك الأحداث
ولذلك تجد أكثر الناس لايعرف عدد المعارك والمواجهات التي حدثت ولا يجزمون بتاريخ حدوثها ولا الأحداث التي صاحبت كل معركه والاشعار التي تخصها . علما ان المساجلات
الشهيره التي دارت في تلك الفتره ليست متساويه في العدد لكون الشعراء في تلك الفتره لايقولون الشعر الا بعد الانتصار في المعركه واما عند
الهزيمه فهو ينتظر ولايرد على قصيدة الخصم مالم تحقق قبيلته انتصارا يستحق الفخر ولذلك لايعتقد البعض ان القصائد يجب ان تكن متساويه في العدد .

(ب):- عدم تحقيق تلك القصائد والتي دخلها الكثير من العبث المتعمد أو العفوي مما جعل البعض يبني أحكاماً على ادله غير ثابته وغير مؤكده
او تم تغيير كلمه واحده فيها تقلب المعنى راساً على عقب وهي من أسباب الاختلافات أيضاً وأحياناً يقع التصحيف عند قراءة القصائد المكتوبة
فتقلب النون إلى تاء بزيادة نقطة او العكس فينقلب المعنى كذلك .

(ج):- ان لكل قبيلة من قبائل الجزيرة العربية من يعتبر رمزاً من رموزها ومثلا يضرب لكل اجيال هذه القبيلة فيدفعهم ذلك الى رواية ايجابياته فقط
وتضخيمها وإخفاء سلبياته والتقليل من أهميتها ومن شانها ويكون ذلك سبباً من أسباب عدم قبول أي رواية تفيد بهزيمته أو أن فارساً تغلب عليه أو
أنه ارتكب خطأ لايرتكبه شخص في مقامه .
فعلى سبيل المثل يوجد في قبيلة عنزه الفارس عقاب العواجي وفي قبيلة شمر عبدالله بن رشيد ولدى العجمان الشيخ راكان بن حثلين
وفي قحطان الشيخ محمد بن هادي وفي عتيبة الشيخ تركي بن حميد وهكذا في جميع القبائل تجد من استطاع بتاريخه المشرف ان يحصل
على حصانه دبلوماسيه لدى القبيلة تدفعهم لقبول كل ايجابي ورفض كل سلبي يتختص بهم دون النظر للدليل او حتى مناقشته.

(د):- أن الناس إعتمدوا على رواية كبار السن في المجالس واثناء الاجتماعات القبلية وهي للفخر والاعتزاز بمواقف رجال القبيلة وشجاعتهم وطيبهم
وهذه تعتمد على الانتقائية لما هو فخر للقبيلة وترك ماسواه لعدم مناسبته لتلك الاجتماعات ولذلك تجد ان الأحداث التي تعتبر سلبيه للقبيلة لايتم
ايرادها او ذكرها اطلاقا وهنا تزداد المشكله عندما يسمع الشخص معركة انهزمت فيها قبيلته فتجده يستنكرها بحجة عدم سماعه لها من رواة القبيلة
وعدم السماع لايعني النفي . فكل قبيلة تروي مفاخرها وتتجاهل ماعدى ذلك والراوي يتطرق لجانب واحد من الحادثه ويتجنب الاخريات ولذلك
يعتبر هو صادق امام الناس لكونه ذكر اشياء صحيحه ولكنه كما يقال في مجال الجرح والتعديل انه (تدليس) اي انه لم يكذب بالكلام ولكنه اخفى
امورا مهمه تتعلق في هذه الحادثه وتؤثر في الحكم عليها لدى المستمع. وانا اعتبر ذلك نوعا من الكذب ولايختلف عنه لان عمله هذا يجعل في ذهن
المستمع شيئا غير الشي الحقيقي وان صدق في لفظه وهذا هو بعينه.

السبب الاساسي:
===========
إن أول من تطرق لبعض أحداث تلك الفترة وأخبار الفارسين عقاب وحجاب العواجي وهو مؤلف كتاب (أبطال من الصحراء)
الامير محمد الاحمد السديري الشاعر الفحل والاديب الشهير في الجزيرة العربية خلال النصف الاخير من القرن المنصرم
والذي استعان ببعض الرواة الذين كانوا في رفقته الدائمة من القبيلتين ولاسيما الراوي والشاعر الشهير الاسمر الجويعان من عنزه الذي
استعان فيه خلال التنقيح الاخير لكتابه.
ولايزال هذا الكتاب هو المرجع الوحيد المطبوع والذي يعتمد عليه القراء في بحثهم عن احداث تلك الفترة ,

ولكونه الوحيد في الساحة الذي يتكلم عن أحداث تلك الفترة فقد اختلف الناس حوله. فهناك من يعتمد عليه ويثق بمحتواه
اعتماداً كلياً سواء في اثبات الحدث او نفيه بشكل كلي ودون استثناء. وهناك من كان العكس تماماً
والحقيقة انه كتاب يحتوي على فوائد غزيرة ولايخلوا من النقاط التي تحتاج الى نقاش مناسب لكي تتضح فيها الامور
التي هي اقرب الى الواقع في تلك الفتره.
وسوف احاول هنا الكلام عن هذا الكتاب ماله وماعليه وتوضيح بعض الاخطاء والمغالطات التي تفيد الطرفين وجميع من يهتم
بالمجال التاريخي القبلي في الجزيرة العربية .

(اولا):- كتاب روائي وليس تاريخي:
=======================
ان الكتاب التاريخي يعتمد على توضيح وتحديد السنة التي جرت فيها الحادثة وترتيب الاحداث التاريخية زمنياً حسب تاريخ
حدوثها لكي تتضح الصورة بشكل جيد للقارئ ولاتختلط الافكار وتختلط الاوراق لديه .
في حين جاء كتاب (ابطال من الصحراء ) بشكل روائي أكثر من كونه تاريخياً فهو لم يذكر تواريخ الاحداث ولم يرتبها ترتيباً زمنياً
بل ولم يتطرق لهذا الامر مما يعني ان المؤلف أراده روائياً يحفظ من خلاله الروايات والاشعار المحفوظة لدى الرواة الموجودين
في تلك الفترة قبل رحيلهم وضياع الكثير منها , وقد يكون المؤلف جعل مهمة البحث في تواريخ الاحداث لمن يأتي بعده من الباحثين
والمؤرخين .

(ثانيا):- الخطأ العفوي اوالمتعمد:
====================
مهما كانت ثقة الراوي والمؤرخ إلا أنه قد تفوت عليه بعض الأمور , وتزداد الاخطاء لمن يعتمد على راوٍ واحد او طرف واحد
وتقل الاخطاء لمن يعتمد على العديد من الرواة ويستمع من جميع الاطراف وحتى الاطراف المحايدة
فهذا يزيده إطلاعاً وثقةً في سلامة ماكتبه ويكون ذلك أقوى من الاعتماد على طرفٍ واحدٍ بلاشك.
ومن المؤكد ان الاخطاء شئ لابد منها لكل كاتبٍ كما هي حال البشر جميعا ولكنها اخطاء تكون متفرقة بحيث لاتتركز جميعها في مصلحة طرف
واحد على حساب الطرف الاخر وهذا مايسمى(الخطأ العفوي) واما إذا كثرت الملاحظات وكانت جميعها في مصلحة طرف واحد ضد طرف واحد
فبلاشك ان القارئ سوف يفهم من ذلك أحد أمرين هما:

*- ان المؤلف تعمد ذلك لمحاباة قبيلة على حساب اخرى.
*- ان المؤلف أخذ الرواية من طرف واحد فقط .

وهنا اقول يخطئ من زعم ان المعلومات والروايات التي وردت في كتاب (ابطال من الصحراء) قد حابت قبيلة عنزة على حساب قبيلة شمر وغيرها ,
والحقيقة انها حابت شيوخ العواجية فقط على حساب قبيلتي شمر وعنزة معاً .
فالاضواء كانت مسلطة في الكتاب على شجاعة وفروسية الشيخين عقاب وحجاب العواجي ولم يشيد او يمتدح شجاعة أحد من فرسان شمر
او فرسان عنزة على الاطلاق وجعل الصورة لدى القارئ تدل على عدم وجود فارس من الطرفين يقارب عقاب وحجاب في الفروسية ,
بل وتعمد التقليل من شأن البعض او عدم الكشف عن هوية من فعل فعلاً واضحاً للناس .
ومن الامثلة على ذلك:
==============
(أ): الفارس هذلول الشويهري السويدي
وقد صوره الكتاب بأنه مجرد حنشولي لا قيمة له .
والحقيقة انه كان من كبار فرسان وعقداء السويد وشمر بشكل عام .
وعندما عقد الامير عبدالله بن رشيد الهدنة مع العواجية عام 1253ه كان هذلول في مقدمة الرافضين لهذا الحلف ولم يرضى به
فواصل غاراته على اطراف عنزه لكسب الحلال بالرغم من معاهدتهم مع ابن رشيد ومعارضة بعض السويد له في ذلك
وانضم له بعض مناصريه في هذا الاتجاه . والذي جعل الفارس عقاب العواجي يعطي نذراً لقتل هذلول انه غزى بعد هذه المعاهدة مباشرة
ومعه عشرون شخصاً قد أغاروا على بعض القبائل الشماليه واثناء عودتهم كان لابد لهم من المرور على -كحله-
( موقع ماء على حدود شمر مع عنزه) لكونها اقرب مواقع المياه لهم لاسيما انهم في ظمأ بعد نفاد المياه التي بحوزتهم .
وعندما اشرفوا على كحله كان يقيم على الماء بعض رجال العواجية كان الوقت مع غروب الشمس وكان فرسان
العواجية يطبخون عشائهم وهذا دليل على عدم نية الرحيل هذه الليله بل سيبقون للغد وربما بعده أيضاً إلا أن جماعة
هذلول لايحتملون البحث عن مياه اخرى لعدم وجود مياه قريبه ولكونهم عطاشى وركائبهم عطشى . وعندها تشاوروا بالامر
وقرروا مهاجمة العواجيه على حين غفلة والمجازفه للوصول للظلع القريب من الموقع وهذا يضمن سلامتهم ,
وفعلا حدث ذلك وقتل في هذه الهجمة فهيد ومحمد العواجيه اعمام عقاب ورجاء البوهي من الجعافرة وقتل من جماعة هذلول عمر بن نوفل الهربيد
وعندما علم بالامر عقاب العواجي نذر نذراً على الا يذوق حليب نياقه الا إذا قتل هذلول الشويهري .
قال الشاعر حسين الذنيب:


دونك رجــا فــي ملعب الغانميـنــا=عقب الوجب تذرى عليه السوافـي
هـذا جـزا اللـي مـن شمـام يجينــــا=يـبـي الجمـل ولا الرّكـايـب جـزافي
ومحمـد يسـرى الحمـر مـن يميـنـــا=واستقـرعـه سـتـر البـنـيّ العـفـــافي
فـهـيـد وقــــع بـالـجــرّ يالذاهـبـيـنـــا=مــاخــوذ يــاركــب تـروّح خــفــافي

وبعدها بعام أي عام 1254ه تمكن عقاب العواجي من القبض عليه وقتله للاخذ بالثأر والوفاء بالنذر.
فكان الخبر موجعاً لدى قبيلة شمر حتى رثاه البعض ومنهم الشاعر المعروف رشيد بن طوعان قائلا:


الكبد يبست وايبسه هـم هذلـول=والشرب عــيـا لايــبرد غـليلـه
والراس شاب وشيب القلب هذلول=والـعيـن عــيا لايكمل هميـلـه
البارحه قـامت تنـوح ام هذلـول=مثل الخـلوج اللي تزايـد عـويله
والله فلاجابنـه البيـض هذلـول=مثل الفهد ياطب فـرق الجميلـه
والله فلا يطلع لنا مثـل هذلـول=حـمـاي تـالــي شـمـر بالـدبيله
ليا ركب ريمه على الخيل هذلول=كم عزبه بالقيض يطوي صميله
يامن خـبر نـيــه عــقـابٍ بهذلول=من يذبح البارد وهـو مع دخيله
والله فلا تبـرد مساميـر هذلول=وعقاب ما رزت عليـه النصيلـه
يالله وان ترمـي عـقابٍ بهذلول=يارب يامنطي الـعـطـايـا الجزيلـه

واعتقد ان هذا فيه الدلالة الكافية على مكانة هذلول الشويهري وان الكتاب اخطأ في تحجيمه والتقليل من شأنه .

(ب):- لزام بن صالح المطردي
(ج):- دهيثم بن شامخ العواجي

لقد تجاهلهما الكتاب بالكلية وهما من اشهر فرسان عنزة المعروفين في تلك الفترة وكانا دائماً عن يمين عقاب وشماله في الحروب ,
وقد تأسف عقاب العواجي عليهما بعد اختلاف معهما مما دفعهما للابتعاد عن السير معه بعد موقعة (السعيرة)
بين عقاب ومعه الجعافرة ضد جنود الترك عام 1253ه بسبب الفرم ومن معه من قبيلة حرب .
فندم عليهما عقاب وقال في قصيدته الشهيرة ومنها:


ياعيال ياللي جالسـيـنـن على كـيـف=يامن يـبـاصـرني بحالي من العـــام
حالي كما عودن برتهـا النحـاحيـف=والا كسير العرش مع حــد الاقدام
الـعـام يالـزام نـرعـى مـن الــريـف=واليـوم يـالــزام فـي حــكـم الاروام
صبري قضى ياحيف ياحيف ياحيف=واقصد بها منكـم دهــيـثــم ولــزام

وفي قصيدة الهقاز بعد ظفرة شهادة للفارس لزام المطردي في قوله:


صارت العوجان مآبه تحاريف =مـاغـيــر لزامــاً وخـطــو الغـلامـي
صارت على ذباحة الكبش للضيـف=كـرارة ياخـلـيـف مـابــه كــلامي

وبالرغم من مكانتهما الرفيعة والمهمة في قوة جموع عنزة الا ان الكتاب لم يتطرق لهما لامن بعيد ولا قريب
وهناك العديد غيرهما ولكني اوردت هؤلاء الفرسان الثلاثة المشاهير كنموذج فقط .
فهذا الاهمال العجيب لمجموعة من الفرسان والمشاهير في قبيلتي عنزة وشمر وخلال احداث استمرت قرابة عشرة اعوام
لن يكن منطقياً ولامقبولاً لدى الطرفين ....

(ثالثاً): عدم توضيح الاطراف المتحاربه.
=========================
تكرر في الكتاب الاشارة للمواجهات بأنها بين شمر والعواجية وهذا جعل البعض يعتقد ان جموع عنزة هم الجعافرة فقط
وان بطون شمر متواجدة جميعها وهذا غير سليم بالنسبة للطرفين معاً.

@ جموع شمر :-

ثلاثة بطون من عشيرة الدغيرات وهم ( الغيثه 0 الشريهه 0 التريبان ) وكبارهم مفتاح الغيثي ومبيريك التبيناوي
لغياب ( العليان ) وشيخهم ابن سعيد و( الحسين ) وشيخهم الدوح 0
وعشيرة الاسلم مع شيخهم عدوان بن طواله .
وعشيرة التومان مع شيخهم مسلط التمياط .
والباقي في نجد من عشيرة السويد 0
وبعض الفرسان من اهالي حائل وعددهم ليس بالكبير .
ويشهد لذلك قول سعدون العواجي:

قل صبحتنا اجرودهم مالها اقيـاس=سكن الجبل جانا مع الصبح صايـل
وانا احمد اللي عاضهم كسرة الباس=كــسـيــرة وصـلـــت قـفـار وحـــايـل

فقوله (سكن الجبل) وقوله (قفار) فيه إشاره ولو من بعيد على مشاركة بعض سكان حائل بالرغم من معارضة اميرها صالح بن علي
الذي نهاهم عن المشاركة في حروب البادية .
وكانت القيادة بيد الشيخ فهد بن سلطان بن مطلق الجربا الذي قدم الى نجد جالياً ومعه بعض خاصته0
فقد جاء في كتاب(تاريخ ال محمد الجربا وقبيلة شمر في نجد والجزيره)ص144-145 قوله:

((في حدود عام 1824م-1239ه قام فهد بن سلطان بن مطلق الجربا بقتل بن عمه ظاهر بن فارس الجربا بسبب خلاف
عائلي ومعه صديق له يقال له مزعل ثم نزح إلى جبل شمر وشارك الدغيرات ومن معها من شمر ضد العواجيه من عنزه في ظفره
وكانت بقيادة الشيخ فهد بن سلطان الجربا)).
وهو المقصود بقول التبيناوي:


يتلون ابن سلطان راي وتصريـف=ماسال عن كثـر الخسايـر الياقـام
خـيالـنـا اللي موالف للـزعـانـيـف=مداوي سـقــام للمـنـاعيـر سطـام
من جـيته لديارنا جـالهن عيـف=مثل الحباري من شبى الحر خـرام
مبري نحسة الجوع في جية الضيف=خلا شرايدكم هـجـيـجه اليـا الشام

وأيضا هو المقصود في قول التبيناوي:


ياعـقـاب عقـبـان المنـيـصـب كـثـيـره=أولهـن الـلـي ضـربـك مــع زليغـيـف
جــاك العـقـاب الـلـي جــواد ٍ نـحـيـره=مـعـــه رجـــال ٍ وردوك الميـاهـيـف
الشـيـخ إبــن سلـطـان هــذا بـشـيـره=فـرز الـوغـى ياعجـلّـت باالتحـاريـف
جنك حــرار ٍ من طيور الـجـزيـره=طيورٍ لياراجت على الشيـخ ماشيـف

@ جموع عنزة:-

وكانت ايضاً عدة بطون من قبيلة عنزة بقيادة الفارس عقاب العواجي وقد ذكر بعضها مبيريك التبيناوي
في قصيدته التي توجد فيها على شيوخ الجربان ورحيلهم عن نجد ومنها قوله:


جونا عـيال الـولد مثل الـتـهـامي=رود يريدون الفـياض المعاشـيب
ابـن مـريـخــان تـزبن ردامي=عـقب القسى مافك فرقه من الذيب
جبنا شذى حشوانهم والجـهـامي=مع حلة الـيديان هـم والمغاصيب

وبالنظر لقوله ( عيال الولد ) فالمقصود ولد سليمان وكبارهم الجعافرة والغضاوره
وكذلك ولد علي واشهر شيوخهم الطيار والغبين واليديان وابن سمير .
لكننا لانسلم بمشاركة كافة هذه البطون جميعاً ولكن كانت هناك مشاركة من البعض هنا وهناك .
وهنا ذكر ( اليديان ) كما قلت من ولد علي .
وكذلك ( المغاصيب ) من المنابهة .
وجاء ذكر الشيخ (مظهور بن شامان) كبير البجايدة من السلقاء لقول التبيناوي:
شامت لمظهور اليا ما ذبحناه,,,
وجاء ذكر الشيخ (صلال الشملاني) كبير الشملان في نجد في وقته لقول عقاب العواجي يتوعده بعد ظفره:
يا لعنبوا صلال لابو رجاله,,,لابو رجال مايلوطون صلال
علماً ان هذه الاشعار تجاهلها الكتاب كما هو منهجه في تهميش الكل ولكن بعضها بقيت محفوظة لدى الرواة الثقاة من الطرفين
وقد وجدت نفياً قاطعاً لدى بعض مؤرخي عنزه لمشاركة غير الجعافرة اعتماداً على عدم ذكرهم في ابطال من الصحراء
الا ان المحفوظ من الاشعار في تلك الاحداث تثبت ذلك .

(رابعاً): ربط حجاب مع عقاب في كل شي.
===========================

لقد اعتاد المؤلف ذكر الفارسين عقاب وحجاب العواجي فقط دون غيرهما في كل صغيرة وكبيرة وفي الحل
والعقد والقبول والرفض دون غيرهما كما سبق ان اوردنا من الامثلة .
لكنه لم يذكر او يعرض للفارس حجاب أي موقف بطولي يبرر فيه هذا الربط الدائم مع الفارس عقاب العواجي .
فقد قدم له المديح ووصفه بالفروسية والشجاعة دون أن يذكر للقارئ شيئاً من مواقفه البطولية التي تؤهله لهذه
المكانة وتبرر للقارئ سبب هذا الربط مع عقاب .
فالمؤلف وخلال جميع الاحداث التي وردت في كتابه لم يذكر للفارس حجاب العواجي مبارزة له مع الخصوم ولا مطاردة
ولا كونه رمى هذا او قلع فرس ذاك على عكس مواقف عقاب الشهيرة .
وانا لااقصد التقليل من مكانة حجاب العواجي ولكنني اوضح التناقض والاخطاء التي وردت في الكتاب ,
ولكي ترفع مكانة شخص على غيره فلابد ان تقدم الدليل على ذلك .
فهو إما انه اخطأ في تهميش مواقفه وعدم التطرق لها في الكتاب!!!
او لم تكن له مواقف من هذا القبيل وبذلك سيكون قد أخطأ في تقييمه والربط التام له مع عقاب!
فتهميش فرسان كانت لهم مواقف بطولية وقيلت فيهم الاشعار مع الاشادة بفارس دون ذكر المبررات
سيكون تناقض كبير لايخفى !!

(خامساً):-اسقاط ابيات الشعر الحساسة
==========================

في الكتاب عدة قصائد تاريخية تم اسقاط بعض الابيات ذات الدلالة المهمة والقادرة على توضيح الحادثة بشكل تام.
واذا كان النسيان والسقوط وارد في الاشعار ولدى جميع الرواة في الابيات الكمالية التي لا تمس جوهر القصيدة
ولكنه لن يكن كذلك عندما تكون الابيات المتروكة هي الاساس والزبدة وموضع الشاهد التاريخي من كل القصيدة .

وهذا المثال (1):
اورد الكتاب قصيدة واش العواجي الشهيرة والتي نسبها المؤلف للشيخ سعدون العواجي وهي:


قــالــوا تحـورف قلـت يالربع نجاع=قالوا تـقـيـم وقلـت يالربع ماقـيـم
قالوا عـلامك قـلـت من قل الافزاع=صيحة خلا ماعـندي الا الـهذاريم
والى بغيت الحق من عـفـنهم ضاع=يطـرم علـيـه دايـخ الراس تطريـم
يبعد عن الـقـالات طـقــه بالاصباع=من قـلـة الـلـي يـضـربـه باللهـازيم
(ياخليف من زوداتهم ماانـت جزاع=مالـك هـمــوم غـيـر لم الـمـطاعيم)
ليا صار ماتوفي عميلك من الصاع=ماينـقـعد لك عند حـصن النواهيـم
شبر من الـبـيـدا يعوضك الافـزاع=وسود الليالي يبـعـدنك عن الضيـم

لقد سقط لدى المؤلف او الراوي البيت الخامس الذي بين القوسين!!! فهل سقوطه سهوا ياترى!!!
وبالتدقيق على الابيات نجده في البيت الثالث قد ابدل كلمة (عفنهم) الى (شامخ) ليكون:
(والى بغيت الحق من شامخ ضاع)
في حين ان ذكر ( خليف ) في البيت الخامس سيكون دليلاً على عدم دخولها في موضوع شامخ!!
وانها في موضوع آخر , وهذا يفسد عليه هذا التركيب ولذلك قام المؤلف او الراوي بحذفه!!!!!

اليكم مثال (2):
قصيدة الشيخ سعدون العواجي المؤثرة جداً وهي من ضمن قصائده الرثائية لابنيه عقاب وحجاب وهي:


الله من هـم بكبدي سعرهـا=دلى يمل القلب مل الشواتـي
دلا يمل الكبد واحرق سحرها=وأيبس عروق القلب بأتلى حياتي
من عقب مانا نازح عن خطرها=اليوم بين القين هو والحذاتي
وهي خـانة الدنيا سريع دورها=لو اقبلن ايامـهن مقـفـياتي
ومن عقب مانلبس غرايب شهرها=من فوق قبٍ عندنا مكرماتـي
يوم ان خيال الندم ما قصرهــا=عمن جذت به نفهق الاولاتــي
واليوم طيبنا عن الشيل مرهـا=ياحيف مانستاهل المعسراتــي
حلال عقداتٍ كبارٍ عبرهـــا=وخالق نجومٍ بالسما ساهراتـي
ما مالٍ الا فـارغٍ مـن زبرهـا=ولا حي الا مقتفيه المماتــي
يا رازق اللي مابعشه ذخرهــا=طيور الهوى في قدرتك عايشاتـي
تفرج لمن عيـنه تـزايـد سهرهـا=الطف بنا ياعالم الخافياتــي
ياللي خلقت أقفارها مع بحرهـا=يا من بحكمك تجري الكايناتــي
أوجست من حر الليالي سعرهـا=وذكرت طيب أيامنا الفايتاتــي
ونشدت وين اللي ينثر حمرهــا=وقمت أتذكر وين حروة شفاتـي
اللي الى جاء الخيل خبث كدرها=صوته ذعار القرح الصافناتـي
عقاب السبايا كان جاها ذعرهـا=عوق العديم ومشبع الحايماتـي

وقد رواها المؤلف او الراوي بهذا الشكل وزعم أنها قيلت عندما شعر سعدون بالضيم من شامخ العواجي
وليست بعد مقتلهما فلماذا ياترى!!! وماهو الفرق في كونها قيلت هنا او هناك!!!
وبالتدقيق في القصيدة نجد ان بقيتها تدل على ان العواجية لديهم الخبر والعلم بوصول هايس القعيط بواسطة النذير الشمري
الذي طار لاخواله بالليل نذيراً , واعترف بذلك الشيخ سعدون في بقية القصيدة وهي:


جانا النذير وقال خوذو حذرهـا=سباع الجزيرة يـمكـم عادياتـي
سبـاع كلـنه بالجزيـرة ديـرها=سباع جذبها الصوت قبل المماتي
وهايس ورا الشطين يمي عـبرها=عبر علي بالثـار شـط الفراتـي
بالسربة اللي يوم ربـي نصرهـا=خلوا عيوني بالدجى ساهراتـي

ومع الاطلاع على القصيدة كاملة سيتضح أنها ضمن مراثيه الشهيرة لأولاده وأنها بعد مقتلهم وليست قبله!!
ولكن هذه الزيادة لاتتوافق مع روايته بأن قتلهما كان بالخفاء والغدر!!
لكون الابيات الاربع الاخيرة تثبت وصول الخبر لهم في قوله(جانا النذير وقال خوذوا حذرها)
ولذلك اضطر لحذفها!!!!
ولكون الكثير من ابياتها مشهورة لدى عوام الناس اضطر لاعتمادها وتغيير موضوعها من الرثاء الى شكوى شامخ!!!!
وهذا الذي يدفعنا دائماً للقول بأن التحريف المتعمد مكشوف ولايشبه الخطأ العفوي .
وحتى بدون هذه الزياده لو تمعن القاري للقصيده مثل:
يوم ان خيال الندم ما قصرهــا=عـمن جذت به نفهق الاولاتــي
فهذا يوضح انها معركه وقوله(خيال الندم)يقصد الخيال الذي لحقت فرسه بعقاب
وكان سبب مقتله .

(سادسا):- عدم توضيح نتائج المواجهات:
==========================

كانت احداث الكتاب تشير الى ان جموع عنزة كانت تسير في اتجاه مدينة حائل وخاضت من اجل ذلك المواجهات
الحربية مع جموع شمر ولكنه وبعد عدة مواجهات سكت تماماً عن النتائج التي صارت اليها الامور لدى الطرفين ,
فياترى مالذي جرى بعد ذلك وهل تحقق هدف جموع عنزة ام لا؟
وماهو السبب في عدم المواصلة لتحقيق هذا الهدف؟
وهل تعرضت لهزيمة او تغيير في الاراء لدى قادتها؟
طبعاً حدث انشقاق في صفوف عنزة بسبب مشكلة نتجت بين الجعافرة والغضاورة بسبب جار الغضاورة الشمري
ودفع الطرفين للمواجهة الحربية بينهما , وهذا الانشقاق الداخلي تسبب في ضعف قوة هذه الجموع مع قوة صمود
جموع الخصم في الذود عن ديارهم فكانت هذه الاسباب دافعاً لانتهاء الاحداث كلها ..
ولكن الكتاب لم يتطرق لذلك كله وجعل الامور معلقة لدى القارئ والصورة غير واضحة لديه ..

وخلاصة هذا البحث:
==============
(1):- ان كتاب (ابطال من الصحراء) لن يعطيك الصورة التاريخية الحقيقة لتلك الاحداث لا عن قبيلة عنزة ولا عن قبيلة شمر
بل سيدخل القارئ الحاذق في حيرة واستفهامات دون اجابات مقنعة .
(2):- ان الاشعار المذكورة فيه جرى العبث المتعمد فيها بالحذف والزيادة لتغيير مدلولها التاريخي الحقيقي سواء كان العبث
من المؤلف او من الراوي الذي اعطاه القصيدة .
(3):- ان الكتاب كان منحازاً بشكل فاضح لشيوخ العواجية فقط على حساب الجميع سواء عنزة او شمر فكان يبالغ في تضخيم
انتصاراتهم وتمجيدها ويبرر موقفهم عند الهزيمة او عدم تحقيق الهدف ويختلق لها الاعذار الواهية . مع ان شيوخ العواجية
لهم من المكانة والفروسية مايشهد به الخصوم ويعرفه الجميع وليسوا بحاجة لمحامي او مذيع يرفعهم للشهرة عن طريق التزوير
وتعمد الخلط في الروايات التاريخيه واشعارها الثابته . ومن يحب قبيلة او فارس فهو يستطيع تقديم النفع والمساعدة له بطرق كثيرة
ولا تكون عن طريق بخس الاخرين والعبث في تاريخهم الثابت والموثق والله ولي التوفيق.....